នៅក្នុងបទបញ្ជាដែលចុះហត្ថលេខាដោយអភិបាលខេត្តលោក Verasak Vichitsangsri កីឡដ្ឋានដែលមានទីតាំងនៅជិតលំនៅដ្ឋានរបស់អភិបាលខេត្តនឹងត្រូវប្រើជាមណ្ឌលថែទាំសម្រាប់ប្រជាជន សាមុតសាខន ។

ទន្ទឹមនោះមនុស្សដែលគ្មានការអនុញ្ញាតត្រូវបានហាមឃាត់មិនឲ្យចូលទៅក្នុងតំបន់នោះ ហើយអ្នករំលោភបំពានត្រូវទទួលការផ្តន្ទាទោសដាក់ពន្ធនាគាររយៈពេលមួយឆ្នាំ ពិន័យជាប្រាក់ ១០០,០០០ បាត ឬត្រូវជាប់ទាំងពីរតែម្ដង ក្រោមច្បាប់ស្តីពីការការពារជំងឺឆ្លង ហើយនឹងជាប់ពន្ធនាគាររយៈពេល ២ ឆ្នាំ ពិន័យជាប្រាក់ចំនួន ៤ ម៉ឺនបាត ឬជាប់ទាំងពីរ ក្រោមអនុក្រឹត្យប្រកាសអាសន្នដើម្បីប្រយុទ្ធប្រឆាំងនឹងជំងឺកូវីដ ១៩ ។

មជ្ឈមណ្ឌលនេះត្រូវបានកំណត់ដើម្បីផ្តល់ការព្យាបាល និងថែទាំអ្នកជំងឺកូវីដ ១៩ ដែលកំពុងសម្រាកព្យាបាល ។

បន្ថែមពីនេះវានឹងត្រូវបានបំពាក់ដោយអង្គភាពរដ្ឋបាល ឡានដឹកទំនិញធុនធ្ងន់ និងប្រព័ន្ធគ្រប់គ្រងកាកសំណល់ដែលបង្កគ្រោះថ្នាក់ដល់ជីវឧស្ម័នជាដើម ។

បទបញ្ជារបស់លោកអភិបាលខេត្តធ្វើឡើង បន្ទាប់ពីការបើកមន្ទីរពេទ្យនៅផ្សារបង្គាដែលជាចំណុចផ្ទុះថ្មីនៃការឆ្លងជំងឺកូវីដ ១៩ ក្នុងចំណោមពលករចំណាកស្រុក ។

ស្របពេលជាមួយនេះគ្រែចំនួន ២០០ នឹងត្រៀមសម្រាប់អ្នកជំងឺកូវីដ ១៩ ដែលមានរោគសញ្ញាស្រាល ។ ចំនួនគ្រែត្រូវបានគេរំពឹងថានឹងកើនឡើងដល់ ៥០០ នាក់នៅដំណាច់ឆ្នាំនេះ ។

គួរបញ្ជាក់ថា ផែនការរបស់អាជ្ញាធរខេត្តក្នុងការបង្កើតមន្ទីរពេទ្យនៅឯសាកលវិទ្យាល័យកីឡាជាតិខេត្ត សាមុតសាខុន និងនៅសួនទឹក Phan Thai Norasing ត្រូវបានជំទាស់ដោយអ្នកស្រុកដែលមានការព្រួយបារម្ភអំពីការរីករាលដាលនៃវីរុសនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ថៃកាន់តែធ្ងន់កហើយ! ឆ្លងមួយថ្ងៃជាងមួយរយនាក់ បាងកកឆ្លង​ច្រើនជាង​គេ

ចុចអាន ៖ វ៉ាក់សាំងកូវីដរបស់ក្រុមហ៊ុន Moderna អាចបណ្តាលឲ្យអ្នកកែសម្ផស្ស ហើមមុខ

The post អាជ្ញាធរខេត្ត សាមុតសាខន សម្រេចយកទីតាំងមួយនេះធ្វើជាមន្ទីរពេទ្យដាក់អ្នកជំងឺកូវីដ appeared first on Kampuchea Thmey Daily.

ក្រសួងឧស្សាហកម្មនិងពាណិជ្ជកម្មរបស់ប្រទេសឡាវបានធ្វើការសម្រេចចិត្តបែបនេះកាលពីថ្ងៃពុធទី២៣ខែធ្នូម្សិលមិញដើម្បីទប់ស្កាត់ការរីករាលដាលនៃវីរុសកូរ៉ូណានៅក្នុងប្រទេស។

វិធានការថ្មីនេះគឺគ្រាន់តែដាក់បណ្តោះអាសន្នប៉ុណ្ណោះហើយនឹងមានប្រសិទ្ធិភាពរហូតដល់ប្រទេសទាំងពីរអាចបញ្ជាក់បានថា ផលិតផលទាំងនោះមានសុវត្ថិភាពនិងគ្មានវីរុសកូរ៉ូណា។

គួរបញ្ជាក់ថា ប្រទេសឡាវបានបង្កើនការយល់ដឹងអំពីស្ថានភាពជំងឺកូវីដ១៩នៅក្នុងប្រទេសថៃនិងបានរៀបចំកន្លែងសម្រាប់ការធ្វើចត្តាឡីស័កចាប់តាំងពីថ្ងៃអង្គារ៕

ប្រែសម្រួលដោយ៖ Vann Vann

ប្រភព៖ The Star

ចុចអាន៖ ខេត្តមួយរបស់ ថៃ អនុញ្ញាតឲ្យរៀបចំពិធីឆ្លងឆ្នាំ មិនខ្លាចកូវីដ

ចុចអាន៖ ថៃ បិទខេត្តចំនួន៤ខណៈស្ថានភាពកូវីដកាន់តែធ្ងន់ធ្ងរ

The post ឡាវ ហាមនាំចូលគ្រឿងសមុទ្រពី ថៃ បន្ទាប់ពីផ្ទុះកូវីដនៅ សាមុត សាខន appeared first on Kampuchea Thmey Daily.

ចំណែកទីប្រឹក្សានៅមជ្ឈមណ្ឌលព្យាករណ៍សេដ្ឋកិច្ចនិងពាណិជ្ជកម្មរបស់សភាពាណិជ្ជកម្មថៃលោក Thanawat Polwichai បាននិយាយថា ការបិទផ្សារអាហារសមុទ្រនៅខេត្ត សាមុត សាខន នឹងធ្វើឲ្យខេត្តនេះខាតបង់ទឹកប្រាក់១ពាន់លានបាត (៣៣,១២០,២៧០ដុល្លារ) ក្នុងមួយថ្ងៃ។

យោងតាមមជ្ឈមណ្ឌលស្រាវជ្រាវ Kasikorn បានឲ្យដឹងថា ការបិទឧស្សាហកម្មអាហារសមុទ្រនៅក្នុងខេត្តនេះ, ការអំពាវនាវឲ្យលុបចោលពិធីជប់លៀងឆ្លងឆ្នាំថ្មីនៅទីក្រុងបាងកកនិងការលុបចោលការធ្វើដំណើរដោយសារតែភាពភ័យខ្លាចវីរុសកូរ៉ូណានឹងធ្វើឲ្យសេដ្ឋកិច្ចខាតបង់ក្នុងទំហំទឹកប្រាក់យ៉ាងតិច៤៥ពាន់លានបាតក្នុងរយៈពេលមួយខែទៀត។

ខេត្ត សាមុត សាខន បានរួមចំណែក៤០ភាគរយលើអាហារសមុទ្ររបស់ប្រទេសថៃ។ ប៉ុន្តែដោយសារតែខេត្តនេះត្រូវបិទរហូតដល់ថ្ងៃទី៣ខែមករា មជ្ឈមណ្ឌលនេះបានប៉ាន់ស្មានថា ឧស្សាហកម្មជលផលនិងអាហារសមុទ្រអាចខាតបង់ក្នុងទំហំទឹកប្រាក់១៣ពាន់លានបាត។

ចំណែកការបញ្ឈប់កម្មវិធីរាប់ថយក្រោយនៃពិធីអបអរឆ្នាំថ្មីក្នុងទីក្រុងបាងកកនិងតំបន់ផ្សេងទៀតពាក់ព័ន្ធនឹងការផ្ទុះឡើងនៃជំងឺកូវីដអាចធ្វើឲ្យសេដ្ឋកិច្ចខាតបង់ក្នុងទំហំទឹកប្រាក់១៥ពាន់លានបាតទៀត។

គេប៉ាន់ស្មានថា ប្រជាជននៅតំបន់ទាំងនេះនឹងចំណាយប្រាក់ប្រហែល១៥ពាន់លានបាតសម្រាប់ពិធីជប់លៀងឆ្លងឆ្នាំថ្មី ទទួលទានអាហារពេលល្ងាចនិងទិញអំណោយផ្សេងៗ។

ឥឡូវនេះ មនុស្សជាច្រើនកំពុងលុបចោលការកក់សណ្ឋាគារដោយសារតែការផ្ទុះករណីថ្មីៗ។ មជ្ឈមណ្ឌលនេះប៉ាន់ស្មានថា ទឹកប្រាក់១៧ពាន់លានបាតឬប្រហែល៣០ភាគរយនៃប្រាក់ចំណូលទេសចរណ៍សរុបក្នុងរយៈពេល១ខែអាចនឹងបាត់បង់៕

ប្រែសម្រួលដោយ៖ Vann Vann

ប្រភព៖ Thaiger

ចុចអាន៖ ករណីផ្ទុះកូវីដនៅ សាមុត សាខន ពេលនេះរាលដាលទៅដល់ ភូកេត

ចុចអាន៖ ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF

The post ខេត្ត សាមុត សាខន ខាតបង់ទឹកប្រាក់មួយថ្ងៃជាង៣៣លានដុល្លារ ដោយសារកូវីដ appeared first on Kampuchea Thmey Daily.

លោកវេជ្ជបណ្ឌិត Thanis Sermkaew ប្រធានការិយាល័យសុខភាពសាធារណៈខេត្តបាននិយាយថា បុរសអាយុ៤០ឆ្នាំរូបនេះគឺជាអ្នកគ្រប់គ្រងក្រុមហ៊ុនមួយ។

នៅថ្ងៃទី១០ខែធ្នូ គាត់បានទៅកោះ Lanta ក្នុងខេត្តក្រាប៊ីដើម្បីជួបជុំមិត្តភក្តិប្រហែល៤០នាក់ដែលក្នុងចំណោមពួកគេ មានម្នាក់មកពីខេត្ត សាមុត សាខន។

នៅថ្ងៃទី១១-១២ខែធ្នូ គាត់បានទាក់ទងជិតស្និទ្ធជាមួយមិត្តភក្តិមកពី សាមុត សាខន ដោយមិនមានពាក់ម៉ាស់ទេ។ ក្រោយមកមិត្តភក្តិរបស់គាត់ត្រូវបានគេរកឃើញថាមានកូវីដ១៩។

គាត់បានវិលត្រឡប់មកភូកេតវិញនៅថ្ងៃទី១៣ខែធ្នូហើយបានទៅធ្វើការនៅថ្ងៃទី១៤ខែធ្នូនិងនៅជួបជុំជាមួយនិយោជិកដោយមិនពាក់ម៉ាស់។ ក្នុងចំណោមនិយោជិកទាំង១៥នាក់ ខ្លះមានពាក់ម៉ាស់និងខ្លះមិនពាក់។

នៅថ្ងៃទី១៦ខែធ្នូ គាត់ឈឺក្បាលនិងដងខ្លួន ឈឺបំពង់កហើយក្អក។

គាត់បានឈប់សម្រាកនៅថ្ងៃទី១៧-១៨ខែធ្នូហើយត្រឡប់ទៅធ្វើការវិញនៅថ្ងៃទី១៩ធ្នូដើម្បីបង្ហើយការងារខ្លះ។ នៅថ្ងៃបន្ទាប់ គាត់ដឹងថា មិត្តរបស់គាត់នៅខេត្តសាមុតសាខនបានឆ្លងជំងឺកូវីដ១៩។ គាត់បានទៅមន្ទីរពេទ្យ Vachira Phuket ដើម្បីធ្វើតេស្ត។ លទ្ធផលកាលពីថ្ងៃអង្គារបានបង្ហាញថា គាត់ក៏មានជំងឺកូវីដដែរ។

លោកវេជ្ជបណ្ឌិត Thanis និយាយថា មនុស្សចំនួន២៨នាក់ក្នុងចំណោមមនុស្សដែលគាត់បានទាក់ទងគឺមានហានិភ័យខ្ពស់នៃការឆ្លងហើយ១០នាក់មានហានិភ័យទាប។ ៣នាក់មានរោគសញ្ញាដូចកូវីដហើយកំពុងត្រូវបានព្យាបាល។ មនុស្ស២៥នាក់ផ្សេងទៀតឥឡូវនេះកំពុងធ្វើចត្តាឡីស័ក។

សាលា Kajonkiet Pattana ដែលកូនរបស់បុរសឆ្លងជំងឺចូលរៀននិងសាលាផ្សេងទៀតនៅក្នុងខ្សែសង្វាក់ដូចគ្នានេះត្រូវបានបញ្ជាឲ្យបិទនៅថ្ងៃពុធនិងថ្ងៃព្រហស្បតិ៍ដោយរង់ចាំលទ្ធផលនៃការធ្វើតេស្តលើកុមារទាំងអស់៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ ថៃ បិទផ្សារមួយទៀតបន្ទាប់ពីមានអ្នកលក់ តេស្តវិជ្ជមានកូវីដ១៩

ចុចអាន៖ លោក ប្រាយុទ្ធ ប្រាប់ឲ្យថៃ ឈប់បន្ធូរបន្ថយលើវិធានការរឹតត្បិតធ្វើដំណើរ

The post ករណីផ្ទុះកូវីដនៅ សាមុត សាខន ពេលនេះរាលដាលទៅដល់ ភូកេត appeared first on Kampuchea Thmey Daily.