លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជននិងកីឡា បានឱ្យដឹងនៅថ្ងៃទី៥ ខែកុម្ភៈនេះថា សាលារៀនចំនួ៥២ ដែលបន្តបិទទ្វារមិនទាន់អាចដំណើរការសិក្សាបានរួមមាននៅខេត្ត ឧត្តរមានជ័យ ព្រះវិហារ ពោធិ៍សាត់ និងខេត្តបន្ទាយមានជ័យ។ លោកស្រីបញ្ជាក់ថា ៖«សាលារៀនដែលមិនទាន់ដំណើរការឡើងវិញ ដោយសារសាលាទាំងនោះ រងការខូចខាតដោយសារសង្គ្រាម និងមានគ្រាប់យុទ្ធភណ្ឌមិនទាន់ផ្ទុះរាយប៉ាយបណ្តាលមកពីការឈ្លានពានរបស់យោធាថៃមកលើដែនអធិបតេយ្យកម្ពុជា»។

វិធានការចំពោះមុខ ក្នុងការដោះស្រាយការសិក្សាជូនកុមារ និងយុវជនភៀសសឹក ក្រសួងអប់រំ បានបង្កើតសាលារៀនបណ្តោះអាសន្ននៅតាមជំរំ និងរៀនតាមអនឡាញ ដែលនឹងជួយឱ្យពួកគេទទួលបានគុណភាពចំណេះដឹងដ៏ទំនើប និងសម្បូរបែបសម្រាប់ការសិក្សាស្រាវជ្រាវបន្ថែម។

បេសកកម្មនេះ មានគោលបំណងឆ្លើយតបបន្ទាន់ ដើម្បីធានាថាការសិក្សារបស់សិស្សានុសិស្សជាជនភៀសសឹកដែលរងផលប៉ះពាល់ពីជម្លោះព្រំដែន មិនត្រូវបានរអាក់រអួល ឬបោះបង់ចោលឡើយ។ លោកស្រីថា«ក្រសួងអប់រំបានរៀបចំឱ្យមានថ្នាក់រៀនបណ្តោះអាសន្ននៅតាមជំរំភៀសសឹកសម្រាប់កម្រិតមត្តេយ្យសិក្សា និងបឋមសិក្សា និងបានសម្រប សម្រួលឱ្យប្អូនៗភៀសសឹកចូលរៀនតាមសាលារៀនទូទាំងប្រទេសដែលប្អូនៗរស់នៅក្បែរ អាចធ្វើដំណើរទៅរៀនបាន»។

ដោយឡែកពាក់ព័ន្ធជនភៀសសឹកវិញ គិតត្រឹមព្រឹកថ្ងៃទី៤ ខែកុម្ភៈ ឆ្នាំ២០២៦ មានពលរដ្ឋភៀសសឹកចំនួន៦.២២១នាក់បន្ថែមទៀត បានបន្តវិលត្រឡប់ទៅលំនៅឋានវិញ។ ក្នុងចំណោមពលរដ្ឋភៀសសឹកសរុបជាង៦សែន៤ម៉ឺននាក់ មានជាង៥សែន៥ម៉ឺននាក់ ឬជិត៨៥% បានវិលត្រឡប់ទៅលំនៅឋានវិញហើយ។ មានពលរដ្ឋភៀសសឹកចំនួន៩៧.៨៧៨នាក់ទៀត កំពុងបន្តស្នាក់អាស្រ័យតាមជំរំនានា៕

អត្ថបទ៖ សំអឿន

The post សាលារៀន៥២ កន្លែងក្នុងខេត្តចំនួន៤បន្តផ្អាកការសិក្សាដោយសារការឈ្លានពានយោធាថៃមកលើកម្ពុជា appeared first on Kampuchea Thmey Daily.

យុវជន ក៏ដូចជាសិស្សានុសិស្ស បានចូលរួមជាសម្ភារ ស្បៀងអាហារ ក៏ដូចជាចូលរួមសកម្មភាពជាកម្លាំងកាយជួយប្រមែប្រមូល និងរៀបចំឥវ៉ាន់សម្ភារ ដើម្បីវេចខ្ជប់ជូនទៅកាន់ ជនភៀសសឹក និងវីរជនកងទ័ពកម្ពុជា ដែលកំពុងការពារទឹកដីពីការឈ្លានពានរបស់ប្រទេសថៃ។

ក្រុមសិស្សានុសិស្ស លើកឡើងថា ក្នុងគ្រាដែលប្រទេសជាតិកំពុងជួបការឈ្លានពានបែបនេះ ការរួបរួមសាមគ្គីគ្នា គឺជាកម្លាំងដ៏ធំធេង និងសំខាន់បំផុត ដើម្បីតទល់ប្រឆាំងនឹងខ្មាំងសត្រូវ ការពារដែនអធិបតេយ្យភាពទឹកដីកម្ពុជា មិនឲ្យបាត់បង់នោះឡើយ។ ពួកគាត់បានបញ្ជាក់ថា ពួកគាត់ជាទ័ពជួរក្រោយ ដូច្នេះពួកគាត់តស៊ូលះបង់ ដើម្បីលើកទឹកចិត្តដល់បងបង កងព័ទជួរមុខ មិនត្រូវបាក់ទឹកចិត្តឡើយ។

គួរបញ្ជាក់គិតត្រឹមថ្ងៃទី១៦ ខែធ្នូ ឆ្នាំ២០២៥នេះ មានរយៈពេល១០ថ្ងៃហើយ ដែលកងកម្លាំងយោធាប្រទេសថៃ បានបើកការបាញ់ប្រហារឈ្លានពានចូលមកក្នុងដែនអធិបតេយ្យភាពរបស់កម្ពុជាយ៉ាងសាហាវព្រៃផ្សៃបំផុត ដោយបានបំផ្លិចបំផ្លាញហេដ្ឋារចនាសម្ព័ន្ធ ផ្ទះសម្បែងពលរដ្ឋ ,ប្រជាជនជាង៤០ម៉ឺននាក់ត្រូវភៀសសឹក ពិសេសបានសម្លាប់អាយុជីវិតពលរដ្ឋស្លូតត្រង់ជាច្រើនផងដែរ។

ជាមួយគ្នាផងដែរ សម្តេចធិបតី ហ៊ុន ម៉ាណែត បានផ្ដាំផ្ញើរតាមរយៈលោក​ជំទាវ​ ពេជ​ ចន្ទមុន្នី​ ជូនដល់ប្រជាពលរដ្ឋសូម «កម្លាំងសាមគ្គីរវាងរាជរដ្ឋាភិបាល និងប្រជាពលរដ្ឋ» នៅតែបន្តធ្វើ ដើម្បីជួយដល់ជនភៀសសឹក និងជាថាមពលដ៏រឹងមាំសម្រាប់គាំទ្រ និងផ្តល់កម្លាំងចិត្តដល់វីរកងទ័ព ក្នុងគ្រាពេលប្រទេសជាតិ ជួបនឹងសង្រ្គាមឈ្លានពានពីយោធាថៃ៕ អត្ថបទ ៖ សុភា

The post សកម្មភាពជំនួយដ៏ផុលផុសពលរដ្ឋខ្មែរគ្រប់ទិសទី បន្តផ្តល់ទៅកាន់សមរភូមិមុខ និងជនភៀសសឹក ពីការឈ្លានពាន appeared first on Kampuchea Thmey Daily.

បន្ទាប់ពីមានហេតុការណ៍បាញ់ប្រហាពីសំណាក់ក្រុមទាហានសៀមមកលើកម្ពុជាមុន កាលពីថ្ងៃទី0៧ ខែធ្នូឆ្នាំ២០២៥ កន្លងទៅថ្មីៗនេះ។ ជាក់ស្ដែង ក្រោយការអត់ធ្មត់រយះពេល២៤ម៉ោង កម្ពុជាបានប្រើសិទ្ធការពារខ្លួនបាញ់តបតទៅវិញផងដែរ។

ព្រឹត្តិការណ៍នេះបានធ្វើឱ្យប្រជាពលខ្មែរគ្រប់រូបមានការឈឺចាប់ ហើយបានប្រែក្លាយពីការឈឺចាប់ទៅជាកម្លាំងសាមគ្គីគ្នាជាធ្លុងមួយ រួមទាំងមន្រ្តីរាជកាព្រះសង្ឃប្រជាពលរដ្ឋសិស្សានុសិស្ស បានចំណាយថវិកាផ្ទាល់ខ្លួន ឯមួយចំណែកទៀតបានរៃអង្គាសគ្នាទិញសម្ភារៈ និងគ្រឿងឧបភោគបរិភោគឧបត្ថម្ភទៅដល់ជនភៀសសឹកក៏ដូចជាវីរកងទ័ព ដែលបានភៀសខ្លួនចេញពីតំបន់ក្ដៅដោយឈ្លានពានមកលើដែនអធិបតេយ្យភាពរបស់ប្រទេសកម្ពុជា។

ជាមួយគ្នានេះ នៅថ្ងៃទី១៣ ខែធ្នូ ឆ្នាំ២០២៥នេះ យុវជនខ្មែរក៏ដូចជាសិស្សានុសិស្ស នៅខេត្តមណ្ឌលគិរីបានស្នើឱ្យអន្តរជាតិ ដាក់ទណ្ឌកម្ម និងថ្កោលទោសទៅលើប្រទេសថៃ ដែលរំលោភទៅលើកិច្ចព្រមព្រៀង បទឈប់បាញ់មកលើប្រទេសកម្ពុជា៕

អត្ថបទ៖ រៀម សុខហេង

The post សិស្សានុសិស្សខេត្តមណ្ឌលគិរី ស្នើឱ្យអន្តរជាតិដាក់ទណ្ឌកម្ម និងថ្កោលទោសប្រទេសថៃឈ្លានពានកម្ពុជា appeared first on Kampuchea Thmey Daily.

ពាក្យស្លោកទាំងនេះ ដើម្បីពញ្ញាក់ស្មារតីទៅកាន់មាតាបិតា អាណាព្យាបាលសិស្ស ត្រូវបញ្ជូនកូនៗរបស់ពួកគេទៅកាន់សាលារៀន ដើម្បីទទួលបានការបណ្តុះបណ្តាល និងអប់រំ សម្រាប់កសាងអនាគត។

ពិធីបើកបវេសនកាល រៀបចំឡើងនៅ សាលាបឋមសិក្សាទៀមលើ ស្ថិតនៅភូមិទៀមលើ ឃុំកាចូន ស្រុក វើនសៃ ដោយមានការចូលរួមពី អនុប្រធានអប់រំ ការិយាល័យ អប់រំនិងកីឡា ស្រុក មេឃុំកាចូន លោកគ្រូ អ្នកគ្រូ មកពីមត្តេយ្យសិក្សាភូមិ សាលាបឋមសិក្សា អនុវិទ្យាល័យ គណៈកម្មការសាលា និងម្ចាស់ជំនួយសរុបប្រមាណ ១០០ នាក់ ។

នាឱកាសនេះ លោក សុខ ឯម អនុប្រធានការិយាល័យអប់រំស្រុក បានផ្តាំផ្ញើទៅលោកគ្រូ អ្នកគ្រូ ត្រូវខិតខំបង្រៀនកូនសិស្សឱ្យបានល្អប្រសើរ ដើម្បីឱ្យពួកគេមានចំណេះជំនាញតាំងពីតូច និងជាទំពាំងស្នងឬស្សីសម្រាប់សង្គមជាតិ។ ទន្ទឹមនេះដែរ លោកអំពាវនាវដល់ មាតាបិតា ឬអាណាព្យាបាល ជួយណែនាំកូនៗរបស់ខ្លួនឱ្យមកសាលាដើម្បីទទួលបានការអ​ប់រំ។

លោក ខាំ កាប៊ីន មេឃុំកាចូន បានលើកទឹកចិត្តដល់សិស្សានុសិស្សទាំងអស់ឱ្យខិតខំប្រឹងប្រែងរៀនសូត្រដើម្បីអនាគតខ្លួនឯង ក្រុមគ្រួសារ និងសង្គមជាតិ។ លោកក៏បានជំរុញដល់មាតាបិតា អាណាព្យាបាលសិស្ស ត្រូវជួយបង្រៀនកូនៗ និងតាមដានការសិក្សារបស់ពួកគេ។ លោកបញ្ជាក់ថា៖« ចំណេះវិជ្ជាមានសារសំខាន់សម្រាប់កសាងអនាគត មានការងារធ្វើ ចៀសវាងឈប់រៀន ឬធ្វើជាក្មេងទំនើង នាំឱ្យខូចអនាគត»។បន្ថែមពីនេះ លោកក៏ផ្តាំផ្ញើដល់សិស្សានុសិស្សកុំបរិភោគ​ភេសជ្ជៈផ្អែមខ្លាំង ឬប៉ូវកម្លាំង ដែលនាំប៉ះពាល់ដល់សុខភាព និងកើតជម្ងឺផ្សេងៗ។

លោកបានរំលឹកថា បច្ចុប្បន្នពលរដ្ឋកម្ពុជារស់នៅក្រោមម្លប់សន្តិភាពគួរចាប់យកឱកាសសិក្សា ព្រោះមានសាលារៀននៅជិតផ្ទះ និងគ្រូបង្រៀន ចាំជួយតម្រង់ទិស ខណៈប្រៀបធៀបពីមុនវិញ មិនសូវមានសាលារៀន ហើយធ្វើដំណើរឆ្ងាយទម្រាំដល់សាលា។

ចំណែកលោក សូម ម៉ៅ នាយកសាលាបឋមសិក្សាទៀមលើ អះអាងថា នឹងបន្តអភិវឌ្ឍហេដ្ឋារចនាសម្ព័ន្ធសាលារៀន ដើម្បីឱ្យក្មេងៗជំនាន់ក្រោយទទួលបានការអប់រំខ្ពស់ក្លាយជាយុវជនគំរូ។ ទន្ទឹមនេះ លោកក៏មិនភ្លេចរំលឹកឱ្យសិស្សា​នុសិស្សខំប្រឹងតស៊ូរៀនត្រូវដោយខ្លួនឯងផងដែរ៕

ដោយ៖ ខៀវ ចាប

The post ការបញ្ជូនកូនទៅសាលារៀន គឺជាការសន្សំទ្រព្យទុកឱ្យកូនៗដ៏ប្រសើរបំផុតសម្រាប់អនាគត appeared first on Kampuchea Thmey Daily.

ការ​លើក​ឡើង​នេះ ក្នុង​ពិធី​ជួប​សំណេះសំណាល​ជាមួយ​សិស្ស​ជ័យលាភី​ប្រឡង​សញ្ញាបត្រ​មធ្យម​សិក្សា​ទុតិយភូមិ ឆ្នាំ​សិក្សា ២០២៤-២០២៥ ទូទាំង​ខេត្ត​កំពត និង​ផ្ដល់​រង្វាន់​ជូន​សិស្ស​ប្រឡង​ជាប់​និទ្ទេស A ទាំង ៨៩ នាក់ ដែល​បាន​រៀបចំ​ធ្វើ​នៅ​បរិវេណ​ពហុ​កីឡដ្ឋាន​ខេត្ត​កំពត កាលពី​ថ្ងៃ​ទី ១៨ ខែ​តុលា ឆ្នាំ ២០២៥ ម្សិលមិញ។

នា​ឱកាស​នោះ លោក​ឧបនាយករដ្ឋមន្ត្រី សាយ សំអាល់ បាន​លើកទឹកចិត្ត​ដល់​យុវជន និង​សិស្សានុ​សិស្ស ពិសេស​អ្នក​រៀន​មិន​សូវ​ពូកែ សូម​កុំអាល​អស់​សង្ឃឹម ត្រូវ​បន្ត​ប្រឹងប្រែង​រៀន​សូត្រ​ជាប្រចាំ និង​អភិវឌ្ឍន៍​សមត្ថភាព​ជានិច្ច ទាំង​ជំនាញ​ក្នុង​សាលា ចំណេះដឹង បំណិត​ជីវិត​ក្នុង​សង្គម ដើម្បី​ចូលរួម​កសាង​ស្រុកទេស​ឲ្យ​រីកចម្រើន​គង់វង្ស​ត​ជំនាន់​រហូត​ទៅ។

លោក​បណ្ឌិត ប៉ែន ស៊ីម៉ន អ្នក​តំណាងរាស្ត្រ​មណ្ឌល​កំពត និង​ជា​ប្រធាន​ក្រុម​ការងារ​គណបក្ស​ប្រជាជន​ចុះ​មូលដ្ឋាន​ខេត្ត​កំពត លើក​ឡើង​ដែរ​ថា នៅ​ក្នុង​សម័យកាល​ណា​ក៏ដោយ ការ​សិក្សា​អប់រំ បង្កើត​ធនធាន​មនុស្ស ជា​ការងារ​សំខាន់​បំផុត​សម្រាប់​ប្រទេស​ជាតិ​មួយ ព្រោះ​មាន​តែ​ចំណេះវិជ្ជា​ទេ ដែល​អាច​ជួយ​ស្រោចស្រង់​កសាង​ប្រទេស​ឲ្យ​គង់វង្ស​រុងរឿង​បាន។

លោក ម៉ៅ ធនិន អភិបាល​ខេត្ត​កំពត បញ្ជាក់​ថា សម្រាប់​លទ្ធផល នៃ​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ សម័យ​ប្រឡង ២៨ សីហា ឆ្នាំ ២០២៥ ខេត្ត​កំពត មាន​សិស្ស​ប្រឡង​ជាប់​សរុប ចំនួន ៤.៦៩៨ នាក់ ស្រី ២.៧២៥ នាក់ ស្នើ ៩០.៨៥%។ ក្នុង​នោះ សិស្ស​ទទួល​បាន​និទ្ទេស A មាន​ចំនួន ៨៩ នាក់ កើន​ឡើង​ជាង​ឆ្នាំមុន ១១ នាក់ (​និទ្ទេស A ទទួល​បាន​ម៉ូតូ ១ គ្រឿង ថវិកា ៤០ ម៉ឺន​រៀល និង​ឱកាស​ទទួល​បាន​កញ្ចប់​អាហារូបករណ៍​នៅ​ថ្នាក់​ឧត្ដមសិក្សា)៕

អត្ថបទ ៖ សឹង រ៉ាត់

The post លោក សាយ សំអាល់ ៖ «ការងារអប់រំជាកិច្ចការងារមួយសំខាន់មិនអាចខ្វះបាន ហើយអនាគតកម្ពុជាត្រូវពឹងលើវិស័យអប់រំនេះ» appeared first on Kampuchea Thmey Daily.

ថ្លែង​ក្នុង​ពិធី​ប្រគល់​សញ្ញាបត្រ​មធ្យមសិក្សា​បឋមភូមិ និង​សញ្ញាបត្រ​មធ្យមសិក្សា​ទុតិយភូមិ​ប្រចាំឆ្នាំ​សិក្សា ២០២៤-២០២៥ នៃ​សាលា​អន្តរជាតិ​ទ្រូ​វី​ហ្សិ​ន​កម្ពុជា​ កាលពី​រសៀល​ថ្ងៃទី​ ២៦ ​កក្កដា ​លោក​ឧបនាយករដ្ឋមន្ត្រី​ ក៏បាន​ណែនាំ​ឱ្យ​សិស្សានុសិស្ស​ ត្រូវ​ចេះ​ជំនាញ​ថ្មីៗ នៅក្នុង​យុគសម័យ​ឌីជីថល ក្នុងនោះ​រួមមាន ចំណេះដឹង​ផ្នែក​ឌីជីថល ការវាយតម្លៃ​ព័ត៌មាន ការយល់ដឹង​អំពី​សុវត្ថិភាព​តាម​អ៊ីនធឺណិត ការប្រាស្រ័យ​ទាក់ទង​ប្រកបដោយ​ប្រសិទ្ធភាព ជំនាញ​សហការ ការ​ត្រិះរិះ​ពិចារណា និង​ការដោះស្រាយ​បញ្ហា ការ​សរសេរ​កូដ និង​ការគិត​ក្នុងការ​គណនា ការ​សម្រប​ខ្លួន​ទៅនឹង​ការ​ផ្លាស់ប្ដូរ ការយល់ដឹង​ពី​វប្បធម៌​ នៃ​ជាតិ​សាសន៍​ដទៃ​ និង​ការគ្រប់គ្រង​ខ្លួនឯង និង​ការគ្រប់គ្រង​ពេលវេលា។

លោក​ឧបនាយករដ្ឋមន្ត្រី​ បាន​បន្ថែមថា ​ជំនាញ​ជា​មូលដ្ឋាន​ដូច​បាន​រៀបរាប់​នេះ​ នឹង​ផ្តល់​ភាព​អង់អាច​ដល់​ក្មួយៗ ក្នុងការ​រស់នៅ និង​ទាញយក​ប្រយោជន៍​ពី​យុគសម័យ​ឌីជីថល​ប្រកបដោយ​ប្រសិទ្ធភាព ដើម្បី​ក្លាយខ្លួនជា​ពលរដ្ឋ​ឌីជីថល ប្រកបដោយ​ទំនួល​ខុសត្រូវ និង​សមត្ថភាព។

លោក​ឧបនាយករដ្ឋមន្ត្រី បាន​ចូលរួម​អបអរសាទរ​ចំពោះ​សិស្ស​ជ័យលាភី ១៣៧​ នាក់ ដែល​បាន​ខិតខំ​ប្រឹងប្រែង​រៀនសូត្រ​រហូត​បញ្ចប់​ការសិក្សា​សម្រេចបាន​នូវ​ក្តី​ស្រមៃ​របស់ខ្លួន ដោយបាន​គូស​បញ្ជាក់​ថា លទ្ធផល​នា​ថ្ងៃនេះ បាន​ឆ្លុះបញ្ចាំង​ពី​ការ​រួមគ្នា​បណ្តុះបណ្តាល​កុលបុត្រ​កុលធីតា​ដែលជា​ទំពាំង​ស្នង​ឫស្សី និង​ជា​អ្នក​បន្តវេន​ដ៏​មាន​សក្តានុពល​នាពេល​អនាគត​សម្រាប់​ប្រទេសជាតិ​យើង ជាពិសេស​បាន​នាំមក​នូវ​កិត្តិយស មោទនភាព ក្តីរំភើប​រីករាយ និង​ស្នាមញញឹម ជូន​ក្រុមគ្រួសារ​របស់​ក្មួយៗ និង​សូម​លើកទឹកចិត្ត​ក្មួយៗ​ ឱ្យ​បន្ត​ខិតខំ​ប្រឹងប្រែង​រៀនសូត្រ​បន្ថែមទៀត ដើម្បី​ចូលរួម​ចំណែក​អភិវឌ្ឍន៍​សង្គមជាតិ​នា​ពេល​អនាគត។

លោក​ឧបនាយករដ្ឋមន្ត្រី​ សង្ឃឹម​ជឿជាក់​ថា ក្មួយៗ​ ជ័យលាភី​ នាពេលនេះ នឹង​ខិតខំ​បន្ត​អភិវឌ្ឍន៍​សមត្ថភាព​របស់​ខ្លួន​ជាប្រចាំ ដើម្បី​ក្លាយជា​អ្នកដឹកនាំ​បន្តវេន​ប្រកបដោយ​សក្តានុពល និង​ជា​ធនធាន​ដ៏​មានតម្លៃ​សម្រាប់​សង្គមជាតិ​នាពេលខាងមុខ៕

អត្ថបទ ៖ សំអឿន

The post រដ្ឋមន្ត្រីអប់រំ ៖ សិស្សានុសិស្ស ត្រូវអភិវឌ្ឍន៍ជំនាញមូលដ្ឋានឱ្យបានរឹងមាំ ដើម្បីឆ្លើយតបទៅនឹងយុគសម័យឌីជីថល appeared first on Kampuchea Thmey Daily.

ជាក់ស្ដែង​នា​ព្រឹក​ថ្ងៃទី ​០៣ ខែ​មីនា ឆ្នាំ​ ២០២៥ ​នេះ នគរបាល​ខណ្ឌ​ ៧​ មករា ដឹកនាំ​ដោយ​លោក​វរសេនីយ៍ទោ តួ ស៊ី​វ៉ាន់​ធឿន អធិការរង​ទទួល​ផែន​ជំនាញ ប្រឆាំង​បទល្មើស​គ្រឿងញៀន​ សហការ​ជាមួយ​នគរបាល​ការិយាល័យ​ប្រឆាំង​បទល្មើស​គ្រឿងញៀន នៃ​ស្នងការដ្ឋាន​នគរបាល​រាជធានី​ភ្នំពេញ បាន​បន្ត​ការ​ចុះ​បញ្ជ្រាប​ការ​យល់ដឹង​ឱ្យ​កាន់តែ​ទូលំទូលាយ​ដល់​សិស្សានុសិស្ស នា​វិទ្យាល័យ​បាក់​ទូក។

លោក​វរសេនីយ៍ទោ តួ ស៊ី​វ៉ាន់​ធឿន បានឱ្យដឹងថា ការបន្ត​ចុះ​អប់រំ​ផ្សព្វផ្សាយ​នេះ​ធ្វើឡើង ដោយ​អនុវត្ត​តាម​បទបញ្ជា​របស់​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រង​នគរបាល​ជាតិ និង​ជា​ស្នងការ​នគរបាល​រាជធានី​ភ្នំពេញ និង​មានការ​ចង្អុលបង្ហាញ​ពី​លោក​វរសេនីយ៍ទោ ជុន ប៊ុន​ណាន អធិការ​នគរបាល​ខណ្ឌ​ ៧ ​មករា ដែល​ឱ្យ​នគរបាល​ជំនាញ ត្រូវ​ផ្សព្វផ្សាយ​ឱ្យ​បាន​ខ្លាំងក្លា បន្ថែម​លើ​កិច្ច​ការងារ​បង្ក្រាប​របស់​ខ្លួន។

លោក​អធិការរង បាន​បន្ត​ដឹង​ទៀត​ថា ថ្នាក់ដឹកនាំ​បានដាក់​បទបញ្ជា​ឱ្យ​មាន​ការ​ចុះ​ផ្សព្វផ្សាយ​អប់រំ​ឱ្យ​បាន​ច្រើន ទូលំទូលាយ ដើម្បី​បញ្ជ្រាប​ដល់​សិស្សានុសិស្ស ​ក៏ដូចជា​ប្រជាពលរដ្ឋ​យល់ដឹង​ពី​ផល​ប៉ះពាល់​គ្រឿងញៀន ប្រសើរ​ជាង​ការ​ចុះ​បង្ក្រាប​ពាក់ព័ន្ធ​នឹង​បទល្មើស​គ្រឿងញៀន​នេះ។

សិស្សានុសិស្ស យល់ឃើញថា ពួកគាត់​បាន​យល់​ជ្រាប​កាន់តែច្បាស់​ពី​ចំណុច​ដែល​ពួកគាត់​ពុំ​សូវ​បាន​ដឹង​លើ​ផល​ប៉ះពាល់ នៃ​គ្រឿងញៀន បន្ទាប់ពី​បាន​ចូលរួម​ក្នុង​ការ​ស្តាប់​ការ​ពន្យល់​ណែនាំ​របស់​នគរបាល​ជំនាញ​នៅថ្ងៃនេះ។

សិស្សានុសិស្ស បន្ថែម​ថា គ្រឿងញៀន គឺជា​ដើមចម​ចម្បង​បំផុត នៃ​ការ​បំផ្លាញ​ធនធានមនុស្ស គ្រួសារ និង​សង្គមជាតិ​ទាំងមូល។

សូម​បញ្ជាក់​ថា បញ្ហា​គ្រឿងញៀន​នេះ គឺជា​ការងារ​អាទិភាព​ចម្បង​ទី ​០៤ ដែល​រាជរដ្ឋាភិបាល​អាណត្តិ​ទី ​៧ កំពុង​យកចិត្តទុកដាក់​ក្នុងការ​ប្រយុទ្ធប្រឆាំង ដូច្នោះ​ហើយ​អាជ្ញាធរ​ថ្នាក់ក្រោម​ជាតិ ក៏​កំពុង​ខិតខំ​បន្ត​បង្ក្រាប និង​ ដាក់ចេញ​នូវ​យន្តការ​ចុះ​ផ្សព្វផ្សាយ​ជា​បន្តបន្ទាប់​ដល់​ប្រជាពលរដ្ឋ និង​តាម​សាលា និង​វិទ្យាល័យ​ទាំងអស់​នៅក្នុង​មូលដ្ឋាន ដើម្បី​ជា​ការ​ដាស់តឿន និង​ក្រើនរំលឹក​ដល់​សិស្សានុសិស្ស​ដែលជា​ទំពាំង​ស្នង​ឫស្សី ឱ្យ​ជៀស​ឆ្ងាយ​ដាច់ខាត និង​ត្រូវ​និយាយ​ថា​ទេ​ចំពោះ​គ្រឿង​ញៀន៕

អត្ថបទ ៖ សុភា

The post សិស្សានុសិស្ស បន្តទទួលបានចំណេះដឹងកាន់តែច្រើនពីផលប៉ះពាល់គ្រឿងញៀន តាមរយៈការចុះផ្សព្វផ្សាយរបស់អាជ្ញាធរ appeared first on Kampuchea Thmey Daily.

ជាក់ស្ដែង​កាលពី​ថ្ងៃ​ទី ១៨ ខែ​វិច្ឆិកា ឆ្នាំ ២០២៤ ម្សិលមិញ​នេះ ដោយ​អនុវត្ត​តាម​ទិសដៅ​ការងារ​របស់​លោក​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រង កម្លាំង​ប៉ុស្តិ៍​នគរបាល​រដ្ឋបាល​ទំនប់ទឹក នៃ​អធិការដ្ឋាន​នគរបាល​ខណ្ឌ​បឹង​កេងកង សហការ​ជាមួយ​គណៈ​បញ្ជាការ​ឯកភាព​សង្កាត់ ចុះ​ផ្សព្វផ្សាយ​ពី​គោលនយោបាយ​ភូមិ​-​សង្កាត់ មាន​សុវត្ថិភាព ពី​ផល​ប៉ះពាល់ នៃ​ការ​ប្រើប្រាស់​សារធាតុ​ញៀន បញ្ហា​ក្មេង​ទំនើង​ដល់​សិស្សានុសិស្ស​នៅ​សាលាបឋមសិក្សា​ភូមិ ៧ ដើម្បី​ឲ្យ​យល់​ដឹង​ពី​ផល​ប៉ះពាល់ នៃ​គ្រឿងញៀន​ថា គ្រឿងញៀន​ធ្វើ​ឲ្យ​ប៉ះពាល់​សង្គមជាតិ គ្រួសារ និង​ខ្លួនឯង ធ្វើ​ឲ្យ​ខូច​អនាគត ដើម្បី​ឲ្យ​ប្រទេសជាតិ​មាន​ការ​រីកចម្រើន​យុវជន​មិន​ត្រូវ​ប៉ះពាល់​នឹង​គ្រឿងញៀន​នោះ​ឡើយ។ បន្ថែម​ទៀត​នោះ កម្លាំង​នគរបាល​ជំនាញ ក៏បាន​ធ្វើការ​បង្ហាញ​ពី​សកម្មភាព​ក្មេង​ទំនើង យុវជន​ដែល​ធ្លាក់​នៅ​ក្នុង​ចង្កោម​ក្រុម​ក្មេង​ទំនើង​ធ្វើ​ឲ្យ​ប៉ះពាល់​ដល់​សង្គមជាតិ​យ៉ាង​ខ្លាំង និង​មិន​រួច​ពី​សំណាញ់​ច្បាប់​នោះ​ទេ។

សូម​បញ្ជាក់​ថា ក្នុង​អាណត្តិ​ទី ៧ ដែល​ដឹកនាំ​ដោយ សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី ក៏បាន​ដាក់​ចេញ​យន្តការ​នៅ​ក្នុង​យុទ្ធសាស្ត្រ​បញ្ចកោណ​ដំណាក់កាល​ទី ១ គឺ​ត្រូវ​ឲ្យ​អាជ្ញាធរ​បង្កើន​បង្ការ​បង្ក្រាប​ក្មេង​ទំនើង និង​គ្រឿងញៀន ឲ្យ​បាន​ដាច់ខាត ដើម្បី​សង្គម និង​ប្រទេស​ជាតិ​មាន​ការ​រីកចម្រើន​គ្រប់​វិស័យ៕

អត្ថបទ ៖ សុភា

The post អាជ្ញាធររាជធានីភ្នំពេញ តែងចុះផ្សព្វផ្សាយគោលនយោបាយភូមិ-សង្កាត់ មានសុវត្ថិភាព ដល់សិស្សានុសិស្សជាប់ជាប្រចាំ appeared first on Kampuchea Thmey Daily.