អគារនេះមានកម្ពស់ ៨ជាន់ មានចំនួន ១០២បន្ទប់ អាចដាក់គ្រែបានចំនួន១២០ ក្នុងនោះបន្ទប់សម្រាលចំនួន ២ បន្ទប់វះកាត់ ចំនួន២ និងបន្ទប់ថែទាំមុន និងក្រោយសម្រាល ចំនួន ៣០ ស្មើនឹង ៧០គ្រែ ដែលចំណាយ ថវិកាសរុបប្រមាណ ៦លានដុល្លារអាម៉េរិក។ សមិទ្ធផលថ្មីនេះនឹងក្លាយជាជំហ៊ានដ៏សំខាន់មួយ ឆ្ពោះទៅមុខក្នុងការថែទាំស្ត្រី ទារក និងកុមារ។

ក្នុងឱកាសនោះ ឧបនាយករដ្ឋមន្ត្រី អូន ព័ន្ធមុនីរ័ត្ន បានលើកឡើងថា រាជរដ្ឋាភិបាល បានផ្ដល់អគារមន្ទីរពេទ្យបង្អែកជ័យជម្នះ ជូនបងប្អូនប្រជាពលរដ្ឋនៅពេលនេះ គឺឆ្លុះបញ្ចាំងឲ្យឃើញច្បាស់ ពីការយកចិត្តទុកដាក់ខ្ពស់ របស់រាជរដ្ឋាភិបាល ក្នុងការបន្តលើកកម្ពស់ និងពង្រឹងគុណភាពសេវាសុខាភិបាល ជូនប្រជាពលរដ្ឋគ្រប់រូប ឲ្យបានកាន់តែមានប្រសិទ្ធភាពខ្ពស់បន្ថែមទៀត, ស្របតាម យុទ្ធ-សាស្ត្របញ្ចកោណ ដំណាក់កាល ទី១, ដែលចាត់ទុក “មនុស្ស» ជា អាទិភាព គន្លឹះ ទី១ ។

ក្នុងនាមជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តកណ្តាល អគ្គបណ្ឌិតសភាចារ្យ អូន ព័ន្ធមុនីរ័ត្ន បានផ្ដាំផ្ញើរដល់ រដ្ឋបាលខេត្តកណ្ដាល រដ្ឋបាលក្រុង/ស្រុក គណៈបញ្ជាការឯកភាពគ្រប់លំដាប់ថ្នាក់ ក្រុមគ្រូពេទ្យ និងបុគ្គលិកនៃមន្ទីរពេទ្យ បង្អែកជ័យជម្នះ បន្តយកចិត្តទុកដាក់ថែរក្សាសន្តិសុខ សុវត្ថិភាព និងសណ្តាប់ធ្នាប់សាធារណៈ ឱ្យបានគត់មត់ជាប្រចាំ ដោយអនុវត្តគោលនយោបាយ «ភូមិ-ឃុំ-សង្កាត់ មានសុវត្ថិភាព» ដើម្បីលើកកម្ពស់ការចូលរួម បង្ការ ទប់ស្កាត់ និងបង្ក្រាបបទល្មើសនានា ឱ្យកាន់តែមានប្រសិទ្ធភាពខ្ពស់បន្ថែមទៀត។

លើសពីនេះត្រូវបន្តលើកកម្ពស់ការផ្តល់សេវាសាធារណៈគ្រប់ប្រភេទ ឱ្យបានកាន់តែរហ័ស និងងាយស្រួល សម្រាប់ប្រជាពលរដ្ឋគ្រប់រូប ស្របតាមគោលការណ៍ ស្តង់ដា បែបបទ និងនីតិវិធីជាធរមាន ប្រកបដោយស្មារតីទទួលខុសត្រូវ ប្រសិទ្ធភាព តម្លាភាព និងគណនេយ្យភាព ដើម្បីឆ្លើយតបទៅនឹងតម្រូវការរបស់ប្រជាពលរដ្ឋ។

ជាមួយគ្នានេះ ឧបនាយករដ្ឋមន្ត្រី បានសង្កត់ធ្ងន់ថា «ក្នុងកាលៈទេសៈបច្ចុប្បន្នដែលជាតិយើង ត្រូវរួមគ្នាជាធ្លុងមួយ ក្នុងការតស៊ូប្រយុទ្ធប្រឆាំងនឹងការរំលោភបំពានលើអធិបតេយ្យជាតិ និងបូរណភាពទឹកដី សូមមន្ត្រីរាជការ កងកម្លាំង និងបងប្អូនប្រជាពលរដ្ឋទូទៅគ្រប់មជ្ឈដ្ឋាន បន្តចូលរួមលើកកម្ពស់ស្មារតីសាមគ្គីភាព និងឯកភាពជាតិរឹងមាំ ព្រោះកម្លាំងសាមគ្គីភាព និងឯកភាពជាតិដ៏រឹងមាំរបស់យើងទាំងអស់គ្នា ជាប្រជាជនខ្មែរពិតជាមានសារៈសំខាន់ និងមិនអាចខ្វះបាន ដើម្បីជម្នះនូវបញ្ហាប្រឈមផងទាំងពួង ដោយជោគជ័យ រួមទាំងបញ្ហាព្រំដែនផងដែរ»៕

The post អគារថ្មីមួយខ្នង នៃមន្ទីរពេទ្យបង្អែកជ័យជម្នះ ក្រុងតាខ្មៅ ត្រូវបានសម្ភោធដាក់ឱ្យប្រើប្រាស់ជាផ្លូវការ appeared first on Kampuchea Thmey Daily.

មជ្ឈមណ្ឌលបេះដូង ខេត្តសៀមរាប នឹងផ្ដល់ជំនឿទុកចិត្តដល់អ្នកជំងឺ ជាមួយនឹងការបំពាក់គ្រឿងបរិក្ខារបច្ចេកទេសទំនើប និងក្រុមគ្រូពេទ្យជំនាញ។

លោកសាស្រ្តាចារ្យ ឈាង រ៉ា បានលើកឡើងថា មជ្ឈមណ្ឌលបេះដូង ដែលកំពុងសម្ពោធនាពេលនេះ គឺជាការចូលរួមដ៏សំខាន់ក្នុងការឆ្លើយតប និងចូលរួមដោះស្រាយបញ្ហាជម្ងឺបេះដូង ជាពិសេសជម្ងឺស្ទះសរសៃឈាមបេះដូង ជាឃាតករស្ងាត់និងជាមូលហេតុចម្បងមួយនៃមរណភាពនៅកម្ពុជា ដែលនឹងផ្តល់ជាអត្ថប្រយោជន៍ សម្រាប់ប្រជាជនខេត្តសៀមរាប និងប្រជាជននៅតាមបណ្តាខេត្តជុំវិញផងដែរ។

ឆ្លៀតក្នុងឱកាសនេះ ដើម្បីលើកកម្ពស់សុខាភិបាលខេត្តបន្ថែមទៀត លោករដ្ឋមន្ត្រីបានណែនាំ ដល់ថ្នាក់ដឹកនាំសុខាភិបាល និងមន្រ្តីសុខា ភិបាលទូទាំងខេត្តសៀមរាប រួមទាំងផ្នែកឯកជន ត្រូវយកចិត្តទុកក្នុងការអនុវត្ត ការពង្រឹងគុណភាពសេវា និងក្រមសីលធម៌វិជ្ជាជីវៈ។ ការផ្ដល់សេវាដោយសមធម៌ និងមិនរើសអើង៖ ត្រូវធានាថា អ្នកជំងឺគ្រប់រូបទទួលបានការបម្រើសេវាសុខាភិបាលដោយគុណភាព សុវត្ថិភាព ប្រសិទ្ធភាព និងសមភាព ដោយត្រូវយកចិត្តទុកដាក់ខ្ពស់បំផុតសង្គ្រោះជីវិតប្រជាជន។

ការគ្រប់គ្រង និងថែទាំសមិទ្ធផល៖ ត្រូវខិតខំថែទាំងអគារ អនាម័យឲ្យបានល្អ។ ការពង្រីកវិសាលភាពមូលនិធិសមធម៌ និង អ្នកប្រកបវិជ្ជាជីវៈសុខាភិបាលទាំងអស់ ត្រូវចុះបញ្ជិកាក្នុងគណៈវិជ្ជាជីវៈសុខាភិបាល និងមានអាជ្ញាបណ្ណប្រកបវិជ្ជាជីវៈសុខាភិបាលត្រឹមត្រូវ និងមានសុពលភាព។    

លោក នាក់ ណេរ៉ុន អភិបាលរងខេត្ត តំណាងលោក ប្រាក់ សោភ័ណ អភិបាលខេត្តសៀមរាប បានគូសបញ្ជាក់ថា ការបង្កើតឱ្យមានសេវាសង្គ្រោះ និងព្យាបាលអ្នកជម្ងឺបេះដូងនៅក្នុងមន្ទីរពេទ្យបង្អែកខេត្តសៀមរាប ជាឆ្លុះបញ្ចាំងពីការយកចិត្តទុកដាក់ខ្ពស់ លើការលើកកម្ពស់សុខុមាលភាពប្រជាពលរដ្ឋ ក្នុងការចូលរួមចំណែកអភិវឌ្ឍវិស័យសុខាភិបាលនៅកម្ពុជា។

ចំណែក លោក TAI M.Z. BENJAMIN ប្រធានតំបន់អាស៊ីរបស់សាសនាចក្រ នៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានលើកឡើងថា សមាគមបានយកចិត្តទុកដាក់ និងគាំទ្រដល់គម្រោងសាងសង់នេះ ដែលមានតម្លៃឥតគណនាដែលអាចជួយសង្គ្រោះអាយុជីវិតមនុស្សរាប់រយពាន់នាក់នាពេលអនាគតនេះ។ មជ្ឈមណ្ឌលបេះដូងនេះ ការសាងសង់អគារ និងឧបករណ៍វេជ្ជសាស្រ្តទំនើបៗកម្រិតស្តង់ដា។

តាមការបញ្ជាក់របស់ វេជ្ជបណ្ឌិត ក្រុស សារ៉ាត់ ប្រឹក្សាក្រសួងសុខាភិបាល និងជាប្រធានមន្ទីរសុខាភិបាលនៃរដ្ឋបាលខេត្តសៀមរាប បានឱ្យដឹងថា ដោយទទួលបានការគាំទ្រពីគណៈអភិបាលខេត្ត និងថ្នាក់ដឹកនាំក្រសួងសុខាភិបាល និងដៃគូរអភិវឌ្ឍន៍ពាក់ព័ន្ធ ជាលទ្ធផលដ៏គាប់ប្រសើរ មន្ទីរពេទ្យបានទទួលនូវជំនួយដ៏ថ្លៃថ្លាពី សមាគមនិកាយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ក្នុងទំហំទឹកប្រាក់ ២ ៤៣៧ ៤៨៦ដុល្លាអាមេរិក ដើម្បីសាងសង់អគារមជ្ឈមណ្ឌលបេះដូង និងបំពាក់ឧបករណ៍វេជ្ជសាស្រ្តទំនើបៗកម្រិតស្តង់ដា។ ម៉្យាងទៀតមន្ទីរពេទ្យបង្អែកខេត្តសៀមរាប បានផ្តល់សេវាដល់ប្រជាពលរដ្ឋ នៅតាមបណ្តាខេត្ត នៃទិសឧត្តរ សំខាន់បម្រើដល់ភ្ញៀវទេសចរណ៍បរទេសផងដែរ៕

ដោយ៖ គឿន វេត

The post អគារមជ្ឈមណ្ឌលបេះដូង នៃមន្ទីរពេទ្យបង្អែកខេត្តសៀមរាប ត្រូវបានបើកសម្ពោធជាផ្លូវការ appeared first on Kampuchea Thmey Daily.

ក្នុងឱកាសនោះ លោកអភិបាលខេត្ត បានថ្លែងអំណរគុណចំពោះការចូលរួមចំណែករបស់លោកអភិបាលក្រុង មន្ត្រីក្រោមឱវាទ និងសប្បុរសជននានា ដែលបានគិតគូរ និងការផ្តល់ជំនួយពីសប្បុរជនក្នុងការក៏សាងអាគារសិក្សានេះឡេីង គឺពិតជាបានរួមចំណែកយ៉ាងសំខាន់ក្នុងការជួយគាំទ្រដល់ការបណ្តុះបណ្តាល អភិវឌ្ឍន៍ធនធានមនុស្សនៅក្នុងមូលដ្ឋាន ក៏ដូចជាការលើកទឹកចិត្តដល់លោកគ្រូ អ្នកគ្រូ ជាពិសេសមាតាបិតាសិស្ស ដែលតែងតែសង្ឃឹមថា សិស្សានុសិស្ស និងកូនចៅរបស់ខ្លួនអាចមានលទ្ធភាពបានចូល រៀននៅក្នុងសាលារៀនល្អផងដែរ។

លោក បន្តថា សមិទ្ធផលជាអគារសិក្សាថ្មី ១ខ្នង នេះ មិនត្រឹមតែបានចូលរួមចំណែកជួយបម្រើ និងបំពេញតម្រូវការចាំបាច់ផ្នែកហេដ្ឋារចនាសម្ព័ន្ធអប់រំ និងឆ្លើយតបទៅនឹងតម្រូវការចាំបាច់ដល់ការសិក្សារបស់សិស្សានុសិស្សទាំងអស់នៅទីនេះ ដើម្បីធានាក្នុងការសិក្សាសមតាមបំណងប្រាថ្នា និងការទទូចីចង់បានរបស់ ថ្នាក់ដឹកនាំ និងគណៈគ្រប់គ្រងសាលា ប៉ុណ្ណោះទេ ប៉ុន្តែក៏ជាការឆ្លើយតបបានទាន់ពេលវេលា ស្របតាមគោលដៅអភិវឌ្ឍន៍សហសវត្សកម្ពុជារបស់រាជរដ្ឋាភិបាល ក្នុងការលើកស្ទួយវិស័យអប់រំ សំដៅដល់ការកសាងនូវធនជានមនុស្សប្រកបដោយសមត្ថភាពគ្រប់គ្រាន់ នៅក្នុងកិច្ចអភិវឌ្ឍន៍ប្រទេសជាតិលើគ្រប់ វិស័យ និងក៏បានបញ្ជាក់ឲ្យឃើញពីការទទួលខុសត្រូវ និងការគិតគូរយកចិត្តទុកដាក់ចូលរួមពី គ្រប់មជ្ឈដ្ឋានក្នុងការអភិវឌ្ឍវិស័យអប់រំ។ លោកបន្តថា ការអប់រំមិនគ្រាន់តែជាការ ទទួលខុសត្រូវរបស់ក្រសួង និងរាជរដ្ឋាភិបាលប៉ុណ្ណោះទេ ប៉ុន្តែជាកិច្ចការរបស់ប្រជាពលរដ្ឋ គ្រប់រូប សហគមន៍ អាជ្ញាធរ និងគ្រប់ភាគីពាក់ព័ន្ធ ដូចជាអ្វីដែលទាំងអស់គ្នាកំពុង រួមគ្នាធ្វើ និងបានកសាងនៅទីនេះ ក្រោមការ ដឹកនាំប្រកបដោយបញ្ញាញាណភ្លឺថ្លា និងត្រឹមត្រូវ ប្រកបដោយគតិបណ្ឌិតរបស់សម្តេចមហា បវរធិបតី ហ៊ុន ម៉ាណែត នាយករដ្ឋមន្ត្រី បានដាក់ចេញនូវកម្មវិធី នយោបាយសម្រាប់ការកសាង និងការការពារមាតុភូមិឆ្នាំ២០២៣-២០២៨ ដើម្បីបន្តកសាង កម្ពុជាប្រកបដោយសុខសន្តិភាព ឯករាជ្យ និងមានការអភិវឌ្ឍ ។

សូមជម្រាបជូនថា កន្លងមកដោយមើលឃើញពីស្ថានភាពអគារសិក្សាមានសភាពចាស់ទ្រុឌទ្រោម និងមានកំណើនសិស្សានុសិស្សជាច្រើនក្នុងមួយឆ្នាំៗត្រូវចូលរៀន លោក លឹម សៀងហេង អភិបាល នៃគណៈអភិបាលក្រុងបាវិត និងលោក ឈី តុងសឺង (Mr.Qu DONGSHENG) ព្រមទាំងសប្បុជនដទៃទៀតបានពិភាក្សាគ្នា ហើយបានចុះមកពិនិត្យទីតាំង និងមើលស្ថានភាពសាលា និងឯកភាពគ្នាសម្រេចជួយកសាងអគារសិក្សាថ្មីចំនួន១ខ្នង កម្ពស់ពីរជាន់ ស្មើនឹង១២បន្ទប់ នៃសាលាបឋមសិក្សាថ្នាញ ស្ថិតនៅសង្កាត់បាទី ក្រុងបាវិត នេះឡើង និងបានកសាងរួចរាល់ព្រមទាំងបានបំពាក់សម្ភារៈមួយចំនួន រួម មានតុនិងកៅអីសិស្ស តុគ្រូ និងក្តារខៀន ដោយចំណាយថវិកាសរុបចំនួនប្រមាណ ២៥០,០០០ដុល្លារ អាមេរិក៕

ដោយ៖ភក្ដី

The post សាលាបឋមសិក្សាថ្នាញ នៅក្រុងបាវិត សម្ពោធអគារសិក្សា១ខ្នង កម្ពស់២ជាន់ មាន១២បន្ទប់ appeared first on Kampuchea Thmey Daily.

ការណែនាំនេះ ធ្វើឡើងក្នុងឱកាសលោកអញ្ជើញចូលរួមកម្មវិធីសម្ពោធដាក់ឱ្យប្រើប្រាស់ជាផ្លូវការអគារសាលាដំបូង និងអយ្យការអមសាលាដំបូងខេត្តស្វាយរៀង នាថ្ងៃទី៧ ខែកក្កដា ឆ្នាំ២០២៥។ ពិធីនេះដែរ ក៏មានការចូលរួមពីលោក ម៉ែន វិបុល ប្រធានក្រុមប្រឹក្សាខេត្ត និងលោក ប៉េង ពោធិ៍សា អភិបាលខេត្តស្វាយរៀង។

ក្នុងឱកាសនោះ លោករដ្ឋមន្ត្រី ក៏បានណែនាំឱ្យមានសាមគ្គីភាពផ្ទៃក្នុងល្អ និងកិច្ចសហប្រតិបត្តិការល្អជាមួយមន្ត្រីអនុវត្តច្បាប់ អាជ្ញាធរ និងស្ថាប័នពាក់ព័ន្ធគឺ “ត្រូវមានចក្ខុវិស័យច្បាស់លាស់ មានការប្តេជ្ញាចិត្តខ្ពស់ មានការចូលរួមដោយស្មោះត្រង់ និងការលះបង់” ក្នុងការអនុវត្តមុខងារ និងភារកិច្ចរបស់ខ្លួន។ ព្រមទាំងបន្តចូលរួមឱ្យបានសកម្ម និងផ្តល់កិច្ចសហការឱ្យបានពេញលេញបន្ថែមទៀត ប្រកបដោយឆន្ទៈមោះមុត, ភាពស្មោះត្រង់ និងការទទួលខុសត្រូវខ្ពស់ ក្នុងការអនុវត្តយុទ្ធនាការទាំង ២ ស្របតាមអភិក្រមដែលបានដាក់ចេញនាពេលកន្លងមក សម្រាប់ឆ្នាំបន្តបន្ទាប់ទៀត។

លើសពីនេះ ត្រូវពង្រឹងប្រសិទ្ធភាពចំណាត់ការសំណុំរឿង ឱ្យបានម៉ឺងម៉ាត់ តឹងរ៉ឹង ត្រឹមត្រូវ និងតម្លាភាព ជាអាទិ៍ បទល្មើសគ្រឿងញៀន, ជួញដូរមនុស្ស និងអាជីវកម្មផ្លូវភេទ,បទល្មើសតាមបប្រព័ន្ធអនឡាញ,បទល្មើសឆក់ប្លន់,ក្មេងទំនើង ដើម្បីរួមចំណែកអនុវត្ត “គោលនយោបាយភូមិ-ឃុំ-សង្កាត់មានសុវត្ថិភាព”។ ពង្រឹងប្រសិទ្ធភាពនៃការអនុវត្តច្បាប់ និងយកចិត្តទុកដាក់បន្ថែមទៀតក្នុងការអនុវត្តការងាររបស់ខ្លួន ជាពិសេស ក្នុងការចាត់ការសំណុំរឿងឱ្យបានម៉ឺងម៉ាត់ តឹងរ៉ឹង ត្រឹមត្រូវ ស្របតាមច្បាប់ និងនីតិវិធីជាធរមាន ដោយគោរពវិន័យការងារ និងក្រមសីលធម៌វិជ្ជាជីវៈរបស់ចៅក្រម ព្រះរាជអាជ្ញា ក្រឡាបញ្ជី អាជ្ញាសាលា និងមន្ត្រីរាជការទាំងអស់ នៅក្នុងវិស័យយុត្តិធម៌

ជាមួយគ្នានេះដែរ លោករដ្ឋមន្ត្រី បានកោតសសើរ និងវាយតម្លៃខ្ពស់ចំពោះ លោក លោកស្រី ជាចៅក្រម ជាព្រះរាជអាជ្ញា ព្រះរាជអាជ្ញារង ក្រឡាបញ្ជី និងមន្ត្រីរដ្ឋបាលទាំងអស់នៅសាលាដំបូង និងអយ្យការអមសាលាដំបូងខេត្តស្វាយរៀង ក៏ដូចជាសាលាជំរះក្តីគ្រប់ជាន់ថ្នាក់នៅទូទាំងប្រទេសដែលបានយកចិត្តទុក្ខដាក់សម្រេចបានលទ្ធល្អជាបន្តបន្ទាប់គួឱ្យកត់សម្គាល់។

ចំណែក លោកអភិបាលខេត្ត វាយតម្លៃខ្ពស់ចំពោះកិច្ចខិតខំប្រឹងប្រែងដ៏ធំធេង ប្រកបដោយស្មារតីទទួលខុសត្រូវរបស់ថ្នាក់ដឹកនាំ មន្ត្រីរាជការ និងបុគ្គលិកគ្រប់លំដាប់ថ្នាក់នៃសាលាដំបូង និងអយ្យការអមសាលាដំបូងខេត្ត ក្នុងការបំពេញតួនាទី ភារកិច្ចក្នុងវិស័យតុលាការ និងស្វែងរកយុត្តិធម៌ជូនប្រជាពលរដ្ឋក្នុងខេត្តស្វាយរៀង នាពេលកន្លងមក ប្រកបដោយគតិយុត្តិធម៌ ស្របតាមអង្គច្បាប់ និងនីតិវិធីដែលបានកំណត់ និងជាពិសេសការរួមចំណែកក្នុងការកសាងសមិទ្ធផលដ៏លេចធ្លោនូវអគារធ្វើការថ្មី ដែលត្រូវដាក់សម្ពោធឱ្យប្រើប្រាស់ជាផ្លូវការនាថ្ងៃនេះ ដើម្បីជាប្រយោជន៍ដល់ការផ្តល់សេវាឲ្យកាន់តែប្រសើរឡើង និងដំណើរការរបស់តុលាការកាន់តែមានប្រសិទ្ធភាព ដែលជាការចូលរួមចំណែកក្នុងការអនុវត្តយុទ្ធសាស្រ្តកំណែទម្រង់ច្បាប់ និងប្រព័ន្ធយុត្តិធម៌ឱ្យកាន់តែប្រសើរ និងជោគជ័យ។

លោកបន្តថា ការប្រារព្ធពិធីសម្ពោធដាក់ឱ្យប្រើប្រាស់អគារសាលាដំបូង និងអយ្យការអមសាលាដំបូងខេត្តនាពេលនេះ គឺជាព្រឹត្តិការណ៍ដ៏សំខាន់មួយ ដែលឆ្លុះបញ្ចាំងឱ្យឃើញពីភាពប្រសើរឡើងបន្ថែមទៀត នៃភាពរឹងមាំ និងឧត្ដមភាពនៅក្នុងវិស័យតុលាការនៅរដ្ឋបាលថ្នាក់ក្រោមជាតិ និងដែលបានកើតឡើងដោយសារមានការគាំទ្រ និងការប្តេជ្ញាចិត្តដ៏មុតមាំរបស់រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃ និងប៉ិនប្រសប់របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដែលមានក្រសួងយុត្តិធម៌ជាសេនាធិការ៕

ដោយ៖ ភក្ដី

The post លោក កើត រិទ្ធ ណែនាំដល់មន្រ្តីក្នុងវិស័យយុត្តិធម៌ ពង្រឹងអភិបាលកិច្ចផ្ទៃក្នុង និងស្ថាប័នរបស់ខ្លួនឱ្យបានល្អប្រសើរ appeared first on Kampuchea Thmey Daily.

ការ​ថ្លែង​ដូច​នេះ​ ធ្វើ​ឡើង​ក្នុង​ពិធី​សម្ពោធ​ដាក់​ឱ្យ​ប្រើ​ប្រាស់​ជា​ផ្លូវការ​នូវ​អគាររដ្ឋបាល​ថ្មី​ស្រឡាង​របស់​រដ្ឋបាលក្រុងសិរីសោភ័ណ កាលថ្ងៃទី២៩ ខែមេសា ឆ្នាំ២០២៥ ដែល​ត្រូវ​បាន​សាងសង់​រួចរាល់​ជាស្ថាពរ។

ពិធីសម្ពោធដាក់ឱ្យប្រើប្រាស់ជាផ្លូវការនេះ ប្រារព្ធ ឡើង ក្រោមអធិបតីភាព​លោក ប្លែក វ៉ារី ប្រធានក្រុមប្រឹក្សាខេត្ត លោក អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ព្រមទាំងមានការចូលរួមពីថ្នាក់ដឹកនាំមន្ត្រីរាជការ មន្ទីរ អង្គភាពពាក់ព័ន្ធ បានចូលរួមយ៉ាងច្រើនកុះករប្រារព្ធធ្វើនៅបរិវេណសាលាក្រុងសិរីសោភ័ណ។

ជា​មួយ​គ្នា​នោះ​ លោកអ៊ុំ រាត្រី ក៏បានសម្តែងនូវក្តីសោមនស្សរីករាយយ៉ាងក្រៃលែង និងសាទរជាមួយមន្រ្តីរាជការ នៃសាលាក្រុងសិរីសោភ័ណ ដែលបានអគាររដ្ឋបាល ជាសមិទ្ធិផលថ្មីដ៏ធំធេងមួយ ក្រោមជំនួយឧបត្ថម្ភរបស់រាជរដ្ឋាភិបាលកម្ពុជា។ ក្នុងនោះ​លោក លើកទឹកចិត្តដល់មន្រ្តីរាជការគ្រប់អង្គភាព កងកម្លាំងគ្រប់ផ្នែក វិស័យឯកជន សង្គមស៊ីវិល អាជ្ញាធរមូលដ្ឋានគ្រប់ថ្នាក់ និងបងប្អូនប្រជាពលរដ្ឋ បន្តប្រឹងប្រែរួមគ្នាបន្ថែមទៀត ក្នុងការចូលរួមអភិវឌ្ឍន៍លើគ្រប់វិស័យតាមតួនាទីភារកិច្ចរៀងៗខ្លួន ជាពិសេសអភិវឌ្ឍន៍ធនធានមនុស្ស (យុវជន) ដើម្បីកាត់​បន្ថយភាពក្រីក្រីឱ្យកាន់តែរួមតូច​ជាអតិបរិមា និងឈានទៅលុបបំបាត់ទាំងស្រុងនាពេលខាងមុខ។

សូម​បញ្ជក់​ថា តាមលោក ស្រេង សុផល អភិបាលក្រុងសិរីសោភ័ណ បាន​ឱ្យ​ដឹង​ថា អគារថ្មីរបស់រដ្ឋបាលក្រុងសិរីសោភ័ណនេះ ត្រូវ​បានបញ្ចុះបឋមសិលា សាងសង់ឡើងនៅថ្ងៃទី១៩ ខែឧសភា ឆ្នាំ២០២៤ មានទំហំទទឹងប្រវែង ១៣ម៉ែត្រ បណ្ដោយប្រវែង ២៨ម៉ែត្រ កសាងអស់រយៈពេល១ឆ្នាំពេញ៕

ដោយ ៖ អពៅ

The post អភិបាល​ខេត្ត​បន្ទាយ​មានជ័​យ ៖ ថ្នាក់​ដឹក​នាំ​ត្រូវ​ថែទាំ​ទ្រព្យ​សម្បត្តិ​រដ្ឋ និង​ផ្តល់​សេវា​ជូន​ពលរដ្ឋ​ប្រកប​ដោយ​គុណភាព appeared first on Kampuchea Thmey Daily.

ពិធីនេះក៏មានការអញ្ជើញចូលរួមថ្នាក់ដឹកនាំ សមាជិក សមាជិកា គណបក្សទាំងអស់ ប្រមាណ ៤០០ នាក់។ ក្នុងឱកាសនេះ ឯកឧត្តម ហ៊ុន ម៉ានី បានបង្ហាញពីសេចក្តីសប្បាយរីករាយ ដែលបានមកជួបក្រុមការងារចុះជួយស្រុក ឃុំ  និង គណៈកម្មាធិការ គណបក្សប្រជាជនគ្រប់ថ្នាក់សមាជិក សមាជិកា គណបក្សទាំងអស់ នាឱកាសនោះ។ ទន្ទឹមនឹងនេះ ឯកឧត្តមបាន ផ្តាំផ្ញើនូវសេចក្តីនឹករលឹក និងការសាកសួរសុខទុក្ខពីសំណាក់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដោយឯកឧត្តមបានគូសបញ្ជាក់ពីគោលជំហរ និងឆន្ទៈរបស់ថ្នាក់ដឹកនាំអាណាត្តិទី ៧ ក្នុងការចូលរួមជំរុញការអភិវឌ្ឍប្រទេសជាតិ ជាពិសេសលើការទាក់ទាញវិនិយោគទុនមកកាន់កម្ពុជា ដើម្បីផ្តល់ឱកាសការងារបន្ថែមជូនដល់បងប្អូនប្រជាពលរដ្ឋខ្មែរ។

ឯកឧត្តម បានថ្លែងអំណរគុណដល់អាជ្ញាធរស្រុក ឃុំ ដែលតែងតែការងារសុខសុវត្ថិភាព និងយកចិត្តទុកដាក់ជាមួយប្រជាពលរដ្ឋ តាមរយៈការចូលរួមលើកស្ទួយវិស័យកសិកម្ម ឧស្សាហកម្មជាដើម ជាពិសេសការពង្រីកបន្ថែមនូវរោងចក្រ ដែលជាកន្លែងផ្តល់ឱកាសការងារជូនប្រជាពលរដ្ឋ និងប្រាក់ចំណូលបន្ថែម និងចូលរួមអភិវឌ្ឍមុខមាត់របស់ខេត្ត និងប្រទេសជាតិទាំងមូល។ បន្ថែមពីនេះ ឯកឧត្តម ហ៊ុន ម៉ានី បានកោតសរសើរ និងវាយតម្លៃខ្ពស់ចំពោះ ក្រុមការងារចុះជួយស្រុកឃុំ គណៈកម្មាធិការ គណបក្សប្រជាជនគ្រប់ថ្នាក់ ដែលបានខិតខំប្រឹងប្រែង ចំណាយពេលវេលា និងអនុវត្តគោលនយោបាយស្របតាមគណបក្សថ្នាក់កណ្តាល។ ឯកឧត្តមបានបន្តថា កិច្ចខិតខំប្រឹងប្រែង និងសមិទ្ធផលរបស់ក្រុមការងារ បានឆ្លុះបញ្ចាំងពីមនោសញ្ចតនាជាមួយប្រជាពលរដ្ឋយ៉ាងពិតប្រាកដ។

ផ្សារភ្ជាប់ជាមួយការលើកឡើងខាងលើនេះ ឯកឧត្តមបានលើកឡើងថា «សាមគ្គីឯកភាពផ្ទៃក្នុង ជាកត្តាពង្រឹងភាពឈ្នះរបស់គណបក្សប្រជាជន» ដូច្នេះឯកឧត្តមស្នើដល់សមាជិក សមាជិកា ជឿជាក់ និងទុកចិត្តលើការដឹកនាំរបស់គណបក្សប្រជាជនកម្ពុជា ក្នុងការបន្តថែរក្សា និងធានាឲ្យបាននូវផលប្រយោជន៍ជូនប្រជាជន និងប្រទេសជាតិបន្ថែមទៀត៕

The post ឯកឧត្តម ហ៊ុន ម៉ានី សម្ពោធដាក់ឱ្យប្រើប្រាស់អគារស្នាក់ការគណបក្សប្រជាជនកម្ពុជា នៅកំពង់ស្ពឺ appeared first on Kampuchea Thmey Daily.

មានប្រសាសន៍នៅក្នុងពិធីសម្ពោធអាគារប៉ុស្តិ៍នគរបាលរដ្ឋបាល លោកឧត្តមសេនីយ៍ត្រី ពេជ្រ  វីរៈ ស្នងការនគរ​បាលខេត្ត បានធ្វើការកោតសរសើរដល់កម្លាំងសមត្ថកិច្ចនគរបាលនៅគ្រប់មូលដ្ឋាន​ដែលបានសហការគ្នាល្អ​ជាមួយប្រជាពលរដ្ឋក្នុងការបង្ក្រាបបទល្មើសនានារក្សាបាននូវសន្តិសុខ សណ្តាប់ធ្នាប់ សុវត្ថិភាព  ជូនប្រជាពលរដ្ឋ​បានល្អនៅក្នុងមូលដ្ឋានរបស់ខ្លួន។

លោកស្នងការនគរបាលខេត្ត បានបញ្ជាក់ថា ពេលនេះគឺនគរបាលឃុំត្នោត ស្រុកកំពង់រោទ៍  បានទទួលសមិទ្ធផលថ្មី គឺអគារប៉ុស្តិ៍នគរបាលរដ្ឋបាល សម្រាប់ឲ្យមន្ត្រីនគរបាលយើងមានកន្លែងធ្វើការសមរម្យ  ក្នុងការការពារសន្តិសុខ​និងផ្ដល់សេវាសាធារណៈនានាជូនប្រជាពលរដ្ឋនៅក្នុងមូលដ្ឋាននេះ។

លោកឧត្តមសេនីយ៍ត្រីស្នងការនគរបាលខេត្ត  បានផ្ដាំផ្ញើដល់មន្ត្រីនគរបាលនៅទីនោះ  ត្រូវ សាមគ្គីសហការគ្នា​ឲ្យបានល្អក្នុងការការពារសន្តិសុខជូនប្រជាពលរដ្ឋគោរពវិន័យការងារនិងខិតខំធ្វើ ការតាមតួនាទីភារកិច្ចរបស់​ខ្លួនឲ្យបានល្អប្រសើរ  បន្តអនុវត្តគោលនយោបាយភូមិឃុំមានសុវត្ថិភាពដើម្បីក្នុងមូលដ្ឋានរបស់ខ្លួនគ្មានកើតឡើងលើក នូវបទល្មើសនានាក្នុងមូលដ្ឋានរបស់ខ្លួន។

សូមបញ្ជាក់ថា អគារថ្មីប៉ុស្តិ៍នគរបាលរដ្ឋបាលត្នោត ដែលបានសម្ពោធឱ្យប្រើប្រាស់មានទំហំ  ៥,២x១៣,៥០ ម៉ែត្រ បានចំណាយថវិកា ១៥,០០០ដុល្លា ជាអំណោយឧត្តមសេនីយ៍ឯក កឹង ឃន អគ្គស្នងការរងនគរបាលជាតិ៕ ដោយ:ភក្ដី

The post អគារប៉ុស្តិ៍នគរបាលត្នោត ស្រុកកំពង់រោទិ៍ តម្លៃជាង ១ម៉ឺនដុល្លារ បានដាក់ឱ្យដំណើរការ​ជាផ្លូវការ appeared first on Kampuchea Thmey Daily.

​នា​រសៀល​ថ្ងៃ​ដដែល មានវត្តមាន​ថ្នាក់ដឹកនាំ​ក្រុមហ៊ុន​ជាច្រើនរូប ដែល​បានផ្តល់​កិត្តិយស​ធ្វើជា​សាក្ខី​ភាពរួមមានលោក​ Cao Jun ប្រធាន​ក្រុមហ៊ុន​ HONCHEN CAMBODIA, លោក Kevin Hsu នាយកប្រតិបត្តិនៃ​ក្រុមហ៊ុន LIXIN Group, លោក Zhang Lingfeng នាយក​គ្រប់គ្រង​ទូទៅ​នៃ​ក្រុមហ៊ុន​មូលបត្រ​ភ្នំពេញ លោក Yu Jianwei មកពី Chaoshang Financial Holdings Co., Ltd. ក៏ដូចជា​តំណាង​មកពី​ផ្នែក​ហិរញ្ញវត្ថុ សភាពាណិជ្ជកម្ម​​ផ្សេងៗ ដៃគូ​សហការ ថ្នាក់ដឹកនាំ​ឧស្សាហកម្ម​នានា និង​មិត្ត​អ្នកសារព័ត៌មាន​ជាច្រើនរូប​។​

​លោក ​Cao Jun ប្រធាន​ក្រុមហ៊ុន HONCHEN CAMBODIA បាន​ថ្លែងអំណរគុណ​ដល់​ភ្ញៀវ​កិត្តិយស និង​បុគ្គលិកទាំងអស់​ដែល​បានមក​ចូលរួម​។ លោក​បានបន្ថែមទៀតថា ក្រុមហ៊ុន​ HONCHEN Enterprise Development Group គឺជា​ក្រុមហ៊ុន​ដ៏​ខ្លាំង​មួយ​ហើយជាពហុ​ចម្រុះ​មួយ​ ដែលមានការ អភិវឌ្ឍន៍ និង​រីកចម្រើន​យ៉ាង​ឆាប់រហ័សក្រុមហ៊ុន​បានបណ្តាក់ទុន និង​ដំណើរការ​គម្រោង​ជាច្រើន​នៅក្នុង និង​ក្រៅប្រទេស​។ ប្លង់​អាជីវកម្ម​របស់​ក្រុមហ៊ុន​មាន នៅ​ប្រទេស ចិន ហុងកុង សហរដ្ឋ​អា​មេ​រិក ម៉ាឡេស៊ី និង ប្រទេស​កម្ពុជា​។ ក្រុមហ៊ុន​បាន​ផ្តោតទៅលើ​វិស័យ​សេវាកម្ម​ហិរញ្ញវត្ថុ​ជា​គោល និង បានពង្រីក​អាជីវកម្ម​ផ្សេងៗ​ទៀត​ដូចជា​អចលនទ្រព្យ ការការពារ​បរិស្ថាន ថាមពល​ស្អាត ប្រតិបត្តិការ​ពាណិជ្ជកម្ម សណ្ឋាគារ និងទេសចរណ៍ ក៏ដូចជា​ទំនិញប្រើប្រាស់​ផងដែរ​។​

​ក្រុមហ៊ុន HONCHEN CAMBODIA ជា​ក្រុមហ៊ុន​បុត្រ​សម្ព័ន្ធ​របស់​ក្រុមហ៊ុន HONG KONG HONCHEN គ្រុប ដោយមានការគាំទ្រ​ពី​គ្រប់​មជ្ឈដ្ឋាន​ក្នុងប្រទេសកម្ពុជាជាពិសេស គឺ​ការជួយ​ជ្រោមជ្រែង និងលើកទឹកចិត្ត​ពី​គណៈកម្មការ​និយ័ត​ករ​មូល​ប​ត្រ​កម្ពុជា ក្រុមហ៊ុន​បានចាប់ផ្តើម​រៀបចំ​ការចុះបញ្ជី​ជា​ផ្លូវការ ហើយ​ត្រូវបានគេ​រំពឹងថា​ នឹងចូល​ទីផ្សារ​ហ៊ុន​កម្ពុជា​នៅ​ឆមាស​ទី​ពីរ​ឆ្នាំក្រោយ​។​

​ក្រុមហ៊ុន HONCHEN គ្រុប​នៅ​អាស៊ីអាគ្នេយ៍ និង​ក្រុមហ៊ុន​LIXIN គ្រុប​បាន​រួមដៃគ្នាអភិវឌ្ឍន៍​ប្រកបដោយ​ភាព​ច្នៃប្រឌិត​នៃ​អចលនទ្រព្យ​ទេសចរណ៍ PLATINUM COAST ដែល​បានវិនិយោគ​រា ប់​រយ​លាន​ដុល្លារ​អា​មេ​រិក និង​មានទី​តាំ​ងភូមិសាស្ត្រ​ដ៏​ល្អ​។ គម្រោង​នេះ​មាន​ចម្ងាយ​ត្រឹមតែ​ 4 ​នាទី​ ពី​អាកាសយានដ្ឋានខេត្ត​ព្រះសីហនុ ហើយ​នៅជិត​នឹង​រូបសំណាក់​ព្រះ​សិវៈ ដែលជា​កន្លែង​ដ៏​ល្បី​ក្នុង​ការថតរូប​សម្រាប់​បង្ហោះ​លើ​បណ្តាញ​សង្គម​។ នៅ​ជិត​គម្រោង​នេះ ​គឺមានគេហដ្ឋាន និង​ខុន​ដូ​សរុប​ជាង 10​ ពាន់​លាន​យូ​នី​ត​ដូចជា​គម្រោង SNC ក្រុង​លី​ស៊ីន​ព្រះសីហនុ​ថ្មី Prince Edward Reclamation, Cambodia Jockey Club, Yunyang National Forest Park និង​ទីលាន​វាយ​កូន​ហ្គោល 36 រន្ធ សាល​បាញ់កាំភ្លើង​កីឡា​ស៊ី​ហ្គេម​ជាដើម​។​

​មិន​ត្រឹមតែ​ប៉ុណ្ណោះ​គម្រោង​នេះ​ បាន​ប្រើប្រាស់​ធនធាន​ទេសភាព​ធម្មជាតិ​នៃ​ទីក្រុង​ព្រះសីហនុ​ដូចជា ខ្នងភ្នំ សមុទ្រ និង​ឈូង​សមុទ្រ​។ ដោយ​ផ្អែកលើ Nice Castle Hill យើង​នឹង​សាងសង់​រមណីយដ្ឋាន​ទេសចរណ៍​ឆ្នេរសមុទ្រ និង​បង្កើត​រមណីយដ្ឋាន​វីឡា​នៅ​ចង្កេះភ្នំ ចាប់ពី​ខ្នងភ្នំ មក​ឆ្នេរ រហូតដល់​សមុទ្រ យើង​នឹង​បង្កើត​នូវ​រមណីយដ្ឋាន​ដ៏​មហាអស្ចារ្យ​មួយ​សម្រាប់​ខេត្ត​ព្រះសីហនុ​។​

​លោក​ Kevin Hsu​ នាយកប្រតិបត្តិនៃ​ក្រុមហ៊ុន LIXIN Group បាន​សម្តែង​ការអបអរ​សា​ទរ​ទៅ​ក្រុមហ៊ុន HONCHEN CAMBODIA ។ លើសពីនេះទៅទៀត លោក​បានលើកឡើងថា ក្រុមហ៊ុន HONCHEN CAMBODIA គឺជាដៃគូដ៏ស៊ីជម្រៅរបស់ LIXIN Group ក្នុងប្រទេសកម្ពុជា​។​

​ក្រុមហ៊ុន​ទាំងពីរ​ បានរួមគ្នា​វិនិយោគ​លើទឹក​ដី​ដ៏​ស្រស់​សា្អ​ត​នៅ​ខេត្ត​ព្រះសីហនុ ដែលមានទំហំ 50 ហិ​តា មាន​ឈ្មោះថា គម្រោង​ PLATINUM COAST ក្នុង​ខេត្ត ព្រះសីហនុ ដែលជា​ទីក្រុង​កំពង់ផែ​សមុទ្រ​ដ៏​ស្រស់ស្អាត​បំផុត​ក្នុងប្រទេស​កម្ពុជា និង​ជា​មូលដ្ឋាន​វប្បធម៌ ឆ្នេរ​ទេសចរណ៍​ ដែលមាន​ទីតាំង​ស្ថិតនៅក្រុង​លី​ស៊ីន​ព្រះសីហនុ​ថ្មី (Sihanoukville New City of LIXIN) ដែលមាន​ទំហំ 2,500 ហិ​តា​។ គម្រោង PLATINUM COAST ជា​គម្រោង​តែមួយគត់​នៅ​ខេត្ត​ព្រះសីហនុ ដែលមាន​ទីតាំង​ជាប់​ភ្នំ បែរមុខ​ទៅរក​សមុទ្រ និង​មាន​ឆ្នេរសមុទ្រ​។​

​លោក​បានបន្ថែមទៀតថា វាក៏ជាគម្រោង​សម្រាប់លំហែកាយ និងស្នាក់នៅ​ដែលមានគុណភាពខ្ពស់ក្នុងប្រទេសកម្ពុជា និង​មានស្តង់ដារលំដាប់ពិភពលោក​។ នៅ​ឆ្នាំ​ 2023 ការប្រកួត​កីឡា​អាស៊ីអាគ្នេយ៍​របស់​កម្ពុជា ​ក៏​នឹង​ត្រូវបាន​ប្រារព្ធ​ឡើង​នៅក្រុង​លី​ស៊ីន​ព្រះសីហនុ​ថ្មី (Sihanoukville New City of LIXIN) ដែល​ស្ថិតនៅ​មិន​ឆ្ងាយ​ប៉ុន្មាន​ពី PLATINUM COAST ដោយ​គួបផ្សំ​ជាមួយនឹង​ការបើក​ឲ្យ​ប្រើប្រាស់​ផ្លូវ​ល្បឿន​លឿន និង​ការកែលម្អ​ហេដ្ឋារចនាសម្ព័ន្ធ​ទីក្រុង យើងខ្ញុំ​ជឿជាក់ថា ​កម្ពុជា​នឹង​ឈានទៅរក​ការរីកចំរើន​ផ្នែក​ទេសចរណ៍​ថ្មី និង​ឱកាស​ថ្មី​សម្រាប់​ការអភិវឌ្ឍន៍​ក្រោម​ព្រឹត្តិការណ៍​អន្តរជាតិ​មួយ​នៅក្នុង​ឆ្នាំ ​២០២៣​ នេះ។​ ដោយឡែកដោយមាន​ការចូលរួម​ពី​សំណាក់​ភ្ញៀវកិត្តិយស​ទាំងអស់​ញាំង​ឲ្យ​កម្មវិធី​បានបញ្ចប់​ការចុះហត្ថលេខា​ជា​ផ្លូវការ​យ៉ាង​ជោគជ័យ​។​

​ការចុះហត្ថលេខា​នេះ ​បង្ហាញ​យ៉ាង​ខ្លាំងក្លា​ពី​ឥទ្ធិពល​នៃ​ទីផ្សារ​មូល​ប​ត្រ​កម្ពុជា ហើយក៏​ជា​សញ្ញា​មួយ​ ដែល​បញ្ជាក់​ពី​ប្រទេស​កម្ពុជា​នឹង​រៀបចំ​គម្រោង​វប្បធម៌ និង​ទេសចរណ៍​តាម​ឆ្នេរ​សមុទ្រ​លំដាប់​ពិភពលោក – PLATINUM COAST​។ ដោយសារ​គម្រោង PLATINUM COAST នៅ​ជិត​ព្រលានយន្តហោះ ហើយ​ស្ថិតក្នុង​ទីតាំង​ស្នូល​នៃ​ទីក្រុង​ថ្មី​ខេត្ត​ព្រះសីហនុ ក្រុមហ៊ុន HONCHEN CAMBODIA និង​រដ្ឋាភិបាល​កំពុង​សហការគ្នា​រៀបចំ​ផែន​ការដាក់​មជ្ឈមណ្ឌល​ប្រមូលផ្តុំ​ទេសចរណ៍​នៅលើ​ឆ្នេរ PLATINUM ដើម្បី​ផ្តល់នូវ​កន្លែង​ប្រកបដោយ​ផាសុកភាព និង​ងាយស្រួលសម្រាប់​ការកើនឡើង​នៃ​ចំនួន​ភ្ញៀវ​ទេសចរណ៍​អន្តរជាតិ​ក្នុង​ខេត្ត​ព្រះសីហនុ​។ យើង​សង្ឃឹមថា គម្រោង PLATINUM COAST ដែល​ស្ថិតនៅ​ក្រុង​លី​ស៊ីន​ព្រះសីហនុ​ថ្មី ទំហំ 2,500 ហិច​តា នឹង​ក្លាយទៅជា​តំបន់​គោលដៅ​ទេសចរណ៍​ពិភពលោក ហើយ​ការដាក់ឱ្យ​ដំណើរការ​ដោយ​ជោគជ័យ​នៃគម្រោង​PLATINUM COAST គឺជា​ជំហាន​ថ្មី​មួយ​នៅក្នុង​គោលដៅ​កសាង​ទីក្រុង​របស់​លី​ស៊ីន​ព្រះសីហនុ​ថ្មី (Sihanoukville New City of LIXIN)​។​

៥០​ ហិតា​នៃ​រមណីយដ្ឋាន​ដែក​មានឆ្នេរសមុទ្រ​តែមួយគត់​របស់​កម្ពុជា​ សម្ពោធ​ការិយាល័យ​លក់​នៃ​គម្រោង PLATINUM COAST នៅ​រាជធានី​ភ្នំពេញ​ពិតជា​ជោគជ័យ​ណាស់

ក្នុង​ពិធី​ចុះ​បញ្ជី​ចុះ​កិច្ចព្រមព្រៀង​ក៏​ជា​ថ្ងៃ​ដែល​បើក​ដំណើរការការិយាល័យ​លក់​នៃ​គម្រោង PLATINUM COAST នៅ​រាជធានី​ភ្នំពេញ​ផងដែរ ហើយ​មានវត្តមានភ្ញៀវកិត្តិយសជាច្រើនដូចជា​លោក ​Kuy Vat ប្រធាន​ក្រុមហ៊ុន Zillennium Group, លោក​ Kong Jianming ប្រធាន​ក្រុមហ៊ុន Jiayuan Group, លោក ​Alex Yu ប្រធាន​ក្រុមហ៊ុន GCC Group, លោក​ Ricky នាយក​ប្រធាន GCC Group, លោក Xu Feng មកពី​សមាគមន៍​សេដ្ឋកិច្ចពិភពលោក​ខ្សែក្រវ៉ាត់ និង​ផ្លូវ​ សភាពាណិជ្ជកម្ម​ទូទៅ Fu Jian, សភាពាណិជ្ជកម្ម​ចិន​, សហព័ន្ធ​ឧស្សាហកម្ម និង​ពាណិជ្ជកម្ម Zhe Jiang, សភាពាណិជ្ជកម្ម​ទូទៅ Jiang Xi, សភាពាណិជ្ជកម្ម​ទូទៅ​ Liao Ning, សភាពាណិជ្ជកម្ម​ទូទៅ Chuan Yu, សភាពាណិជ្ជកម្ម​ទូទៅ An Hui, សភាពាណិជ្ជកម្ម​ទូទៅ Jiang Su, UNIN TALK, Lanmei Airlines, Yalian News, LM Car និង Blue Midea Cambodia

PLATINUM COAST •​លំនៅឋាន​ដែលមានឆ្នេរសមុទ្រ និងភ្នំ​តែមួយគត់​ក្នុងប្រទេស​កម្ពុជា​

​ គម្រោង​នេះ​មាន​ចម្ងាយ​ត្រឹមតែ​ 4 ​នាទី​ ពី​អាកាសយានដ្ឋានខេត្ត​ព្រះសីហនុ ហើយ​នៅជិត​នឹង​រូបសំណាក់​ព្រះ​សិវៈ ដែលជា​កន្លែង​ដ៏​ល្បី​ក្នុង​ការថតរូប​សម្រាប់​បង្ហោះ​លើ​បណ្តាញ​សង្គម​។ នៅ​ជិត​គម្រោង​នេះ ​គឺមានគេហដ្ឋាន និង​ខុន​ដូ​សរុប​ជាង 10​ ពាន់​លាន​យូ​នី​ត​ដូចជា​គម្រោង SNC ក្រុង​លី​ស៊ីន​ព្រះសីហនុ​ថ្មី Prince Edward Reclamation, Cambodia Jockey Club, Yunyang National Forest Park និង​ទីលាន​វាយ​កូន​ហ្គោល 36 រន្ធ សាល​បាញ់កាំភ្លើង​កីឡា​ស៊ី​ហ្គេម​ជាដើម​។​

PLATINUM COAST •​គោលដៅ​ទេសចរណ៍​ដំបូង​គេ​ក្នុង​ខេត្ត​ព្រះសីហនុ​

​គម្រោង PLATINUM COAST គឺ​សាងសង់​នៅលើ​ខ្នងភ្នំ​ដល់​បាតសមុទ្រ ដែលមានកម្ពស់​ 200​ ម៉ែត្រ ទៅតាមស្ថានភាព​ដី ធនធានធម្មជាតិ​ពី​ខ្នងភ្នំ និង​សមុទ្រ យើង​បានបែងចែក​ទៅជា​ ៧ ​តំបន់​មាន​ទាំង​សមុទ្រមាន​ទាំង​ភ្នំ និង​ឆ្នេរសមុទ្រ​ពីរ​។ តំបន់​ទាំងនោះរួមមាន ៖ តំបន់​កម្សាន្ត​មាត់សមុទ្រ​មាន​ឆ្នេរ​ខ្សាច់​ពណ៌​ផ្កាឈូក តំបន់​លំហែ​មាត់សមុទ្រ​ដ៏​រ៉ូ​មែន​ទិច តំបន់​លំហែ​ផ្តល់​អារម្មណ៍​លំហែ​បែប​ផ្សងព្រេង តំបន់​ពាណិជ្ជកម្ម​ដែល​ទាក់ទង ​និង​ប្រធានបទ​មហាសមុទ្រ​ដ៏​អាថ៌កំបាំងតំបន់​ពាណិជ្ជកម្ម​ស្ថិតនៅ​ចំ​កណ្តាល​រវាង​សមុទ្រ​ និង​ភ្នំ តំបន់​លំហែ​ជ្រលង​ភ្នំ​និង​ព្រៃឈើ​អាថ៌កំបាំង តំបន់​ពាណិជ្ជកម្ម​អន្តរជាតិ​លំដាប់​កំពូល​។ តំបន់​ទាំងនេះ​បាន​ប្រើប្រាស់​គុណប្រយោជន៍​ពី​សណ្ឋាន​ដី​យ៉ាង​ល្អិតល្អន់​បំផុត ហើយ​បាន​បង្កើត​ក្រុម​ចំនួន 10 ជាមួយនឹង​គម្រោង​លំហែកាយ និង​វិស្សមកាល​ពិសេស​ជិត​ 100 ​កន្លែង ដោយ​ភាព​ប៉ិនប្រសប់​តែមួយគត់​។ ដោយ​សារភាព​ទាក់ទាញ និង​ការកម្សាន្ត​គ្រប់​ទីកន្លែង បំពេញ​រាល់​សេវាកម្ម​ផ្សេងៗ ដល់​អតិថិជន យើង​សង្ឃឹមថានឹង​ធ្វើឲ្យ​អតិថិជន​ទទួលបាន​អារម្មណ៍​ពិសេសបែប​ឯកជន និង​ទទួលបាន​សេចក្តីសុខទាំង​ផ្លូវកាយ និង​ផ្លូវចិត្តជាមួយ​កន្លែង​សមរម្យ​សម្រាប់​ការធ្វើដំណើរ​កម្សាន្ត អាជីវកម្ម និង​ការរស់នៅ​។

​ការសាងសង់​ដំណាក់កាល​ទី 1 នៃ​គម្រោង​កំពុងដំណើរការ​យ៉ាង​ពេញទំហឹង វា​ជា​គម្រោង​សាងសង់​លឿន​បំផុត​នៅ​ខេត្ត​ព្រះសីហនុ​ក្នុងឆ្នាំនេះ អគារ​ខុន​ដូ​ក៏ត្រូវ​បានបញ្ចប់​គ្រោង​នៃ​អគារ ហើយក៏​ចាប់ផ្ដើម​ការតុបតែង​ខាងក្នុង និង​ខាងក្រៅ​ផងដែរ​។ គំរូ​វីឡា​ក៏​កំពុងដំណើរការ​យ៉ាង​លឿន​បំផុត ដោយ​យើង​រំពឹងថា នឹងត្រូវ​បានដាក់​ឲ្យ​ដំណើរការ​នាពេល​ចុងឆ្នាំ​ឆាប់ៗ​នេះ​។ ស្រប​ជាមួយគ្នានេះ​ផងដែរ ការ​រចនា​ម៉ូត និងគម្រោង​ឆ្នេរសមុទ្រមុខជា​អាច​ចូលរួមចំណែក​ប្រែក្លាយ​កន្លែង​នេះ​ទៅ ជាទី​តាំង​កម្សាន្ត​ដ៏​អស្ចារ្យ​។​

PLATINUM COAST • Moon Bay ជា​ដំណាក់កាល​ទី ​1 ដែល​អាច​ទទួលភ្ញៀវ​ទេសចរណ៍​អន្តរជាតិ​ដល់​ទៅ​ 100 ​ម៉ឺន​នាក់​

ជាមួយនឹង​ការរីកចម្រើន​ជា​លំដាប់​នៃ​វេទិកា​ទេសចរណ៍​អាស៊ាន ពិធីបុណ្យ​សមុទ្រ​ខេត្ត​ព្រះសីហនុ​និង​កីឡា​ស៊ី​ហ្គេម កំពុង​ដំណើរ​ជា​បន្តបន្ទាប់​នៅ​ប្រទេស​កម្ពុជា​។ កម្ពុជា​នឹងមាន​កំណើន​ភ្ញៀវ​ទេសចរណ៍​យ៉ាងខ្លាំង បន្ទាប់ពី​ជំងឺ​រាតត្បាត ដែល​នឹង​ជំ​រុញឱ្យ​សេដ្ឋកិច្ចកម្ពុជា​

​ងើបឡើង​វិញ​យ៉ាង​ឆាប់រហ័ស​។ PLATINUM COAST​ នឹង​ក្លាយជា​រមណីយដ្ឋាន​ទេសចរណ៍​អាជីវកម្ម​ដែល​នឹង​បញ្ចប់​លឿន​បំផុត​នៅក្នុង​ខេត្ត​ព្រះសីហនុ​ថ្មី​។ គម្រោង​ទីមួយជា Apartment សម្រាកលំហែ​មាន​ទិដ្ឋភាព​សមុទ្រ និង​វីឡា​មើល​សមុទ្រ​លើ​ចង្កេះភ្នំ​មាន​ផ្ទៃដី សរុប​ចំនួន 36.88㎡~93.4㎡ សាងសង់​ជា​ផ្ទះ​អន្តរជាតិ​ធំៗ សម្រាប់​ទទួលភ្ញៀវ​ទេសច​រណ៍ បាន​ប្រមាណ​ចំនួន 100 ម៉ឺន​នាក់​។

PLATINUM COAST • Moon Bay ជា​ដំណាក់កាល​ទី​1 ដែលមាន​ផ្ទះ​វីឡា​មើលឃើញ​ទេសភាពភ្នំ និងសមុទ្រ​

​វីឡា បែប ទំនើប នៅលើ​ចង្កេះភ្នំ​

​វីឡា​បែប​បារាំង​លើ​ចង្កេះភ្នំ​មើលឃើញ​ទេសភាព​សមុទ្រ​

​រង្វាន់​រថយន្ត​ម៉ាក​ Maserati ដែល​មិន​ឆ្លា​ប់​មានពីមុន​

​ដើម្បី​ថ្លែងអំណរគុណ​ដល់​ភ្ញៀវកិត្តិយស​ទាំងអស់​សម្រាប់​ការគាំទ្រ និង​ការស្រលាញ់ ក៏ដូចជា​ការប្តេជ្ញាចិត្ត​របស់ HONCHEN CAMBODIA ចំពោះ​ការសាងសង់​គម្រោង និង​បង្កើត​ទំនុកចិត្ត​ក្នុង​ទីផ្សារ​កម្ពុជា​ទាំងមូល ពួកយើង​បានផ្តល់​រង្វាន់​គិត​ជា​សាច់ប្រាក់​ចំនួន 230,000 ដុល្លារ​អា​មេ​រិក ដែលជា​រថយន្ត​ម៉ាក Maserati ផ្តល់​ទៅ​ដៃគូ​សហការ​ឆ្នើម​របស់ HONCHEN CAMBODIA ។​

The post ពិធីចុះបញ្ជីចុះកិច្ចព្រមព្រៀងក្រុមហ៊ុន HONCHEN និងសម្ពោធអគារតាំងបង្ហាញនៃគម្រោង PLATINUM COAST នៅរាជធានីភ្នំពេញ appeared first on Kampuchea Thmey Daily.