វប្បធម៌ ជំនឿ

អំណោយ ៥ យ៉ាង គួរជូនទៅសាច់ញាតិក្នុងថ្ងៃសែនព្រះខែ ដើម្បីនាំសុភមង្គលជូនដល់ជីវិត

បានផុស

២ years មុន

នៅ

ថ្ងៃពុធ ៧ កញ្ញា ២០២២

ដោយ

ពិធីបុណ្យសែននំព្រះខែ គឺជាពិធីបុណ្យប្រពៃណីមួយនៅក្នុងប្រទេសចិន។ ជាទូទៅសែស្រឡាយចិន និយមចូលចិត្តផ្ដល់អំណោយដល់មិត្តភ័ក្ដិ ឪពុកម្ដាយ សាច់ញាតិផ្សេងទៀត និងបុគ្គលិករបស់ពួកគេ។

អាចថាជារឿងពិបាកសម្រាប់មនុស្សមួយចំនួន ក្នុងការគិតពីអំណោយសម្រាប់សាច់ញាតិ។

កុំឲ្យគិតវែងឆ្ងាយ នេះជាអំណោយដ៏ពេញនិយមទាំង ៥ សម្រាប់ផ្ដល់ឲ្យគ្នាក្នុងពិធីបុណ្យសែននំព្រះខែ នាខាងមុខនេះ៖

១. នំសែនព្រះខែ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នំសែនព្រះខែ គឺជាអាហារត្រូវតែមានក្នុងអំឡុងពេលពិធីបុណ្យ។ ជនជាតិចិននិយមយកនំប្រភេទនេះ ជាអំណោយ មកជូនមនុស្សពិសេសរបស់ពួកគេ ដើម្បីឲ្យជីវិតមានតែរឿងល្អៗ និងសុភមង្គលដូចជាស្នូលនំដែលនៅខាងក្នុង។

២. ក្ដាមថ្មធំៗឆៅឬចម្អិនរួចរាល់

ក្នុងពេលមានពិធីបែបនេះ គឺរឿងល្អបំផុតដើម្បីបរិភោគក្ដាមថ្មធំៗ ដែលមានរោមព័ន្ធជុំវិញខ្លួនពួកវា។ ប្រភេទអំណោយនេះ គឺសក្ដិសមបំផុត សម្រាប់ពិធីបុណ្យសែនព្រះខែ។ នេះក៏ជាប្រពៃណីមួយដែលមនុស្សអាចជួបជុំ ទទួលទានអាហារគ្រួសារជាមួយគ្នាយ៉ាងមានសុភមង្គលបំផុត។

៣. តែបុរាណ

តែជាភេសជ្ជៈល្អបំផុតសម្រាប់ទទួលទានជាមួយនំសែនព្រះខែ និងជាភេសជ្ជៈដែលមានសុខភាពល្អនៅក្នុងប្រទេសចិន។ ដោយសារនំសែនព្រះខែផ្អែម តែបើទទួលទានជាមួយតែមួយពែង អាចជួយសម្រួលដល់រសជាតិរបស់នំកាន់តែមានរសជាតិឈ្ងុយឆ្ងាញ់ជាងមុន។

៤. កន្ត្រកផ្លែឈើ

ផ្លែឈើដែលពេញនិយមបំផុតសម្រាប់ពិធីបុណ្យនេះ គឺផ្លែ pears ទំពាំងបាយជូរ ក្រូចថ្លុង និងផ្លែទទឹម។ ឧទាហរណ៍ ការបរិភោគផ្លែ pears ក្នុងឱកាសបុណ្យសែននំព្រះខែ មានន័យថាគ្រួសារនឹងមិនបែកបាក់គ្នាទេ។

ប្រជាជនចិនជឿជាក់ថា មានសុខភាពល្អក្នុងការទទួលទានផ្លែឈើតាមរដូវ ហើយក៏ជាគំនិតល្អមួយក្នុងការផ្ដល់កន្ត្រកផ្លែឈើជាអំណោយ ជាមួយផ្លែឈើដែលបានរាយខាងលើ។

៥. អង្ករនិងប្រេងសរីរាង្គ

អង្ករនិងប្រេងសរីរាង្គ គឺជាគ្រឿងផ្សំទូទៅនៅក្នុងជីវិតប្រចាំថ្ងៃរបស់ប្រជាជនចិន។ សព្វថ្ងៃមនុស្សកាន់តែច្រើនកំពុងស្វែងរករបៀបរស់នៅដែលមានសុខភាពល្អ។ ប្រជាជនយកចិត្តទុកដាក់បន្ថែមលើគ្រឿងផ្សំទាំងនោះជារឿងចាំបាច់បំផុត ហើយក៏ជាហុងស៊ុយនៃការរកស៊ីទទួលទានមានបានដូចគ្នា៕

គ្រូ ណុប

ចុចអាន៖ប្រវត្តិនៃពិធីបុណ្យ «សែននំព្រះខែ» ក្នុងជំនឿជនជាតិចិន

ចុចអាន៖ប្រពៃណីសែស្រឡាយចិនអាក់ខានមិនបាន ក្នុងពិធីសែននំព្រះខែ