ប្រសិនបើយល់សប្តិឃើញប្រចៀវកំពុងហោះហើរ ទស្សន៍ទាយ​ថា ​អ្នក​ដែល​ឈឺ​នឹង​បាន​ធូរស្រាល​ឡើង​វិញ​ ឬជាសះស្បើយតែម្ដង។​ ​សំណាង​អាក្រក់​ដែល​បាន​ជួបប្រទះ​ក្នុង​រយៈពេល​យូរ​មក​ហើយ​នឹង​ធូរស្រាកស្រាន្តផងដែរ​។

ប៉ុន្តែបើឃើញសត្វប្រចៀវហើរចូលផ្ទះ បន្ទប់គេង ឬធ្វើសម្បុកនៅក្នុងទីលំនៅរបស់អ្នក បកស្រាយថា ទំនាក់ទំនងជាមួយមនុស្សនៅក្នុងផ្ទះមិនសូវល្អជានឹងគ្នានោះទេ តម្រូវឱ្យមានការប្រយ័ត្នចំពោះសម្ដីដែលប្រើលើគ្នា ព្រោះអាចនឹង​មាន​បញ្ហា​ជម្លោះ​​។

ដោយឡែកបើឃើញសត្វប្រចៀវជាច្រើនក្បាល មានន័យថា ក្នុងអំឡុងពេលនេះមានកិច្ចការជាច្រើនដែលត្រូវទទួលខុសត្រូវ ប៉ុន្តែនៅទីបញ្ចប់នៃកិច្ចការនោះវានឹងទទួលផលល្អប្រសើរ។

យ៉ាងណាមិញ បើយល់សប្តិឃើញសត្វប្រចៀវខាំ មានន័យថា អំឡុងពេលនេះមិនគួរធ្វើដំណើរតែម្នាក់ឯងនោះទេ ព្រោះអាចមានគ្រោះថ្នាក់ និងត្រូវបង្កើនការប្រុងប្រយ័ត្នខ្ពស់ក្នុងការប្រាស្រ័យទាក់ទងជាមួយមនុស្សជុំវិញខ្លួន៕

អត្ថបទ៖ សន្យា

ចុចអាន៖ យល់សប្តិបានហូបសាច់ពស់ ​អត្ថន័យបែបណា?

ចុចអាន៖ បុរាណជឿថា សុបិនឃើញផ្លែចេក បង្ហាញពីលាភសំណាង

The post យល់សប្តិឃើញប្រចៀវ ត្រូវប្រយ័ត្នចំពោះការធ្វើដំណើរ appeared first on Kampuchea Thmey Daily.

១. ដើម Heliconia គឺជាសំបុករបស់ប្រចៀវស

វាប្រើធ្មេញកាត់ស្លឹកនោះទៅជារាងអក្សរ V  សំយ៉ុងចុះមកក្រោម ទំហំល្មមប្រជៀវ ១៥ក្បាលនៅ។

២. ជឿជាក់លើជម្រកខ្លាំង

ទោះបីជាអ្នកលូកដៃចាប់វា ក៏ប្រចៀវតូចច្រឡឹងនេះមិនហោះចេញដែរ ព្រោះវាជឿជាក់លើសុវត្ថិភាពនៃជម្រកវាខ្លាំង។

៣. ប្រចៀវពណ៌សពឹងផ្អែកលើអេកូឡូស៊ីដើម្បីរុករកនៅពេលយប់ និងមានមធ្យោបាយទំនាក់ទំនងផ្សេងៗទៀត

ពួកវាមានទំនាក់ទំនងគ្នាទៅវិញទៅមកតាមរយៈការប៉ះ និងមធ្យោបាយមើលឃើញតាមភ្នែក។

៤. មានប្រព័ន្ធការពារកាំរស្មីយូ

ភ្នាសខ្មៅក្រាស់ដែលគ្របលើលលាដ៍ក្បាលរបស់វា អាចការពារឥទ្ធិពលនៃពន្លឺអ៊ុលត្រាវីយូឡេរបស់ព្រះអាទិត្យយ៉ាងមានប្រសិទ្ធិភាព។

៥. វាចូលចិត្តផ្លែ Ficus colubrinae

តម្រូវការរបស់វាគឺ ផ្លែ Ficus colubrinae ត្រូវតែមានគុណភាពខ្ពស់និងមានច្រើនជាចង្កោម។

៦. មានសត្វឈ្មោលតែមួយទេ ជាមេគ្រួសារ

មួយជម្រកមានសត្វឈ្មោលមួយ និងសត្វញីយ៉ាងតិច ៦ក្បាល អំឡុងពេលរដូវបន្តពូជ សត្វឈ្មោលនឹងរួមភេទជាមួយសត្វញីទាំងអស់នៅក្នុងសំបុក។

៧. វាមានទំហំតូចខ្លាំង

បូករួមទាំងប្រវែងស្លាប ប្រជៀវសមានទំហំមិនដល់ ១០សង់ទីម៉ែត្រផង។

៨. គ្មានកន្ទុយ

សត្វប្រចៀវផ្សេងៗប្រើកន្ទុយរបស់ពួកគេសម្រាប់ហោះចេញ និងផ្តល់កម្លាំងបន្ថែម។

៩. ប្រចៀវសប្រហែលជាគួរឲ្យស្រលាញ់ ប៉ុន្តែអ្នកមិនគួរចិញ្ចឹមវានោះទេ

អ្នកនឹងធ្វើឲ្យវាឈឺ ទោះបីជាខំធ្វើទីជម្រកនិងអាហារគ្រប់គ្រាន់ក៏ដោយ។

១០. ផ្ទុយស្រឡះពីប្រចៀវដែលយើងធ្លាប់ស្គាល់

វាមិនរស់នៅក្នុងរូងភ្នំ មិនមានពណ៌ក្រម៉ៅ ថែមទាំងតូចនិងមានពណ៌ភ្លឺទៀតផង៕

ប្រែសម្រួលដោយ៖ វារី

ចុចអាន៖ សត្វព្រៃ៣ប្រភេទ បានផុតពូជពីប្រទេសកម្ពុជា

ចុចអាន៖ សត្វទោចថ្ពាល់ពណ៌លឿង Jahoo ដែលកំពុងជិតផុតពូជលើពិភពលោក សម្បូរនៅខេត្តមណ្ឌលគិរី

The post មកស្គាល់ប្រចៀវសដ៏គួរឲ្យស្រលាញ់មួយប្រភេទ ស្ថិតនៅប៉ែកខាងលិចនៃ ប៉ាណាម៉ា appeared first on Kampuchea Thmey Daily.

ការរកឃើញរបស់ពួកគេនៅក្នុងតំបន់តូចមួយនៃខេត្ត Yunnan ភាគនិរតីប្រទេសចិនបានបង្ហាញថា មានភាពខុសៗគ្នានៃប្រភេទវីរុសកូរ៉ូណាក្នុងខ្លួនសត្វប្រចៀវ ដែលអាចចម្លងរាលដាលដល់មនុស្សបាន។

ក្រុមអ្នកស្រាវជ្រាវមកពីសកលវិទ្យាល័យ Shandong និយាយថា វីរុសកូរ៉ូណាមួយប្រភេទដែលត្រូវបានរកឃើញនៅក្នុងសំណាកសត្វប្រចៀវ គឺមានភាពស្រដៀងទៅនឹងវីរុស SARS-CoV-2 ដែលកំពុងបង្កឲ្យមានជំងឺរាតត្បាតកូវីដ-១៩។

ប៉ុន្តែការស្រាវជ្រាវនេះ បានកើតឡើងចំពេលដែលប្រទេសចិន កំពុងប្រយុទ្ធប្រឆាំងនឹងការពិនិត្យពិច័យកាន់តែខ្លាំងឡើងថាតើ វីរុសនោះបានលេចចេញពីមន្ទីរពិសោធន៍ទីក្រុង អ៊ូហាន មែនឬក៏អត់។

ហើយការសិក្សាដែលដឹកនាំដោយសកលវិទ្យាល័យ Oxford នៅសប្តាហ៍នេះ បានដាក់ការសង្ស័យលើការអះអាងរបស់ក្រុមអ្នកស្រាវជ្រាវចិន។

ទោះបីជាយ៉ាងណាក៏ដោយ ពួកគេមិនបានរកឃើញភស្ដុតាងដែលថា សត្វប្រចៀវ ឬសត្វពង្រូល ត្រូវបានរក្សាទុកនៅផ្សារសើមទីក្រុង អ៊ូហាន ដូចការអះអាងថា ជាកន្លែងផ្ទុះវីរុសនោះទេ។ 

ក្រុមអ្នកស្រាវជ្រាវចិន បានប្រមូលសំណាកនៅចន្លោះខែឧសភាឆ្នាំ ២០១៩ ដល់ខែវិច្ឆិកាឆ្នាំ ២០២០ ពីសត្វប្រចៀវ ដែលមានទីតាំងនៅស្រុក Mengla ក្នុងខេត្ត Yunnan។ ពួកគេបានធ្វើតេស្តលាមក និងទឹកនោមរបស់សត្វទាំងនោះ ក៏ដូចជាសំណាកពីមាត់របស់សត្វប្រចៀវផងដែរ។

ក្រុមអ្នកស្រាវជ្រាវលើកឡើងថា មេរោគទាំងនេះអាចមានការវិវត្តពីសត្វទៅមនុស្ស ជាជាង ពីការលេចធ្លាយចេញពីមន្ទីរពិសោធន៍ទីក្រុង អ៊ូហាន ដូចទ្រឹស្តីមួយចំនួនដែលបានលើកឡើង៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ក្រុម WHO ចុះត្រួតពិនិត្យផ្សារដែលរកឃើញករណីកូវីដដំបូងក្នុងទីក្រុងអ៊ូហាន

The post ចិន រកឃើញវីរុសកូរ៉ូណា ២៤ប្រភេទផ្សេងៗគ្នា នៅក្នុងខ្លួនសត្វប្រចៀវ appeared first on Kampuchea Thmey Daily.

វីដេអូឃ្លីបបានបង្ហាញអ្នកដំណើរនៅលើយន្ដហោះ Boeing 737 ភ័យស្លន់ស្ លោនិងបង្ខំចិត្តចុះចត នៅពេលសត្វប្រចៀវពពួកឥណ្ឌាមួយក្បាលហើរពេញយន្តហោះ។

ជើងហោះហើររបស់ក្រុមហ៊ុន Air India ត្រូវបានគេនិយាយថា បានហោះចេញពីអាកាសយានដ្ឋានអន្តរជាតិ Indira Gandhi នៃទីក្រុង ញូវដេលី មុនពេលក្រុមបុគ្គលិករាយការណ៍ពីវត្តមានរបស់សត្វប្រចៀវទៅកាន់កាពីតែន បន្ទាប់ពីហោះហើរអស់រយៈពេលជិត៣០នាទីទៅហើយ។

ទោះបីជាយ៉ាងណាក៏ដោយ កាពីតែន បានទាក់ទងទៅផ្នែកគ្រប់គ្រងចរាចរណ៍ផ្លូវអាកាស នៅពេលខ្លួនសម្រេចចិត្ត វិលត្រឡប់មកទីក្រុងញូវដែលីវិញ។ ចុងក្រោយ យន្តហោះបានចុះចត ដោយសុវត្ថិភាព។

ស្របពេលជាមួយគ្នានោះ មន្ត្រីសត្វព្រៃ ត្រូវបានគេទាក់ទងឲ្យទៅយកសត្វប្រចៀវចេញ បន្ទាប់ពីអ្នកដំណើរចុះអស់ ក្រុមការងារក៏បានបាញ់ថ្នាំសម្លាប់មេរោគក្នុងយន្តហោះ៕

សូមទស្សនាវីដេអូ៖

ប្រែសម្រួល៖ សន្យា

ប្រភព៖ Daily Mail

ចុចអាន៖ កូរ៉េខាងជើង បញ្ជាសម្លាប់សត្វឆ្មា និងព្រាប តាមតំបន់ព្រំដែនដើម្បីការពារកុំឲ្យផ្ទុះឆ្លងកូវីដ

ចុចអាន៖ គួរបារម្ភ​ វៀតណាម​​រក​​ឃើញ​វីរុស​បំប្លែង​ខ្លួន​ឥណ្ឌា​ និង​អង់គ្លេស​ចម្រុះ​គ្នា​ ឆ្លងកាន់​តែ​លឿន​

The post យន្តហោះឥណ្ឌាឆ្ពោះទៅអាមេរិក ត្រូវបង្ខំចិត្តបកក្រោយវិញ ព្រោះកើតរឿងមួយអ្នកដំណើរផ្អើលឆោឡោ (មានវីដេអូ) appeared first on Kampuchea Thmey Daily.

SARS-CoV-2 ដែលជាវីរុសបណ្តាលឲ្យមានជំងឺកូវីដ១៩ គឺមានចំណែក៩១,៥ភាគរយនៃហ្សែនរបស់វាជាមួយវីរុសទើបត្រូវបានគេរកឃើញថ្មីដែលមានឈ្មោះថា RacCS203។

វីរុសនេះត្រូវបានគេគិតថា មិនអាចឆ្លងទៅមនុស្សបានទេដោយសារវាមិនអាចភ្ជាប់ទៅនឹងសរ​សៃរប្រសាទ ACE2 នៅលើកោសិកាមនុស្សដែលជាច្រកចេញចូលរបស់ជំងឺកូវីដទៅក្នុងខ្លួន។

ទោះបីជាយ៉ាងណាក៏ដោយ អង្គបដិប្រាណដែលចរាចរនៅក្នុងឈាមរបស់សត្វប្រចៀវនិងសត្វពង្រូល ត្រូវបានគេរកឃើញថាមានប្រសិទ្ធភាពក្នុងការបន្សាបវីរុស SARS-CoV-2។

អ្នកជំនាញប៉ាន់ស្មានថា ភាពផ្ទុយគ្នាខាងជីវសាស្រ្តនេះបង្ហាញថា វីរុសកូរ៉ូណានៅក្នុងខ្លួនសត្វប្រចៀវមិនអាចឆ្លងទៅមនុស្សបានទេ។

ផ្ទុយទៅវិញអ្នកនិពន្ធគិតថា វីរុសកូរ៉ូណាអាចវិវត្តសមត្ថភាពក្នុងការចម្លងចូលកោសិការបស់មនុស្សបន្ទាប់ពីវាឆ្លងចូលទៅក្នុងសត្វទទួលរោគបន្ទាប់ ដូចជាសត្វពង្រូលជាដើមព្រោះវាធ្វើឲ្យវីរុសបម្លែងខ្លួននិងផ្លាស់ប្តូរទ្រង់ទ្រាយ។

ការរកឃើញទាំងនេះគឺស្របនឹងសេចក្តីប្រកាសកាលពីម្សិលមិញពីអង្គការសុខភាពពិភពលោកដែលថា ជំងឺរាតត្បាតនេះទំនងជាលេចចេញពីលក្ខណៈធម្មជាតិ ហើយវីរុសនេះមិនមែនលេចចេញពីមន្ទីរពិសោធន៍ទេ។

ក្រុមអ្នកស្រាវជ្រាវដឹកនាំដោយសកលវិទ្យាល័យ Chulalongkorn ក្នុងទីក្រុងបាងកក បានយកសំណាកពីសត្វប្រចៀវនៅក្នុងដែនជម្រកសត្វព្រៃមួយកន្លែងនៅភាគខាងកើតប្រទេសថៃ។

ពួកគេបានធ្វើការពិនិត្យហ្សែនលើវីរុសថ្មីនេះ ដើម្បីរកឲ្យឃើញថាតើវាទាក់ទងនឹងមេរោគឆ្លងប្រភេទផ្សេងទៀតយ៉ាងដូចម្តេច រួមទាំងវីរុស SARS-CoV-2ផងដែរ។

ការរកឃើញវីរុសថ្មីនេះ បានធ្វើឲ្យគេយល់ដឹងកាន់តែច្បាស់អំពីខ្សែស្រឡាយរបស់មេរោគកូរ៉ូណា។

កាលពីមុន វីរុសស្រដៀងគ្នានេះត្រូវបានគេរកឃើញតែនៅក្នុងប្រទេសចិននិងជប៉ុនប៉ុណ្ណោះ ប៉ុន្តែវត្តមាននៃវីរុសនេះនៅក្នុងប្រទេសថៃបានបង្ហាញថា វាមានច្រើនជាងអ្វីដែលគេធ្លាប់បានជឿទៅទៀតហើយទំនងជារីករាលដាលនៅចម្ងាយជាង៤៨២៨.០៣២គីឡូម៉ែត្រនៅទូទាំងតំបន់អាស៊ីអាគ្នេយ៍៕

ប្រែសម្រួលដោយ៖ Vann Vann

ប្រភព៖ Daily Mail

The post ប្រទេសក្បែរខាងកម្ពុជា រកឃើញវីរុសកូរ៉ូណាប្រភេទថ្មីមួយទៀតក្នុងសត្វប្រចៀវ appeared first on Kampuchea Thmey Daily.

យោងតាមមជ្ឈមណ្ឌលឯកសារជាតិស្តីពីជំងឺឆ្កែឆ្កួតបានបញ្ជាក់ថា បុរសដែលស្ថិតក្នុងវ័យ៦០ឆ្នាំប្លាយបានស្លាប់នៅក្នុងទីក្រុង Limoges ប្រទេសបារាំង។

គាត់ត្រូវបានគេបញ្ជូនទៅមន្ទីរពេទ្យសាកលវិទ្យាល័យ Limoges កាលពីខែសីហាឆ្នាំ២០១៩ ​ហើយបានសម្រាកព្យាបាលអស់រយៈពេលជាងមួយឆ្នាំមកនេះ។​ គ្រូពេទ្យនិយាយថា ពួកគេជឿថា គាត់ត្រូវបានសត្វប្រចៀវដែលជាប់នឹងធ្នឹមផ្ទះរបស់គាត់ ខាំឬធ្វើឲ្យរលាត់ស្បែក។

បុរសរូបនេះបានស្លាប់នៅមន្ទីរពេទ្យដោយគ្រូពេទ្យបានចាត់ទុកមូលហេតុផ្លូវការនៃការស្លាប់របស់គាត់ថា ដោយសាររោគរលាកខួរក្បាលប៉ុន្តែក្រុមអ្នកជំនាញខាងវេជ្ជសាស្ត្របាននិយាយថា មូលហេតុពិតប្រាកដមិនអាចពន្យល់បានទេ។

ដោយសារប្រភពដើមមិនអាចពន្យល់បាន សំណាកត្រូវបានបញ្ជូនទៅមន្ទីរពេទ្យ Parisian Necker និងវិទ្យាស្ថានប៉ាស្ទ័រក្នុងគោលបំណង រកមូលហេតុនៃជំងឺរលាកខួរក្បាល។

ការវិភាគបានបង្ហាញថា គាត់បានឆ្លងមេរោគប្រចៀវអ៊ឺរ៉ុប LyssaVirus ប្រភេទ១ (EBLV-1) ដែលមាននៅក្នុងខ្លួនសត្វប្រចៀវ។

យោងតាមលោក Laurent Dacheux អ្នកស្រាវជ្រាវនៅវិទ្យាស្ថានប៉ាស្ទ័របានឲ្យដឹងថា វាក៏ជាករណីដំបូងនៃការរកឃើញវីរុស EBLV-1 នៅបារាំងដីគោកដែរ។

លោក Dacheux អះអាងថា មានការស្លាប់ស្រដៀងគ្នានេះនៅប្រទេសរុស្ស៊ីក្នុងឆ្នាំ១៩៨៥, ការស្លាប់២នាក់ទៀតពាក់ព័ន្ធនឹងវីរុស Lyssavirus ប្រភេទផ្សេង (EBLV-2) នៅហ្វាំងឡង់ក្នុងឆ្នាំ១៩៨៥និងម្នាក់ទៀតនៅស្កុតឡែនក្នុងឆ្នាំ២០០២៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ អ្នកវិទ្យាសាស្រ្តព្រមានអំពីជំងឺថ្មីមួយទៀតឈ្មោះ Disease X ដែលនឹងបង្កវិនាសកម្មខ្លាំងជាងកូវីដ

The post ជនជាតិបារាំងម្នាក់ស្លាប់ដោយសារវីរុសកម្រមួយទៀត ដែលឆ្លងពីសត្វប្រចៀវ appeared first on Kampuchea Thmey Daily.