ជីវិតកម្សាន្ដ

លោក អុល សំអាង ព្រួយបារម្ភខ្លាច ល្ខោនបាសាក់ សម្តែងក្លាយបាត់បង់ក្បួនខ្នាតសិល្បៈបុរាណ

បានផុស

៧ ខែ មុន

នៅ

ថ្ងៃសុក្រ ១៣ កញ្ញា ២០២៤

ដោយ

លោក អុល សំអាង ដែលជាប្រធានក្រុមដឹកនាំសិល្បៈល្ខោនបាសាក់មហាជន អុល សំអាង វង់ទីរាជាធានីភ្នំពេញ បានបង្ហាញក្តីព្រួយបារម្ភខ្លាំងដោយ ក្លាចល្ខោនបាសាក់បាត់បង់ទម្រង់ ខណៈវង់ខ្លះហាក់កំពុងតែសម្តែងក្លាយខុសទម្រង់សិល្បៈដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការកត់សម្គាល់ នេះពុំមែនទើបជាលើកទី១ នោះទេដែលលោក អុល សំអាង បានចេញមុខនិយាយអះអាងការព្រួយបារម្ភ ក្លាចការសម្តែងរបស់ក្រុមល្ខោនបាសាក់មួយចំនួនលេងខុសពីទម្រង់ដើម។ តួឯក ល្ខោនបានសាក់រូបនេះ បានស្នើរដោយទទូចដល់ភាគីពាក់ព័ន្ធ និងកូនខ្មែរទាំងអស់ត្រូវរួមគ្នាលើកស្ទួយដល់វិស័យល្ខោនបាសាក់ដើម្បីជំរុញកាន់តែមានភាពល្បីល្បាញ។

លោក អុល សំអាង និយាយឲ្យដឹងថា លោកកត់សម្គាល់ថា វង់ល្ខោនបាសាក់ខ្លះហាក់បីដូចសម្តែងក្លាយទៅៗហើយ ព្រួយណាស់ខ្លាចបាត់ទម្រង់។ លោកថា ទម្រង់ល្ខោនបាសាក់គឺ អភិរក្សអភិវឌ្ឍន៍ចំទម្រង់នឹងត្រូវការប្រយ័ត្នប្រយែងបំផុតក្រុម អុល សំអាង រាជធានីភ្នំពេញ ពីមួយឆ្នាំទៅមួយឆ្នាំបានពង្រឹងសមត្ថភាពសិល្បករសម្តែងប្រកាន់វិន័យ សីលធម៌ សិល្បៈ មិនបណ្តែត បណ្តោយ អោយសិល្បករ សម្តែងគ្មានសណ្ដាប់ធ្នាប់មិនល្អនោះទេ។

លោកបន្តទៀតថា កត្តាទាំងនេះហើយដែលយើងជាសិល្បករត្រូវតែគុណភាពប្រសិទ្ធភាពសម្តែងឲ្យកាន់តែរីកចម្រើនប្រសើរដើម្បីបម្រើមហាជនខ្មែរ ដូច្នេះហើយក្រុមល្ខោន អុល សំអាង រាជធានីភ្នំពេញកំពុងតស៊ូសម្តែងយ៉ាងសកម្ម រិះរកមធ្យោបាយបច្ចេកទេសសម្តែងថ្មីៗប្លែកៗ បម្រើអារម្មណ៍ក្នុងពេលចេញទៅសម្ដែងតាមកម្មវិធីផ្សេងៗ។

លោក អុល សំអាង បន្ថែមថា លោកក៏អរគុណសមាន ចិត្តបងប្អូនជួយជាមតិយោបល់បន្ថែម ក្នុងការកែប្រែចំណុចដែលក្រុមលោកមានខ្វះចន្លោះនឹងសូមបងប្អូនប្រិយមិត្តមហាជនខ្មែរជួយជ្រោមជ្រែងចូលរួមផ្សព្វ ផ្សាយល្ខោនបាសាក់ខ្មែរយើងកុំឲ្យធ្លាក់ចុះ។

លោកនិយាយដែរថា កន្លងមកពេលឃើញបង្ហោះរូបភាពបែបទម្រង់សិល្បៈល្ខោនបាសាក់ខ្មែរគឺមិនសូវចែករំលែកបន្តទេ លោកពិបាកចិត្តណាស់ខ្លាចតែល្ខោនបាសាក់សម្តែងក្លាយទៅៗធ្វើឲ្យបាត់ក្បួនខ្នាតសិល្បករបុរាណដូចពួកយើងសល់តិចតួចណាស់ មេត្តាជ្រោងជ្រែងគាំពារទ្រទ្រង់ក្រុមល្ខោនបាសាក់៕

អត្ថបទ៖ ចាន់រ៉ា