KPT+

ពិចារណាម្ដងទៀត! បើសិនចង់បកស្បែកឬចាក់ថ្នាំឱ្យសម្បុរស

Published

1 month ago

March 3, 2021

នារីវ័យក្មេងភាគច្រើននាពេលបច្ចុប្បន្នកំពុងតែប្រកួតប្រជែងគ្នាយ៉ាងសំញែងនូវសម្ភារៈនិយម បូករួមទាំងសម្រស់ ជាពិសេសសម្បុរស។ ស្បែកស ជាសម្បុរដែលពេញនិយមក្នុងសង្គម ដោយគេចាត់ទុកជាភាពស្រស់ស្អាត និងគួរទីមោទកភាពសម្រាប់ស្រ្តី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សស្រីណាដែលមានស្បែកស្រអែមឬខ្មៅ ត្រូវបានចាត់ទុកជាស្រ្តីដែលមានជីវភាពរស់នៅលំបាក ធ្វើការហាលថ្ងៃហាលភ្លៀង ទើបបានជាមិនសស្អាតដូចគេ។

ដោយសារទស្សនៈនៃភាពស្រស់ស្អាតស្ថិតលើសម្បុរ ទើបបានជាស្ត្រីមានទ្រព្យធនមួយចំនួនតែងជះលុយ ដើម្បីកែសម្ផស្សធ្វើឲ្យស្បែកប្រែពណ៌។ ពួកគេហ៊ានប្រើសេវាបកស្បែកមុខ ខ្លួនប្រាណ ដើម្បីចង់បានសម្បុរស ដោយមិនគិតពីផលវិបាកដល់សុខភាពទៅថ្ងៃអនាគតឡើយ។

បើផ្អែកតាមការចុះផ្សាយរបស់ Healthline បានឱ្យដឹងថា ការបកស្បែកក្ដី ឬប្រើថ្នាំចាក់ក្ដី សុទ្ធតែអាចមានគ្រោះថ្នាក់ដល់សុខភាពធ្វើឱ្យស្បែកឆាប់រលាក ជំងឺសើស្បែក និងមហារីកស្បែក។ល។

អត្ថបទចុះផ្សាយនៅក្នុងគេហទំព័រដដែលនេះនិយាយថា ស្បែករបស់មនុស្សយើងម្នាក់ៗ មានជាតិពណ៌ខ្មៅក្នុងស្បែកដែលភាសាអង់គ្លេសហៅថា មេឡានីន។ អ្នកដែលមានសម្បុរស្បែកស្រអែម ឬខ្មៅ ដោយសារមានជាតិមេឡានីនច្រើន ដែលអាចជួយការពារស្បែកមិនឲ្យឆាប់ជ្រីវជ្រួញ។

ប៉ុន្តែអ្នកដែលមានស្បែកសវិញ នៅពេលត្រូវកាំរស្មីព្រះអាទិត្យ (UV) កង្វះជាតិមេឡានីន អាចនាំឲ្យបំផ្លាញដល់កោសិកាស្បែក ជាហេតុបណ្ដាលឲ្យកើតជំងឺមហារីកស្បែក ដែលភាសាអង់គ្លេសហៅថា មេឡាណូម៉ា (Melanoma)។

Skin whitening, the prejudice against dark skin and how class in Asia was associated with pale skin long before white colonialism | South China Morning Post

ស្ត្រីនៅកម្ពុជាមិនតិចនាក់នោះទេ បាននាំគ្នាជឿការផ្សព្វផ្សាយអំពីផលិតផល និងកន្លែងកែសម្ផស្ស ដែលផ្តល់សេវាបកស្រទាប់ស្បែកឲ្យមានសម្បុរស និងឡេប្រើលាបលើផ្ទៃមុខ និងខ្លួនប្រាណ ហើយជួនកាលនោះហ៊ានទាំងចាក់ថ្នាំស្បែកសទៀតផង។ ផលិតផលទាំងនេះសុទ្ធតែមានសារធាតុគីមីដែលអាចបំផ្លាញសុខភាពនៅប៉ុន្មានឆ្នាំខាងមុខ។

ស្រ្តីគ្រប់រូបសុទ្ធតែមានសិទ្ធិដើម្បីកែប្រែសម្រស់របស់ខ្លួន តែសូមកុំភ្លេចគិតសុខភាពរយៈពេលវែងផង!

ប្រែសម្រួល៖ សន្យា

ប្រភព៖ Healthline

ចុចអាន៖ ស្រីៗនិយមបកស្បែក ឬចាក់ថ្នាំឲ្យស្បែកស ប្រឈមកើតមហារីក

ចុចអាន៖ មុនពេលហ៊ានចាក់ឬលេប Gluta បានដឹងពីការពិតគួរព្រឺខ្លាចនេះឬនៅ?