Connect with us

KPT+

ជំងឺភ្នែក ៣ ប្រភេទ គួរប្រយ័ត្នពេលចូលឆ្នាំខ្មែរ ជាពិសេសអ្នកលេងកាំភ្លើងបាញ់ទឹក

បានផុស

នៅ

ក្នុង​ឱកាស​បុណ្យ​ធំៗ ឈប់​សម្រាក​យូរ​ដូច​បុណ្យ​ចូលឆ្នាំខ្មែរ បន្ថែមពីលើការត្រួតពិនិត្យ​គ្រោះថ្នាក់ និង​សុវត្ថិភាពក្នុងការធ្វើដំណើរ គ្រោះថ្នាក់​ដល់​សុខភាព​ពី​ការ​លេង​ទឹក​ក៏​ជា​រឿង​មួយ​ទៀត​ដែល​ត្រូវ​ប្រយ័ត្ន​ដែរ។ ប្រសិនបើទឹក​ចូល​ភ្នែក​អាចបង្កឲ្យ​មានជំងឺផ្សេងៗ ព្រោះ​ទឹក​ដែល​ហូរ​មក​ បើវាមិន​ស្អាត​នោះ​នឹងមានការចម្លងមេរោគដូចជា បាក់តេរី មេរោគផ្សិត ក៏ដូចជាភាពមិនស្អាតផ្សេងៗដែលអាច​បង្ក​ឲ្យមាន​បញ្ហា​ភ្នែក​ដូច​ជា​រលាក​ភ្នែក ដំបៅ​ក្នុង​កែវភ្នែក និង​ជំងឺ​ក្រិន​ភ្នែក​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលគួរ​ប្រយ័ត្ន​ជាង​នេះ​ក្នុង​រឿង​លេង​ទឹក​ នោះគឺថាយើងមិនអាចដឹងថាទឹកដែលលេងនោះ​ តើអ្នកយកវា​មកពីណា? វា​អាច​មាន​មេរោគ ឬ​ភាព​កខ្វក់​ក្នុង​ទឹក​ដែល​អាច​បង្កឲ្យ​មាន​មេរោគ​ភ្នែក​​​ មិន​ថា​ជា​ជំងឺ​ភ្នែក​ឡើង​បាយ ហើយឱកាសនៃការកើត​ជំងឺ​ភ្នែក​៣​ប្រភេទ នឹងកើតមានក្នុងកំឡុងង​ពេល​បុណ្យចូលឆ្នាំខ្មែរ។

១ ភ្នែក​ក្រហម មូលហេតុនៃភ្នែកក្រហម​គឺបណ្តាលមកពីវីរុស ឬបាក់តេរី ប៉ុន្តែទូទៅ​គឺមកពីវីរុសដែលអាច​រលាកនៃ conjunctiva រោគសញ្ញាដែលបានរកឃើញគឺភ្នែកក្រហមនិងហើម​ផ្នែក​ពណ៌ស វាអាចជាឯកតោភាគី ឬទ្វេភាគី។ ដូច្នេះហើយ ត្រូវលាងដៃឲ្យស្អាត​ មុននឹងប៉ះភ្នែក។ បន្ទាប់មក​ព្យាយាម​សង្កេតមើល​រោគសញ្ញា​រយៈពេល ១-២​ថ្ងៃ បើ​មិន​ធូរស្រាល​ទេ គួរ​ទៅ​ជួប​គ្រូពេទ្យ​ជាបន្ទាន់​។

២ ដំបៅនៃកែវភ្នែក កែវភ្នែកគឺជាផ្នែកខាងមុខបំផុតនៃគ្រាប់ភ្នែក ងាយនឹងប៉ះនិងឈឺចាប់ ដំបៅ​នៃ​កញ្ចក់​ភ្នែក​គឺ​បណ្ដាល​មក​ពី​ផ្សិត និង​បាក់តេរី។ ប៉ុន្តែនៅទីនេះយើងនឹងផ្តោតជាសំខាន់លើបាក់តេរី ព្រោះវាជាការបង្ករោគក្រោយគ្រោះថ្នាក់ភ្នែក ដែលបណ្តាល​ឲ្យ​មានរបួសដល់កែវភ្នែក ដូចជាធូលី សារធាតុគីមី សារធាតុកខ្វក់ដែលចូលក្នុងភ្នែក រួមទាំងការត្រដុសភ្នែកយ៉ាងខ្លាំងក្លា។ សំខាន់សម្រាប់អ្នកដែលពាក់ Contact Lenses។ បើ​មិន​បាន​រក្សា​ភាព​ស្អាត​ទេ ដំបៅ​កញ្ចក់​ភ្នែក​អាច​នឹង​កើត​ឡើង។ រោគសញ្ញា​ដែល​បាន​រក​ឃើញ​រួម​មាន ភ្នែក​ក្រហម ឈឺ​ភ្នែក ក្រហាយ​ភ្នែក ភ្នែក​មិន​ច្បាស់ ទឹក​ភ្នែក ភ្នែក​ខ្សោយ និង​មាន​ពពក​នៅ​ក្នុង​កញ្ចក់​ភ្នែក។ បើមុខរបួស​តូច វាអាចនឹងជា​សះស្បើយក្នុងរយៈពេលមួយសប្តាហ៍ ប៉ុន្តែ​បើមុខរបួសជ្រៅខ្លាំង វាអាច​កាត់បន្ថយ​ការមើលឃើញដែលនាំឲ្យយើងគួរ​ទៅ​ជួប​គ្រូពេទ្យ​ជា​បន្ទាន់។ ដូច្នេះហើយ ចូរប្រយ័ត្នចំពោះ​ធូលី ឬសារធាតុគីមីដែលបំពុលទឹកចូលទៅក្នុងភ្នែក​របស់អ្នក។

៣ ជំងឺ​ភ្នែក​ឡើង​បាយ ជំងឺ​ភ្នែក​ឡើង​បាយ បណ្តាលមកពីការឆ្លងបាក់តេរី ឬការស្ទះនៃក្រពេញត្របកភ្នែក ហើយ​ការ​បង្ក​រោគ​កើត​ឡើង។ ជារឿយៗបណ្តាលមកពីការត្រដុសភ្នែកញឹកញាប់ ធ្វើឲ្យ​ត្របកភ្នែកមិនស្អាត រួម​បញ្ចូល​ទាំង​ការ​បញ្ចូល ឬ​ដក​កែវ​ភ្នែក​ចេញ​ដោយ​ដៃ​មិន​ស្អាត។ រោគសញ្ញាដែល​បាន​រក​ឃើញ​គឺ ពងបែក​ហើម ក្រហម ឬ​មាន​ខ្ទុះ​នៅ​លើ​ត្របកភ្នែក​ខាងលើ ឬ​ខាងក្រោម មាន​ទឹករំអិលភ្នែកពណ៌បៃតង។ ទន្ទឹមនោះ បើ​មាន​បញ្ហា​មិន​ប្រក្រតី​កើតឡើង អ្នក​គួរតែ​ទៅ​ជួប​គ្រូពេទ្យ​ភ្លាម​ដើម្បី​ពិនិត្យ​ថា តើ​ចាំបាច់​ត្រូវ​ចាក់​ចោះ​ឬ​អត់​។ សំខាន់​ជាង​នេះ​ទៅ​ទៀត អ្នក​គួរតែប្រយ័ត្នកុំ​ឲ្យ​ប៉ះត្របកភ្នែករបស់អ្នកដោយដៃទទេរឲ្យសោះ។

យ៉ាងណាមិញ ក្នុង​ថ្ងៃ​ចូលឆ្នាំខ្មែរ​ប្រសិនបើចង់ឲ្យដំណើរ​កម្សាន្តមួយនេះ​នាំតែ​ភាព​រីករាយ​និង​សុវត្ថិភាព ​អ្នក​គួរ​គប្បី​ធ្វើ​តាមវិធីខាងក្រោមដើម្បីជួយឲ្យ​ឆ្ងាយពីជំងឺភ្នែក។

-បើប្រើកាំភ្លើងបាញ់ទឹកលេង មិនគួរបាញ់​ដោយផ្ទាល់ទៅតំបន់ភ្នែកទេ។

-អ្នកគួរតែរកវ៉ែនតា​មកពាក់ ដើម្បីការពារ។

-ប្រសិនបើអ្នកមានបញ្ហាភ្នែក អ្នកគួរតែពាក់វ៉ែនតាជំនួសឲ្យ​ការពាក់ Contact Lens ពេលហែលទឹក។

-ប្រសិនបើអ្នកឃើញទឹកមិនស្អាត ឬមានអ្វីមួយ​ចូលភ្នែក សូមលាងភ្នែក​ជាមួយ​នឹងទឹកស្អាតភ្លាម។

-លាងដៃរបស់អ្នក​រាល់ពេលដែល​ប៉ះភ្នែក។

-ក្រោយ​លេង​ទឹក អ្នក​គួរ​សង្កេត​ភ្នែក​មើល​ថា​មាន​អ្វី​ខុស​ប្រក្រតី​ឬ​អត់។ បើដូច្នេះ ត្រូវស្វែងរកការព្យាបាលជាបន្ទាន់៕

អត្ថបទ៖ សាង ស្រីល័ក្ខ

ចុចអាន៖ក្រសួងហាមលេងជះទឹក និងប៉ាតម្សៅតាមសាលារៀន ដើម្បីសុវត្ថិភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៩ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៩ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១០ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១០ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម