ជីវិតកម្សាន្ដ

សាន ផានិត បបួល ពែកមី ច្រៀងបទមរតកដើម តើនរណាអឿន ឬ រលាក់ បានវែង?

បានផុស

២ years មុន

នៅ

ថ្ងៃព្រហស្បតិ៍ ១៨ កក្កដា ២០២៤

ដោយ

បន្ទាប់ពីតារាកំប្លែងលោក ចែម ចាន់រ៉ា ហៅ ពែកមី បានរិះគន់តារាចម្រៀងរៀមច្បងលោក សាន ផានិត ជុំវិញសំឡេងច្រៀងគ្មានអឿន ឬ រលាក់បានវែងនោះ ស្រាប់តែលោក សាន ផានិត ចេញមុខឆ្លើយតបភ្លាមៗ ព្រមទាំងបបួលច្រៀងផ្ទាល់ទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងម្ចាស់បទ”ជាប់រវល់” លោក សាន ផានិត បានបកស្រាយទៅកាន់លោក ពែកមី ថា ការដែលលោកច្រៀងបែបកន្ត្រាក់ៗ របៀបចង់ដាច់ខ្យល់ វាគឺជាស្តាយ៍របស់លោកទេ ទៀតសោត គឺ បទខ្លះ លោកចូលចិត្តច្រៀងស្តាយ៍បែបនេះ។ ម្យ៉ាងទៀត បើ នាយ ពែកមី មិនទាន់អស់ចិត្តទេ អាចច្រៀងបទមរតកដើមផ្ទាល់ៗ ១ ឃ្លា ម្នាក់ តើអ្នកណាមួយអឿនរលាក់បានវែងជាង?។

លោក សាន ផានិត បញ្ជាក់ថា “ខ្ញុំសូមផ្តាំទៅប្អូន ពែក មី វិញផង វាជាស្តាយ៍បង ណា ១ បទ ប៉ុបរ៉ុកមិនអាចរលាក់អឿនគ្រប់រាល់ចុងឃ្លា និងពាក្យរហូតបានទេ បងបានជ្រើសរើសស្តាយ៍ខក់ៗ ផ្តាច់ចុងពាក្យដូចដាច់ខ្យល់ និងតម្អូញជាភាព UNIQE ដាច់ដោយឡែករបស់បងតើដូច្នេះបងចង់បបួលប្អូនអឿនរលាក់បទមរតកដើម ផ្ទាល់ៗ ១ ឃ្លា ម្នាក់ អ្នកណា ១ អឿនរលាក់បានវែងជាង”។

តារាចម្រៀងជើងចាស់លោក សាន ផានិត និយាយទៀតថា លោកចង់រំលឹកថា លោកធ្លាប់ជាប់ពានបទ ស៊ិន ស៊ីសាមុត ថ្នាក់ជាតិ ២ ដង ក្នុងកំឡុងឆ្នាំ ៩៣ ឯ ឆ្នាំ ៩១ ក៏ធ្លាប់ជាប់លេខ ៥ ជាមួយ លោក ព្រាប សុវត្ថិ នៅសាលាបឋមសិក្សាជ័យជំនះ។ កាលនោះ ព្រាប សុវត្ថិ បានលេខ ១ បទពីដើមដូចគ្នា ជាប់ក៏ដោយសារចេះអឿនហ្នឹងហើយ តែដូចជានាយ ពែកមី គ្រាន់តែកំប្លែងលេង៕

អត្ថបទ ៖ ចាន់រ៉ា