បុរសម្នាក់នោះមានឈ្មោះ Tanat Tangtewanon ហើយក្រោយជួបរឿងបែបនេះ គាត់ក៏បានបង្ហោះ Facebook ដើម្បីចែករំលែកបទពិសោធន៍ និងជាការព្រមានដល់អ្នកដទៃ ឲ្យប្រុងប្រយ័ត្នជាពិសេសក្នុងរដូវភ្លៀងធ្លាក់តែម្តង។

គាត់ប្រាប់ថា ក្រោយអង្គុយលើចានបង្គន់មិនបានប៉ុន្មានផង ក៏ស្រាប់តែមានអារម្មណ៍ឈឺចាប់ខ្លាំង ហើយពេលមើលទៅ ស្រាប់តែឃើញពស់ថ្លាន់មួយក្បាលយ៉ាងធំ។

បន្ទាប់ពីជួបរឿងនេះ គាត់ក៏ទៅមន្ទីរពេទ្យដើម្បីព្យាបាលរបួស ប៉ុន្តែមិនមានសភាពធ្ងន់ធ្ងរទេព្រោះជាពស់គ្មានពិស ហើយជាចុងក្រោយ គាត់បានក្រើនរំលឹកដល់គ្រប់គ្នាថា មុនដាក់គូទអង្គុយលើចានបង្គន់ គួរតែពិនិត្យឲ្យគ្រប់ជ្រុងជ្រោយសព្វកន្លែង និងចុចទឹកសិន សឹមបន្ទោបង់៕

អត្ថបទ៖ សុខ សុវណ្ណ

ចុចអាន៖ អូស្ត្រាលីពិន័យបុរសម្នាក់ ដែលនាំពស់ជិះក្ដារស្គីលើទឹក

The post បុរសថៃ ត្រូវសត្វពស់ខាំប្រដាប់ភេទ ពេលអង្គុយបត់ជើង លើចានបង្គន់ appeared first on Kampuchea Thmey Daily.

បើតាមច្បាប់គាត់អាចចិញ្ចឹមសត្វពស់បាន ប៉ុន្តែគាត់មិនអាចយកវាចេញពីអាសយដ្ឋានដែលបានចុះបញ្ជីរួចហើយទេ កុំថាឡើយយកមកលេងទឹកនៅទីសាធារណៈ ។

នាយកដ្ឋានបរិស្ថាន និងវិទ្យាសាស្ត្ររបស់ Queensland បាននិយាយនៅក្នុងសេចក្តីថ្លែងការណ៍មួយថា “ដើម្បីយកសត្វទៅទីសាធារណៈ គេត្រូវសុំការអនុញ្ញាតជាមុនសិន ។ ច្បាស់ណាស់ ពស់គឺជាសត្វដែលមានឈាមត្រជាក់ ទោះវាអាចហែលទឹកបាន ក៏វាព្យាយាមជៀសវាងទឹកដែរ ។ គេអាចរកពស់ថ្លាន់បាននៅតាមទឹកត្រជាក់ខ្លាំង ហើយពស់ដែលគួរនៅក្នុងទឹកសមុទ្រគឺមានតែពស់សមុទ្រប៉ុណ្ណោះ” ។

គួរបន្ថែមថា ពស់ថ្លាន់ពូជ Carpet គឺជាពស់គ្មានពិសដែលអាចលូតលាស់ដល់ទៅប្រវែង ៣ ម៉ែត្រឯណោះ ។ ពួកវាស៊ីសត្វបក្សី ល្មូន និងសត្វតូចៗជាអាហារ ដោយរឹតអាហារឲ្យដាច់ខ្យល់ស្លាប់ ៕

ប្រែសម្រួល៖ វារី

ប្រភព៖ thaipbsworld

ចុចអាន៖ ហ្វេនភ្ញាក់ផ្អើល ក្រោយ Ploy បង្អួតរូបភាពកាន់ស្និទ្ធជាមួយពស់ដូចសត្វចិញ្ចឹម

The post អូស្ត្រាលីពិន័យបុរសម្នាក់ ដែលនាំពស់ជិះក្ដារស្គីលើទឹក appeared first on Kampuchea Thmey Daily.

ស្ត្រី​ដដែលរូបនេះ​បានសម្រេចចិត្តទិញផ្ទះមួយនៅ Centennial មាន​បន្ទប់គេង៤ បន្ទប់ទឹក ២ ដោយមិនដឹងថាមាន​សំបុក​ពស់លាក់​នៅខាងក្នុងផ្ទះនោះ​ទេ។ ប៉ុន្តែខណៈពេលដែល​នាង​កំពុងវេចខ្ចប់​បាយ ​ស្រាប់តែឆ្កែរបស់នាងដើរសំដៅ​ទៅកន្លែងដាក់រថយន្តដូចជា​ឃើញ​អ្វី​មួយ។

ស្រ្តីរូបនេះបន្តទៀតថា”ខ្ញុំបានមកមើលអ្វីដែល​ឆ្កែ​កំពុងមើល។ ខ្ញុំ​គិត​ថា​វា​មើល​ទៅ​ដូច​ជា​សត្វ​ពីងពាង​ឬ​អ្វី​មួយ មាន​រន្ធ​តូច​ពីរ​នៅ​ទីនោះ ហើយ​ខ្ញុំ​បាន​ឃើញ​សត្វ​ពស់​លូន​ឡើង​ចេញពីជញ្ជាំង ទើបធ្វើឲ្យខ្ញុំ​ភ័យ​ស្លន់ស្លោយ៉ាងខ្លាំង”។

ត្បិតថា ពស់​ដែល​រក​ឃើញ​ជា​ប្រភេទ​គ្មាន​ពិស​ក៏​ដោយ។ ប៉ុន្តែនាងក៏និយាយថាវានៅតែអាចវាយប្រហារ និងខាំមនុស្ស ដែលជួនកាលអាចបណ្តាលឲ្យមានប្រតិកម្មអាឡ័កស៊ី។

ម្ចាស់ផ្ទះដ៏សំណាងអាក្រក់រូបនេះ​បាននិយាយទៀតថា នាងបានចំណាយពេលពេញមួយជីវិតរបស់នាងដើម្បីសន្សំដើម្បីទិញផ្ទះដំបូងក្នុងក្ដីស្រមៃ ហើយឥឡូវនេះនាងនិងគ្រួសារមិនអាចរីករាយនឹងវាបានទេ ហើយថែមទាំងភ័យខ្លាចក្នុងការប្រើបន្ទប់ទឹក ព្រោះខ្លាចសត្វពស់លេចឡើងពីបង្គន់ផងដែរ៕

ប្រែសម្រួល៖ សាង ស្រីល័ក្ខ

ប្រភព៖New York Post

ចុចអាន៖មនុស្ស ២០ នាក់ រងរបួសធ្ងន់ ក្រោយបាក់ទោងវិលក្នុងសួនកម្សាន្តនៅ រុស្ស៊ី

The post ស្ត្រី អាមេរិក ម្នាក់ ទិញផ្ទះក្នុងក្ដីស្រមៃរស់នៅ បែរចំសំបុកពស់មួយយ៉ាងធំ appeared first on Kampuchea Thmey Daily.

១. បាញ់ទឹក

នេះជាវិធីសុវត្ថិភាពបំផុតសម្រាប់អ្នកមិនចង់ធ្វើបាបសត្វ ប៉ុន្តែអ្នកអាចដេញវាបានតែមួយរយៈប៉ុណ្ណោះ ។

២. ដាក់អន្ទាក់

អ្នកគប្បីស្វែងរកជំនួយឬដាក់អន្ទាក់ពស់នោះ ហើយប្រគល់ឲ្យអ្នកអភិរក្សសត្វព្រៃដើម្បីជៀសវាងការសម្លាប់សត្វព្រៃខុសច្បាប់ ។

៣. កម្ចាត់ប្រភពអាហាររបស់ពស់

ចំណីរបស់ពស់គ្មានអ្វីក្រៅពីកង្កែប សត្វបក្សី សត្វល្អិត មាន់ ត្រី កណ្ដុរនោះទេ ដូច្នេះប្រសិនបើអ្នកមានសត្វទាំងនេះនៅក្នុងផ្ទះច្បាស់ណាស់ពស់នឹងមករកទៀតជាមិនខាន ។

៤. លុបប្រភពទឹក

ទឹកភ្លៀងដក់ ទឹកសត្វចិញ្ចឹមរបស់អ្នកដែលដាក់ចោលនៅក្នុងសួនសុទ្ធតែជាគោលដៅរបស់សត្វពស់ពេលវាស្រេកទឹក ។

៥. លុបប្រហោង

ប្រហោងដី ប្រហោងថ្ម ឬ ប្រហោងផ្ទះជាកន្លែងដែលពស់ចូលចិត្តជ្រកកោន អ្នកគួរតែរកអ្វីមួយមកបិទប្រហោងនោះ ឬចាក់ដីលុបកាន់តែប្រសើរ ។

៦. បំផ្លាញចោលទីជម្រករបស់ពស់

ទីជម្រករបស់ពស់រួមមានស្មៅខ្ពស់ៗ និងដើមឈើដុះស្ដុកជាដើម ទន្ទឹមនេះអ្នកអាចដាំដើមឈើដែលពស់ស្អប់ដូចជាផ្កាពីរប្រភេទនេះក៏បាន ។

៧. ប្រើផ្សែង

ពស់ឆាប់ប្រតិកម្មនឹងក្លិនណាស់ ជាពិសេសក្លិនផ្សែង វិធីនេះអ្នកអាចអុជធូប ឬបង្កាត់ភ្លើងតិចៗនៅម្ដុំដែលពស់ចូលចិត្តនៅជាការស្រេច ។

៨. ចិញ្ចឹមសត្វស៊ីពស់

សត្វដែលជាសត្រូវនឹងពស់មានដូចជា ឆ្មា កញ្ជ្រោង ផេនដាសម្រាម មាន់តួគី ជ្រូក និងមាន់បារាំង ។ សម្រាប់អ្នកមិនចង់ចិញ្ចឹមសត្វអាចរកទិញទឹកនោមកញ្ជ្រោងមកបាញ់នៅសួនច្បារដើម្បីឲ្យពស់គិតថាទីនេះមានកញ្ជ្រោងទើបមិនហ៊ានមកជិត ។

ចំណែកពាក្យចចាមអារ៉ាមពីការប្រើក្រូចសើចដេញពស់មិនមែនជាការពិតនោះទេ ជៀសវាងការប្រើវិធីនេះបើមិនចង់មានគ្រោះថ្នាក់ដល់ជីវិត ៕

ប្រែសម្រួល ៖ វារី

ចុចអាន ៖ បងប្អូន​អ្នក​ស្រែចម្ការ ស្គាល់​ប្រភេទ​ពស់ពិស និង​វិធី​ព្យាបាល​ប្រសិទ្ធភាព

The post វិធី ៨ យ៉ាង មានប្រសិទ្ធភាពពិតៗ ជួយកម្ចាត់សត្វពស់ចេញពីសួនច្បារ appeared first on Kampuchea Thmey Daily.

ខាងក្រោមជាចម្លើយ!

ហិរញ្ញវត្ថុ និងអាជីព

ពស់ចូលផ្ទះ ជាប្រផ្នូលឱ្យម្ចាស់យល់សប្តិ ប្រយ័ត្ន​នឹងការ​ធ្វើ​ជំនួញ​នាពេលបច្ចុប្បន្ន។ ជាពិសេសការដាក់ទុនជាប្រាក់សុទ្ធក្នុងអាជីវកម្មណាមួយ ព្រោះប្រាក់នោះនឹងមិនអាចយកមកវិញជារៀងរហូត។ មិនតែប៉ុណ្ណោះ ​យល់សប្តិនេះចង់ប្រាប់ថា ​សាមីខ្លួននឹងមានបញ្ហា​ឈ្លោះ​ជាមួយ​ដៃគូរកស៊ី​ ជុំវិញ​ការ​ជជែក​គ្នា​អំពី​ផលប្រយោជន៍។

ចំណែកអ្នកធ្វើការអូហ្វីស ឬផ្នែកដែលពាក់ព័ន្ធនឹងឯកសារផ្សេងៗ ចូរកុំចរចាការងារនឹងមាត់ទទេ ត្រូវចុះលិខិតស្នាមជាសក្ខី ពុំនោះទេ អ្វីៗនឹងអាសារបង់។

ទំនាក់ទំនងស្នេហា

យល់សប្តិឃើញពស់ចូលផ្ទះ ខុសពីយល់សប្តិឃើញពស់ចឹក ឬរួមរឹតខ្លួន ផ្ទុយស្រឡះ ព្រោះយល់សប្តិនេះ មានអត្ថន័យថា អ្នកនឹងទទួលដំណឹងអាក្រក់ពីដៃគូ។ វាជាប្រផ្នូលប្រាប់ជាមុនថា ដៃគូរបស់អ្នកកំពុងបែកចិត្ត ឬលួចទាក់អ្នកថ្មី ក្បត់ចិត្តអ្នកហើយ។ ដោយឡែកអ្នកនៅលីវ បើយល់សប្តិបែបនេះ ចូរកុំចែចង់នរណាឱ្យសោះ ព្រោះជាទំនាក់ទំនងភ្លើងចំបើង៕

អត្ថបទ៖ សន្យា

ចុចអាន៖ សុបិនឃើញពស់ អត្ថន័យមិនមែនសំដៅដល់គេលួចស្រលាញ់មួយមុខឡើយ តែក៏មានអ្នកស្អប់ដូចគ្នា

ចុចអាន៖ ពណ៌​ពស់ក្នុងសុបិន​ បញ្ជាក់​ពី​រឿង​អាក្រក់​ និង​ល្អ​ក្នុងជីវិត ត្រូវប្រុងប្រយ័ត្នខ្លាំង

The post យល់សប្តិ​ឃើញ​ពស់​ចូល​ផ្ទះ​ មានអត្ថន័យ​យ៉ាងណា? appeared first on Kampuchea Thmey Daily.

ហេតុការណ៍នេះ បានកើតឡើងនៅលើជើងហោះហើរចេញពីរាជធានី គួឡាឡាំពួ ប្រទេសម៉ាឡេស៊ី ឆ្ពោះទៅកាន់ទីក្រុង តាវ៉ូ (Tawau) កាលពីថ្ងៃទី១០ខែកុម្ភៈ។

ជើងហោះហើរនេះ ត្រូវបានបង្វែរយ៉ាងលឿនទៅកាន់ទីក្រុង គុឈីង (Kuching) វិញ បន្ទាប់ពីសត្វពស់ត្រូវបានប្រទះឃើញ។

នៅពេលដែលអ្នកបើកយន្តហោះបានធ្វើការចុះចតជាបន្ទាន់ អ្នកដំណើរត្រូវបានផ្ទេរដោយសុវត្ថិភាពទៅកាន់ជើងហោះហើរមួយទៀត ហើយបន្តដំណើរទៅកាន់ទីក្រុង តាវ៉ូ។

លោក Liong Tien Ling មន្ត្រី​សុវត្ថិភាព​របស់​ក្រុមហ៊ុន AirAsia បាន​និយាយ​ថា “​នេះ​ជា​ឧប្បត្តិហេតុ​ដ៏​កម្រ​មួយ ​ដែល​អាច​កើត​ឡើង​លើ​យន្តហោះ​ណា​មួយគ្រប់ពេលវេលា”​។

លោកបន្ថែមថា “សុវត្ថិភាព និងសុខុមាលភាពរបស់ភ្ញៀវ និងអាកាយានិករបស់យើង តែងតែជាអាទិភាពចម្បងរបស់យើង។ គ្មានពេលណាមួយដែលសុវត្ថិភាពរបស់ភ្ញៀវ ឬអាកាយានិក មានហានិភ័យឡើយ”។

ទោះបីជាយ៉ាងណាក៏ដោយ គេមិនច្បាស់ទេថា តើសត្វពស់មួយក្បាលនេះ ឡើងលើយន្តហោះដោយរបៀបណា ឬថាតើវាជាសត្វចិញ្ចឹមរបស់អ្នកដំណើរណាម្នាក់មែនឬមិនមែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ​ពណ៌​ពស់ក្នុងសុបិន​ បញ្ជាក់​ពី​រឿង​អាក្រក់​ និង​ល្អ​ក្នុងជីវិត ត្រូវប្រុងប្រយ័ត្នខ្លាំង

The post មិនមែនខ្សែភាពយន្ត! វីដេអូពិតៗ ពស់ វារក្នុងយន្តហោះរបស់ក្រុមហ៊ុន AirAsia appeared first on Kampuchea Thmey Daily.

១- រៀប​ចំ​តង់​ឲ្យ​នៅ​ឆ្ងាយ​ពី​ជម្រក​សត្វ​ពស់

សត្វ​ពស់​ជា​ទូទៅ តែង​វា​ចុះ​ពី​ដើរ​ឈើ ហេតុ​នេះ ត្រូវ​ប្រាកដ​ថា កន្លែង​យើង​បោះ​តង់ ត្រូវ​តែ​ជា​ទី​តាំង​ដែល​វាល មិន​មាន​ដំបូក ឬ​ដើម​ឈើ ដែល​សត្វ​ពស់​អាច​លាក់​ខ្លួន ឬ​បិទ​បាំង​ពី​ភ្នែក​យើង​បាន។

២- មុន​ពេល​ចូល​តង់ ត្រូវ​ពិនិត្យ​ឲ្យ​បាន​ត្រឹម​ត្រូវ

សត្វ​ពស់ ជា​សត្វ​ល្មូន អាច​ពួន​សម្ងំ​នៅ​ខាង​ក្រោម​តង់​របស់​យើង​បាន។ នៅ​ពេល​ថ្ងៃ បើ​យើង​មាន​កម្មវិធី​សប្បាយ​ជួបជុំ ឬ​សកម្មភាព​អ្វី​ផ្សេង​ខាង​ក្រៅ​តង់ ត្រូវ​តែ​បិទ​សំណាញ់​តង់​ឲ្យ​ជិត ហើយ​មុន​ពេល​ចូល​ក្នុង​តង់ ត្រូវ​ប្រាកដ​ណាស់ គ្មានមិត្ត​ថ្មី​របស់​យើង​មក​សម្ងំ​ពួន​ក្នុង​តង់​ឡើយ។ ជា​គំនិត​ល្អ ត្រូវ​ពិនិត្យ​កាបូប ឬ​របស់​របរ​ណា​ដែល​សត្វ​ពស់​អាចលាក់​ខ្លួន​បាន មុន​នឹង​គេង។

៣- ពិនិត្យ​តង់​ឲ្យ​បាន​ត្រឹម​ត្រូវ​សព្វ​កន្លែង

ចំណុច​សំខាន់​បំផុត ត្រូវ​រូត​បិទ​សំណាញ់​តង់​គ្រប់​ពេល​វេលា​តាម​តែ​អាច​ធ្វើ​បាន ហើយ​ពិនិត្យ​តង់​ឲ្យ​បាន​ល្អិត​ល្អន់ ពិសេស​រឿង​តង់​រហែក​មាន​ប្រហោង ព្រោះ​អាច​នាំ​ឲ្យ​​ពស់​លូន​ចូល​ក្នុង​តង់​យើង​បាន។

៤- ប្រមូល​អាហារ​ដែល​មាន​ក្លិន​ទាក់​ទាញ​ពស់ ចេញ​ពី​តំបន់​យើង​បោះ​តង់

ជា​គំនិត​ល្អ​បំផុត​មួយ ត្រូវ​រក្សា​អាហារ​ រាប់​បញ្ចូល​ទាំង​អាហារ​សល់ ក្នុង​ថង់​យើង​ចង​ឲ្យ​ជិត ដើម្បី​បញ្ចៀស​ការ​ទាក់​ទាញ​ភ្ញៀវ​ថ្មី​របស់​យើង ដែល​យើង​មិន​ចង់​ជួប។

ដើម្បី​កុំ​ឲ្យ​ពស់​ចាប់​អារម្មណ៍​តំបន់​យើង​បោះ​តង់ ត្រូវ​តែ​យក​អាហារ​ចេញ​ឲ្យ​ឆ្ងាញ ព្រោះ​ក្លិន​អាហារ​របស់​យើង មិន​ត្រឹម​តែ​ទាក់​ទាញ​ពស់​នោះ​ទេ អាច​ទាក់​ទាញ​ទាំង​សត្វ​ផ្សេងៗ​មក​ក្បែរ​តង់​យើង​បាន​ទៀត​ផង រាប់​បញ្ចូល​ទាំង​កណ្តុរ និង​សត្វ​ស្លាប ដែល​សុទ្ធ​សឹង​ជាអាហារ​ពិសេស​របស់​ពស់។

៥- ប្រើ​ស្ព្រាយគីមី​បាញ់​ជុំ​វិញ​តង់

បើ​យើង​ជា​មនុស្ស​ខ្លាច​ពស់​ខ្លាំង ឬ​ធ្លាប់​មាន​បទពិសោធន៍​ភ័យ​អស់​ព្រលឹង​ដោយ​សារ​សត្វ​ពស់​ពី​មុន​មក អាច​សាក​ល្បង​ប្រើ​ស្ព្រាយ​មាន​ផ្ទុះ​សារធាតុ​គីមី​ដែល​ពស់​មិន​ចូល​ចិត្ត​បាន។

ស្ព្រាយ​ទាំង​នេះ គឺ​មាន​ច្រើន​ប្រភេទ ទាំង​ប្រភេទ​ប្រើ​ខាង​ក្រៅ​តង់ និង​ខាង​ក្នុង​តង់ ហើយ​បើ​គ្នា​យើង​មិន​ធ្លាប់​ប្រើ​សោះ អាច​សាក​ល្បង​ប្រភេទ Liquid Fence ដែល​ពេញ​និយម​បំផុត​ជុំ​វិញ​ពិភពលោក នឹង​ងាយ​រក​ទិញ។ អាច​សាក​សួរ​តាម​ឱសថស្ថាន និង​សុំ​ការ​ណែនាំ​ពី​គ្រូពេទ្យ ឬឱសថការី​បានមុននឹង​យក​មកប្រើ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ចង់​ឡើង​ភ្នំ​លេង​ចុង​សប្ដាហ៍ កុំ​ភ្លេច​គន្លឹះ ៥ យ៉ាង​ពី​អ្នកមាន​ពិសោធន៍

ចុចអាន៖ ប្រសិន​ត្រូវ​វង្វេងផ្លូវ ពេលដើរកម្សាន្តក្នុងព្រៃ ​គួរធ្វើយ៉ាងណាខ្លះ?

The post ចូលចិត្ត​ដើរលេងបោះតង់ ​ត្រូវ​ចេះ​តិចនិក​ទាំង​នេះ ចៀសវាង​គ្រោះ​ថ្នាក់​ដោយ​សារ​​ពស់ appeared first on Kampuchea Thmey Daily.

ក) ប្រភេទពស់ពិស៖
ក្នុងចំណោមពស់ប្រមាណជិត ៦០ប្រភេទ ដែលគេស្គាល់ក្នុងប្រទេសកម្ពុជា ក្រុមអ្នកជំនាញខាងសត្វពស់បានសំគាល់ឃើញថា មានពស់ពិស១២ ប្រភេទ ជាមូលហេតុបង្ករឲ្យមានគ្រោះថ្នាក់ដល់មនុស្ស។
ក្នុងនោះពស់៦ ប្រភេទដែលបង្ករគ្រោះថ្នាក់ញឹកញាប់ដោយសារវារស់នៅជិតៗភូមិដ្ឋានយើងមានៈ

• ពស់វែកក្របី
• ពស់វែកដំបូក
• ពស់ហនុមាន
• ពស់ក្រាយឬថ្នាំងអំពៅសខ្មៅ
• ពស់បៃតង ២ប្រភេទទៀត
  មាន ៥ ប្រភេទទៀតវាច្រើនរស់នៅក្នុងព្រៃឆ្ងាយពីភូមិៈ
• ពស់វែករនៀម
• ពស់ពព្លាក់
• ពស់ស្រកាចាស
• ពស់ក្រាយ លឿងខ្មៅ
• ពស់ក្រាយក្បាលក្រហម
  ពស់ទី១២ គឺពស់សមុទ្រ ដែលអាចបង្ករគ្រោះថ្នាក់ដល់អ្នកនេសាទសមុទ្រ។

ខ) រោគសញ្ញា និងការព្យាបាល៖
ជាការពិតថ្នាំបន្សាបពិសពស់មានប្រសិទ្ធភាពតែក្នុងករណីមានពិសពស់ចូលក្នុងខ្លួនមនុស្ស ហើយពិសនោះនៅមានសកម្មភាព។ មានសញ្ញា ឬ អាការៈមួយចំនួនដែលគ្រូពេទ្យតាមដានស្វែងរក ហើយវត្តមានរបស់វាតម្រូវឲ្យប្រើថ្នាំបន្សាបពិសភ្លាម ទោះដឹងថាវាអាចមានប្រតិកម្មកើតឡើងក្តី។

សញ្ញាទាំងនោះមានដូចជា៖

• ស្រវាំងភ្នែក ងងឹតមុខ ធ្លាក់ត្របកភ្នែកដូចងងុយដេក
• រឹងមុខមាត់ពិបាកនិយាយស្តី
• ទន់ក ក្អួតចង្អោរ
• មានអាការៈស្ហុក (ខ្សោយ ត្រជាក់ចុងដៃ ជើង ស្លេកស្លាំង ជីពចរញាប់ )
• បែកញើសត្រជាក់ និងចេញទឹកមាត់នៅដំណាក់កាលដំបូងនៃប្រតិកម្មរបស់ពិស
• ជើងដៃចេះតែកន្រ្តាក់តិចៗ
• ពិបាកដកដង្ហើមជាសញ្ញាចុងក្រោយ ដែលត្រូវព្យាបាលជាបន្ទាន់។
  សញ្ញាផ្សេងទៀតដែលត្រូវប្រើថ្នាំជាបន្ទាន់ដែរមាន៖
• កន្លែងដែលពស់ខាំ រាលដាល (ឡើងហើម ក្រហម ) លឿន
• មានចេញពងទឹកដូចរលាកភ្លើង
• មានចេញស្នាមជាំលើខ្លួន
• ដំបៅហូរឈាមមិនឈប់
• ឡេះឡះ រវើរវាយ សន្លឹមងងុយដេក
• គ្មានទឹកនោម ជាដើម ។
  សញ្ញាខាងលើនេះសុទ្ធតែជាសញ្ញានៃអាការៈ ដែលធ្ងន់ធ្ងរអាចគ្រោះថ្នាក់ដល់ជីវិត ក៏ប៉ុន្តែថ្នាំបន្សាបពិសប្រើទាន់ពេលវេលាអាចជួយជីវិតបាន។
  ចំណុចមួយទៀតដែលជួយជីវិត គឺវិធីដែលអាចពន្យាពេលកុំឲ្យពិសចូលទៅក្នុងប្រព័ន្ធឈាមរត់លឿនពេក ក្នុងគោលបំណងនេះ ក្រោយត្រូវពស់ខាំភ្លាម គប្បីទប់អបអវៈយវៈដែលរងការខាំនោះឲ្យនៅហ្នឹង កុំឲ្យសាច់ដុំកន្ត្រាក់ខ្លាំង។
  ឧទាហរណ៏ៈ ប្រសិនបើជើងត្រូវពស់ខាំ ការខំប្រឹងរត់ឬដើរនឹងនាំឲ្យពិសកាន់តែឆាប់ចូលដល់ប្រព័ន្ធឈាមរត់ នឹងឆាប់ចេញរោគសញ្ញានៃពិស។ ក្នុងករណីនេះគេគប្បីរកអ្នកជួយគ្រាឬសែងទៅរកកន្លែងសង្គ្រោះឬមន្ទីរពេទ្យ។

សំគាល់៖ វិធីមួយចំនួនដែលធ្លាប់អនុវត្តពីមុនមកភាគច្រើនឲ្យគុណវិបត្តិជាងឲ្យផលប្រយោជន៏ដូចជាៈ

• ការចងរឹតពីខាងលើរបួសៈ ភាគច្រើនវាអាចបណ្តាលឲ្យផ្នែកខាងក្រោមចំណងខ្វះឈាមទៅចិញ្ចឹមនិងត្រូវស្លាប់កោសិកាសាច់ដុំ ដែលជារឿយៗតម្រូវឲ្យកាត់ចោលដើម្បីសង្គ្រោះជីវិត។
• ការវះបើកមុខកន្លែងស្នាមខាំក្នុងបំណងឲ្យពិសហូរចេញវិញ ជួនកាលបណ្តាលឲ្យហូរឈាមមិនឈប់និងបាត់បង់ឈាមជាច្រើន រហូតដល់សភាពស្ហុក។
• ការបឺតជញ្ជក់កន្លែងខាំក៏មិនអាចបឺតយកពិសចេញបានដែរ។
• កន្លែងមានរបួសជាទីដែលប្រព័ន្ធការពារលើស្បែកយើងត្រូវមានចន្លោះប្រហោងអាចឲ្យមេរោគផ្សេងៗចូលបានយ៉ាងងាយ ដូចនេះការដាក់បំពោកនូវវត្ថុផ្សេងៗ ឬថ្នាំដែលមិនស្អាតអាចបន្ថែមមេរោគនឹងធ្វើឲ្យដំបៅក្លាយ។

គ) ចំនុចគួរចងចាំ និងអនុវត្ត៖

• ថ្នាំប្រឆាំងពិសពស់ជាឱសថដ៏សំខាន់ តែវាអាចបណ្តាលឲ្យមានគ្រោះថ្នាក់ធ្ងន់ធ្ងរបានដែរ។
• ថ្នាំពិសពស់មានផលប្រយោជន៏ និងប្រសិទ្ធភាពតែកាលណាមានពិសពស់ក្នុងខ្លួនជនរងគ្រោះ ជាពិសេសក្នុងរបត់ឈាម។
• គ្រប់ករណីពស់ចឹកឬសង្ស័យថាពស់ចឹកមិនសុទ្ធតែចាំបាច់ត្រូវចាក់ថ្នាំបន្សាបពិសទេ។
• បើមានពស់ខាំ មុនមកដល់មន្ទីរពេទ្យ គប្បីទប់អបអវៈយវៈដែលរងរបួសនោះកុំឲ្យវាមានចលនាខ្លាំង។
• មិនត្រូវចងរឹតតឹងពីខាងលើ ឬ វះបង្ហូរឈាម ឬ បឺតឈាមទេ ព្រោះវានាំឲ្យខាតពេលនិងអាចមានគ្រោះថ្នាក់។
• ប្រសិនបើប្រាកដជាពស់ខាំ ត្រូវប្រញាប់មកមន្ទីរពេទ្យដែលមាន ហើយអាចប្រើថ្នាំបន្សាបពិសដោយសុវត្ថិភាពបាន។
• ក្នុងករណីមានសញ្ញាពិសក្នុងខ្លួនជនរងគ្រោះ ក្រុមគ្រូពេទ្យនឹងវិនិច្ឆ័យប្រភេទក្រុមពស់ដែលបង្ករហេតុ ដើម្បីត្រូវប្រើថ្នាំបន្សាបឲ្យត្រូវនឹងក្រុមពស់។ ក្រោយកំណត់បានហើយក្រុមគ្រូពេទ្យនៃមន្ទីរពេទ្យកាល់ម៉ែត នឹងរៀបចំត្រៀមមធ្យោបាយសម្រាប់ព្យាបាលករណីមានប្រតិកម្មជាយថាហេតុ និងប្រើប្រាស់ថ្នាំបន្សាបពិស ដោយចាក់តាមសរសៃវ៉ែនផ្ទាល់ឬលាយជាមួយសេរ៉ូម។ ជួនកាលគ្រូពេទ្យត្រូវប្រើប្រាស់មធ្យោបាយផ្សេងៗទៀត ដូចជាម៉ាស៊ីនដកដង្ហើម អុកស៊ីហ្សែន ថ្នាំជំនួយបេះដូង ឬការប្រើផលិតផលឈាម ឬការបង្រប់ជាតិទឹក ជាដើមរួមផ្សំជាមួយ រហូតដល់ថ្នាំព្យាបាលពិសមានប្រសិទ្ធភាព និងដើម្បីជួយជីវិតបាន៕

អត្ថបទ៖ រស្មី

The post បងប្អូន​អ្នក​ស្រែចម្ការ ស្គាល់​ប្រភេទ​ពស់ពិស និង​វិធី​ព្យាបាល​ប្រសិទ្ធភាព appeared first on Kampuchea Thmey Daily.