ដោយសារតែមិនចាក់វ៉ាក់សាំងកូវីដ ប្រធានាធិបតី ប្រេស៊ីល ត្រូវឈរញ៉ាំភីហ្សាលើចិញ្ចើមផ្លូវ មុនកិច្ចប្រជុំនៅទីក្រុងញូវយ៉ក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ដោយសារតែមិនចាក់វ៉ាក់សាំងកូវីដ ប្រធានាធិបតី ប្រេស៊ីល ត្រូវឈរញ៉ាំភីហ្សាលើចិញ្ចើមផ្លូវ មុនកិច្ចប្រជុំនៅទីក្រុងញូវយ៉ក

បានផុស

នៅ

ប្រធានាធិបតីប្រេស៊ីលលោក Jair Bolsonaro ត្រូវបានគេថតនៅមុនកិច្ចប្រជុំមហាសន្និបាតអង្គការសហប្រជាជាតិ (UNGA) នៅទីក្រុងញូវយ៉ក ខណៈទីក្រុងមួយនេះនៅតែស្ថិតក្នុងការរឹតត្បិតទាក់ទងនឹងជំងឺរាតត្បាត ដូចជាការហាមឃាត់ការទទួលទានអាហារក្នុងទីតាំងបិទជិត សម្រាប់អ្នកដែលមិនបានចាក់វ៉ាក់សាំងការពារជំងឺកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំប្រេស៊ីលរូបនេះដែលបានមកដល់ទីក្រុងញូវយ៉កកាលពីថ្ងៃចន្ទ ដើម្បីចូលរួមកិច្ចប្រជុំ UNGA បានបង្ខំចិត្តឲ្យញ៉ាំភីហ្សានៅខាងក្រៅភោជនីយដ្ឋានមួយកន្លែង ដោយសារតែគាត់មិនបានចាក់វ៉ាក់សាំងការពារជំងឺកូវីដ ១៩ ។

រូបភាពមួយដែលត្រូវបានចែករំលែកនៅលើបណ្តាញសង្គម Twitter បង្ហាញពីលោក Bolsonaro ដែលអមដោយសមាជិកគណៈប្រតិភូរបស់គាត់ ឈរដោយក្ដីរីករាយជាមួយការទទួលទានអាហារយ៉ាងឆ្ងាញ់របស់គាត់ បន្ទាប់ពីក្រុមរបស់គាត់មិនត្រូវបានអនុញ្ញាតឲ្យញ៉ាំនៅខាងក្នុងភោជនីយដ្ឋាន ។

ទន្ទឹមនោះ ប្រធានមហាសន្និបាតអង្គការសហប្រជាជាតិលោក Abdullah Shahid បានចេញលិខិតមួយដោយនិយាយថា គណៈប្រតិភូដែលនឹងមកចូលរួមក្នុងសម័យប្រជុំនៅសាល UNGA នឹងត្រូវផ្តល់វិញ្ញាបនប័ត្រចាក់វ៉ាក់សាំង ស្របតាមតម្រូវការរបស់អាជ្ញាធរទីក្រុងញូវយ៉ក ប៉ុន្តែក្រោយមកតម្រូវការនេះត្រូវបានលុបចោលវិញ ។

គួរបញ្ជាក់ថា លោក Bolsonaro មិនបានចាក់វ៉ាក់សាំងការពារជំងឺកូវីដ ១៩ នោះទេ ដោយសារតែសងស្ស័យអំពីប្រសិទ្ធភាពរបស់វ៉ាក់សាំង ខណៈកន្លងមកគាត់បានអះអាងថា ជំងឺកូវីដ ១៩ គ្រាន់តែជាជំងឺផ្ដាសាយធម្មតាប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប្រេស៊ីល​ កែ​របៀបរាប់​ថ្មី​ប្រកាស​អ្នក​ឆ្លង​កូវីដ​​ជាង ​១៥ ​ម៉ឺន​នាក់​ក្នុង​មួយថ្ងៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services