ជាមួយគ្នានៃការបង្ហាញនូវអារម្មណ៍រំភើបនេះដែរ តារាចម្រៀងរ៉េបលោក ម៉ាន់ វណ្ណដា ហៅ វណ្ណដា បានបញ្ជាក់ឱ្យដឹងថាពិតជាមិននឹកស្មានថា Crazy Journey កម្មវិធីលំដាប់នៅប្រទេសជប៉ុននឹងមកថតដល់កន្លែងដែលខ្ញុំធ្លាប់នៅជួយប៉ា ម៉ាក់លក់ដូងកាលពីក្មេងៗដូច្នេះឡើយ។

លោក វណ្ណដា បានរៀបរាប់ទៀតថា ជាពិសេសខ្ញុំចង់អរគុណ Awich ខ្លាំងណាស់ដោយសារគាត់មិនត្រឹមតែមកលេងប្រទេសកម្ពុជា និងផ្តល់កិត្តិយសក្នុងការថតកម្មវិធីនេះជាមួយខ្ញុំប៉ុណ្ណោះទេ គាត់ក៏បានជួយបង្ហាញសិល្បៈវប្បធម៌និងទឹកចិត្តដ៏ល្អរបស់ប្រជាជនខ្មែរទៅកាន់បងប្អូនក្នុងប្រទេសជប៉ុនឱ្យបានស្គាល់ពីយើងថែមមួយកម្រិតទៀត។

ស្របពេលជាមួយគ្នានោះ វណ្ណដា ក៏បានសម្តែងពីទឹកចិត្តរីករាយនិងរាក់ទាក់ខ្លាំងដោយបានផ្តល់ស្នាមញញឹមទៅកាន់ក្រុមការងារនៃកម្មវិធី Crazy Journey យ៉ាងស្និទ្ធស្នាលបំផុត ខណ:មហាជនអ្នកគាំទ្របានបង្ហាញការសរសើរទៅលោក វណ្ណដា ដែលល្បីខ្លាំងរហូតកម្មវិធីលំដាប់នៅប្រទេសជប៉ុន មកថតដល់កន្លែងនៅប្រទេសកម្ពុជា។

សូមបញ្ជាក់ថា វណ្ណដា ត្រូវបានគេចាត់ទុកថាជាតារាចម្រៀងរ៉េបវ័យក្មេងដែលបច្ចុប្បន្នកំពុងសាងកេរ្តិ៍ល្បីល្បាញខ្លាំងទាំងក្នុងនិងក្រៅស្រុក៕ ដោយ ៖ ចាន់រ៉ា

The post វណ្ណដា មិននឹកស្មានថាកម្មវិធីលំដាប់មួយនៅជប៉ុន មកថតដល់កន្លែងធ្លាប់ជួយលក់ដូងឪពុក-ម្តាយ ពីក្មេង appeared first on Kampuchea Thmey Daily.

វណ្ណដា កន្លងមកធ្លាប់បានទទូច និងចេញសារបំផុសដោយដាស់ស្មារតីប្រជាជនក៏ដូចកូនខ្មែរគ្រប់រូបត្រូវចងចាំសង្គ្រាមឈ្លានពានរបស់ចោរសៀម ព្រោះទង្វើនេះគឺព្រៃផ្សៃគ្មានមនុស្សធម៌គុណធម៌ជាមនុស្សទេដែលសកម្មភាពនេះ ជាការវាយប្រហារដ៏កំរោលដោយមិនរើសគោលដៅរបស់យោធាថៃ ជាការរំលោភបំពានច្បាប់មនុស្សធម៌អន្តរជាតិ។

ដោយការឈឺចាប់នូវទង្វើដ៏ឃោរឃៅពីសំណាក់យោធាថៃ តារាចម្រៀងរ៉េបរូបនេះ ចេញសារប្រាប់ទៅកាន់ពិភពលោកប្រាប់ពីការឈឺចាប់របស់កម្ពុជាថា “សូមពិភពលោកស្តាប់ពួកយើងឱ្យច្បាស់ ពេលនេះ បេះដូងរបស់ពួកយើងពិតជាឈឺចាប់ធ្ងន់ធ្ងរណាស់។ ឈឺចាប់ខ្លាំងណាស់ ទឹកភ្នែកក៏ហូរច្រើនណាស់ដែរ។ កុមារត្រូវរត់ជំនួសដោយការរៀនសូត្រ។ ក្រុមគ្រួសារ ត្រូវចាកចេញពីផ្ទះ ដែលខំសាងសង់ឡើង ដោយក្តីស្រឡាញ់។ តំបន់ប្រវត្តិសាស្ត្រនិងទីកន្លែងអប់រំដែលមានគោលបំណងការពារអនាគតរបស់យើងត្រូវបានខូចខាត។ យើងពិតជាធុញទ្រាន់នឹងការឮសំឡេងគ្រាប់ផ្លោងជាងក្តីសុបិនរបស់កុមារ”។

លោកបន្តថា “យើងនឿយហត់នឹងការឃើញសិស្ស មនុស្សចាស់និងមនុស្សស្លូតត្រង់រងទុក្ខដោយសារការសម្រេចចិត្ត ដែលពួកគេមិនដែលចង់ធ្វើ។ ប្រជាជនកម្ពុជាមិនបានស្វែងរកសង្គ្រាមនោះទេ។ យើងស្វែងរកសន្តិភាព។ យើងធ្លាប់បានស្គាល់អំពើរបបប្រល័យពូជសាសន៍រួចហើយ។ យើងបានខំសាងសង់ឡើងវិ ញរួចពីផេះផង់រួចហើយ​យើងមិនព្រមត្រឡប់ទៅភា ពខ្មៅងងឹតនោះវិញទេ។ យើងសុំតែសុខសុវត្ថិភាព។ យើងសុំតែឱ្យមានភាពជាមនុស្ស។កម្ពុជាឈរលើសេ ចក្តីថ្លៃថ្នូរ វប្បធម៌និងការរស់រានមានជីវិតមិនមែនជាការបំផ្លាញនោះទេ”។

ជាមួយគ្នានេះ វណ្ណដា ក៏អំពាវនាវដល់ជនរួមជាតិ ត្រូវឈរជាមួយគ្នាជួយគ្នាទៅវិញទៅមក ព្រោះសាមគ្គីភាពគឺជាកម្លាំងដ៏ធំ និងស្នើកុំបណ្តោយឱ្យការឈឺចាប់ពេលនេះ ប្រែក្លាយជាការប្រឆាំងនឹងមនុស្សជាតិ។ លោករំលឹកថា “យើងជាជាតិសាសន៍មួយដែលឈ្នះពីរឿងដែលមិនអាចទៅរួច។ យើងនឹងឈ្នះសង្គ្រាមនេះជាមួយនឹងសន្តិភាព និងមិនមែនដោយការស្អប់ខ្ពើមឡើយ។ ដោយការឈឺចាប់ យើងជ្រើសរើសសន្តិភាព។ ដោយការភ័យខ្លាច យើងជ្រើសរើសការស់រាន។ ដោយភាពងងឹត យើងជ្រើសរើសក្តីសង្ឃឹម។

គិតមកដល់ពេលនេះយោធាថៃនៅតែបន្តយ៉ាងគឃ្លើនក្នុងការឈ្លានពានមកកាន់ប្រទេសកម្ពុជាដោយបានទម្លាក់គ្រាប់បែកបាញ់ផ្លោងចូលទីតាំងប្រជាជនស៊ីវិលកម្ពុជា និងបានបំផ្លិចបំផ្លាញហេដ្ឋារចនាសម្ព័ន្ធស៊ីវិល, មន្ទីពេទ្យ, សាលារៀន, វត្តអារាម, អាគារធំៗ និងផ្លូវស្ពានជាដើម៕ ដោយ ៖ ចាន់រ៉ា

The post វណ្ណដា ទម្លាយការឈឺចាប់ក្នុងចិត្តពីទង្វើឃោរឃៅរបស់យោធាថៃ លើពលរដ្ឋស្លូតត្រង់កម្ពុជា ទៅកាន់ពិភពលោក appeared first on Kampuchea Thmey Daily.

បើទោះបីជាមានការបែកចែកបក្សពួកខាង G-Devith និង ខាង វណ្ណដា ក្ដី នៅក្នុងចង្កោមសិល្បៈគឺគេមានការទទួលស្គាល់សមត្ថភាព និងប្រជាប្រិយភាពរបស់អ្នកទាំងពីរ។ ជាមួយគ្នានេះដែរ តារាចម្រៀងស្រី អ្នកនាង វីរៈនិច្ច បានបង្ហោះរូបភាពជាមួយតារារ៉េបទាំង២ដួងនេះ ព្រមជាមួយនឹងការសរសេរសារគាំទ្រ ដោយមិនរើសយកខាងណាមួយនោះទេ។

នៅក្នុងនោះ វីរៈនិច្ច បានសរសេរថា “តន្ត្រីធ្វើឲ្យយើងមានទំនាក់ទំនង ប៉ុន្ដែក្ដីស្រឡាញ់ និងក្ដីគោរពធ្វើឲ្យយើងកាន់តែខ្លាំងឡើង។ ចែករំលែកឆាកតន្ត្រីជាមួយសិល្បករដ៏អស្ចារ្យទាំង២នាក់ វណ្ណដា និង G-Devith រំលឹកខ្ញុំឲ្យដឹងថា​ ពួកយើងមិនមែនត្រឹមតែជាអ្នកសម្ដែងលើឆាកនោះទេ ពួកយើងជាគ្រួសារតែមួយ”។

ជាពិសេស ក្នុងអត្ថន័យនេះ តារាស្រី វីរៈនិច្ច ចង់បង្ហាញឲ្យឃើញអំពីការគាំទ្ររបស់ខ្លួនទៅកាន់តារាចម្រៀងរ៉េបទាំង២នាក់ ហើយក៏ចង់ក្រើនរំលឹកដែរថា ពួកយើងសុទ្ធសឹងតែជាសិល្បករដូចគ្នា រួមឆាកជាមួយគ្នា មិនមានបែងចែកបក្សពួកនោះទេ សូមអ្នកគាំទ្រពិចារណាតាមការគួរ៕

ប្រភព៖ Virak Nich

The post វីរៈនិច្ច បង្ហោះរូបជាមួយតារារ៉េប G-Devith និង វណ្ណដា សរសេរសារបង្កប់អត្ថន័យជ្រៅ appeared first on Kampuchea Thmey Daily.

ខ្លឹមសារដែរកម្រនឹងបញ្ចេញឲ្យមហាជនដឹងជាសាធារណ: លោក វណ្ណដា បានរៀបរាប់ថា ២០២៤ ជាឆ្នាំមួយដែលមានរឿងនឹកស្មានមិនដល់ជាច្រើនបានកើតឡើង ខ្ញុំបានចាប់ផ្តើមឆ្នាំនេះជាមួយអ្នកគាំទ្រទាំងអស់ ដោយបានចេញចម្រៀងជាមួយសិល្បករដែលមានសមត្ថភាពជាច្រើន ហើយក៏មានបទចូលឆ្នាំខ្មែរដែលឥឡូវនេះ នៅតែកំពុងទទួលបានគាំទ្រយ៉ាងខ្លាំងក្លាពីបណ្តាប្រទេសនានានៅអាស៊ី។

វណ្ណដា បញ្ជាក់ថា លោកក៏បានឡើងសម្តែងនៅឆាកធំៗនៅក្រៅប្រទេសជាច្រើនដូចជា Sabaidee Fest នៅអាមេរិក និងបានឡើងសម្តែងនៅឆាកអូឡាំពិកប៉ារីស ២០២៤ ហើយជាពិសេសក៏បានឡើងសម្តែង ដើម្បីអបអរសាទរពិធីបើកការប្រកួតជាផ្លូវការនៃព្រឹត្តិការណ៍កីឡាជាតិលើកទី៤ និងកីឡាជាតិជនពិការលើកទី២ ជូនបងប្អូនជនរួមជាតិទាំងអស់ផងដែរ ដោយទាំងនេះសុទ្ធតែជាក្តីស្រមៃដែលក្លាយជាការពិតសម្រាប់លោកក្នុងឆ្នាំនេះ។

តារារ៉េប វណ្ណដា បាននិយាយទៀតថា រឿងអស្ចារ្យទាំងអស់នេះ នឹងមិនអាចកើតមានឡើយ បើលោកគ្មានការគាំទ្រដ៏ខ្លាំងក្លាពីមហាជន ដែលជាកម្លាំងជំរុញចិត្តដ៏មហាសាលមួយសម្រាប់លោកផងដែរ។

សូមបញ្ជាក់ថាលោក វណ្ណដា ត្រូវបានគេចាត់ទុកថាជាតារាចម្រៀងរ៉េបវ័យក្មេង ដែលបច្ចុប្បន្នកំពុងសាងកេរ្តិ៍ល្បីល្បាញខ្លាំងទាំងទីផ្សារក្នុងនិងក្រៅស្រុក៕ អត្ថបទ៖ ចាន់រ៉ា

The post វណ្ណដា ចាត់ទុក ២០២៤ ជាឆ្នាំដែលមានរឿងនឹកស្មានមិនដល់បានកើតឡើងច្រើន appeared first on Kampuchea Thmey Daily.

ទន្ទឹមគ្នានៃការអបអរដែលបទ “កម្លោះស្រុកខ្មែរ” ផ្ទុះការគាំទ្រយ៉ាងគំហុកផលិតកម្ម”បារមី” បានឲ្យដឹងបែបនេះថា “សមិទ្ធផលដ៏មានមោទនភាពមួយទៀតសម្រាប់ឆ្នាំនេះ សូមអរគុណជាពិសេសទៅកាន់ពុកម៉ែបងប្អូនទាំងអស់ សម្រាប់ការគាំទ្រ”។ ផលិតកម្មបានបញ្ជាក់ថា “ឮថាបងVanthan- វណ្ណថាន និង បងVann Da- វណ្ណដា មានកាដូពិសេសជូនទាំងអស់គ្នា”។

ដោយមានការបង្ហើបដូច្នេះ គេឃើញមានអ្នកគាំទ្រ និងមហាជនពិសេសមិត្តៗយុវវ័យបានយល់ថា វណ្ណដា និង វណ្ណថាន នឹងមានបទថ្មីសម្រាប់ពួកគេឆាប់ៗនេះ ខណ:ខាងផលិតកម្ម”បារមី” បានឆ្លើយតបខ្លីថា អត់ដឹងថាពេលណាទេ ចាំសួរពួកគាត់ម្នាក់មួយទៅ។

កាលពីអំឡុងដើមខែមេសាឆ្នាំ២០២៣ ពោលគឺជិតដល់ឱកាសនៃពិធីបុណ្យចូលឆ្នាំខ្មែរ នៅលើទំព័រផេកផ្លូវការផលិតកម្ម “បារមី” បានទម្លាយ MVបទថ្មីមានចំ ណងជើងថា«កំលោះស្រុកខ្មែរ »ជាការច្រៀងរួមគ្នារវងតារាចម្រៀងរ៉េប វណ្ណដា និង វណ្ណថានខណ:ដែលបទនេះផ្ទុះការគាំទ្រខ្លាំងពីសំណាក់មហាជនទាំងក្នុងនឹងក្រៅប្រទេស។

កាលណោះបទ «កម្លោះស្រុកខ្មែរ »ចេញបានត្រឹមរយ:ខ្លីប៉ុណ្ណោះ សន្ទុះនៃការគាំទ្របានកើនឡើងខ្លាំងគួរ ឲ្យកត់សម្គាល់។ ទោះបីជាយ៉ាងណាគេរំពឹងថា សម្រាប់ការពួតដៃគ្នាធ្វើបទថ្មីរបស់ វណ្ណដា និង វណ្ណថាន នឹងមានរសជាតិថ្មីប្លែកថែម ព្រោះអ្នកទាំង២សុទ្ធតែមានទេពកោសល្យសិល្ប:ខ្លាំងដូចគ្នា៕ អត្ថបទ៖ ចាន់រ៉ា

The post ផលិតកម្មបារមី បង្ហើបថា វណ្ណដា និង វណ្ណថាន គ្រោងចាប់ដៃគ្នាចេញបទថ្មី ក្រោយផ្ទុះបទ “កម្លោះស្រុកខ្មែរ” appeared first on Kampuchea Thmey Daily.

យើងសង្កេតឃើញថា កេរ្តិ៍ឈ្មោះ វណ្ណដា កាន់តែឡើងទៅៗ ពិសេស មហាជនថៃមានការស្រឡាញ់គាំទ្ររូបលោកជាខ្លាំង។ មិនតែប៉ុណ្ណោះ ថ្មីៗនេះ គេបានឃើញតារាកំប្លែងថៃដ៏ល្បីល្បាញ លោក Jazz Chuanchuen បានច្រៀងបទរបស់ វណ្ណដា នៅលើឆាកប្រគុំតន្ត្រីរបស់ខ្លួន។

ជាពិសេស គ្រាន់តែឮបទនេះភ្លាម អ្នកទស្សនានៅទីនោះ នាំគ្នាស្រែកហ៊ោកក្រើកឆាក ហើយតារាប្រុសរូបនេះ បានច្រៀងជាភាសាខ្មែរចំៗពាក្យ ច្បាស់ៗ ធ្វើឲ្យទស្សនិជនមានការសប្បាយរីករាយ នាំគ្នាច្រៀងតាមពេញកន្លែងប្រគុំតន្ត្រីផងដែរ៕

The post ថៃកាន់តែស្រឡាញ់! Jazz តារាកំប្លែងថៃដ៏ល្បី ច្រៀងបទវណ្ណដា លើឆាកប្រគុំតន្ត្រី appeared first on Kampuchea Thmey Daily.

នៅក្នុងពិធីនេះ​ដែរ គឺគេ​ឃើញ​មាន​ការ​​សម្ដែង​យ៉ាង​អស្ចារ្យ​ពី​សំណាក់​សិល្បករ-សិល្បការិនី ជា​ច្រើន​រូប​ជា​មួយភាពសប្បាយរីករាយ។ ចំពោះពិធី​បើកកីឡាជាតិលើកទី៤ និង​កីឡា​ជាតិ​ជនពិការ​លើកទី២ គឺបាន​ប្រព្រឹត្តិ​ទៅយ៉ាង​រលូន និង​​អស្ចារ្យ​បំផុត​ជាមួយ​ការ​បង្ហាញ​ផ្ទាំង​ទស្សនីយភាព​ព្រម​ទាំង​ការសម្តែង​ដ៏កក្រើកពី​សំណាក់​តារា​ចម្រៀង​ល្បីៗ​ប្រចាំប្រទេសកម្ពុជា​ដើម្បីអបអរព្រឹត្តិការណ៍ដ៏អស្ចារ្យនេះ។

ដោយឡែក​ចាប់អារម្មណ៍ លើតារាល្បីៗ​ប្រចាំផលិត កម្ម “បារមី” ឯណោះ​វិញគឺទទួលបានការគាំទ្រ និង​អបអរ​យ៉ាង​កក់ក្តៅ​ពី​សំណាក់​ទស្សនិកជន​ក៏ដូចអ្នកគាំទ្រ​ផងដែរ​នៅក្រោមការសម្តែង-ច្រៀងទាំងដំណក់ភ្លៀងធ្លាក់។ កាន់តែ​ពិសេសថែមទៀតគឺ ការសម្តែង និងច្រៀងលើឆាកតែមួយរវាង​តារារ៉េប លោក វណ្ណដា, លោក វណ្ណថាន ,លោក នរិទ្ធ បាន​ប៉ះជាមួយ​នឹង​ប្អូនៗ​រួមទ្រនំសិល្បៈ​ យូ​ហៃ​ និង​កញ្ញា រ៉េត ស៊ូហ្សាណា ជា​លើកដំបូងទៀតផង។

ទោះបីយ៉ាង​ណា​បន្ទាប់​ពី​បញ្ចប់​ការ​ចម្រៀង និង​សម្តែង​កំពូលតារាចម្រៀង​រ៉េប​លោក វណ្ណដា បានបង្ហាញ​អារម្មណ៍រំភើប​របស់ខ្លួនដូច្នេះថា “មានឈាមខ្មែរ សម្តែង​​ជូនបងប្អូនប្រជាជនខ្មែរ នៅ​លើទឹកដីខ្មែរ”។ តាមរយៈ​ខ្លឹមសារនេះ បានធ្វើឲ្យអ្នកគាំទ្រកាន់​តែ​រំភើប និង​សរសើរ​ចំពោះ​ឆន្ទ:​តារាចម្រៀងលោក វណ្ណដា ក្នុង​នាម​ជា​តារា​ចម្រៀងល្បី​ប្រចាំប្រទេសកម្ពុជា។

លោកបន្តថា «ខ្ញុំសូមអរគុណ​ទៅដល់គណៈកម្មការកីឡាជាតិដែលបានផ្តល់កិត្តិយសដល់រូប ខ្ញុំបាទ​បានឡើង​សម្តែងនៅពិធី​បើកការប្រកួតកីឡាជាតិលើកទី៤ និង​កីឡាជាតិជនពិការលើកទី២ ឆ្នាំ២០២៤ ដ៏អស្ចារ្យ។ សូមអរគុណ​ពុកម៉ែ​បងប្អូន​ទាំងអស់​ចំពោះ​ការគាំទ្រដ៏ខ្លាំងក្លាមួយ​​នេះ ថាមពល និងសំឡេង​ហ៊ោ​​របស់អ្នកទាំង​អស់គ្នាគឺជា​កម្លាំងចិត្តដ៏អស្ចារ្យមួយ​សម្រាប់​សិល្បករ -សិល្បការិនី ក៏ដូចជា​កីឡាករ​កម្ពុជា​ត្រៀមប្រកួតទាំងអស់ផងដែរ»។

សូមបញ្ជាក់ថាលោក វណ្ណដា ត្រូវបានគេចាត់ទុកថា​ជា តារាចម្រៀង​រ៉េបវ័យ​ក្មេង​ដែល​បច្ចុប្បន្ន​កំពុង​សាង​កេរ្តិ៍​ឈ្មោះ​ល្បីល្បាញ​ខ្លាំង​ទាំង​ទីផ្សារ​ក្នុង និងក្រៅស្រុក។ វណ្ណដា ក៏ជាតារាចម្រៀងខ្មែរមួយរូបបាន​ធ្វើ​ឲ្យ​ប្រទេសជិត ខាងជាច្រើន​បានស្គាល់ពី​តម្លៃសិល្បៈ​នៅកម្ពុជា​ព្រោះលោក​តែងនាំ​យក​វប្បធម៌ អរិយធម៌​ខ្មែរ​ទៅ​បង្ហាញ​នៅ​លើឆាក​អន្តរជាតិ​ឲ្យពិភពលោក​បានដឹង និងទទួលស្គាល់៕

អត្ថបទ៖ ចាន់រ៉ា

The post វណ្ណដា ថា ខ្លួនមានឈាមខ្មែរ រំភើបបានសម្តែងជូនប្រជាជនខ្មែរ នៅលើទឹកដីខ្មែរ appeared first on Kampuchea Thmey Daily.

ជា​ការ​ពិត ​​តារា​ចម្រៀង​រ៉េប​លោក វណ្ណដា បន្ទាប់​ពី​ទទួល​ដំណឹង​ដ៏ស្លុតចិត្តនៃ​កាស្លាប់​របស់​ព្រឹទ្ធាចារ្យ​កោសល្យវោហារ​លោក​តា គង់ ណៃ លោក​បាន​បង្ហាញ​អារម្មណ៍រន្ធត់ចិត្តខ្លាំង ខណៈ​ពេលនោះ វណ្ណដា គឺមិនមានវត្តមាន​នៅក្នុងប្រទេសទេ ដោយលោក​ចេញ​ទៅច្រៀង​នៅឯ​ក្រៅប្រទេស(សហរដ្ឋអាមេរិក)​ទើប​លោក​​ពុំបាន​ចូលរួម​ពិធី​បុណ្យ​សព​លោក​តា គង់ ណៃ។

បើតាមការ​​បញ្ជាក់​​ឲ្យដឹងពី​​លោក គង់ បុរាណ កូនប្រុសបង្កើតលោកតា គង់ ណៃ បានប្រាប់​ថា វណ្ណដា បាន​ធ្វើតាម​​ការសន្យា​បាន​​ទៅ​ជួប​​សួរ​​សុខទុក្ខអ្នកម្តាយលោក​យាយ​ តាត ឆេន និង​អុចធូបគោរព​វិញ្ញាណក្ខន្ធ​លោក​ឪពុក​ព្រឹទ្ធាចារ្យ​កោសល្យ​វោហារ គង់ ណៃ ដល់​គេហដ្ឋាន។ លោកបន្តថា​ លោ​កអរគុណ​ប្អូន វណ្ណដា និងក្រុម​ការងារ​ដែលបាន​​ចំណាយ​ពេលវេលាដ៏មាន​តម្លៃទៅ​សួរសុខទុកយាយ និង​គោរពដួងវិញ្ញាណខក្ខន្ធតា។

ចំណែក​ឯ​លោក គង់ សម័យ កូនប្រុសបង្កើត​លោក តា គង់ ណៃ ក៏​បាន​បង្ហោះ​រូបភាព​អមខ្លឹមសារ​ដែរ​ថា
“ខ្ញុំសូម​អរគុណ​ដល់​ផលិតកម្មបារមី និងប្អូន Vannda ,វណ្ណដា ដែល​បាន​ទៅ​សួរ​សុខទុក្ខម្តាយខ្ញុំ និង​បាន​អុចធូប​​គោរពវិញ្ញាណក្ខន្ធ​លោកពុកខ្ញុំនៅឯងស្រុកកំ ណើតលោកតា គង់ ណៃ“។សកម្មភាពនេះសបញ្ជាក់ឲ្យឃើញថា វណ្ណដា បាន​គោរព​ដឹងគុណ​យ៉ាង​ខ្លាំង​ចំពោះ​លោក​តា គង់ ណៃ នឹង​ក្រុមគ្រួសារលោកតា។

​សូម​​បញ្ជាក់​ថា លោកតា គង់ ណៃ បាន​ទទួល​មរណភាព​នៅថ្ងៃសុក្រ ៧រោច ខែជេស្ន ឆ្នាំរោង ឆស័ក ព.ស .២៥៦៨ ត្រូវនឹងថ្ងៃទី២៨ ខែមិថុនា ឆ្នាំ២០២៤ កន្លង​ទៅ​នេះ​ក្នុងជន្មាយុ ៨០ឆ្នាំ​ដោយរោគាពាធ​នៅឯស្រុកកំណើតខេត្តកំពត។ ដំណឹង​មរណភាពរបស់លោកព្រឹទ្ធាចារ្យ គង់ ណៃ ដែល​ជាសិល្បករចាប៉ីដងវែង​ដ៏ឆ្នើមម្នាក់ និងជាមរតកមនុស្សរស់ដ៏មានតម្លៃរបស់កម្ពុជា​ បានធ្វើឲ្យ​មហាជនសិល្បករ-សិល្បការិនី និងប្រជាពលរដ្ឋខ្មែរសម្តែងការសោកស្តាយជាពន់ពេក។

ព្រឹទ្ធាចារ្យ គង់ ណៃ គឺ​ជា​​សិល្បករចាប៉ីដងវែង​ដ៏ល្បីល្បាញមួយរូប​របស់កម្ពុជា​ដែលមាន​គោរមងារថាជា ព្រឹទ្ធាចារ្យកោសល្យវោហារ គង់ ណៃ។ ក្រៅពីមាន​គោរមងារថ្នាក់ជាតិជាមត៌កមនុស្សរស់ហើយនោះ ព្រឹទ្ធាចារ្យ គង់ ណៃ ក៏ជាធ្លាប់​ទទួលបានពានរង្វាន់ទាំង​ថ្នាក់ជាតិ និងអន្តរជាតិជា​ច្រើនពានរង្វាន់ផងដែរ៕

អត្ថបទ៖ ចាន់រ៉ា

The post ដូចការសន្យា! វណ្ណដា ស្កាត់ទៅអុចធូបគោរពវិញ្ញាណក្ខន្ធលោកតាព្រឹទ្ធចារ្យ គង់ ណៃ appeared first on Kampuchea Thmey Daily.