សេដ្ឋកិច្ច

តម្រូវការសាច់ជ្រូកកើនឡើង ៣០% ក្នុងឱកាសបុណ្យភ្ជុំបិណ្ឌ

បានផុស

១០ ខែ មុន

នៅ

ថ្ងៃសៅរ៍ ២០ កញ្ញា ២០២៥

ដោយ

លោក ហួត រ៉ាដេត នាយកប្រតិបត្តិក្រុមហ៊ុនសាច់ជ្រូកជាតិ បានប្រាប់ឱ្យដឹងថា តម្រូវការសាច់ជ្រូកក្នុងរដូវបុណ្យភ្ជុំបិណ្ឌ មានការកើនឡើងចន្លោះពី ៣០% ដែលជាទូរទៅ ៩០០០ ក្បាលក្នុងមួយថ្ងៃ ប៉ុន្តែក្នុងឱកាសបុណ្យភ្ជុំនេះ បានឡើងដល់ ១ ម៉ឺនក្បាល ក្នុងមួយថ្ងៃ។ តម្រូវការកើនឡើង ប៉ុន្តែតម្លៃសាច់ជ្រូក មិនមានការកើនឡើងនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ហួត រ៉ាដែត បច្ចុប្បន្ន កម្ពុជាមានសមត្ថភាពគ្រប់គ្រានក្នុងការផ្គត់ផ្គង់តម្រូវការសាច់ជ្រូក ដោយមិនចាំបាច់ពឹងផ្អែកលើការនាំចូលដូចមុនទៀតទេ។

លោក ស៊្រុន ពៅ ប្រធានសមាគមអ្នកចិញ្ចឹមសត្វនៅកម្ពុជាបានឱ្យដឹងថា៖ «តម្រូវការសាច់ជ្រូក ឃើញមានកើនឡើង ប៉ុន្តែតម្លៃអត់កើនទេ ធ្លាក់ចុះ ដែលល្អសម្រាប់អ្នកទិញយកទៅទទួលទាន ប៉ុន្តែប៉ះពាល់តិចតួចដល់អ្នកចិញ្ចឹម»។

លោក ស្រ៊ុន ពៅ បានឱ្យដឹងថា ជ្រូករស់មានតម្លៃ ៨០០០ រៀល ក្នុងមួយគីឡូក្រាមខណៈតម្លៃសាច់ជ្រូកនៅលើទីផ្សារមានតម្លៃក្រោម ២ ម៉ឺនរៀលក្នុងមួយគីឡូក្រាម៕