ថៃ បិទផ្សារមួយទៀតបន្ទាប់ពីមានអ្នកលក់ តេស្តវិជ្ជមានកូវីដ១៩

អភិបាលខេត្ត Uttaradit កាលពីថ្ងៃអង្គារម្សិលមិញនេះបានបញ្ជាឲ្យបិទផ្សារ Pha Kanoon ក្នុងខេត្តនេះរយៈពេល៧ថ្ងៃបន្ទាប់ពីករណីឆ្លងជំងឺកូវីដ១៩ត្រូវបានរកឃើញនៅទីនោះកាលពីថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំងឺគឺជាអ្នកលក់គ្រឿងសមុទ្រអាយុ៤៨ឆ្នាំ។ គាត់បានទៅទិញទំនិញនៅផ្សារលក់គ្រឿងសមុទ្រក្នុងខេត្ត សាមុតសាខន ជាកន្លែងដែលករណីឆ្លងកូវីដរាប់រយករណីត្រូវបានរកឃើញនាពេលថ្មីៗនេះ។

ក្រៅពីការបិទ ផ្សារនេះត្រូវបានគេបាញ់ថ្នាំសម្លាប់មេរោគហើយមន្ត្រីមូលដ្ឋានបានដាក់របាំងដើម្បីរារាំងប្រជាជនពីការចូលទៅក្នុងតំបន់ដែលមានហានិភ័យខ្ពស់។

លោកអភិបាលខេត្ត Phol Damtham បាននិយាយថា ផ្សារនេះនឹងត្រូវបើកដំណើរការឡើងវិញប្រសិនបើស្ថានភាពនៅក្នុងខេត្តកាន់តែប្រសើរឡើង។ មនុស្សជាង២០០នាក់ត្រូវបានគេចាត់ទុកថាមានហានិភ័យក្នុងការឆ្លងមេរោគដោយសារទំនាក់ទំនងជាមួយអ្នកលក់គ្រឿងសមុទ្រ។

ទន្ទឹមនឹងនេះដែរ ការិយាល័យតំបន់អប់រំបឋមសិក្សា Uttaradit ទី១បានបិទមណ្ឌលអភិវឌ្ឍន៍កុមារដែលមានទីតាំងនៅជិតផ្សារនោះ។ សាលារៀនខ្លះត្រូវបានបិទជាបណ្តោះអាសន្នដើម្បីសុវត្ថិភាពសិស្សនិងបុគ្គលិក៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ លោក ប្រាយុទ្ធ ប្រាប់ឲ្យថៃ ឈប់បន្ធូរបន្ថយលើវិធានការរឹតត្បិតធ្វើដំណើរ

ចុចអាន៖ មន្ត្រីសុខាភិបាលថៃ ៤នាក់ ឆ្លងកូវីដ​១៩ នៅកន្លែងធ្វើ​ចត្តាឡីស័ក