ជាងនេះទៅទៀត អយស្ទ័រសម្បូរទៅដោយជាតិដែក ទង់ដែង ស័ង្កសី ផូស្វ័រ កាល់ស្យូម តូរីន ​​និង DHA ដែលជួយជំរុញភាពស៊ាំ បង្កើនការចងចាំ ធ្វើឲ្យស្បែកស្រស់ស្អាត និងការពារភាពស្លេកស្លាំង ជាពិសេសចំពោះស្ត្រី។ ស័ង្កសីនៅក្នុងអយស្ទ័រជួយឲ្យស្បែករលោង ខណៈពេលដែលគាំទ្រដល់ការអភិវឌ្ឍបញ្ញា។ ផូស្វ័រជួយស្រូបយកជាតិកាល់ស្យូមបានល្អប្រសើរ ពង្រឹងឆ្អឹង និងសន្លាក់។

អយស្ទ័រក៏មានប្រសិទ្ធភាពផ្តល់សំណើមដល់ឈាម ធ្វើឲ្យរាងកាយត្រជាក់ ការពារការបែកញើស និងជាផលិតផលដែលអាចប្រើជាឱសថបាន។ មាតិកាកូឡេស្តេរ៉ុលនៅក្នុងអយស្ទ័រមិនខ្ពស់ទេ (ប្រហែល ៩៤ មីលីក្រាម/១០០ ក្រាម) ជាពិសេស មាតិកាស័ង្កសី និងតូរីនខ្ពស់ វាក៏ជួយកាត់បន្ថយកូឡេស្តេរ៉ុលអាក្រក់ផងដែរ។ ដូច្នេះ ការញ៉ាំអយស្ទ័រក្នុងកម្រិតមធ្យមគឺល្អសម្រាប់សុខភាពរបស់អ្នក។

ទោះជាយ៉ាងណាក៏ដោយ ដោយសារតែអយស្ទ័រសម្បូរទៅដោយប្រូតេអ៊ីន និងសារធាតុ purines ការញ៉ាំច្រើនពេកអាចបង្កើនបន្ទុកលើតម្រងនោម ឬបង្កើនអាស៊ីតអ៊ុយរិក ដែលអាចនាំឲ្យកើតជំងឺរលាកសន្លាក់ហ្គោដបានយ៉ាងងាយស្រួល។ ដូច្នេះ អ្នកគួរតែញ៉ាំត្រឹមតែបរិមាណមធ្យមប៉ុណ្ណោះ ហើយគួរតែពិគ្រោះជាមួយគ្រូពេទ្យមុនពេលបន្ថែមអយស្ទ័រជាប្រចាំទៅក្នុងរបបអាហារ។

លើសពីនេះ អយស្ទ័រអាចមានផ្ទុកលោហធាតុធ្ងន់បន្តិចបន្តួច ពីព្រោះវារស់នៅក្នុងសមុទ្រ ដូច្នេះវាគួរតែត្រូវបានញ៉ាំក្នុងកម្រិតមធ្យម និងជ្រើសរើសប្រភពដែលស្អាត និងច្បាស់លាស់។ អ្នកដែលមានរសជាតិខ្សោយក៏គួរតែកំណត់វាផងដែរ ពីព្រោះពួកគេងាយនឹងហើមពោះ និងរាគ ជាពិសេសនៅពេលញ៉ាំអយស្ទ័រឆៅ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ញ៉ាំមីកញ្ចប់ ២ឬ៣ ដងក្នុងមួយសប្តាហ៍ អាចកើតជំងឺបេះដូង និងដាច់សរសៃឈាមខួរក្បាល

The post របៀបទទួលទាន អយស្ទ័រ ជួយបង្កើនមុខងារតម្រងនោម មិនបង្កជាតិអាស៊ីតអ៊ុយរិកខ្ពស់ appeared first on Kampuchea Thmey Daily.

បើ​ធ្វើ​ដំណើរ​ពី​ក្រុង​កំពត​តាម​ផ្លូវ​ជាតិ​លេខ ៣ ក្នុង​​ចម្ងាយផ្លូវ​​​ជាង ២០ គីឡូម៉ែត្រ ទៅដល់​​សាលា​សង្កាត់​កោះតូច ក្រុង​បូកគោ ឃើញ​មាន​តូប​​អាជីវកម្ម​ជាច្រើន​ដែល​លក់អយស្ទ័រ​នៅ​ពាសពេញ​ទាំង​សងខាង​ង​ផ្លូវ​​។

អយស្ទ័រដែលត្រូវ​ប្រជានេសាទពី​សមុទ្រ​​ខ្មែរ​​ត្រូវ​បាន​អាជីវករ​បង្ហើប​ថា ​មាន​តម្លៃ​ចាប់​ពី ៣០០ រៀល ដល់ ៧០០ រៀល ​តាមតូចតាម​​​​ធំ ខណៈ​ក៏​មាន​អយស្ទ័រ​​នាំចូល​ពីវៀតណាម​​តម្លៃ​ចាប់ពី ១ ពាន់រៀលក្នុង​មួយ​គ្រាប់៕

The post អួយស្ទ័រ​​​សមុទ្រ​ខ្មែរ​ស្រស់ៗ​​នៅ​ខេត្តកំពត លក់​មួយ​គ្រាប់​តម្លៃពី​ ៣០០ ទៅ ៧០០ រៀល​តាម​តូច​តាម​ធំ​ appeared first on Kampuchea Thmey Daily.

លោក នុន សុភាព ជាប្រជានេសាទអយស្ទ័រ រស់នៅភូមិព្រែកអំពិល សង្កាត់កោះតូច ក្រុងបូកគោខេត្តកំពត បានបញ្ជាក់ឱ្យដឹងថា ការប្រកបរបរអ្នកនេសាទអយស្ទ័រជាង ៧ឆ្នាំមកនេះបានជួយលើកកម្ពស់ជីវភាព និងរស់នៅក្នុងក្រុមគ្រួសារលោក និងប្រជាពលរដ្ឋនៅក្នុងភូមិព្រែកអំពិលមានជីវភាពបានប្រសើរហើយសមរម្យផងដែរ។ ប៉ុន្តែការប្រមូលផលពីមួយឆ្នាំទៅមួយឆ្នាំ ក្នុងការនេសាទអយស្ទ័រមានការថយចុះខ្លាំង ដោយសារតម្រូវការទីផ្សារមួយចំនួន និងអ្នកនេសាទមានការកើនឡើងកាន់តែច្រើនជាងមុន។

លោក នុន សុភាព បានបន្តទៀតថា ការទៅនេសាទអយស្ទ័រដោយបានចំណាយទុនច្រើនគួរសម ក្នុងមួយជើងដែលចេញទៅនេសាទនៅតាមបណ្ដាលកោះឆ្ងាយៗ កាលពីមុនចេញទៅនេសាទកោះនៅជិតៗ អាចរកអយស្ទ័របានចាប់ពី ២ពាន់ ទៅ៣ពាន់គ្រាប់ក្នុងមួយជើង ប៉ុន្តែនៅបច្ចុប្បន្ននេះអាចរកបានប្រមាណចាប់ពី ៤រយ ទៅ ៥រយគ្រាប់តែប៉ុណ្ណោះ។

បើតាមការលើកឡើងពីម្ចាស់តូប ចែ តូច នៅសង្កាត់កោះតូច បានប្រាប់ឱ្យដឹងថា អ្នកស្រីបានលក់អយស្ទ័រជាងបីឆ្នាំមកហើយ ប៉ុន្តែបច្ចុប្បន្ននេះទីផ្សារអយស្ទ័រធម្មជាតិមានការធ្លាក់ចុះខ្លាំង ដោយសារការនាំចូល និងចែកចាយអយស្ទ័រទឹកដោះគោពីខាងក្រៅមកកាន់តែច្រើន។ ហើយដោយសារតែអយស្ទ័រធម្មជាតិមានចំនួនតិច ទំហំកាន់តែតូចៗទៅ ភ្ញៀវដែលនិយមទទួលទានអយស្ទ័របានងាយមកនិយមគាំទ្រទទួលទានអយស្ទ័រទឹកដោះគោវិញ។

បើយោងតាមការបញ្ជាក់ពីប្រជានេសាទសមុទ្រជាអ្នកប្រកបរបរកអយស្ទ័រថា ជាងមួយឆ្នាំមុន គម្រោងរបស់អង្គការអភិរក្សសមុទ្រកម្ពុជាបានផ្តល់វគ្គបណ្តុះបណ្តាលអំពីការចិញ្ចឹមអយស្ទ័រដល់ប្រជានេសាទសមុទ្រនៅភូមិព្រែកអំពិលចំនួន ១០គ្រួសារ ប៉ុន្តែដោយសារការចិញ្ចឹមអយស្ទ័រមានរយៈពេលយូរ (២ឆ្នាំ) គម្រោងត្រូវបានបញ្ចប់មុនការប្រមូលផល ហើយមកដល់ពេលនេះ បើតាមការបញ្ជាក់ពីពលរដ្ឋថា ទិន្នផលអយស្ទ័រដែលចិញ្ចឹមបានក្នុងរង្វង់ ៣០ ភាគរយ នៃផែនការ ទាមទាឱ្យមានមន្ត្រីជំនាញ និងអង្គការដៃគូជួយបន្តគាំទ្រគម្រោងចិញ្ចឹមអយស្ទ័រ ឬផ្តល់បច្ចេកទេសបន្ថែមជូនដល់ប្រជានេសាទ។

អយស្ទ័រធម្មជាតិដំបូងឡើយសំបូររស់នៅលើផ្ទាំងថ្មនៅតាមតំបន់កោះ ប៉ុន្តែដោយសារតម្រូវការទីផ្សារ មួយចំនួនអ្នករកអយស្ទ័រកាន់តែច្រើនជាងមុន ធ្វើឱ្យបរិមាណអយស្ទ័របានធ្លាក់ចុះខ្លាំង ដែលមកដល់បច្ចុប្បន្ននេះ បើតាមការបញ្ចាក់ពីប្រជានេសាទថា កន្លែងណាដូចកន្លែងណាដែរ អយស្ទ័រធម្មជាតិធំៗលែងមានទៀតហើយ ខណៈដែលអយស្ទ័រសេសសល់មានចំនួនកាន់តែតិចហើយ នៃទំហំកាន់តែតូចទៅៗនៅក្នុងបច្ចុប្បន្ន៕

អត្ថបទ៖ សឹង រ៉ាត់

The post ប្រជានេសាទអយស្ទ័រធម្មជាតិ ស្នើឲ្យអាជ្ញាធរ និងមន្រ្តីជំនាញគាំទ្រការចិញ្ចឹមបន្ទាប់​ពីទីផ្សារធ្លាក់ចុះខ្លាំង appeared first on Kampuchea Thmey Daily.

១. ជាថ្នាំសម្រើបពីធម្មជាតិ

អយស្ទ័រមានជាតិដែកខ្ពស់ដែលជាសារជាតិមួយធ្វើឲ្យលិង្គឡើងរឹង ថែមទាំងមានប្រយោជន៍ជួយឲ្យអំប្រ៊ីយ៉ុងស្ត្រីលូតលាស់បានល្អទៀតផង។

២. សម្បូរជាតិស័ង្កសី

ស័ង្កសីផ្ដល់អត្ថប្រយោជន៍សុខភាពជាច្រើន រួមមានពង្រឹងប្រព័ន្ធភាពស៊ាំ ធ្វើឲ្យមុខរបួសឆាប់ជា និងការពារភ្នែកព្រិលពេលចាស់ទៅ។

៣. ជួយសម្រកទម្ងន់

អយស្ទ័រសម្បូរជីវជាតិពិតមែន ប៉ុន្តែវាមានថាមពលតិចតួចណាស់បើធៀបទៅនឹងសាច់ផ្សេងៗ។ ណាមួយវាផ្ទុកជាតិសូដ្យូមច្រើនដែរ ដូច្នេះអ្នកមានជំងឺលើសឈាមមិនគួរបរិភោគអយស្ទ័រច្រើនពេកទេ។

៤. ជាប្រភពប្រូតេអ៉ីនល្អ 

អយស្ទ័រជាជម្រើសល្អបំផុតសម្រាប់សុខភាពក្នុងការស្រូបយកប្រូតេអ៉ីនដោយសារតែវាមិនបង្កខ្លាញ់អាក្រក់។ លើសពីនេះការញ៉ាំអយស្ទ័រមិនបំផ្លាញបរិស្ថានទេ វាមានតែជួយបន្សុទ្ធទឹកកន្លែងវានៅ។

៥. ជួយពង្រឹងសុខភាពបេះដូង

អយស្ទ័រមានផ្ទុកអាស៉ីតអូមេហ្គាបី (កូលេស្តេរ៉ុលល្អ), ប៉ូតាស្យូម, វីតាមីន E និងម៉ាញេស្យូម ហើយសារជាតិទាំងនោះជួយរក្សាចង្វាក់បេះដូង បញ្ចុះសម្ពាធឈាម ពង្រឹងមុខងារសរសៃឈាម បង្កើនអុកស៉ីសែនក្នុងឈាម និងបន្ថយការរលាកជាដើម។

៦. ពង្រឹងសុខភាពឆ្អឹង

អយស្ទ័រសម្បូរជាតិរ៉ែដែលល្អសម្រាប់ឆ្អឹងដូចជា កាល់ស្យូម ផូស្វ័រ ស័ង្កសី ជាតិដែក ទង់ដែង និងសេលេញ៉ូម។

៧. ផ្ទុកសារជាតិអុកស៉ីតកម្មពិសេស

សារជាតិនោះមានឈ្មោះថា DHMBA ជួយដល់ការចងចាំ មុខងារសិក្សានៅក្នុងខួរក្បាលនិងការពារថ្លើមពីភាពតានតឹងអុកស៊ីតកម្មផងដែរ។

សូមបញ្ជាក់ដែរថា កូនក្មេង អ្នកមានប្រព័ន្ធភាពស៊ាំអន់ ស្ត្រីមានផ្ទៃពោះ និងស្ត្រីបំបៅដោះកូន មិនគួរទទួលទានអយស្ទ័រទេ ដោយសារតែអយស្ទ័រវាស្រូបយកសារធាតុចិញ្ចឹមពីកន្លែងដែលវារស់នៅមានអយស្ទ័រខ្លះនឹងមានជាតិពុល ដូច្នេះអ្នកគប្បីហូបដោយប្រុងប្រយ័ត្ននិងប្រាកដថាវាមកពីប្រភពទឹកខាងណាសឹមបរិភោគ។ មិនថាអយស្ទ័រឆៅឬឆ្អិននោះទេ វានៅតែអាចធ្វើឲ្យអ្នកឈឺដូចគ្នា៕

ប្រែសម្រួលដោយ៖ វារី

ចុចអាន៖ មកដឹងពីអយស្ទ័រធំបំផុត លើពិភពលោក

ចុចអាន៖ ទម្លាយអាថ៌កំបាំងរបស់អយស្ទ័រ ពាក់ព័ន្ធរឿងលើគ្រែ មនុស្សភាគច្រើនចង់ដឹងបំផុត

The post អត្ថប្រយោជន៍ ៧ យ៉ាង ពីការទទួលទានអយស្ទ័រ appeared first on Kampuchea Thmey Daily.

ងាកមកនិយាយពី​អយស្ទ័រ​វិញ យើងធ្លាប់តែញ៉ាំអយស្ទ័រធំៗ ប៉ុន​បាទដៃ​សាច់ណែន​ឆ្ងាញ់​ប៉ុណ្ណឹង​ ហើយ​ចុះ​ទម្រាំ​តែ​ទំហំ​ធំ​បង្អស់​ទូទាំង​ពិភពលោក​ទៀត។ ខាងក្រោមនេះ ​ជា​រូបភាព​របស់អយស្ទ័រធំបំផុតនៅលើលោក៖

យោងទៅតាមGuinness World Records អយស្ទ័រធំ​បង្អស់​គឺ​ជា​អយស្ទ័រ​ប៉ាស៊ីហ្វិក មាន​ប្រវែង​បណ្ដោយ ៣៥.៥សង់ទីម៉ែត្រ និង​ទទឹង ១០.៧សង់ទីម៉ែត្រ ចំណែក​ឯទម្ងន់វិញគឺ១.៦២គីឡូបូករួម​ទាំង​មាន​អយស្ទ័រ​ជាប់នឹង៥គ្រាប់ទៀត។ វាត្រូវគេរកឃើញ​នៅ​ប្រទេស​ដាណឺម៉ាក ហើយ​វាស់នៅ មជ្ឈមណ្ឌល​សមុទ្រ Wadden, Vester Vedsted ប្រទេស​ដាណឺម៉ាក ថ្ងៃទី១៧ ខែធ្នូ ឆ្នាំ២០១៣។ អយស្ទ័រ​ប៉ាស៊ីហ្វិក​ធំ​បង្អស់​នេះ​រក​បាន​ពី​ឆ្នេរសមុទ្រ ដាណឺម៉ាក នៃ​សមុទ្រ វ៉ាដិន (Wadden)។

សូម​បញ្ជាក់​ដែរ​ថា​លោក Jack រូបនេះ​ហើយ​ ជា​ម្ចាស់​របស់​អយស្ទ័រ​ធំ​បំផុត ព្រោះ​គាត់​ជា​អ្នក​យក​វា​ទៅ​វាស់​នៅ​ទិវា​អយស្ទ័រ​ប្រចាំ​តំបន់​នោះ៕

ប្រែសម្រួល៖វារី

ចុចអាន៖ទម្លាយអាថ៌កំបាំងរបស់អយស្ទ័រ ពាក់ព័ន្ធរឿងលើគ្រែ មនុស្សភាគច្រើនចង់ដឹងបំផុត

The post មកដឹងពីអយស្ទ័រធំបំផុត លើពិភពលោក appeared first on Kampuchea Thmey Daily.

១- អយស្ទ័រពិតជាអាហារជំរុញចំណង់ផ្លូវភេទធ្វើឲ្យសម្រើបខ្លាំងមែនអត់?

អយស្ទ័រ អាចជាអាហារតំណាងឲ្យ​ភាពត្រេកត្រអាលនៃចំណង់ផ្លូវភេទដែលមាននៅលើពិភពលោក។ វាត្រូវចាត់ទុកជាអាហារពេញនិយមបំផុតអំឡុងទិវានៃក្តីស្រលាញ់ ហើយត្រូវគេជឿថាគ្មានអាហារណា អាចធ្វើឲ្យយើង​មាន​សម្រើប​កើនចំណង់ផ្លូវភេទខ្លាំងដូចអយស្ទ័រនោះដែរ។ អ្នកជំនាញជាច្រើន គ្រាន់តែជឿថាការ​យល់​ឃើញ​នេះ​ ប្រហែលត​មកពីជំនឿបុរាណ ដែលគិតថា អយស្ទ័រជាអាហារជំរុញឲ្យយើងមាន​សម្រើប។ យ៉ាងណា យើងទាំងអស់គ្នាគួរតែអរគុណដល់វិទ្យាសាស្ត្រនាពេលបច្ចុប្បន្ននេះ ដែលកាន់តែអាច​បញ្ជាក់​ប្រាប់យើងថា អយស្ទ័រពិតជាអាហារពោរពេញដោយសក្តានុពល។

២- គុណប្រយោជន៍សុខភាពពីអយស្ទ័រ

អយស្ទ័រជាអាហារបែបទាន់សម័យ និងមានគុណសម្បត្តិច្រើនចំពោះសុខភាព។ អ៊ីចឹង អយស័្ទរ ពិតជាធ្វើឲ្យយើងមាន​សម្រើប​មែន​អត់? ពិតណាស់ សម្រាប់គ្នាយើងចាប់ផ្តើមភ្លក់រសជាតិរបស់វាដំបូង ច្បាស់ជាទទួលបានជាតិប្រៃ និងផ្អែម និងក្លិនដូចគ្នាទៅនឹងក្លិនដ៏ទាក់ទាញដែលមាន និងបញ្ចេញដោយប្រដាប់ភេទស្រីៗមិនខាន។

ប៉ុន្តែ​នេះគ្រាន់តែជាហេតុផលមួយប៉ុណ្ណោះ ខណៈនៅមានហេតុផលជាច្រើនទៀត អាចឲ្យយើងពិចារណាថាអយស្ទ័រពិតជាអាហារទាក់​ទាញសម្រាប់ជំរុញប្រតិបត្តិការលើគ្រែប្រាកដមែន។

បើទោះជាសារធាតុចិញ្ចឹមនៅក្នុងអយស្ទ័រ​មួយគ្រាប់មានកម្រិតតិចតួចក៏ពិតមែន ប៉ុន្តែនៅពេលយើងញ៉ាំវាប្រមាណជាង ១០គ្រាប់ យើងនឹងទទួលបានកម្រិតជាតិស័ង្កសីយ៉ាងច្រើន ខណៈស័ង្កសី ជាសារធាតុចិញ្ចឹមចាំបាច់​បំផុតសម្រាប់ផលិត​អ័រម៉ូន​តេស្តូស្តេរ៉ូន ដែលយើងសុទ្ធតែស្គាល់ថា ជាអ័រម៉ូនដ៏សំខាន់ក្នុងការជួយជំរុញចំណង់ផ្លូវភេទឲ្យពុះកញ្ជ្រោល ទាំងចំពោះប្រុសៗ ទាំងស្រីៗ។

នៅមិនទាន់គ្រប់គ្រាន់នៅឡើយទេ សត្វសមុទ្រមានសំបកប្រភេទនេះ ក៏ជាប្រភពនៃជាតិប្រូតេអ៊ីនដូចគ្នា។ ជាក់ស្តែង ត្រូវមនុស្សពីដើមជឿថា វាអាចជួយឲ្យសុខភាពផ្លូវភេទរបស់ប្រុសៗ ខ្លាំងក្លារហូតដល់ចាស់។ ផ្អែកទៅលើសៀវភៅរបស់អ្នកនិពន្ធជន​ជាតិអ៊ីតាលី Giacomo Casanova (កើតថ្ងៃ ២ មេសា ឆ្នាំ ១៧២៥ ស្លាប់ថ្ងៃទី ៤ មិថុនា ឆ្នាំ ១៧៩៨) និយាយថា លោកបានញ៉ាំអយស្ទ័រ​មួយថ្ងៃ ៥០គ្រាប់ ដើម្បីជួយឲ្យលិង្គរបស់លោក រឹងមាំ ខ្លាំងក្លារហូតដល់លោកស្លាប់។

៣- អយស្ទ័រអាចធ្វើឲ្យមានឥទ្ធិពលដល់កម្រិតអ័រម៉ូនភេទ

ការសិក្សាមួយ​នៅ​ឆ្នាំ ២០០៥ អ្នកស្រាវជ្រាវរកឃើញថា អយស្ទ័រ រួមនឹងសត្វអំបូរលៀសគ្រុំផ្សេងទៀត ពិសេសលៀសសមុទ្រ និងគ្រុំជំពុះទា (clams and mussels) ប្រហែលជាអាចមានឥទ្ធិពលវិជ្ជមានដល់កម្រិតអ័រម៉ូនភេទយើងបាន។ ពពួកសត្វសមុទ្រប្រភេទនេះ សម្បូរទៅដោយអាស៊ីដអាមីណូ អាស៊ីដ D-Aspartic ដែលសុទ្ធតែអ្នកវិទ្យាសាស្ត្រស្រាវជ្រាវឃើញពីភាពវិជ្ជមានរបស់វាទៅលើអ័រម៉ូនសត្វកណ្តុរ។ បើទោះជាមិនមានការសិក្សាបន្ថែមទៅលើពពួក​អាស៊ីដ​អាមីណូ ​អាចជួយឲ្យអ្នកញ៉ាំមានចំណង់ផ្លូវ​ភេទ​ខ្ពស់ក្តី ប៉ុន្តែជាក់ស្តែងគ្នាយើងដែលចូលចិត្តញ៉ាំអយស្ទ័រ និង​លៀស​គ្រុំ​ខាង​លើ​ សុទ្ធ​តែ​មាន​ចំណង់​ផ្លូវភេទ​ខ្លាំង​ក្លា។

៤- អយស្ទ័រធ្វើឲ្យយើងរួមភេទបាន​កាន់តែយូរ?

ស្របពេលដែលអយស្ទ័រ ត្រូវចាត់ទុកជាអាហារមួយក្នុងចំណោមអាហារមានទំនាក់ទំនងចំណង់ផ្លូវភេទ ប៉ុន្តែមានភស្តុតាងតិច​តួចណាស់ ដែលអាចបញ្ជាក់ថា អយស្ទ័រអាចជួយឲ្យយើងរួមភេទបានយូរជាងធម្មតា។ អ្វីយើងអាចជឿបាន គ្រាន់តែថា វាសម្បូរទៅដោយប្រូតេអ៊ីន ដែលរាងកាយយើងត្រូវការជាចាំបាច់ដើម្បីរក្សាថាមពលឲ្យបានគ្រប់គ្រាន់អំឡុងពេលរួមភេទ៕

អត្ថបទផ្ដល់ដោយ៖ Hello Krupet

ចុចអាន៖ចំណុចស្រើបស្រាលប្រុសៗ នៅកន្លែងណា?​

The post ទម្លាយអាថ៌កំបាំងរបស់អយស្ទ័រ ពាក់ព័ន្ធរឿងលើគ្រែ មនុស្សភាគច្រើនចង់ដឹងបំផុត appeared first on Kampuchea Thmey Daily.