ព័ត៌មានអន្ដរជាតិ
មនុស្ស ២០ នាក់ រងរបួសធ្ងន់ ក្រោយបាក់ទោងវិលក្នុងសួនកម្សាន្តនៅ រុស្ស៊ី
យ៉ាងហោចណាស់មនុស្ស ២០ នាក់បានរងរបួស ក្នុងនោះមានកុមារប្រហែល ៨ នាក់ និង ២ នាក់មានស្ថានភាពធ្ងន់ធ្ងរ ក្នុងគ្រោះថ្នាក់ដ៏ធំបានកើតឡើងនៅសួនកម្សាន្តមួយកន្លែងនៅភាគខាងកើតទីក្រុងមូស្គូ ប្រទេសរុស្ស៊ី កាលពីថ្ងៃទី ០៨ ខែឧសភា។
តាមរយៈឃ្លិបដែលថតពីពេលវេលាដ៏រន្ធត់នេះ បានបង្ហាញពីអ្នកទេសចរកំពុងភ្ជាប់ខ្លួនរបស់ពួកគេនៅលើទោងវិល ដែលកំពុងវិលជារង្វង់ក្នុងល្បឿនលឿន ភ្លាមៗនោះស្នូលកណ្តាលរបស់ទោងស្រាប់តែបាក់រលំចុះមកក្រោម ដោយបណ្តាលឲ្យអ្នកទេសចរដាច់ធ្លាក់ពីលើអាកាសមកដី។
យោងតាមកាសែត New York Post បានបញ្ចាក់ថា កន្លែងជិះទោងបានដំណើរការប្រហែល ១៧ឆ្នាំហើយ និងជាកន្លែងជិះដ៏ពេញនិយមបំផុតមួយជាមួយអ្នកទេសចរ ស្របពេលដែលខាងនាយកសួនកម្សាន្តក៏បញ្ជាក់ថា នៅមុនពេលកើតហេតុ គ្រប់អ្នកជិះសុទ្ធតែបានធ្វើតេស្តសុវត្ថិភាព ហើយអ្នកលេងទាំងអស់ស្ថិតនៅក្រោមការត្រួតពិនិត្យរបស់រដ្ឋ។
ទោះយ៉ាងណាក៏ដោយ មន្ត្រីក្នុងតំបន់បាននិយាយ អ្វីដែលបានកើតឡើងគឺមិនអាចទទួលយកបាន ហើយសុខភាពសាធារណៈ និងសុវត្ថិភាពគឺមានសារៈសំខាន់បំផុត។ អាជ្ញាធរបានបើកការស៊ើបអង្កេតរកមូលហេតុនិងអ្នកទទួលខុសត្រូវចំពោះគ្រោះថ្នាក់នេះ “យើងនៅមិនទាន់ដឹងថាអ្វីដែលបណ្ដាលឲ្យមានគ្រោះថ្នាក់នោះទេ។ ប៉ុន្តែអ្នកដែលទទួលខុសត្រូវចំពោះសុវត្ថិភាពនៃការជិះនោះប្រាកដជាត្រូវទទួលទោស”៕
ប្រែសម្រួល៖ សាង ស្រីល័ក្ខ
-
ព័ត៌មានជាតិ១៦ ម៉ោង agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន