ជំនឿ

កូនចៅសែស្រឡាយចិន គួរដឹងប្រភេទនំដែលពេញនិយម សម្រាប់សែនព្រះខែក្នុងឆ្នាំនេះ

បានផុស

២ ថ្ងៃ មុន

នៅ

ថ្ងៃពុធ ១៥ កញ្ញា ២០២១

ដោយ

Blue Sky

ពិធីបុណ្យសែនព្រះខែកាន់តែកៀកខិតចូលមកដល់មែនទែនហើយ! បងប្អូនដែលមានជាប់ខ្សែចិន ប្រាកដជារូតរះទិញនំ ឲ្យបានមុនថ្ងៃមិនខានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្ងៃនេះកម្ពុជាថ្មី សូមណែនាំប្រភេទនំសែនព្រះខែ ដែលពេញនិយមក្នុងឆ្នាំនេះ និងមានរសជាតិឈ្ងុយឆ្ងាញ់ផងដែរ ៖

១. ស្នូលង៉ូវយ៉េង

នំសែនព្រះខែដែលខ្មែរយើងនិយមហៅថា ង៉ូវយ៉េង គឺជាប្រភេទនំដែលមានរសជាតិបែបបុរាណរបស់ចិន និងថ្លៃជាងគេក្នុងចំណោមនំទាំងអស់។ នៅក្នុងស្នូលនំមានលាយចម្រុះជាមួយគ្រាប់អាល់ម៉ុន គ្រាប់ Walnut គ្រាប់ឪឡឹក ល្ង គ្រាប់ល្ពៅនិងពងទា រួមជាមួយនឹងសាច់ជ្រូកចិញ្ច្រាំបញ្ចូលគ្នាក្នុងគ្រឿងផ្សំ។ ជនជាតិចិនភាគច្រើន ជាពិសេសដែលមានមនុស្សវ័យចំណាស់ ចូលចិត្តរសជាតិមួយប្រភេទនេះជាខ្លាំង។

២. ស្នូលសណ្ដែកក្រហម

នំសែនព្រះខែដែលមានស្នូលសណ្ដែកក្រហម បានបញ្ចូលគ្រឿងផ្សំលាយជាមួយសណ្ដែកក្រហមនិងពងទា ហើយនំមួយនេះមានរសជាតិផ្អែម រលោងទាំងក្រៅនិងក្នុង។ សម្រាប់អ្នកដែលមិនចូលចិត្តរសជាតិផ្អែម អាចហូបជាមួយតែមួយពែង ដើម្បីបន្ថែមរសជាតិកាន់តែមុតជាងមុន។

៣. ស្នូលឈូក

នំប្រភេទនេះគឺជាបង្អែមដែលជនជាតិដើមឈិនពេញនិយមទូទាំងប្រទេសចិន និងសូម្បីតែនៅបរទេស។ ស្នូលផ្អែមនៃគ្រាប់ឈូកដែលបានកិនច្របល់គ្នាក្នុងសាច់នំនិងចំណិតពងទា ត្រូវបានគេចាត់ទុកថាជាការបំពេញរូបរាងរបស់ព្រះចន្ទ ដែលនៅលើមេឃ។

៤. ប្រភេទនំព្រះខែចម្រុះពណ៌

នំសែនព្រះខែដែលមានសាច់ពណ៌ស គឺមានដើមកំណើតនៅហុងកុង ហើយបានពេញនិយមនៅប្រទេសចិន។ សំបកនំគឺធ្វើពីម្សៅអង្ករពណ៌ស ដោយបច្ចុប្បន្ននេះគេអាចច្នៃឲ្យមានគ្រប់ពណ៌ ដោយចាក់ទឹកផ្លែឈើលើសំបកនំ ដើម្បីមើលទៅមានពណ៌ស្រស់ឆើតឆាយទាក់ទាញជាងមុន។

៥. ស្នូលបន្លែនិងផ្លែឈើ

នំប្រភេទនេះជានំសុខភាព អាចនិយាយបានថា វាជាអាហារសម្រាប់អ្នកបួសដែរ។ ចំណែកគ្រឿងផ្សំរួមមានបន្លែនិងផ្លែឈើស្រស់ ទឹកឃ្មុំលីងជីបន្ថែមសាច់ខាងក្នុង ហើយរសជាតិរបស់នំគឺទន់និងរលោងពីខាងក្រៅដូចស្នូលឈូកដែរ។

៦. សូកូឡា