ទន្ទឹមនោះផងដែរ ឈានចូលដល់សម័យថ្មី លាភសំណាងធំកំពុងរង់ចាំពួកគេនៅខាងមុខ។ នៅពេលដែលនំសែនព្រះខែនៅតែក្រអូប លុយកាក់នឹងប្រែប្រួលជាវិជ្ជមាន ឬម្យ៉ាងទៀត លុយកាក់ហូរចូលច្រើនដូចតារាសន្យានាពេលកន្លងមក។ ជាពិសេសនាពេលនេះក្រុមតារានិករទាំង៤ គួរត្រៀមខ្លួនហើយចាំទទួលឱកាសនៃទ្រព្យសម្បត្តិ និងវិបុលភាពនាពេលខាងមុខ។

១ តារានិករ Leo

យោងទៅតាមហោរាសាស្ត្រសម្រាប់តារានិករ Leo ជីវិតនាពេលនេះពោរពេញដោយភាពរីករាយ និងជោគជ័យដើរទន្ទឹមគ្នា។ តារានិករ​ដែល​កើត​មក​ពី​ធម្មជាតិ​នេះ​ត្រូវ​បាន​គេ​ទស្សន៍ទាយ​ថា​ នឹង​មាន​ពេល​វេលា​ប្រសើរ​ជាង​មុន ដែល​សំណាង​និងឱកាសមក​ដើរមកដល់​គេស្របគ្នាតែម្ដង។ លុយកាក់មិន​ត្រឹម​តែ​ដូច​ទឹក​ហូរ​មកស្រទន់​ប៉ុណ្ណោះ​ទេ ប៉ុន្តែ​ក៏​ដូច​ជា​រលក​ដែល​នាំ​គេ​ទៅ​ដល់​ច្រាំង​នៃ​ទ្រព្យ​សម្បត្តិ​ផង​ដែរ។ .

ជាការពិតចំពោះធម្មជាតិដែលមានមោទនភាព និងក្លាហានរបស់ពួកគេ មនុស្សនៃក្រុមតារានិករ Leo នឹងបញ្ចេញពន្លឺចែងចាំង ដូចជាកាំរស្មីនៃពន្លឺព្រះអាទិត្យ។ ចិត្តដ៏មុតស្រួច និងសមត្ថភាពនៃភាពជាអ្នកដឹកនាំដ៏ឆ្នើមនឹងក្លាយជាធនធានដ៏មានតម្លៃសម្រាប់ពួកគេដើម្បីយកឈ្នះលើគោលដៅហិរញ្ញវត្ថុដ៏លំបាក។ ពួកគេមិនត្រឹមតែមានសមត្ថភាពរកឃើញកូនសោមាសពីឱកាសវិនិយោគដ៏កម្រប៉ុណ្ណោះទេ គេក៏ដឹងពីរបៀបបង្វែរការសម្រេចចិត្តប្រកបដោយហានិភ័យទៅជាជំហានប្រាកដប្រជាឆ្ពោះទៅកាន់បល្ល័ង្កនៃទ្រព្យសម្បត្តិ។

មិនត្រឹប៉ុណញនឹងទេ នាពេលនេះអ្នកនឹងរកឃើញការវិនិយោគដែលមិននឹកស្មានដល់ ឬសូម្បីតែឱកាសដើម្បីក្លាយជាអ្នកមានតាមរយៈការចាប់ឆ្នោតផ្សងសំណាង ឬគម្រោងអាជីវកម្មដែលបានស្រាវជ្រាវយ៉ាងល្អ ដែលទាំងអស់នេះមានសក្តានុពលក្នុងការទទួលបានប្រាក់ចំណេញមិនគួរឲ្យជឿ។ ភាពសប្បុរស និងគុណធម៌នៅក្នុងទំនាក់ទំនងសង្គមនឹងក្លាយជាគន្លឹះសម្រាប់ Leo ដើម្បីបើកទ្វារទៅរកទំនាក់ទំនងដ៏មានតម្លៃ។ ឥស្សរជនដែលពួកគេមានឱកាសជួបអាចមិនត្រឹមតែចែករំលែកព័ត៌មានអាជីវកម្មសំខាន់ៗប៉ុណ្ណោះទេ ប៉ុន្តែថែមទាំងដើរតួជាអ្នកឧបត្ថម្ភ ឬដៃគូដែលមានសក្តានុពល ដោយយក Leo បន្តទៅតាមផ្លូវអាជីព និងហិរញ្ញវត្ថុថែមទៀត។

២ តារានិករ Libra

Libra ប្រកាន់យកភាពសុខដុមរមនា និងតុល្យភាពជាគោលលទ្ធិជីវិតរបស់ពួកគេ ហើយពួកគេតែងតែអាចដោះស្រាយទំនាក់ទំនងរវាងបុគ្គលបានយ៉ាងងាយស្រួល។ ក្នុងអំឡុងពិធីបុណ្យសែននំព្រះខែ ទ្រព្យសម្បត្តិរបស់ Libra អាចកើតឡើងជាលំដាប់ខ្ពស់ពិបាកប៉ានស្មាន។

នៅឆ្នាំនេះ តារាសំណាងរបស់ Libra ហាក់ដូចជាពេញចិត្តជាពិសេសចំពោះកិច្ចខិតខំប្រឹងប្រែងផ្នែកហិរញ្ញវត្ថុរបស់ពួកគេ។ ពួកគេពូកែស្តាប់ ហើយអាចយល់បានយ៉ាងត្រឹមត្រូវនូវតម្រូវការរបស់មនុស្សជុំវិញខ្លួន ព្រមទាំងការផ្លាស់ប្តូរទីផ្សារ​ដើម្បីធ្វើការសម្រេចចិត្តវិនិយោគដ៏ឆ្លាតវៃបំផុត។ ការសម្រេចចិត្តរបស់ Libra តែងតែគិតគូរពីតុល្យភាពរវាងហានិភ័យ និងប្រាក់ចំណេញ។​ ក្រុមតារានិករទាំងនេះ នឹងមិនធ្វើតាមនិន្នាការដោយងងឹតងងុល ឬមានការប្រុងប្រយ័ត្នពេកនោះទេ។ អារម្មណ៍នៃតុល្យភាពនេះ​ធ្វើឲ្យពួកគេលេចធ្លោក្នុងចំណោមអ្នកវិនិយោគជាច្រើន។ លើសពីនេះ Libra អាចទទួលបានលាភសំណាងយ៉ាងងាយស្រួលតាមរយៈកេរ្តិ៍ឈ្មោះល្អ ដូចជាគម្រោងសហការរវាងមិត្តភក្តិ មរតកនៃទ្រព្យសម្បត្តិគ្រួសារ ឬអំណោយដ៏សប្បុរសពីមនុស្សចាស់។ ទាំងនេះនឹងរួមចំណែកដល់កំណើនទ្រព្យសម្បត្តិរបស់ Libra និងជួយពួកគេឆ្ពោះទៅរកសេរីភាពហិរញ្ញវត្ថុទៅថ្ងៃអនាគត។

៣ តារានិករ Sagittarius

Sagittarius គឺមានន័យដូចនឹងសេរីភាព និងការផ្សងព្រេង។ ពួកគេស្រឡាញ់ជីវិត និងមានភាពក្លាហានក្នុងការរុករកទឹកដីដែលមិនស្គាល់។ សំណាងផ្នែកហិរញ្ញវត្ថុរបស់ក្រុមតារានិករ នឹងឈានដល់កម្រិតកំពូលក្នុងអំឡុងពេលនេះ ហើយវាហាក់ដូចជាពួកគេអាចរកឃើញកំណប់ទ្រព្យដោយចៃដន្យ។ មិនថាជាការវិនិយោគនៅបរទេស បច្ចេកវិទ្យាដែលកំពុងរីកចម្រើន ឬឧស្សាហកម្មវប្បធម៌ និងច្នៃប្រឌិតនោះទេ Sagittarius អាចពឹងផ្អែកលើវិចារណញាណនិងភាពក្លាហានរបស់ពួកគេ ក្នុងការចាប់យកឱកាសវិនិយោគដ៏មានសក្តានុពលបំផុត។

សុទិដ្ឋិនិយមនិងអាកប្បកិរិយាវិជ្ជមានរបស់ពួកគេ ក៏ទាក់ទាញការពេញចិត្តពីដៃគូនិងអ្នកវិនិយោគជាច្រើនដែលផ្តល់ឲ្យពួកគេនូវឱកាសជាច្រើនក្នុងការបង្កើនទ្រព្យសម្បត្តិទ្វេរគុណ លើសពីនេះទៀត Sagittarius ក៏ទំនងជាបានជួបមនុស្សថ្លៃថ្នូរសម្រាប់ជំនួយ ឬទទួលបានទ្រព្យសម្បត្តិដែលមិននឹកស្មានដល់ក្នុងអំឡុងពេលធ្វើដំណើរ ដែលនឹងបន្ថែមពណ៌ភ្លឺដល់ផ្លូវទៅរកទ្រព្យសម្បត្តិ។

៤ តារានិករ Pisces

Pisces មានការស្រមើលស្រមៃ និងការច្នៃប្រឌិតដ៏សម្បូរបែប ហើយជារឿយៗអាចរកឃើញតម្លៃមិនធម្មតានៅក្នុងរឿងធម្មតា។ ក្នុងអំឡុងពេលពិធីបុណ្យសែនំលោកខែ ទ្រព្យសម្បត្តិនិងសំណាងរបស់ក្រុមនេះ គឺគួរឲ្យច្រណែនដូចគ្នា។

នៅឆ្នាំនេះ Pisces នឹងសម្រេចបាននូវភាពជោគជ័យដែលមិនធ្លាប់មានពីមុនមក នៅក្នុងផ្នែកដូចជា ការច្នៃប្រឌិតសិល្បៈ ការព្យាបាលខាងវិញ្ញាណឬដួងចិត្ត ឬសកម្មភាពសប្បុរសធម៌។ ស្នាដៃ ឬគំនិតរបស់ពួកគេបានប៉ះបេះដូងរបស់មនុស្សរាប់មិនអស់ ហើយមិនត្រឹមតែទទួលបានការសរសើរយ៉ាងទូលំទូលាយប៉ុណ្ណោះទេ ថែមទាំងបាននាំមកនូវផលប្រយោជន៍សេដ្ឋកិច្ចសំខាន់ៗដល់ពួកគេផងដែរ។

Pisces ក៏ល្អក្នុងការប្រើវិចារណញាណ និងការយល់ចិត្តដើម្បីទទួលស្គាល់ការផ្លាស់ប្តូរនៅក្នុងទីផ្សារ ដោយធ្វើការវិនិច្ឆ័យវិនិយោគត្រឹមត្រូវ។ ការកើនឡើងនៃទ្រព្យសម្បត្តិរបស់ពួកគេជារឿយៗត្រូវបានអមដោយការពេញចិត្ត និងការរីកចម្រើនខាងវិញ្ញាណ ដោយសម្រេចបានទាំងការប្រមូលផលខាងសម្ភារៈ និងខាងវិញ្ញាណ។ លើសពីនេះ Pisces បណ្តាក់ទុនក្នុងកម្មវិធីសប្បុរសធម៌ក៏ប្រមូលនូវកេរ្តិ៍ឈ្មោះល្អក្នុងសង្គម និងផ្តល់ឱកាសឲ្យពួកគេក្លាយជាអ្នកមានកាន់តែច្រើន។

យ៉ាងណាមិញ ពិធីបុណ្យពាក់កណ្តាលរដូវស្លឹកឈើជ្រុះ ឬសែននំព្រះខែឆ្នាំ២០២៤ គឺជារយៈពេលដ៏រុងរឿងបំផុតសម្រាប់ក្រុមតារានិករ Leo, Libra, Sagittarius និង Pisces ។ ដោយការពឹងផ្អែកលើការខិតខំប្រឹងប្រែង និងភាពវៃឆ្លាតរបស់ពួកគេផ្ទាល់ ឬដោយមានជំនួយពីមនុស្សឥស្សរជន និងឱកាសទីផ្សារ ពួកគេនឹងសម្រេចបាននូវក្តីសុបិនក្នុងការឈ្នះរង្វាន់ធំ និងបង្កើតទ្រព្យសម្បត្តិ បន្ទាប់មកចូលទៅកាន់ផ្នែកម្ខាងទៀតនៃសេរីភាពហិរញ្ញវត្ថុ។

ទោះយ៉ាងណាក៏ដោយ ដោយមិនគិតពីសញ្ញារាសីចក្រ ការប្រមូលទ្រព្យសម្បត្តិក៏មិនអាចបំបែកចេញពីការខិតខំប្រឹងប្រែងផ្ទាល់ខ្លួន និងតម្លៃដ៏ត្រឹមត្រូវ។ សង្ឃឹមថាគ្រប់គ្នាអាចចាប់យកជោគវាសនារបស់ខ្លួន ហើយបង្កើតជំពូកដ៏រុងរឿងរបស់ខ្លួន​ នៅក្នុងយុគសម័យនេះដែលពោរពេញដោយឱកាស៕

គ្រូ ណុប

ចុចអាន៖ប្រវត្តិចាក់ស្រេះ ៣ រឿង ទាក់ទិននឹងជំនឿបុណ្យសែននំព្រះខែរបស់សែស្រឡាយចិន

The post សែនព្រះខែចប់ភ្លាម តារានិករ ៤ ប្រុងខ្លួនទទួលលាភសំណាងលុយកាក់ និងវិបុលភាពក្នុងជីវិត appeared first on Kampuchea Thmey Daily.

ដើម្បីឲ្យអ្នកអានបានជ្រាបកាន់តែច្បាស់ពីដំណាលដើមទង​ នៃពិធីបុណ្យសែននំព្រះខែរបស់ជនជាតិចិន ខាងក្រោមនេះគឺជារឿងដែលទាក់ទងនឹងពិធីបុណ្យមួយនេះ។

១ រឿងទេពធីតាឆាងអឺ

ក្នុង​អតីតកាល​បុរាណ​របស់​ចិន ​មានបុរស​ម្នាក់​ឈ្មោះហូវអី មានស្នាដៃ​ល្អ​បំផុត​​ក្នុង​ការ​បាញ់​ធ្នូ។ គេមាន​ប្រពន្ធ​​ឈ្មោះថាឆាងអឺ។ កាល​សម័យ​នោះ កើត​មាន​ព្រះអាទិត្យ១០នៅលើមេឃ ​បណ្ដាល​ឲ្យ​មាន​គ្រោះ​មហន្តរាយ​ដល់​ប្រជាជន។ ហូវអីបានបាញ់ព្រះអាទិត្យទាំង៩ឲ្យ​នៅ​សល់​តែមួយគត់ ​ដើម្បី​ផ្ដល់​នូវ​ពន្លឺ​ដល់​ប្រជានុរាស្ត្រ។ ពេល​នោះ​ហើយ​ដែលគេបាន​ក្លាយ​ទៅ​ជា​វីរបុរស​​របស់​ប្រជាជន​ចិន។

កាលណោះ ស្ដេច​មាន​ការ​កោតសរសើរ​ដល់​ហូវអីយ៉ាង​ខ្លាំង​ និង​បាន​ផ្ដល់​ថ្នាំ​អមតៈ​ដែល​អាច​ឲ្យ​​គាត់​ហោះហើរ​ទៅ​លើ​មេឃ​បាន។ ប៉ុន្តែ​អ្វី​ដែល​ជា​បញ្ហា គឺ​ទឹក​នោះ​មាន​តែ​មួយ​ដប ហើយ​សម្រាប់​តែ​មនុស្ស​ម្នាក់។ ហូវអីមិន​ចង់​ចាកចេញ​ពី​ប្រពន្ធ​​ជាទីស្រលាញ់របស់គាត់​ឡើយ​ គាត់​ក៏​បាន​ឲ្យឆាងអឺរក្សា​ថ្នាំ​នេះ​ទុក។ ប៉ុន្តែផេងម៉េងដែល​ជា​សិស្ស​ម្នាក់​បាន​ដឹង​ការ​សម្ងាត់​នេះ។ នៅ​ថ្ងៃ​ទី​១៥នៃខែ​សីហា​ក្នុង​ប្រតិទិន​ នៅ​ពេលហូវអីបាន​ទៅ​បរបាញ់ ផេងម៉េងបាន​ចូល​ទៅ​ក្នុង​ផ្ទះ​របស់ ហូវអី និង​បង្ខំឆាងអឺប្រគល់​ថ្នាំ​អមត​នោះ​មក​គេ។ ឆាងអឺមិនព្រម ​ហើយ​នាង​បាន​ផឹក​ចូល​ទៅ​ក្នុង​ពោះ រួច​ហោះ​ឡើង​ទៅ​លើ​មេឃ​បាត់​ទៅ។​

យ៉ាងណាក៏ដោយ ដោយសារតែចិត្ត​ស្រឡាញ់​ស្វាមី​ខ្លាំង​​ ​ហើយ​សង្ឃឹម​ថា​នឹង​រស់នៅ​ក្បែរ​គ្នា​ជា​រៀង​រហូត ទើប​នាង​​ជ្រើសរើស​ព្រះចន្ទ​សម្រាប់​ជា​លំនៅឋាន។ នៅ​ពេលហូវអីត្រឡប់មកវិញ​បាន​ដឹងរឿងរ៉ាវ គាត់​មាន​អារម្មណ៍​សោកស្ដាយ​ជាខ្លាំង ហើយដើម្បី​ជា​ការ​រំលឹក​ដល់​ភរិយា​ គាត់​បាន​នាំ​យក​ផ្លែឈើ​និង​នំ​ដែលនាងចូលចិត្ត​ទៅ​ឧទ្ទិស​ដល់​ទីកន្លែងដែលនាង​រស់នៅ​ក្នុង​ព្រះចន្ទ។

មនុស្ស​ដែល​បាន​ដឹង​អំពី​សកម្មភាព​ទាំង​នេះ ក៏​ចាប់ផ្ដើម​ចូលរួម​នៅ​ក្នុង​ការ​បូជា​សែន​ទាំងនេះ​ជាមួយហូវអី។ ចាប់តាំង​​ពី​នោះ​មក ​ទម្លាប់​នៃ​ការ​បូជា​ដល់​ព្រះចន្ទ​ ឬសែននំព្រះខែ ត្រូវ​បាន​រីក​រាលដាល​ពាសពេញ​ជំនាន់​នោះ​ ​មនុស្ស​បាន​ថ្វាយ​បូជា​ដល់ឆាងអឺ​ដើម្បី​រំលឹក​ដល់​នាង ​ដែល​មាន​ភក្ដី​ភាព​ចំពោះ​ស្វាមី​ និង​រស់​នៅ​លើ​ក្នុង​ព្រះចន្ទ​តែ​ម្នាក់ឯង​ ហើយ​ក៏​បួងសួង​សុំ​សេចក្ដី​សុខ​និង​សំណាង​ល្អ​ ដល់​អ្នក​ជំនាន់​ក្រោយ​ផង​ដែរ។

២ រឿងទន្សាយ​ត្បូង

ជនជាតិចិនជឿថា​ ទន្សាយគឺជាដៃគូជាមួយឆាងអឺនៅឋានព្រះច័ន្ទ។ ដំណើររឿងមានដូចតទៅ៖ មានសត្វបីប្រភេទរស់នៅក្នុងព្រៃគឺ កញ្ជ្រោង ទន្សាយ និងស្វា។ ថ្ងៃមួយ អធិរាជនៃស្ថានសួគ៌ចង់សាកល្បងគុណធម៌របស់សត្វទាំងនោះ។ ដូច្នេះគាត់បានមកផែនដីហើយផ្លាស់ប្តូររូបរាងទៅជាមនុស្សចាស់។ នាពេលនោះ គាត់និយាយថា «​ខ្ញុំបានឮថា អ្នកទាំងបីជាមិត្តល្អ ហើយខ្ញុំក៏មកឆ្ងាយណាស់ដែរ ​ដូច្នេះខ្ញុំឃ្លាន តើអ្នកនឹងផ្តល់អ្វីឲ្យខ្ញុំទទួលទាន?»

មិនបង្អង់យូរឡើយ សត្វ​ទាំង​បី​ក៏​ចេញ​ទៅ​រក​ចំណីភ្លាមៗ ដោយកញ្ជ្រោងចាប់ត្រីនៅក្នុងទន្លេមួយ; ស្វា​បាន​ផ្លែឈើ​ក្នុង​ព្រៃ ប៉ុន្តែ​ទន្សាយ​មិន​បាន​អាហារសូម្បីតែមួយ ហើយ​ត្រឡប់​មក​វិញ​ដោយ​គ្មាន​អ្វី​សោះក្នុងដៃ។

បន្ទាប់ពីបុរសចំណាស់បានឃើញដូចនេះគាត់បាននិយាយថា ​អ្នកទាំងបីមិនរួបរួមគ្នា ហើយធ្វើការតែម្នាក់ឯង។ អ្នកទាំងពីរបានធ្វើតាមការសន្យា ហើយបានយកអាហារមកវិញ។ ប៉ុន្តែទន្សាយមិនបានយកអ្វីមកវិញទេ​ ។​​ នាពេលនោះ ទន្សាយមានអារម្មណ៍សោកស្តាយយ៉ាងខ្លាំង ហើយបាននិយាយទៅកាន់កញ្ជ្រោង និងស្វាថា សូមជួយយកអុសមកផង ខ្ញុំចង់ធ្វើម្ហូបឲ្យគាត់ខ្លះ។​ សត្វទាំងពីរមិនយល់បំណងទន្សាយទេ តែពួកគេបានប្រមូលអុស ហើយទន្សាយក៏និយាយថា«​ សុំទោសដែលខ្ញុំមិនបានធ្វើតាមការសន្យា​ ប៉ុន្តែខ្ញុំអាចឲ្យខ្លួនឯងទៅអ្នកបាន សូមបរិភោគខ្ញុំចុះ!»​ ហើយទន្សាយក៏លោតចូលទៅក្នុងភ្នក់ភ្លើងភ្លាមៗ។

អធិរាជនៃឋានសួគ៌ត្រូវបានទន្សាយធ្វើឲ្យរំជួលចិត្តយ៉ាងខ្លាំង។ គាត់បានរើសឆ្អឹងទន្សាយ ហើយនិយាយថា «​ខ្ញុំពិតជារំភើបណាស់ ហើយ​ដើម្បីគោរពដល់នាង ខ្ញុំនឹងឲ្យនាងទៅរស់នៅក្នុងព្រះច័ន្ទ ដើម្បីឲ្យមនុស្សបានឃើញនាងជារៀងរហូត រាងទៅ»។

៣ រឿង Wu Gang កាប់ដើម Cherry Bay

នៅពេលអ្នកក្រឡេកមើលព្រះច័ន្ទនៅយប់ដ៏ភ្លឺច្បាស់ អ្នកអាចមើលឃើញថាមានស្រមោលនៅក្នុង។ ទោះបីជាវាត្រូវបានគេបង្ហាញថា ស្រមោលពិតជាភ្នំដែលបង្កើតដោយអាចម៍ផ្កាយក៏ដោយ រឿងព្រេងចិនបាននិយាយថា នោះគឺជាស្រមោលនៃដើមឈើដ៏ធំនៅលើព្រះច័ន្ទ។

ដំណើររឿងបានកើតឡើងលើបុរសឈ្មោះថា Wu Gang គឺជាមនុស្សធម្មតាម្នាក់ដែលចង់ក្លាយជាមនុស្សអមតៈ ប៉ុន្តែមិនបានប្រឹងប្រែង ហើយក៏មិនដែលព្យាយាមអស់ពីសមត្ថភាពដើម្បីរៀនអំពីអ្វីដែលចាំបាច់នោះទេ។ អធិរាជនៃស្ថានសួគ៌បានខឹងនឹងគាត់​ ដោយសារតែអាកប្បកិរិយារបស់​ Wu Gang។ ដើម្បីដាក់ទោស អធិរាជនៃស្ថានសួគ៌បានដាំដើម cherry Bay ដ៏ធំមួយដែលមានកំពស់ ១ ៦៦៥ ម៉ែត្រនៅលើព្រះច័ន្ទ ហើយបានបញ្ជាឲ្យ Wu Gang កាប់វាចោល។ ប្រសិនបើ Wu Gang អាចកាប់វាបាន ទើបរូបគាត់អាចក្លាយជាមនុស្សអមតៈ។

បើទោះបីជា Wu Gang​ ​ខំ​កាប់​ដើម​ឈើនោះដោយប្រើកម្លាំងខ្លាំងប៉ុណ្ណាក៏ដោយ គាត់មិនអាចបញ្ចប់ការងាររបស់គាត់បានទេ ពីព្រោះ​ដើម cherry ត្រូវបាន​ដុះលូតមកសភាពដើមវិញរាល់ពេលដែល ​Wu Gang​ កាប់វាម្ដងៗ។ យ៉ាងណាក៏ដោយ Wu Gang មិនចុះចាញ់ឡើយ។ គាត់ព្យាយាមម្តងហើយម្តងទៀត ហើយនៅតែព្យាយាមកាប់វាចោលដដែល។ ក្រោយមក នៅពេលយប់មនុស្សជាច្រើនបានឃើញស្រមោល​ជាក់​ស្តែង​នៅ​លើ​ព្រះ​ច័ន្ទ​ ហើយវាត្រូវបានបង្កើតឡើងដោយដើមឈើ cherry ដ៏ធំបំផុតនេះឯង៕

អត្ថបទ៖ សាង ស្រីល័ក្ខ

ចុចអាន៖៣​ថ្ងៃ​ខាង​មុខទៀត ​ឆ្នាំទាំង ៣ នឹងមានលាភធំ​ នាំលុយកាក់ និងស្នេហាមកព្រមគ្នា

The post ប្រវត្តិចាក់ស្រេះ ៣ រឿង ទាក់ទិននឹងជំនឿបុណ្យសែននំព្រះខែរបស់សែស្រឡាយចិន appeared first on Kampuchea Thmey Daily.

• នំសែនព្រះខែ ប្រភេទ​ស្នូល​គ្រាប់ឈូក មាន ៧១៦កាឡូរី ច្រើន​ជាង​ភ្លៅមាន់​បំពង ៥​ភ្លៅ​ទៅទៀត ដែល​មាន​ត្រឹម​ប្រមាណ ៦០០​កាឡូរី។
• នំសែនព្រះខែ ប្រភេទ​ស្នូល​គ្រាប់ឈូក លាយជាមួយ​ពងទា​ប្រៃ​មួយ មាន ៧៩០​កាឡូរី ច្រើន​ជាង​គុយទាវ​ឆា ១ចាន​ទៅទៀត ដែល​មាន​ត្រឹម ៧៤១កាឡូរី។
• នំសែនព្រះខែ ប្រភេទ​ស្នូល​គ្រាប់ឈូក លាយជាមួយ​ពងទា​ប្រៃ​ពីរ មាន ៨៩០​កាឡូរី ច្រើនជាង​បាយ​ព្រឹក ២​ចាន​ទៅ​ទៀត ដែល​មាន​ត្រឹម​ប្រមាណ ៨០០​កាឡូរី។

បើប្រៀបធៀប​ទៅ ញ៉ាំ​នំសែន​ព្រះខែ ប្រភេទ​ស្នូល​គ្រាប់ឈូក លាយជាមួយ​ពងទា​ប្រៃ​ពីរ គឺ​ដូច​ញ៉ាំ​ញ៉ាំ​ស្ករ ៤៥​ស្លាបព្រា​កាហ្វេ​អ៊ីចឹង។ បើនិយាយ​ពី​ជាតិខ្លាញ់​របស់​វា មាន​រហូត​ដល់ ៥៥​ក្រាម ស្មើ​នឹង​ប្រេង ១១​ស្លាបព្រា​កាហ្វេ។ នេះបើតាម​ការចេញ​ផ្សាយ​លើ​គេហទំព័រ​ព័ត៌មាន​សិង្ហបុរី Mothership៕

អត្ថបទផ្ដល់ដោយ៖ Hello Krupet

ចុចអាន៖ប្រវត្តិ​នៃពិធី​បុណ្យ​ «សែន​នំព្រះខែ» ក្នុងជំនឿជនជាតិ ចិន

ចុចអាន៖ប្រពៃណីធំៗ សែស្រឡាយចិនតែងធ្វើ និងជឿថានាំសំណាង ក្នុងថ្ងៃសែននំព្រះខែ

The post តិចអត់ដឹងថា នំសែនព្រះខែ ធ្វើឲ្យធាត់កម្រិតណា? appeared first on Kampuchea Thmey Daily.

លោក ជួន ណារ័ត្ម ជា​ប្រធាន​ផ្នែក​លក់​ក្នុង​ហាង​នំ​ ទៀ តេកប៊ួយ បាន​ថ្លែង​មក​កាន់​សារព័ត៌មាន​កម្ពុជា​ថ្មី​ថា ​ក្នុង​ឆ្នាំ​នេះដែរ ​នំ​សែន​ព្រះខែ​ដែល​លក់​ដាច់​បំផុត​រហូត​ដល់​អស់ៗ​ពី​ហាង​គ្មាន​សល់ ​គឺ​មាន​តែ ៣ ប្រភេទ​តែ​ប៉ុណ្ណោះ​​ ដែល​កំពុងតែ​ពេញ​និយម។

១. ង៉ូវយ៉េង​ពិសេស​ពងទាពីរ

​នំ​សែន​ព្រះ​ខែ​ដែល​ខ្មែរ​យើង​និយម​ហៅ​ថា​ង៉ូវយ៉េង​​ គឺ​ជា​ប្រភេទ​នំ​ដែល​មាន​រសជាតិ​បែប​បុរាណ​របស់​ចិន និង​ថ្លៃ​ជាងគេ​ក្នុង​ចំណោម​នំ​ទាំងអស់។ នៅ​ក្នុង​ស្នូល​នំ​មាន​លាយ​ចម្រុះ​ជាមួយ​គ្រាប់​អាល់ម៉ុន ​ គ្រាប់​ឪឡឹក​ គ្រាប់​ស្វាយ​ចន្ទី ល្ង​ ​គ្រាប់​ល្ពៅ​និង​ពង​ទា ​រួម​ជាមួយ​នឹង​សាច់​ជ្រូក​ចិញ្ច្រាំ​បញ្ចូល​គ្នា​ក្នុង​គ្រឿងផ្សំ។ ជនជាតិ​ចិន​ភាគច្រើន ​ជា​ពិសេស​មនុស្ស​វ័យ​ចំណាស់​ ចូលចិត្ត​រសជាតិ​មួយ​ប្រភេទ​នេះ​ជា​ខ្លាំងណាស់។

២. ស្នូល​ឈូ​ក​ពិសេស​ពង​ទា​ពីរ

នំ​ប្រភេទ​នេះ ​គឺ​ជា​បង្អែម​ដែល​ជន​ជាតិ​ដើម​ឈិន​ពេញ​និយម​ទូទាំង​ប្រទេស​ចិន​ និង​សូម្បី​តែ​នៅ​បរទេស។ ស្នូល​ផ្អែម​នៃ​គ្រាប់​ឈូក​ដែល​បាន​កិន​ច្របល់​គ្នា​ក្នុង​សាច់​នំ ​និង​ចំណិត​ពង​ទា​​ ត្រូវ​បាន​គេ​ចាត់​ទុក​ថា​ជា​ការ​បំពេញ​រូបរាង​របស់​​ព្រះចន្ទ ​ដែល​នៅ​លើ​មេឃ។

៣. ស្លឹក​តយ​ពិសេស​ពង​ទា​មួយ

ចំពោះ​នំ​ស្លឹក​តយ​ពិសេស​ពង​ទា​មួយ គឺ​ជា​ប្រភេទ​នំ​ទី៣ពេញនិយម ដែល​មាន​ភ្ញៀវ​ចូល​មក​ទិញ​ឥត​ឈប់ឈរ។ ស្នូល​ខាង​ក្នុង​ផ្សំ​ពី​ស្លឹក​តយ​ពណ៌បៃតង​​ លាយ​បញ្ចូល​គ្នា​ជាមួយ​ពង​ទា ​អាស្រ័យ​លើ​នំ​ដែល​ភ្ញៀវ​ចង់​បាន។

ចំពោះ​តម្លៃ​នំ​គឺ​ទៅ​តាម​ប្រភេទ​នីមួយៗ​ ដោយ​អាស្រ័យ​លើ​រសជាតិ ​ទំហំ​ស្នូល​នំ​នៅ​ខាង​ក្នុង ​ឬ​ចំនួន​ពង​ទា​ដែល​អតិថិជន​បាន​កុម្ម៉ង់​ទិញ។

លោក ណារ័ត្ម ក៏បាន​បញ្ជាក់​ដែរ​ថា ​តម្លៃ​នៃ​នំ​នីមួយៗ​ក្នុង​ហាង​របស់​លោក​គឺ​មិន​ប្រែប្រួល​ឡើយ។ លោក​នៅ​តែ​រក្សា​តម្លៃ​ថេរ​ចំពោះ​អតិថិជន​ដដែល​ បើ​ទោះបី​ទំនិញ​លើ​ទីផ្សារ​ឡើងថ្លៃ​ក៏​ដោយ។ ណាមួយ​លោក​យល់​ដល់​ស្ថានភាព​កូវីដ ១៩ ដែល​កើត​កំពុង​តែ​មាន​នៅ​ប្រទេស​របស់​យើង​ដែរ៕

អត្ថបទ៖​ សាង ​ស្រីល័ក្ខ

ចុចអាន៖មូលហេតុដែល “ង៉ូវយ៉េង” មានតម្លៃថ្លៃជាងនំសែនព្រះខែផ្សេងទៀត

ចុចអាន៖កូនចៅសែស្រឡាយចិន គួរដឹងប្រភេទនំដែលពេញនិយម សម្រាប់សែនព្រះខែក្នុងឆ្នាំនេះ

ចុចអាន៖ដង្វាយសែននំព្រះខែ រៀបខុសអាចឡាក់ឆុង ហោចណាស់គឺឲ្យត្រូវក្បួនខាតនាំហុងស៊ុយចូលផ្ទះ

The post សែនព្រះខែស្អែកនេះហើយ មកមើលនំបីប្រភេទ ល្បីឆ្ងាញ់និងលក់ដាច់អស់រាល់ឆ្នាំមិនដែលសល់ appeared first on Kampuchea Thmey Daily.

នៅឆ្នាំ១២៨០ ស្តេចចម្បាំងម៉ុងហ្គោល​ឈ្មោះ Genghis Khan និង Kublai Khan បាន​លើក​ទ័ព​ឈ្លានពាន​និងត្រួតត្រា​ប្រទេស​ចិន ហើយ​បាន​បង្កើត​រាជវង្សថ្មីមួយ​ឈ្មោះ រាជវង្ស​យន់ (កាល​នោះ​បាន​ចាត់​រាជទូត​ឈ្មោះ ជី តាក្វាន់ មក​យក​សួយសារ​អាករ​ពី​នគរ​ខ្មែរ)។

អំឡុង​ពេល​ឡើង​ត្រួតត្រា​ប្រទេស​ចិន ពួកម៉ុងហ្គោលបាន​ហាម​ប្រជាជន​ មិន​ត្រូវ​បាន​អនុញ្ញាតប្រមូល​ផ្ដុំ​គ្នា​ជា​ក្រុម​ធំ​ទេ។ អ្នក​រាយការណ៍​បាន​រាយការណ៍​ជា​ឯកជន​ទាំងអស់​ និង​ត្រូវលបលួច​ដោយ​សំងាត់។ បើ​អ្នកណាប្រមូល​ផ្ដុំ​គ្នា​ជា​បក្ស​ពួក​ នឹង​ត្រូវយក​ទៅ​សម្លាប់​ចោល​គ្មាន​ប្រណី។ ពួកអ្នក​គ្រប់គ្រងដ៏​ឃោរឃៅ​នោះ​ បាន​ហាម​ជនជាតិចិន​មិន​ឲ្យ​កាន់កាប់​អាវុធ​ណាមួយ ​ហើយ​អនុញ្ញាត​ឲ្យ​មាន​កាំបិត​ផ្ទះបាយ​តែ​មួយ​ សម្រាប់មួយគ្រួសារប៉ុណ្ណោះ។

ស្ថានភាព​លំបាក​វេទនា​នេះ​ហើយ​ បាន​ធ្វើ​ឲ្យ​មាន​ការ​បះបោរ​ពីសំណាក់​ជនជាតិ​ចិន​ ដោយ​យក​នំ​សែន​ព្រះ​ខែ​ជា​អាវុធផ្ដួលរលំរបបឃោរឃៅនេះ។

ពេលវេលា​កំណត់​បានមកដល់ នៅឆ្នាំ១៣៦៨ មុនបុណ្យសែននំ​ព្រះ​ខែបីថ្ងៃ មេដឹកនាំ​ក្រុម​ឧទ្ទាមជនជាតិ​ហាន​ ឈ្មោះ Zhu Yuanzhang បានប​ញ្ជារ​ឲ្យ​បក្សពួករបស់ខ្លួន ដើរលក់នំ​លោកខែឲ្យ​ជន​ជាតិ​ហាន ទូទាំង​ប្រទេសចិន។ ក្នុងនំព្រះ​ខែពួកគេបានសរសេរ​សារ​សំងាត់ ជា​ក្រដាស​ខ្មៅ​បិទ​ជាប់​ក្រោម​នំ​ ប្រាប់​ឲ្យ​ជនជាតិ​ហាន​ក្រោក​ពី​ដំណេក​ដើម្បី​បះបោរ នៅ​យប់​ថ្ងៃ​សែន​នំ​លោកខែ ដើម្បី​សម្លាប់​ជនជាតិ​ម៉ុងហ្គោល ​នៅ​គ្រប់ច្រកល្ហក​ទាំងអស់។

រាត្រី​សែន​នំ​ព្រះ​ខែ​បាន​មក​ដល់​ ជនជាតិ​ហាន​បើក​នំហូបក៏ឃើញ​សារសំងាត់​នោះ ហើយ​នាំ​គ្នា​ងើប​បះបោរ​ប្រឆាំង​ទូទាំង​ប្រទេស បញ្ចប់ការត្រួតរយៈពេល៨៩ ឆ្នាំ របស់​ជនជាតិ​ម៉ុងហ្គោល បន្ទាប់មក ពួកគេក៏បង្កើត​រាជវង្ស​ថ្មី​មួយឈ្មោះ “​រាជវង្ស​ម៉េង” ៕

ប្រែសម្រួល៖ សាង ស្រីល័ក្ខ

ចុចអាន៖ជូនអំណោយ ៥ នេះ ទៅសាច់ញាតិ ក្នុងពិធីបុណ្យសែនព្រះខែ នាំមកនូវហុងស៊ុយសុភមង្គលពេញមួយជីវិត

ចុចអាន៖ប្រវត្តិ​នៃពិធី​បុណ្យ​ «សែន​នំព្រះខែ» ក្នុងជំនឿជនជាតិចិន

ចុចអាន៖ប្រពៃណីសែស្រឡាយចិនអាក់ខានមិនបាន ក្នុងពិធីសែននំព្រះខែ

The post មូលហេតុចាក់ស្រេះតាំងពីយូរលង់ ដែលជនជាតិម៉ុងហ្គោល មិនហូបនំសែនព្រះខែរបស់ចិន appeared first on Kampuchea Thmey Daily.

ជនជាតិចិនរមែង​ទុកថា យប់នេះ​គឺ​ជា​ហេតុការណ៍​គួរ​ឲ្យ​ជួបជុំរំភើប ​និងជាថ្ងៃ​ឈប់សម្រាក​ដ៏​ពេញ​និយម​ ​ក្នុង​ចំណោមពិធី​បុណ្យប្រពៃណីនានា ដោយសារ ៖

១. ពិធីបុណ្យ​សែន​ជា​ញឹកញាប់​គឺ​ធ្វើ​នៅ​​ចុង​រដូវ​ក្ដៅ

ពិធីបុណ្យ​សែន​នំ​លោកខែ​ ចាប់ផ្ដើម​ដំបូង​គឺ​នៅ​ថ្ងៃ​ទី ៨ ខែ​កញ្ញា ​ដែល​ជា​ចុង​រដូវ​ក្ដៅ​សម្រាប់​ប្រទេស​ចិន​ភាគ​ខាងត្បូង។ កាលបរិច្ឆេទ​ចុងក្រោយ​គឺ​នៅ​ថ្ងៃ​ទី ៦ ខែ​តុលា​ ជា​រដូវ​ស្លឹកឈើ​ជ្រុះ​ដំបូង​សម្រាប់​ភាគ​ខាងត្បូង​ប្រទេស​ចិន។

បច្ចុប្បន្ន​នេះ​ពិធីបុណ្យ​សែន​លោកខែ​ ត្រូវ​បាន​ប្រារព្ធ​ធ្វើ​នៅ​ថ្ងៃ​ទី ១៥ ខែ ៨ នៃ​ប្រតិទិន​ចន្ទគតិ​ចិន ​គឺ​ពាក់​កណ្ដាល​ថ្ងៃ​តាម​ចន្ទគតិ ៨ វិញ។

២. ត្រូវ​បាន​គេ​ហៅ​ថា “បុណ្យ​ព្រះចន្ទ”

តាម​ជំនឿ​ចិន​រង្វង់​មូល​នៃ​ព្រះចន្ទ​ពេញលេញ​មានន័យថា “ ការ​រួបរួម​គ្នា”  ដូច្នេះ​ព្រះចន្ទ​គឺ​ជា​ការ​ជួបជុំគ្នា ​ជា​ពិសេស​នៅ​ក្នុង​វប្បធម៌​ចិន។ ពិធី​បុណ្យ​នេះ​ត្រូវ​នឹង​ថ្ងៃ​ទី ១៥ នៃ​ខែ​ទី ៨ តាម​ចន្ទគតិ​រៀងរាល់​ឆ្នាំ​ដែល​ជា “ ថ្ងៃពេញបូណ៌មី” ។

នៅ​រាត្រី​នៃ​ពិធីបុណ្យ​នេះ ព្រះចន្ទ​ត្រូវ​បាន​គេសន្មតថា​ នឹង​មាន​ពន្លឺ​ភ្លឺ​ច្បាស់​ពេញ​មួយ​ឆ្នាំ។ ពិធី​បុណ្យ​នេះ​ក៏​មាន​ដើមកំណើត​ក្នុង​ការ​គោរព​បូជា​ព្រះចន្ទ​ផង​ដែរ។

៣. ព្រះចន្ទ​មិនមែន​ភ្លឺ​ពេញលេញ​គ្រប់​រដូវ​កាល​ឡើយ

នេះ​ជា​រឿង​មួយ​ដែល​គេ​ជឿជាក់​ថា ​ព្រះចន្ទ​គឺ​ភ្លឺ​បំផុត​នៅ​ពេល​មេឃ​មាន​ពពក​តិច ឬ​ពេល​ចាប់ផ្ដើម​ពិធី​បុណ្យ​កើតឡើង។

ជា​ការ​ពិត​ណាស់ ​ពិធី​បុណ្យ​សែន​លោក​ខែ​មិន​តែងតែ​កើតឡើង​នៅ​រាត្រី​ដែល​មាន​ព្រះចន្ទ​ពេញ​លេញ​ឡើយ។ ជួន​ឆ្នាំ​ខ្លះ​ព្រះចន្ទ​បង្ហាញ​ខ្លួន​តែ​មួយ​ចំណិត​ប៉ុណ្ណោះ។

៤. ជា​ពិធី​បុណ្យ​ដ៏​ធំ​ទីពីរ​របស់​ចិន ក្នុង​ចំណោម​ពិធី​បុណ្យ​ទាំងអស់

ពលករ​ចិន​ចំណាក​ស្រុក ​តែងតែ​ព្យាយាម​ត្រឡប់​ទៅ​ផ្ទះ​វិញ ​ក្នុង​ឱកាស​បុណ្យ​ចូលឆ្នាំ​ចិន​និង​បុណ្យ​សែន​លោក​ខែ​ជា​ចាំបាច់។  ពិធី​បុណ្យ​សែន​លោកខែ​ត្រូវ​បាន​រួមគ្នា​ជា​លើក​ទីបី​ សម្រាប់​ការ​បែងចែក​ថ្ងៃ​ឈប់​សម្រាក​សាធារណៈ​  និង​ជា​បុណ្យ​មួយ​ដែល​ជនជាតិ​ចិន​ចាត់​ទុក​ជា​បុណ្យ​ធំ​ទី​២បំផុត។

៥. ប្រជាជន​ចិន​ធ្វើ​នំ​ព្រះ​ខែ​ដ៏​ធំ​មួយ​រួមគ្នា

ជា​រៀង​រាល់​ឆ្នាំ​ប្រជាជន​ចិន​នឹង​រួបរួម​កម្លាំង​គ្នា​ ដើម្បី​ព្យាយាម​ធ្វើ​នំ​សែន​ព្រះខែ​តាម​ដែល​អាច​ធ្វើ​ទៅ​បាន​ ដើម្បី​បំបែក​កំណត់​ត្រា​ពិភពលោក។

តួយ៉ាង​រូប​នំ​សែន​លោកខែ​ធំ​ជាង​គេ​ត្រូវ​បាន​ផលិត​នៅ​សៀងហៃ​ក្នុង​ឆ្នាំ ២០១៣ វា​មាន​ទម្ងន់​ប្រហែល ២៥០០ គីឡូក្រាម (៥.៥០០ ផោន) ដែល​មាន​អង្កត់ផ្ចិត​ប្រហែល ២,៥ ម៉ែត្រ ដែល​មាន​ទំហំ​ធំ​ជាង​គ្រែ​ស្ដេច​ និង​ធ្ងន់​ជាង​ឡាន​មួយ​គ្រឿង​ទៅ​ទៀត។

៦. សំបុត្រ​រថភ្លើង​ជា​ទូទៅ​លក់​ដាច់​គ្មាន​សល់​មួយ​សន្លឹក

សំបុត្រ​រថភ្លើង​ត្រូវ​បាន​លក់​អស់​យ៉ាង​ឆាប់​រហ័ស​ ហើយ​កន្លែង​ទេសចរណ៍​ល្បីៗ ជា​ធម្មតា​មាន​ភ្ញៀវ​ច្រើន​អនេក។ នេះ​ក៏​ដោយសារ​តែ​មាន​ថ្ងៃ​ឈប់​សម្រាក​ចំនួន​បី​ថ្ងៃ​ក្នុង​អំឡុង​ពេល​ពិធីបុណ្យ។ ជនជាតិ​ចិន​ចូលចិត្ត​​ចំណាយ​ពេល​ជាមួយ​គ្រួសារ​ ឬ​ធ្វើ​ដំណើរ​កម្សាន្ត​ក្រៅ​ទីក្រុង​ជាដើម។

៧. យុវជន​ចិន​និយម​ផ្ដល់​លុយ​ជា​សំណាង​ដូចជា​អំណោយ

នៅ​ក្នុង​ទំនៀមទម្លាប់​ប្រពៃណី ​ប្រជាជន​តែងតែ​ផ្ដល់​នំ​សែន​លោក​ខែ​ជា​អំណោយ​ជូន​សាច់ញាតិ។ ប៉ុន្តែ​យុវជន​ជនជាតិ​ចិន​មាន​និន្នាការ​ផ្ដល់​លុយ​ជា​សំណាង ឬ​ស្រោមសំបុត្រ​និង​អាំងប៉ាវ​៕

ប្រែសម្រួល៖ សាង ស្រីល័ក្ខ

ប្រភព៖ chinahighlights

ចុចអាន៖ ប្រវត្តិ​នៃពិធី​បុណ្យ​ «សែន​នំព្រះខែ» ក្នុងជំនឿជនជាតិចិន

ចុចអាន៖ ប្រពៃណីសែស្រឡាយចិនអាក់ខានមិនបាន ក្នុងពិធីសែននំព្រះខែ

ចុចអាន៖ ជូនអំណោយ ៥ នេះ ទៅសាច់ញាតិ ក្នុងពិធីបុណ្យសែនព្រះខែ នាំមកនូវហុងស៊ុយសុភមង្គលពេញមួយជីវិត

The post ហេតុអ្វីជនជាតិ​ចិនចាត់ទុក​ពិធីបុណ្យ​សែន​នំ​លោកខែថា រំភើប និងសែនសំខាន់ appeared first on Kampuchea Thmey Daily.