ដំណឹងល្អ! WHO អនុម័តវ៉ាក់សាំង Moderna សម្រាប់ប្រើប្រាស់បន្ទាន់

អង្គការសុខភាពពិភពលោក (WHO) ដែលមានមូលដ្ឋាន នៅប្រទេសស្វីស បានចុះបញ្ជី វ៉ាក់សាំងចាក់ ២ ដូសរបស់ក្រុមហ៊ុន Moderna សម្រាប់ការប្រើប្រាស់ជាបន្ទាន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំង mRNA គឺជាវ៉ាក់សាំងទី ៥ ហើយ ដែលទទួលបានការអនុម័ត សម្រាប់ការប្រើប្រាស់ជាបន្ទាន់ ពីស្ថាប័ន WHO ខណៈអង្គការមួយនេះ ក៏ផ្តល់ការយល់ព្រមរួចទៅហើយដល់ វ៉ាក់សាំងចាក់ ២ ដូស ពីក្រុមហ៊ុន Oxford/AstraZeneca វ៉ាក់សាំងចាក់មួយដូស Johnson & Johnson និងវ៉ាក់សាំង Pfizer/BioNTech ជាដើម ។

វ៉ាក់សាំងអាមេរិកដូចជា Moderna, Pfizer / BioNTech និង Johnson & Johnson សុទ្ធតែទទួលបានការអនុញ្ញាត ប្រើប្រាស់ជាបន្ទាន់ ពីរដ្ឋបាលចំណីអាហារ និងឪសថអាមេរិក (FDA) ។

ការយល់ព្រមរបស់ WHO លើវ៉ាក់សាំង Moderna នឹងធ្វើឲ្យវ៉ាក់សាំង សម្រាប់ការកម្មវិធី COVAX មានការផ្គត់ផ្គង់គ្រប់គ្រាន់ នៅទូទាំងពិភពលោក ។ វាក៏អនុញ្ញាតឲ្យ បណ្តាប្រទេសផ្សេងទៀត បង្កើនល្បឿននៃការអនុម័ត បទប្បញ្ញត្តិផ្ទាល់ខ្លួនរបស់ពួកគេ ចំពោះវ៉ាក់សាំងផងដែរ ។

ទន្ទឹមនោះ ក្រុមអ្នកជំនាញ SAGE របស់ WHO ធ្លាប់បានវាយតម្លៃលើវ៉ាក់សាំង Moderna កាលពីខែមករា និងផ្តល់ការយល់ព្រមប្រើប្រាស់ សម្រាប់មនុស្សគ្រប់រូប ដែលមានអាយុ ១៨ ឆ្នាំឡើងទៅ ។

វ៉ាក់សាំង Moderna បានចេញផ្សាយលទ្ធផល នៃការសិក្សាកាលពីខែមុន ដែលបង្ហាញថា វ៉ាក់សាំងការពារជំងឺកូវីដ ១៩ របស់ខ្លួន អាចការពារអ្នកចាក់ ពីវីរុសនេះរហូតដល់ ៦ ខែ ជាមួយនឹងអត្រាប្រសិទ្ធភាព ៩០ ភាគរយ បន្ទាប់ពីចាក់លើកទី ២ ។

បន្ថែមពីនេះ ក្រុមហ៊ុនជីវបច្ចេកវិទ្យា ដែលមានមូលដ្ឋាននៅរដ្ឋ Massachusetts បាននិយាយថា វ៉ាក់សាំងនេះក៏មានប្រសិទ្ធភាពជាង ៩៥ ភាគរយផងដែរ ប្រឆាំងនឹងករណីធ្ងន់ធ្ងរនៃជំងឺនេះ បន្ទាប់ពីរយៈពេល ៦ ខែ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ WHO ទទួលស្គាល់កូវីដបំប្លែងខ្លួន ឥណ្ឌា ពិតជាអាចយកឈ្នះវ៉ាក់សាំងបច្ចុប្បន្ន ហើយបានបន្ថែមវ៉ារ្យ៉ង់នេះក្នុងបញ្ជីវីរុសរបស់ខ្លួន

ចុចអាន ៖ WHO ជំរុញឲ្យបន្តចាក់វ៉ាក់សាំងរោគរាតត្បាតផ្សេងទៀតជាធម្មតា ព្រោះវាក៏សាហាវដូច កូវីដ ដែរ