សេចក្តីប្រកាសព័ត៌មានសង្កត់ថា” ការលែងក្រពើភ្នំនេះ គឺជាជំហានដ៏សំខាន់មួយក្នុងកិច្ចខិតខំ ប្រឹងប្រែងរបស់កម្ពុជា ដើម្បីស្តារប្រភេទក្រពើដែលជិតផុតពូជបំផុតមួយនៅលើពិភពលោក និងពង្រឹងការអភិរក្ស ប្រព័ន្ធអេកូឡូស៊ីទឹកសាបនៅក្នុងតំបន់ទេសភាពខ្ពង់រាបភាគខាងកើត។”

សេចក្តីប្រកាសព័ត៌មានអះអាងថា ការលែងក្រពើភ្នំនាពេលនេះ កើតឡើងបន្ទាប់ពីដំណើរការពិគ្រោះយោបល់ និងទទួលបានការយល់ព្រមពីភាគីពាក់ព័ន្ធនៅគ្រប់កម្រិត រួមទាំងសហគមន៍ ជនជាតិដើមភាគតិច និងសហគមន៍មូលដ្ឋាន។

សត្វក្រពើភ្នំ (Crocodylus siamensis) គឺជាប្រភេទក្រពើដែលកម្របំផុតមួយនៅលើពិភពលោក និងត្រូវបានចាត់ថ្នាក់ជា «ប្រភេទជិតផុតពូជបំផុត»។ ប្រទេសកម្ពុជា គឺជាប្រទេសមួយដែលមានចំនួន ក្រពើភ្នំដ៏សំខាន់បំផុតមួយរបស់ពិភពលោក។

បើតាម WWF សត្វក្រពើភ្នំ មានតួនាទីដ៏សំខាន់ក្នុងការរក្សាតុល្យភាព និងសុខភាពរបស់ប្រព័ន្ធអេកូឡូស៊ីទឹកសាប។ ការការពារសត្វប្រភេទនេះ ក៏មានន័យថាជាការការពារទន្លេ តំបន់ដីសើម និងជីវៈចម្រុះ ដែលយើងទាំងអស់គ្នាកំពុងអាស្រ័យផលនាពេលនេះ។

WFF អះអាងថា តាមរយៈកិច្ចខិតខំប្រឹងប្រែងអភិរក្សជាបន្តបន្ទាប់ អង្គការ WWF-កម្ពុជា សហការជាមួយក្រសួងបរិស្ថាន ក្រសួងកសិកម្ម រុក្ខាប្រមាញ់ និងនេសាទ (MAFF) ដៃគូពាក់ព័ន្ធ និងសហគមន៍មូលដ្ឋាន កំពុងធ្វើការស្តារប្រភេទសត្វបុរាណនេះឲ្យត្រឡប់ទៅកាន់ទីជម្រកធម្មជាតិរបស់វាវិញ។ ការលែងសត្វនីមួយៗចូលទៅទីជម្រកធម្មជាតិដោយជោគជ័យ គឺជាជំហានមួយឆ្ពោះទៅរកការស្តារធម្មជាតិឡើងវិញសម្រាប់បច្ចុប្បន្ន និងមនុស្សជំនាន់ក្រោយ៕

The post ស្អែក ក្រពើភ្នំពូជសុទ្ធ ១០ក្បាល ប្រភេទកម្របំផុតមួយលើពិភពលោក និងជិតផុតពូជ នឹងត្រូវលែងចូលក្នុងទន្លេស្រែពក appeared first on Kampuchea Thmey Daily.

​តាមរយៈការសិក្សារូងភ្នំជាង​ ៦០ ​នៅ​តាម​តំបន់ភ្នំចំនួន ១០ នៅខេត្ត​បាត់​ដំបង ការសិក្សា​ស្រាវ​ជ្រាវ​នេះ​ បាន​រកឃើញ​សត្វ​គួរឱ្យចាប់​អារម្មណ៍​ជាច្រើន​មួយ​ចំនួន​ គឺ​មាន​តែ​ក្នុង​តំបន់​ជាក់លាក់​នេះ​តែ​ប៉ុ​ណ្ណោះ​។​

​អង្គការសត្វព្រៃ និងរុក្ខជាតិ ​សហការជាមួយក្រសួងបរិស្ថាន ​និង​អ្នកជំនាញប្រព័ន្ធចំណែកថ្នាក់ បានរកឃើញសត្វជាច្រើនដែលជាប្រភេទថ្មីសម្រាប់វិទ្យាសាស្ត្រ ​ដោយក្នុងនោះមានតុកកែថ្មីចំនួន ៣ ប្រភេទ ដូចជាតុកកែ​ភ្នំកំពីងពួយ ​(Cyrtodactylus kampingpoiensis) ​ជីងចក់ភ្នំខ្ពស់ (Hemiphyllodactylus khpoh) ​និង​ជីងចក់ស្លឹកបាត់ដំបង ​(Dixonius noctivagus) ប្រភេទខ្យង២ ប្រភេទ ​ខ្យងឧទយាទិត្យ (Clostophis udayaditinus) និង ​ខ្យង Chamalycaeus aduncus) ប្រភេទម្រើមព្រះ ២ ប្រភេទ (Orthomorpha efefai) និង Orthomorpha battambangiensis) ​ដែលប្រភេទថ្មីទាំង ៧ នេះត្រូវបានបោះពុម្ពផ្សាយជាសាធារណៈ ​ខណៈដែលតុកកែថ្មីចំនួន ៣ ប្រភេទទៀត (Gehyra sp. nov.) (Cyrtodactylus sp. nov.) និង (Dixonius sp. nov.) និងប្រភេទពស់ pit viper (Trimeresurus sp. nov.) កំពុងកំណត់អត្តសញ្ញាណ។​

​ការស្រាវជ្រាវនេះ​ ក៏បានកត់ត្រានូវវត្តមាននៃប្រភេទសត្វដែល​រងការគំរាមកំហែងជា​សកលជា​ច្រើន​ប្រភេទ រួមមាន៖ សត្វពង្រូល ស្វាព្រាម ស្វាក្តាម ស្វាក្រោស ក្ងោក និងសត្វកេះជាដើម ដែលបង្ហាញ​ពីតម្រូវការបន្ទាន់ក្នុងការការពារជម្រកទាំងនេះ។

តំបន់ទេសភាពភ្នំថ្មកំបោរគឺជាការបណ្ដុំចូលគ្នានៃភ្នំថ្មកំបោរ និងរូងភ្នំ ដែលបង្កើតបានជាលក្ខណៈ​ពិសេសៗ​ដូចជារណ្តៅទឹក ប្រភពទឹក និងអូរក្រោមដីជាដើម។ ទោះបីជាការស្រាវជ្រាវនៅតំបន់​នេះនៅ​មានកម្រិតនៅឡើយ តែតំបន់ភ្នំថ្មកំបោរគឺជាជម្រកដ៏សំខាន់បំផុតមួយនៅ លើផែនដី ដែលសំបូរទៅដោយជីវ:ចម្រុះដ៏ពិសេសៗមានវត្តមានតែនៅក្នុងតំបន់ជាក់លាក់ណាមួយប៉ុណ្ណោះ ។

​តំបន់ទេសភាពទាំងនេះក៏​មានសារៈសំខាន់ខាងផ្នែកវប្បធម៌ និងសាសនាចំពោះសហគមន៍មូលដ្ឋាន ហើយត្រូវបានគេឱ្យតម្លៃកាន់តែខ្លាំងឡើងៗ​សម្រាប់អេកូ ​ទេសចរណ៍ផងដែរ​។​

​តំបន់ទេសភាពភ្នំថ្មកំបោរ ​កំពុង​ប្រឈមនឹងការគំរាមកំហែងកាន់តែខ្លាំងឡើងពីការជីកយករ៉ែ ការ​គ្រប់​គ្រងសកម្មភាពទេសចរណ៍មិនត្រឹមត្រូវ ភ្លើងឆេះព្រៃ ការកាប់ព្រៃឈើ ​និង​ការបរ​បាញ់​សត្វ​ព្រៃ​ខុស​ច្បាប់​ជាដើម៕

The post ​កម្ពុជា​រកឃើញ​ប្រភេទ​ពស់ពិស pit viper កំពុងកំណត់អត្តសញ្ញាណ និងសត្វកម្រជាច្រើនទៀត appeared first on Kampuchea Thmey Daily.

តាមការកត់ត្រារបស់ក្រសួងបរិស្ថាន សត្វសំខាន់ៗ ដែលបានកត់ត្រាតាមរយ:ម៉ាស៊ីនថតស្វ័យប្រវត្តនេះរួមមាន ថនិកសត្វ ៣២ប្រភេទ បក្សី ៩ប្រភេទ និងពួកល្មួន ១ប្រភេទ។ សម្រាប់ប្រភេទសត្វដែលកត់ត្រាខាងលើនេះមាន ២ប្រភេទជាសត្វជិតផុតពូជបំផុត ៥ប្រភេទជាសត្វជិតផុតពូជ និង១៣ប្រភេទសត្វងាយរងគ្រោះ ដោយឡែកកំណត់ត្រាវីដេអូរបានកត់ត្រានូវហ្វូងដំរីអាស៊ី ដែលជាសក្ខីភាពបង្ហាញពីមោទនភាព និងភាពសមស្របនៃទីជម្រកធម្មជាតិនៃតំបន់ឧទ្យានជាតិវីរៈជ័យ។ ប្រភេទសត្វកម្រសំខាន់ៗជាច្រើន រួមមាន៖ ដំរីអាស៊ី ឆ្កែព្រៃ ខ្លាពពក ខ្លាលឿងមាស កេងកងធំ ខ្លាភ្ញីថ្មកែវ រញីប្រផេះ ក្ងោក ស្វាកន្ទុយស ពង្រូល និងប្រភេទសត្វផ្សេងៗជាច្រើនទៀត។

ការរកឃើញប្រភេទសត្វសំខាន់នៅក្នុងឧទ្យានជាតិវីរជ័យនេះ ដោយមានចូលរួមតាមរយៈកិច្ចសហការរវាង អង្គការសត្វព្រៃ និងរុក្ខជាតិ ជាមួយក្រសួងបរិស្ថាន ដោយមានការគាំទ្រពីមន្ទីរបរិស្ថានខេត្តរតនគីរី និងការចូលរួមពីជនជាតិដើមភាគតិច និងសហគមន៍មូលដ្ឋានផងដែរ។ ឧទ្យានជាតិវីរជ័យ ស្ថិតនៅភាគឦសាននៃប្រទេសកម្ពុជា ដែលជាជម្រកដ៏មានសារៈសំខាន់សម្រាប់សត្វព្រៃគ្រប់ប្រភេទ៕

The post ចន្លោះពីខែមករា ដល់ខែសីហា ឆ្នាំ២០២៥ ក្រសួងបរិស្ថានរកឃើញសត្វសំខាន់ៗ ៤២ប្រភេទ នៅក្នុងឧទ្យានជាតិវីរជ័យ appeared first on Kampuchea Thmey Daily.

តាមការបញ្ជាក់ពី ខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តកែប បានអោយដឹងថា អណ្តើកសមុទ្រទី១ មានភេទញី ទម្ងន់៦០គីឡូក្រាម បណ្ដោយប្រវែង៧១សង់ទីម៉ែត្រ ទទឹងប្រវែង៣៨សង់ទីម៉ែត្រ បានកឹបស្លាកមានលេខ KH 2088 និងអណ្ដើកសមុទ្រទី២ ភេទ ឈ្មោល មានទម្ងន់១៤គីឡួក្រាម បណ្ដោយប្រវែង៥១សង់ទីម៉ែត្រ ទទឹងប្រវែង៤៨ សង់ទីម៉ែត្រ បានកឹបស្លាកមានលេខ KH 2089។

យ៉ាងណាមិញ មួយរយ:ពេលចុងក្រោយនេះ អ្នកនេសាទតែងប្រទះ និងចាប់បានដោយចៃដន្យ នូវពពួកសត្វសមុទ្រ កម្រៗច្រើនប្រភេទ និងបានប្រគល់ជូនកម្លាំងជំនាញ​ ដើម្បីលែងចូលក្នុងសមុទ្រវិញ ដែលនេះសបញ្ជាក់ពីការយល់ដឹងរបស់ប្រជានេសាទខេត្តកែបផ្ទាល់ និងមានស្មារតីក្នុងការចូលរួមអភិរក្សធនធានសមុទ្រកម្រជាមួយអាជ្ញាធរខេត្តផងដែរ៕

អត្ថបទ៖ សឹង រ៉ាត់

The post អណ្តើកសមុទ្រ២ក្បាលត្រូវបានខណ្ឌរដ្ឋបាលជលផលខេត្តកែប លែងចូលសមុទ្រវិញ ក្រោយទទួលបានពីប្រជាអ្នកនេសាទ appeared first on Kampuchea Thmey Daily.

កាល​សម្បូរ​ធនធានធម្មជាតិ​នេះ អ្នក​ឧស្សាហ៍​ឆ្លង​កាត់ តាម​ដង​ផ្លូវ​ជាតិ​លេខ៧៦ តែងតែ​ប្រទះ​ឃើញ​នោះ​ហ្វូង​ជា​ច្រើនប្រភេទ ជាពិសេស​ហ្វូង​សត្វ​ស្វា​ជា​ច្រើន​តែង​តែ​ដើរ​រក​ចំណី អម​នៅ​តាម​សងខាងផ្លូវ និងឆ្លងកាត់ផ្លូវនោះស្ទើរជារៀងរាល់ថ្ងៃ។

នៅថ្ងៃទី១២ខែឧសភាឆ្នាំ២០២៥ សត្វ​ស្វាចំនួន៣ក្បាល ដែលជាប្រភេទសត្វកម្រស្ទើរផុតពូជ ដែលប្រជាពលរដ្ឋ​សង្រ្គោះ​ហើយ​ប្រគល់​ជូន​សមត្ថកិច្ច​ជំនាញ​នៃ​មន្ទីរ​បរិស្ថាន​ខេត្ត​មណ្ឌលគិរី។

លោក មាស ចាន្នី ជា​ប្រជាពលរដ្ឋ​មួយ​រូប​រស់​នៅ​ក្រុងសែន​មនោរម្យ​បាន​ប្រាប់​កម្ពុជាថ្មី​ថា កាល​ពី​ប៉ុន្មានថ្ងៃ​មុន​លោក​បាន​ទទួល សត្វស្វា​ព្រៃ​ចំនួន​៣ក្បាល​ពី​បងប្អូនជនជាតិ​ដើម​ភាគ​តិច​នៅ​តាម​មូលដ្ឋាន ដោយ​ការ​ឃើញពី​ស​ភាព​ស្វា​នេះ អាណិត​និង​គួរ​ឱ្យ​ស្រឡាញ់ទៀតនោះ លោក​បាន​ទទួល​យក​មក​មើល​ការ​ថែទាំ រកចំណី​ឱ្យ​វា​បៅទឹក​ដោះគោ​ ហើយនិងគ្រោងនិងទុកចិញ្ចឹមផងដែរ។

លោក​បន្ត​ថា ដោយ​ការ​យល់​ថា​នេះ​សត្វ​ដែល​មាន​រូបរាង​ពណ៌​ខុស​គេ​បែប​នេះ​គិត​ថា វាជាអម្បូរ​សត្វ​ស្វាព្រៃ​ដ៏​កម្រ​មិន​អាច​ទុក​ចិញ្ចឹម​បាន ព្រោះ​យើង​គ្មាន​ជំនាញបច្ចេកទេស​ក្នុង​ការ​ចិញ្ចឹមសត្វទាំងនេះនោះទេ ហើយខ្លាចប៉ះពាល់ទៅដល់សុខភាពរបស់វា ក៏​សម្រេច​ចិត្ត​ប្រគល់ជូនមន្ត្រីជំនាញនៃមន្ទីរបរិស្ថានខេត្តមណ្ឌលគិរី​តែម្តង។ លោក​បន្ថែម​ថា កូន​សត្វ​ស្វាព្រៃ ដ៏​កម្រ​គួរ​ឱ្យ​ស្រឡាញ់ទាំង៣ក្បាលនេះ ស្ថិត​ក្នុង​ការ​បំបៅ​ទឹកដោះគោ​នៅ​ឡើយ វា​ប្រាសចាក​បែក​ពី​មេ​របស់​វា​ធ្វើ​ឱ្យ​វា​គ្មាន​ទី​ពឹង​បើ​ដូច្នេះ​មានតែប្រគល់​ឱ្យ​ជំនាញ​ប៉ុណ្ណោះ។

បន្ថែមលើសពី​នេះ​ ក្នុងនាមលោកជាប្រជាពលរដ្ឋមួយរូប រស់នៅខេត្តមណ្ឌលគិរី សំណូមពរ​ទៅដល់អ្នកដែល ព្យាយាម​បរបាញ់ និងបរិភោគសត្វព្រៃ គួរ​ងាក​មក​ចូលរួម នាំ​គ្នា​ថែរក្សា​អភិរក្សសត្វព្រៃ និងបញ្ឈប់បរិភោគនិងចាប់សត្វព្រៃ ចាប់​ពី​ពេល​នេះ​ត​ទៅ។ ព្រោះថានៅ​ក្នុង​ភូមិសាស្ត្រ​ខេត្តមណ្ឌលគិរី​របស់​យើង​ គឺសម្បូរទៅដោយធនធានធម្មជាតិ និងសត្វ​កម្រ​ជា​ច្រើន​ប្រភេទ​ស្ទើរ​ផុត​ពូជ បើ​សិន​ជា​វា​មាន​ការ​បាត់បង់ ខេត្ត​របស់​យើងមិនអាចទាក់ភ្ញៀវទេសចរ ឱ្យ​មក​កម្សាន្តនៅក្នុងខេត្តបានទេ។

ហើយ​យើង​ក៏​ចង់​ឱ្យ​ឃើញ​មាន​ការ​អភិរក្ស​សត្វព្រៃ​ដ៏​យូរ​អង្វែង​ទៅ​ដល់​ក្មេង​ជំនាន់​ក្រោយៗទៀត​ផងដែរ។ បន្ទាប់ពីការផ្តល់ជូនកូនសត្វស្វាព្រៃចំនួន៣ក្បាលនេះ លោក ឌិន ប៊ុនធឿន អនុ​ប្រធាន​មន្ទីរបរិស្ថាន​ខេត្តមណ្ឌលគិរី​ក៏​បាន​ប្រាប់ «កម្ពុជាថ្មី»ផងដែរ​ថា ក្នុងនាមមន្ទីរបរិស្ថានខេត្តមណ្ឌលគិរី ពិត​ជា​សប្បាយ​ចិត្ត ដោយសារ​មាន​ប្រជាពលរដ្ឋ ទូទាំង​ខេត្តមណ្ឌលគិរី​មាន​ការ​យល់ដឹងកាន់តែច្រើន​អំពី​ការ​អភិរក្ស​សត្វ​ព្រៃ និង​មិន​បរិភោគ​សត្វព្រៃ ហើយ​ព្យាយាម​សង្គ្រោះសត្វព្រៃផងដែរ។

លោក​បាន​អះអាង​ថា ជាក់ស្ដែងនៅថ្ងៃទី១២ខែឧសភាឆ្នាំ២០២៥នេះ មាន​ប្រជាពលរដ្ឋមួយរូបរស់នៅក្រុងសែនមនោរម្យ បានយកកូនសត្វស្វាព្រៃចំនួន៣ក្បាល មកប្រដល់ជូនមន្ទីរបរិស្ថានដើម្បីមើលការថែទាំ។ ព្រោះ​ក្នុង​នាម​មន្ទីរមានជំនាញក្នុងការថែទាំសត្វព្រៃ​និង សង្រ្គោះសត្វព្រៃហើយបើពិនិត្យមើលថា មិន​មាន​បច្ចេកទេសគ្រប់គ្រាន់​ក្នុង​ការ​មើលថែនោះ​ទេ​ក្នុង​នាមមន្ទីរបរិស្ថានខេត្តមណ្ឌលគិរី នឹង​បញ្ជូន​សត្វព្រៃ​នេះ​ទៅ​សង្គ្រោះនៅ​ឯសួន​សត្វភ្នំតាម៉ៅភ្លាមៗ។

ព្រោះ​ថា​នៅទីនោះសម្បូរទៅដោយអ្នកបច្ចេកទេស មើលថែ​ចិញ្ចឹម​សត្វព្រៃ ហើយ​ដើម្បី​ឱ្យកូនសត្វស្វានេះ​រស់រាន​មាន​ជីវិត​បន្ត​ទៅ​ទៀត។ លោកអនុប្រធានមន្ទីរបានបញ្ជាក់ថា កូន​សត្វស្វាព្រៃដែលប្រជាពលរដ្ឋយកមកប្រគល់ជូននេះ ជាប្រភេទសត្វស្វា(ព្រាម )ចំនួន២ក្បាល និង១ក្បាលទៀតប្រភេទសត្វស្វា (ក្ដាម)។

សត្វស្វាព្រាមទាំងពីរក្បាលនេះ តាមឯកសារបច្ចេកទេស របស់មន្ទីរបរិស្ថានគឺជាប្រភេទសត្វស្វា​ស្ថិត​ក្នុងចំណោមសត្វស្វាដ៏កម្រ ហើយ​មាន​ដោយបង្គួរ។ លោក ឌិន ប៊ុនធឿន បាន​គូស​បញ្ជាក់ថា ក្នុង​នាម​មន្ត្រី​នៃ​មន្ទីរបរិស្ថាន និងមន្ត្រីដែលប្រចាំការនៅតំបន់​ការពារ​ធម្មជាតិ​ទាំង​៥​សម្រាប់​ភូមិសាស្ត្រ​ខេត្តមណ្ឌលគិរី សូម​ធ្វើ​ការ​អំពាវនាវ​ដល់បងប្អូនប្រជាពលរដ្ឋនិងមន្រ្តីរាជការ ក៏​ដូច​ជា​សាធារណជន និង​ភ្ញៀវ​ទេសចរ​ដែលបានមកទស្សនាតំបន់ទេសចរជាច្រើន ដែលមានការទាក់ទាញខ្លាំងក្នុងខេត្តមណ្ឌលគិរីនេះ។

សូម​បងប្អូនបើកបរ​ដោយ​មាន​ការ​ប្រុងប្រយ័ត្នខ្ពស់ ពិសេស​ពី​កំណាត់​ផ្លូវជាតិលេខ៧៦ ពីស្រុកកែវសីមា មក​កាន់​ស្រុកអូររាំង ព្រោះទីតាំងនៅចំណុចខាងលើនោះ សម្បូរទៅដោយសត្វគ្រប់ប្រភេទ ឆ្លងកាត់នៅ តំបន់នោះ។

ជាពិសេសគឺសត្វស្វាគ្រប់ប្រភេទព្រោះវាតែងតែចេញមករកចំណីរក្បែរដងផ្លូវជាប្រចាំ។ លើសពី​នោះ​ក៏​សូម​បញ្ឈប់​ការ​បរបាញ់​សត្វ​ព្រៃ និង​ដាក់​អន្ទាក់​សត្វព្រៃ​ដោយ​ខុសច្បាប់​រួម​ទាំងការ​ទទួល​ទាន​សត្វ​ព្រៃផងដែរ។ រូបភាព​ទាំង​នេះ​ គឺជា​ទង្វើមួយដែលខុសនឹងច្បាប់ ដូចជាក្រមបរិស្ថានធម្មជាតិដែលមានចែងក្នុងមាត្រាទី៨៥០មានក្នុងច្បាប់។

ដូច្នេះ​សូមបងប្អូន​ចូល​រួម​ថែរក្សា​ និង​អភិរក្សធនធានធម្មជាតិ​ជា​ពិសេស​សត្វ​ព្រៃ ក្នុង​ភូមិសាស្ត្រ ខេត្តមណ្ឌលគិរី របស់​យើង​ឱ្យ​បានគង់វង្សយូរអង្វែងទៅថ្ងៃអនាគត។ ហើយ​បើ​បងប្អូនប្រជាពលរដ្ឋរស់នៅភូមិសាស្ត្រខេត្តមណ្ឌលគិរី បាន​ប្រទះ​ឃើញ​សត្វព្រៃ ដែល​អាច​ប្រគល់​ជូនមន្ទីរបរិស្ថានទៅសង្គ្រោះសូមទាក់ទងតាមរយៈលេខទូរសព្ទ០៩០៥២៣៤៥៦៕

អត្ថបទ ៖ រៀម សុខហេង

The post កូន​ស្វា​ដ៏​កម្រ ស្ទើរផុតពូជ៣ក្បាល ត្រូវ​ពលរដ្ឋ​សង្រ្គោះរួច​ប្រគល់​ជូនជំនាញមន្ទីរ​បរិស្ថាន​ appeared first on Kampuchea Thmey Daily.

លោក ញឹក រតនៈពេជ្រ ប្រធានឧទ្យានសួនសត្វព្រៃការពារ និងសួនភូតគាម ភ្នំតាម៉ៅ បានមានប្រសាសន៍ប្រាប់ក្រុមការងារកម្ពុជាថ្មីថា សម្រាប់ពេលបច្ចុប្បន្ននេះ សត្វដែលមាននៅក្នុងភ្នំតាម៉ៅ មានរហូតសរុបចំនួនប្រមាណ ២,០៨៥ ក្បាល។ ក្នុងនោះដែរ ប្រភេទសត្វមានចំនួន ១១៨ ប្រភេទ និងប្រភេទសត្វកម្រមានចំនួន ២០ ប្រភេទ។ នេះបើតាមការបញ្ជាក់ របស់ប្រធានឧទ្យានសួនសត្វព្រៃការពារ និងសួនភូតគាម ភ្នំតាម៉ៅ កាលពីថ្ងៃទី ១១ ខែធ្នូ ឆ្នាំ ២០២៣នេះ។

លោក ញឹក រតនៈពេជ្រ បានមានប្រសាសន៍បន្ថែមទៀតថា សត្វនៅភ្នំតាម៉ៅ ភាគច្រើន គឺបានមកពីការបង្រ្កាបបទល្មើសជួញដូរសត្វព្រៃ និងមួយចំណែកទៀត បានមកពីការបរិច្ចាគពីម្ចាស់សត្វផ្ទាល់ ខណៈម្ចាស់សត្វមួយចំនួន ពួកគាត់លែងចង់ចិញ្ចឹមសត្វតទៅទៀត ទើបសម្រេចចិត្តយកមកបរិច្ចាគមកដល់សួនសត្វភ្នំតាម៉ៅ។

ប្រធានឧទ្យានសួនសត្វភ្នំតាម៉ៅរូបនេះ បញ្ជាក់ទៀតថា សួនសត្វភ្នំតាម៉ៅ អាចដំណើរការទៅបានក៏ដោយសាររាជរដ្ឋាភិបាល តាមរយៈក្រសួងកសិកម្ម រុក្ខាប្រមាញ់ និងនេសាទ និងមានអង្គការសង្គមស៊ីវិលមួយចំនួនទៀត ជួយជ្រោមជ្រែង។ លោក ញឹក រតនៈពេជ្រ បន្តថា អ្វីជាគោលដៅបន្តទៀត សួនសត្វភ្នំតាម៉ៅ ផែនការគឺរៀនរស់ដោយខ្លួនឯង ដោយមិនអាចពឹងពាក់លើរាជរដ្ឋាភិបាល និងអង្គការសង្គមស៊ីវិលរហូតនោះទេ។

លោក ញឹក រតនៈពេជ្រ បានបង្ហើបឱ្យដឹងទៀតថា សួនសត្វភ្នំតាម៉ៅ សម្រាប់ពេលថ្មីនេះ បាននិងកំពុងរៀបចំថវិកា ដែលបានមកពីចំណូលនៃការទស្សនារបស់ភ្ញៀវទេសចរ ដើម្បីយកថវិកាទាំងនោះ មកអភិវឌ្ឍនៅតំបន់សួនសត្វភ្នំតាម៉ៅវិញ ដូចជា៖ កសាងផ្លូវសម្រាប់ធ្វើដំណើរ ការជួលបុគ្គលិកបម្រើការនៅឧទ្យាន ការលំនៅឱ្យសត្វ និងការទិញថ្នាំពេទ្យ សម្រាប់សត្វនៅពេលឈឺថ្កាល់ ម្ដងៗ ពីព្រោះតែពេលខ្លះ ថវិកាដែលបានមកពីរាជរដ្ឋាភិបាល គឺមិនទាន់គ្រប់គ្រាន់ក្នុងការចំណាយទូទៅ ក្នុងតំបន់ឧទ្យានជាតិសួនសត្វភ្នំតាម៉ៅ នៅឡើយ។

សូមជម្រាបថា ឧទ្យានសួនសត្វភ្នំតាម៉ៅ មានទីតាំងស្ថិតនៅក្នុងឃុំត្រពាំងសាប ស្រុកបាទី ខេត្តតាកែវ ភាគខាងត្បូងរាជធានីភ្នំពេញ ប្រហែល ៤០គីឡូម៉ែត្រ៕
អត្ថបទ ៖ សួស សិត

The post មកដល់ពេលនេះ សត្វនៅភ្នំតាម៉ៅ​ មានចំនួន ១១៨ ប្រភេទ និងសត្វកម្រ ២០​ ប្រភេទ appeared first on Kampuchea Thmey Daily.

ស្ត្រីនោះមានឈ្មោះថា Le Thi Du អាយុ ៣៩ ឆ្នាំ នាងត្រូវប៉ូលិសចាប់ខ្លួន ខណៈពេលកំពុងដឹកសត្វទាំង ១១ ក្បាល កាលពីថ្ងៃព្រហស្បតិ៍ ទី១៩ ខែតុលា ។

សត្វកម្រដែលនាង Thi Du លួចដឹកមានដូចជា សត្វពង្រូល ២ ក្បាល ស្ដេចពស់វែងមួយក្បាល ពស់កណ្ដុរឥណ្ឌាមួយក្បាល បង្គួយ ៥ ក្បាល និងសត្វស្ការ ២ ក្បាល ។

បន្ទាប់ពីស្ទាក់ចាប់រួចហើយ ប៉ូលិសក៏បានប្រគល់សត្វទាំងអស់ទៅឲ្យមជ្ឈមណ្ឌលសង្គ្រោះ អភិរក្ស និងអភិវឌ្ឍន៍សត្វនៅឧទ្យានជាតិ Cuc Phuong ភាគខាងជើងប្រទេសវៀតណាម ៕

ប្រែសម្រួល៖ វារី

ប្រភព៖ tuoitrenews

ចុចអាន៖ បុរស​ម្នាក់​ប្រឈម​នឹង​ការ​ផាក​ពិន័យ ពី​បទ​រាវខ្យង​ជិតផុតពូជ​នៅ ​វៀតណាម

The post ប៉ូលិស វៀតណាម ចាប់ខ្លួនស្ត្រីម្នាក់ដែលលួចដឹកជញ្ជូនសត្វកម្រចំនួន ១១ ក្បាល appeared first on Kampuchea Thmey Daily.

នាងនិយាយថា “វាមើលទៅដូចជាត្រីក្រពត ឬត្រីហ៊ីង ដែលខ្ញុំធ្លាប់ឃើញច្រើនដងមកហើយ ប៉ុន្តែពេលខ្ញុំមើលឲ្យជិត ទើបឃើញមានដៃតូចៗនៅខាងក្រោម ។”

សត្វចម្លែកប្រភេទនេះ ត្រូវគេស្គាល់ថាជា ត្រីមានដៃដែលចាត់ទុកជាសត្វផុតពូជនៅក្នុងតំបន់តាំងពីរាប់សិបឆ្នាំមុនមកម្ល៉េះ ព្រោះគេប្រទះឃើញវាចុងក្រោយកាលពី ២០ ឆ្នាំមុនឯណោះ ។

Carlie Devine នៃអង្គការស្រាវជ្រាវវិទ្យាសាស្ត្រ និងឧស្សាហកម្ម Commonwealth (CSIRO) បានបង្ហាញថា ត្រីមានដៃនៅសល់ប្រហែល ២០០០ ក្បាលទៀតប៉ុណ្ណោះទូទាំងពិភពលោក ។

លើសពីនេះ CSIRO រាយការណ៍ដែលថា វាជាត្រីដំបូងគេដែលត្រូវបានចុះក្នុងបញ្ជីថា មានគ្រោះថ្នាក់ធ្ងន់ធ្ងរដោយ “សហភាពអន្តរជាតិសម្រាប់ការអភិរក្សធម្មជាតិ” ៕

ប្រែសម្រួល៖ វារី

ប្រភព៖ dailystar

ចុចអាន៖ ប្រទះឃើញសាកសពអណ្ដើកកម្រនៅឆ្នេរសមុទ្រ វៀតណាម ខាងត្បូង

The post ប្រទះឃើញត្រីចម្លែកមានដៃជិតផុតពូជ នៅ អូស្ត្រាលី appeared first on Kampuchea Thmey Daily.