ព័ត៌មានជាតិ
មកដល់ពេលនេះ សត្វនៅភ្នំតាម៉ៅ មានចំនួន ១១៨ ប្រភេទ និងសត្វកម្រ ២០ ប្រភេទ
ប្រធានឧទ្យានសួនសត្វព្រៃការពារ និងសួនភូតគាម ភ្នំតាម៉ៅ បានឲ្យដឹងថា បច្ចុប្បន្ននេះ សត្វនៅភ្នំតាម៉ៅមានចំនួន ១១៨ ប្រភេទ និងសត្វកម្រមានចំនួន ២០ ប្រភេទ ដែលសរុបទាំងអស់មានចំនួនប្រមាណ ២០៨៥ ក្បាល។
លោក ញឹក រតនៈពេជ្រ ប្រធានឧទ្យានសួនសត្វព្រៃការពារ និងសួនភូតគាម ភ្នំតាម៉ៅ បានមានប្រសាសន៍ប្រាប់ក្រុមការងារកម្ពុជាថ្មីថា សម្រាប់ពេលបច្ចុប្បន្ននេះ សត្វដែលមាននៅក្នុងភ្នំតាម៉ៅ មានរហូតសរុបចំនួនប្រមាណ ២,០៨៥ ក្បាល។ ក្នុងនោះដែរ ប្រភេទសត្វមានចំនួន ១១៨ ប្រភេទ និងប្រភេទសត្វកម្រមានចំនួន ២០ ប្រភេទ។ នេះបើតាមការបញ្ជាក់ របស់ប្រធានឧទ្យានសួនសត្វព្រៃការពារ និងសួនភូតគាម ភ្នំតាម៉ៅ កាលពីថ្ងៃទី ១១ ខែធ្នូ ឆ្នាំ ២០២៣នេះ។
លោក ញឹក រតនៈពេជ្រ បានមានប្រសាសន៍បន្ថែមទៀតថា សត្វនៅភ្នំតាម៉ៅ ភាគច្រើន គឺបានមកពីការបង្រ្កាបបទល្មើសជួញដូរសត្វព្រៃ និងមួយចំណែកទៀត បានមកពីការបរិច្ចាគពីម្ចាស់សត្វផ្ទាល់ ខណៈម្ចាស់សត្វមួយចំនួន ពួកគាត់លែងចង់ចិញ្ចឹមសត្វតទៅទៀត ទើបសម្រេចចិត្តយកមកបរិច្ចាគមកដល់សួនសត្វភ្នំតាម៉ៅ។
ប្រធានឧទ្យានសួនសត្វភ្នំតាម៉ៅរូបនេះ បញ្ជាក់ទៀតថា សួនសត្វភ្នំតាម៉ៅ អាចដំណើរការទៅបានក៏ដោយសាររាជរដ្ឋាភិបាល តាមរយៈក្រសួងកសិកម្ម រុក្ខាប្រមាញ់ និងនេសាទ និងមានអង្គការសង្គមស៊ីវិលមួយចំនួនទៀត ជួយជ្រោមជ្រែង។ លោក ញឹក រតនៈពេជ្រ បន្តថា អ្វីជាគោលដៅបន្តទៀត សួនសត្វភ្នំតាម៉ៅ ផែនការគឺរៀនរស់ដោយខ្លួនឯង ដោយមិនអាចពឹងពាក់លើរាជរដ្ឋាភិបាល និងអង្គការសង្គមស៊ីវិលរហូតនោះទេ។
លោក ញឹក រតនៈពេជ្រ បានបង្ហើបឱ្យដឹងទៀតថា សួនសត្វភ្នំតាម៉ៅ សម្រាប់ពេលថ្មីនេះ បាននិងកំពុងរៀបចំថវិកា ដែលបានមកពីចំណូលនៃការទស្សនារបស់ភ្ញៀវទេសចរ ដើម្បីយកថវិកាទាំងនោះ មកអភិវឌ្ឍនៅតំបន់សួនសត្វភ្នំតាម៉ៅវិញ ដូចជា៖ កសាងផ្លូវសម្រាប់ធ្វើដំណើរ ការជួលបុគ្គលិកបម្រើការនៅឧទ្យាន ការលំនៅឱ្យសត្វ និងការទិញថ្នាំពេទ្យ សម្រាប់សត្វនៅពេលឈឺថ្កាល់ ម្ដងៗ ពីព្រោះតែពេលខ្លះ ថវិកាដែលបានមកពីរាជរដ្ឋាភិបាល គឺមិនទាន់គ្រប់គ្រាន់ក្នុងការចំណាយទូទៅ ក្នុងតំបន់ឧទ្យានជាតិសួនសត្វភ្នំតាម៉ៅ នៅឡើយ។
សូមជម្រាបថា ឧទ្យានសួនសត្វភ្នំតាម៉ៅ មានទីតាំងស្ថិតនៅក្នុងឃុំត្រពាំងសាប ស្រុកបាទី ខេត្តតាកែវ ភាគខាងត្បូងរាជធានីភ្នំពេញ ប្រហែល ៤០គីឡូម៉ែត្រ៕
អត្ថបទ ៖ សួស សិត
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល