អូស្ត្រាលីពិន័យបុរសម្នាក់ ដែលនាំពស់ជិះក្ដារស្គីលើទឹក

បុរសម្នាក់បានយកសត្វចិញ្ចឹមរបស់ខ្លួនដែលជាពស់ថ្លាន់ពូជ Carpet ទៅជិះក្ដារស្គីទឹកនៅឆ្នេរសមុទ្រ Gold Coast នៃប្រទេសអូស្ត្រាលី ដោយដាក់ឲ្យរុំក ។

បើតាមច្បាប់គាត់អាចចិញ្ចឹមសត្វពស់បាន ប៉ុន្តែគាត់មិនអាចយកវាចេញពីអាសយដ្ឋានដែលបានចុះបញ្ជីរួចហើយទេ កុំថាឡើយយកមកលេងទឹកនៅទីសាធារណៈ ។

នាយកដ្ឋានបរិស្ថាន និងវិទ្យាសាស្ត្ររបស់ Queensland បាននិយាយនៅក្នុងសេចក្តីថ្លែងការណ៍មួយថា “ដើម្បីយកសត្វទៅទីសាធារណៈ គេត្រូវសុំការអនុញ្ញាតជាមុនសិន ។ ច្បាស់ណាស់ ពស់គឺជាសត្វដែលមានឈាមត្រជាក់ ទោះវាអាចហែលទឹកបាន ក៏វាព្យាយាមជៀសវាងទឹកដែរ ។ គេអាចរកពស់ថ្លាន់បាននៅតាមទឹកត្រជាក់ខ្លាំង ហើយពស់ដែលគួរនៅក្នុងទឹកសមុទ្រគឺមានតែពស់សមុទ្រប៉ុណ្ណោះ” ។

គួរបន្ថែមថា ពស់ថ្លាន់ពូជ Carpet គឺជាពស់គ្មានពិសដែលអាចលូតលាស់ដល់ទៅប្រវែង ៣ ម៉ែត្រឯណោះ ។ ពួកវាស៊ីសត្វបក្សី ល្មូន និងសត្វតូចៗជាអាហារ ដោយរឹតអាហារឲ្យដាច់ខ្យល់ស្លាប់ ៕

ប្រែសម្រួល៖ វារី

ប្រភព៖ thaipbsworld

ចុចអាន៖ ហ្វេនភ្ញាក់ផ្អើល ក្រោយ Ploy បង្អួតរូបភាពកាន់ស្និទ្ធជាមួយពស់ដូចសត្វចិញ្ចឹម