ព័ត៌មានអន្ដរជាតិ
ប្រទេសក្បែរខាងកម្ពុជា រកឃើញវីរុសកូរ៉ូណាប្រភេទថ្មីមួយទៀតក្នុងសត្វប្រចៀវ
វីរុសកូរ៉ូណាមួយប្រភេទដែលទាក់ទងនឹងមេរោគបង្កឲ្យមានជំងឺរាតត្បាតជាសកល ត្រូវបានគេរកឃើញនៅក្នុងឈាមរបស់សត្វប្រចៀវចំនួន៥ក្បាលដែលរស់នៅក្នុងប្រទេស ថៃ។
SARS-CoV-2 ដែលជាវីរុសបណ្តាលឲ្យមានជំងឺកូវីដ១៩ គឺមានចំណែក៩១,៥ភាគរយនៃហ្សែនរបស់វាជាមួយវីរុសទើបត្រូវបានគេរកឃើញថ្មីដែលមានឈ្មោះថា RacCS203។
វីរុសនេះត្រូវបានគេគិតថា មិនអាចឆ្លងទៅមនុស្សបានទេដោយសារវាមិនអាចភ្ជាប់ទៅនឹងសរសៃរប្រសាទ ACE2 នៅលើកោសិកាមនុស្សដែលជាច្រកចេញចូលរបស់ជំងឺកូវីដទៅក្នុងខ្លួន។
ទោះបីជាយ៉ាងណាក៏ដោយ អង្គបដិប្រាណដែលចរាចរនៅក្នុងឈាមរបស់សត្វប្រចៀវនិងសត្វពង្រូល ត្រូវបានគេរកឃើញថាមានប្រសិទ្ធភាពក្នុងការបន្សាបវីរុស SARS-CoV-2។
អ្នកជំនាញប៉ាន់ស្មានថា ភាពផ្ទុយគ្នាខាងជីវសាស្រ្តនេះបង្ហាញថា វីរុសកូរ៉ូណានៅក្នុងខ្លួនសត្វប្រចៀវមិនអាចឆ្លងទៅមនុស្សបានទេ។
ផ្ទុយទៅវិញអ្នកនិពន្ធគិតថា វីរុសកូរ៉ូណាអាចវិវត្តសមត្ថភាពក្នុងការចម្លងចូលកោសិការបស់មនុស្សបន្ទាប់ពីវាឆ្លងចូលទៅក្នុងសត្វទទួលរោគបន្ទាប់ ដូចជាសត្វពង្រូលជាដើមព្រោះវាធ្វើឲ្យវីរុសបម្លែងខ្លួននិងផ្លាស់ប្តូរទ្រង់ទ្រាយ។
ការរកឃើញទាំងនេះគឺស្របនឹងសេចក្តីប្រកាសកាលពីម្សិលមិញពីអង្គការសុខភាពពិភពលោកដែលថា ជំងឺរាតត្បាតនេះទំនងជាលេចចេញពីលក្ខណៈធម្មជាតិ ហើយវីរុសនេះមិនមែនលេចចេញពីមន្ទីរពិសោធន៍ទេ។
ក្រុមអ្នកស្រាវជ្រាវដឹកនាំដោយសកលវិទ្យាល័យ Chulalongkorn ក្នុងទីក្រុងបាងកក បានយកសំណាកពីសត្វប្រចៀវនៅក្នុងដែនជម្រកសត្វព្រៃមួយកន្លែងនៅភាគខាងកើតប្រទេសថៃ។
ពួកគេបានធ្វើការពិនិត្យហ្សែនលើវីរុសថ្មីនេះ ដើម្បីរកឲ្យឃើញថាតើវាទាក់ទងនឹងមេរោគឆ្លងប្រភេទផ្សេងទៀតយ៉ាងដូចម្តេច រួមទាំងវីរុស SARS-CoV-2ផងដែរ។
ការរកឃើញវីរុសថ្មីនេះ បានធ្វើឲ្យគេយល់ដឹងកាន់តែច្បាស់អំពីខ្សែស្រឡាយរបស់មេរោគកូរ៉ូណា។
កាលពីមុន វីរុសស្រដៀងគ្នានេះត្រូវបានគេរកឃើញតែនៅក្នុងប្រទេសចិននិងជប៉ុនប៉ុណ្ណោះ ប៉ុន្តែវត្តមាននៃវីរុសនេះនៅក្នុងប្រទេសថៃបានបង្ហាញថា វាមានច្រើនជាងអ្វីដែលគេធ្លាប់បានជឿទៅទៀតហើយទំនងជារីករាលដាលនៅចម្ងាយជាង៤៨២៨.០៣២គីឡូម៉ែត្រនៅទូទាំងតំបន់អាស៊ីអាគ្នេយ៍៕
ប្រែសម្រួលដោយ៖ Vann Vann
ប្រភព៖ Daily Mail
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត