លោក អុល សំអាង ស្នើអ្នកមានឥទ្ធិពលលើបណ្តាញសង្គម បន្តជួយផ្សព្វផ្សាយទម្រង់សិល្បៈបុរាណ “ល្ខោនបាសាក់”

ខណ:ប្រទេសកំពុងជួបបញ្ហាឈ្លានពានពីសំណាក់ចោរសៀមវង្វេងប្រវត្តិសាស្ត្រ ប្រធានក្រុមល្ខោនបាសាក់លោក អុល សំអាង បានចេញមុខស្នើសុំអ្នកមានឥទ្ធិពលលើបណ្តាញសង្គម រួមគ្នាជួយផ្សព្វផ្សាយលើកតម្កើងមរតកទម្រង់សិល្បៈល្ខោនបាសាក់ខ្មែរ ព្រោះនេះក៏ជាតម្លៃជាតិមួយដែរ។

ការអំពាវនាវនេះ ធ្វើឡើងក្នុងគោលបំណង ដើម្បីចូលរួមអភិរក្សមរតកទម្រង់សិល្បៈល្ខោនបាសាក់ខ្មែរ កុំឱ្យមានការបាត់បង់ ឬធ្លាក់ចុះ ខណៈទម្រង់សិល្បៈបុរាណនេះ ក៏ជាផ្នែកមួយដែលធ្វើឱ្យកាន់តែជ្រួតជ្រាបដល់ស្រទាប់មហាជន បានដឹងអំពីគុណតម្លៃវប្បធម៌ជាតិផងដែរ។ លោក អុល សំអាង ថា “សិល្ប:វប្បធម៌ខ្មែរ ប្រពៃណីជាតិខ្មែរ សីលធម៌ សុជីវធម៌ គុណធម៌ គួរប្រឹងផ្សព្វផ្សាយលើកតម្កើងតម្លៃជាតិខ្មែរ”។

គួរម្លឹកថា កន្លងមកដោយការព្រួយបារម្ភខ្លាចបាត់បង់ តួឯកល្ខោនបានសាក់លោក អុល សំអាង ធ្លាប់ចេញមកស្នើដោ យទទូចដល់ភាគីពាក់ព័ន្ធ និងកូនខ្មែរទាំងរួមគ្នាលើកស្ទួយដល់វិស័យល្ខោនបាសាក់ ដើម្បីជំរុញឱ្យកាន់តែមានភាពល្បីល្បាញ។

កន្លងមក លោក អុល សំអាង តែងអំពាវនាវឱ្យមានការចូលរួមពីគ្រប់មជ្ឈដ្ឋានមហាជនខ្មែរក្នុងការរួមគ្នាអភិរក្ស ក៏ដូចជាផ្សព្វផ្សាយនូវមរតកទម្រង់សិល្បៈល្ខោនបាសាក់ខ្មែរ កុំឱ្យបាត់បង់ ឬធ្លាក់ចុះ។

លើសពីនេះ ព្រោះតែមានការស្រលាញ់វប្បធម៌ អរិយធម៌ជាតិ ដោយឈរលើសុឆន្ទ:ឧត្តមគតិជាតិខ្លាចបាត់បង់ទម្រង់ល្ខោន សិល្បករក្រុមល្ខោនបាសក់លោកអុល សំអាង បានបញ្ជាក់ឆន្ទៈខ្លួនដែរថា ខ្លួនសុខចិត្តក្រាញ់ននៀលតស៊ូពុះពារឆ្លងកាត់ឧបសគ្គ លំបាកលំបិនវេទនាដើម្បីអភិរក្សមរតកដូនតាមួយនេះ ដោយមិនរាថយឡើយ៕ ចាន់រ៉ា