ព័ត៌មានអន្ដរជាតិ
ក្រុម WHO ចុះត្រួតពិនិត្យផ្សារដែលរកឃើញករណីកូវីដដំបូងក្នុងទីក្រុងអ៊ូហាន
ក្រុមអ្នកជំនាញដឹកនាំដោយអង្គការសុខភាពពិភពលោក (WHO) ដែលស៊ើបអង្កេតប្រភពដើមនៃវីរុសកូរ៉ូណាបានចុះត្រួតពិនិត្យផ្សារ Huanan ជាទីផ្សារលក់ដុំគ្រឿងសមុទ្រដែលបិទទ្វារនៅទីក្រុង អ៊ូហាន នៃប្រទេសចិន និងជាទីតាំងដែលវីរុសកូរ៉ូណាត្រូវបានរកឃើញដំបូង ។
ក្រុមនេះបានទៅដល់ផ្សារ Huanan កាលពីថ្ងៃអាទិត្យ ចំពេលមានសន្តិសុខយ៉ាងខ្លាំងដោយមានរបាំងបន្ថែមត្រូវបានរៀបចំឡើងនៅខាងក្រៅរបងពណ៌ខៀវព័ទ្ធជុំវិញផ្សារ ហើយបានពួកគេបានចាកចេញនៅក្នុងក្បួនរថយន្ត បន្ទាប់ពីចុះត្រួតពិនិត្យប្រហែលមួយម៉ោង ។
លោក Peter Daszak អ្នកឯកទេសខាងសត្តវិទ្យានៃក្រុម EcoHealth Alliance របស់សហរដ្ឋអាមេរិក និងជាសមាជិកក្រុមសុខភាពពិភពលោកបាននិយាយថា “ការមកត្រួតពិនិត្យទីតាំងផ្សារលក់ដុំ និងអាហារសមុទ្រ Huanan ឥឡូវនេះមានសារៈសំខាន់ណាស់” ។
លោកបាននិយាយថា “នេះជាព័ត៌មាន និងសារៈសំខាន់ណាស់សម្រាប់ក្រុមរួមរបស់យើងដើម្បីស្វែងយល់ពីការរីករាលដាលនៃជំងឺកូវីដ ១៩ ដូចដែលវាបានចាប់ផ្តើមរីករាលដាលនៅចុងឆ្នាំ ២០១៩” ។
ទន្ទឹមនោះអ្នកជំនាញមិនបានឆ្លើយសំណួរពីអ្នកសារព័ត៌មាននោះទេដោយគ្រាន់តែលើកមេដៃឡើង នៅពេលអ្នកយកព័ត៌មានបានសួរថាតើដំណើរទៅយ៉ាងណាហើយនោះ ។
ក្រុមអ្នកជំនាញបាននិយាយថា ផ្សារ Huanan នៅតែដើរតួក្នុងការតាមដានប្រភពដើមនៃវីរុសនេះចាប់តាំងពីការឆ្លងជាចង្កោមដំបូងត្រូវបានគេរកឃើញនៅទីនោះ ។
នៅថ្ងៃទី ៣១ ខែធ្នូ ឆ្នាំ ២០១៩ បន្ទាប់ពីមានករណីជំងឺរលាកសួតដ៏អាថ៌កំបាំងចំនួន ៤ ករណីត្រូវបានផ្សារភ្ជាប់ទៅនឹងផ្សារនេះវាត្រូវបានបិទទាំងយប់ ហើយនៅចុងខែមករា ឆ្នាំ ២០២០ ទីក្រុងអ៊ូហានបានប្រកាសបិទទីក្រុងរយៈពេល ៧៦ ថ្ងៃ ។
គួរបញ្ជាក់ថា ក្រុមអ្នកជំនាញដឹកនាំដោយអង្គការសុខភាពពិភពលោក (WHO) ស៊ើបអង្កេតប្រភពដើមនៃជំងឺរាតត្បាតកូវីដ ១៩ បានមកដល់ប្រទេសចិនតាមជើងហោះហើររបស់សិង្ហបុរីកាលពីថ្ងៃទី ១៤ ខែមករា ហើយបានបញ្ចប់ការធ្វើចត្តាឡីស័ករយៈពេល ២ សប្ដាហ៍កាលពីថ្ងៃព្រហស្បតិ៍ ទី២៨ ខែមករា ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ ក្រុមជំនាញស៊ើបអង្កេតប្រភពដើមជំងឺកូវីដដឹកនាំដោយ WHO នឹងទៅទីតាំងណាខ្លះក្នុងទីក្រុងអ៊ូហាន
ចុចអាន ៖ សាច់ញាតិជនរងគ្រោះដោយសារកូវីដ ចង់ជួបអ្នកជំនាញ WHO នៅទីក្រុង អ៊ូហាន ដើម្បីនិយាយការពិត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង