ការលើកទឹកចិត្តនេះបានធ្វើឡើង កាលពីរសៀលថ្ងៃទី៩ ខែមិថុនា ឆ្នាំ២០២៦ ក្នុងឱកាសដឹកនាំវគ្គភាពអ្នកដឹកនាំ និងនវានុវត្តន៍តាមប្រព័ន្ធវីដេអូ សន្និសីទនៅក្នុងដំណើរចុះពិនិត្យ សេវាសុខាភិបាលតាមមូលដ្ឋានសុខាភិបាល នៅខេត្តពោធិ៍សាត់ និងខេត្តបាត់ដំបង។ លោកសាស្រ្តាចារ្យរដ្ឋមន្រ្តី ក៏បានលើកទឹកចិត្តឱ្យមន្រ្តីសុខាភិបាលទាំងអស់ បន្តខិតខំប្រើប្រាស់សមត្ថភាព ប្រកបដោយកាយវិការទន់ភ្លន់ក្នុងការបម្រើសេវាសុខភាព ចូលរួមបង្កើតភាពរីករាយ និងទទួលបានការពេញចិត្តពេញថ្លើមពីប្រជាពលរដ្ឋ។

លើសពីនេះទៀតលោករដ្ឋមន្រ្តីសុខាភិបាលបានជំរុញឱ្យមន្រ្តីសុខាភិបាល បន្តខិតខំក្នុងភារកិច្ចរបស់ខ្លួនទាំងការបម្រើសេវាថែទាំព្យាបាល និងភាពជាអ្នកដឹកនាំក្នុងអង្គភាព ដើម្បីបង្កើនភាពធន់ក្នុងប្រព័ន្ធសុខាភិបាល។ យ៉ាងណាក៏ដោយ លោករដ្ឋមន្ត្រីបានទទួលស្គាល់នូវការលះបង់ទាំងកំលាំងកាយចិត្ត ដែលមន្រ្តីសុខាភិបាលបាន និងកំពុងធ្វើកន្លងមក ក្នុងភារកិច្ច កាត្វកិច្ច សេចក្តីថ្លៃថ្នូររបស់ខ្លួនការពារសុខភាព សុវត្ថិភាពជូនប្រជាពលរដ្ឋ។

ក្នុងឱកាសនោះដែរ លោករដ្ឋមន្រ្តី បានលើកយកប្រធានបទទាក់ទង នឹង ការធ្វើផែនការមកចែករំលែក ដោយសង្កត់ធ្ងន់ទៅលើភាពចាំបាច់នៃការធ្វើផែនការ ដែលមានគោលដៅច្បាស់លាស់ ដោយឈរលើការគិតគូរជាប្រចាំ ដោយប្រមើមើលនូវឧបសគ្គនៅខាងមុខ និង ការជ្រើសរើសយកនូវដំណោះស្រាយដែលមានសក្ខានុពលស្របតាមបរិបទរបស់អង្គភាព។

ជាបន្ទាប់ ក្រុមការងារមន្ទីរពេទ្យព្រះនេត្រព្រះនៃមន្ទីរសុខាភិបាល ខេត្តបន្ទាយមានជ័យ បានធ្វើបទបង្ហាញពីការដឹកនាំ និងគ្រប់គ្រងមន្ទីរពេទ្យ ដោយបង្ហាញនូវសមិទ្ធផលនៃការកើនឡើង នៃចំនួនអ្នកមកប្រើប្រាស់សេវា និង ការកែលម្អហេដ្ឋារចនាសម្ពន្ធ័របស់មន្ទីរពេទ្យ។ នៅក្នុងបទបង្ហាញនេះក៏បានរំលេចនូវគុណតម្លៃរបស់មន្ទីរពេទ្យ និងគុណតម្លៃរបស់បុគ្គល ដែលគុណតម្លៃទាំងនេះ គឺ ជាកំលាំងចលករមួយរបស់មន្ទីរពេទ្យ ដែលអាចបូកផ្សំជាមួយការដឹកនាំប្រកបដោយភាពចាស់ទុំ នឹងធ្វើឱ្យមន្ទីរពេទ្យអាចបន្តបង្កើនគុណភាពសេវា ពង្រឹងសុវត្ថិភាពអ្នកជំងឺ និងឈានទៅបង្កើនប្រសិទ្ធភាព និងស័ក្តិសិទ្ធភាព នៃសេវារបស់ខ្លួន៕ អត្ថបទ៖សំអឿន

The post រដ្ឋមន្រ្តីសុខាភិបាល លើកទឹកចិត្តមន្រ្តីទាំងអស់បន្តខិតខំ បម្រើសេវាជូនអ្នកជំងឺ ដោយកាយវិការទន់ភ្លន់ និង រួសរាយរាក់ទាក់ appeared first on Kampuchea Thmey Daily.

ភាគី​ទាំងពីរ​ បាន​វាយ​តម្លៃខ្ពស់ ​និង​ជឿជាក់​ថា ​កិច្ចស​ហប្រតិបត្តិការនេះ នឹង​រួម​ចំណែក​ជំរុញឱ្យមាន​ការ​អភិវឌ្ឍ​មូល​ធន​មនុស្សនៅកម្ពុជា និងជួយដល់​វិស័យ​ឯក​ជន ​នៅរដ្ឋអូស្ត្រាលីខាងត្បូង។ ​កិច្ចសហការនេះ​ក៏​រួម​បញ្ចូល​ការ​បណ្តុះ​បណ្តាល​សមត្ថភាព​គ្រូ ​ការ​អភិវឌ្ឍកម្មវិធីសិក្សា និង​វិធីសាស្ត្របង្រៀន ដែលស្របតាមស្តង់ដារអូស្ត្រាលីផងដែរ។​

លោក Cameron Baker បាន​បញ្ជាក់ថា ​លោក​នឹង​រៀបចំឱ្យមានក្រុមការងារចំពោះកិច្ចសម្រាប់អនុវត្តកិច្ចការនេះឱ្យមានប្រសិទ្ធភាពខ្ពស់ ដែលនឹងអាចចាប់ផ្តើមទទួលសិស្សនិស្សិតកម្ពុជា ក្នុងការហាត់ការ និងកម្មសិក្សានៅក្នុងឆ្នាំ២០២៦ លើមុខជំនាញវិស្វកម្មរថយន្ត រថយន្តអគ្គិសនី និងអេឡិចត្រូនិក និងអាចបន្ថែមជំនាញផ្សេងៗទៀត ចាប់ពីឆ្នាំ២០២៧។

លទ្ធផលនៃកិច្ចសហប្រតិបត្តិការនេះ គឺកើតចេញពីការចង្អុលបង្ហាញ និងផ្តល់អនុសាសន៍ដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែលលោកជំទាវ Frances Adamson អភិបាលរដ្ឋ នៃរដ្ឋអូស្ត្រាលីខាងត្បូង (South Australia-SA) ប្រទេសអូស្ត្រាលី អញ្ជើញទៅទស្សនកិច្ចនៅកម្ពុជាកាលពីថ្ងៃទី១៩ ខែឧសភាឆ្នាំ២០២៥ កន្លងទៅនេះ។ នាឱកាសនោះ គណៈប្រតិភូកម្ពុជាក៏បានធ្វើទស្សនកិច្ចសិក្សា និងផ្លាស់ប្តូរបទពិសោធ នៅតាមគ្រឹះស្ថានបណ្ដុះបណ្ដាលមួយចំនួនក្នុងទីក្រុងអាដេឡេដ ប្រទេសអូស្ត្រាលី រួមមាន សាលាបណ្តុះបណ្តាលបច្ចេកទេស របស់ Technical and Further Education South Australia, សាលាមធ្យមសិក្សាបច្ចេកទេស Tonsley Technical College, សាលាបណ្តុះបណ្តាលជាងរថយន្ត នៃសមាគមជាង និងអ្នកផ្តល់សេវាថែទាំយានយន្តអូស្ត្រាលី (Motor Trade Association) និងសាលាបណ្តុះបណ្តាលបច្ចេកទេសកសិកម្ម នៃសាលាបណ្តុះបណ្តាលជំនាញតំបន់៕

The post កម្ពុជា និងអូស្ត្រាលី ពង្រីកកិច្ចសហប្រតិបត្តិការផ្នែកបណ្តុះបណ្តាលវិជ្ជាជីវៈ និងកម្មវិធីហាត់ការ appeared first on Kampuchea Thmey Daily.

លោកបានថ្លែងបែបនេះ នាឱកាសអញ្ជើញចូលរួមក្នុងពិធីបើកវគ្គសិក្សា ស្តីពីក្រមសីលធម៌ និងភាពជាអ្នកមានវិជ្ជាជីវៈ ដែលដឹកនាំបង្រៀនដោយ លោកសាស្ត្រាចារ្យ ឆែម គាតរិទ្ធី ទេសរដ្ឋមន្ត្រី ប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ទីប្រឹក្សា និងជាសាស្ត្រាចារ្យ បង្រៀនមុខវិជ្ជា ក្រមសីលធម៌វិជ្ជាជីវៈសុខាភិបាល នៅសាកលវិទ្យាល័យវិទ្យាសាស្ត្រសុខាភិបាល កាលពីថ្ងៃទី២១ ខែកក្កដា ឆ្នាំ២០២៥។

លោករដ្ឋមន្រ្តី បានបញ្ជាក់ថា ក្នុងវិស័យសុខាភិបាល នៅខ្វះនូវធនធានមនុស្សដែលមានក្រមសីលធម៌វិជ្ជាជីវៈ ទាំងចំនួន និងគុណភាព ហើយការខ្វះខាតនេះ គឺធ្វើឱ្យមានភាពខ្សោយនៃការគិតគូពិចារណាក្នុងវិជ្ជាជីវៈវេជ្ជសាស្ត្រ។ ដូច្នេះ សាកលវិទ្យាល័យវិទ្យាសាស្ត្រសុខាភិបាល ត្រូវតែពង្រឹងក្នុងការលើកម្ពស់នូវគុណភាពនៃក្រមសីលធម៌វិជ្ជាជីវៈវេជ្ជសាស្ត្រនេះ ឱ្យបានប្រសើរឡើង និងឆាប់រហ័ស។

ឆ្លៀតក្នុងឱកាសនេះ លោករដ្ឋមន្រ្តី បានថ្លែងអំណរគុណ លោក ឆែម គាតរិទ្ធី ដែលបានលះបង់ពេលវេលា និងការច្នៃប្រឌិតខ្ពស់ ក្នុងការលើកកម្ពស់ការបណ្តុះបណ្តាលនិស្សិត នៅមហាវិទ្យាល័យវេជ្ជសាស្ត្រ នៃសាកលវិទ្យាល័យវិទ្យាសាស្ត្រសុខាភិបាល ឱ្យមានគុណភាពកាន់តែប្រសើរឡើង ជាពិសេសការពង្រឹងគុណភាពក្រមសីលធម៌វិជ្ជាសុខាភិបាល។

ក្នុងឱកាសនោះដែរ លោក ឆែម គាតរិទ្ធី លើកឡើងអំពីមេរៀនគុណតម្លៃនៃអ្នកមានវិជ្ជាជីវៈវេជ្ជសាស្ត្រ ដោយត្រូវមានឥរិយាបថល្អ ក្រមសីលធម៌ ទទួលខុសត្រូវ ឧត្តមគតិ ស្រឡាញ់វិជ្ជាជីវៈ ព្រហ្មវិហារធម៌ និងគោរពអ្នកជំងឺ៕

The post លោក ឈាង រ៉ា៖ អ្នកមានវិជ្ជាជីវៈសុខាភិបាល មិនត្រឹមតែមានចំណេះ ជំនាញប៉ុណ្ណោះទេ ប៉ុន្តែត្រូវមានគុណធម៌ appeared first on Kampuchea Thmey Daily.

ថ្លែង​ក្នុង​ទិវា​ជាតិ​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ លើក​ទី ៨ ក្រោម​ប្រធានបទ «TVET បង្កើត​ឱកាស​ការងារ សាង​ក្តី​សង្ឃឹម​ដល់​យុវជន​» រយៈពេល ២ ថ្ងៃ ចាប់ពី​ថ្ងៃ​ទី ១៥ ដល់​ថ្ងៃ​ទី ១៦ ខែ​មិថុនា លោក ហេង សួរ រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ បានឱ្យដឹងថា ដើម្បី​បង្ក​លក្ខណៈ​ងាយស្រួល​សម្រាប់​សិស្ស​យុវជន​មកពី​គ្រួសារ​ក្រីក្រ និង​ងាយ​រង​ហានិភ័យ​ដូចជា កម្មករ-និយោជិត និង​អ្នក​នៅ​ក្នុង​សេដ្ឋកិច្ច​ក្រៅ​ប្រព័ន្ធ​មាន​លទ្ធភាព ពេលវេលា និង​ឱកាស​ចូលរៀន​ក្នុង​កម្មវិធី​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស ក្រសួង​ការងារ បាន​ពង្រីក​វេន​សិក្សា​ឱ្យ​កាន់​តែ​មាន​លក្ខណៈ​បត់បែន​ដែល​មាន​ច្រើន​ជម្រើស​រហូតដល់ ៧ វេន ផ្សេងៗ គ្នា រួមមាន ថ្ងៃ​ចន្ទ​-​សុក្រ ចំនួន ៥ វេន ​(​វេន​ពេញ​មួយថ្ងៃ​ , វេន​ព្រឹក​ , វេន​រសៀល ​, វេន​ល្ងាច​/​យប់ រៀន ៣ ម៉ោង ​, វេន​ល្ងាច​/​យប់ រៀន ២ ម៉ោង​) , ការសិក្សា​ថ្ងៃ​សៅរ៍​-​អាទិត្យ​ពេញ​ម៉ោង ចំនួន ១ វេន និង​ការ​សិក្សា​តែ​ថ្ងៃអាទិត្យ​ពេញ​មួយថ្ងៃ ចំនួន ១ វេន។

លោក​រដ្ឋមន្ត្រី បាន​បន្ត​ថា វគ្គ​សិក្សា​នីមួយៗ មាន​រយៈពេល​ខុសគ្នា ចាប់ពី ៤ ដល់ ១២ ខែ និង​មាន​វេន​ល្ងាច​/​យប់ និង​ចុង​សប្ដាហ៍ និង​អនុញ្ញាត​ឱ្យ​យុវជន និង​កម្មករ-និយោជិត អាច​ចុះ​ឈ្មោះ​វេន​ណាមួយ​ដែល​សមស្រប និង​ងាយស្រួល​សម្រាប់​ខ្លួន ខណៈ​ដែល​ពួកគេ​នៅតែ​អាច​បន្តធ្វើ​ការងារ និង​ធានា​បាន​នូវ​ស្ថិរភាព នៃ​ប្រភព​ចំណូល​របស់​ខ្លួន។

លោក​រដ្ឋមន្ត្រី បាន​បន្ត​ទៀត​ថា ចាប់​តាំងពី​រាជរដ្ឋាភិបាល​បាន​ដាក់​ឱ្យ​ប្រើប្រាស់​កម្មវិធី​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស ដល់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ ១ លាន ៥ សែន​នាក់ កាលពី​ថ្ងៃ​ទី ១៤ ខែ​វិច្ឆិកា ឆ្នាំ ២០២៣ រហូតមកដល់​ខែឧសភា ឆ្នាំ ២០២៥ នេះ មាន​អ្នក​ចុះឈ្មោះ​ចូលរៀន​ប្រមាណ ១២ ម៉ឺន ១ ពាន់​នាក់ សិស្ស​កំពុង​សិក្សា និង​បញ្ចប់​ការ​សិក្សា ៧ ម៉ឺន ៣ ពាន់​នាក់ និង​សិស្ស​ទទួល​បាន​ការងារ​ធ្វើ ១ ម៉ឺន ៨ ពាន់​នាក់។

លោក​រដ្ឋមន្ត្រី បាន​បន្ថែម​ថា យុវជន​មកពី​គ្រួសារ​ក្រីក្រ និង​ងាយ​រង​ហានិភ័យ ពេល​ចុះឈ្មោះ​ចូល​រៀន គឺ ទទួល​បាន​ការ​សិក្សា​ដោយ​ឥតគិតថ្លៃ និង​ទទួល​បាន​ប្រាក់ឧបត្ថម្ភ​ពី​រាជរដ្ឋាភិបាល​ក្នុង ១ ខែ ចំនួន ២៨ ម៉ឺន​រៀល។ ចំពោះ​យុវជន ឬ​កម្មករ-និយោជិត មកពី​គ្រួសារ​ទូទៅ មិន​ទទួល​បាន​ប្រាក់​ឧបត្ថម្ភ​ទេ តែ​ទទួល​បាន​ការសិក្សា​ដោយ​ឥតគិតថ្លៃ​នៅ​តាម​គ្រឹះស្ថាន​អប់រំ​បណ្ដុះបណ្ដាល​បច្ចេក​ទេស និង​វិជ្ជាជីវៈ​សាធារណៈ ចំនួន ៣៧។

លោក​រដ្ឋមន្ត្រី បាន​បញ្ជាក់​ថា គិត​ត្រឹម​ខែ​ឧសភា ឆ្នាំ ២០២៥ ក្រសួង បាន​អភិវឌ្ឍន៍​កញ្ចប់​ស្តង់ដារ​បណ្តុះបណ្តាល​ផ្អែកលើ​សមត្ថភាព​បាន​ចំនួន ២២២ គុណវុឌ្ឍិ លើ ៩៦ មុខជំនាញ និង​អភិវឌ្ឍន៍​កញ្ចប់​សិក្សា​ផ្អែកលើ​សមត្ថភាព​បាន​ចំនួន ១ ៩៧៩ មេរៀន លើ ៤៥ គុណវុឌ្ឍិ (CI) នៃ ៤៥ មុខ​ជំនាញ លើ​វិស័យ​អាទិភាព​ទាំង ១០ ក្នុង​កម្មវិធី​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស ដល់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ៕

អត្ថបទ ៖ សំអឿន

The post ក្រសួងការងារ ពង្រីកវេនសិក្សាមានលក្ខណៈបត់បែនសម្រួលដល់កម្មករ និងអ្នកសេដ្ឋកិច្ចក្រៅប្រព័ន្ធបានសិក្សាជំនាញបន្ថែម appeared first on Kampuchea Thmey Daily.

លោក​បាន​បន្តថា​ ទិវា​ជាតិ​នេះ​ មានការ​ចូលរួម​ពី​សាធារណជន ជាពិសេស យុវជន សិស្សានុសិស្ស និស្សិត មាតាបិតា អាណាព្យាបាល កម្មករ-និយោជិត និយោជក ផ្នែក​ឯកជន អ្នក​ចុះឈ្មោះ​ធ្វើតេស្ដ​សមត្ថភាព​ជំនាញ​វិជ្ជាជីវៈ និង​បច្ចេកទេស និង​ឱកាស​ការងារ យ៉ាងច្រើន​កុះករ​នៅ​ទូទាំងប្រទេស ដែល​បានធ្វើឱ្យ​សាធារណជន​កាន់តែ​យល់ច្បាស់​ពី​ការសិក្សា​ជំនាញ​បច្ចេកទេស និង​វិជ្ជាជីវៈ​របស់​រាជរដ្ឋាភិបាល​អាណត្តិ​ទី ៧ និង​មើលឃើញ​ពី​សមត្ថភាព​សិស្ស​ដែល​សិក្សា​ជំនាញ​បច្ចេកទេស ទីផ្សារ​ការងារ មុខរបរ​ក្រោយ​បញ្ចប់​ការសិក្សា​ជំនាញ​។ លើសពីនេះ ទិវា​ជាតិ​នេះ​ បាន​ទាក់ទាញ​ចំណាប់​អារម្មណ៍​ឱ្យ​យុវជន កម្មករ-និយោជិត មក​ចុះឈ្មោះ​ចូលរៀន​ជំនាញ​ឱ្យ​កាន់តែច្រើន​ថែមទៀត។

លោក ​កត្តា ​អ៊ន​ បាន​អំពាវនាវ​ដល់​កម្មករ-និយោជិត យុវជន សាធារណជន​ទាំងអស់ ដែល​មិនទាន់​បានមក​ចុះឈ្មោះ​ចូលរៀន​ជំនាញ​បច្ចេកទេស និង​វិជ្ជាជីវៈ សូម​មក​ចុះឈ្មោះ​ចូលរៀន​ជំនាញ​បច្ចេកទេស និង​វិជ្ជាជីវៈ ដើម្បី​មាន​ជំនាញ​មួយ​ច្បាស់លាស់​ប្រចាំជីវិត មាន​ការងារ និង​ចំណូល​សមរម្យ។ ក្នុងនោះដែរ​ អាណាព្យាបាល​របស់​យុវជន ​ត្រូវ​លើកទឹកចិត្ត​កូនៗ​ មក​ចុះឈ្មោះ​ចូលរៀន​ជំនាញ​ឱ្យបាន​គ្រប់ៗ គ្នា។

ជាមួយគ្នានេះ លោក​ កត្តា អ៊ន​ បាន​លើកទឹកចិត្ត​ឱ្យ​វិស័យ​ឯកជន សូម​បន្ត​ទទួលយក​សិស្ស​បញ្ចប់​ការ​សិក្សា​ជំនាញ​ចូល​ធ្វើការ និង​សូម​ផ្តល់​ប្រាក់ខែ​ឱ្យបាន​សមរម្យ​តាម​សមត្ថភាព​របស់​សិស្ស​ដែល​បានបញ្ចប់​ការសិក្សា​។ ក្នុងនោះ មហាជន អាជ្ញាធរ​គ្រប់​ជាន់ថ្នាក់​ សូម​ចូលរួម​ផ្សព្វផ្សាយ និង​កៀរគរ​យុវជន​ឱ្យ​មក​ចូលរៀន​ជំនាញ​បច្ចេកទេស និង​វិជ្ជាជីវៈ ឱ្យ​កាន់តែ​ច្រើន​ថែមទៀត។

គួរ​បញ្ជាក់ថា កម្មវិធី​បណ្ដុះបណ្ដាល​យុវជន​មកពី​គ្រួសារ​ក្រីក្រ និង​ងាយ​រង​ហានិភ័យ ១ លាន ៥ សែន​នាក់​នេះ ត្រូវបាន​រាជរដ្ឋាភិបាល​ប្រកាស​បើក​ជា​ផ្លូវការ កាលពី​ថ្ងៃទី​ ១៤​ ខែវិច្ឆិកា​ ឆ្នាំ​ ២០២៣ និង​បាន​បើក​វគ្គ​បណ្ដុះបណ្ដាល​លើក​ទី​ ១​ កាលពី​ថ្ងៃទី​ ១៥​ ខែមករា​ ឆ្នាំ​ ២០២៤​ ហើយ​គិត​មកដល់​បច្ចុប្បន្ន មាន​អ្នក​ចុះឈ្មោះ​សិក្សា​ជំនាញ​នៅតាម​បណ្តា​សាលា​បណ្ដុះបណ្ដាល​បច្ចេកទេស និង​វិជ្ជាជីវៈ​ជាង​ ៤​ ម៉ឺន​នាក់ ​ស្រី​ជាង ​១៤ ០០០​ នាក់​ ក្នុងនោះ​មាន​សិស្ស​មកពី​គ្រួសារ​ក្រីក្រ ​និង​គ្រួសារ​ងាយ​រង​ហានិភ័យ​ជាង ១ ម៉ឺន ៥ ពាន់​នាក់។ ក្នុងនោះ​ទទួលបាន​ធ្វើតេស្ត​វាយតម្លៃ​សមត្ថភាព​ជាង ៣ ពាន់​នាក់ ​ប្រឡង​ជាប់​ជាង​ ២ ​ពាន់​នាក់ ​និង​អ្នកមាន​ការងារ​ធ្វើ​ជាង​ ៩៥០​ នាក់​ ទទួល​បាន​ប្រាក់ខែ​ចាប់ពី ​១៥០​ ដល់​ ៣០០​ ដុល្លារ​ សិក្សា​រយៈពេល​ ៤​ ខែ៕

អត្ថបទ ៖ សំអឿន

The post អ្នកនាំពាក្យ ៖ ទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ ឆ្នាំនេះ ទទួលបានជោគជ័យលើសការរំពឹងទុក appeared first on Kampuchea Thmey Daily.

លោក ហ៊ីង ស៊ីដេត អគ្គនាយក​អប់រំ​បណ្តុះបណ្តាល​បច្ចេកទេស និង​វិជ្ជាជីវៈ បានឱ្យដឹងថា អាណាព្យាបាល​មួយចំនួន តែងតែ​បញ្ជូន​កូនៗ របស់ខ្លួន ទៅ​រៀន​នៅតាម​សាកលវិទ្យាល័យ ព្រោះ​ពួកគាត់​គិតថា​នៅពេល​ចប់​ចេញទៅ​ធ្វើការ​នៅ​ការិយាល័យ​ស្លៀកពាក់​ស្អាតបាត ពាក់​ក្រវាត់ក និង​រាង​សង្ហា។ តែបើ​អ្នករៀន​នៅ​សាលា​បណ្តុះបណ្តាល​បច្ចេកទេស និង​វិជ្ជាជីវៈ ចេញ​មកវិញ មើលទៅ​ពិបាក​ដោយសារ​ខោអាវ​ប្រឡាក់ ធ្វើការ​ក្រោម​ឡាន ឡើង​សសរ​ដងគោម​ជាដើម។

លោក​បាន​បន្តថា «ប៉ុន្តែ​សម័យ​បច្ចុប្បន្ននេះ មិន​មែនរៀន​ជំនាញ​ឡើង​សសរ​ដងគោម​ទាំងអស់នោះ​ទេ វា​ទៅតាម​កម្រិត​ជំនាញ​ និង​ប្រើ​បច្ចេកវិទ្យា​។​ រៀន​ជំនាញ​ មានបុណ្យ​ស័ក្ដិ ៨ កម្រិត​រួមមាន​កម្រិត ១ កូនជាង ,កម្រិត ២ ជាង ,កម្រិត​ ៣ ​បច្ចេកទេស រហូតដល់​ដល់​វិស្វករ។ តែ​ទោះបីជា​យើង​មាន​បុណ្យ​ស័ក្ដិ​យ៉ាងណា ក៏​គេ​មើល​អត់​ឃើញ​ទេ ដោយសារ​ធ្វើការ​នៅ​កន្លែង​មិន​ស្អាត​ដូចជា​ជាង​ឡាន តែ​ខោអាវ​ប្រឡាក់​ពេល​បំពេញការងារ​ពេល​ចប់​ការងារ​ដោះ​ខោអាវ​ប្រឡាក់​ចេញ​តឺនុយ​សង្ហា​ដូចគ្នា​។ ការងារ​នេះ​មើល​មិន​សមរម្យ​មែន​ តែ​ទទួល​បាន​ចំណូល​ខ្ពស់​»។

លោក​បាន​បន្តទៀតថា ​ជាក់ស្តែង​ការបណ្តុះបណ្តាល​យុវជន​មកពី​គ្រួសារ​ក្រីក្រ​ និង​ងាយ​រង​ហានិភ័យ​ ១​ លាន​ ៥​ សែន​នាក់​ យើង​បានធ្វើ​តេស្ដ​បញ្ជាក់​សមត្ថភាព​សិស្ស​ជាង ៣ ពាន់​នាក់ ក្នុង​នោះ​មាន​ការងារ​ធ្វើ ៩៥៦ នាក់ ដែល​ទទួលបាន​ប្រាក់ខែ​ពី ១៥០ ដុល្លារ ទៅ ៣០០ ដុល្លារ ដោយ​ចំណាយ​រយៈពេល​សិក្សា​ត្រឹមតែ ៤ ខែ​ប៉ុណ្ណោះ។

លោក កត្តា អ៊ន រដ្ឋលេខាធិការ និង​ជា​អ្នកនាំពាក្យ​ក្រសួង​ការងារ​ និង​បណ្តុះបណ្តាល​វិជ្ជាជីវៈ បានឱ្យដឹង​ដែរ​ថា​ ចំពោះ​យុវជន​គ្រួសារ​ក្រីក្រ​ និង​គ្រួសារ​ងាយ​រង​ហានិភ័យ ​ចូលរៀន​មិន​ត្រឹមតែ​អត់​គិត​ថ្លៃ​ប៉ុណ្ណោះ​ទេ​ ថែមទាំង​ទទួលបាន​ប្រាក់ឧបត្ថម្ភ​ប្រមាណ​ ២៨​ ម៉ឺន​រៀល ​សម្រាប់​ដោះស្រាយ​ជីវភាព​ប្រចាំថ្ងៃ​ពេល​កំពុង​សិក្សា​ ៤​ ខែ​ ទៀត​ផង។ រីឯ​យុវជន​មកពី​គ្រួសារ​ធម្មតា​ ក៏​អាច​ចូល​សិក្សា​ដោយ​ឥតគិតថ្លៃ​ដែរ​ តែ​មិន​ទទួលបាន​ប្រាក់ឧបត្ថម្ភ​ដូច​យុវជន​គ្រួសារ​ក្រីក្រ​ និង​គ្រួសារ​ងាយ​រង​ហានិភ័យ​នោះ​ទេ។

បើតាម​លោក កត្តា អ៊ន បច្ចុប្បន្ន​ក្រសួង​ការងារ​មាន​សាលា​អប់រំ​បណ្តុះបណ្តាល​បច្ចេកទេស​ និង​វិជ្ជាជីវៈ​ក្រោម​ឱវាទ​ក្រសួង​ចំនួន​ ៣៧​ នៅ​ទូទាំងប្រទេស​ ដោយបាន​បណ្ដុះបណ្ដាល​សិស្ស​ប្រមាណ​ជាង ៥ ម៉ឺន​នាក់ ក្នុងនោះ​មាន​ ៨៥%​ មាន​ការងារ​ធ្វើ​ និង​ ១៥% ​ទៀត​ បន្ត​ការសិក្សា​ និង​មួយ​ចំនួន​ទៀត​ ចេញ​បើក​មុខរបរ​ដោយ​ខ្លួនឯង​ ដែល​នេះ​ជា​ជោគជ័យ​មួយ​ក្នុង​ការផលិត​ធនធានមនុស្ស​ក្នុង​ការ​ចូលរួម​អភិវឌ្ឍន៍​សេដ្ឋកិច្ច​កម្ពុជា​កាន់តែ​រីកចម្រើន​បន្ថែម​ទៀត។

លោក កត្តា អ៊ន បាន​អំពាវនាវ​ដល់​យុវជន​មកពី​គ្រួសារ​ក្រីក្រ និង​យុវជន​មកពី​គ្រួសារ​ងាយ​រង​ហានិភ័យ និង​យុវជន​ទូទៅ ចុះឈ្មោះ​ចូលរៀន​ជំនាញ​ឱ្យ​បាន​ច្រើន​បន្ថែម​ទៀត ដើម្បី​ឆ្លើយតប​នឹង​តម្រូវការ​ទីផ្សារ​ការងារ​នា​ពេល​បច្ចុប្បន្ន និង​ទៅ​ថ្ងៃ​អនាគត៕

អត្ថបទ ៖ សំអឿន

The post មន្ត្រីជាន់ខ្ពស់ ៖ រៀន TVET ឆាប់មានការងារធ្វើ ប្រាក់ខែសមរម្យ ជួយលើកស្ទួយជីវភាពគ្រួសារកាន់តែប្រសើរ appeared first on Kampuchea Thmey Daily.

លោក បាន​គូស​បញ្ជាក់​បន្ថែម​ថា «ពលរដ្ឋ​ម្នាក់ ជួយ​ជំរុញ​យុវជន​ឲ្យ​បាន​ម្នាក់ មក​ចុះ​ឈ្មោះ​ចូលរៀន​ជំនាញ​វិជ្ជាជីវៈ គឺជា​ការ​ស្រលាញ់​ជាតិ ជា​ស្មារតី​ស្នេហា​ជាតិ ជួយ​សង្គមជាតិ និង​ចូលរួម​អភិវឌ្ឍន៍​ប្រទេស​កម្ពុជា ឲ្យ​រីកចម្រើន​រុងរឿង តាមរយៈ​យុវជន​ម្នាក់ មាន​ជំនាញ​មួយ​ច្បាស់លាស់​ប្រចាំ​ជីវិត មាន​ការងារ​ធ្វើ​ល្អ និង​ប្រាក់​ចំណូល​សមរម្យ»។

លោក បន្ថែម​ថា គ្រឹះស្ថាន​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស ចំនួន ៣៧ ដែល​ស្ថិត​ក្រោម​ការ​គ្រប់គ្រង​របស់​ក្រសួង​ការងារ និង​បណ្ដុះបណ្ដាល​វិជ្ជាជីវៈ នៅ​ទូទាំង​ប្រទេស បាន​និង​កំពុង​ចូលរួម​យ៉ាងសកម្ម​លើ​ការ​បណ្ដុះបណ្ដាល​ជំនាញ​ដល់​យុវជន ហើយ​សកម្មភាព​នេះ នឹង​បន្ត​ដូច​ភ្លៀង​រលឹម។

លោក បន្ត​ថា កម្មវិធី​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស​ទៅ​ដល់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ ១,៥ លាន​នាក់ ដែល​ត្រូវ​បាន​ដាក់​ឲ្យ​អនុវត្ត​ជា​ផ្លូវការ កាលពី​ដើម​ខែ​វិច្ឆិកា ឆ្នាំ ២០២៣ ដោយ សម្តេច​ធិបតី នាយករដ្ឋមន្ត្រី កន្លងទៅ គឺ​ធ្វើ​យ៉ាងណា​ឲ្យ​យុវជន​កម្ពុជា​មាន​ជំនាញ​មួយ​ច្បាស់លាស់​ប្រចាំ​ជីវិត មាន​ការងារ​ធ្វើ​សមរម្យ មាន​ប្រាក់ចំណូល​អាច​ទ្រទ្រង់​ជីវភាព​គ្រួសារ។ ដូច្នេះ​ហើយ ការ​ជួយ​ជំរុញ​យុវជន និង​សមាជិក​គ្រួសារ​ម្នាក់ អាច​មក​ចុះឈ្មោះ​ចូល​រៀន​ជំនាញ​របស់​រាជរដ្ឋាភិបាល គឺជា​ការ​ជួយ​សង្គមជាតិ និង​ជា​ការ​ស្នេហា​ជាតិ​មួយ​ដ៏​ត្រឹមត្រូវ។

លោក បាន​អំពាវនាវ​ឲ្យ​យុវជន ក៏ដូចជា​ប្រជាពលរដ្ឋ​កម្ពុជា​ដែល​មិន​ទាន់​បាន​ចូលរៀន​ជំនាញ​វិជ្ជាជីវៈ និង​បច្ចេកទេស សូម​រួសរាន់​មក​ចុះឈ្មោះ​ចូលរៀន​នៅ​តាម​គ្រឹះស្ថានសិក្សា​ទូទាំង​ប្រទេស។

ទន្ទឹម​នោះ លោក បាន​ថ្លែងអំណរគុណ​ទៅ​ដល់​ភាគី​ពាក់ព័ន្ធ ជាពិសេស​បណ្ដាញ​អ្នកសារព័ត៌មាន​ទាំងអស់​ដែល​កំពុង​ចូលរួម​យ៉ាងសកម្ម​ក្នុង​ការ​ជួយ​ផ្សព្វផ្សាយ​កម្មវិធី​បណ្ដុះបណ្ដាល​ថ្នាក់​ជាតិ​របស់​រាជរដ្ឋាភិបាល​អាណត្តិ​ទី ៧ នេះ៕

The post លោក កត្តា អ៊ន ៖ ការផ្សព្វផ្សាយ និងជំរុញលើកទឹកចិត្តឲ្យយុវជន​មករៀនជំនាញ ជាការស្នេហាជាតិ និងជួយសង្គមជាតិ appeared first on Kampuchea Thmey Daily.

នេះ​ជា​ព្រះ​បន្ទូល​អ្នកអង្គម្ចាស់ បណ្ឌិត ស៊ីសុវត្ថិ ប្ញទ្ធី​រ៉ាវង្ស ក្នុង​កិច្ចប្រជុំ​ផ្សព្វផ្សាយ​រវាង​គ្រឹះស្ថាន​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ និង​យល់​ដឹង​បន្ថែម​អំពី​គ្រឹះស្ថាន កិច្ច​សហ​ប្រតិបត្តិការ​រវាង វិស័យ​ឧស្សាហកម្ម​ក្នុង​ខេត្ត ជូន​ប្រជាពលរដ្ឋ​ក្រុង​ខេមរភូមិន្ទ និង​ស្រុក​មណ្ឌលសីមា។

អ្នកអង្គម្ចាស់ ឬទ្ធី​រ៉ាវង្ស មាន​បន្ទូល​បន្ត​ថា ការ​ចូលរួម​ពី​វិស័យ ក្រុមហ៊ុន សហគ្រាស​ឯកជន ពិតជា ដើរ​តួនាទី​យ៉ាង​សំខាន់ និង​សកម្ម ក្នុង​ការ​ជំរុញ​កំណើន​សេដ្ឋកិច្ច​គ្រួសារ ព្រមទាំង​សង្គម​ផង​ដែរ។ ជាក់ស្ដែង កម្មវិធី​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ ១.៥ លាន​នាក់ គឺជា​វិស័យ​មួយ​ត្រូវ​បាន​យកចិត្តទុកដាក់​ខ្ពស់​ពី រាជរដ្ឋាភិបាល​កម្ពុជា ក្រោម​ការ​ដឹកនាំ​ដ៏​ខ្ពង់ខ្ពស់​ប្រកប​ដោយ​គតិបណ្ឌិត សម្ដេច​ធិបតី ហ៊ុន ម៉ាណែត នាយករដ្ឋមន្ត្រី។

អ្នកអង្គម្ចាស់​ព្រះ​នាយក​វិទ្យាស្ថាន​ពហុបច្ចេកទេស​ខេត្ត​កោះកុង មាន​បន្ទូល​ទៀត​ថា វិស័យ​នេះ បាន​ជំរុញ​ឱ្យ​មាន​ការ​អភិវឌ្ឍ​ផ្នែក​វិស័យ​ឯកជន និង​បាន​ចូលរួមចំណែក​ធ្វើ​ឱ្យ​មាន​ការ​កើនឡើង​នូវ​កំណើន​សេដ្ឋកិច្ច​ជាតិ​តាមរយៈ​កម្លាំង​ពលកម្ម​មាន​ជំនាញ និង​ការ​រីក​ដុះដាល នៃ​រោងចក្រ សហគ្រាស សិប្បកម្ម ភោជនីយដ្ឋាន សណ្ឋាគារ និង​ក្រុមហ៊ុន​ឯកជន​មួយ​ចំនួន​ធំ ទៀត​ផង​ដែរ។​ល។

គួរ​កត់​សម្គាល់​ថា ការ​រីកចម្រើន​ទាំង​នោះ​បាន អាស្រ័យ​ដោយ​មាន​កម្លាំង​ពលកម្ម ធនធានមនុស្ស នៃ​វិស័យ​ឯកជន ប្រកប​ដោយ​ចំណេះដឹង និង​ជំនាញ​ពិតប្រាកដ​មួយ ដើម្បី​ធានា​បាន​នូវ​ការផលិត និង​កិច្ច​ដំណើរការ​របស់ រោងចក្រ សហគ្រាស ឱ្យ​មាន​សកម្មភាព​រស់រវើក​ជាប់​ជា​និរន្ត ប្រកបដោយ​ចីរភាព និង​កំណើន។ ប្រសិនបើ​គ្មាន​ធនធានមនុស្ស ក៏​គ្មាន​កម្លាំង​ពលកម្ម តែ​បើ​មាន​កម្លាំង​ហើយ​គ្មាន​ជំនាញ ក៏​មិន​អាច​ធានា​ការ​ផលិត​បាន​ដែរ។ ករណី​នេះ ពិតជា​មាន​ហានិភ័យ​ខ្ពស់​ដល់​ការ​ផលិត និង​ជះឥទ្ធិពល​ដល់​វិស័យ​ឯកជន និង​ការ​វិនិយោគ​ផង​ដែរ។

ក្នុងនាម​ថ្នាក់ដឹកនាំ​វិទ្យាស្ថាន អ្នកអង្គម្ចាស់ សុវត្ថិ ប្ញទ្ធី​រ៉ាវង្ស កោតសរសើរ​ដោយ​ស្មោះ​ចំពោះ​ដៃគូ​អភិវឌ្ឍន៍​ពាក់ព័ន្ធ​ដែល​ជួយ​គាំទ្រ​នូវ​ប្រភព​ធនធាន​ថវិកា សម្ភារៈ​បរិក្ខារ និង​បច្ចេកទេស ដល់​វិទ្យាស្ថាន ដែល​ខិតខំ​បំពេញភារកិច្ច​អស់ពី​កម្លាំង​កាយ​ចិត្ត និង​មាន​ស្មារតី​ទទួលខុសត្រូវ​ខ្ពស់ ក្នុង​ការ​រួមចំណែក​បណ្ដុះបណ្ដាល និង​ការ​អភិវឌ្ឍ​ធនធាន​មនុស្ស​ប្រកបដោយ​គុណភាព និង​ប្រសិទ្ធភាព​ខ្ពស់៕

អត្ថបទ ៖ សិរីវឌ្ឍនៈ

The post តំណាងគ្រឹះស្ថានអប់រំ នៅតែចាត់ទុកជំនាញបច្ចេកទេសវិជ្ជាជីវៈ​ជំរុញសេដ្ឋកិច្ចគ្រួសារ និងសង្គម មាននិរន្តរភាព appeared first on Kampuchea Thmey Daily.