ប្រសើរណាស់! វ៉ាក់សាំង Pfizer និង Moderna ជួយមនុស្សចាស់មិនឲ្យចូលសម្រាកព្យាបាលនៅមន្ទីរពេទ្យដោយកូវីដជិត ១០០ ភាគរយ
Connect with us
Helistar Cambodia - Helicopter Charter Services

កូវីដ-១៩

ប្រសើរណាស់! វ៉ាក់សាំង Pfizer និង Moderna ជួយមនុស្សចាស់មិនឲ្យចូលសម្រាកព្យាបាលនៅមន្ទីរពេទ្យដោយកូវីដជិត ១០០ ភាគរយ

បានផុស

នៅ

មនុស្សវ័យចំណាស់ ដែលបានទទួលការចាក់វ៉ាក់សាំងការពារជំងឺកូវីដ ១៩ ចំនួន ២ ដូស ដូចជាវ៉ាក់សាំង Pfizer-BioNTech ឬ Moderna គឺមិនមានហានិភ័យ ចូលសម្រាកព្យាបាលនៅមន្ទីរពេទ្យ ដោយសារជំងឺនេះ ជាងមនុស្សដែលមិនបានទទួលការចាក់វ៉ាក់សាំង ចំនួន ៩៤ ភាគរយ ។ នេះបើយោងតាម CDC អាមេរិក បានបញ្ចេញទិន្នន័យកាលពីថ្ងៃពុធ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបានបង្ហាញថា អ្នកដែលមានអាយុលើសពី ៦៥ ឆ្នាំ ដែលបានទទួលការចាក់វ៉ាក់សាំង ត្រឹមតែដូសទី ១ គឺមិនមានហានិភ័យ ចូលសម្រាកព្យាបាលនៅមន្ទីរពេទ្យ ដោយសារជំងឺកូវីដ ១៩ ចំនួន ៦៤ ភាគរយ ជាងអ្នកដែលមិនបានចាក់វ៉ាក់សាំង ។

ទិន្នន័យនេះ ត្រូវបានផ្អែកលើការវិភាគ នៃការចូលសម្រាកព្យាបាលនៅមន្ទីរពេទ្យ សម្រាប់បណ្តាញមន្ទីរពេទ្យសហរដ្ឋអាមេរិកចំនួន ២ ដែលគ្របដណ្តប់មន្ទីរពេទ្យចំនួន ២៤ នៅក្នុងរដ្ឋចំនួន ១៤ ចន្លោះថ្ងៃទី ១ ខែមករា និងថ្ងៃទី ២៦ ខែមីនា ។

ប្រសិទ្ធភាពនៃការចាក់ថ្នាំបង្ការ ត្រូវបានវាយតម្លៃ ដោយប្រៀបធៀបភាពខុសគ្នា នៃការចាក់វ៉ាក់សាំងការពារជំងឺកូវីដ ១៩ ក្នុងចំណោមអ្នកដែលចូលសម្រាកព្យាបាលនៅមន្ទីរពេទ្យ បន្ទាប់ពីបានធ្វើតេស្តវិជ្ជមាន ចំពោះវីរុសនេះ ជាមួយនឹងអ្នកដែលបានធ្វើតេស្តអវិជ្ជមាន ។

ក្នុងចំណោមអ្នកចូលរួមចំនួន ៤១៧ នាក់ មាន ១៨៧ នាក់ បានធ្វើតេស្តវិជ្ជមានចំពោះវីរុសនេះ ប៉ុន្តែ ១៤៦ នាក់ មិនបានចាក់វ៉ាក់សាំង និង ២២ នាក់ បានចាក់វ៉ាក់សាំងដូសដំបូង តិចជាង ១៤ ថ្ងៃ ។

ទន្ទឹមនោះ CDC ណែនាំឲ្យចាក់វ៉ាក់សាំងការពារជំងឹកូវីដ ១៩ សម្រាប់មនុស្សទាំងអស់ ដែលមានអាយុចាប់ពី ១៦ ឆ្នាំឡើងទៅ ប៉ុន្តែផ្តល់អាទិភាពដល់មនុស្សដែលមានអាយុលើសពី ៦៥ ឆ្នាំ ព្រោះហានិភ័យនៃជំងឺធ្ងន់ធ្ងរពីវីរុសនេះ កើនឡើងទៅតាមអាយុ ខណៈមនុស្សចាស់នេះហើយ មានហានិភ័យខ្ពស់បំផុត ។

គួរបញ្ជាក់ថា ប្រជាជនត្រូវបានតម្រូវឲ្យចាក់វ៉ាក់សាំងដែលមានឈ្មោះថា mRNA ចំនួន ២ ដូស ចន្លោះពេល ២ សប្តាហ៍នៃដូសទី ១ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ ថ្នាំគ្រាប់ការពារកូវីដរបស់ក្រុមហ៊ុន Pfizer នឹងចាប់ផ្តើមផលិតនៅចុងឆ្នាំនេះ បើការសាកល្បងជោគជ័យ

ចុចអាន ៖ វ៉ាក់សាំង Pfizer មានប្រសិទ្ធភាពមិនធម្មតាការពារអ្នកដែលមានជំងឺរ៉ាំរ៉ៃទាំងនេះ មិនឲ្យឆ្លងកូវីដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

វ៉ាក់​សាំងបង្ការជំងឺកូវីដ-១៩​ចំនួន១លានដូសបន្ថែមទៀតបាន​មកដល់ហើយនារសៀលនេះ

ព័ត៌មានជាតិ១៥ នាទី មុន

សមត្ថកិច្ច​ស្ទាក់​នាំ​ខ្លួន​ពលករ​១០​នាក់​ មក​ពី​ប្រទេស​ថៃ​តាម​ផ្លូវ​កាត់​ទៅ​ធ្វើ​ចត្តាឡីស័ក​​តាម​វិធានការ​សុខាភិបាល​

ព័ត៌មានជាតិ២០ នាទី មុន

ខេត្តកណ្ដាលបន្តដាក់ភូមិជ្រៃធំជា”តំបន់លឿងទុំ” និង “តំបន់លឿង”មួយសប្តាហ៍ទៀត

ព័ត៌មានជាតិ៣៦ នាទី មុន

កម្មករសំណង់ម្នាក់បានស្លាប់ បន្ទាប់ពីវាយជញ្ជាំងបេតុងធ្លាក់សង្កត់ក្នុងបុរីជីបម៉ុង

ព័ត៌មានជាតិ៤៥ នាទី មុន

លោកជំទាវ​ ឱ វណ្ណឌីន ប្រកាស​ចាត់​វិធាន​ការ​តាម​ច្បាប់​ ចំពោះ​​ជន​ណា​ទារ​លុយ​ថ្លៃ​​ចាក់​វ៉ាក់​សាំង​ពី​ពលរដ្ឋ​

Sokha Hotels

ព័ត៌មានពេញនិយម

Helistar Cambodia - Helicopter Charter Services