វីតាមីន E Archives - Kampuchea Thmey Daily

អត្ថប្រយោជន៍ ៦ យ៉ាងរបស់វីតាមីន E មិនសូវមានអ្នកដឹងពីមុនមក

Saron Sela — Fri, 09 Jun 2023 07:00:00 +0000

វីតាមីន E គឺជាសមាសធាតុដែលមានឥទ្ធិពលប្រឆាំងអុកស៊ីតកម្ម និងគាំទ្រដល់ប្រព័ន្ធភាពស៊ាំ ហើយវីតាមីន E កើតឡើងដោយធម្មជាតិនៅក្នុងអាហារមួយចំនួនដូចជា គ្រាប់ធញ្ញជាតិ បន្លែមួយចំនួន និងអាហារបំប៉ន ។

ខាងក្រោមគឺជា អត្ថប្រយោជន៍ ៦ យ៉ាងរបស់វីតាមីន E គ្រប់គ្នាមិនដែលដឹងពីមុនមក៖

១. កាត់បន្ថយភាពតានតឹងអុកស៊ីតកម្ម

ភាពតានតឹងអុកស៊ីតកម្មគឺជាអតុល្យភាពរវាងប្រព័ន្ធប្រឆាំងអុកស៊ីតកម្មរបស់រាងកាយ នេះអាចនាំឱ្យខូចកោសិកា និងបង្កើនហានិភ័យនៃជំងឺ។ វីតាមីន E ដើរតួជាសារធាតុប្រឆាំងអុកស៊ីតកម្មដ៏មានឥទ្ធិពលនៅក្នុងរាងកាយ ការសិក្សាបានបង្ហាញថាការបន្ថែមកម្រិតខ្ពស់របស់វីតាមីន E អាចកាត់បន្ថយសញ្ញានៃភាពតានតឹងអុកស៊ីតកម្ម និងពង្រឹងការការពារប្រឆាំងអុកស៊ីតកម្ម។

២. ការពារជំងឺសរសៃឈាមបេះដូង

អាហារបំប៉នវីតាមីន E អាចជួយកាត់បន្ថយកត្តាហានិភ័យនៃជំងឺសរសៃឈាមបេះដូង ល្អសម្រាប់អ្នកដែលមានសម្ពាធឈាមខ្ពស់ ឬកម្រិតជាតិខ្លាញ់ក្នុងឈាមខ្ពស់ ដូចជាកូលេស្តេរ៉ុល LDL និងទ្រីគ្លីសេរីត មានការកើនឡើងហានិភ័យនៃជំងឺបេះដូង ។

៣. បំបាត់ការឈឺចាប់ពេលមករដូវ

ការឈឺចាប់ពេលមករដូវត្រូវតែធ្វើឱ្យស្ត្រីមានអារម្មណ៍មិនស្រួលជាខ្លាំងដោយសារតែការឈឺចាប់ ខ្លាំងនិងញឹកញាប់។ ទោះបីជាយ៉ាងណាក៏ដោយ ការសិក្សាមួយបានបង្ហាញថា អាហារបំប៉នវីតាមីន E ជួយបន្ថយការឈឺចាប់ពេលមករដូវចំពោះស្ត្រី។ ការបន្ថែមចូលក្នុងអាហារប្រចាំថ្ងៃនៃការរួមបញ្ចូ លគ្នានៃវីតាមីន E និងវីតាមីន C រួមចំណែកដល់ការកាត់បន្ថយភាពធ្ងន់ធ្ងរនៃការឈឺចាប់ត្រង់ត្រគា កជាប្រចាំ។

៤. ធ្វើឱ្យស្បែកស្រស់ស្អាត

ការប្រើប្រាស់វីតាមីន E គឺជួយឲ្យស្បែកស្រស់ស្អាតភ្លឺថ្លា និងការពារពីកម្រិតផលប៉ះពាល់ដែលបង្កគ្រោះថ្នាក់ពីកាំរស្មីអ៊ុលត្រាវីយូឡេ។ ជាមួយគ្នានេះ អាហារបំប៉នវីតាមីន E ក៏អាចជួយលើបញ្ហាស្បែកដូចជាជំងឺត្រអកជាដើម ។

៥. ការលើកកម្ពស់សុខភាព

វីតាមីន E ដើរតួនាទីយ៉ាងសំខាន់ចំពោះសុខភាព ដូចជាកាត់បន្ថយការរលាក និងធ្វើអោយប្រសើរឡើងនូវមុខងារប្រព័ន្ធភាពស៊ាំ។ ការរក្សាកម្រិតវីតាមីន E ឱ្យកាត់បន្ថយថយចុះនៃការចង់ចាំខ្សោយចំពោះមនុស្សចាស់ ។

៦. ធ្វើអោយប្រសើរឡើងនូវមុខងារសួត

វីតាមីន E មានប្រសិទ្ធភាពក្នុងការការពារជំងឺផ្លូវដង្ហើម និងរោគសញ្ញាជំងឺហឺតមួយចំនួនចំពោះកុមារ និងមនុស្សពេញវ័យ។ វីតាមីន E អាចត្រូវបានរកឃើញនៅក្នុងអាហារដូចជាគ្រាប់ផ្កាឈូករ័ត្ន និងអាល់ម៉ុន ផ្លែបឺរ ត្រីសាម៉ុង ផ្លែល្ហុង ស្វាយ បង្គា ប្រូខូលី ជាដើម ៕

ប្រែសម្រួល៖នាងតូច

ប្រភព៖laodong

ចុចអាន៖រោគសញ្ញាទាំង ៦ បង្ហាញថា រាងកាយរបស់អ្នកកង្វះវីតាមីន B1

The post អត្ថប្រយោជន៍ ៦ យ៉ាងរបស់វីតាមីន E មិនសូវមានអ្នកដឹងពីមុនមក appeared first on Kampuchea Thmey Daily.

ទទួលទានវីតាមីន E គ្រប់គ្រាន់ក្នុងមួយថ្ងៃ អាចជួយកាត់បន្ថយជំងឺវង្វេង

Boa Sokunveary — Thu, 09 Mar 2023 02:14:36 +0000

យោងតាមការសិក្សាមួយធ្វើឡើងដោយអ្នកស្រាវជ្រាវអាមេរិកបានរកឃើញថា អ្នកជំងឺអាល់ហ្សៃមឺរកម្រិតស្រាលទៅមធ្យមដែលទទួលទានវីតាមីន E ខ្ពស់ មានអត្រាវង្វេងថយចុះយឺតជាងអ្នកជំងឺដែលប្រើថ្នាំទូទៅ ។

ក្នុងការពិសោធន៍នោះ គេឲ្យអ្នកជំងឺអាល់ហ្សៃមឺរកម្រិតស្រាលទៅមធ្យម ៦១៣ នាក់ទទួលទានវីតាមីន E រាល់ថ្ងៃជាមួយនឹងថ្នាំ mamantine ហើយគេសង្កេតឃើញថា ពួកគេអាចធ្វើការធម្មតាបានច្រើនជាងមុន ១៩ ភាគរយ ដោយមិនចាំបាច់ពឹងពាក់អ្នកមើលថែ ។

ក្រុមដែលដឹកនាំដោយដុកទ័រ Maurice Dysken និយាយថា ការរកឃើញនេះជួយសម្រាលបន្ទុកអ្នកថែទាំមួយកម្រិតដែរ ។ ចំណែកដុកទ័រ Dough Brown ប្រធានផ្នែកស្រាវជ្រាវ និងអភិវឌ្ឍន៍នៃសង្គមមានប្រសាសន៍ដែរថា ទ្រឹស្ដីខាងលើត្រូវការការស្រាវជ្រាវបន្ថែមដើម្បីដឹងច្បាស់ពីវីតាមីន E តើពិតជាមានអត្ថប្រយោជន៍សម្រាប់អ្នកដែលមានជំងឺវង្វេងដែរឬយ៉ាងណា ។

ទោះជាវីតាមីនពិតជាផ្ដល់ប្រយោជន៍ក្ដី អ្នកត្រូវពិគ្រោះយោបល់ជាមួយគ្រូពេទ្យជាមុនសិនសឹមចាប់ផ្ដើមទទួលទាន ៕

ប្រែសម្រួល ៖ វារី

ចុចអាន ៖ អ្នកជំនាញព្រមានថា អ្នកកើតជំងឺវង្វេង អាចកើនបីដងនៅឆ្នាំ ២០៥០

The post ទទួលទានវីតាមីន E គ្រប់គ្រាន់ក្នុងមួយថ្ងៃ អាចជួយកាត់បន្ថយជំងឺវង្វេង appeared first on Kampuchea Thmey Daily.

វីតាមីន ៣សំខាន់ ជួយកាត់បន្ថយហានិភ័យកើតជំងឺផ្ដាសាយ

Sonya — Sun, 19 Sep 2021 01:49:24 +0000

ការសិក្សាបានរកឃើញថា ការមានវីតាមីនD ក្នុងខ្លួនទាបអាចធ្វើឲ្យមនុស្សយើងប្រឈមនឹងកើតមានជំងឺផ្ដាសាយធម្មតា ឬផ្ដាសាយធំ ដោយថាវីតាមីនD បានដើរតួយ៉ាងសំខាន់ក្នុងការជួយពង្រឹងប្រព័ន្ធភាពស៊ាំងប្រឆាំងការឆ្លងរោគនៅប្រព័ន្ធផ្លូវដង្ហើម។

វីតាមីនD ជួយឲ្យរាងកាយយើងស្រូបជាតិកាល់ស្យូមបានល្អ ជួយឆ្អឹងរឹងមាំ។ ប៉ុន្តែយើងអាចរកវីតាមីនD ពីអាហារធម្មជាតិបានតិចតួចប៉ុណ្ណោះ ហើយវីតាមីននេះយើងឃើញមាននៅក្នុងទឹកដោះគោ ឬអាហារបំប៉នមួយចំនួន។ យ៉ាងណា រាងកាយយើងអាចផលិតវីតាមីនD ដោយការត្រូវពន្លឺថ្ងៃ ប៉ុន្តែថានៅរដូវរងាប្រទេសខ្លះអាចមានពន្លឺថ្ងៃមិនគ្រប់គ្រាន់ ជាហេតុនាំឲ្យរាងកាយមិនអាចផលិតវីតាមីនD បានគ្រប់គ្រាន់ដែរ។

ការសិក្សាជាច្រើនបានរកឃើញពីទំនាក់ទំនងរវាងបរិមាណវិតាមីនD ទាប និងហានិភ័យកើតជំងឺផ្លូវដង្ហើម។ ការសិក្សាបញ្ជាក់ថា អ្នកខ្វះវីតាមីនD មានឱកាសកើតជំងឺផ្ដាសាយធម្មតា ឬផ្ដាសាយធំខ្ពស់ជាងអ្នកមានវីតាមីនDក្នុងខ្លួនគ្រប់គ្រាន់។

ក្រៅពីវីតាមីនD វីតាមីន A និងE ក៏មានសារៈសំខាន់ក្នុងការជួយពង្រឹងប្រព័ន្ធភាពស៊ាំយើងប្រឆាំងនឹងជំងឺប្រព័ន្ធផ្លូវដង្ហើមដូចជាផ្ដាសាយនេះដែរ។ ទោះបីជាការសិក្សាមិនអាចបញ្ជាក់បានថាវីតាមីន A និង E អាចជួយការពារយើងមិនឲ្យកើតជំងឺផ្ដាសាយក៏ពិតមែន តែថាអ្នកដែលមានវីតាមីនទាំងនេះទាបគឺប្រឈមនឹងកើតជំងឺផ្ដាសាយខ្ពស់។

វីតាមីនទាំងនេះ យើងអាចទទួលបានតាមរយៈការញ៉ាំអាហារដូចជាថ្លើមសត្វ ទឹកដោះគោ ការ៉ុត បន្លែបៃតង ប្រេងបន្លែ និងគ្រាប់ធញ្ញជាតិជាដើម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កំពូលអាហារទាំង៦ ប្រឆាំងនឹងជំងឺផ្ដាសាយយ៉ាងស័ក្ដិសិទ្ធិ

ចុចអាន៖ រដូវភ្លៀងតែងឈឺគ្រុនផ្ដាសាយ ការពារខ្លួនតាមតិចនិកនេះ

The post វីតាមីន ៣សំខាន់ ជួយកាត់បន្ថយហានិភ័យកើតជំងឺផ្ដាសាយ appeared first on Kampuchea Thmey Daily.

ចង់ឲ្យស្បែកមានសុខភាពល្អ កុំរំលងវីតាមីនទាំង ៤នេះ

Sonya — Wed, 19 May 2021 03:42:00 +0000

ការថែរក្សាស្បែកឲ្យមានសុខភាពល្អជារឿងសំខាន់ ព្រោះថាស្បែកជាកោសិកាធំជាងគេបង្អស់របស់សរីរាង្គយើង។ ការពារស្បែកពីពន្លឺព្រះអាទិត្យដោយប្រើគ្រីមការពារកម្ដៅថ្ងៃ និងពាក់ខោអាវជិតៗ គឺ ជាវិធីមួយការពារស្បែក។

យ៉ាងណា ស្បែកយើងក៏នៅតែត្រូវការពន្លឺព្រះអាទិត្យដើម្បីទទួលបានវីតាមីន សម្រាប់សុខភាពស្បែកដូចគ្នា។ ដូចនេះ ការត្រូវពន្លឺព្រះទិត្យត្រឹមពី១០ទៅ១៥នាទីក្នុងមួយថ្ងៃក៏មានប្រយោជន៍ដល់សុខភាពស្បែកដែរ។ ខាងក្រោមនេះជាវីតាមីនបួន សំខាន់ចំពោះសុខភាពស្បែក។

១. វីតាមីន D

ស្បែកអាចស្រូបពន្លឺព្រះអាទិត្យ និងផលិតជាវីតាមីន D។ ពេលស្បែកស្រូបពន្លឺព្រះអាទិត្យ កូលេស្តេរ៉ូលក៏ត្រូវបំប្លែងទៅជាវីតាមីន D។ ថ្លើម និងតម្រងនោមចាប់យកវីតាមីន D និងនាំឆ្លងកាត់រាងកាយ ជួយឲ្យកោសិកាមានសុខភាពល្អ រួមទាំងស្បែកផងដែរ។ វីតាមីន D មានប្រយោជន៍ខ្លាំងចំពោះស្បែក ហើយវាអាចជួយព្យាបាលជំងឺស្បែកម្យ៉ាងច្រើនកើតនៅជង្គង់ និងកែងដៃ ឈ្មោះថា psoriasis ផងដែរ។

ក្រៅពីពន្លឺព្រះអាទិត្យ ត្រីសាល់ម៉ុន ត្រីធូណា និងយ៉ាអួរ ក៏ជាប្រភពនៃវិតាមីនD ដូចគ្នា។

២. វីតាមីន C

វីតាមីន C មានសារធាតុប្រឆាំងអុកស៊ីតកម្ម និងមានតួនាទីជាអ្នកផលិតខូឡាជែន ជួយឲ្យស្បែកមានសុខភាពល្អផងដែរ។ ដូចនេះហើយ បានជាយើងឃើញវីតាមីន C ជាគ្រឿងផ្សំក្នុងផលិតផលថែរក្សាស្បែកផ្សេងៗ។

ក្រៅពីជួយការពារស្បែកពីភាពចាស់ វីតាមីននេះក៏ជួយព្យាបាលស្បែកខូច និងករណីខ្លះ ក៏ជួយកាត់បន្ថយស្នាមជ្រីវជ្រួញផងដែរ។ មួយវិញទៀត ការទទួលបានវីតាមីន C គ្រប់គ្រាន់ ក៏ជួយជួសជុល និងការពារស្បែកស្ងួតផងដែរ។

វីតាមីន C អាចរកបាននៅក្នុងផ្លែក្រូច ស្ត្រ័របឺរី ផ្កាខាត់ណាខៀវ និងស្ពៃពួយឡេង ជាដើម។

៣. វីតាមីន E

មិនខុសពីវីតាមីន C វីតាមីន E ក៏ជាសារធាតុប្រឆាំងអុកស៊ីតកម្មដែរ។ វីតាមីននេះ ដើរតួសំខាន់ក្នុងការការពារស្បែកប្រឆាំងនឹងការខូចខាតដោយសារព្រះអាទិត្យ។ ក្រៅពីនេះ ក៏នៅជួយដល់ការពារស្នាមអុជខ្មៅ និងភាពជ្រីវជ្រួញទៀតផង។

ជាធម្មតា រាងកាយយើងផលិតវីតាមីន E តាមរយៈសារធាតុខ្លាញ់(Sebum)បញ្ចេញតាមរន្ធញើស។ នៅពេលមានតុល្យភាពល្អ Sebum ជួយរក្សាស្បែក និងការពារស្បែកស្ងួត។ ក្រៅពីនេះ វីតាមីនEក៏អាចជួយព្យាបាលបញ្ហារលាកស្បែកផងដែរ។

វីតាមីនEអាចរកបាននៅគ្រាប់ផ្លែឈើ និងគ្រាប់ធញ្ញជាតិ ដែលមានដូចជាគ្រាប់អាល់ម៉ុន គ្រាប់hazelnuts និងគ្រាប់ផ្កាឈូករ័ត្ន ជាដើម។

៤. វីតាមីន K

វីតាមីនK បានសារសំខាន់ជួយរាងកាយដោះស្រាយបញ្ហាដុំកំណកឈាម ដែលជួយឲ្យរាងកាយឆាប់ជាពីរបួស និងមុខរបួសកន្លែងវះកាត់។ ក្រៅពីនេះវីតាមីនK ក៏មាននាទីជួយដល់បញ្ហាស្បែកដូចជា ស្នាមសង្វារ ស្នាមអុជខ្មៅ សម្លាក និងស្នាមខ្មៅជុំវិញភ្នែកផងដែរ។

វីតាមីនK អាចរកបាននៅក្នុងស្ពៃពួយឡេង ស្ពៃក្ដោប សណ្ដែកខៀវ និងស្ពៃសាលាដ ជាដើម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ពិចារណាម្ដងទៀត! បើសិនចង់បកស្បែកឬចាក់ថ្នាំឱ្យសម្បុរស

ចុចអាន៖ រាប់តែរឿងសុខភាព តើស្រីៗធ្វើការយប់ អាចគ្រោះថ្នាក់អីខ្លះ?

The post ចង់ឲ្យស្បែកមានសុខភាពល្អ កុំរំលងវីតាមីនទាំង ៤នេះ appeared first on Kampuchea Thmey Daily.