ខេត្តមួយរបស់ ថៃ អនុញ្ញាតឲ្យរៀបចំពិធីឆ្លងឆ្នាំ មិនខ្លាចកូវីដ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ខេត្តមួយរបស់ ថៃ អនុញ្ញាតឲ្យរៀបចំពិធីឆ្លងឆ្នាំ មិនខ្លាចកូវីដ

Published

on

ខេត្ត ឈៀងម៉ៃ មានទំនុកចិត្តថា ខ្លួនអាចទប់ស្កាត់ការរីករាលដាលនៃជំងឺកូវីដ១៩បានហើយអះអាងថា ខ្លួននឹងរៀបចំការប្រារព្ធពិធីរាប់ថយក្រោយឆ្លងឆ្នាំថ្មី។

ប្រធានផ្នែកលើកកម្ពស់សុខភាពសាធារណៈក្រុងឈៀងម៉ៃលោក Danai Sarapruek បាននិយាយថា ខេត្តនេះនឹងមិនហាមឃាត់ព្រឹត្តិការណ៍ឆ្លងឆ្នាំថ្មីទេដោយសារតែការធ្វើដូច្នេះនឹងមានផលប៉ះពាល់ផ្នែកសេដ្ឋកិច្ច។

លោក Danai និយាយថា ទោះគ្មានការហាមឃាត់ក៏ដោយ ក៏អ្នករៀបចំការប្រារព្ធពិធីឆ្លងឆ្នាំថ្មីទាំងអស់ត្រូវតម្រូវឲ្យជូនដំណឹងដល់រដ្ឋបាលខេត្តអំពីសកម្មភាពដែលពួកគេគ្រោងនឹងរៀបចំ។ លោកបានបន្ថែមថា ខេត្តមានវិធានការដើម្បីគ្រប់គ្រងវីរុសនេះ។

អ្នកមកពីខេត្ត សាមុត សាខន ដែលជាចំណុចផ្ទុះវីរុសត្រូវតែធ្វើចត្តាឡីស័ករយៈពេល១៤ថ្ងៃនៅពេលពួកគេទៅដល់ឈៀងម៉ៃ។ លោក Danai និយាយទៀតថា មិនមានការធ្វើចត្តាឡីស័កទេសម្រាប់ភ្ញៀវទេសចរមកពីខេត្តផ្សេងទៀត។

ប្រធានមន្ទីរសុខាភិបាលសាធារណៈខេត្តលោក Chatuchai Maneerat ក៏បានអះអាងជាសាធារណៈផងដែរថា គណៈកម្មាធិការប្រយុទ្ធនឹងជំងឺឆ្លងខេត្តឈៀងម៉ៃកំពុងអនុវត្តវិធានការតឹងរ៉ឹងដើម្បីគ្រប់គ្រងការរីករាលដាលនៃជំងឺរាតត្បាតកូវីដ១៩។

គួរបញ្ជាក់ថា ខេត្ត សាមុត សាខន បានអនុវត្តវិធានការត្រួតពិនិត្យជំងឺកាន់តែតឹងរ៉ឹងរហូតដល់ថ្ងៃទី៣ខែមករាឆ្នាំ២០២១។ ផ្សារបង្គានិងអន្តេវាសិកដ្ឋាន Si Muang ត្រូវបានបិទទាំងស្រុង៕

ប្រែសម្រួលដោយ៖ Vann Vann

ប្រភព៖ Bangkok Post

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services