អតីតបវរកញ្ញាអ៊ុយក្រែន ចាប់កាន់កាំភ្លើងក្រោកឡើងតស៊ូប្រឆាំងការវាយលុករបស់ រុស្ស៊ី (មានវីដេអូ)

អតីតបវរកញ្ញាអ៊ុយក្រែន គឺស្ថិតក្នុងចំណោមមនុស្សរាប់ពាន់នាក់ ដែលចាប់កាន់អាវុធប្រឆាំងនឹងការវាយលុករបស់កងកម្លាំងរុស្ស៊ីក្នុងទីក្រុង គៀវ។

នាង Anastasiia Lenna អាយុ៣១ឆ្នាំ ត្រូវបានគេឃើញកាន់កាំភ្លើងស្របពេលដែលនាងបានព្រមានក្នុងសារ Instagram ថា “អ្នកណាក៏ដោយឲ្យតែឆ្លងកាត់ព្រំដែនអ៊ុយក្រែន ជាមួយបំណងឈ្លានពាននឹងត្រូវសម្លាប់!”។

រូបភាពដ៏ល្បីនេះបានលេចឡើងចំពេលមានសេចក្តីរាយការណ៍អំពី ប្រជាជនតម្រង់ជួរគ្នារង់ចាំការចែកអាវុធនៅក្នុងរដ្ឋធានី។

Lenna បានបង្ហោះរូបភាពនោះ អមជាមួយ hashtag ចំនួនពីរដោយសរសេរថា “ឈរជាមួយអ៊ុយក្រែន”​ និង “ពួតដៃគ្នាអ៊ុយក្រែន”។

យ៉ាងណាក្តី នេះមិនមែនជាលើកទីមួយទេ ដែលនាងបង្ហោះរូបថតជាមួយនឹងកាំភ្លើង។ ពីមុន នាងបានបង្ហោះរូបអំពីការហ្វឹកហាត់របស់នាងជាមួយនឹងអាវុធនៅក្នុងតំបន់ព្រៃឈើ និងកន្លែងហ្វឹកហាត់ក្នុងផ្ទះ។

ក្នុង​ចំណោម​អ្នក​ស្ម័គ្រ​ចិត្ត​ផ្សេង​ទៀត​ ក៏មាន​បុរស​ជើង​សិប្បនិម្មិត និង​គូស្នេហ៍​វ័យ​ក្មេង​ទើបភ្ជាប់ពាក្យផងដែរ​ ដែលបាននាំគ្នាចូល​រួម​ជាមួយ​កម្លាំង​ការពារ​ស៊ីវិល​អ៊ុយក្រែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ យន្តហោះធំបំផុតរបស់ពិភពលោកនៅអ៊ុយក្រែន ត្រូវ រុស្ស៊ី កម្ទេចបាត់ហើយ