តាមរយៈសារ លោក សាន ផានិត បានរំលឹកអនុស្សាវរីយ៍បទចម្រៀងមួយបទ ដែលធ្វើឱ្យលោកនឹកឃើញដល់មិត្តភក្តិរួមជំនាន់ម្នាក់ គឺនាយ ទុយ ដែលជាបុគ្គលដែលមានប្រជាប្រិយភាពយ៉ាងខ្លាំងនៅចុងទសវត្សរ៍៨០ ដល់ថ្នាក់អាចប្រៀបធៀបទៅនឹងឥទ្ធិពលរបស់ វណ្ណដា ក្នុងសម័យបច្ចុប្បន្នបាន។ លោកថា “ស្តាប់បទហ្នឹងនឹកអាពួកម៉ាកម្នាក់ហ្នឹងធ្លាប់បាត់ម៉ូតូអាឆាលី៨៤ នៅផ្សារចាស់ជាមួយគ្នា ចេញពីផ្សារថ្មីផ្ទះអ្នកគ្រូ គង់ ណារី ឆ្នាំ១៩៩១ និយាយមែនជំនាន់នោះ ទសវត្សរ៍៩០ កុំតែមានកង់មីគីទៅឆ្វៀលវាទេ ម្ល៉េះនោះ គ្មានឱកាសបានរាប់អានវាទេ ចុងទសវត្សរ៍៨០ ដូច Vanda ឥឡូវហ្មង! នាយទុយ ជាន់ផ្អៀង” ។

ការលើកឡើងរបស់តារាចម្រៀងជើងចាស់រូបនេះ បានធ្វើឱ្យសាធារណជន និងអ្នកសិល្បៈជាច្រើន បង្ហាញការគាំទ្រនិងនឹករលឹកជាខ្លាំងដល់អតីតពិធីករ នាយ ទុយ ខណៈកន្លងមកពិធីកររូបនេះបានបាត់វត្តមានពីអាជីពសិល្ប:យូរឆ្នាំហើយ។ ប្រាកដណាស់ កាលពីនៅប្រឡូកអាជីពសិល្ប:នាយ ទុយ គឺជាពិធីករដ៏មានប្រជាប្រិយភាពនិងទទួលបានការគាំទ្រច្រើនពីសំណាក់ទស្សនិកជនទៀតផង។

លោក អុឹង រដ្ឋា ហៅនាយ ទុយ គឺជាអតីតពិធីករ និងអ្នកសិល្បៈដ៏ល្បីល្បាញមួយរូបនៅកម្ពុជា អំឡុងទសវត្សរ៍៨០ និងជាអតីតពិធីករដ៏ឆ្នើមផងដែរប្រចាំស្ថានីយទូរទស្សន៍ CTN ដែលត្រូវបានទស្សនិកជនទទួលស្គាល់យ៉ាងទូលំទូលាយតាមរយៈវោហាសព្ទ កំប្លុកកំប្លែងបង្កើតបរិយាកាសសប្បាយរីករាយ ទាក់ទាញទស្សនិកជននៅតាមកម្មវិធីប្រគំតន្ត្រី និងព្រឹត្តិការណ៍កម្សាន្តធំៗ។

ដោយសារតែភាពប៉ិនប្រសប់ក្នុងការនិយាយ និងប្រកបដោយភាពរួសរាយរាក់ទាក់ នាយ ទុយ បានក្លាយជាសិល្បករលេចធ្លោម្នាក់ និងមានអ្នកគាំទ្រយ៉ាងច្រើន ខណៈឈ្មោះរបស់លោកតែងតែត្រូវបានលើកឡើងជាមួយតារាសិល្បៈល្បីៗជាច្រើននៅជំនាន់នោះ។ យ៉ាងណាក្រោយទទួលបានភាពជោគជ័យក្នុងវិស័យសិល្បៈ លោកបានសម្រេចចិត្តដកខ្លួនចេញពីពិភពសិល្បៈ និងផ្តោតសំខាន់ទៅលើការសិក្សា។ បើតាមការឱ្យដឹងពីមិត្តភក្តិជិតស្និទ្ធនាពេលនោះ លោកបានបន្តការសិក្សារហូតទទួលបានសញ្ញាបត្រអនុបណ្ឌិត និងកសាងជីវិតការងារយ៉ាងជោគជ័យនៅក្នុងសង្គមឡើងវិញ ហើយក៏ដើរពីសិល្បៈម្តងទៀតរហូតដល់បច្ចុប្បន្ននេះ៕ ដោយ៖ ចាន់រ៉ា

The post សាន ផានិត រំលឹកអតីតកាលដ៏ល្បីល្បាញ នាយ ទុយ កាលពីចុងទសវត្សរ៍៨០ ថាមិនចាញ់ វណ្ណដា ឥឡូវឡើយ appeared first on Kampuchea Thmey Daily.

លោក សាន ផានិត បាននិយាយថា ដោយសារតែបញ្ហានេះហើយទើបធ្វើឱ្យវិស័យភាពយន្តបច្ចុប្បន្ន ហាក់មានការប្រែប្រួលខុសពីកាលសម័យពីដើម ពោលគឺជំនាន់ដែលលោកធ្លាប់សម្តែងកន្លងមក។ ក្នុងនោះតារាចម្រៀងរូបនេះ ក៏លើកឡើងពីបទពិសោធមួយចំនួនធ្លាប់ឆ្លងកាត់ផងដែរ។

លោក សាន ផានិត បានរៀបរាប់ភ្ជាប់វីដេអូថា មិនអាចរីកចម្រើនទេ តួនិយាយតាមអានដដែលៗ កាលបងលេងរឿងចាម ចិន២០ឆ្នាំ មុនបងលេងតាមប៉ារ៉ូលយល់ហាត់សមឱ្យហើយហក់ចូលលេងហ្មងលើកដាក់ពាក្យពេចន៍ ដង្ហើមជាក្រៀមអារម្មណ៍ក្រៀមភាសាលើសខ្វះខ្លួនឯងតែម្តង។

លោក សាន ផានិត បន្តទៀតថាបងយល់អារម្មណ៍មួយនេះអ្នកដឹកនាំ និងតួលេងតាមប៉ារ៉ូលលក្ខណ:ខ្លាចអ្នកកាត់តបន្ទោសលើសខ្វះពាក្យប្រយោគមុខក្រោយផ្ទៀងក្រដាសកាត់តពិបាក បើនៅតែខ្លាចចិត្តគ្នាពីផ្នែកមួយទៅផ្នែកមួយទៀតរហូតមក វិស័យមួយនេះមិនអាចទៅមុខរួចទេ នៅតែជារូបភាពល្ខោននិយាយគ្មានទីបញ្ចប់៕ អត្ថបទ៖ ចាន់រ៉ា

The post សាន ផានិត ដាក់ចំៗរឿងវិស័យភាពយន្តបច្ចុប្បន្ន ខណៈការដឹកនាំសម្តែងខ្លះលេងតាមប៉ារ៉ូលរបស់អ្នកកាត់ត appeared first on Kampuchea Thmey Daily.

តារាចម្រៀងជើងចាស់លោក សាន ផានិត ដែលបច្ចុប្បន្នមានវ័យច្រើនបន្តិចហើយនោះ បាននិយាយថា រឿងដែលលោកចង់ឃើញពេលនេះឬថ្ងៃខាងមុខ គឺសុំត្រឹមរាល់បទចម្រៀងរបស់ខ្លួននៅមានជីវិតក្នុងចិត្តមហាជនទៅបានហើយ។លោកថា លោកគ្មានមហិច្ចតាកាច់កុងប្រជែងធ្វើស្តេចចម្រៀងទេ។

តារាចម្រៀងធ្លាប់ល្បីឈ្មោះតាមរយ: “ទូរស័ព្ទប្រាប់ផង” និងបទ”ជាប់រវល់” លោក សាន ផានិត បានបញ្ជាក់ថា ត្រឹមតែជាអ្នកធំនិងរាល់បទចម្រៀងនៅមានជីវិតនៅឡើយក្នុងចិត្តមហាជនខ្លះទៅបានហើយ គ្រប់គ្រាន់ហើយ ! ។

លោក សាន ផានិត និយាយទៀតថា “អស់លោកជំនាន់ចាស់ ជំនាន់ថ្មីនៅមានមហិច្ចតាកាច់កុងប្រណាំងប្រជែងគ្នាធ្វើស្តេចចម្រៀងអ្វីធ្វើទៅ ខ្ញុំសុំសំងំនៅឆ្ងាយពីពិភពគុនដ៏អស្ចារ្យមួយហ្នឹងហើយ ពាក្យដែលខ្ញុំធ្លាប់និយាយថាខ្ញុំកើតមកដើម្បីតែមនោសញ្ជេតនានិងសិល្ប:មួយនេះ សិល្ប:បានឱ្យលទ្ធផលតបមកដល់ខ្ញុំវិញវាលើសលប់ពេកហើយ ខ្ញុំមានសំណាងពេកហើយនៅលើលោកនេះ”។

លោក សាន ផានិត ធ្លាប់បានចេញមករម្លឹកពីរឿងអតីតកាលរបស់ខ្លួនប្រាប់អ្នកគាំទ្រកាលពីថ្មីៗនេះថា លោកធ្លាប់ត្រូវបា នប្រពន្ធបញ្ចូនឱ្យចូលវត្តស្វែងរកផ្លូវធម៌ប្រមាណជា ៤ឆ្នាំ ដោយមិននឹកស្មានជីវិតអាចមានថ្ងៃនេះវិញឡើយ៕ អត្ថបទ៖ ចាន់រ៉ា

The post សាន ផានិត ថា ខ្លួនគ្មានមហិច្ចតាកាច់កុងប្រជែងធ្វើស្តេចចម្រៀងទេ appeared first on Kampuchea Thmey Daily.

លោក សាន ផានិត បាន​ប្រៀបធៀប​រវាង​អតីតកាល​របស់​ខ្លួន និង​ខ្សែ​ជីវិត​អតីត​តារា​រ៉េប RuthKo ដែល​ទើប​ចែកឋាន​ថ្មីៗ នេះ​ថា «RuthKo ម្តាយ​បញ្ជូន​ទៅ​បារាំង ដើម្បី​ផ្លាស់ប្ដូរ ខ្ញុំ​មុន​រៀបការ​ប្រពន្ធ​បញ្ជូន​ទៅ​វត្ត​ស្វែងរក​ផ្លូវធម៌ Ruthko ប្រហែល ៣ ឆ្នាំ ខ្ញុំ​ប្រហែល ៤ ឆ្នាំ»។

តារា​ចម្រៀង​លោក សាន ផានិត បន្ត​ទៀត​ថា លោក​ចាំ​បាន​គឺ​វា​បាន​រលាយ​ហិនហោច​ខ្ទេចខ្ទី សូម្បី​តែ​ជីវិត​ក៏​មិន​ដែល​បាន​គិត​ថា​មាន​ថ្ងៃមួយ​នេះ ពេលនេះ ម៉ោង​នេះ បាន​កំពុងតែ​អង្គុយ​ស៊ែរ និង​សរសេរ Caption បន្ត​អ៊ីចឹង​ដែរ …។

លោក សាន ផានិត និយាយ​ថា «ស្តាប់​ទៅ​ខ្ញុំ​ក៏​មិន​ស្តាយ​ក្រោយ​ដែរ ដោយសារ​ពួក​យើង​អាច​ដើរ​ចេញ​ពី​របត់​មួយ​នោះ​បាន និង​ហ៊ាន​និយាយ​ត្រង់​យក​វា​ជា​បទ​ពិសោធ​ចែករំលែក​មកទល់​សព្វ​ថ្ងៃ អ្វី​ដែល​ខ្ញុំ​នៅ​ស្តាយ និង​អាណិត​តែ​ម្យ៉ាង​គត់​អាណិត​ស្តាយ​មនុស្ស​ជុំវិញ​ខ្លួន​មួយ​ចំនួន​នៅតែ​បន្ត​ប្រមាថ​រើសអើង​ខ្សឹបខ្សៀវ​បន្ត​គិត​អវិជ្ជមាន សូម្បី​តែ​ខ្ញុំ​ពេលនេះ​ម៉ោង​នេះ​បន្ទាប់​ពី ១០ ឆ្នាំ កន្លង​ផុត»។

សូម​រម្លឹក​ដែរ​ថា កាលពី​ថ្មីៗ នេះ​ដែរ តារា​ចម្រៀង​លោក សាន ផានិត បាន​ប្រតិកម្ម​សម្ដែង​ការ​ហួស​ចិត្ត និង​ខកចិត្ត​ជា​ខ្លាំង ក្រោយ​មាន​ការ​វែកញែក​រឿង​អតីតកាល​របស់​ខ្លួន បន្ទាប់ពី​លោក​បាន​បង្ហោះ​រូប ១ សន្លឹក រម្លឹក​រឿង​អតីតកាល​ខ្លួន​ផង​នោះ៕

អត្ថបទ ៖ ចាន់រ៉ា

The post សាន ផានិត រម្លឹករឿងមុនរៀបការធ្លាប់ចូលវត្តស្វែងរកផ្លូវធម៌ ៤ ឆ្នាំ ដោយមិននឹកស្មានជីវិតមានថ្ងៃនេះ appeared first on Kampuchea Thmey Daily.

ទន្ទឹមគ្នានេះ ក៏មានការបញ្ចេញមតិដោយការលើកឡើងផ្សេងៗគ្នាអំពីផ្សារចម្រៀងនាពេលបច្ចុប្បន្នផងដែរ ខណ:មានមតិមួយចំនួនយល់ថា ជាការប្រកួតប្រជែងដើម្បីទាញយកការគាំទ្រ (Views) ពីសំណាក់មិត្តៗយុវវ័យព្រមទាំងមជ្ឈដ្ឋានមហាជន។ ដោយឡែក សម្រាប់តារាចម្រៀងជើងចាស់ដែលអាចចាត់ទុកជាគ្រូ ឬរៀមច្បងសិល្ប:លោក សាន ផានិត បានបញ្ចេញទស្សន:ខ្លីថា ជំនាន់មុនបើដូចឥឡូវប្រហែលអាចទទួលបាន Views 11លានដង ក្នុងពេល ២៤ម៉ោង។

តារាចម្រៀងម្ចាស់បទ “ជាប់វល់” គឺលោកសាន ផានិត បានលើកឡើងជាទស្សន:ដោយខ្លីថា “ជំនាន់មុនបើដូចឥឡូ ឪប្រហែលអាចទទួលបាន Views 11 លានដង24/1 ជួបឪស្គាល់ឪផង”។

ការលើកឡើងរបស់លោក សាន ផានិត នេះ ត្រូវបានគេយល់ថាអាចជាការពិតព្រោះជំនាន់លោក និងតារាចម្រៀងជើងចាស់ឯទៀត គឺមានបទល្បីៗជាច្រើន ប៉ុន្តែគ្រានោះនៅពុំទាន់មានបណ្តាញសង្គមប្រើប្រាស់ដូចពេលបច្ចុប្បន្នឡើយ។ តាមការសង្កេតឃើញបច្ចុប្បន្ននេះ សង្គ្រាមរ៉េបហាក់មានកំដៅផ្ទុះឡើងវិញ បន្ទាប់ពីតារារ៉េបល្បីឈ្មោះ២រូបចាប់ផ្តើមកម្រើកទីផ្សារក្នុងពេលថ្មីៗនេះ៕ អត្ថបទ៖ ចាន់រ៉ា

The post សាន ផានិត ៖ ជំនាន់មុនបើដូចឥឡូវប្រហែលអាចទទួលបាន Views 11លានដងក្នុងពេល២៤ម៉ោង appeared first on Kampuchea Thmey Daily.

លោក សាន ផានិត បាននិយាយថា ២៤ម៉ោង ផុសទៅក៏ផ្អើលរឿងអតីត ផ្អើលការចងចាំ តាមខមមិនរាប់រយពាន់អនុស្សារីយ៍ដល់ស្ទើរតែរាល់អ្នកវ័យកណ្តាលសព្វថ្ងៃ ដោយសារតែរូបមួយសន្លឹក និងCaption នេះ មានតែលោក ២-៣នាក់ បញ្ចេញមតិមិនឌៀមដាមបទ Copy ។

លោក សាន ផានិត បន្តទៀតថា សំណួរសួរថា បើអ្នកទាំងឡាយត្រឡប់ទៅសមយ័កាលនោះ ៣០ឆ្នាំមុន តើអ្នកមានលទ្ធភាពបង្កើត Original song (Solo Album ច្រៀងម្នាក់ឯង) ឱ្យផ្អើលយុវវ័យជំនាន់នោះបានឬអត់ បង្កើតក្តីស្រមៃដល់យុវជនសម័យនោះខ្លះក៏បានក្លាយជាអ្នកល្បីៗពេលនេះខ្លះបានទេ។

តារាចម្រៀងរូបនេះ ក៏បានរំលឹកពីកំពូលតារាចម្រៀងងារជាឧកញ៉ាមួយរូបផងដែរថា “សម្បីតែប្អូន ខេមរ: សិរីមន្ត ប្រឡង Nesle’ ជាប់ភ្លាម ក៏ធ្លាប់បានសម្ភាសវិទ្យុ FM 103.5 ជាង២០ឆ្នាំមុនដែរ ប្អូនបានសារភាពបង្ហើបក្តីស្រមៃប្អូនតាំងពីតែតូចផ្តើមស្រលាញ់វិស័យមួយនេះ ក៏ដោយសារតែបងសាន ផានិត និងបង ព្រាប សុវត្ថិ ជានិមិត្តរូបផងដែរ ចុះអស់លោ ករិះគន់សើចចំអកខ្ញុំពីរឬបីនាក់ហ្នឹង តើអស់លោកមានបានក្លាយជា idol បង្កើតក្តីស្រមៃជូនដល់បុគ្គលជោគជ័យណាមួយ? ៕ អត្ថបទ៖ ចាន់រ៉ា

The post លោក សាន ផានិត ប្រតិកម្មតបទៅអ្នករិះគន់អតីតកាលនៃអាជីពចម្រៀងរបស់ខ្លួន appeared first on Kampuchea Thmey Daily.

តារា​ចម្រៀង​ម្ចាស់​បទ​”​ជាប់​រវល់​” លោក សាន ផានិត បាន​បកស្រាយ​ទៅកាន់​លោក ពែកមី ថា ការ​ដែល​លោក​ច្រៀង​បែប​កន្ត្រាក់ៗ របៀប​ចង់​ដាច់ខ្យល់ វា​គឺជា​ស្តាយ៍​របស់​លោក​ទេ ទៀតសោត គឺ បទ​ខ្លះ លោក​ចូលចិត្ត​ច្រៀង​ស្តាយ៍​បែបនេះ។ ម្យ៉ាងទៀត បើ នាយ ពែកមី មិន​ទាន់​អស់ចិត្ត​ទេ អាច​ច្រៀង​បទ​មរតក​ដើម​ផ្ទាល់ៗ ១ ឃ្លា ម្នាក់ តើ​អ្នកណា​មួយ​អឿន​រលាក់​បាន​វែង​ជាង?។

លោក សាន ផានិត បញ្ជាក់​ថា “ខ្ញុំ​សូម​ផ្តាំ​ទៅ​ប្អូន ពែក មី វិញ​ផង វា​ជា​ស្តាយ៍​បង ណា ១ បទ ប៉ុប​រ៉ុក​មិន​អាច​រលាក់​អឿន​គ្រប់​រាល់​ចុង​ឃ្លា និង​ពាក្យ​រហូត​បាន​ទេ បង​បាន​ជ្រើសរើស​ស្តាយ៍​ខក់ៗ ផ្តាច់​ចុង​ពាក្យ​ដូច​ដាច់ខ្យល់ និង​តម្អូញ​ជា​ភាព UNIQE ដាច់​ដោយឡែក​របស់​បង​តើ​ដូច្នេះ​បង​ចង់​បបួល​ប្អូន​អឿន​រលាក់​បទ​មរតក​ដើម ផ្ទាល់ៗ ១ ឃ្លា ម្នាក់ អ្នកណា ១ អឿន​រលាក់​បាន​វែង​ជាង”។

តារា​ចម្រៀង​ជើងចាស់​លោក សាន ផានិត និយាយ​ទៀត​ថា លោក​ចង់​រំលឹក​ថា លោក​ធ្លាប់​ជាប់​ពាន​បទ ស៊ិន ស៊ីសាមុត ថ្នាក់​ជាតិ ២ ដង ក្នុង​កំឡុង​ឆ្នាំ ៩៣ ឯ ឆ្នាំ ៩១ ក៏​ធ្លាប់​ជាប់​លេខ ៥ ជាមួយ លោក ព្រាប សុវត្ថិ នៅ​សាលា​បឋមសិក្សា​ជ័យជំនះ។ កាលនោះ ព្រាប សុវត្ថិ បាន​លេខ ១ បទ​ពី​ដើម​ដូចគ្នា ជាប់​ក៏ដោយសារ​ចេះ​អឿន​ហ្នឹងហើយ តែ​ដូចជា​នាយ ពែកមី គ្រាន់តែ​កំប្លែង​លេង៕

អត្ថបទ ៖ ចាន់រ៉ា

The post សាន ផានិត បបួល ពែកមី ច្រៀងបទមរតកដើម តើនរណាអឿន ឬ រលាក់ បានវែង? appeared first on Kampuchea Thmey Daily.

ទន្ទឹមគ្នា នៃ​រឿងរ៉ាវ​នេះ​កំពុង​ផ្ទុះ​ការ​ចាប់អារម្មណ៍ ស្រាប់​តែ​តារា​ចម្រៀង​លោក សាន ផានិត បាន​ចេញ​មក​ទម្លាយ​ការ​ពិត​អតីតកាល​របស់​លោក ជា សារ៉ន ធ្លាប់​ជា​សង្ឃ​នៅ​វត្ត​មួយ នៃ​ខេត្ត​កំពត។

លោក សាន ផានិត បាន​លើក​ឡើង​ថា «ឧកញ៉ា​ម្នាក់​នេះ ធ្លាប់​ធ្វើ​ព្រះចៅ​អធិការ​វត្ត​នៅ​វត្ត “​ល្បើក​” ស្រុក​ឈូក ខេត្ត​កំពត បាន​ដើរ​បោក​ពលរដ្ឋ​រាប់​រយ​គ្រួសារ មុខរបរ​ប្រឡាក់​ឈាម​រាស្ត្រ​ទៅ​ហើយ ចុះ​ទម្រាំ​តែ​ឧកញ៉ា​ខ្លះ​ចេញពី​ក្មេង​ពាល​មិន​ទាន់​ជ្រុះ​ពន្លៃ​ពី​លើ​ក្បាល បាន​សាង​ស្នា​អ៊ី​គេ​នុង​ជូន​ជាតិ»។

តារា​ចម្រៀង​លោក សាន ផានិត និយាយ​ទៀត​ថា «ខ្លះ​ចេញពី​ត្រកូល​អភិជន ឪ​ម៉ែ​មាន​លុយ​ស្រាប់ និង​កត្តា​ផ្សេងៗ​គរ​ដូច​ភ្នំ (២៨០០ នាក់ផ្លាយ​) តែ​ត្រឹម​ម្សៅ​ប៉ាត​មុខ និង​កាំភ្លើង​បាញ់​ទឹក​ចូលឆ្នាំ​ក៏​គ្មាន ឧកញ៉ា​ណា​មួយ​ផលិត​វា​ចេញ​ក្នុង​ស្រុក​បាន​ដែរ ចេញ​តែ​ដី​ឡូត៍ ផ្ទះល្វែង​ងាយៗ ជាន់ក​គ្នា​នឹង។ ទទួល​ស្គាល់​ឧកញ៉ា​ខ្លះ​ក៏​គេ​ល្អ មាន​ទាំង​ដាក់​ឈ្មោះ​ដង​ផ្លូវ តាម Google ទៀត»។

លោក សាន ផានិត លើកឡើង​បន្ថែម​ថា «មិន​អត់​ប្រយោជន៍​ទាំងអស់​នោះ​ទេ តែ​សម្រាប់​ខ្ញុំ ឧកញ៉ា​ភាគច្រើន​វា​គ្មាន​តម្លៃ​អ្វី​ឡើយ កុំ​ឡើយ​សូម្បីតែ​យក​មក​ប្រៀបធៀប សូមទោស​ផង»។

សូម​ជម្រាប​ដែរ​ថា លោក​ឧកញ៉ា ជា សារ៉ន ត្រូវ​បាន​ប្រជាពលរដ្ឋ​រស់នៅ​ក្នុង​ខេត្ត​កំពត​រាប់​រយ​គ្រួសារ បាន​ផ្ទុះ​ការ​តវ៉ា​យ៉ាង​ខ្លាំង ពាក់ព័ន្ធ​ករណី​ចាញ់​បោក​ឧកញ៉ា​រូប​នេះ៕

អត្ថបទ ៖ ចាន់រ៉ា

The post សាន ផានិត ទម្លាយការពិតឧកញ៉ា ជា សារ៉ន ជានរណា? appeared first on Kampuchea Thmey Daily.