ម៉ាញ៉េស្យូមគឺចាំបាច់សម្រាប់សុខភាពស្ត្រី ពីព្រោះវាចូលរួមក្នុងតុល្យភាពអ័រម៉ូន ការការពារឆ្អឹង និងសាច់ដុំ គាំទ្រដល់មុខងារសរសៃឈាមបេះដូង ប្រព័ន្ធសរសៃប្រសាទ និងស្ថេរភាពជាតិស្ករក្នុងឈាម។ ស្ត្រីពេញវ័យត្រូវការម៉ាញ៉េស្យូមប្រហែល ៣១០-៣២០ មីលីក្រាមក្នុងមួយថ្ងៃ។ កង្វះម៉ាញ៉េស្យូមអាចបណ្តាលឲ្យមានបញ្ហាសុខភាពជាច្រើនដូចជា ឈឺក្បាលយូរ គេងមិនលក់ ទល់លាមក រមួលក្រពើ អស់កម្លាំងជាដើម។

ខាងក្រោមនេះជាហេតុផលដែលស្ត្រីច្រើនតែមានកម្រិតម៉ាញ៉េស្យូមទាប។

របបអាហារមិនគ្រប់គ្រាន់

ការញ៉ាំអាហារកែច្នៃគឺជាជម្រើសមួយសម្រាប់មនុស្សដែលមមាញឹក ប៉ុន្តែវាអាចនាំឲ្យមានកង្វះសារធាតុចិញ្ចឹមយ៉ាងងាយស្រួល។ របបអាហារប្រចាំថ្ងៃដែលទទួលទានគ្រាប់ធញ្ញជាតិ និងស្ករចម្រាញ់ច្រើនក៏បង្កើនហានិភ័យនៃកង្វះម៉ាញ៉េស្យូម ដែលប៉ះពាល់ដល់ការស្រូបយកវីតាមីន និងសារធាតុចិញ្ចឹមផ្សេងទៀត។

ថ្នាំពន្យារកំណើតតាមមាត់

ថ្នាំពន្យារកំណើតតាមមាត់អាចកាត់បន្ថយកម្រិតម៉ាញ៉េស្យូមក្នុងឈាមចំពោះស្ត្រីដែលមានអាយុបន្តពូជ។ កង្វះនេះរួមចំណែកដល់ការកើនឡើងនៃភាពតានតឹងអុកស៊ីតកម្ម និងការឆ្លើយតបរលាក ដែលជារឿងមិនល្អជាពិសេសនៅពេលមានផ្ទៃពោះ ដែលជាប់ទាក់ទងនឹងហានិភ័យនៃជំងឺក្រឡាភ្លើង ឬការកើតមិនគ្រប់ខែ។

ជំងឺក្រពះពោះវៀន

ជំងឺដែលមានស្រាប់ដូចជាជំងឺ Celiac ជំងឺ Crohn និងរាគរ៉ាំរ៉ៃអាចរំខានដល់ការស្រូបយកម៉ាញ៉េស្យូមនៅក្នុងពោះវៀន។ ផលិតផលដែលគ្មានជាតិស្អិតមានមាតិកាម៉ាញ៉េស្យូមទាបជាងជម្រើសផ្សេងទៀត ដូច្នេះពួកវាងាយនឹងខ្វះម៉ាញ៉េស្យូម។

ភាពតានតឹងរ៉ាំរ៉ៃ

ភាពតានតឹងយូរអង្វែងបណ្តាលឲ្យរាងកាយប្រើប្រាស់ម៉ាញ៉េស្យូមកាន់តែច្រើនដើម្បីគ្រប់គ្រងអរម៉ូនស្ត្រេសដូចជា cortisol និង adrenalin។ នៅពេលដែលម៉ាញ៉េស្យូមត្រូវបានប្រើសម្រាប់ការឆ្លើយតបស្ត្រេស រាងកាយខ្វះសារធាតុរ៉ែនេះដើម្បីសំយោគ gaba – សារធាតុបញ្ជូនសរសៃប្រសាទដែលជួយធ្វើឲ្យប្រព័ន្ធសរសៃប្រសាទស្ងប់ បង្កើតអារម្មណ៍សម្រាក។ ដូច្នេះ សមត្ថភាពរបស់រាងកាយក្នុងការសម្រាក និងងើបឡើងវិញថយចុះ។

សកម្មភាពរាងកាយខ្លាំង

ស្ត្រីជាច្រើនហាត់ប្រាណជាប្រចាំ ឬហាត់ប្រាណខ្លាំង។ នៅពេលបែកញើសច្រើន រាងកាយបាត់បង់អេឡិចត្រូលីតច្រើន រួមទាំងម៉ាញ៉េស្យូម។ ប្រសិនបើមិនត្រូវបានផ្តល់សំណងគ្រប់គ្រាន់ទេ រាងកាយនឹងខ្វះម៉ាញ៉េស្យូមនៅពេលដែលត្រូវការដើម្បីបន្ធូរសាច់ដុំ និងសរសៃប្រសាទ ដែលងាយនឹងនាំឱ្យរមួលក្រពើ និងអស់កម្លាំង។

ស្ត្រីអាចបំពេញបន្ថែមម៉ាញ៉េស្យូមតាមរយៈរបបអាហារប្រចាំថ្ងៃរបស់ពួកគេ។ អាហារដែលសម្បូរម៉ាញ៉េស្យូមរួមមានបន្លែស្លឹកបៃតងចាស់ដូចជាស្ពៃខ្មៅ ស្ពៃខ្មៅ; គ្រាប់ដូចជាល្ពៅ អាល់ម៉ុន គ្រាប់ chia; ផ្លែបឺរ ចេក សណ្តែកសៀង គ្រាប់ធញ្ញជាតិ ត្រីមានជាតិខ្លាញ់ និងសូកូឡាខ្មៅ។ ការរក្សារបៀបរស់នៅដែលមានសុខភាពល្អ និងការញ៉ាំអាហារចម្រុះក៏ជួយកាត់បន្ថយភាពតានតឹង កំណត់ការឈឺចាប់ និងបង្កើនគុណភាពនៃការគេងផងដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

សារធាតុពុល Cereulide នៅក្នុងម្សៅទឹកដោះគោទារក អាចធ្វើឲ្យក្អួត និងខ្សោយថ្លើម

The post ហេតុអ្វីបានជាស្ត្រី ងាយនឹងខ្វះម៉ាញ៉េស្យូម? appeared first on Kampuchea Thmey Daily.

នារីគ្រប់រូបប្រាថ្នាចង់បានស្បែក ស ភ្លឺ រលោង ក្មេងជាងវ័យ។ ទោះជាយ៉ាងណាក៏ដោយ យូរៗទៅ ស្បែករបស់យើងចៀសមិនផុតពីភាពចាស់ យារធ្លាក់ ជ្រួញ បាត់បង់ភាពតឹងណែន។ល។ ប៉ុន្តែប្រសិនបើយើងដឹងពីរបៀបផ្សំអាហារដែលមានសុខភាពល្អ ជាពិសេសត្រូវប្រើភេសជ្ជៈ ៤ ប្រភេទខាងក្រោមឲ្យបានទៀងទាត់ដើម្បីសម្រស់ស្បែក។

ទឹកប៉េងប៉ោះ៖ ទឹកប៉េងប៉ោះល្អខ្លាំងណាស់ក្នុងការទប់ស្កាត់ភាពចាស់ ព្រោះវាផ្ទុកនូវសារធាតុប្រឆាំងអុកស៊ីតកម្មជាច្រើនដូចជា លីកូពីន វីតាមីន C និងបេតាការ៉ូទីន។ សារធាតុចិញ្ចឹមទាំងនេះជួយបន្សាបរ៉ាឌីកាល់សេរី កាត់បន្ថយភាពតានតឹងអុកស៊ីតកម្ម និងការពារកោសិកាស្បែកពីការបំផ្លាញមុនអាយុ។ ជាពិសេស lycopene ក៏ជួយជំរុញឲ្យរាងកាយផលិត collagen និងដើរតួជាឡេការពារកម្តៅថ្ងៃធម្មជាតិពីខាងក្នុង ជួយការពារភាពជ្រីវជ្រួញ ជើងក្អែក និងកាត់បន្ថយភាពជ្រីវជ្រួញនៃស្បែក។

ទឹកការ៉ុត៖ ទឹកការ៉ុតគឺជាប្រភពដ៏សម្បូរបែបនៃសារធាតុចិញ្ចឹម ដែលអាចជួយកែលម្អ និងពន្លឺនៃស្បែករបស់អ្នកយ៉ាងសំខាន់។ វាសម្បូរទៅដោយវីតាមីន A និង C សារធាតុរ៉ែដូចជាប៉ូតាស្យូម កាល់ស្យូម និងម៉ាញ៉េស្យូម និងអាស៊ីតអាមីណូ ទឹកការ៉ុតជួយផ្តល់សំណើមដល់ស្បែក ជួយបង្កើតកោសិកាឡើងវិញ និងការពារភាពចាស់មុនអាយុ។

ទឹក​ឃិនឆាយ៖ ទឹកឃិនឆាយជា​ភេសជ្ជៈ​ថែរក្សា​សម្រស់​ដែល​ទទួល​បាន​ការ​គាំទ្រ​យ៉ាង​ខ្លាំង។ ភេសជ្ជៈនេះមានផ្ទុកនូវសារធាតុប្រឆាំងអុកស៊ីតកម្មដែលប្រឆាំងនឹងរ៉ាឌីកាល់សេរី និងវីតាមីនដែលជួយសម្រាល និងបង្កើតកោសិកាស្បែកឡើងវិញ ធ្វើឲ្យស្បែករបស់អ្នកមើលទៅភ្លឺថ្លា និងក្មេងជាងវ័យ។

ទឹកស្លឹក spinach៖ ទឹកស្លឹក spinach គឺជាប្រភពដ៏ល្អនៃវីតាមីន និងសារធាតុរ៉ែ ដែលជួយជំរុញការផលិត collagen ដែលជួយរក្សាភាពយឺត និងតឹងនៃស្បែក។ ទឹកផ្លែឈើនេះមានប្រយោជន៍ជាពិសេសសម្រាប់អ្នកដែលកំពុងបង្ហាញសញ្ញានៃភាពចាស់មុនអាយុ។

វិធីផ្សេងទៀតដើម្បីបន្ថយភាពចាស់នៃស្បែកនៅផ្ទះ

បន្ថែមពីលើការប្រើប្រាស់ភេសជ្ជៈជាប្រចាំដែលជួយឲ្យស្បែកស្រស់ស្អាត កុំភ្លេចខាងក្រោមដើម្បីជួយឲ្យស្បែករបស់អ្នកមើលទៅក្មេងជាងវ័យ៖

ម៉ាស្សាមុខនៅផ្ទះ៖ ម៉ាស្សាមុខនៅផ្ទះ ការពារភាពចាស់ កាត់បន្ថយភាពជ្រីវជ្រួញ និងការពារការយារធ្លាក់។ ការម៉ាស្សាមុខនៅផ្ទះគឺសាមញ្ញណាស់ គ្រាន់តែ ១៥ ទៅ ២០ នាទីក្នុងមួយថ្ងៃ នឹងជួយឲ្យស្បែកភ្លឺថ្លា រលោង និងការពារភាពចាស់។

ទទួលទានបន្លែ និងផ្លែឈើពណ៌បៃតងឲ្យបានច្រើន៖ អាហារទាំងនេះមានសារធាតុប្រឆាំងអុកស៊ីតកម្ម វីតាមីន និងសារធាតុរ៉ែជាច្រើន។ ជួយពន្យឺតដំណើរការចាស់តាមបែបធម្មជាតិ។

ធ្វើលំហាត់ប្រាណឲ្យបានទៀងទាត់៖ នេះគឺជាវិធានការមួយដើម្បីជួយឲ្យរាងកាយមានសុខភាពល្អ។ ពេលហាត់ប្រាណបានគ្រប់គ្រាន់ រាងកាយនឹងបែកញើស ដែលនឹងជួយសម្អាតរន្ធញើស និងកាត់បន្ថយមុន និងស្នាមអុចខ្មៅ។

លាបឡេការពារកម្តៅថ្ងៃ៖ នេះមានសារៈសំខាន់ក្នុងការជួយពន្យារភាពចាស់នៃស្បែក។ អ្នកគួរតែលាបឡេការពារកម្តៅថ្ងៃដែលមាន SPF លើសពី ៣០។

អ្វីដែលគួរកត់សំគាល់ក្នុងរបបអាហារប្រឆាំងភាពចាស់?

របប​អាហារ​ប្រឆាំង​ភាព​ចាស់​ត្រូវ​តែ​មាន​ភាព​ចម្រុះ មាន​ជីវជាតិ និង​មាន​តុល្យភាព។ កត្តាសំខាន់ៗរួមមានៈ

ជ្រើសរើសអាហារស្រស់ និងមិនទាន់កែច្នៃ៖ ផ្តល់អាទិភាពដល់បន្លែ ផ្លែឈើ និងគ្រាប់ធញ្ញជាតិ។

ការរៀបចំសាមញ្ញ៖ ចំហុយ ស្ងោរ ចៀសវាងការចៀន ឬដុតនំនៅសីតុណ្ហភាពខ្ពស់។

បង្កើនសារធាតុប្រឆាំងអុកស៊ីតកម្ម៖ ញ៉ាំអាហារសម្បូរវីតាមីន C, E, beta-carotene និងអូមេហ្គា 3s ដើម្បីការពារកោសិកា។

កាត់បន្ថយជាតិស្ករ និងអំបិល៖ កំណត់អាហារកែច្នៃ កាត់បន្ថយការប្រើប្រាស់ជាតិស្ករ និងអំបិល ដើម្បីចៀសវាងការរលាក និងភាពចាស់។

ផឹកទឹកឲ្យបានគ្រប់គ្រាន់ និងបន្ថែមកូឡាជែន៖ ជួយរក្សាសំណើមស្បែក គាំទ្រការបង្កើតឡើងវិញ និងធ្វើឲ្យប្រសើរឡើងនូវភាពយឺត៕

អត្ថបទ៖ សាង ស្រីល័ក្ខ

ចុចអាន៖ អ្នកជំនាញចេញការព្រមាន ក្រោយស្ត្រី​ចិនម្នាក់​ចូល​សង្គ្រោះ​បន្ទាន់ ដោយសារ​ផ្លែគូលេន

The post ភេសជ្ជៈ ៤ ប្រភេទ ជួយស្បែកស្រស់ស្អាត និងការពារភាពចាស់ ដែលស្ត្រីត្រូវតែដឹង appeared first on Kampuchea Thmey Daily.

ខាងក្រោមនេះគឺជាអត្ថប្រយោជន៍ ៤ យ៉ាងនៃការទទួលទានផ្លែទុរេនសម្រាប់ស្ត្រី៖

១. ជំរុញចលនាឈាមរត់ និងកម្ចាត់ជំងឺផ្តាសាយ

ទុរេនមានជាតិក្តៅ ដូច្នេះវាអាចជំរុញចរាចរឈាមនិងកម្ចាត់ជំងឺផ្តាសាយក៏ដូចជាកាត់បន្ថយអាការ ឈឺចាប់ពេលមករដូវចំពោះស្ត្រី។ ទន្ទឹមនឹងនោះ វាក៏អាចធ្វើអោយប្រសើរឡើងនូវភាពត្រជាក់ក្នុងពោះ និងជំរុញការកើនឡើងសីតុណ្ហភាពរាងកាយ ដែលជាប៉ូវកំលាំងដ៏ល្អសម្រាបអ្នកដែលមានជំងឺផ្តាសាយ។

២. ចិញ្ចឹមរាងកាយ

ទុរេនមានជាតិស្ករខ្ពស់ ក៏ដូចជាវីតាមីន ខ្លាញ់ កាល់ស្យូម ជាតិដែក និងផូស្វ័រ អ្នកដែលមានសុខភាពខ្សោយអាចញ៉ាំទុរេនដើម្បីបន្ថែមថាមពល និងសារធាតុចិញ្ចឹមដែលរាងកាយត្រូវការដោយសម្រេច បាននូវប្រសិទ្ធភាពនៃការបំប៉នរាងកាយ។ អ្នកអាចបំប៉នរាងកាយក្រោយជាជំងឺ និងស្ត្រីក្រោយសម្រាលកូន ។

៣. បង្កើនភាពស៊ាំ

អាស៊ីតអាមីណូសម្បូរនៅក្នុងផ្លែធុរេន បន្ថែមពីលើសារធាតុ tryptophan វាក៏ផ្ទុកអាស៊ីតអាមីណូសំខាន់ៗចំនួន ៧សម្រាប់រាងកាយមនុស្សផងដែរ ជាពិសេសអាស៊ីត glutamic ល្អខ្លាំងចំពោះរាងកាយ។ អាស៊ីត glutamic ចូលរួមក្នុងការសំយោគនិងការរំលាយអាហារដែលអាចធ្វើអោយប្រសើរឡើងនូវមុខងារប្រព័ន្ធភាពស៊ាំរបស់រាងកាយគ្រប់គ្រងតុល្យភាពអាស៊ីត របស់រាងកាយនិងធ្វើឲ្យប្រសើរឡើង នូវសមត្ថភាពរបស់រាងកាយក្នុងការសម្របខ្លួនទៅនឹងភាពតានតឹង។

៤. រំញោចចំណង់អាហារ

ថ្វីត្បិតតែរសជាតិប្លែករបស់ធុរេនមានភាពចម្រូងចម្រាសក៏ដោយ ប៉ុន្តែរសជាតិដ៏សម្បូរបែបនេះ ដែលធ្វើឱ្យឥទ្ធិពលចម្បងរបស់ធុរេនគឺបង្កើតចំណង់អាហារនិងជំរុញចំណង់អាហាររបស់មនុស្សមួយចំនួនបាន ៕

ប្រែសម្រួល៖នាងតូច

ប្រភព៖laodong

ចុចអាន៖អត្ថប្រយោជន៍ទទួលបាន បន្ទាប់ពីញ៉ាំសូកូឡាជារៀងរាល់ព្រឹក

The post អត្ថប្រយោជន៍ ៤ យ៉ាងនៃការទទួលទានផ្លែទុរេនសម្រាប់ស្ត្រី appeared first on Kampuchea Thmey Daily.

គ្លីនិកបរទេស Mayo Clinic បានបង្ហាញថា ការធ្លាក់ទឹកចិត្តក្រោយពេលសម្រាលអាចកើតឡើងក្រោយសម្រាលបាន ៣សប្តាហ៍ ឬ មុនសម្រាលទៀត។ រោគសញ្ញាមានដូចជា ពិបាកភ្ជាប់ខ្លួនឯងជាមួយកូន ឆាប់ខឹង ញ៉ាំមិនសូវបានច្រើន អស់កម្លាំងខ្លាំង ពិបាកគេង ផ្តាច់ខ្លួនពីសង្គម អស់សង្ឃឹម និងឆាប់ភ័យ។ ការបាក់ទឹកចិត្តនេះ តែមានគេយល់ច្រឡំថា មានអាការៈស្រដៀងនឹងអាការៈ “Baby Blues” ក្រោយពេលសម្រាល ដែលមានអាការៈដូចជា ពិបាកគេង ទុក្ខព្រួយ ឆាប់ខឹង បញ្ហាថប់បារម្ភ យំ បាត់បង់ចំណង់អាហារជាដើម។ ប៉ុន្តែ “Baby Blues” ជាធម្មតាចាប់ផ្តើមក្នុងរយៈពេល ២ ទៅ ៣ ថ្ងៃដំបូងបន្ទាប់ពីការសម្រាល ហើយអាចមានរយៈពេលរហូតដល់ ២ សប្តាហ៍។

ប្រភពដដែលបានឱ្យដឹងថា មិនមែនត្រឹមតែស្រ្តីប៉ុណ្ណោះទេដែលជួបបញ្ហាបាក់ទឹកចិត្តក្រោយពេលសម្រាលរួច សូម្បីតែជាបុរសដែលជាឪពុកថ្មីថ្មោងក៏អាចកើតនូវជំងឺបាក់ទឹកចិត្តក្រោយសម្រាលដូចគ្នា។ អាការៈដែលពួកគេទទួលបានគឺមិនខុសពីម្តាយឡើយ គេអាចប្រឈមនឹងការគេងមិនលក់ ទុក្ខព្រួយ ឆាប់ខឹង ថប់បារម្ភដូចគ្នា។ កត្តាទាំងអស់នេះអាចកើតលើបុរសណាដែលធ្លាប់បាក់ទឹកចិត្ត បាត់បង់ទំនាក់ទំនង ឬ កំពុងជួបប្រទះបញ្ហាហិរញ្ញវត្ថុ។

ទាំងអស់នេះក៏អាចជះឥទ្ធិពលមិនល្អសម្រាប់ក្រុមគ្រួសារផងដែរ។ ចំណែកអ្នកមួយចំនួនទៀត ពួកគេមិនបានដឹងឡើយថា ពួកគេកើតជំងឺបាក់ទឹកចិត្តនេះ។​ ដូចនេះ មនុស្សគ្រប់រូបគួរយកចិត្តទុកដាក់ តាមដានជាមួយនឹងសុខភាពផ្លូវចិត្តរបស់ខ្លួនឱ្យបានខ្ពស់។

ក្នុងករណីដែលសង្ស័យ គិតថាខ្លួនឯងកំពុងតែមានបញ្ហានោះ ចូលកុំសំងំនៅស្ងៀមអី អ្នកគួរស្វែងរកជំនួយជាបន្ទាន់។ អ្នកអាចរកគ្រូពេទ្យជំនាញលើបញ្ហានេះ ឬ រកមនុស្សដែលជិតស្និទ្ធនិយាយប្រាប់ និងប្រឹក្សាយោបល់ជាមួយពួកគេ ព្រោះបញ្ហានេះមិនអាចទុកចោលដោយមិនអើពើបានឡើយ៕

ដោយ៖ អុន ស្រីមាន

The post ស្រី្តដែលទើបតែសម្រាលកូនរួច មានឱកាសប្រឈមនឹងជំងឺបាក់ទឹកចិត្ត appeared first on Kampuchea Thmey Daily.

​បើ​យោង​តាម​សេចក្តីថ្លែងការណ៍​​ពី​សម្ព័ន្ធ​ស្រាវជ្រាវ​មហារីក​អូវែ (OCRA) ដែល​ជា​ក្រុម​ស្រាវជ្រាវ និង​តស៊ូ​មតិ​មិន​រក​ប្រាក់​កម្រៃ​មាន​មូលដ្ឋាន​នៅ​ទីក្រុង​ញូវយ៉កបានឲ្យដឹងថា ការវះកាត់យកបំពង់ផាឡូបចេញជួយកាត់បន្ថយហានិភ័យនៃជំងឺមហារីកពិតប្រាកដមែន ។

ខណៈជំងឺមហារីកក្រពេញអូវែមិនទាន់មានវិធីព្យាបាលឲ្យជា ទើបយុទ្ធសាស្ត្រការពារជាវិធីល្អបំផុត ហើយយុទ្ធសាស្ត្រការពារនោះគឺតម្រូវឲ្យកាត់បំពង់ផាឡូបចេញ ។

ក្រៅពីបញ្ហាបំពង់ផាឡូប ២០ ភាគរយនៃមូលហេតុដែលបង្កជំងឺនេះគឺបណ្ដាលមកពីហ្សែន អ្នកឯកទេសណែនាំឲ្យស្ត្រីទៅពិនិត្យសុខភាពជារៀងរាល់ឆ្នាំដើម្បីតាមដាននិងពិភាក្សាជាមួយគ្រូពេទ្យពីបញ្ហាខាងលើឲ្យកាន់តែច្បាស់ដោយគ្មានភាពខ្មាស់អៀន ។

គួរបញ្ជាក់ដែរថា បំពង់ផាឡូបជាបំពង់ដែលអូវុលត្រូវឆ្លងកាត់ទៅកាន់ស្បូន ដូច្នេះអ្នកកាត់បំពង់នេះចេញមិនអាចមានកូន ឬពរពោះបានទេ ៕

ប្រែសម្រួល ៖ វារី

ប្រភព ៖ Foxnews

ចុចអាន ៖ ស្រីៗគួរពិនិត្យ ៥ ចំណុចនេះជាប្រចាំ ដើម្បីការពារបញ្ហារោគស្រ្តី

ចុចអាន ៖ ក្លិនទ្វារមាសស្ត្រីមាន ៥ ប្រភេទ បញ្ជាក់ពីស្ថានភាពជំងឺផ្សេងៗគ្នា

The post គ្រូពេទ្យណែនាំស្ត្រីឲ្យកាត់បំពង់ផាឡូប ដើម្បីការពារជំងឺមហារីកក្រពេញអូវែ appeared first on Kampuchea Thmey Daily.

ទ្វារ​មាស​របស់​ស្រី​ៗ​យើង​ងាយ​ឆ្លង​មេរោគ និង​បាក់តេរី​ផ្សេង​ៗ ហេតុ​ដូច្នេះ​ហើយ​ យើង​ចាំបាច់​ត្រូវ​ថែទាំ​តំបន់​ពិសេស​នេះ​ឲ្យ​បាន​ដិតដល់។​ ជាក់ស្ដែង​ កង្វះ​​អនាម័យ​ទ្វារ​មាស អាច​បង្ក​ឲ្យ​កើត​មាន​ការ​រលាក​ទ្វារ​មាស ហើយ​មូលហេតុ​ចម្បង​នៃ​ការ​រលាក​ទ្វារ​មាស​នេះ គឺ​បណ្ដាល​មក​ពី​ការ​ប្រែប្រួល​តុល្យភាព​នៃ​បាក់តេរី​ទ្វារ​មាស​ ឬ​ការ​បង្ក​រោគ។ ជាមួយ​គ្នា​នេះ​ដែរ កម្រិត​អ័រម៉ូន​Estrogen​ធ្លាក់​ចុះ ក្រោយ​ដល់​វ័យ​អស់​រដូវ និង​បញ្ហា​ស្បែក​មួយ​ចំនួន​ ក៏​អាច​ជា​ឫសគល់​នៃ​ការ​បង្ក​រោគ​នៅ​ទ្វារ​មាស ឬ​ការ​រលាក​ទ្វារ​មាស​ដូច​គ្នា។

​

គន្លឹះ​បញ្ចៀស​​ការ​បង្ក​រោគ​នៅ​ទ្វារ​មាស

ពិត​ណាស់​ បែបបទ​រស់នៅ​ប្រចាំ​ថ្ងៃ​ មាន​ឥទ្ធិពល​​យ៉ាង​ខ្លាំង​ចំពោះ​សុខភាព​ទ្វារ​មាស ហើយ​ដើម្បី​ថែទាំ​​ទ្វារ​មាស​ឲ្យ​បាន​ល្អ ស្រី​ៗ​យើង​អាច​អនុវត្តន៍​តាម​វិធីសាស្ត្រ​ខាង​ក្រោម​នេះ៖

• ប្រើ​ទឹក​ក្ដៅ​ឧណ្ហ​ៗ​ ដើម្បី​លាង​សម្អាត​​ប្រដាប់​ភេទ
• ជៀសវាង​ប្រើ​សាប៊ូ​ នៅ​បរិវេណ​ទ្វារ​មាស
• ស្លៀក​សំលៀក​បំពាក់​ដែល​ធ្វើ​ពី​កប្បាស
• បញ្ចូល​បន្លែ​ទៅ​ក្នុង​របប​អាហារ
• កាត់បន្ថយ​ការ​ញ៉ាំ​ជាតិ​កាហ្វេអ៊ីន
• កាត់បន្ថយ​ការ​ញ៉ាំ​អាហារ​ហឹរ​
• ញ៉ាំ​ទឹក​ឲ្យ​បាន​គ្រប់គ្រាន់ និង​ពពួក​ផ្លែឈើ​ដែល​សម្បូរ​​ទៅ​ដោយ​ជាតិ​ទឹក
• បញ្ចូល​ទឹក​ដោះ​គោ​ជូរ​ទៅ​ក្នុង​របប​អាហារ។

អត្ថបទផ្ដល់ដោយ៖ Hello Krupet

ចុចអាន៖៥ ចំណុច ទាក់ទងនឹងដុំសាច់ក្នុងស្បូន ស្រីៗគួរដឹង
​​​

The post ចេញសញ្ញាព្រមានទាំង ៧ នេះ អាចជាការឆ្លងមេរោគទ្វារមាស appeared first on Kampuchea Thmey Daily.

វេជ្ជបណ្ឌិត រ៉ាវុឌ្ឍ សោភារចនា ឯកទេសសម្ភព និងរោគស្ត្រី និង​ជាប្រធានបច្ចេកទេស​គ្លីនិកនៅ​មន្ទីរ​សម្ភពរ៉ូសបកស្រាយពីចង្ងល់ដែលស្រ្តីតែងតែមានការព្រួយបារម្ភពីដុំសាច់ក្នុងស្បូននេះ។​

១. ដុំក្នុងស្បូនអាចបង្កផលវិបាកសុខភាពអ្វីទេ?

ជាធម្មតាដុំសាច់ក្នុងស្បូនជាប្រភេទដុំស្លូត (៩៩%) ដែលមិនវិត្ត​ទៅជាសាច់កាចទេ ប៉ុន្តែ​អាច​ផ្តល់​ផល​ប៉ះពាល់ទៅតាមទំហំ ​និងទីតាំងរបស់ដុំសាច់។ នេះមានន័យថា ពេលខ្លះស្រ្តីអាចអត់មានរោគសញ្ញាអ្វីទាំងអស់​ តែស្រ្តីមួយចំនួនអាចចុកចង្កេះដោយសារទំហំរបស់ដុំសាច់ ពេលខ្លះក៏មករដូវច្រើន ធ្លាក់​ឈាម​ខុស​ប្រក្រតី ឬមករដូវមិនទៀងទាត់។ ស្រ្តីមួយចំនួនអាចស្លេកស្លាំង អស់កម្លាំង ឬល្ហិតល្ហៃជាដើម​ដោយសារ​ការធ្លាក់ឈាមរុំារ៉ៃ ឬមករដូវច្រើន។

២. ដុំសាច់ក្នុងស្បូនអាចប៉ះពាល់ដល់ការមានកូនដែរឬទេ?

ការមានដុំសាច់ក្នុងស្បូនមិនប៉ះពាល់​ដល់ការ​មាន​កូន​ទេ ហើយទោះ​បី​ជា​យើងមានផ្ទៃពោះ​ក៏​មិន​​ប៉ះ​ពាល់ដល់កូនក្នុងផ្ទៃដែរ បើយើង​មាន​ដុំ​តែនៅ​លើ​​សាច់​ដុំ​ស្បូន ហើយដុំសាច់​មិនដុះឈ្លាន​​ដល់​កណ្តាល​ភ្នាសរដូវ។

៣. តើការវះកាត់យកដុំសាច់ក្នុងស្បូនចេញអាចប៉ះពាល់ដល់ការមានកូនដែរឬទេ?

បញ្ហា​នេះ​គឺ​អាស្រ័យលើទីតាំងរប​ស់ដុំសាច់​មុនពេលវះកាត់។ ការវះកាត់អាចប៉ះពាល់ដល់ការមានកូន បើទីតំាង​របស់​ដុំសាច់​នៅភ្នាសរដូវកណ្តាល។ មានន័យថា ជាធម្មតាដុំក្នុងស្បូនដុះនៅតែសាច់ដុំស្បូនទេ តែ​បើ​ដុំក្នុង​ស្បូនដុះឈ្លានដល់​ផ្នែកកណ្តាលភ្នាសរដូវ នៅពេលដែលយើង​វះ​យកដុំចេញ ភ្នាសរដូវអាច​មាន​ការ​ប៉ះពាល់ ហើយផ្ទៃកណ្តាលរបស់ស្បូនអាចត្រូវរំខាន ឬស្អិតចូលគ្នា​ដែលធ្វើឱ្យស្រ្តី​ពិបាកក្នុង​ការ​មាន​កូន ឬពេលមានកូនហើយអាចរលូតកូនទៅវិញ។

ផ្ទុយមកវិញ បើដុំនៅទីតាំងដែលមិនប៉ះពាល់ដល់ភ្នាស ឬស្រទាប់កណ្តាល​​នៃស្បូនទេ គឺមិន​ពាក់ព័ន្ធនឹងការមាន​កូនទេ ដោយសារស្បូនរបស់យើងមានផ្នែក​សំបក (ផ្នែកខាងក្រៅ) ដៃស្បូន សាច់ដុំស្បូន និងស្រទាប់កណ្តាល (ភ្នាសរដូវ) ហើយជាធម្មតា ពេលយើងមានផ្ទៃពោះ កូនរបស់យើងស្ថិតនៅភ្នាសរដូវកណ្តាល។

៤. ដុំក្នុងស្បូនអាចធ្វើរោគវិនិច្ឆ័យតាមរបៀបណាខ្លះ?

យើងអាចដឹងថាមានដុំសាច់ក្នុងស្បូនតាមរយៈ៖

• ការពិនិត្យអេកូតាមទ្វារមាស៖ អាចដឹងពីទំហំ និងទីតំាងដុំសាច់
• ការធ្វើ MRI៖ ដោយសារពេលខ្លះការមើលអេកូអាចច្រឡំ ដូច្នេះយើងត្រូវធ្វើ MRI បន្ថែម​ដើម្បី​បញ្ជាក់​ថាពិតជាដុំក្នុងស្បូន

៥. ដុំសាច់ក្នុងស្បូនអាចការពារបានដែរឬទេ?

ជាទូទៅយើងមិនអាចការពារដុំសាច់ក្នុងស្បូនបានទេ តែយើងអាចកាត់បន្ថយហានិភ៏យ​ក្នុងការ​មាន​ដុំសាច់ក្នុងស្បូនដោយ៖

• រក្សាទម្ងន់​កុំឱ្យឡើងខ្លាំង៖ ដោយសារការធាត់ជាកត្តាជំរុញឱ្យមានការវិរត្តដុំសាច់កាន់តែលឿន និង​មានការហូរឈាមកាន់តែខ្លាំង
• ប្រើប្រាស់ថ្នាំតាមវេជ្ជបញ្ជា៖ យើងគួរចៀសវាងទិញថ្នាំញុំាផ្តេសផ្តាស​ដែលពេលខ្លះអាចប៉ះ​ថ្នាំ​ដែល​មាន​ផ្ទុកអ័រម៉ូនអ៊ឹស្រ្តូសែនដែលជំរុញដល់ការរវិវឌ្ឍដុំសាច់ក្នុងស្បូន

បើដុំសាច់ក្នុងស្បូនមិនមានធ្វើទុក្ខទេ យើងមិនចាំបាច់ធ្វើការព្យាបាលទេ ចៀសវាងទទួល​ការវះ​កាត់​ខុស ឬចំណាយលុយទិញថ្នាំញុំាខុសដែលអាច​បណ្តាលឱ្យខូចក្រពះ។ អ្វីដែលសំខាន់​យើងត្រូវ​ពិនិត្យ​អេកូ​ដើម្បីតាម​ដានការវិវឌ្ឈរបស់ដុំជាប្រចាំតាមការណាត់របស់គ្រូពេទ្យ៕

អត្ថបទផ្ដល់ដោយ៖Hello Krupet

ចុចអាន៖ស្រីៗគួរពិនិត្យ ៥ ចំណុចនេះជាប្រចាំ ដើម្បីការពារបញ្ហារោគស្រ្តី

ចុចអាន៖របបអាហារមានជាតិបាស ជួយកាត់បន្ថយ បញ្ហារលាក និងជំងឺផ្សេងៗ

The post ៥ ចំណុច ទាក់ទងនឹងដុំសាច់ក្នុងស្បូន ស្រីៗគួរដឹង appeared first on Kampuchea Thmey Daily.

លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តី​នៅមន្ទីរពេទ្យ​បង្អែក​មិត្តភាព​កម្ពុជា-ចិន សែនសុខបានលើកឡើងថា​ ស្រីៗយើងដែលស្ថិតក្នុង័យបន្តពូជ​គួរពិនិត្យសុខភាពជាប្រចាំនូវចំណុចដូចខាងក្រោម៖

១. ពិនិត្យអាងត្រគាក

ក្នុងអំឡុងពេលពិនិត្យអាងត្រគាក គ្រូពេទ្យរោគស្ត្រីនឹងពិនិត្យសរីរាង្គបន្ត​ពូជស្រ្តីដូចជា មាត់ទ្វាមាស ទ្វារមាស មាត់ស្បូន និងស្បូន ដើម្បីពិនិត្យមើលការបង្ករោគក្នុង​អាង​ត្រកៀក គីសនៅក្រពេញអូវែ ឬដុំសាច់ក្នុងស្បូន។ ស្រ្តីដែលមានអាយុចាប់ពី ២១ឆ្នាំគួរ​ធ្វើការពិនិត្យអាងត្រគាកជារៀងរាល់ឆ្នាំ។

២. តេស្តកៀរកោសិកាមាត់ស្បូន

ជាធម្មតាស្រីៗដែលមានអាយុ ២១ ទៅ ២៩ឆ្នាំត្រូវធ្វើតេស្តកៀរកោសិកាមាត់​ស្បូន​រៀង​រាល់ ៣ឆ្នាំម្តង ហើយស្រ្តីអាយុ ៣០ ទៅ ៦៥ ឆ្នាំគួរធ្វើតេស្ត ពី៣ ទៅ៥ឆ្នាំម្តង ដើម្បីពិនិត្យ​កោសិកា​នៅក្នុងមាត់ស្បូនថាមានសញ្ញាណាមួយនៃកោសិកា​មហារីក ឬអត់។ ស្រីៗ​ដែល​មានប្រវត្តិគ្រួសារ មានជំងឺមហារីកមាត់ស្បូន ឬរួមភេទដោយមិនបាន​ការពារ​ចាំបាច់​ធ្វើតេស្តនេះណាស់។

៣. តេស្តប្រមេះទឹកបាយ

ការធ្វើតេស្តមើលជំងឺប្រមេះទឹកបាយអាចព្យាបាលជំងឺប្រមេះទឹកបាយទាន់ពេលវេលា និងអាចកាត់បន្ថយការរីករាលដាលនៃជំងឺនេះ​បាន​។ ស្រីៗ​​ដែលរៀបការរួច ឬ​មាន​ដៃគូរួមភេទគួរធ្វើតេស្តនេះរៀងរាល់ឆ្នាំ។

៤. តេស្តជំងឺប្រមេះទឹកថ្លា

ជំងឺប្រមេះទឹកថ្លា គឺជាជំងឺកាមរោគ ឆ្លងតាមរយៈការរួមភេទ។ ស្រីៗដែលរៀបការរួច ឬមាន​ដៃ​គូរួមភេទគួរធ្វើតេស្តនេះរៀងរាល់ឆ្នាំដើម្បីប្រាកដថា យើងមិនបានឆ្លងជំងឺនេះ ឬបើ​ឆ្លង​យើងអាចព្យាបាលទាន់ពេលវេលា។

៥. ពិនិត្យសុដន់

ការ​ពិនិត្យ​សុដន់អាចឱ្យយើង​រក​ឃើញ​កោសិកាមហារីក​សុដន់ និងធ្វើការព្យាបាល​ទាន់​ពេល។ យើងគួរធ្វើការពិនិត្យសុដន់ប្រចាំឆ្នាំ និងធ្វើការត្រួតពិនិត្យសុដន់​ដោយខ្លួនឯង​ជា​ប្រចាំ ពេលងូតទឹក។ ប្រសិនបើយើង​សង្កេតឃើញមាន​ដុំពកជុំវិញ​តំបន់​សុដន់ យើងត្រូវទៅពិគ្រោះជាមួយគ្រូពេទ្យជាបន្ទាន់។

រោគស្រ្តីអាចធ្វើឱ្យស្រ្តីយើងមានបញ្ហាសុខភាពរុំារ៉ៃ អត់កូន មានកូនក្រៅស្បូន ត្រូវ​កាត់​ដៃស្បូន ឬកាត់ស្បូនជាដើម។ ដូច្នេះការពិនិត្យសុខភាព​ជាប្រចាំអាចការពារ​យើង​ពី​ផលវិបាក​ទាំងនេះបាន៕

អត្ថបទផ្ដល់ដោយ៖ Hello Krupet

ចុចអាន៖ចំណាំទុក! ធ្លាក់ស ៥ពណ៌ បញ្ជាក់ពីបញ្ហាសុខភាពរបស់ស្រីៗ

ចុចអាន៖ក្រោយប្រើថ្នាំពន្យារកំណើតបន្ទាន់ មានអាការទាំងនេះ មិនបាច់ភ័យទេ

The post ស្រីៗគួរពិនិត្យ ៥ ចំណុចនេះជាប្រចាំ ដើម្បីការពារបញ្ហារោគស្រ្តី appeared first on Kampuchea Thmey Daily.