ថ្លែងប្រាប់ កម្ពុជាថ្មី នៅថ្ងៃទី៦ ខែមេសានេះ លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា បានគូសបញ្ជាក់ថា រយៈពេលដែលពិភពលោកទាំងមូលបានផ្ទុះនូវសង្រ្គាមស្ទើរគ្រប់ទិសទី​ គេសង្កេតឃើញថា រាល់គ្រប់មុខទំនិញមិនថាតែរបស់ប្រើប្រាស់ ក្នុងនោះអាហារហូបចុកហាក់កើនឡើងតម្លៃខ្ពស់ផងដែរ។

យ៉ាងណាមិញ ចំពោះប្រទេសកម្ពុជាក៏កំពុងទទួលរងនូវឥទ្ធិពលនេះ តាមរយៈការកើនឡើងនូវរាល់មុខទំនិញទាក់ទងទៅនឹងរបស់របរហូបចុកប្រចាំថ្ងៃនៅលើទីផ្សារខ្លះផងដែរ។

លោក ស្រ៊ុន ពៅ បានបញ្ជាក់ដែរថា សម្រាប់នៅទីផ្សារបច្ចុប្បន្ន សាច់ជ្រូក សាច់មាន់ និងសាច់គោ ហាក់មានតម្លៃខ្ពស់បន្ដិច ប៉ុន្ដែសម្រាប់តម្រូវការ និងការផ្គត់ផ្គង់វិញគឺគ្រប់គ្រាន់ពុំមានសញ្ញាអ្វីគួរឱ្យកត់សម្គាល់នោះឡើយ។

ក្នុងកាលៈទេសៈដ៏លំបាកនេះ លោក ស្រ៊ុន ពៅ អំពាវនាវ និងស្នើសុំចិត្តអាជីវករ កសិករដែលអ្នកចិញ្ចឹមសត្វទាំងអស់ មេត្តាសូមកុំលក់ដំឡើងថ្លៃរាល់មុខទំនិញ ឬផលិតផលណាដែលពុំចាំបាច់ ដើម្បីផ្ដល់ឱកាសដល់អតិថិជនដែលជាអ្នកទទួលទានសាច់ជ្រូក សាច់មាន់ និងសាច់គោ អាចមានលទ្ធភាពគ្រប់គ្រាន់ក្នុងការចំណាយ​ប្រចាំថ្ងៃ។

អាជីវករលក់សាច់ជ្រូក ស្ថិតនៅក្នុងផ្សារអូរឫស្សី រាជធានីភ្នំពេញ បានឱ្យដឹងដែរថា សម្រាប់មុនថ្ងៃបុណ្យចូលឆ្នាំខ្មែរខាងមុខនេះ សាច់ជ្រូកមានតម្លៃកើនឡើងបន្ដិច ពោលគឺសាច់ជ្រូកមានតម្លៃចាប់ពី ២ ៣០០០ពាន់ ទៅដល់ ២ ៥០០០រៀល ក្នុង១គីឡូ ដែលធៀបនឹងប៉ុន្មានខែមុនខុសចន្លោះពី ៣ពាន់រៀល ទៅដល់៥ពាន់រៀល ក្នុង១គីឡូ។

ការកើនឡើងនូវតម្លៃនេះ អាជីវករខាងលើអះអាងថា ​បណ្ដាលមកពីកត្តាច្រើនយ៉ាងដែលក្នុងនោះមាន៖ ការផលិតថ្លៃដើមមានតម្លៃខ្ពស់​ មិនថាចំណីសត្វ ការដឹកជញ្ជូនសុទ្ធតែមានតម្លៃខ្ពស់ដូចគ្នា៕

អត្ថបទ ៖ សួស សិត

The post តម្លៃសាច់ជ្រូកឡើងថ្លៃបន្ដិច ខណៈការផ្គត់ផ្គង់គ្រប់គ្រាន់ appeared first on Kampuchea Thmey Daily.

ការប្រើប្រាស់ ឬបរិភោគដ៏ច្រើនសណ្ធឹកនេះបង្ហាញថា ​សាច់ជ្រូក​ដើរតួនាទីយ៉ាងសំខាន់​ក្នុងអាហារប្រចាំថ្ងៃរបស់ប្រជាជនវៀតណាម និង​មាន​ឥទ្ធិពលខ្លាំង​លើសន្ទស្សន៍ថ្លៃទំនិញប្រើប្រាស់ (CPI) របស់ប្រទេស។

ទិន្នន័យបង្ហាញថា ការប្រើប្រាស់សាច់ជ្រូកក្នុងស្រុកវៀតណាម បានបន្តកើនឡើងជារៀងរាល់ឆ្នាំ​។ នៅឆ្នាំ ២០២១ ​ប្រជាជនវៀតណាម​ម្នាក់ បានបរិភោគសាច់ជ្រូកជាមធ្យមប្រហែល ៣០ គីឡូក្រាម។ អត្រានេះឡើងដល់ ៣៧ គីឡូក្រាម/ម្នាក់ នៅឆ្នាំ ២០២៤ និងជិត ៣៩​ គីឡូក្រាម/ម្នាក់ នៅឆ្នាំ ២០២៥។ ​

បច្ចុប្បន្ន សាច់ជ្រូក​រួមចំណែក​ជាង ៦៣% នៃ​ប្រើប្រាស់សាច់/ផលិតផលសត្វពាហនៈសរុបរបស់វៀតណាម​។ ​

​ខណៈបុណ្យចូលឆ្នាំចិន-វៀតណាមឈានចូលមកដល់ តម្រូវការសាច់ជ្រូកបាន​កើនឡើងប្រហែល ១០-១៥%។ យោងតាមក្រសួងកសិកម្ម និងបរិស្ថានវៀតណាម​ ​ឧស្សាហកម្មចិញ្ចឹមសត្វវៀតណាម​មាន​ការកើនខ្លាំងនៅឆ្នាំមុន ​ដោយ​ផលិតសាច់ជាច្រើនប្រភេទបានចំនួន ៨,៦ លានតោន រួមទាំងសាច់ជ្រូកចំនួន ៥,៤ លានតោន ដែលគ្រប់គ្រាន់ដើម្បីធានាបាននូវការផ្គត់ផ្គង់គ្រប់គ្រាន់សម្រាប់ថ្ងៃឈប់សម្រាកបុណ្យ​ចូលឆ្នាំនៅ​ឆ្នាំនេះ។

លោក Pham Kim Dang អនុប្រធាននាយកដ្ឋានចិញ្ចឹមសត្វ និងពេទ្យសត្វ នៃក្រសួងកសិកម្ម និងបរិស្ថាន បានមាន​ថ្លែងថា តម្រូវការសាច់ជ្រូកមានកម្រិតខ្ពស់ ហើយវៀតណាម​មានការព្រួយបារម្ភអំពីកង្វះខាតការផ្គត់ផ្គង់ដោយសារតែគ្រោះមហន្តរាយធម្មជាតិ និងការផ្ទុះឡើងនៃជំងឺកាលពីឆ្នាំមុន។

ទោះជាយ៉ាងណាក៏ដោយ ចំនួនជ្រូកសរុបបច្ចុប្បន្ននៅតែឈានដល់ ៣១,៤ លានក្បាល ដែលគ្រប់គ្រាន់ទាំងស្រុងដើម្បីបំពេញការផ្គត់ផ្គង់សម្រាប់ថ្ងៃឈប់សម្រាកបុណ្យ​ចូលឆ្នាំ។

បច្ចុប្បន្ន តម្លៃជ្រូករស់នៅលើទីផ្សារ​គឺប្រហែល ៧១​ ០០០-៧៤​ ០០០ ដុង (២,៧៣-២,៨៥ ដុល្លារអាមេរិក)​/គីឡូក្រាម៕

The post វៀតណាមជាប់​លេខ ៤ លើពិភពលោក ជាប្រទេសបរិភោគសាច់ជ្រូកច្រើនជាង​គេ​បំផុត​ appeared first on Kampuchea Thmey Daily.

​លោក ស៊្រុន ពៅ ប្រធានប្រធានសមាគមអ្នកចិញ្ចឹមសត្វកម្ពុជា​បានមានប្រសាសន៍នៅក្នុងសិក្ខាសាលាស្ដីពីការពង្រឹងផលិតកម្មចិញ្ចឹមសត្វនៅកម្ពុជា នៅថ្ងៃទី ៣០ ខែកញ្ញា ​ឆ្នាំ ២០២៥ថា សិក្ខាសាលានេះរៀបចំឡើងក្នុងគោលបំណងចំបង​ដើម្បីធ្វើបច្ចុប្បន្ន​ភាព​ការងារចិញ្ចឹមសត្វ និងពង្រឹងផលិតកម្មចិញ្ចឹមសត្វនៅកម្ពុជាជានិរន្តរ៍ ស្របពេលដែល​សន្ទុះ​របស់​មហាជនក្នុងការគាំទ្រផលិតផល​ ក្នុងប្រទេសកំពុងផុល​ផុសជាខ្លាំង​នាពេលនេះ និងជួយស្វែង​រក​ដំណោះស្រាយប្រកបដោយនិរន្តរភាពលើវិស័យចិញ្ចឹមសត្វដែលនឹងណែនាំបច្ចេកទេស និង​បច្ចេកវិទ្យា​ថ្មីៗសម្រាប់ វិស័យចិញ្ចឹមសត្វផងដែរ។

លោកប្រធានសមាគមបានបន្តថា ការចូលរួមរបស់មន្ត្រីពាក់ព័ន្ធនាពេល​នេះនឹងជួយលើកទឹកចិត្ត​ដល់​សហគ្រិនក្នុងវិស័យចិញ្ចឹមសត្វទាំងមូល ឱ្យកាន់តែមានការខិតខំឡើងថែមទៀត ក្នុងការធ្វើឱ្យ​ប្រសើរឡើង និងឱ្យកាន់តែជឿនលឿនទៅមុខ នៃវិស័យចិញ្ចឹមសត្វនៅកម្ពុជា ដោយផ្តោត​ជា​ពិសេស​លើផលិតកម្មសត្វប្រកបដោយគុណភាព។

​លោកប្រធានសមាគមស្នើឱ្យអ្នកចូលរួមបន្តជួយគាំទ្រសកម្មភាពនានារបស់សមាគមជាបន្តទៀត ដើម្បីធ្វើឱ្យសមាគមអ្នកចិញ្ចឹមសត្វកម្ពុជា ក្លាយជាចលករដ៏ខ្លាំងមួយ ក្នុងការលើកកម្ពស់សុខភាព សុវត្ថិភាពចំណីអាហារ សន្តិសុខស្បៀងជាតិ និងជំរុញវិស័យចិញ្ចឹមស នៅកម្ពុជាឱ្យកាន់តែរឹងមាំ​ប្រកបដោយគុណភាព ដើម្បីចូលរួមកសាង និងពង្រឹងគ្រឹះសេដ្ឋកិច្ចជាតិ ស្របតាមគោល​នយោ​បាយ​អភិវឌ្ឍន៍សេដ្ឋកិច្ចជាតិរបស់រាជរដ្ឋាភិបាល៕​

អត្ថបទ៖សំអឿន

The post ​សមាគមប្ដេជ្ញាពង្រឹង​ផលិតកម្ម​ចិញ្ចឹម​សត្វ​ ដើម្បីឆ្លើយ​តប​ទៅ​នឹង​សន្ទុះ​គាំទ្រ​ផលិតផល​ក្នុង​ស្រុក​ appeared first on Kampuchea Thmey Daily.

​បើតាម​លោក ហួត រ៉ាដែត បច្ចុប្បន្ន កម្ពុជា​មានសមត្ថភាពគ្រប់គ្រានក្នុង​ការ​ផ្គត់ផ្គង់​តម្រូវការ​សាច់​ជ្រូក ដោយ​មិនចាំបាច់​ពឹងផ្អែក​លើ​ការ​នាំចូល​ដូចមុន​ទៀត​ទេ។​

​លោក ស៊្រុន ពៅ ប្រធាន​សមាគមអ្នក​ចិញ្ចឹម​សត្វ​នៅ​កម្ពុជាបាន​ឱ្យ​ដឹងថា៖ «តម្រូវការសាច់ជ្រូក ឃើញ​មាន​កើន​ឡើង ប៉ុន្តែ​តម្លៃអត់​កើន​ទេ ធ្លាក់​ចុះ ដែល​ល្អ​សម្រាប់​អ្នក​ទិញ​យក​ទៅ​ទទួលទាន ប៉ុន្តែ​ប៉ះពាល់​តិចតួច​ដល់​អ្នក​ចិញ្ចឹម»។​

​លោក ស្រ៊ុន ពៅ ​បានឱ្យដឹងថា ​ជ្រូករស់មានតម្លៃ ​៨០០០ រៀល ក្នុងមួយគីឡូក្រាម​ខណៈតម្លៃ​សាច់​ជ្រូក​នៅលើទីផ្សារ​មានតម្លៃក្រោម ២ ម៉ឺនរៀលក្នុងមួយគីឡូក្រាម៕

The post ​តម្រូវការ​សាច់​ជ្រូក​កើន​ឡើង ៣០% ​ក្នុង​ឱកាស​បុណ្យភ្ជុំបិណ្ឌ​ appeared first on Kampuchea Thmey Daily.

លោក ហួត រ៉ាដេត ស្ថាបនិកក្រុមហ៊ុន​ សាច់ជ្រូកជាតិ (អ អេស ហ្វាម) ប្រាប់ កម្ពុជាថ្មី ថាគោលដៅចម្បងគេបង្អស់ក្នុងការបង្កើតក្រុមហ៊ុនសាច់ជ្រូកជាតិ ដើម្បីឱ្យប្រជាពលរដ្ឋខ្មែរ ទទួលសាច់ជ្រូកដែលមានសុវត្ថិភាពខ្ពស់ និងប្រភពច្បាស់លាស់ ដែលបានចិញ្ចឹមដោយកសិដ្ឋានក្នុងស្រុកផ្ទាល់។

លោកថា បច្ចុប្បន្នសាច់ជ្រូកជាតិ ត្រូវបានប្រជាជនខ្មែរនាំគ្នាគាំទ្រយ៉ាងច្រើន ទោះបីជាក្រុមហ៊ុនទើបតែបានបើកដំណើរត្រឹមតែរយៈពេល៦មកក៏ដោយ។ ជាក់ស្ដែង ក្រុមហ៊ុនអាចមានលទ្ធភាពផ្គត់ផ្គង់សាច់ទៅកាន់ទីផ្សារបានចន្លោះពី ៥តោន ទៅ៦តោន ក្នុង១ថ្ងៃ។

ស្ថាបនិករូបនេះ បានបញ្ជាក់ថា សាច់ជ្រូកជាតិ កំពុងបានដាក់លក់នៅលើផ្សារទំនើបមួយចំនួន ហើយក្រៅពីនេះក៏មានសណ្ឋាគារ និងភោជនីយដ្ឋានមួយចំនួនទៀត ក៏បានគាំទ្រផលិតសាច់ជ្រូកជាតិ ដែលមានសុវត្ថិភាពខ្ពស់ បរិភោគទៅមិនប៉ះពាល់ដល់សុខភាព។

ក្រៅពីផ្គត់ផ្គង់សាច់ជ្រូកស្រស់ៗ ទៅកាន់ទីផ្សារ លោក ហួត រ៉ាដេត ក៏មានគម្រោងកែច្នៃសាច់ជ្រូកទាំងនេះ ឱ្យទៅសាច់ក្រក សាច់ប៉ាតេ និងសាច់ចង្កាក់ ដែលមានការត្រួតពិនិត្យតាមស្ដង់ដាត្រឹមត្រូវ សម្រាប់ចែកចាយទៅកាន់ទីផ្សារក្នុងស្រុកឱ្យកាន់តែសម្បូរបែប។

លោក ហួត រ៉ាដែត ក៏សូមលើកទឹកចិត្តប្រជាពលរដ្ឋខ្មែរ និងអាជីវករទាំងអស់ សូមនាំគ្នាជួយគាំទ្រផលិតផលក្នុងស្រុក ពិសេសគឺសាច់ជ្រូកដែលចិញ្ចឹមដោយកសិដ្ឋានក្នុងស្រុកឱ្យបានច្រើន ជៀសវាងបរិភោគសាច់ជ្រូកនាំចូលដែលគ្មានប្រភពច្បាស់លាស់។

សាច់ជ្រូកជាតិ ជាក្រុមហ៊ុនបង្កើតឡើងដោយកូនខ្មែរម្នាក់ ដែលបានបើកដំណើរការតាំងពីឆ្នាំ២០២៤មកម្ល៉េះ។ បច្ចុប្បន្នក្រុមហ៊ុនមានកសិដ្ឋានចិញ្ចឹមជ្រូក និងផ្គត់ផ្គង់សាច់ ស្ថិតនៅឃុំជើងគ្រាវ ស្រុករលាប្អៀរ ខេត្តកំពង់ឆ្នាំង៕

អត្ថបទ ៖ សួស សិត

The post ស្ថាបនិកសាច់ជ្រូកជាតិ គោលដៅធំនៃការបង្កើតក្រុមហ៊ុន ដើម្បីកសាងទំនុកចិត្ត សុវត្ថិភាព​និងប្រភពច្បាស់លាស់ដល់អតិថិជន appeared first on Kampuchea Thmey Daily.

កាលពីថ្ងៃទី៨ ខែឧសភា ឆ្នាំ២០២៥ វេលាម៉ោង១៤៖​៣០នាទី ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក យី យក់សាន នាយការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋានខេត្តបាត់ដំបង បានដឹកនាំកម្លាំងសហការជាមួយកម្លាំងការិយាល័យផលិតកម្ម និងបសុព្យាបាល និងសាខា (ក.ប.ប) ខេត្តបាត់ដំបង ចុះបង្ក្រាបករណីដឹកជញ្ជូនសាច់ជ្រូក ខុសលក្ខណៈបច្ចេកទេស និងគ្មានលិខិតអនុញ្ញាតនាំចូលគ្មានប្រភពច្បាស់លាស់ ស្ថិតនៅចំណុចផ្លូវជាតិលេខ៥ ក្នុងភូមិពុកឆ្មារ ឃុំអន្លង់វិល ស្រុកសង្កែ ខេត្តបាត់ដំបង។ ក្នុងកិច្ចប្រតិបត្តិការនេះ សមត្ថកិច្ចបានឃាត់ឆែកឆេររថយន្តមួយគ្រឿង ម៉ាកស៊ីណា ពណ៌ស ឆ្នាំ២០០៤ ពាក់ផ្លាកលេខ ភ្នំពេញ ២AU -៧៩១៨ រកឃើញសាច់ជ្រូក ទំងន់ ៦០០គីឡូក្រាម។

ក្រោយធ្វើការសាកសួរសមត្ថកិច្ចបានរាយការណ៍ជូនលោក កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង ហើយលោកបានអនុញ្ញាតឱ្យលោក ទុត វីនីត ព្រះរាជអាជ្ញារង ដឹកនាំធ្វើការដុតបំផ្លាញចោលសាច់ជ្រូកខូចគុណភាព ខាងលើនៅទីលានចាក់សម្រាមស្ថិតនៅភូមិអូរមុនី ឃុំអន្លង់វិល ស្រុកសង្កែ ខេត្តបាត់ដំបង៕

The post សមត្ថកិច្ចចម្រុះបង្រ្កាបបានសាច់ជ្រូកគ្មានលិខិតអនុញ្ញាតនាំចូលប្រមាណ ៦០០គីឡូក្រាម យកទៅដុតបំផ្លាញចោល appeared first on Kampuchea Thmey Daily.

ថ្លែងក្នុងកិច្ចសម្ភាសន៍ជាមួយសារព័ត៌មានកម្ពុជាថ្មី លោក ស្រ៊ុន ពៅ បានមានប្រសាសន៍ថា៖ «ក្នុងនាមខ្ញុំជាប្រធានសមាគមអ្នកចិញ្ចឹមសត្វនៅកម្ពុជា សូមសំណូមពរដល់អ្នកចិញ្ចឹមជ្រូក និងអាជីវករលក់សាច់ជ្រូកតាមផ្សារទូទាំងប្រទេស សូមកុំលក់តម្លើងថ្លៃ ដោយលក់ក្នុងតម្លៃថេរ ដើម្បីឱ្យអ្នកទិញ ក៏ដូចជាប្រជាជនខ្មែរទាំងអស់ អាចរីករាយនឹងទទួលយកតម្លៃមួយដែលចាត់ទុកថាសមរម្យ ក្នុងឱកាសបុណ្យចូលឆ្នាំប្រពៃណីខ្មែរ ខាងមុខនេះ»។

ប្រធានស​មាគមរូបនេះ បានបញ្ជាក់ដែរថា ចំពោះអាជីវករលក់សាច់ជ្រូកនៅតាមផ្សារវិញ ប្រសិនបើចង់ឡើងថ្លៃ ក៏អាចឡើងត្រឹមតែបន្ដិចបន្ដួចទៅបានហើយ នេះក៏ព្រោះតែស្ថានភាពសេដ្ឋកិច្ចសព្វថ្ងៃកំពុងតែលំបាក បើបងប្អូនគិតតែចំណេញដូចរៀងរាល់ឆ្នាំ គឺមិនបាននោះទេ។

សម្រាប់តម្លៃជ្រូករស់ នៅពេលបច្ចុប្បន្ននេះ លោក ស្រ៊ុន ពៅ ក៏បានបញ្ជាក់ផងដែរថា ជ្រូករស់នៅលើទីផ្សារមានតម្លៃចាប់ពី ១ ម៉ឺនរៀល ដល់ ១ ម៉ឺន ៥​ រយរៀល ក្នុងមួយគីឡូក្រាម។ ចំណែក សាច់ជ្រូកនៅលើទីផ្សារមានតម្លៃចាប់ពី ១ ម៉ឺន ៨ ពាន់រៀល ទៅ ២ ម៉ឺនរៀល ក្នុងមួយគីឡូក្រាម។

យោងតាមសមាគមអ្នកចិញ្ចឹមសត្វ កម្ពុជាមានតម្រូវការសាច់ជ្រូកប្រមាណ ៩ ពាន់ក្បាល ក្នុងមួយថ្ងៃនៅទូទាំងប្រទេស៕

អត្ថបទ ៖ សួស សិត

The post ប្រធានសមាគម​ អំពាវនាវកុំឱ្យអាជីវករលក់សាច់ជ្រូក ដំឡើងថ្លៃ ក្នុងឱកាសបុណ្យចូលឆ្នាំ appeared first on Kampuchea Thmey Daily.

បើតាមអ្នកនាំពាក្យក្រសួងកសិកម្ម តម្លៃជ្រូករស់ក្នុងរង្វង់១ម៉ឺនរៀលគឺជាតម្លៃសមរម្យ ហើយអ្នកផ្គត់ផ្គង់សាច់ជ្រូកក៏ធ្លាប់បានទទួលប្រាក់ចំណេញច្រើន ក្នុងអំឡុងពេលដែលថ្លៃជ្រូករស់ថយចុះដោយសារមានការចិញ្ចឹមច្រើន។

លោក ឃឹម ហ្វីណង់ បញ្ជាក់ថា ក្នុងករណីថ្លៃជ្រូករស់កើនខ្ពស់លើសពីធម្មតា ក្រសួងនឹងចាត់វិធានការឆ្លើយតបជាក់លាក់ ដូចដែលធ្លាប់បានអនុវត្តលើករណីថ្លៃជ្រូករស់ធ្លាក់ចុះផងដែរ។

អ្នកនាំពាក្យរូបនេះ បន្ថែមទៀតថា៖ «កន្លងមក យើងបានធ្វើកិច្ចការជាច្រើនពាក់ព័ន្ធនឹងការពង្រឹងខ្សែច្រវាក់តម្លៃ និងជួយសម្របសម្រួលផែនការផលិតកម្មឱ្យសមស្របទៅនឹងតម្រូវការទីផ្សារ ខណៈដែលអ្នកផលិតចង់បានថ្លៃខ្ពស់ ហើយអ្នកបរិភោគចង់បានថ្លៃទាប មានតែការរក្សាស្ថេរភាពថ្លៃកសិផលប៉ុណ្ណោះ ដែលអាចការពារផលប្រយោជន៍របស់គ្រប់ភាគីពាក់ព័ន្ធទាំងអស់ និងធានាបាននូវនិរន្តរភាពនៃប្រព័ន្ធស្បៀងអាហាររបស់កម្ពុជា»។

អាជីវករលក់សាច់ជ្រូកក្នុងផ្សារធំថ្មី នៅរាជធានីភ្នំពេញ ប្រាប់កម្ពុជាថ្មីថា តម្លៃជ្រូករស់មានការឡើងថ្លៃបន្ដិច នៅមួយរយៈពេលចុងក្រោយនេះ ធ្វើឱ្យការលក់ដូររបស់ពួកគាត់ មិនសូវចំណេញ។

អាជីវករចង់ឱ្យរដ្ឋាភិបាលបន្តអនុវត្តវិធានការបិទការនាំចូលគ្រឿងក្នុង និងបំណែកសាច់បង្កក ខណៈការចិញ្ចឹមជ្រូកក្នុងស្រុកមានលទ្ធភាពផ្គត់ផ្គត់គ្រប់គ្រាន់។

អាជីវករប្រាប់ថា តម្លៃសាច់ជ្រូកនៅលើទីផ្សារបានឡើងថ្លៃដល់ ២ ម៉ឺនរៀល ក្នុងមួយគីឡូក្រាម។

យោងតាមសមាគមអ្នកចិញ្ចឹមសត្វ កម្ពុជាមានតម្រូវការសាច់ជ្រូកប្រមាណ ៩​០០០ ក្បាលក្នុងមួយថ្ងៃនៅទូទាំងប្រទេស៕

អត្ថបទ៖ សួស សិត

The post តម្លៃជ្រូករស់កើនឡើង តែមិនប៉ះពាល់ប្រាក់ចំណេញរបស់អាជីវករ និងអ្នកបរិភោគ appeared first on Kampuchea Thmey Daily.