យោង​តាម​របាយការណ៍​សុវត្ថិភាព​វ៉ាក់សាំង​កូវីដ-១៩របស់ Therapeutic Goods Administration (TGA) នៃ​ក្រសួង​សុខាភិបាល​ប្រទេស​អូស្ត្រាលី​​ចេញ​លើក​ដំបូង​ក្នុង​ឆ្នាំ ២០២២​នេះ ការ​ហើម​កូន​កណ្ដុរ គឺ​ជា​ផល​រំខាន​មិន​ល្អ​មួយ​ដែល​ត្រូវ​បាន​រាយការណ៍​ញឹក​ញាប់​បំផុត ​បន្ទាប់​ពី​ចាក់​វ៉ាក់សាំង​ដូសជំរុញ។

ការ​ធ្វើ​តេស្ដ​សាកល្បង​គ្លីនិក​បង្ហាញ​ឲ្យ​ឃើញ​ថា មនុស្ស​ម្នាក់​ក្នុង​ចំណោម ២០​នាក់​ដែល​ចាក់​វ៉ាក់សាំង Pfizer ហើយ​មនុស្ស​ម្នាក់​ក្នុង​ចំណោម ១០​នាក់​ដែល​ចាក់​វ៉ាក់សាំង Moderna ជួប​បញ្ហា​ហើម ឬ​ឈឺ​កូន​កណ្ដុរ​ត្រង់​តំបន់​ក្លៀក បន្ទាប់​ពី​ចាក់​ដូស​ជំរុញរួច។

ស្រប​គ្នា​នេះ របាយការណ៍ TGA បញ្ជាក់​ថា ការ​ហើម ឬ​ឈឺ​កូន​កណ្ដុរ​ក្រោយ​ចាក់​វ៉ាក់សាំង​ដូស​ជំរុញ ជា​ផល​រំខាន​កម្រ តែ​មិន​មែន​ជា​បញ្ហា​គួរ​ឲ្យ​ព្រួយ​បារម្ភ​នោះ​ទេ ហើយ​ក៏​ជា​សញ្ញា​មួយ​បញ្ជាក់​ថា​រាងកាយ​កំពុង​បង្កើត​អង់ទីគ័រ​ប្រឆាំង​នឹង​វីរុស។ នេះ​មិន​មាន​ន័យ​ថា ទាល់​តែ​ហើម​កូន​កណ្ដុរ ឬ​មាន​សញ្ញា​ផល​រំខាន​ដទៃ​ទើប​វ៉ាក់សាំង​មាន​ប្រសិទ្ធភាព និង​ក្នុង​ខ្លួន​យើង​មាន​អង់ទីករ​នោះ​ទេ។ ពោល​គឺ​ ឲ្យ​តែ​យើង​បាន​ចាក់​វ៉ាក់សាំង ក្នុង​រាងកាយ​យើង​នឹង​មាន​រនាំង​ការពារ​ខ្លួន​ពី​វីរុស​ជានិច្ច។

យ៉ាង​ណា​មិញ បើ​គ្នា​យើង​ជា​មនុស្ស​ម្នាក់​ក្នុង​ចំណោម ១០-២០​នាក់​ទៀត​ដែល​ហើម​កូន​កណ្ដុរ​ ក្រោយ​ចាក់​វ៉ាក់សាំង​ជំរុញ មិន​បាច់​បារម្ភ​ពេក​ទេ ប៉ុន្តែ​បើ​កូន​កណ្ដុរ​ឡើង​ហើម​ធំ គួរ​តែ​ទៅ​ពិនិត្យ​ជាមួយ​គ្រូពេទ្យ ហើយ​បើ​កូន​កណ្ដុរ​មាន​ការ​ឈឺ​ចាប់ អាច​ញ៉ាំ​ថ្នាំ​បំបាត់​ការ​ឈឺ​ចាប់ និង​រង់ចាំ​រហូត​ធូរ​ស្រាល​ដោយ​ឯក​ឯង៕

អត្ថបទផ្ដល់ដោយ៖ Hello Krupet

ចុចអាន៖ក្រោយចាក់ដូសជំរុញ ហេតុអ្វីអ្នកខ្លះអត់ស្រួលខ្លួន តែខ្លះស្រស់ស្រាយធម្មតា?

ចុចអាន៖ដូសទី៤ ដុះអង់ទីគ័រមែន តែមិនទាន់ខ្លាំង ដល់កម្រិតការពារ អូមីក្រុង បានទេ

The post ចាក់វ៉ាក់សាំង Pfizer និង Moderna អាចជួបផលរំខានកម្រ “ហើមកូនកណ្ដុរ” appeared first on Kampuchea Thmey Daily.

ក្រុមអ្នកស្រាវជ្រាវបានរកឃើញថា វ៉ាក់សាំងទាំង២នេះគឺប្រើបច្ចេកវិទ្យាថ្មី mRNA ហើយអ្នកដែលបានទទួលការចាក់វ៉ាក់សាំង ចំនួន២ដូស​ គឺមានការឆ្លើយតបភាពស៊ាំខ្លាំងក្លានិង មានភាពធន់។

លើសពីនេះ វ៉ាក់សាំងទាំង២ ក៏បានផលិតអង់ទីគ័រកម្រិតខ្ពស់ ប្រឆាំងនឹងវីរុសកូវីដបំប្លែងខ្លួនចំនួនពីរប្រភេទគឺវីរុសអង់គ្លេស និងអាហ្វ្រិកខាងត្បូងផងដែរ។

នេះអាចមានន័យថា អ្នកចាក់វ៉ាក់សាំង Pfizer និង Moderna អាចមានប្រព័ន្ធភាពស៊ាំរយៈពេលយូរអង្វែង បើមិនច្រើនឆ្នាំក៏មួយជីវិតដែរ ហើយប្រហែលជាមិនត្រូវការ ការចាក់បន្ថែមដូសទី៣នោះទេ។ នេះបើយោងតាមរបាយការណ៍ដំបូងរបស់កាសែត New York Times។

អ្នកនិពន្ធឈានមុខ លោកវេជ្ជបណ្ឌិត Ali Ellebedy ដែលជាអ្នកជំនាញខាងភាពស៊ាំនៅសាកលវិទ្យាល័យវ៉ាស៊ីនតោនក្នុងទីក្រុង St Louis បានប្រាប់កាសែតថា “វាជាសញ្ញាល្អមួយសម្រាប់ភាពស៊ាំយូរអង្វែងរបស់យើង ដែលទទួលបានពីវ៉ាក់សាំងទាំងនេះ”។

សម្រាប់ការសិក្សាដែលចេញផ្សាយនៅក្នុងទស្សនាវដ្តី Nature កាលពីថ្ងៃចន្ទបានបង្ហាញថា ក្រុមនេះ បានជ្រើសរើសមនុស្សចំនួន ១៤ នាក់ដែលបានទទួលវ៉ាក់សាំងទាំងពីរប្រភេទ។

ក្រុមអ្នកស្រាវជ្រាវបានពិនិត្យលើកូនកណ្តុរបង្កើតកោសិកាប្រព័ន្ធភាពស៊ាំមួយប្រភេទ ដែលគេស្គាល់ថាជា កោសិកា memory B។

កោសិការ memory B បានផ្សារភ្ជាប់ទៅលើផ្ទៃរបស់ភ្នាក់ងារបង្ករោគដែលលុកលុយ ហើយសម្គាល់ពួកវា ដើម្បីឲ្យកោសិកាភាពស៊ាំផ្សេងទៀតចូលទៅបំផ្លាញ។

កោសិការនេះ ក៏អាចចរាចរណ៍ក្នុងចរន្តឈាមរាប់ឆ្នាំឬរាប់ទសវត្សរ៍ផងដែរ ហើយប្រព័ន្ធភាពស៊ាំ អាចបញ្ជូនសញ្ញាដល់ពួកគេប្រសិនបើមានការឆ្លងផ្សេងទៀត។

យោងតាមកាសែត The Times បានឲ្យដឹងថា បន្ទាប់ពីមនុស្សម្នាក់ឆ្លងកូវីដ ឬចាក់វ៉ាក់សាំងប្រឆាំងនឹងមេរោគនេះ បណ្តុំកម្ចាត់មេរោគបានកកើតឡើងនៅក្នុងកូនកណ្តុរ ដែលដើរតួជាជំរំហ្វឹកហាត់សម្រាប់ កោសិកា memory B។

បណ្តុំនេះជួយបង្ហាត់កោសិកា B ឲ្យស្គាល់លំដាប់ហ្សែនរបស់វីរុសក៏ដូចជាវីរុសបំប្លែងខ្លួនផងដែរ។

ក្រុមនេះ បានយកសំណាកចេញពីកូនកណ្តុរចំនួន៥ដងពោលគឺនៅ៣សប្តាហ៍, ៤សប្តាហ៍, ៥សប្តាហ៍, ៧សប្តាហ៍និង១៥សប្តាហ៍បន្ទាប់ពីការចាក់វ៉ាក់សាំងលើកដំបូង។

លទ្ធផលបានបង្ហាញថា ទោះក្នុងរយៈពេលបួនខែក៏ដោយ អ្នកទទួលវ៉ាក់សាំងមានបណ្តុំកម្ចាត់មេរោគខ្ពស់ ហើយចំនួនកោសិកា memory B គឺមិនបានធ្លាក់ចុះនោះទេ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អារ៉ាប់រួម អះអាងថា វ៉ាក់សាំងរុស្ស៊ី Sputnik V បង្ហាញប្រសិទ្ធភាពការពារកូវីដ ៩៧.៨ ភាគរយ

The post វ៉ាក់សាំង២ប្រភេទ អាចការពារប្រឆាំងជំងឺកូវីដ-១៩ បានពេញមួយជីវិត appeared first on Kampuchea Thmey Daily.

ក្រោយដឹងថា វ៉ាក់សាំងទាំងពីរដូសរបស់ខ្លួនមិនដូចគ្នា នាងភិតភ័យស្ទើរតែគាំងទៅហើយ។ ភា្លមៗនាងទូរសព្ទទៅវេជ្ជបណ្ឌិតផ្ទាល់ខ្លួន និងទាក់ទងទៅ មជ្ឈមណ្ឌលត្រួតពិនិត្យនិងបង្ការជំងឺ (CDC) ដើម្បីពិគ្រោះយោបល់។

ពេលនោះ ទាំងវេជ្ជបណ្ឌិត ទាំង CDC ប្រាប់ថា ពួកគេមិនធ្លាប់ជួបករណីបែបនេះពីមុនមកទេ។ ប៉ុន្តែដើម្បីការពារហានិភ័យផ្សេងៗ ពួកគេបានណែនាំឱ្យនាងឈប់បំបៅដោះទារកអាយុ ៣ សប្តាហ៍ មួយរយៈសិន។

តាមរយៈរឿងរ៉ាវនាង Burgess នាំឱ្យមានចម្ងល់ដែលថា តើនឹងមានអ្វីកើតឡើង ប្រសិនបើអ្នកទទួលវ៉ាក់សាំងការពារជំងឺកូវីដ-១៩ បានចាក់វ៉ាក់សាំងប្រភេទខុសគ្នា?

ជាដំបូងយើងត្រូវស្វែងយល់ពី ធាតុផ្សំនៃវ៉ាក់សាំងនីមួយៗឱ្យច្បាស់សិន ហើយចំពោះករណីស្ត្រីអាមេរិកាំងខាងលើ នាងបានចាក់វ៉ាក់សាំង Pfizer និង Moderna។ ដូច្នេះ គប្បីសិក្សាពីវ៉ាក់សាំងទាំងពីរនេះជាមុន។

វ៉ាក់សាំង Pfizer-BioNTech និង Moderna មិនខុសគ្នាត្រង់ថា ពួូួកវាទាំងពីរជាប្រភេទវ៉ាក់សាំងផលិតតាមតាមបច្ចេកវិទ្យា RNA (mRNA) ដូចគ្នា។ ចំណែកធាតុផ្សំនៃវ៉ាក់សាំងពីរនេះ មានសារធាតុសំខាន់ៗចំនួន៧ ដែលក្នុងនោះមានសារធាតុចំនួន៤ គឺដូចគ្នា។ នេះមានន័យថា វ៉ាក់សាំង Pfizer-BioNTech និង Moderna មានភាពស្រដៀងគ្នាខ្លាំង ហើយពួកវាធ្វើការគឺស្ទើរតែដូចគ្នាផងដែរ។

ត្បិតតែវ៉ាក់សាំង Pfizer និង Moderna មានលក្ខណៈស្រដៀងគ្នាក៏ដោយ ក៏ការចាក់វ៉ាក់សាំងលាយគ្នាមិនត្រូវបានណែនាំនោះទេ។

CDC និយាយថា ការចាក់វ៉ាក់សាំងចម្រុះដោយប្រភេទផ្សេងៗគ្នា មិនទាន់មានការសិក្សា និងវាយតម្លៃលើសុវត្ថិភាពនិងប្រសិទ្ធភាពនោះទេ។ ទោះយ៉ាងណា ក្នុងស្ថានភាពពិសេសដែលវ៉ាក់សាំងចាក់លើកដំបូងលែងមានគុណភាពឬហេតុផលចាំបាច់ណាមួយមិនអាច​ចាក់ជូនបាន ដូច្នេះវ៉ាក់សាំងប្រើបច្ចេកវិទ្យាដូចគ្នា ដែលហៅ mRNA COVID-19 អាចប្រើជំនួសគ្នាបាន ប៉ុន្តែត្រូវទុកគម្លាតរយៈពេលអប្បបរមា ២៨ ថ្ងៃ។

ដោយឡែក អ្នកជំនាញខាងជំងឺឆ្លងលោក Amesh A. Adalja, M.D មន្ត្រីសុខាភិបាលមកពីមជ្ឈមណ្ឌលសន្តិសុខសុខភាព Johns Hopkins បាននិយាយថា ករណីចាក់វ៉ាក់សាំងលាយគ្នា គេមិនទាន់ច្បាស់ពីហានិភ័យឬសុវត្ថិភាពនៅឡើយ ប៉ុន្តែទំនងគ្មានផលប៉ះពាល់ធំដុំទេ។ បន្ថែមពីលើនេះ យើងនឹងនៅតែទទួលបានអត្ថប្រយោជន៍ពីការចាក់វ៉ាក់សាំងគ្រ​ប់ចំនួនដដែល។

រីឯលោក William Schaffner, M.D, អ្នកឯកទេសខាងជំងឺឆ្លងនិងជាសាស្រ្តាចារ្យនៅសាលាវេជ្ជសាស្ត្រមកពីសាកលវិទ្យាល័យ Vanderbilt បានយល់ស្របថា ការចាក់វ៉ាក់សាំងមិនដូចគ្នា ប្រហែលជាមានសុវត្ថិភាពនិងប្រសិទ្ធភាព។ ទោះយ៉ាងណាលោកក៏បានសង្កត់ធ្ងន់ថា “ការលាយនិងការផ្គូផ្គងវ៉ាក់សាំងខុសគ្នាក្នុងរាងកាយតែមួយ ត្រូវការការសិក្សាឱ្យបានច្បាស់លាស់សិន”៕

ប្រែសម្រួល៖ សន្យា

ប្រភព៖ Prevention

ចុចអាន៖ មិនធម្មតា! វ៉ាក់សាំង Pfizer-BioNTech មានប្រសិទ្ធភាពការពារកូវីដស្ទើរតែ ១០០ ភាគរយ ក្រោយចាក់ពេញ ២ ដូស រយៈពេល ២ សប្ដាហ៍

ចុចអាន៖ អ្នក​ជំនាញ​បញ្ជាក់​ច្បាស់ៗ​ពី​ភាព​ខុស​គ្នា​នៃ​រោគ​សញ្ញា​ស្រាល និង​ធ្ងន់ធ្ងរ របស់​អ្នក​ជំងឺ​កូវីដ គ្រប់គ្នា​គួរ​ដឹង

The post ច្រឡំចាក់វ៉ាក់សាំងកូវីដ-១៩ប្រភេទផ្សេងគ្នា អាចបង្កគ្រោះថ្នាក់ដែរអត់? appeared first on Kampuchea Thmey Daily.

ថ្នាំបង្ការរោគបន្ថែមដូសទី៣នេះ ត្រូវបានចាក់ឲ្យអ្នកស្ម័គ្រចិត្ត ដែលធ្លាប់ទទួលបានវ៉ាក់សាំង Moderna ចំនួនពីរដូសរួចមកហើយ។ លទ្ធផលបានបង្ហាញថា​ វ៉ាក់សាំងនេះ៣ដូស ក៏បង្កើនអង់ទីគ័រប្រឆាំងនឹងជំងឺកូវីដ-១៩ Version ដើមផងដែរ។

ទិន្នន័យដំបូងនេះគឺបានមកពីការធ្វើតេស្តលើមនុស្ស៤០នាក់ ដោយសាកល្បងជាមួយទាំងវ៉ាក់សាំង Moderna ដែលមានស្រាប់និង Version មួយឈ្មោះ mRNA-1273.351ដែលត្រូវបានបង្កើតឡើង ដើម្បីការពារប្រឆាំងនឹងវីរុសកូវីដ-១៩បំប្លែងខ្លួនអាហ្រ្វិកខាងត្បូង។

លទ្ធផលនៃការធ្វើតេស្តបានបង្ហាញថា ការចាក់វ៉ាក់សាំងដូសទី៣នៃ Version ទាំង២មិនត្រឹមតែបង្កើនអង់ទីគ័រប្រឆាំងនឹងវីរុសបំប្លែងខ្លួនទាំងអស់នោះទេ ការចាក់វ៉ាក់សាំងបន្ថែមដូស ក៏បង្កើនអង់ទីគ័រកាន់តែខ្លាំងប្រឆាំងវីរុសបំប្លែងខ្លួនអាហ្វ្រិកខាងត្បូង ជាងវ៉ាក់សាំងដើមផងដែរ។

លោក Stephane Bancel នាយកប្រតិបត្តិក្រុមហ៊ុន Moderna បាននិយាយថា “យើងត្រូវបានលើកទឹកចិត្តដោយទិន្នន័យថ្មីទាំងនេះ។ វាពង្រឹងទំនុកចិត្តរបស់យើងថា យុទ្ធសាស្រ្តចាក់វ៉ាក់សាំងបន្ថែមដូសរបស់យើងគួរតែត្រូវបានការពារ ប្រឆាំងនឹងវីរុសកូវីដ-១៩បំប្លែងខ្លួនថ្មីៗ”។

គួរបញ្ជាក់ថា វីរុសកូវីដ-១៩បំប្លែងខ្លួន ដែលគេរកឃើញដំបូងនៅអាហ្វ្រិកខាងត្បូងនិងប្រេស៊ីល ត្រូវបានគេគិតថាមានភាពធន់នឹងវ៉ាក់សាំងនាពេលបច្ចុប្បន្ន។ វីរុសបំប្លែងខ្លួនទាំងពីរ ត្រូវបានគេរកឃើញនៅសហរដ្ឋអាមេរិក ប៉ុន្តែមានតែមួយភាគតូចប៉ុណ្ណោះក្នុងចំណោមករណីរបស់សហរដ្ឋអាមេរិក៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ មិនធម្មតា! វ៉ាក់សាំង Sinopharm មានប្រសិទ្ធភាព យកឈ្នះវីរុសបំប្លែងខ្លួនជាង១០ប្រភេទ

The post វ៉ាក់សាំងក្រុមហ៊ុនមួយ បង្កើនភាពស៊ាំប្រឆាំងវីរុសកូវីដ-១៩បំប្លែងខ្លួន តែត្រូវចាក់ខុសពីធម្មតា appeared first on Kampuchea Thmey Daily.

ក្រុមមន្រ្តីបាននិយាយថា កិច្ចព្រមព្រៀងរវាងវ៉ាក់សាំង Moderna និងសម្ព័ន្ធភាព GAVI នឹងចាប់ផ្តើមនៅចុងឆ្នាំនេះ ហើយនឹងដំណើរការ រហូតដល់ឆ្នាំ ២០២២ ដែលជាផ្នែកមួយនៃកម្មវិធី COVAX ។

លោកបណ្ឌិត Seth Berkley នាយកប្រតិបត្តិ GAVI បាននិយាយ នៅក្នុងសេចក្តីថ្លែងការណ៍មួយថា “យើងមានសេចក្តីរីករាយណាស់ ដែលបានចុះហត្ថលេខា លើកិច្ចព្រមព្រៀងថ្មីនេះជាមួយ Moderna ហើយនឹងផ្តល់ឲ្យប្រទេស ដែលចូលរួមនៅក្នុងកម្មវិធី COVAX ទទួលបានវ៉ាក់សាំង ដែលមានប្រសិទ្ធិភាពខ្ពស់គ្រប់គ្រាន់” ។

គួររម្លឹកថា វ៉ាក់សាំង Moderna បានទទួលការអនុម័ត ប្រើប្រាស់ជាបន្ទាន់ពី WHO កាលពីថ្ងៃសុក្រ ហើយវាក៏ជាតម្រូវបន្ថែម សម្រាប់សិទ្ធិទទួលបានពីកម្មវិធី COVAX ទៅដល់ប្រទេសក្រីក្រ ។

ទន្ទឹមនោះ លោក Stephane Bancel នាយកប្រតិបត្តិរបស់ក្រុមហ៊ុនវ៉ាក់សាំង Moderna បានហៅកិច្ចព្រមព្រៀងនេះថា ជាព្រឹត្តិការណ៍ដ៏សំខាន់មួយ ក្នុងការចាក់ថ្នាំបង្ការ នៅទូទាំងពិភពលោក ជាពិសេសអ្នកដែលរស់នៅក្នុងប្រទេសក្រីក្រ និងជាកន្លែង ដែលការទទួលបានវ៉ាក់សាំង កាន់តែមានបញ្ហា ។

លោក Bancel បាននិយាយ នៅក្នុងសេចក្តីថ្លែងការណ៍មួយថា “ប្រទេសជាច្រើន មានធនធានមានកំណត់ ក្នុងការទទួលបាន វ៉ា់ក់សាំងការពារជំងឺកូវីដ ១៩ ។ យើងនៅតែប្តេជ្ញាធ្វើអ្វីៗគ្រប់យ៉ាង ដែលយើងអាចធ្វើបាន ដើម្បីបញ្ចប់ការរីករាលដាល នៃជំងឺរាតត្បាតនេះ” ។

សម្ព័ន្ធភាពវ៉ាក់សាំង GAVI គឺជាការសហការជាមួយ WHO និងមូលនិធិកុមារ របស់អង្គការសហប្រជាជាតិ (UNICEF) ដើម្បីជួយដល់ប្រទេស ដែលមានប្រាក់ចំណូលទាប ស្ទើរតែ ១០០ ដោយពង្រីកការទទួលបានវ៉ាក់សាំងការពារជំងឺកូវីដ ១៩ ខណៈថ្មីៗនេះ ប្រទេសស៊ុយអែត ក៏បានយល់ព្រមបរិច្ចាគវ៉ាក់សាំង AstraZeneca ចំនួន ១ លានដូស ដល់កម្មវិធី COVAX ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ WHO អនុម័តវ៉ាក់សាំង Moderna សម្រាប់ប្រើប្រាស់បន្ទាន់

ចុចអាន ៖ វ៉ាក់សាំង Pfizer និង Moderna ជួយមនុស្សចាស់មិនឲ្យចូលសម្រាកព្យាបាលនៅមន្ទីរពេទ្យដោយកូវីដជិត ១០០ ភាគរយ

The post មានសង្ឃឹមហើយ! ក្រោយ WHO អនុម័តប្រើប្រាស់ជាបន្ទាន់ ប្រទេសក្រីក្រត្រៀមទទួលវ៉ាក់សាំង Moderna ចំនួន ៥០០ លានដូសពីកម្មវិធី COVAX appeared first on Kampuchea Thmey Daily.