ញ៉ាំមីកញ្ចប់ ២ឬ៣ ដងក្នុងមួយសប្តាហ៍ អាចកើតជំងឺបេះដូង និងដាច់សរសៃឈាមខួរក្បាល

ការសិក្សាបានបង្ហាញថា ញ៉ាំមីកញ្ចប់ ២ឬ៣ ដងក្នុងមួយសប្តាហ៍ អាចនាំឲ្យកើតជំងឺលើសឈាម ដែលជាកត្តាហានិភ័យដ៏សំខាន់សម្រាប់ទាំងជំងឺបេះដូង និងជំងឺដាច់សរសៃឈាមខួរក្បាល។ មីកញ្ចប់មួយចំណែក អាចមានផ្ទុកជាតិសូដ្យូមច្រើន ដែលត្រូវបានណែនាំជារៀងរាល់ថ្ងៃ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនតែប៉ុណ្ណោះ មីកញ្ចប់ច្រើនតែមានជាតិខ្លាញ់ឆ្អែត និងគ្រឿងផ្សំកែច្នៃខ្ពស់ផ្សេងទៀត ដែលអាចរួមចំណែកដល់កម្រិតកូឡេស្តេរ៉ុលកើនឡើង និងជំរុញឲ្យធាត់ ដែលទាំងពីរនេះជាកត្តាហានិភ័យសម្រាប់ជំងឺទឹកនោមផ្អែមប្រភេទទី ២។

ការរួមបញ្ចូលគ្នានៃជាតិសូដ្យូម ខ្លាញ់ និងសមាសធាតុកែច្នៃខ្ពស់ បង្កើនហានិភ័យនៃជំងឺមេតាបូលីស។ ជំងឺមេតាបូលីសត្រូវបានកំណត់លក្ខណៈដោយចង្កោមនៃស្ថានភាព រួមទាំងជំងឺលើសឈាម ជាតិស្ករក្នុងឈាមខ្ពស់ ខ្លាញ់ពោះលើស និងកម្រិតកូឡេស្តេរ៉ុលមិនធម្មតា ដែលទាំងអស់នេះមានទំនាក់ទំនងជាមួយនឹងហានិភ័យកើនឡើងនៃជំងឺបេះដូង ជំងឺដាច់សរសៃឈាមខួរក្បាល និងជំងឺទឹកនោមផ្អែម។

លើសពីនេះ មីកញ្ចប់ជាទូទៅមានសារធាតុចិញ្ចឹមសំខាន់ៗទាប ដែលរួមចំណែកបន្ថែមទៀតដល់សុខភាពមិនល្អជាទូទៅ នៅពេលដែលវាត្រូវបានទទួលទានជាប្រចាំជាផ្នែកសំខាន់មួយនៃរបបអាហារ។

ដូចគ្នានេះដែរ ការវេចខ្ចប់ប្លាស្ទិកដែលប្រើសម្រាប់មីកញ្ចប់មួយចំនួនមានផ្ទុក Bisphenol A (BPA) ដែលជាសារធាតុរំខានដល់មុខងារអរម៉ូន និងរួមចំណែកដល់បញ្ហាសុខភាពតទៅថ្ងៃខាងមុខ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

អាហារពេលព្រឹកជាមួយចេក ជួយដល់សរសៃឈាមបេះដូងដើរបានល្អ