ក្នុងឱកាសអញ្ជើញជាអធិបតី សម្ពោធរោងចក្រផលិតកែច្នៃកៅស៊ូ របស់ក្រុមហ៊ុន គីមស៍ រ៉ាប់ប៊ើរ (ខេមបូឌា) នៅថ្ងៃទី ២៧ ខែឧសភា ឆ្នាំ ២០២៦ នាខេត្តត្បូងឃ្មុំ នាយករដ្ឋមន្រ្តី សម្តេចធិបតី ហ៊ុន ម៉ាណែត បានថ្លែងថា រដ្ឋាភិបាលនឹងបន្តជួយកសិករ ជាពិសេសក្នុងវិស័យកសិកម្មរបស់យើង ដូចជាការមិនយកពន្ធទៅលើដីកសិកម្ម។ ក្នុងនាមអនុប្រធានគណបក្សប្រជាជនកម្ពុជា សម្តេចធិបតី អះអាងថា៖« ដរាបណាគណបក្សប្រជាជនកម្ពុជានៅតែមានការគាំទ្ររបស់ប្រជាជនឱ្យដឹកនាំប្រទេស យើងនៅតែមិនយកពន្ធលើដីកសិកម្មទេ។ នេះគឺជាគោលនយោបាយច្បាស់លាស់របស់រដ្ឋាភិបាល ហើយនេះជាអ្វីដែលការជួយសម្រួលទៅកសិកររបស់យើង»។

លើសពីនេះ​ សម្តេចបន្ថែមថា រដ្ឋមានចក្ខុវិស័យច្បាស់លាស់ និងមានគោលដៅដ៏ធំ គឺរកទីផ្សារដែលមានតម្លៃខ្ពស់ និងមានស្ថិរភាពឱ្យកសិករ ព្រមទាំងប្រែក្លាយវិស័យកសិកម្មកម្ពុជាទៅជាកសិកឧស្សាហកម្ម បង្កើតឱកាសការងារ និងទីផ្សារនៅកន្លែង។ សម្តេចបានពន្យល់ថា ការទាក់ទាញវិនិយោគិនមកបង្កើតរោងចក្រក្នុងស្រុក នឹងរួមចំណែកផ្តល់ឱកាសការងារ កសិផលរបស់កសិករទទួលបានតម្លៃខ្ពស់ និងមានទីផ្សារថេរ។

ក្នុងឱកាសនោះដែរ សម្តេចធិបតី ណែនាំឱ្យក្រសួងកសិកម្ម រុក្ខាប្រមាញ់ និងនេសាទ ត្រូវបន្តសហការជិតស្និទ្ធជាមួយក្រសួងសា្ថប័នពាក់ព័ន្ធ បន្តជំរុញការងារពិសោធន៍ និងការស្រាវជ្រាវកៅស៊ូតាមរយៈការពង្រឹងមន្ទីរពិសោធន៍ និងមន្ទីរពិសោធន៍មូលដ្ឋាន ព្រមទាំងការកែលម្អហេដ្ឋារចនាសម្ព័ន្ធរូបវ័ន្ត ការបណ្តុះបណ្តាលធនធានមនុស្ស និងការផ្ទេរបច្ចេកវិទ្យា ការបង្កើនកិច្ចសហប្រតិបត្តិការជាមួយស្ថាប័នស្រាវជ្រាវអន្តរជាតិ ដើម្បីពង្រឹងគុណភាពកៅស៊ូឱ្យស្របតាមស្តង់ដាបច្ចេកទេសកម្រិតអន្តរជាតិ។

សូមជម្រាបថា គោលនយោបាយមិនយកពន្ធលើដីកសិកម្មនេះ ត្រូវបានដាក់ចេញយូរណាស់មកហើយក្រោមអណត្តិរបស់អតីតនាយករដ្ឋមន្រ្តី សម្តេចតេជោ ហ៊ុន សែន ដោយបានលើកឡើងថា គោលនយោបាយនេះ ដើម្បីជួយសម្រាលបន្ទុក ឬការចំណាយរបស់ប្រជាកសិករ។ សម្តេចតេជោ ធ្លាប់ថ្លែងថា៖«កសិករត្រូវការជំនួយ ការជួយ និងឧបត្ថម្ភពីយើង មិនមែនត្រូវការយកពន្ធពីពួកគាត់នោះទេ។ យើងត្រូវការវិនិយោគឱ្យពួកគាត់មានប្រព័ន្ធទឹក និងការវិនិយោគដ៏ទៃទៀត ចាំបាច់បម្រើឱ្យគាត់ អភិវឌ្ឍន៍សេដ្ឋកិច្ច និងគ្រួសារពួកគាត់»៕

The post សម្តេចធិបតី អះអាងជាថ្មី រដ្ឋនឹងមិនយកពន្ធលើដីកសិកម្មដរាបណាពលរដ្ឋគាំទ្របោះឆ្នោតឱ្យបក្សបន្តដឹកនាំប្រទេស appeared first on Kampuchea Thmey Daily.

ក្នុងឱកាសនោះដែរ លោកប្រធានមន្ទីរ និងក្រុមការងារ ក៏បានអញ្ជើញចូលសួរសុខទុក្ខអតីតយុទ្ធជនចំនួន ០២គ្រួសារ ដោយបាននាំយកអំណោយមួយចំនួនដើម្បីចែកជូន និងលើកទឹកចិត្តដល់ពួកគាត់ក្នុងជីវភាពប្រចាំថ្ងៃ។

លោក ងិន ហ៊ុន បានបង្ហាញការយកចិត្តទុកដាក់ចំពោះសុខុមាលភាព និងជីវភាពរស់នៅរបស់អតីតយុទ្ធជន ព្រមទាំងបានលើកទឹកចិត្តឲ្យបន្តប្រឹងប្រែងក្នុងការដាំដុះដំណាំ ដើម្បីលើកកម្ពស់ជីវភាពគ្រួសារ និងរួមចំណែកអភិវឌ្ឍន៍វិស័យកសិកម្មក្នុងមូលដ្ឋាន។ សកម្មភាពនេះបង្ហាញពីការយកចិត្តទុកដាក់របស់មន្ទីរកសិកម្មខេត្ត ក្នុងការគាំទ្រប្រជាពលរដ្ឋ និងអតីតយុទ្ធជន ដើម្បីធានាបាននូវការរីកចម្រើន និងសុខុមាលភាពប្រសើរឡើងនៅតំបន់មូល៕

អត្ថបទ៖ វ៉ាន់ សេដ្ឋា

The post ប្រធានមន្ទីរកសិកម្មខេត្តកំពង់ឆ្នាំង លើកទឹកចិត្តឲ្យពលរដ្ឋដាំដំណាំដើម្បីលើកកម្ពស់ជីវភាពគ្រួសារ និងរួមចំណែកអភិវឌ្ឍវិស័យកសិកម្មក្នុងមូលដ្ឋាន appeared first on Kampuchea Thmey Daily.

នាសន្និសីទសារព័ត៌មានកាលពីថ្ងៃទី ១០ ខែកុម្ភៈ ឆ្នាំ ២០២៦ ឯកអគ្គរដ្ឋទូតអូស្ត្រាលីប្រចាំកម្ពុជា លោក ដេរិក យីប បានលើកឡើងថា ក្រោមកិច្ចសហប្រតិបត្តិការដ៏ជិតស្និទ្ធ អូស្ត្រាលីកំពុងគាំទ្រការកែច្នៃផលិតផលកសិកម្ម ការអភិវឌ្ឍវិស័យកសិ-អាហារ ពាណិជ្ជកម្ម និងការវិនិយោគនៅកម្ពុជា ដើម្បីជំរុញកំណើនសេដ្ឋកិច្ចដែលមានបរិយាបន្ន និងនិរន្តរភាព។
លោកបានបញ្ជាក់ថា ក្នុងវិស័យកសិកម្ម អូស្ត្រាលីផ្តោតលើការជួយអភិវឌ្ឍសមត្ថភាពក្រុមហ៊ុនក្នុងស្រុក ដើម្បីឲ្យកម្ពុជា មិនត្រឹមតែនាំចេញផលិតផលឆៅប៉ុណ្ណោះទេ ប៉ុន្តែអាចកែច្នៃ និងផលិតផលិតផលសម្រេចនៅក្នុងប្រទេស មុននាំចេញទៅទីផ្សារអន្តរជាតិ។ លើសពីនេះ អូស្ត្រាលីក៏បានគាំទ្រក្រុមហ៊ុនក្នុងស្រុក ក្នុងការលើកកម្ពស់គុណភាពផលិតផល ដើម្បីអាចនាំចេញទៅទីផ្សារអន្តរជាតិដែលមានតម្លៃខ្ពស់ ព្រមទាំងជួយស្វែងរកទីផ្សារថ្មីៗផងដែរ។

លោកទូតបន្ថែមថា ៖«អូស្ត្រាលីកំពុងធ្វើការជាមួយដៃគូ និងអ្នកទិញផលិតផលកសិកម្ម ដើម្បីភ្ជាប់ក្រុមហ៊ុនក្នុងស្រុកជាមួយទីផ្សារអន្តរជាតិ។ ក្រុមហ៊ុនដែលចង់ស្វែងរកដៃគូក្នុងវិស័យនេះ អូស្ត្រាលីត្រៀមខ្លួនជួយសម្របសម្រួល»។

បន្ថែមពីនេះ អូស្ត្រាលីក៏កំពុងជួយកម្ពុជា ក្នុងការដោះស្រាយបញ្ហាបម្រែបម្រួលអាកាសធាតុ ដោយគាំទ្រការត្រៀមខ្លួន និងដំណោះស្រាយប្រឈមនឹងគ្រោះធម្មជាតិ ដូចជាទឹកជំនន់ និងគ្រោះរាំងស្ងួត ដែលបង្កការខាតបង់ដល់កសិករយ៉ាងច្រើន៕

The post អូស្រ្តាលី ជួយអភិវឌ្ឍវិស័យកសិកម្មកម្ពុជានាំចេញផលិតផលសម្រេចទៅកាន់ទីផ្សារអន្តរជាតិ appeared first on Kampuchea Thmey Daily.

ថ្លែង​បិទ​អង្គ​សិក្ខា​សាលា​បូកសរុប​លទ្ធផល​ការងារ​កសិកម្ម រុក្ខា​ប្រមាញ់ និង​នេសាទ ខេត្ត​សៀមរាប ឆ្នាំ ២០២៥ និង​ទិសដៅ​បន្ត នៅ​ថ្ងៃ​ទី ២៦ ខែ​មករា ឆ្នាំ ២០២៦ លោក ឃុន សាវឿន រដ្ឋលេខាធិការ​ក្រសួងកសិកម្ម បាន​ជំរុញ​ឲ្យ​មន្ទីរ ត្រូវ​បន្ត​លើក​កម្ពស់​ការ​តាមដាន​ចរន្ត​សត្វ អនាម័យ​សត្វ និង​ភូតគាម​អនាម័យ ព្រមទាំង​ពង្រីក និង​ពង្រឹង​សមត្ថកិច្ច​ត្រួតពិនិត្យ​អនាម័យ​សាច់​តាម​ទី​សត្តឃាតដ្ឋាន ការ​ចាក់​វ៉ាក់សាំង​សត្វ ដើម្បី​សុវត្ថិភាព សុខភាព​សាធារណៈ។ ពង្រឹង​ការ​អភិរក្ស​ធនធាន​ជលផល តាមរយៈ​ការ​អភិវឌ្ឍ​វារីវប្បកម្ម ដោយ​លើកទឹកចិត្ត​ឲ្យ​ចិញ្ចឹម​ត្រី​តាម​ស្រះ ក្នុង​បែរ ក្នុង​តង់ និង​ក្នុង​ស្រែ តាម​ស្ថានភាព​ជាក់ស្ដែង ព្រមទាំង​លែង​ពូជ​ត្រី​ក្នុង​បឹង​ធម្មជាតិ ដើម្បី​បង្កើន​ផល​ស្តុក​ក្នុង​បឹង​ធម្មជាតិ​សម្រាប់​សេចក្ដី​ត្រូវការ​របស់​ប្រជាពលរដ្ឋ។

លោក​បន្ត​ថា ចំពោះ​ព្រៃឈើ ត្រូវ​សហការ​ទប់ស្កាត់ និង​បង្ក្រាប​បទល្មើស​ព្រៃឈើ សត្វព្រៃ ឲ្យ​មាន​ប្រសិទ្ធភាព​ខ្ពស់ អន្តរាគមន៍​ឲ្យ​ទាន់​ពេលវេលា​នូវ​ភ្លើង​ឆេះ​ព្រៃ។ លោក​ក៏បាន​ស្នើ​ដល់​រដ្ឋបាល​ខេត្ត​សៀមរាប មន្ទីរ​អង្គភាព​ជុំវិញ​ខេត្ត និង​អាជ្ញាធរ​មូលដ្ឋាន​ពាក់ព័ន្ធ សូម​បន្ត​ចូលរួម​គាំទ្រ​ការងារ​ផ្សេងៗ ដល់​មន្ទីរ​កសិកម្ម រុក្ខា​ប្រមាញ់ និង​នេសាទ និង​សហការ​ក្នុង​ការ​ដោះស្រាយ​បញ្ហា ឬ​សំណូមពរ​នានា​ជូន​ប្រជាកសិករ។

ជាមួយ​នេះ លោក អ៊ឹង គឹមលាង អភិបាល​រង​ខេត្ត ក៏បាន​ជំរុញ​ដល់​ថ្នាក់​ដឹកនាំ និង​មន្ត្រី​តាម​ផ្នែក តាម​វិស័យ នៃ​មន្ទីរ​កសិកម្ម​ខេត្ត បន្ត​យកចិត្តទុកដាក់​ពង្រឹង​ការ​អនុវត្ត​ច្បាប់ ទប់ស្កាត់ បង្ក្រាប​បទ​ល្មើស ការ​ចរាចរ​សត្វ ព្រៃឈើ និង​ជលផល​គ្រប់​ប្រភេទ និង​ជំរុញ​ការ​គ្រប់គ្រង និង​អភិវឌ្ឍន៍​សហគមន៍​ព្រៃឈើ ឲ្យ​មាន​ប្រសិទ្ធភាព ព្រមទាំង​បន្ត​ផ្សព្វផ្សាយ​ច្បាប់ និង​លិខិត​បទដ្ឋាន​គតិយុត្តិ​ពាក់ព័ន្ធ​នានា​ដល់​អាជ្ញាធរ​មូលដ្ឋាន និង​ប្រជាពលរដ្ឋ។

លោក​អភិបាល​រង​ខេត្ត ក៏បាន​ស្នើ​ឲ្យ​មន្ត្រី​កសិកម្ម​គ្រប់​លំដាប់​ថ្នាក់ ជំរុញ​ឲ្យ​មាន​ការ​ផ្សព្វផ្សាយ ណែនាំ​ដល់​កសិករ​ក្នុង​ការ​រៀបចំ​ដីស្រែ​ឲ្យ​បាន​ត្រឹមត្រូវ​តាម​បច្ចេកទេស ជាពិសេស​ជំរុញ​ការ​ផ្លាស់ប្ដូរ​ទម្លាប់​របស់​កសិករ​ពី​ការ​ប្រើប្រាស់​ពូជ​ប្រពៃណី មក​ជ្រើសរើស​ប្រភេទ​ពូជ​ស្រូវ​សុទ្ធ​ល្អ និង​ផ្សព្វ​ផ្សាយ​ឲ្យ​ពួកគាត់​ពី​របៀប​ប្រើប្រាស់​ថ្នាំ​កសិកម្ម ដើម្បី​បំផ្លាញ​សមាសភាព​ចង្រៃ និង​ជំងឺ​ឆ្លង​សត្វ ដែល​ត្រូវ​មាន​ការ​ប្រុងប្រយ័ត្ន​ខ្ពស់​បំផុត ពោល​គឺ​ត្រូវ​អនុវត្ត​តាម​បទដ្ឋាន​បច្ចេកទេស និង​គោល​ការណ៍​សុវត្ថិភាព​ឲ្យ​បាន​ម៉ឺងម៉ាត់។ បន្ថែម​ពី​នេះ ត្រូវ​បន្ត​ពង្រឹង​ការ​អនុវត្ត​ច្បាប់ ទប់ស្កាត់ បង្ក្រាប​បទ​ល្មើស ចរាចរ​សត្វ ព្រៃឈើ និង​ជលផល​គ្រប់​ប្រភេទ និង​ជំរុញ​ការ​គ្រប់គ្រង និង​អភិវឌ្ឍន៍​សហគមន៍​ព្រៃឈើ និង​សហគមន៍​នេសាទ៕

អត្ថបទ ៖ គឿន វេត

The post មន្ត្រីជាន់ខ្ពស់ក្រសួងកសិកម្ម ជំរុញដល់អ្នកពាក់ព័ន្ធ បន្តចូលរួមសហការគាំទ្រ​ការងារផ្សេងៗ ក្នុងវិស័យកសិកម្ម appeared first on Kampuchea Thmey Daily.

អគ្គលេខាធិការ​នៃ​សហព័ន្ធ​ស្រូវ​អង្ករ​កម្ពុជា (CRF) លោក លន់ យ៉េង បាន​គូស​បញ្ជាក់​ថា ការ​លើក​លែង​នេះ​ គឺ​ពិត​ជា​មាន​ភាព​ល្អ​ប្រសើរ​ដល់​បណ្តា​សហគ្រាស​ប្រកប​អាជីវកម្ម​ផលិត និង​សម្រាប់​ផ្គត់ផ្គង់​នៅ​ក្នុង​ស្រុក​នានា។

លោក​ថា កម្ម​វិធី​នៃ​ការ​ព្យួរ​ទុក​ពន្ធ​នេះ មិនមែន​ជា​កម្មវិធី​ថ្មី​នោះ​ទេ ព្រោះ​រដ្ឋ​នឹង​បន្ត​លើក​លែង​ការ​ព្យួរ​ពន្ធ​បន្ត​ទៀត ដោយសារ​កម្ម​វិធី​លើក​លែង​កាល​ពី​ឆ្នាំ​ចាស់​នឹង​ត្រូវ​ផុត​កំណត់​ត្រឹម​ថ្ងៃ​ទី​៣១ ខែ​ឆ្នូ ឆ្នាំ​២០២៥ ខាង​មុខ​នេះ​ ដូច្នេះ​ការ​លើក​លែង​នេះ គឺ​ជា​ការ​បន្ថែម​ការ​លើក​លែង ២ ឆ្នាំ​បន្ថែម​ទៀត​។

ទន្ទឹម​នេះ លោក អួន​ ស៊ី​ឡុត ប្រធាន​សមាគម​ស្វាយ​ចន្ទី​កម្ពុជា បាន​ឱ្យ​ដឹង​ដែរ​ថា ការ​ព្យួរ​ពន្ធ​ និង​ការ​លើក​លែង​ពន្ធ​ដែល​បាន​ចែង​ដូច​ក្នុង​ប្រកាស​របស់​ក្រសួង​សេដ្ឋកិច្ច និង​ហិរញ្ញវត្ថុ គឺ​ជា​រឿង​ល្អ​មួយ​ ពី​ព្រោះ​ថា​វិស័យ​កសិកម្ម​នៅ​កម្ពុជា​ការ​កែច្នៃ​នៅ​មាន​កម្រិត​ដោយ​សារ​ថ្លៃ​ដើម​នៃ​​ផលិត​កម្ម​នៅ​មាន​កម្រិត​ខ្ពស់​នៅ​ឡើយ​។

«ដូច្នេះ​ប្រសិន​បើ​អាច​បន្ធូរបន្ថយ​ពន្ធ​ ឬ​ព្យួរពន្ធ​មួយ​ចំនួន​នៅ​ក្នុង​វិស័យ​នេះ លោក​យល់​ថា តាម​រយៈ​នេះ​នឹង​អាច​ផ្តល់​នូវ​ការ​ប្រកួត​ប្រជែង​ខ្លះ​នៅ​លើ​ទីផ្សារ​អន្តរជាតិ មាន​ន័យ​ថា គឺ​អាច​ប៉ះប៉ូវ​ជា​មួយ​នឹង​ថ្លៃ​ដើម​ផលិត​របស់​យើង​ដែល​កំពុង​តែ​ខ្ពស់ខ្លាំង​។ ពី​ព្រោះ​ យើង​បាន​ដឹង​ហើយ​ថា កម្ពុជា​អាច​នាំ​ចេញ​ភាគ​ច្រើន​ជា​វត្ថុធាតុ​ដើម​ទៅ​ក្រៅ​ប្រទេស​ ដូច្នេះ​ប្រសិន​បើ​រាជរដ្ឋាភិបាល​ជួយ​បន្ធូរបន្ថយ​ពន្ធ​ និង​ព្យួរពន្ធ​មួយ​ចំនួន​នេះ​ គឺ​ជា​រឿង​មួយ​ដែល​វិជ្ជមាន​ខ្លាំង​សម្រាប់​ការ​កែច្នៃ​នៅ​ក្នុង​ស្រុក»។ លោក អួន ស៊ីឡុត គូសបញ្ជាក់យ៉ាងដូច្នេះ។

លោក​ប្រធាន​ក៏​បាន​បន្ថែម​ដែរ​ថា​ ពេល​នេះ​ការ​កែច្នៃ​វត្ថុធាតុ​ដើម​នៅ​ក្នុង​ស្រុក​ដែល​បាន​មក​ពី​ផលិតផល​កសិកម្ម ឬ​ការ​កែច្នៃ​ផលិតផល​កសិកម្ម​នៅ​ក្នុង​ស្រុក​នៅ​មាន​កម្រិត​ទាប​នៅឡើយ​ ដូច្នេះ​លោក​សង្ឃឹម​ថា នៅ​ពេល​ដែល​រាជរដ្ឋាភិបាល​ផ្តល់​ជា​ការ​អនុគ្រោះ​ពន្ធ និង​ការ​ព្យួរ​ពន្ធ​នឹង​លើក​ទឹក​ចិត្ត​ជា​ច្រើន​ទៅ​ដល់​សហគ្រិន និង​សហគ្រាស​ជា​ច្រើន​​ឱ្យ​បន្ត​ការ​កែច្នៃ​របស់​ខ្លួន​។

លោក​ប្រធាន​សមាគម​ក៏​បាន​បញ្ជាក់​ដែរ​ថា «អ្វី​ដែល​យើង​ព្រួយ​បារម្ភ​មួយ​ទៀត​នោះ​ គឺ​ទៅ​លើ​កម្ចី​ផ្នែក​កសិកម្ម​ពី​ធនាគារ​ដែល​ហាក់បី​ដូច​ជា​នៅ​មាន​តិចតួច​នៅ​ឡើយ និយាយ​រួម​ការ​ខ្ចី​ពី​ធនាគារ​ពាណិជ្ជ​ យើង​ឮ​តែ​ការ​អនុគ្រោះ ប៉ុន្តែ​ធាតុ​ពិត​គឺ​សហគ្រាស​ពិបាក​ទទួល​យក​នូវ​កម្ចី​ដែល​និយាយ​ថាអនុគ្រោះ​នេះ​ណាស់»។

ជា​មួយ​គ្នា​នេះ​ដែរ លោក ម៉ាក់ នី ប្រធានសមាគមសហព័ន្ធម្រេច និងគ្រឿងទេសកម្ពុជា (CPSF) បាន​ឱ្យ​«កម្ពុជា​ថ្មី​» ដែរ​ថា ការយោគយល់ពន្ធរបស់រាជរដ្ឋាភិបាលនាពេលនេះ គឺជារឿង​មួយដែល​ត្រឹមត្រូវ​ក្នុង​បរិបទ​នាពេល​បច្ចុប្បន្ន​ ដែល​នេះ​ជា​ដំណឹង​ល្អ​សម្រាប់​​អ្នកផលិត ក៏ដូចជាអ្នកនាំចេញ និង​កែច្នៃ​មាន​ឱកាស​ខ្ពស់​នៅក្នុងការប្រកួតប្រជែង ដើម្បីចាប់​យក​ចំណែក​ទីផ្សារ​ណា​មួយ​ក្នុង​ការ​នាំចូល​ទៅ​កាន់​បណ្តាប្រទេសផ្សេងៗ ក៏ដូច​ជាលក់​នៅក្នុង​ស្រុកមិន​ថា​តែសម្រាប់​វិស័យ​ម្រេច​នោះ​ទេ គឺ​សម្រាប់​វិស័យ​កសិកម្ម​ទាំងមូល។

តាមរយៈការព្យួរពន្ធខាងលើនេះ លោកសង្ឃឹមថា នឹងមានអ្នករកស៊ី​ផ្សេង​ៗ​ក្រៅពីវិស័យ​កសិកម្មនឹង​នាំគ្នាចូល​មក​ជួយ​លើក​ស្ទួយ​វិស័យ​កសិកម្ម​ឱ្យកាន់​តែច្រើនជាងមុនបន្ថែមទៀតដើម្បីបង្កើតសហគ្រាស រោងចក្រ ឬសិប្បកម្ម​កែច្នៃ​កសិផល​កសិកម្ម​ដើម្បី​នាំចេញ​ទៅក្រៅប្រទេស​ ពីព្រោះ​ថា​នាពេលបច្ចុប្បន្ន​ជាទូទៅ​កម្ពុជា​លក់តែ​វត្ថុ​ធាតុ​ដើម​ទៅ​ក្រៅប្រទេស។

លោក​ក៏​រំពឹង​ទៀត​ថា មិនត្រឹមតែ​អ្នក​វិនិយោគ​ក្នុងស្រុក​ទេ​ដែលមើលឃើញពីឱកាសនេះ ​អ្នក​វិនិយោគ​ទុនក្រៅស្រុក​ផ្សេង​ទៀតក៏​នឹង​មើល​ឃើញឱកាស​ល្អនេះ​ ហើយ​ចូល​មក​បណ្តាក់​ទុននៅ​ក្នុង​វិស័យ​កសិកម្ម​ឱ្យកាន់​តែ​ច្រើន​បន្ថែម​ទៀត ដើម្បី​ជួយលើកស្ទួយសេដ្ឋកិច្ចកម្ពុជាឱ្យរឹតតែប្រសើរឡើងទៅថ្ងៃអនាគត។

សូម​ជម្រាប​ថា កាល​ពី​ថ្ងៃ​ទី​២៤ ខែ​វិច្ឆិកា ឆ្នាំ​២០២៥ កន្លង​ទៅ​នេះ រដ្ឋាភិបាល​បាន​សម្រេច​ការព្យួរទុកការបង់ពន្ធលើ​ប្រាក់ចំណូល​របស់​សហគ្រាស​ប្រកប​អាជីវកម្ម​ផលិត​ និង​ផ្គត់ផ្គង់​ក្នុងស្រុក ឬ​នាំចេញ​ផលិត​ផលកសិកម្ម​មួយចំនួន ​មានដូចជា ស្រូវ អង្ករ ពោត​ សណ្ដែក​ម្រេច ដំឡូងមី ស្វាយចន្ទី ជ័រកៅស៊ូ មៀន​ប៉ៃលិន ស្វាយ ចេក ការចិញ្ចឹមសត្វ​ វារីវប្បកម្ម និង​ផលិតផលដូង​ប្រេង​ក្នុង​ស្រុក​ដែល​ជាវត្ថុធាតុ​​ដើម​សម្រាប់​ផលិត​ចំណី​សត្វ​។​ ការប្រកាស​​ព្យូរនេះ មានគោលបំណង​ដាក់ចេញនូវ​វិធាន​ការ​លើក​ទឹក​ចិត្ត​ពន្ធដារ​ចំពោះ​វិស័យ​កសិកម្ម៕

ដោយ៖ ឌិន ថារី

​

The post វិស័យឯកជនសាទរចំពោះការសម្រេចរបស់រដ្ឋាភិបាលអំពីព្យួរពន្ធលើប្រាក់ចំណេញក្នុងវិស័យកសិកម្ម appeared first on Kampuchea Thmey Daily.

នៅចំពោះមុខមន្ត្រីជាន់ខ្ពស់នៃរាជរដ្ឋាភិបាលកម្ពុជា និងអ្នកជំនាញអន្តរជាតិជាច្រើនរូប ឧបនាយករដ្ឋមន្ត្រីប្រចាំការ វង្សី វិស្សុត ថ្លែងដូច្នេះ៖«ដោយសារវិស័យកសិកម្មនៅតែជាចំណុចស្នូលនៃសេដ្ឋកិច្ចរបស់យើង ការប្រែប្រួលអាកាសធាតុបង្កការគំរាមកំហែងយ៉ាងធ្ងន់ធ្ងរដល់ជីវភាពរបស់កសិករ និងកំណើនសេដ្ឋកិច្ចជាតិ។»។

ឧបនាយករដ្ឋមន្ត្រី វង្សី វិស្សុត អះអាងថា ដើម្បីប្រឈមមុខនឹងបញ្ហានេះ ភាគីពាក់ព័ន្ធត្រូវជំរុញពាណិជ្ជកម្មប្រកបដោយនិរន្តរភាព ការអនុវត្តអាជីវកម្មបៃតង និងគោលនយោបាយឆ្លាតវៃខាងអាកាសធាតុ ដើម្បីការពារបេតិកភណ្ឌធម្មជាតិ និងធានាបាននូវអនាគតដ៏រឹងមាំ។នៅជុំវិញបញ្ហានេះ លោក វង្សី វិស្សុត បានសង្កត់ធ្ងន់លើសារៈសំខាន់នៃការជៀសវាង «ការការពារអាកាសធាតុនិយម» ព្រោះគោលនយោបាយអាកាសធាតុគួរតែលើកកម្ពស់កិច្ចសហប្រតិបត្តិការ មិនមែនរឹតត្បិតពាណិជ្ជកម្ម ឬការអភិវឌ្ឍនោះទេ។ កម្ពុជាជឿជាក់ថាអនាគតនឹងជាកម្មសិទ្ធិរបស់ប្រទេសដែលចាត់វិធានការជាក់ស្តែង និងក្លាហានឆ្ពោះទៅរកនិរន្តរភាព។

ឧបនាយករដ្ឋមន្ត្រី វង្សី វិស្សុត  អះអាងថា ទោះបីជាមានបញ្ហាប្រឈមជាសកលក៏ដោយ ប៉ុន្តែសន្ទុះកំណើនថាមពលបៃតងកំពុងកើនឡើង។ លទ្ធផលនៃ COP29 នៅទីក្រុងបាគូ (ឆ្នាំ 2024) រួមមានវឌ្ឍនភាពលើទីផ្សារកាបូន ការផ្តល់មូលនិធិសម្រាប់ការខាតបង់ឬការខូចខាត និងការចូលរួមពីវិស័យឯកជនបង្ហាញពីការប្តេជ្ញាចិត្តជាសកលឡើងវិញចំពោះគោលដៅអាកាសធាតុ។

មន្ត្រីជាន់ខ្ពស់នៃរាជរដ្ឋាភិបាលកម្ពុជា អះអាងថា ប្រទេសកម្ពុជាគាំទ្រគំនិតផ្តួចផ្តើមសកលដូចជាកិច្ចព្រមព្រៀងបៃតងអាស៊ាន យន្តការកែតម្រូវព្រំដែនកាបូនរបស់សហភាពអឺរ៉ុប (CBAM) និងថាមពលកកើតឡើងវិញ 100 (RE100)។ កម្ពុជាចាត់ទុកគំនិតផ្ដួចផ្ដើមទាំងនោះជាឱកាសសម្រាប់ភាពជាដៃគូ និងការកសាងសមត្ថភាព មិនមែនជាឧបសគ្គចំពោះកំណើនសេដ្ឋកិច្ចនោះទេ។

ក្នុងឆ្នាំ២០២៤ វិស័យកសិកម្មបានចូលរួមចំណែកប្រមាណ ១៦,៧% នៃផលិតផលសរុបក្នុងស្រុក គិតជាតម្លៃបច្ចុប្បន្ន ជាមួយនឹងតម្លៃបន្ថែមសរុប (Gross Value Added) កើនឡើងដល់ជាង ៧,៨២ពាន់លាន ដុល្លារ ក្នុងនោះ ការរួមចំណែករបស់អនុវិស័យដំណាំស្មើនឹង ៦១,៣%, អនុវិស័យផលិតកម្មសត្វ ១៥,៤%, អនុវិស័យជលផល ២០%, និងអនុវិស័យព្រៃឈើ ៣,៣%។ កម្ពុជាបាននាំចេញនូវផលិតផលដំណាំជាង ១២លានតោន ទៅកាន់ទិសដៅ ៩៥ប្រទេស គិតជាទឹកប្រាក់ប្រមាណ ៥,៣ពាន់លានដុល្លារអាមេរិក។ នេះបើតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ៕  

ដោយ៖ ង៉ិល ណារ៉ាត់

The post  ឧប វង្សី វិស្សុត៖ ការប្រែប្រួលអាកាសធាតុបង្កការគំរាមកំហែងយ៉ាងធ្ងន់ធ្ងរដល់ជីវភាពរបស់កសិករ និងកំណើនសេដ្ឋកិច្ចកម្ពុជា appeared first on Kampuchea Thmey Daily.

ឆ្លងតាមការធ្វើបទបង្ហាញអំពីរបាយការណ៍សកម្មភាពសង្ខេប ដែលសហគមន៍កសិកម្មសម្រេចបាន ក្នុងឆ្នាំ២០២៤ ព្រមទាំងផែនការអាជីវកម្ម និងមុខរបររបស់សហគមន៍ មាន ទិញ-លក់បន្លែសុវត្ថិភាព សម្រាប់ផ្គត់ផ្គង់ទីផ្សារតាមកិច្ចសន្យា លក់ធាតុចូលកសិកម្ម (ជី ថ្នាំ ពូជ អង្ករ) និងការធ្វើឥណទានសាច់ប្រាក់ (ឥណទានកសិកម្ម)។ សម្រាប់ផែនការក្នុងឆ្នាំ២០២៥ នេះ សហគមន៍គ្រោងថវិកាបន្តអាជីវកម្មរបស់ខ្លួន និងស្វែងរកដៃគូរទីផ្សារជូនដល់កសិករទៀតផង។

លោក ខោល ម៉ានី បានគូសបញ្ជាក់ថា មហាសន្និបាតនាថ្ងៃនេះ ជាឱកាសដ៏មានតម្លៃ សម្រាប់បងប្អូនមកពី២៥ សហគមន៍ នៃខេត្តសៀមរាប និងខេត្តកំពង់ធំ ដើម្បីបង្ហាញលទ្ធផលការងារលើវិស័យ កសិកម្ម ពិសេសភាពខ្លាំងក្នុងការអនុវត្តផលិតកម្មកសិកម្ម តាមកិច្ចសន្យាស្ដីពីការផលិត និងផ្គត់ផ្គង់ស្រូវសរីរាង្គដែលសម្រេច បានក្នុងឆ្នាំ២០២៤ និងលើកទិសដៅ ផែនការការងារសម្រាប់ឆ្នាំ២០២៥។

លោកលើកឡើងថា អង្គសន្និបាតទាំងមូល ត្រូវផ្តោតទៅលើការងារផ្គត់ផ្គង់ទៅកសិកម្ម និងការប្រើប្រាស់សេវាកម្មរួមគ្នា ពាក់ព័ន្ធទៅនឹងធនធានចូលទៅកសិកម្ម។ លោកបន្តថា សហភាពសហគមន៍ដែលរឹងមាំទៅបាន គឺអាស្រ័យដោយគណៈកម្មការគ្រប់គ្រង។ លោកថា នៅពេលនេះ សហភាពសហគមន៍នៅមិនទាន់មានចំណូល និងចំណាយក៏ពិតមែន ក៏គណៈកម្មការ បានធ្វើការគាំទ្រសហគមន៍ផងដែរ។ ម៉្យាងទៀគណៈកម្មការក៏ត្រូវពឹងផ្អែកទៅលើបទបញ្ជាផ្ទៃក្នុងរបស់ខ្លួន ដើមី្បធានាបាននូវគុណភាពនៃការដឹកនាំសហគមន៍។ លោកបញ្ជាក់ថា ចំពោះមុខរបរសំខាន់ៗ របស់សហគមន៍កសិកម្មមាន មុខរបរ ឥណទានកសិកម្មខ្នាតតូច ទីផ្សារទិញលក់ កសិផលមាន ស្រូវ ដំឡូងមី និងស្វាយចន្ទី ព្រមទាំងមុខរបរសេវាកម្មដូចជា ត្រាក់ទ័រភ្ជួរដី ម៉ាស៊ីនច្រូតស្រូវ ម៉ាស៊ីនបោកស្រូវ និងមុខរបរ កិនស្រូវ លក់អង្ករ កែច្នៃគ្រាប់ចន្ទី និងមុខរបរផ្គត់ផ្គង់ទឹកស្អាតដល់សមាជិក ជាដើម។

ចំណែក លោកឧកញ៉ា ហង់ សុគន្ធ លើកឡើងដែរថា សហភាពសហគមន៍កសិកម្ម កំពង់ធំតេជៈមានជ័យ បានបង្កើតឡើងរយៈពេល ៣ឆ្នាំមកហើយ  ថ្ងៃនេះកសិករ ដែលបានចូលរួម ក្នុងការបង្ហានូវឆន្ទះដ៏ថ្លៃថ្លា ក្នុងការបំពេញភាកិច្ច ជាមួយសហភាពសហគមន៍កំពង់ធំតេជៈមានជ័យ ដោយមានទឹកចិត្តចេញពីបេះដូងទៀតផង។ លោកឧកញ៉ា បានធ្វើការបញ្ជាក់ថា ការបង្កើតសហភាពសហគមន៍កំពង់ធំតេជៈមានជ័យ ដោយមានការចូលរួមពីសហគមន៍ផលិតស្រូវ ២៥សហគមន៍ ហើយកិច្ចការនេះបានដំណើរការទៅបានល្អ ធ្វើឱ្យសហភាពសហគមន៍បានបោះជំហាននឹងទៅបង្កើតជាសហភាពស្រូវ អង្ករកម្ពុជា។ នៅពេលបង្កើតបានហេដ្ឋារចនាសម្ព័ន្ធនោះហើយ ភាពចាំបាច់គឺត្រូវមានកិច្ចសន្យាផលិតកម្ម ដើមី្បភាពជោគជ័យលើវិស័យសហគមន៍ វិស័យកសិករ កត្តាសំខាន់នោះលើកិច្ចសន្យាផលិតកម្ម។

លោកឧកញ៉ាថា បច្ចុប្បន្នរាជរដ្ឋាភិបាល និងក្រសួងកសិកម្ម បានបង្កើតសហគមន៍ទំនើប ព្រមទាំងឱ្យមានកសិកម្មឃុំ សង្កាត់ ដើមី្បបង្កើនតម្លៃលក់ឱ្យបានខ្ពស់ ក្នុងការកាត់បន្ថយថ្លៃដើម ទើបធ្វើឱ្យសហគមន៍មានការរីកចម្រើន។ ក្នុងករណីនេះដែរ ការកាត់បន្ថយថ្លៃដើមដែលពាក់ព័ន្ធ ធាតុចូលកសិកម្ម មាន(ជី , ថ្នាំ , ពូជ )ជាដើម។ លោកបន្តថា ដើមី្បភាពជោគជ័យ «យើងរួមគ្នាបង្កើតផលិតកម្មរួម ដែលមានការចូលរួមពីក្រុមហ៊ុនជាតិ អន្តរជាតិជាដៃគូរ ព្រមទាំងរួមគ្នាធ្វើ រួមគ្នាគិត ធ្វើឱ្យសហគមន៍នីមួយៗដំណើរការទៅបានល្អប្រសើរ»។

លោកឧកញ៉ា ក៏បានផ្ដាំផ្ញើដល់សហភាពសហគមន៍នៃខេត្តទាំងពីរ ត្រូវបន្តពង្រឹងស្មារតីសាមគ្គីភាព ឯកភាពផ្ទៃក្នុងរបស់ខ្លួនឱ្យបានល្អប្រសើរ ធ្វើយ៉ាងណាសម្រេចឱ្យបាននូវ ផែនការអាជីវកម្មរបស់ខ្លួនឱ្យរឹងមាំ ប្រកបដោយតម្លាភាព គណនេយ្យភាព និងមានការចូលរួមពីសមាជិកទាំងអស់ ដើម្បីរួមចំណែក ក្នុងការដោះស្រាយបញ្ហាប្រឈមលើផលិតភាព គុណភាព សុវត្ថិភាព និងបញ្ហាទីផ្សារជាដើម៕ 

ដោយ៖ គឿន វេត

The post សហភាពសហគមន៍កសិកម្មកំពង់ធំតេជៈមានជ័យ ធ្វើមហាសន្និបាត បង្ហាញលទ្ធផលការងារលើវិស័យកសិកម្ម appeared first on Kampuchea Thmey Daily.

ក្នុងឱកាសទទួលជួបពិភាក្សាការងារជាមួយ គណៈប្រតិភូប្រទេសអូម៉ង់ ថ្ងៃទី១៨ ខែមីនា ឆ្នាំ២០២៥ នេះ លោក សរ សិនិរ៉ា អគ្គលេខាធិការរងគណៈកម្មាធិការវិនិយោគកម្ពុជា បានលើកឡើងពីភាពបើកចំហរនៃរបបវិនិយោគនៅកម្ពុជា ដោយវិនិយោគិន​បរទេស​ក៏អាច​វិនិយោគ ១០០% ក្នុងវិស័យ​ជាច្រើនដែលរួមមាន វិស័យកសិកម្ម កម្មន្តសាល ទេសចរណ៍ និង ការ​អភិវឌ្ឍ​ហេដ្ឋារចនាសម្ព័ន្ធ​រូបវន្ត ដោយ​ទទួល​បាន​នូវការលើកទឹកចិត្តយ៉ាងសន្ធឹកសន្ធាប់ ដូចវិនិយោគិនកម្ពុជាដែរ។

ជាពិសេស កត្តាដែលកម្ពុជាទទួលបានភាពទាក់ទាញនៅក្នុងការវិនិយោគផ្ទាល់ពីបរទេស ខណៈស្ថានភាពនៅតំបន់មជ្ឈឹមបូព៌ាកំពុងស្ថិតក្នុងវិបត្តិនៃសង្គ្រាម។

ជាការឆ្លើយតប លោក Nguyen Xuan Giao នាយកប្រតិបត្តិ ភ្នាក់ងារវិនិយោគអូម៉ង់-វៀតណាម បាន​បង្ហើប​ឱ្យដឹងថា ​ខ្លួន​ក៏កំពុងពិចារណាលើ​ការ​វិនិយោគ​បន្ថែម​លើ​វិស័យ​ចំនួន ៣ នៅ​កម្ពុជា ដូចជា ការ​កែច្នៃ​ម្ហូបអាហារ និង​វិស័យ​ថាមពល​បៃតង ជា​ពិសេស​ឆន្ទៈ​នៅ​នៅ​ក្នុង​ការ​ស្វែង​រក​ដៃគូ​វិនិយោគ​បន្ថែម​ផង​ដែរ​។

គួរ​ជម្រាប​ថា ជាងមួយទសវត្សមកនេះ អាជ្ញាធរវិនិយោគអូម៉ង់ បាននិងកំពុងវិនិយោគលើគម្រោងមួយចំនួន នៅក្នុងតំបន់ក្នុងវិស័យ ហេដ្ឋារចនាសម្ព័ន្ធរូបវន្ត និង ភស្តុភារកម្ម អចលនទ្រព្យ ទឹកស្អាត បច្ចេកវិទ្យា និង សេវាកម្មលក់រាយជាដើម ដោយទុនវិនិយោគទាំងនេះ គឺជា​ទុនបម្រុង​ពីការលក់ប្រេង​របស់​រដ្ឋាភិបាល​អូម៉ង់​ផ្ទាល់​តែម្តង​៕

The post អូម៉ង់-វៀតណាម ពិចារណាវិនិយោគលើវិស័យកសិកម្ម ការកែច្នៃម្ហូបអាហារ និងថាមពលបៃតង នៅកម្ពុជា appeared first on Kampuchea Thmey Daily.