របាយការណ៍លម្អិតថា ករណីគ្រោះថ្នាក់ចរាចរណ៍នោះ រួមមាន ថ្ងៃទី១មីនា មាន៥ករណី ស្លាប់១នាក់ របួស៧នាក់ ថ្ងៃទី២ មាន៦ករណី ស្លាប់៣នាក់ របួស៤នាក់ ថ្ងៃទី៣ មាន៩ករណី ស្លាប់៣នាក់ របួស១៤នាក់ ថ្ងៃទី៤ មាន៤ករណី របួស៦នាក់ ថ្ងៃទី៥ មាន៦ករណី ស្លាប់៥នាក់ របួស១៥នាក់ ថ្ងៃទី៦ មាន៦ករណី ស្លាប់៥នាក់ របួស៥នាក់ និងថ្ងៃទី៧ មាន៥ករណី ស្លាប់៤នាក់ របួស៤នាក់។ ករណីគ្រោះថ្នាក់ចរាចរណ៍ទាំងនេះមាននៅមូលដ្ឋានជាអាទិ៍ រាជធានីភ្នំពេញ ខេត្តកណ្តាល កំពង់ស្ពឺ កំពត ស្វាយរៀង ព្រះសីហនុ ត្បូងឃ្មុំ កោះកុង ស្ទឹងត្រែង បាត់ដំបង រតនគិរី កំពង់ឆ្នាំង ក្រចេះ ព្រះវិហារ និងខេត្តសៀមរាប។

គួររំលឹកថា ក្នុងខែកុម្ភៈ ឆ្នាំ២០២៦ មានហេតុការណ៍គ្រោះថ្នាក់ចរាចរណ៍ផ្លូវគោកនៅទូទាំងប្រទេស កើតឡើងចំនួន២០២ករណី បណ្តាលឱ្យមានមនុស្សស្លាប់ចំនួន១៧០នាក់ និងរងរបួសធ្ងន់ស្រាលចំនួន ៤១៧នាក់។

The post សប្ដាហ៍ដំបូងខែមីនា មានអ្នកដំណើរ២១នាក់ទៀត បានស្លាប់ដោយគ្រោះថ្នាក់ចរាចរណ៍ appeared first on Kampuchea Thmey Daily.

បើតាមក្រសួងបានឱ្យដឹងថា តាមការសាកសួរ ប្រហែល៥ថ្ងៃមុនចាប់ផ្តើមឈឺ នៅក្នុងភូមិមានមាន់ងាប់ច្រើន និងផ្ទះបងប្អូនអ្នកជំងឺមានមាន់ងាប់ ក៏បានចែកមកឱ្យផ្ទះកុមារីខាងលើយកមកធ្វើម្ហូប ហើយកុមារីនោះក៏បានប៉ះពាល់មាន់ដែលងាប់នោះដើម្បីយកមកធ្វើម្ហូប។ បន្ទាប់មកអ្នកជំងឺមានសភាពធ្ងន់ធ្ងរដូចជា គ្រុនក្តៅ ក្អក ឈឺបំពង់ក ហត់ ពិបាកដកដង្ហើម និងសន្លប់ ធ្វើឱ្យបាត់បង់ជីវិតនៅថ្ងៃទី២០ ខែសីហា ឆ្នាំ២០២៤ បើទោះបីជាមានការតាមដាន និងយកចិត្តទុកដាក់ព្យាបាលខ្ពស់ពីគ្រូពេទ្យក៏ដោយ។

ជុំវិញករណីនេះ ក្រុមឆ្លើយតបបន្ទាន់របស់ក្រសួងសុខាភិបាលថ្នាក់ជាតិ និងថ្នាក់ក្រោមជាតិ បាននិងកំពុងសហការ ជាមួយក្រុមការងារនៃក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន អាជ្ញាធរមូលដ្ឋានគ្រប់លំដាប់ថ្នាក់ ធ្វើការអង្កេតស្រាវជ្រាវយ៉ាងសកម្មលើការកើតឡើងនូវជំងឺផ្តាសាយបក្សី និងធ្វើការឆ្លើយតបទៅតាមវិធីសាស្ត្រ និងពិធីសារបច្ចេកទេស បន្តការស្វែងរកប្រភពចម្លង ទាំងលើសត្វ និងមនុស្ស និងបន្តស្វែងរកករណីសង្ស័យ និងអ្នកប៉ះពាល់ដើម្បីទប់ស្កាត់ការឆ្លងបន្តទៅអ្នកដទៃទៀតក្នុងសហគមន៍ ព្រមទាំងចែកជូនឱសថតាមីហ្គូ (Tamiflu) ដល់អ្នកប៉ះពាល់ជិតស្និទ្ធ និងធ្វើយុទ្ធនាការអប់រំសុខភាពប្រជាពលរដ្ឋនៅក្នុងភូមិដែលកើតហេតុខាងលើផងដែរ។

ក្រសួងសុខាភិបាល ក៏បានក្រើនរម្លឹកពលរដ្ឋទាំងអស់គ្នា ឱ្យយកចិត្តទុកដាក់ប្រុងប្រយ័ត្នលើជំងឺផ្តាសាយបក្សីជានិច្ច ពីព្រោះជំងឺផ្តាសាយបក្សី H5N1 នៅតែបន្តគំរាមកំហែងដល់សុខភាពប្រជាពលរដ្ឋ ហើយក្រសួងក៏ណែនាំដល់ពលរដ្ឋ ប្រសិនបើមានអាការៈក្តៅខ្លួន ក្អក ហៀរសំបោរ ឬពិបាក ដកដង្ហើម និងមានប្រវត្តិធ្លាប់បានប៉ះពាល់ជាមួយមាន់ទាឈឺ ឬស្លាប់ក្នុងអំឡុង១៤ថ្ងៃ មុនថ្ងៃចាប់ផ្តើមមាន រោគសញ្ញា សូមកុំទៅជួបជុំ ឬទីប្រជុំជនដែលមានមនុស្សច្រើន និងត្រូវស្វែងរកការ ពិគ្រោះយោបល់ និងការ ពិនិត្យព្យាបាលនៅតាមមូលដ្ឋានសុខាភិបាល ដែលនៅជិតលោកអ្នកបំផុតឱ្យបាន ឆាប់ទាន់ពេលវេលា៕

ដោយ៖ អុន ស្រីមាន

The post ក្រសួងសុខាភិបាល៖ កុមារីអាយុ១៥ឆ្នាំម្នាក់នៅខេត្តព្រៃវែង ស្លាប់ដោយសារឆ្លងផ្តាសាយបក្សី H5N1 appeared first on Kampuchea Thmey Daily.

ហេតុការណ៍​គ្រោះថ្នាក់​ចរាចរណ៍​នេះ​បាន​កើត​ឡើង​កាលពី​វេលា​ម៉ោង ១១ ព្រឹក ថ្ងៃ​ទី ១១ ខែ​កក្កដា ឆ្នាំ ២០២៤ នេះ នៅ​លើ​កំណាត់​ផ្លូវ​ឈ្នះ ឈ្នះ ភូមិ​ជម្ពូ​វ័ន ២ សង្កាត់​ចោមចៅ​ទី ៣ ខណ្ឌ​ពោធិ៍​សែន​ជ័យ រាជធានី​ភ្នំពេញ។

ជនរងគ្រោះ​រួមមាន ៖ ទី ១-ឈ្មោះ ម៉ារ៉ាឌី ភេទ​ស្រី អាយុ ២១ ឆ្នាំ (ស្លាប់) និង ទី ២-ឈ្មោះ ថន ស៊ីថៃ ភេទ​ស្រី អាយុ ២១ ឆ្នាំ (របួសស្រាល)។ ជនរងគ្រោះ​ទាំងពីរ​នាក់ ជា​កម្មការិនី​រោងចក្រ ស្នាក់នៅ​បន្ទប់​ជួល ភូមិ​ត្រពាំង​ទា សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ មាន​ស្រុក​កំណើត​នៅ​ឃុំ​នរាយ ស្រុក​ឈូក ខេត្ត​កំពត។

តាម​ប្រភព​ព័ត៌មាន​ពី​ជនរងគ្រោះ​រង​របួស​ស្រាល បាន​ឲ្យ​ដឹង​ថា មុន​ពេល​កើតហេតុ​ពួកគេ​(ជន​រង​គ្រោះ​ទាំងពីរ) បាន​ជិះ​ម៉ូតូ​មួយ​គ្រឿង ម៉ាក Beat ពណ៌​ស លាយ​ក្រហម ពាក់​ស្លាក​លេខ​តាកែវ 1N 6431 មកពី​ផ្សារ​កំបូល ដោយ​ធ្វើ​ដំណើរ​តាម​បណ្ដោយ​ផ្លូវ​ឈ្នះ​ឈ្នះ ក្នុង​ទិសដៅ​ពី​ត្បូង​ទៅ​ជើង បំណង​ទៅ​បន្ទប់​ជួល​វិញ ខណៈ​មក​ដល់​ចំណុច​កើត​ហេតុ ក៏​អកហ្សើរ ទើប​ចាប់​ហ្វ្រាំង​មុខ​អូស​ដួល​ទៅ​នឹង​ថ្នល់ ភ្លាមៗ នោះ ស្រាប់​តែ​មាន​រថយន្ត​កូរ៉េ មិន​ចាំ​ស្លាក​លេខ មកពី​ក្រោយ កិន​ឈ្មោះ ម៉ារ៉ាឌី បណ្ដាល​ឲ្យ​ស្លាប់​ភ្លាមៗ ហើយ​រថយន្ត​បង្ក​បាន​បើក​គេច​ខ្លួន​បាត់​ស្រមោល​តែម្ដង។ ក្នុង​នោះ​ដែរ នៅ​លើ​កំណាត់​ផ្លូវ​ឈ្នះ​ឈ្នះ បង្ក​ការ​កកស្ទះ​ចរាចរណ៍​យ៉ាង​ខ្លាំង។

ក្រោយ​កើត​ហេតុ សមត្ថកិច្ច​មូលដ្ឋាន បាន​ចុះ​ទៅ​ដល់​ចំណុច​កើត​ហេតុ​សម្រួល​ចរាចរណ៍ និង​ទាក់​ទង​ទៅ​ជំនាញ​មក​ធ្វើ​កំណត់​ហេតុ​ប្រគល់​សព​ជូន​ទៅ​ក្រុម​គ្រួសារ​យក​ធ្វើ​បុណ្យ​តាម​ប្រពៃណី ចំណែក​ម៉ូតូ​យក​ទៅ​រក្សាទុក រង់ចាំ​ស្រាវជ្រាវ​ចាប់​រថយន្ត​បង្ក​មក​ដោះស្រាយ៕

អត្ថបទ ៖ សុខា

The post ស្ត្រី ២ នាក់ ជិះម៉ូតូមកពីផ្សារត្រឡប់ទៅបន្ទប់ជួលវិញ ជាអកុសល ត្រូវរថយន្តកិនស្លាប់ម្នាក់ appeared first on Kampuchea Thmey Daily.

លោក វរសេនីយ៍ឯក ជួន មឿន អធិការនគរបាលស្រុកសង្គមថ្មី បានឲ្យដឹងថា នៅព្រឹកថ្ងៃទី៦ ខែឧសភា ឆ្នាំ២០២៤នេះ ក្រុមការងារថ្នាក់ស្រុក អធិការដ្ឋាននគរបាលស្រុក ផ្នែកសឹករងស្រុក សហការជាមួយអាជ្ញាធរឃុំ ភូមិ និងប៉ុស្តិ៍រដ្ឋបាលស្ដៅ បានចុះពិនិត្យលំនៅឋានរបស់ប្រជាពលរដ្ឋដែលរងគ្រោះជាក់ស្ដែង ដោយសារខ្យល់កន្ត្រាក់នៅវេលាម៉ោង១៨ និង៣០នាទីថ្ងៃទី៥ខែឧសភាឆ្នាំ២០២៤។

លោកបន្តថា បើការចុះពិនិត្យនិងស្រង់ទិន្នន័យរបស់អាជ្ញាធរស្រុកសង្គមថ្មី បានឲ្យដឹងថា ភូមិដែលរងផលប៉ះពាល់មានចំនួន៣ភូមិ ក្នុងឃុំស្តៅ ក្នុងនោះរួមមាន៖១-ភូមិសុច ប៉ះពាល់ចំនួន៥០ខ្នងផ្ទះ ការខូចខាតស្រាលមានចំនួន៤៩ខ្នងផ្ទះ និងខូចខាតធ្ងន់ធ្ងរចំនួន១ខ្នងផ្ទះ។ ២-ភូមិត្រពាំងខ្ជែង ប៉ះពាល់ចំនួន៦៤ ខ្នងផ្ទះ រងការខូចខាតស្រាលមានចំនួន៦០ខ្នងផ្ទះ និងខូចខាត ធ្ងន់ធ្ងរ ចំនួន៤ខ្នងផ្ទះ។ ៣-ភូមិតាបស ប៉ះពាល់ចំនួន៤ខ្នងផ្ទះនិងខូចខាតស្រាលចំនួន៤ ក្នុងផ្ទះ។ ៤- សាលាបឋមសិក្សាភូមិសុច ខូចខាតតិចតួច។ ៥-សាលាបឋមសិក្សាត្រពាំងខ្ជែង ខូចខាតតិចតួច។ ៦- សាលាបឋមសិក្សាតាបស ខូចខាតតិចតួច។ ៧- សាលាឆទានភូមិសុច ខូចខាតធ្ងន់ធ្ងរ ៨- សាលាឆទានភូមិត្រពាំងខ្ជែង ខូចខាតតិចតួច ៩-ប៉ុស្តិ៍រដ្ឋបាលឃុំស្ដៅ ខូចខាតមធ្យម។

សូមបញ្ជាក់ថា ក្នុងហេតុការខ្យល់កន្ត្រាក់ក៏មានផលប៉ះពាល់ដល់អាយុជីវិតប្រជាពលរដ្ឋដូចខាងក្រោម៖ករណីស្លាប់១នាក់ ភេទស្រី អាយុ៦០ឆ្នាំ នៅភូមិសុច ឃុំស្ដៅ មូលហេតុផ្ទះរលំសង្កត់។ ករណីរបួស កុមារ១នាក់ ភេទប្រុស អាយុ៦ឆ្នាំ រស់នៅភូមិសុច ឃុំស្ដៅ មូលហេតុផ្ទះរលំសង្កត់។ អាជ្ញាធរស្រុកសង្គមថ្មី និងកម្លាំងសមត្ថកិច្ចមូលដ្ឋានកំពុងជួយប្រមូលនិងរៀបចំផ្ទះសម្បែងជូនពលរដ្ឋឡើងវិញ៕

ដោយ៖ជុន កុសល

The post ខ្យល់កន្ត្រាក់នៅខេត្តព្រះវិហារ បណ្ដាលឲ្យស្លាប់ និងរបួសព្រមទាំងខាតផ្ទះពលរដ្ឋជាង១០០ខ្នង appeared first on Kampuchea Thmey Daily.

កូនភ្លោះជាប់គ្នាចាស់ជាងគេ អាយុ ៦២ ឆ្នាំ បានទទួលមរណភាពកាលពីថ្ងៃទី ៧ ខែមេសា នៅឯមន្ទីរពេទ្យ ក្នុងរដ្ឋ Pennsylvania ចំណែកឯការស្លាប់របស់ពួកគេ នៅមិនទាន់ដឹងមូលហេតុនៅឡើយ។ Lori និង George រស់រានមានជីវិតបាន គឺដោយសារឪពុក និងបងប្អូនរបស់ពួកគេ។

កូនភ្លោះទាំងពីរកើតនៅឆ្នាំ ១៩៦១ ជាមួយនឹងលលាដ៍ក្បាលរបស់ពួកគេមួយផ្នែកនៅថ្ងាស ដែលមានន័យថាពួកគេមិនអាចមើលមុខគ្នាបានទេ។ កំណត់ត្រាពិភពលោក Guinness បានរាយការណ៍ថា Lori និង George Schappell បានចែករំលែកសរសៃឈាមសំខាន់ៗ និង ៣០ ភាគរយនៃខួរក្បាលរបស់ពួកគេ។

បើទោះបីជាមានពិការភាព កូនភ្លោះទាំងពីរក៏ជោគជ័យលើការងាររបស់គេរៀងៗខ្លួន គឺ លោក George ជាអ្នកចម្រៀងប្រចាំប្រទេស និងបានសម្តែងនៅក្រៅប្រទេសដូចជា អាល្លឺម៉ង់ និងជប៉ុន។ ចំណែក Lori គឺជាកីឡាករវាយកូនបាល់ ១០ pin ហើយក៏បានឈ្នះពានរង្វាន់ដូចគ្នា។ Lori នាងក៏បានធ្វើការនៅហាងបោកគក់អស់រយៈពេលជាច្រើនឆ្នាំ មុនពេលឈប់ពីការងារក្នុងឆ្នាំ ១៩៩៦៕

ប្រែសម្រួល៖ សន ផានិត

The post កូនភ្លោះជាប់គ្នាចាស់ជាងគេលើពិភពលោក Lori និង George Schappell បានស្លាប់នៅអាយុ ៦២ ឆ្នាំ appeared first on Kampuchea Thmey Daily.

លោក ទូច សុខៈ បញ្ជាក់ថា រាជធានីភ្នំពេញមានអ្នកស្លាប់ច្រើនជាងគេ គឺ៥នាក់។ ខេត្តក្រចេះ កំពង់ចាម និង ស្វាយរៀង ស្លាប់ចំនួន៣នាក់។ ខេត្តកំពង់ធំ ព្រៃវែង និង បន្ទាយមានជ័យ ស្លាប់ចំនួន២នាក់។ ក្រៅពីនេះ ខេត្តកំពង់ស្ពឺ ត្បូងឃ្មុំ ពោធិ៍សាត់ ព្រះវិហារ តាកែវ ព្រះសីហនុ កណ្ដាល ស្ទឹងត្រែង និងកំពង់ឆ្នាំង ស្លាប់ចំនួន១នាក់។

អ្នកនាំពាក្យរងក្រសួងមហាផ្ទៃ បន្តថា បើគិតជាមធ្យមក្នុងមួយថ្ងៃគ្រោះថ្នាក់ចរាចរណ៍ក្នុងសប្ដាហ៍ចុងក្រោយនេះ បានបណ្ដាល់ឱ្យមានអ្នកស្លាប់ចំនួន៤នាក់។ ទោះបីជាយ៉ាងណា លោក ទូច សុខៈ  អះអាងថា ចាប់តាំងពីមានការដាក់គោលដៅត្រួតពិនិត្យជាតិអាល់កុលមក សង្កេតឃើញគ្រោះថ្នាក់ចរាចរណ៍ និងករណីបណ្ដាលឱ្យស្លាប់ បានថយចុះគួរឱ្យកត់សម្គាល់ ជាពិសេសនៅរាជធានីភ្នំពេញ។

លោកលើកឡើងថា បញ្ហាចរាចរណ៍ គឺជាទិសដៅអាទិភាពក្នុងចំណោមទិសដៅអាទិភាពទាំង៦របស់ក្រសួងមហាផ្ទៃ ដែលដាក់ចេញដោយលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ ដូច្នេះ សមត្ថកិច្ចជំនាញ នឹងបន្តអនុវត្តការបញ្ជាដឹកនាំរបស់ ឯកឧត្ដមអភិសន្តិបណ្ឌិត លើការពង្រឹងការដាក់គោលដៅត្រួតពិនិត្យជាតិអាល់កុល ការដាក់ប៉ុស្ដិ៍ត្រួតពិនិត្យការអនុវត្តច្បាប់ចរាចរណ៍ ការអប់រំផ្សព្វផ្សាយ អំពីច្បាប់ចរាចរណ៍ បច្ចេកទេសបើកបរ និងក្រមសីលធម៌ក្នុងការបើកបរជាដើម៕

The post ៨ថ្ងៃ មានអ្នកស្លាប់២៩នាក់ របួស៧៣នាក់ ក្នុងគ្រោះថ្នាក់ចរាចរណ៍៥៨ករណី appeared first on Kampuchea Thmey Daily.

កាលពីថ្ងៃទី៧ ខែកក្កដា សារព័ត៌មាន News1 បានរាយការណ៍ថា ប៉ូលិសកំពុងស៊ើបអង្កេតការស្លាប់របស់តារាចម្រៀង Lee Sang Eun បន្ទាប់ពីគេរកឃើញនាងដេកស្លាប់នៅក្នុងបន្ទប់ទឹក។

សេចក្តីរាយការណ៍​បញ្ជាក់​ថា កាលពី​ថ្ងៃ​ទី​៦ ខែកក្កដា វេលា​ម៉ោង​ ៨ ​និង ​២៣​នាទី​យប់ បុគ្គលិកកម្មវិធីប្រគំតន្ត្រី​មួយ​បាន​ទូរសព្ទ​ទៅ​ប៉ូលិស ​ក្រោយ​រក​ឃើញ​សព​តារាចម្រៀង Lee Sang Eun ​ក្នុង​បន្ទប់ទឹក​នារី​ ជាន់​ទី​៣ ​នៅ​កន្លែង​ប្រគំ​តន្ត្រី ។ បុគ្គលិកនោះ បាននិយាយថា “ដល់​ម៉ោងដែល Lee Sang Eun ឡើង​ឆាក ​នាងបែរជា​មិន​នៅ​ក្រោយ​ឆាក​ ហើយពេល​ខ្ញុំ​រកមើលនៅ​ក្នុង​បន្ទប់ទឹក ខ្ញុំ​បាន​ឃើញ​នាង​ដេក​លើ​ឥដ្ឋ។”

សារព័ត៌មាន Yonhap ក៏បានរាយការណ៍ផងដែរថា ប៉ូលិសកំពុងស៊ើបអង្កេតឧបទ្ទវហេតុនេះ ប៉ុន្តែមិនទាន់រកឃើញអ្វីគួរឱ្យសង្ស័យនោះទេ៕

ប្រែសម្រួល៖ សន្យា

ចុចអាន៖ ជំពូ ប៉ះគ្នាលើកដំបូងជាមួយ ហ្វាន ពីងពីង នៅប៉ារីស

ចុចអាន៖ តាមពិតមុនស្លាប់ Coco Lee កើតជំងឺមហារីកសុដន់ ៦ខែហើយ

The post រកឃើញតារាចម្រៀងកូរ៉េស្លាប់ក្នុងបន្ទប់ទឹក​ មុនឡើងសម្ដែងប៉ុន្មាននាទី appeared first on Kampuchea Thmey Daily.

ឃើញខ្លួនឯងត្រូវគេសម្លាប់

សុបិននេះ មានន័យថា គ្រួសារអាចនឹងកើតរឿងឈ្លោះទាស់ទែង ដោយសារអ្នកដទៃ។ ប៉ុន្តែដរាបណាអ្នកខ្លួនឯង មិននាំភ្លើងក្រៅចូលផ្ទះ បញ្ហានឹងរលត់ទៅវិញ។ យ៉ាងណាមិញ ទំនាក់ទំនងជាមួយគូស្នេហ៍ នឹងកើតជម្លោះ​ ព្រោះនៅឆ្ងាយគ្នា។ ​សុបិននេះក៏ចង់ប្រាប់ម្ចាស់សុបិនឱ្យប្រុងប្រយ័ត្នលើសុខភាព គួរថែទាំវាឱ្យបានល្អ ត្បិតជំងឺកំពុងមកចង់បៀតបៀន។

ឃើញខ្លួនឯងស្លាប់

ការរងទុក្ខដែលកើតឡើងចំពោះអ្នកកន្លងមក មិនថាជាអ្វីនោះទេ វានឹងចាប់ផ្តើមធូរស្រាលក្នុងអំឡុងពេលនេះ។ ប៉ុន្តែ​ត្រូវ​ប្រយ័ត្ន​ក្នុង​ការឱ្យអ្នកដទៃ​ខ្ចី​ប្រាក់ ត្បិតឱកាសនៃការយកវាមកវិញគឺពិបាកណាស់។ ដោយឡែកចំពោះការងារ អ្នក​នឹង​ទទួល​ខុសត្រូវលើ​រឿង​ស្មុគស្មាញជា​ច្រើន​។

ឃើញខ្លួនឯងស្លាប់ ហើយរស់ឡើងវិញ

សុបិននេះចង់ប្រាប់ថា នឹងមានការផ្លាស់ប្តូរអាជីពដ៏សមប្រកប។ បើជាអ្នកជំនួញជួញដូរ នឹងមានឱកាសពង្រីកហាង ឬសាខាថែមទៀត។ យ៉ាងណាមិញសុបិននេះ ក្នុងន័យសុខភាព ចង់ប្រាប់ថា អាចមានសមាជិកគ្រួសារឈឺថ្កាត់ ប៉ុន្តែនឹងឆាប់ជាមកវិញនោះទេ៕

អត្ថបទ៖ សន្យា

ចុចអាន៖ គេថា សុបិនឃើញសក់ស្កូវ ជាប្រផ្នូលនៃការស្លាប់?

The post ប្រសិនសុបិនឃើញខ្លួនឯងស្លាប់ ឬត្រូវគេសម្លាប់ appeared first on Kampuchea Thmey Daily.