ការលួចចេញពីមន្ទីរពេទ្យរបស់លោក Bolsonaro បានកើតឡើងមួយថ្ងៃ បន្ទាប់ពីអ្នកគាំទ្ររបស់លោករាប់ពាន់នាក់បានសម្រុកចូលអគារសភាជាតិ Palacio do Planalto និងតុលាការកំពូលប្រេស៊ីល ដើម្បីតវ៉ានឹងលទ្ធផលបោះឆ្នោតប្រធានាធិបតី ។

ទន្ទឹមនោះ លោក Bolsonaro ក៏មិនបានចូលរួមក្នុងពិធីសម្ពោធឡើងកាន់តំណែងរបស់លោក Luiz Inacio Lula da Silva កាលពីថ្ងៃទី ១ ខែមករា ហើយក៏មិនមានបំណងប្រគល់តំណែងប្រធានាធិបតីទៅឲ្យលោក Lula ផងដែរ ។

គួរបញ្ជាក់ថា លោក Bolsonaro មានបញ្ហាសុខភាព ចាប់តាំងពីការប៉ុនប៉ងធ្វើឃាតក្នុងឆ្នាំ ២០១៨ មកម្ល៉េះ នៅពេលដែលលោកត្រូវបានគេចាក់ ក្នុងអំឡុងពេលយុទ្ធនាការឃោសនានៅទីក្រុង Juiz de Fora ចម្ងាយប្រហែល ១៩៧ គីឡូម៉ែត្រ ភាគខាងជើងនៃទីក្រុង Rio de Janeiro ពោលជិតមួយខែ មុនការបោះឆ្នោត ។

ការវាយប្រហារដោយកាំបិតនោះបានបំផ្លាញសរសៃឈាមនៃក្រពេញរំអិលដែលមានមុខងារផ្ដល់ឈាមដល់ពោះវៀន ហើយចាប់តាំងពីពេលនោះមក លោក Bolsonaro បានធ្វើការវះកាត់ជាច្រើនដង ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប្រេស៊ីល ចេញបញ្ជាចាប់ខ្លួនមន្ត្រីកំពូលៗ បន្ទាប់ពីផ្ទុះកុបកម្ម

The post លោក Bolsonaro លួចចេញពីពេទ្យដោយមិនស្ដាប់តាមវេជ្ជបណ្ឌិត appeared first on Kampuchea Thmey Daily.

លោក​​ Bolsonaro បានប្រាប់អ្នកយកព័ត៌មានកាលពីថ្ងៃព្រហស្បតិ៍ទី១៤ខែកក្កដាថា “ខ្ញុំនឹងប្រាប់គាត់ពីគំនិតរបស់ខ្ញុំ អ្វីដែលខ្ញុំគិត។ ដំណោះស្រាយ​ចំពោះ​បញ្ហា​នេះ ខ្ញុំ​ដឹង​ថា​ ​វា​អាច​ដោះស្រាយ​បានដោយរបៀប​ណា ប៉ុន្តែ​ខ្ញុំ​នឹង​មិន​ប្រាប់​នរណា​ម្នាក់​ឡើយ”។

មេដឹកនាំប្រេស៊ីលរូបនេះ គ្រោងនិយាយជាមួយលោក Zelensky តាមទូរស័ព្ទនៅថ្ងៃចន្ទសប្តាហ៍ក្រោយ។

លោកបានបដិសេធ ផ្តល់ព័ត៌មានលម្អិតអំពីផែនការសន្តិភាពដែលលោកស្នើឡើង ប៉ុន្តែលោក និយាយថា ជម្លោះអាចត្រូវបានដោះស្រាយ ដូចជារបៀបដែលសង្រ្គាមរបស់អាហ្សង់ទីនជាមួយចក្រភពអង់គ្លេស បានបញ្ចប់ក្នុងឆ្នាំ ១៩៨២ដែរ។

អាហ្សង់ទីន បានឈ្លានពានកោះ Falkland ដែលគ្រប់គ្រងដោយអង់គ្លេសនៅខែមេសា ឆ្នាំ ១៩៨២ ជាហេតុជំរុញឲ្យចក្រភពអង់គ្លេសដាក់ពង្រាយកងនាវាចរដ៏ធំមួយ។ កងកម្លាំង​អាហ្សង់ទីន​ចាញ់​ប្រៀប ហើយ​ទីក្រុង ប៊ុយណូស៊ែរ បាន​ចុះចាញ់​នៅ​ខែ​មិថុនា ឆ្នាំ ១៩៨២។

លោក Bolsonaro ក៏បានលើកឡើងផងដែរ ពីការខឹងសម្បារបស់ប្រធានាធិបតីអាមេរិក លោក Joe Biden និងអ្នករិះគន់ផ្សេងទៀតនៅក្នុងខែកុម្ភៈ នៅពេលដែលលោកបានធ្វើដំណើរទៅកាន់ទីក្រុងមូស្គូ ប៉ុន្មានថ្ងៃមុនពេលរុស្ស៊ីចាប់ផ្តើមការវាយលុករបស់ខ្លួនប្រឆាំងនឹងអ៊ុយក្រែន។

លោកបានប្រកាន់ជំហរអព្យាក្រឹតចំពោះជម្លោះ ហើយបានបដិសេធ ចូលរួមក្នុងការប៉ុនប៉ងដឹកនាំដោយសហរដ្ឋអាមេរិកដើម្បីផ្តាច់ខ្លួន និងធ្វើឲ្យទីក្រុងមូស្គូនៅឯកោ តាមរយៈទណ្ឌកម្មអន្តរជាតិ៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី៖ ការដាក់ទណ្ឌកម្មឯកតោភាគី ដោយលោកខាងលិច នឹងបង្កឲ្យមានវិបត្តិសេដ្ឋកិច្ចសកល

The post ប្រធានាធិបតីប្រេស៊ីល និយាយថា មានផែនការបញ្ចប់ជម្លោះ រុស្ស៊ី-អ៊ុយក្រែន appeared first on Kampuchea Thmey Daily.

លោក Bolsonaro បានបដិសេធថ្កោលទោសការវាយលុករបស់រុស្ស៊ី ហើយកាលពីថ្ងៃអាទិត្យបាននិយាយថា ប្រេស៊ីលនឹងរក្សាអព្យាក្រឹតនៅក្នុងជម្លោះនេះ។ លោកបន្ថែមថា ប្រេស៊ីលនិងរុស្ស៊ីគឺជា ប្រទេសបងប្អូន។

លោក Bolsonaro ក៏បាននិយាយផងដែរថា “យើងនឹងមិនកាន់ជើងភាគីណាទេ យើងនឹងបន្តធ្វើអព្យាក្រឹត ហើយជួយតាមលទ្ធភាពដែលអាចធ្វើទៅបាន។ មួយផ្នែកធំនៃប្រជាជនអ៊ុយក្រែន គឺនិយាយភាសារុស្ស៊ី”។

លោក​​អះអាង​ថា លោក​ក៏​បាន​ពិភាក្សា​រយៈពេល​ពីរ​ម៉ោង​ជាមួយ​លោក​ពូទីនផងដែរ​កាលពី​ថ្ងៃ​អាទិត្យ៕

ប្រែសម្រួល៖ Vann Vann

ប្រភព៖ BBC

ចុចអាន៖ អតីតបវរកញ្ញាអ៊ុយក្រែន ចាប់កាន់កាំភ្លើងក្រោកឡើងតស៊ូប្រឆាំងការវាយលុករបស់ រុស្ស៊ី

The post មេដឹកនាំប្រទេសធំមួយ ចំអកឲ្យប្រធានាធិបតីអ៊ុយក្រែន appeared first on Kampuchea Thmey Daily.

លោក Queiroga បានសរសេរថា “ខ្ញុំជូនដំណឹងដល់អ្នករាល់គ្នាថា ថ្ងៃនេះខ្ញុំបានធ្វើតេស្តិ៍វិជ្ជមានចំពោះជំងឺកូវីដ ១៩ ។ ខ្ញុំនឹងត្រូវធ្វើចត្តាឡីស័កនៅសហរដ្ឋអាមេរិក ស្របតាមពិធីការអនាម័យទាំងអស់” ។

ដោយស្រង់សម្តីពីក្រសួងសុខាភិបាលប្រេស៊ីល សារព័ត៌មាន G1 បានរាយការណ៍ថា ការធ្វើចត្តាឡីស័ករបស់លោក Queiroga នៅអាមេរិក គឺមានរយៈពេល ១៤ ថ្ងៃ ។

គួរបញ្ជាក់ថា ចំណែកសមាជិកផ្សេងទៀតនៃគណៈប្រតិភូប្រេស៊ីល បានធ្វើតេស្តអវិជ្ជមានចំពោះជំងឺកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ដោយសារតែមិនចាក់វ៉ាក់សាំងកូវីដ ប្រធានាធិបតី ប្រេស៊ីល ត្រូវឈរញ៉ាំភីហ្សាលើចិញ្ចើមផ្លូវ មុនកិច្ចប្រជុំនៅទីក្រុងញូវយ៉ក

The post Breaking News! រដ្ឋមន្រ្តីសុខាភិបាល ប្រេស៊ីល ដែលអមដំណើរប្រធានាធិបតីសម្រាប់មហាសន្និបាត UN វិជ្ជមានកូវីដ appeared first on Kampuchea Thmey Daily.

មេដឹកនាំប្រេស៊ីលរូបនេះដែលបានមកដល់ទីក្រុងញូវយ៉កកាលពីថ្ងៃចន្ទ ដើម្បីចូលរួមកិច្ចប្រជុំ UNGA បានបង្ខំចិត្តឲ្យញ៉ាំភីហ្សានៅខាងក្រៅភោជនីយដ្ឋានមួយកន្លែង ដោយសារតែគាត់មិនបានចាក់វ៉ាក់សាំងការពារជំងឺកូវីដ ១៩ ។

រូបភាពមួយដែលត្រូវបានចែករំលែកនៅលើបណ្តាញសង្គម Twitter បង្ហាញពីលោក Bolsonaro ដែលអមដោយសមាជិកគណៈប្រតិភូរបស់គាត់ ឈរដោយក្ដីរីករាយជាមួយការទទួលទានអាហារយ៉ាងឆ្ងាញ់របស់គាត់ បន្ទាប់ពីក្រុមរបស់គាត់មិនត្រូវបានអនុញ្ញាតឲ្យញ៉ាំនៅខាងក្នុងភោជនីយដ្ឋាន ។

ទន្ទឹមនោះ ប្រធានមហាសន្និបាតអង្គការសហប្រជាជាតិលោក Abdullah Shahid បានចេញលិខិតមួយដោយនិយាយថា គណៈប្រតិភូដែលនឹងមកចូលរួមក្នុងសម័យប្រជុំនៅសាល UNGA នឹងត្រូវផ្តល់វិញ្ញាបនប័ត្រចាក់វ៉ាក់សាំង ស្របតាមតម្រូវការរបស់អាជ្ញាធរទីក្រុងញូវយ៉ក ប៉ុន្តែក្រោយមកតម្រូវការនេះត្រូវបានលុបចោលវិញ ។

គួរបញ្ជាក់ថា លោក Bolsonaro មិនបានចាក់វ៉ាក់សាំងការពារជំងឺកូវីដ ១៩ នោះទេ ដោយសារតែសងស្ស័យអំពីប្រសិទ្ធភាពរបស់វ៉ាក់សាំង ខណៈកន្លងមកគាត់បានអះអាងថា ជំងឺកូវីដ ១៩ គ្រាន់តែជាជំងឺផ្ដាសាយធម្មតាប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប្រេស៊ីល​ កែ​របៀបរាប់​ថ្មី​ប្រកាស​អ្នក​ឆ្លង​កូវីដ​​ជាង ​១៥ ​ម៉ឺន​នាក់​ក្នុង​មួយថ្ងៃ

The post ដោយសារតែមិនចាក់វ៉ាក់សាំងកូវីដ ប្រធានាធិបតី ប្រេស៊ីល ត្រូវឈរញ៉ាំភីហ្សាលើចិញ្ចើមផ្លូវ មុនកិច្ចប្រជុំនៅទីក្រុងញូវយ៉ក appeared first on Kampuchea Thmey Daily.

លេខាធិការដ្ឋានពិសេសសម្រាប់ការទំនាក់ទំនងសង្គមរបស់ប្រទេសប្រេស៊ីល បាននិយាយថា លោក Bolsonaro បានត្អើកអស់រយៈពេលជាងមួយសប្តាហ៍មកហើយ បន្ទាប់ពីមានអាការៈឈឺពោះនៅពេលយប់ ហើយគាត់ត្រូវបានគេបញ្ជូនទៅមន្ទីរពេទ្យយោធានៅទីក្រុង Brasilia ។

ទន្ទឹមនោះលោកវេជ្ជបណ្ឌិត Antonio Luiz Macedo បានធ្វើរោគវិនិច្ឆ័យថា លោក Bolsonaro មានជំងឺស្ទះពោះវៀន ហើយបានផ្ទេរគាត់ទៅមន្ទីរនៅទីក្រុង Sao Paulo ហើយគាត់នឹងត្រូវធ្វើការពិនិត្យបន្ថែម ដើម្បីកំណត់ថាតើគាត់ត្រូវការការវះកាត់ឬអត់ ។

គួររំឭកថា លោក Bolsonaro ត្រូវបានគេចាក់ចំពោះនៅឆ្នាំ ២០១៨ ខណៈពេលកំពុងធ្វើយុទ្ធនាការឃោសនាបោះឆ្នោត ដើម្បីក្លាយជាប្រធានាធិបតី ខណៈហេតុការណ៍នោះ បានប៉ះពាល់ដល់ថ្លើម សួត និងពោះវៀនរបស់គាត់ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ ប្រេស៊ីល ពិន័យលោក Jair Bolsonaro ១០០ ដុល្លារ ប្រមូលផ្ដុំជិះ​ម៉ូតូ និងមិនពាក់ម៉ាស

The post Breaking News! ប្រធានាធិបតីប្រេស៊ីល Jair Bolsonaro ចូលសម្រាកព្យាបាលនៅមន្ទីរពេទ្យ appeared first on Kampuchea Thmey Daily.

ប្រធានាធិបតី Bolsonaro បាន​ធ្វើការ​ប្រមូល​ផ្ដុំ​បែប​នេះ​នៅ​ទូទាំង​ប្រទេស​ប្រេស៊ីល​ ខណៈ​ពេល​ដែល​លោក​កំពុង​ត្រៀម​រៀបចំ​ការ​បោះឆ្នោត​ឡើង​វិញ​នៅ​ឆ្នាំ​ក្រោយ ។​ បញ្ហា​ប្រមូល​ផ្ដុំ​នេះ​​ក៏​បាន​ប្រឆាំង​នឹង​ការ​ព្រមាន​ជា​មុន​ ពី​អភិបាលខេត្ត Sao Paulo លោក Joao Doria ដែល​ជា​ដៃគូ​ប្រជែង​នយោបាយ​បាន​និយាយ​ថា ​ប្រធានាធិបតី​រូប​នេះ​ នឹង​ត្រូវ​ពិន័យ ​ប្រសិន​បើ​លោក​មិន​ស្ដាប់​តាម​បទបញ្ជា​របស់​រដ្ឋ។

លោក Bolsonaro បាន​ប៉ះ​ទង្គិច​ម្ដង​ហើយ​ម្ដង​ទៀត​ជាមួយ​លោក Doria និង​អភិបាល​ដទៃ​ទៀត​ជុំវិញ​វិធានការ​ប្រឆាំង​នឹង​ជំងឺ​កូវីដ ដែល​បាន​ឆក់​យក​ជីវិត​មនុស្ស​ជិត ៤៨៥,០០០ នាក់​នៅ​ក្នុង​ប្រទេស​ប្រេស៊ីល​ ដោយ​ជាប់​ចំណាត់​ថ្នាក់​ទី ២ បន្ទាប់​ពី​សហរដ្ឋអាមេរិក។

ប្រធានាធិបតី​រូប​នេះ ​តែងតែ​រិះគន់​វិធានការ​​នៅ​ផ្ទះ ​និង​ពាក់​ម៉ាស​ ដោយ​លោក​បាន​ឲ្យ​ប្រជាជន​ជំនួស​មក​​វិញ​ត្រូវ​ប្រើ​ថ្នាំ​ដូចជា Chloroquine និង hydroxychloroquine ទោះបី​ជា​ការ​សិក្សា​បង្ហាញ​ថា ​វា​គ្មាន​ប្រសិទ្ធភាព​ប្រឆាំង​នឹង​កូវីដ​ក៏ដោយ។

ថ្លែង​ទៅ​កាន់​អ្នក​គាំទ្រ​ដ៏​ច្រើន​កុះករ​ ដោយ​ក្នុង​ដៃ​គ្រវី​ទង់​ជាតិ​ លោក Bolsonaro បាន​ធ្វើការ​អត្ថាធិប្បាយ​ជា​ថ្មី​ប្រឆាំង​នឹង​ការ​ពាក់​ម៉ាស ​ហើយ​​និយាយ​ថា​ លោក​គ្មាន​គម្រោង​បញ្ជា​ឲ្យ​អ្នក​ចាក់​វ៉ាក់សាំង​រួច​ត្រូវ​តែ​ពាក់​ម៉ាស​ទេ។ លោក​បន្ថែម​ថា ” អ្នក​ដែល​ប្រឆាំង​នឹង​រឿង​នោះ​ មិន​ជឿ​លើ​វិទ្យាសាស្ត្រ​ទេ។ គ្មាន​វិធី​ណា​ដែល​ថា មនុស្ស​ចាក់​វ៉ាក់សាំងហើយ​ អាច​ចម្លង​វីរុស​បាន​ទេ ” ។

ទោះ​យ៉ាង​ណា​ ក្រុម​មន្ត្រី​រដ្ឋ​ក៏​បាន​លើក​ឡើង​ថា​ ពួកគេ​បាន​ផាក​ពិន័យ​លោក Bolsonaro និងកូនប្រុស​ច្បង​របស់​លោក​គឺ Eduardo រួមទាំងរដ្ឋមន្ត្រី​ហេដ្ឋារចនាសម្ព័ន្ធ​ លោក Tarcisio Gomes ពី​បទ​មិន​ពាក់​ម៉ាស​ និង​មិន​សង្កេតមើល​វិធានការ​​ឃ្លាតឆ្ងាយ​ពី​សង្គម​នៅ​ឯ​ហ្វូង​បាតុកម្ម។ ដោយ​ម្នាក់ៗ​ត្រូវ​បាន​ពិន័យ​ជា​ប្រាក់ ៥៥២,៧១ Reais ឬ​ប្រហែល ១០៨ ដុល្លារ ៕

ប្រែសម្រួល៖ សាង ស្រីល័ក្ខ

ប្រភព៖ndtv

ចុចអាន៖អត់ខ្វល់កូវីដ! ប្រធានាធិបតីប្រេស៊ីល ជិះម៉ូតូពេញក្រុង ជាមួយហ្វូងមនុស្សទាំងមិនពាក់ម៉ាស់យ៉ាងរំភើយ (មានវីដេអូ)

ចុចអាន៖ប្រជាជនប្រេស៊ីល គោះចានឆ្នាំង ធ្វើបាតុកម្មប្រឆាំង ប្រធានាធិបតី (មានវីដេអូ)

The post ប្រធានាធិបតីក៏មិនលើកលែង! ប្រេស៊ីលពិន័យលោក Jair Bolsonaro ១០០ ដុល្លារ ប្រមូលផ្ដុំជិះ​ម៉ូតូ និងមិនពាក់ម៉ាស appeared first on Kampuchea Thmey Daily.

លោក Bolsonaro ដែលបានប្រឆាំងវិធានការបិទខ្ទប់និងគម្លាតសង្គម បាននិយាយនៅក្នុងសុន្ទរកថាមួយថា ការធ្វើចត្តាឡីស័ក គួរតែអនុវត្តសម្រាប់តែអ្នកឆ្លងជំងឺបានហើយ។

រដ្ឋមន្រ្តីក្រសួងសុខាភិបាល លោក Marcelo Queiroga បាននិយាយថា លោក Bolsonaro បានស្នើឲ្យគាត់សិក្សាលើការប្រើប្រាស់ម៉ាស់នៅប្រទេស ប្រេស៊ីល។

ទោះបីជាយ៉ាងណាក៏ដោយ ក្នុងសប្តាហ៍នេះ លោករដ្ឋមន្ត្រីបានផ្តល់សក្ខីកម្ម នៅចំពោះមុខគណៈកម្មការស៊ើបអង្កេតរបស់ព្រឹទ្ធសភាថា ម៉ាស់គួរតែត្រូវបានប្រើដើម្បីការពារការឆ្លងរោគ។

គាត់ក៏បានជំទាស់ជាមួយលោក Bolsonaro ពាក់ព័ន្ធការប្រើប្រាស់ថ្នាំ Hydroxychloroquine ផងដែរ ដោយនិយាយថា មិនមានភស្តុតាងណាមួយបង្ហាញថា ថ្នាំគ្រុនចាញ់មួយនេះ មានប្រសិទ្ធភាពក្នុងការព្យាបាលអ្នកជំងឺ កូវីដ-១៩ នោះទេ។

ប្រជាជនប្រេស៊ីលជាង ៤៨០,០០០ នាក់បានស្លាប់ដោយសារជំងឺកូវីដ-១៩ ដែលជាចំនួនអ្នកស្លាប់ដ៏អាក្រក់បំផុតលំដាប់ទី ២ បន្ទាប់ពីសហរដ្ឋអាមេរិក។

ទន្ទឹមនឹងនេះ កម្មវិធីចាក់វ៉ាក់សាំងរបស់ប្រទេសប្រេស៊ីលមានភាពយឺតយ៉ាវ ដោយយោងតាមទិន្នន័យរបស់ក្រសួងសុខាភិបាលបានបង្ហាញថា ប្រជាជនប្រេស៊ីលត្រឹមតែ​២៣,៦ភាគរយប៉ុណ្ណោះដែលទទួលបានការចាក់ដូសទី១ ហើយមានតែ ១០,២ភាគរយ ប៉ុណ្ណោះដែលបានទទួលដូសទី២៕

ប្រែសម្រួល៖ Vann Vann

ប្រភព៖ Reuters

ចុចអាន៖ ចាក់វ៉ាក់សាំងយឺតយ៉ាវនិងកង្វះវិធានការទប់ស្កាត់ ប្រេស៊ីល ត្រៀមខ្លួនទទួលកូវីដ រលកទី៣

The post ប្រេស៊ីល គ្រោងឲ្យអ្នកធ្លាប់កើតជំងឺកូវីដ-១៩ មិនចាំបាច់ពាក់ម៉ាស់ក៏បាន appeared first on Kampuchea Thmey Daily.