ថៃ បិទខេត្តចំនួន៤ខណៈស្ថានភាពកូវីដកាន់តែធ្ងន់ធ្ងរ

ខេត្តចំនួនបួនរបស់ប្រទេសថៃដែលកំពុងប្រឈមនឹងហានិភ័យនៃការឆ្លងជំងឺកូវីដ១៩រលកថ្មីត្រូវបានបិទជាផ្លូវការដើម្បីការពារកុំឲ្យមេរោគឆ្លងរាលដាល។

ខេត្តសាមុតសាខន បានបង្កើនវិធានការទប់ស្កាត់ដោយប្រកាសថា ខេត្តនេះជាតំបន់ដាក់នៅដាច់ពីគេចាប់ពីថ្ងៃទី១៩ខែធ្នូដល់ថ្ងៃទី៣ខែមករា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លែងសាធារណៈជាច្រើនដូចជាពហុកីឡាដ្ឋាន សួនសាធារណៈនិងស្ថាប័នអប់រំឥឡូវនេះត្រូវបានបិទរួចទៅហើយ។ ភោជនីយដ្ឋានមានជម្រើសទិញអាហារយកទៅផ្ទះហើយហាងលក់គ្រឿងទេសត្រូវបិទចាប់ពីម៉ោង១០យប់ដល់ម៉ោង៥ព្រឹក។

ខេត្ត សាមុត សុងក្រាម បានប្រកាសបិទកាលពីថ្ងៃពុធរហូតដល់ថ្ងៃទី៤ខែមករាដែលជាហេតុធ្វើឲ្យមានការបិទកន្លែងសាធារណៈនានានិងការលុបចោលនូវពិធីអបអរឆ្លងឆ្នាំថ្មី។

ខេត្ត សាមុត ប្រាកាន ក៏ត្រូវបានបិទផងដែរពោលគឺចាប់ពីថ្ងៃទី២៣ខែធ្នូដល់ថ្ងៃទី៤ខែមករាដោយបិទកន្លែងសាធារណៈនិងលុបចោលរាល់ព្រឹត្តិការណ៍សាធារណៈទាំងអស់។

ទន្ទឹមនឹងនេះ ខេត្តឈៀងម៉ៃបានបិទស្រុកចំនួន៣គឺ Tha Ton, Malika និង Mae Ai៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ ករណីផ្ទុះកូវីដនៅ សាមុត សាខន ពេលនេះរាលដាលដល់ខេត្តចំនួន២២

ចុចអាន៖ ខេត្ត សាមុត សាខន ខាតបង់ទឹកប្រាក់មួយថ្ងៃជាង៣៣លានដុល្លារ ដោយសារកូវីដ