ផ្អែកតាមសំណេរលោក អុល សំអាង បានលើកឡើងថា “ល្ខោនបាសាក់មានឈ្មោះដើមថា ល្ខោនទ្រើងឃ្លោក” មានកំណើតនៅដែនដីកម្ពុជាក្រោម ក្នុងស្រុកបាសាក់ ខេត្តព្រះត្រពាំង (សព្វថ្ងៃស្ថិតក្រោមការគ្រប់គ្រងរបស់វៀតណាម) ។ក្រុមល្ខោនបាសាក់នៅទីនោះដំបូងបង្កើតឡើងដោយចៅអធិការវត្តខ្សាច់កណ្តាល (កម្ពុជាក្រោម) ព្រះនាម សួរ និងលោកតាឆាគ្រូន ព្រមទាំងសិស្សគណ គឺគ្រូខ្មៅ​គ្រូកន និងគ្រូខ្លា។​

លោក អុល សំអាង បានបន្តថានៅអំឡុងទស្ស​វត្សឆ្នាំ​១៩៣០ លោកតា ឆាគ្រូន បាននាំល្ខោនទ្រើងឃ្លោកមកសម្តែងនៅក្រុងភ្នំពេញ និងបណ្តាខេត្តមួយចំនួនទៀតស្ថិតនៅតាមដងទន្លេបាសាក់ល្ខោននេះ ក៏ទទួលបានប្រជាប្រិយភាពយ៉ាងឆាប់រហ័សនៅក្រុងភ្នំពេញ។

លោកបន្តថា ដំបូងគេហៅថា “ល្ខោនមកពីស្រុកបាសាក់” ឮលុះក្រោយមកក៏ហៅកាត់ខ្លីថា “ល្ខោនបាសាក់” ហើយជាប់ឈ្មោះរហូតមកដល់សព្វថ្ងៃ ល្ខោនបាសាក់ គឺមានទាំងនិយាយ មានទាំងច្រៀង ហើយកំដរដោយភ្លេងបាសាក់​ ដែល​មានឥទ្ធិពលពីល្ខោនអូប៉េរ៉ារបស់ចិន​ និងវៀតណាម។

លោក អុល សំអាង បញ្ជាក់បន្ថែមថាតួអង្គស្រី (ម្ចាស់ក្សត្រិយ ឬទេពធីតា) តុបតែងខ្លួនស្រដៀងនឹងតួនាងក្នុងរបាំបុរាណ។ ចំណែកតួអង្គប្រុស (ស្តេច, ទេវបុត្រ ឬយក្ស) តុបតែងខ្លួនស្រដៀងនឹងតួអង្គប្រុសក្នុងល្ខោនអូប៉េរ៉ារបស់ចិន​ ឬវៀតណាមដែរ។ ប៉ុន្តែសព្វថ្ងៃ តួអង្គប្រុសតុបតែងខ្លួនស្រដៀង និងតួនាយរោងក្នុងរបាំបុរាណដែរ លើកលែងតែតួយក្សប៉ុណ្ណោះ ដែលនៅរក្សាសម្លៀកបំពាក់ដូចពីមុន។ ចំពោះឆាកវិញច្រើនតុបតែងដោយគំនូរ ប្រាសាទ ឬព្រៃភ្នំសិប្បនិម្មិត៕ ចាន់រ៉ា

The post ជើងចាស់ផ្នែកល្ខោនបាសាក់ ចែករំលែកជាចំណេះឱ្យដឹងថា “ល្ខោនបាសាក់” មានឈ្មោះដើមថា “ល្ខោនទ្រើងឃ្លោក” appeared first on Kampuchea Thmey Daily.

ការអំពាវនាវនេះ ធ្វើឡើងក្នុងគោលបំណង ដើម្បីចូលរួមអភិរក្សមរតកទម្រង់សិល្បៈល្ខោនបាសាក់ខ្មែរ កុំឱ្យមានការបាត់បង់ ឬធ្លាក់ចុះ ខណៈទម្រង់សិល្បៈបុរាណនេះ ក៏ជាផ្នែកមួយដែលធ្វើឱ្យកាន់តែជ្រួតជ្រាបដល់ស្រទាប់មហាជន បានដឹងអំពីគុណតម្លៃវប្បធម៌ជាតិផងដែរ។ លោក អុល សំអាង ថា “សិល្ប:វប្បធម៌ខ្មែរ ប្រពៃណីជាតិខ្មែរ សីលធម៌ សុជីវធម៌ គុណធម៌ គួរប្រឹងផ្សព្វផ្សាយលើកតម្កើងតម្លៃជាតិខ្មែរ”។

គួរម្លឹកថា កន្លងមកដោយការព្រួយបារម្ភខ្លាចបាត់បង់ តួឯកល្ខោនបានសាក់លោក អុល សំអាង ធ្លាប់ចេញមកស្នើដោ យទទូចដល់ភាគីពាក់ព័ន្ធ និងកូនខ្មែរទាំងរួមគ្នាលើកស្ទួយដល់វិស័យល្ខោនបាសាក់ ដើម្បីជំរុញឱ្យកាន់តែមានភាពល្បីល្បាញ។

កន្លងមក លោក អុល សំអាង តែងអំពាវនាវឱ្យមានការចូលរួមពីគ្រប់មជ្ឈដ្ឋានមហាជនខ្មែរក្នុងការរួមគ្នាអភិរក្ស ក៏ដូចជាផ្សព្វផ្សាយនូវមរតកទម្រង់សិល្បៈល្ខោនបាសាក់ខ្មែរ កុំឱ្យបាត់បង់ ឬធ្លាក់ចុះ។

លើសពីនេះ ព្រោះតែមានការស្រលាញ់វប្បធម៌ អរិយធម៌ជាតិ ដោយឈរលើសុឆន្ទ:ឧត្តមគតិជាតិខ្លាចបាត់បង់ទម្រង់ល្ខោន សិល្បករក្រុមល្ខោនបាសក់លោកអុល សំអាង បានបញ្ជាក់ឆន្ទៈខ្លួនដែរថា ខ្លួនសុខចិត្តក្រាញ់ននៀលតស៊ូពុះពារឆ្លងកាត់ឧបសគ្គ លំបាកលំបិនវេទនាដើម្បីអភិរក្សមរតកដូនតាមួយនេះ ដោយមិនរាថយឡើយ៕ ចាន់រ៉ា

The post លោក អុល សំអាង ស្នើអ្នកមានឥទ្ធិពលលើបណ្តាញសង្គម បន្តជួយផ្សព្វផ្សាយទម្រង់សិល្បៈបុរាណ “ល្ខោនបាសាក់” appeared first on Kampuchea Thmey Daily.

ការចេញមុខបញ្ជាក់របស់តួឯកល្ខោនបាសាក់រូបនេះ គឺបន្ទាប់ពីមានការវែកញែក និងធ្វើការប្រៀបធៀបរូបលោកទៅនឹងលោកតា សាំង សារុន ដែលជាបិតាល្ខោនបាសាក់ដ៏ល្បីល្បាញកាលពីជំនាន់ដើម។ ដោយមើលឃើញពីការប្រៀបធៀបនេះ លោក អុល សំអាង និយាយទៅកាន់សាធារណជនដូច្នេះថា “សូមកុំយល់ច្រឡំបងប្អូន តែខ្ញុំសូមបង្ហាញប្រាប់ទុកជាមុន (កុំឱ្យអ្នកខ្លះ ថាខ្ញុំតាំងខ្លួនជាលោកតាសាំង សារុន ទី២ ទី៣ ទី៤…)។

លោកបន្តថា ដោយសារកន្លងមកនេះ មានទស្សនិកជនអ្នកគាំទ្រមួយចំនួន តែងបានសួរនាំថា ខ្លួនលោកមានជាប់សែស្រឡាយលោក តា សាំង សារុន ដែរឬយ៉ាងណា? ត្រង់ចំណុចនេះ លោក អុល សំអាង បញ្ជាក់ជូនថា លោកធ្លាប់តែឮឈ្មោះលោកតា សាំង សារុន តាមរយ:ចាស់ៗដំណាលតគ្នា ឬការសរសេរសៀវភៅប្រវត្តិរបស់គាត់នៅក្រសួងប៉ុណ្ណោះ។

ចំណែកឯជាប់សែស្រឡាយឬអត់ លោកបញ្ជាក់ថា រវាងលោក និងលោកតា សាំង សារុន គឺពុំមានជាប់ពាក់ព័ន្ធ ឬជាប់សែស្រឡាយនឹងគ្នាទេ ដូច្នេះហើយ លោកប្រាប់ដល់មហាជនឈប់យល់ច្រឡំទៀត ឯខ្លួនលោកផ្ទាល់ គឺជាអ្នកស្រុ កខេត្តកំពង់ចាម និងបានបន្តការសិក្សានៅទីក្រុងភ្នំពេញ។

លោកគូសបញ្ជាក់ថា ព្រោះតែចិត្តស្រលាញ់វិស័យសិល្ប:ចម្រៀងបុរាណ-សម័យ ជាហេតុនាំឱ្យលោកសម្រេចចូលហាត់រៀនតែម្តង។ ឯគ្រូៗដែលលោកធ្លាប់ហាត់រៀនជាមួយមានដូចជា, លោកគ្រូ អ៊ុំ សា មិត្ត, លោកគ្រូ គង់ ពៅ ដែលជាសាស្រ្តាចារ្យបង្ហាត់បង្រៀន និងធ្លាប់រំលឹកប្រាប់ពីប្រវត្តិរបស់លោកតា សាំង សារុន កាលពីជំនាន់ពួកគាត់សម្តែងជាមួយគ្នាដែរ ទើបធ្វើឱ្យលោកបានដឹងខ្លះៗ ពីប្រវត្តិបិតាល្ខោនបាសាក់ លោកតា សាំង សារុន ។

សូមជម្រាបជូនថា បិតាល្ខោនបាសាក់លោកគ្រូ សាំង​​​ សារុន​ មាន​ស្រុក​កំណើត​នៅ​ក្នុង​​ស្រុក​ស្ទឹង​ត្រង់ ​ខេត្ត​ក្រចេះ ​លោក​កើត​នៅ​ឆ្នាំ​១៩២២​ ជា​កូនទី​៥ ​ក្នុង​គ្រួសារ​ ​ដែល​មាន​ឪពុក​ឈ្មោះ​ ណែម សាំង​ ជាអភិបាល​ស្រុក​ស្ទឹង​ត្រង់​ខេត្ត​ក្រចេះ និងមាន​ម្តាយ​ឈ្មោះ ​ជួប​ អុឹម​ ។ នេះ​បើ​​យោងតាម​សៀវភៅ​ យី​កេ​និង​ល្ខោន​បាសាក់​បោះ​ពុម្ព​ឆ្នាំ​១៩៩៧ របស់​លោក​ ពេជ្យ​ ទុំ​ក្រវិល ​៕ ចាន់រ៉ា

The post ក្រោយមានការប្រៀបធៀប! លោក អុល សំអាង អះអាងថា ខ្លួនពុំជាប់សែស្រឡាយបិតាល្ខោនបាសាក់ឡើយ appeared first on Kampuchea Thmey Daily.

កន្លងមក ដោយការព្រួយបារម្ភខ្លាចបាត់បង់សិល្ប:បុរាណខ្មែរ តួឯកល្ខោនបានសាក់រូបនេះ ធ្លាប់ចេញមកស្នើដោយទទូចដល់ភាគីពាក់ព័ន្ធ និងពលរដ្ឋខ្មែរទាំងអស់ រួមគ្នាលើកស្ទួយដល់វិស័យល្ខោនបាសាក់ ក្នុងន័យដើម្បីជំរុញឲ្យកាន់តែមានភាពល្បីល្បាញខ្លាំងឡើងថែមទៀត។

លោក អុល សំអាង ក៏ត្រូវបានគេកត់សម្គាល់ថា លោកតែងអំពាវនាវឲ្យមានការចូលរួមពីគ្រប់មជ្ឈដ្ឋានមហាជនខ្មែរ ក្នុងការរួមគ្នាផ្សព្វផ្សាយអភិរក្សនូវមរតកទម្រង់សិល្បៈល្ខោនបាសាក់ខ្មែរ កុំឲ្យបាត់បង់ឬធ្លាក់ចុះ។ ទន្ទឹមនេះ លោកក៏បានសម្តែងក្តីព្រួយបារម្ភផងដែរ ព្រោះខ្លាចល្ខោនបាសាក់បាត់បង់ទម្រង់ ខណ:វង់ខ្លះ ហាក់បីកំពុងតែសម្តែងក្លាយខុសទម្រង់សិល្ប:ដើម។

សូមបញ្ជាក់ដែរថា ក្រៅតែការបារម្ភនិងការអំពាវនាវរបស់លោក កន្លងមកក៏ឃើញមានតារាចម្រៀងរ៉េប ពូឃ្លាំង បានចេញមុខស្នើយ៉ាងទទូចដល់មហាជន និងអ្នកគាំទ្រ ឲ្យរួមគ្នាជួយផ្សព្វផ្សាយអភិរក្សមរតកទម្រង់សិល្បៈល្ខោនបាសាក់ខ្មែរ ប្រកបដោយគំរូកុំឲ្យបាត់បង់ ឬធ្លាក់ចុះវិស័យសិល្ប:បុរាណខ្មែរមួយនេះផងដែរ៕ អត្ថបទ៖ ចាន់រ៉ា

The post ប្រធានក្រុមល្ខោនបាសាក់ ចង់ឃើញទូរទស្សន៍ និងប្រព័ន្ធផ្សព្វផ្សាយ បង្កើតកម្មវិធីសិល្បៈបុរាណជាតិ appeared first on Kampuchea Thmey Daily.

តាមការកត់សម្គាល់ នេះពុំមែនទើបជាលើកទី១ នោះ​ទេ​ដែលលោក អុល សំអាង បាន​ចេញមុខ​និយាយ​អះអាង​ការព្រួយបារម្ភ ក្លាចការសម្តែងរបស់ក្រុមល្ខោនបាសាក់មួយចំនួនលេង​ខុសពីទម្រង់ដើម។ តួឯក ល្ខោនបាន​សាក់រូបនេះ បាន​ស្នើរ​ដោយទទូចដល់​ភាគីពាក់ព័ន្ធ និងកូនខ្មែរ​ទាំង​អស់​ត្រូវរួមគ្នាលើក​ស្ទួយ​ដល់វិស័យល្ខោនបាសាក់​ដើម្បី​ជំរុញ​កាន់​តែមានភាពល្បីល្បាញ។ 

លោក អុល សំអាង និយាយ​ឲ្យដឹងថា លោកកត់សម្គាល់​ថា វង់ល្ខោន​បាសាក់​ខ្លះ​ហាក់បី​ដូច​សម្តែងក្លាយ​ទៅៗហើយ ព្រួយណាស់ខ្លាចបាត់ទម្រង់។ លោក​ថា ទម្រង់​ល្ខោនបាសាក់គឺ អភិរក្សអភិវឌ្ឍន៍​ចំ​ទម្រង់​នឹង​ត្រូវការប្រយ័ត្នប្រយែង​បំផុតក្រុម​ អុល សំអាង ​រាជធានី​ភ្នំពេញ ពីមួយឆ្នាំទៅមួយឆ្នាំ​បាន​ពង្រឹង​សមត្ថភាព​សិល្បករ​សម្តែងប្រកាន់​វិន័យ​ សីលធម៌​ សិល្បៈ មិនបណ្តែត បណ្តោយ​ អោយ​សិល្បករ​ សម្តែង​គ្មាន​សណ្ដាប់​ធ្នាប់​មិន​ល្អ​នោះ​ទេ​។

លោក​បន្តទៀតថា កត្តា​ទាំង​នេះ​ហើយ​ដែល​យើង​ជា​សិល្បករ​ត្រូវតែ​គុណភាព​ប្រសិទ្ធភាពសម្តែង​ឲ្យ​កាន់​តែ​រីក​ចម្រើន​ប្រសើរ​ដើម្បី​បម្រើ​មហាជនខ្មែរ ដូច្នេះ​ហើយ​ក្រុម​ល្ខោន​ អុល សំអាង​ រាជធានី​ភ្នំពេញ​កំពុង​តស៊ូ​សម្តែង​យ៉ាង​សកម្ម​ រិះរក​មធ្យោបាយ​បច្ចេកទេស​សម្តែង​ថ្មីៗ​ប្លែកៗ​ បម្រើ​អារម្មណ៍​ក្នុង​ពេល​ចេញ​ទៅ​សម្ដែង​តាម​កម្មវិធី​ផ្សេងៗ​។

លោក អុល សំអាង បន្ថែម​ថា លោកក៏អរគុណ​សមាន ចិត្ត​បងប្អូន​ជួយ​ជា​មតិ​យោបល់​បន្ថែម​ ក្នុង​ការ​កែ​ប្រែ​ចំណុច​ដែល​ក្រុម​លោក​មាន​ខ្វះ​ចន្លោះ​នឹង​សូម​បងប្អូន​ប្រិយមិត្ត​មហាជន​ខ្មែរ​ជួយ​ជ្រោមជ្រែង​ចូលរួម​ផ្សព្វ ផ្សាយ​ល្ខោន​បាសាក់​ខ្មែរ​យើង​កុំ​​ឲ្យ​ធ្លាក់​ចុះ​។

លោកនិយាយដែរ​ថា កន្លង​មក​ពេល​ឃើញ​បង្ហោះ​រូប​ភាពបែបទម្រង់សិល្បៈ​ល្ខោន​បាសាក់​ខ្មែរគឺ​មិនសូវ​ចែក​រំលែក​បន្តទេ លោកពិបាកចិត្តណាស់​ខ្លាច​តែល្ខោន​បាសាក់​សម្តែង​ក្លាយ​ទៅ​ៗធ្វើ​ឲ្យបាត់ក្បួនខ្នាត​សិល្បករបុរាណ​ដូចពួកយើងសល់តិចតួចណាស់ មេត្តាជ្រោងជ្រែងគាំពារទ្រទ្រង់ក្រុមល្ខោនបាសាក់៕

អត្ថបទ៖ ចាន់រ៉ា

The post លោក អុល សំអាង ព្រួយបារម្ភខ្លាច ល្ខោនបាសាក់ សម្តែងក្លាយបាត់បង់ក្បួនខ្នាតសិល្បៈបុរាណ appeared first on Kampuchea Thmey Daily.

លោក អុល សំអាង ដែលជាប្រធានក្រុមដឹកនាំសិល្បល្ខោនបាសាក់មហាជន អុល សំអាង វង់ទី១រាជាធានីភ្នំពេញក៏បានលើកឡើងជាប្រយោគ១ឃ្លាថា ប្រហែស បាត់ប្រយ័ត្នគង់ អារ្យធម៌ វប្បធម៌ សង្គមធម៌ខ្មែរ បានប្រែប្រួលទៅតាមបរិបទនាសម័យកាល និងការវិវត្តន៍នៃសង្គមជាតិ និងអន្តជាតិ ចំណែកមហានគរខ្មែររុងរឿងបានបន្សល់សិល្ប:ល្ខោនដ៏ សម្បូរបែបដល់កូនខ្មែរអោយស្គាល់បានដឹង និងល្បីល្បាញ ល្បីរន្ទឺលើសាកលលោក។ យ៉ាងណាមិញសិល្ប:បុរាណល្ខោនបុរាណល្ខោនបុរាណទំនាមទម្លាប់ ប្រពៃណី អក្សរភាសា ការអភិវឌ្ឍប្រទេសស្ថាបនាសង្គមក៏មានការរីកចម្រើនរុងរឿងទៅតាមនឹងដែរ។

លោកបញ្ជាក់ថា បច្ចុប្បន្នក្រុមរបស់លោកបានខិតខំពុះបពាររៀនសូត្របណ្តុះបណ្តាលបង្កើនទេពកោសល្យនៃសិល្បករ ប្រមូលផ្តុំ ផ្គុំសាមគ្គីភាពប្រឹងប្រែងសម្តែងបម្រើមហាជនប្រជាជនទៅតាមជំនាញឆ្នៃប្រឌិតគិតតែបម្រើទស្សនិជន ទៅតាមបណ្តាកម្មពិធីនាតាមភូមិ ឃុំ ស្រុក ខេត្តក្រុងរាជធនីក្នុងការរួមចំណែកស្តារ អភិរក្ស អភិវឌ្ឍសិល្ប:ល្ខោនបាសាក់ខ្មែរដើម្បីរួមថែរក្សាការពារលើកស្ទួយសម្បត្តិមរតកវប្បធម៌សិល្ប: ដែលដូនតាខ្មែរបានបន្សល់ទុកមកជាយូយារណាស់មកហើយ។ 

ប្រធានក្រុមល្ខោនបាសាក់លោក អុល សំអាង បាននិយាយទៀតថា យើងនាមជាកូនខ្មែរជាអ្នកបន្តវេនត្រូវបន្តខិតខំសិក្សារៀនសូត្រអោយច្បាស់លាស់ ប្រាកដ និយមនៃសិល្ប:ខ្មែរបង្កើនការផ្សព្វផ្សាយសិក្សាស្រាវជ្រាវចងក្រងក្បួនច្បាប់ក្បួនខ្នាតសិល្ប:បុរាណល្ខោនបុរាណខ្មែរចម្រៀងបែបខ្មែរប្រកបដោយគុណភាព គុណប្រយោជន៍ដើម្បីបម្រើជាតិ។ភាពបុិនប្រសព្វនៃតួឯកទេពកោសល្យសម្តែងឆ្នើមលោក អុល សំអាង បានបណ្តុះមនសិការពង្រឹងស្មារតីក្រុមចូលរួមជ្រោមជ្រែងល្ខោនបាសាក់ខ្មែរព្រោះតែមានស្រឡាញ់វប្បធម៌ អរិធម៌ សង្គមជាតិ ដោយឈរលើសុឆន្ទ: ឧត្តមគតិជាតិ ខ្លាចបាត់បង់ទម្រង់ល្ខោនសិល្បករក្រុមល្ខោនបាសាក់ អុល សំអាង បានក្រាញននៀល តស៊ូរពុះពារ ឆ្លងកាត់ឧបសគ្គលំបាកលំបិនវេទនាក៏ដោយក៏មិនរាថយឡើយ។

លោកបន្តទៀតថា ពិសេសសិល្បករក្រុមរបស់លោក បានឯកភាពមានស្មោះត្រង់តស៊ូរលះបង់ខ្ពស់ទាំងប្រាជ្ញាស្មារតីប្រកាន់ភ្ជាប់នូវក្រមសីលធម៌ សុជីវធម៌ ច្បាប់សង្គម ប្រពៃណីគោរពជំនឿគោរពសាសនា គោរពព្រលឹងពុព្វបុរសខ្មែរមិនប្រកាន់វណ្ណ: ហើយមិនតែប៉ុណ្ណោះ ក្រុមល្ខោនបាសាក់មហាជនអុលសំអាងវង់ទី១រាជធានីភ្នំពេញក៏បានចូលរួមថែរក្សាការពារ អក្សរសាស្ត្រ​រឿងអក្សរសិល្ប៍ ពុទ្ធិនិយម រឿងព្រាហ្មនិយម រឿងខេមរនិយម អក្សរសិល្ប៍ប្រជាប្រិយជាដើមទៅតាមរយ:ការលើកយកមកសម្តែងជាទស្សនិយភាពល្ខោនបាសក់ខ្មែរ។

លោក អុល សំអាង អះអាងថា លោកគឺមិនបោះបង់លោកគ្រូចាស់ៗសាស្ត្រាចារ្យដែលមានជំនាញ ទេពកោសល្យល្ខោនបាសាក់ចូលរួមសម្តែងផ្តល់ចំណេះបន្ថែមហើយក៏មិនភ្លេចបណ្តុះបណ្តាលអ្នកបន្តវេនថ្មីៗដែលមានឧបនិស័យស្រលាញ់អាណិត ចូលរួមថែសិល្ប:បុរាណចែករំលែកចំណេះដឹងទាំងដល់អ្នកបន្ត វេនដែរ។ ម្យ៉ាងទៀតលោកក៏បន្ថែមថា ក្រុមលោកបានសម្តែងរក្សាទម្រង់ល្ខោនបាសសាក់មានរក្សាក្បាច់លំពែង ក្បាច់ដាវក្បាច់ដំបងក្បាច់ធ្នូ ក្បាច់ដៃរក្សាឧប្បករណ៍​តន្ត្រីល្ខោនមាន, ស្គតូច ស្គធំ គង ឃ្មោះ ទ្រអ៊ូ ទ្រ ឆេ ទ្រសោ ឃឹមធំឃឹមតូច ខ្លុយ ប៉ាន់ជាដើម៕

អត្ថបទ៖ ចាន់រ៉ា

The post ខ្លាចបាត់បង់! លោក អុល សំអាង បណ្តុះមនសិការ​ក្រាញននៀលចូលរួមជ្រោងជ្រែងល្ខោនបាសាក់ខ្មែរ appeared first on Kampuchea Thmey Daily.

តួឯក​ល្ខោន​បាសាក់​លោក អុល សំអាង បាន​ចេញ​មក​ស្នើ​ដោយ​ទទូច​ដល់​ភាគី​ពាក់ព័ន្ធ​និង​កូន​ខ្មែរ​ទាំង​ត្រូវ​រួមគ្នា​លើក​ស្ទួយ​ដល់​វិស័យ​ល្ខោនបាសាក់​ដើម្បី​ជំរុញ​កាន់​តែ​មាន​ភាព​ល្បីល្បាញ។ ជា​ការ​ពិត​លោក អុល សំអាង គេ​កត់​សម្គាល់​ថា លោក​តែង​បាន​ធ្វើការ​អំពាវនាវ​ឲ្យ​មាន​ការ​ចូលរួម​ពី​គ្រប់​មជ្ឈដ្ឋាន​មហាជន​ខ្មែរ​ក្នុង​ការ​រួមគ្នា​ផ្សព្វផ្សាយ​​អភិរក្ស​នូវ​មរតក​ទម្រង់​សិល្បៈ​ល្ខោន​បាសាក់​​ខ្មែរ​កុំឲ្យ​បាត់បង់ ឬ​ធ្លាក់ចុះ។

លោក អុល សំអាង បាន​ថ្លែង​ប្រាប់​ឲ្យ​ដឹង​ថា បើ​យើង​ជា​កូន​​ខ្មែរ​​ជំនាន់​ថ្មី មិន​អើពើ ស្ទាក់ស្ទើរ ធ្វើ​ជា​មិន​ដឹង​មិន​ឮ បិត​ភ្នែក ​អូស​រំលង​មិន​នាំ​គ្នា​ជួយ​ជ្រោង​បណ្ដែត​បណ្ដោយ​ទុកចោល​ល្ខោន​បាសាក់ ឲ្យ​កម្សត់ កំព្រា​ឯកោ កណ្ដែងកណ្ដោច ខ្លោចផ្សា សព្វ​ថ្ងៃ​ល្ខោន​ខ្លះ​បាន​ក្លាយ​ បាត់បង់​ទម្រង់​ដើម ក៏​ឲ្យ​ព្រួយ​ណាស់​បាត់​ក្បាច់​ក្បួន ហួន​ល្ខោន សំនៀង​ច្រៀង​របៀប​និយាយ​​របៀប​សម្ដែង​របៀប​ស្លៀកពាក់​បែប​បទ​​ផាត់​មុខ​​។ល។

លោក​និយាយ​ដោយ​ស្នើ​ដល់​មហាជន​ថា «បង​ប្អូន​អើយ​ជួយ​ផ្សព្វផ្សាយ​ផង ផលិត​ល្ខោន​បាសាក់​ជាតិ​ផង តាម​ទូរទស្សន៍​នានា​បើ​វង់​ណា សម្ដែង កំប្លែង ជេរ បញ្ចោ អាសអាភាស អសីលធម៌ ឬ​បំពុល បំផ្លាញ​ល្ខោន​​បុរាណ​​ខ្មែរ​សូម​​កុំ​​បង្ហោះ​​ផ្សាយ​តាម​​យូធូប​នាំ​​ឲ្យ​​បាត់​តម្លៃ​ កិត្តិយស វប្បធម៌​ជាតិ បាត់​​សេចក្ដី​ថ្លៃថ្នូរ​ជា​សិល្បករ​ល្ខោន​កំប្លែង​​ជោរ កំប្លែង​ជេរ​គ្នា យើង​នាំ​គ្នា​​កែ​លំអរ»។

លោក អុល សំអាង បញ្ជាក់​បន្ថែម​ថា«ខ្លាច​ណាស់​សិល្ប:​ល្ខោន​ខ្មែរ​បាត់បង់ ឬក៏ធ្លាក់​ចុះអនថយ​តែបើល្ខោន​ផលិត​​ត្រឹមត្រូវ​បាន​ហើយ​​ហាក់​​មិន​សូវ​ជួយ​ស៊ែរ​ផ្សព្វផ្សាយ​ចែក​រំលែក​បន្ត អ្នកស៊ែ​នៅតែ​ស៊ែរ អ្នក​មិន​ស៊ែ នៅតែ​មិន​សូវ​ស៊ែ ​តើ​ធ្វើ​ដូចម្តេច​ទើប​វប្បធម៌​ខ្មែរ​កាន់​តែ​​រីក​ចម្រើន​បាន​ទៅ?»៕

អត្ថបទ៖ ចាន់រ៉ា

The post លោក អុល សំអាង បារម្ភល្ខោនបាសាក់ខ្មែរបាត់បង់ទម្រង់ដើម និងកាន់តែឯកាបើគ្មានការជួយផ្សព្វផ្សាយ appeared first on Kampuchea Thmey Daily.

លោក អុល សំអាង បានថ្លែងដូច្នេះបន្ទាប់ពីមើលឃើញថា យុវជនខ្មែរសព្វថ្ងៃហាក់មិនសូវឲ្យតំម្លៃលើការចូលរួមផ្សព្វផ្សាយមរតកសិល្ប:បុរាណខ្មែរនោះទេ ផ្ទុយទៅវិញពួកគេចាប់អារម្មណ៍នូវអ្វីដែលជារឿងបំពុលសង្គមទៅវិញ។ ចំណុចនេះលោកបានចោទជាសំនួរទៅកាន់មហាជនទៅកាន់មហាជនយ៉ាងចាក់ដោតផងដែរ។

តួឯកល្ខោនបាសាក់រូបនេះលើកឡើងថា ហេតុអី្វល្ខោនបាសាក់ខ្មែរដែលសម្តែងមានបែបបទរក្សាទម្រង់សិល្បៈសម្តែងត្រឹមត្រូវមិនប្រើសម្តីគ្រោធគ្រាធមិនសម្តែងប្រើពាក្យអាសអាភាសមិនសូវឃើញបណ្តាញ ឬផេកល្បីៗសង្គមជួយផ្សព្វផ្សាយ? តែបើអ្វីៗបំពុលវប្បធម៌សង្គមជាតិប្រឹងប្រែងស៊ែរចែករំលែកម្លេះ?។

ជាការពិតណាស់តាមការកត់សម្គាល់ឃើញថា លោក អុល សំអាង ជាប្រធានក្រុមល្ខោនបាសាក់រាធានីភ្នំពេញវង់ទី១​ជារឿយៗលោកតែងបានធ្វើការអំពាវនាវឲ្យមានការចូលរួមពីគ្រប់មជ្ឈដ្ឋានមហាជនខ្មែរក្នុងការរួមគ្នាផ្សព្វផ្សាយអភិរក្សនូវមរតកទម្រង់សិល្បៈល្ខោនបាសាក់ខ្មែរកុំឲ្យបាត់បង់ឬធ្លាក់ចុះ៕

អត្ថបទ៖ ចាន់រ៉ា

The post លោក អុល សំអាង៖ ហេតុអី្វល្ខោនបាសាក់ខ្មែរសម្តែងមានបែបបទរក្សាទម្រង់សិល្បៈពុំសូវមានការផ្សព្វផ្សាយ? appeared first on Kampuchea Thmey Daily.