រុស្ស៊ីបានប្រកាសទៀតថា ការរឹតបន្តឹងនឹងធ្វើឡើងរហូតដល់មានព័ត៌មានចាំបាច់ស្តីពីសុវត្ថិភាពនៃអាហារសមុទ្រ ជប៉ុនត្រូវបានផ្តល់ជូន និងវិភាគដោយនិយតកររុស្ស៊ី ប៉ុន្តែការរឹតបន្តឹងនេះគឺបានចែកដាច់ពីគ្នារវាងការចែកចាយផលិតផលសមុទ្រ និងផលិតផលកែច្នៃរបស់ជប៉ុន ។

ទោះយ៉ាងណាក៏ដោយ ពាក់ព័ន្ធទៅនឹងការបង្ហូរទឹកសំណល់ចេញពីរោងចក្រថាមពលនុយក្លេអ៊ែរនេះដែរ ទីភ្នាក់ងារថាមពលបរមាណូអន្តរជាតិ (IAEA) ធ្លាប់បាននិយាយហើយថា វាគឺស្របតាមស្តង់ដារសុវត្ថិភាពអន្តរជាតិ ដូច្នេះនឹងមិនមានផលប៉ះពាល់អ្វីដល់អាហារសមុទ្រនោះទេ ។

គួរបញ្ជាក់ថា ​ចិន​បាន​ផ្អាក​ការ​នាំ​ចូល​អាហារ​សមុទ្រ​ពី​ប្រទេស​ជប៉ុន​កាល​ពី​ចុង​ខែ​សីហា ដើម្បី​ជា​ការ​ឆ្លើយ​តប​ទៅ​នឹង​ការ​បង្ហូរទឹកសំណល់ចេញពី​រោងចក្រ​ថាមពលនុយក្លេអ៊ែរ Fukushima Daiichi ខណៈបច្ចុប្បន្ន រដ្ឋាភិបាល​ជប៉ុន​បាន​និង​កំពុង​ជំរុញ​ក្រុង​ប៉េកាំង​ឲ្យដក​ការ​ផ្អាក​ការ​នាំ​ចូល​នេះផងដែរ ៕

ប្រែសម្រួល៖ នាង រតនៈ

ប្រភព៖​ NHK

The post រុស្ស៊ី​ ចូលរួម​ជាមួយ​ ចិន​​ ​ផ្អាក​​នាំ​ចូល​អាហារ​សមុទ្រ​ពី​ ជប៉ុន appeared first on Kampuchea Thmey Daily.

តាមរយៈក្រសួងហិរញ្ញវត្ថុរបស់ប្រទេសជប៉ុនបាននិយាយថា ការនាំចេញអាហារសមុទ្រដែលមិនទាន់កែច្នៃកាលពីខែមុនមានតម្លៃប្រហែល ២.១៨ ពាន់លានយ៉េន ឬ ១៤.៦ លានដុល្លារ ។

ប្រទេស​ចិនបាន​ផ្អាក​ការ​នាំ​ចូល​គ្រឿង​សមុទ្រ​របស់​ជប៉ុន​កាលពី​ថ្ងៃ​ទី​២៤ ខែសីហា ដើម្បីជាការតវ៉ាដល់ប្រទេសជប៉ុន បន្ទាប់ពីការបង្ហូរទឹកសំណល់មានជាតិវិទ្យុសកម្មចេញពីរោងចក្រថាមពលនុយក្លេអ៊ែរ Fukushima Daiichi ចូលទៅក្នុងមហាសមុទ្រប៉ាស៊ីហ្វិក ។

ពាក់ព័ន្ធបញ្ហានេះដែរ រដ្ឋាភិបាល​ជប៉ុន​គ្រោង​នឹង​ចំណាយ​ថវិកា​បន្ថែមប្រមាណ ១៣៩ លាន​ដុល្លារ​លើ​វិធានការ​សង្គ្រោះ​បន្ទាន់​សម្រាប់​ឧស្សាហកម្ម​នេសាទ ខណៈមូលនិធិដែលមានស្រាប់កាលពីមុន មានប្រមាណ ៥៣៥ លានដុល្លារ ហើយរដ្ឋាភិបាល​ក៏​កំពុង​ធ្វើ​ការ​ដើម្បី​បើក​ទីផ្សារ​អាហារ​សមុទ្រ​ថ្មី​ទៅកាន់​បរទេសផងដែរ ៕

ប្រែសម្រួល៖ នាង រតនៈ

ប្រភព៖ NHK

The post ចិន ទម្លាក់ការទិញអាហារសមុទ្រពី ជប៉ុន ដល់ ៧៥ ភាគរយ appeared first on Kampuchea Thmey Daily.

យោងតាមស្ថិតិពាណិជ្ជកម្មដែលចេញផ្សាយដោយរដ្ឋបាលទូទៅនៃគយចិនកាលពីថ្ងៃទី១៨ ខែកញ្ញាបានឲ្យដឹងថា តម្លៃសរុបនៃផលិតផលសមុទ្រដែលនាំចូលពីប្រទេសជប៉ុនមានចំនួន ២០.៤ លានដុល្លារ ដោយធ្លាក់ចុះ ៦៧.៦ ភាគរយ បើប្រៀបធៀបនឹងខែដូចគ្នាកាលពីឆ្នាំមុន ។

បញ្ហនៃការធ្លាក់ចុះនេះ គឺពាក់ព័ន្ធជាមួយនឹងការបង្ហូរ​ទឹកសំណល់ចូលទៅក្នុងមហាសមុទ្រប៉ាស៊ីហ្វិកកាលពីថ្ងៃទី២៤ ខែសីហា ហើយជាលទ្ធផលគយចិនបានចាប់បង្ខាំងផលិតផលអាហារសមុទ្ររបស់ជប៉ុនអស់ជាច្រើនសប្តាហ៍ ខណៈការនាំចេញត្រីស្រស់បន្ថែមទៀតក៏ត្រូវបានផ្អាកផងដែរ ។

សូមបញ្ជាក់ថា ចិនគឺជាអតិថិជនអាហារសមុទ្រដ៏ធំបំផុតរបស់ប្រទេសជប៉ុនជាយូរមកហើយ ខណៈកាលពីឆ្នាំ ២០២២ ប្រទេសជប៉ុនកើបលុយបានពីការនាំចេញផលិតផលសមុទ្ររហូតទៅដល់ ២.៦ ពាន់លានដុល្លារ ខណៈទីផ្សារគ្រាក់ៗរបស់ជប៉ុន រួមមាន ថៃ ហុងកុង និងចិននេះឯង ៕

ប្រែសម្រួល៖ នាង រតនៈ

ប្រភព៖​ Asahi Shimbun

The post គ្រឿងសមុទ្រដែល ចិន ទិញពី ជប៉ុន ធ្លាក់ចុះ ៦៧.៦ ភាគរយ ក្នុងខែសីហា appeared first on Kampuchea Thmey Daily.

ហុងកុង គឺជាប្រទេសចម្បងដែលទិញផលិតផលកសិកម្ម និងអាហារសមុទ្រពីជប៉ុន ខណៈខេត្តចំនួន ៩ ដែលនឹងហាមឃាត់រួមមាន Fukushima, Chiba, Tochigi, Ibaraki, Gunma, Miyagi, Niigata, Nagano និង Saitama។

កាលពីខែមីនា ឆ្នាំ ២០១១ រោងចក្រថាមពលនុយក្លេអ៊ែរ Fukushima Daiichi ត្រូវបានរងការវាយប្រហារចំនួន ៣ ដង ដោយសារតការរញ្ជួយដី និងរលកយក្សស៊ូណាមិ ដែលនាំឲ្យបែកធ្លាយសារធាតុវិទ្យុសកម្មយ៉ាងធ្ងន់ធ្ងរ ។

ទន្ទឹមនោះ ទឹកដែលប្រើដើម្បីធ្វើឲ្យត្រជាក់ឥន្ធនៈនុយក្លេអ៊ែររលាយនៅក្នុងកន្លែងនោះ ត្រូវបានលាយជាមួយទឹកភ្លៀង និងទឹកក្រោមដី ខណៈទឹកទាំងនោះក៏ត្រូវបានសម្អាតដើម្បីយកសារធាតុវិទ្យុសកម្មចេញផងដែរ ប៉ុន្តែទោះយ៉ាងណា សារធាតុទ្រីទីយ៉ូមនៅតែមានក្នុងទឹក ។

ពាក់ព័ន្ធនឹងបញ្ហានេះដែរ រដ្ឋាភិបាលជប៉ុន បានព្យាយាមដើម្បីកាត់បន្ថយកម្រិតទ្រីទីយ៉ូមក្នុងទឹក មកនៅត្រឹមតែ ១ ភាគ ៧ ប៉ុណ្ណោះនៃស្តង់ដារទឹកផឹករបស់អង្គការសុខភាពពិភពលោក (WHO) មុនពេលបញ្ចេញវាទៅក្នុងសមុទ្រ ៕

ប្រែសម្រួល៖​ នាង រតនៈ

ប្រភព៖​ NHK

The post ហុងកុង ព្រមានមិនទិញគ្រឿងសមុទ្រ បើ ​ជប៉ុន បង្ហូរ​ទឹកពីរោងចក្រនុយក្លេអ៊ែរចូលសមុទ្រ appeared first on Kampuchea Thmey Daily.

តាមពិតទៅ ពួកវា​មាន​តម្លៃ​ដោយសារ​តែ​មនុស្ស​ដែល​ហ៊ាន​ប្រថុយ​ជីវិត​ ដើម្បី​ទៅ​ចាប់​វា​យក​មក​ប៉ុណ្ណោះ។ ជា​ពិសេស​នោះ​គឺ​អ្នក​នេសាទ​ម្នាក់ៗ ​ត្រូវ​ទ្រាំ​លំបាក​ និង​ចំណាយ​ពេល​ក្នុង​ការ​ចាប់​ទម្រាំ​បាន​មួយ​ក្បាលៗ​ គឺ​ដោយសារ​វា​នៅ​បាតសមុទ្រ​ដ៏​ជ្រៅ​បំផុត។

បុរស​ម្នាក់​ឈ្មោះ Steven Purcell ដែល​ជា​អ្នក​ជំនាញ​ឈាន​មុខ​គេ​លើ​ពិភពលោក​ ក្នុង​ការ​នេសាទ​លើ​ត្រសក់​សមុទ្រ​បាន​បញ្ជាក់​ថា​ ជា​ធម្មតា​ត្រសក់​សមុទ្រ​ជា​សត្វ​ចម្លែក​ណាស់។ ពួកវា​គ្មាន​អវយវៈ​ ​គ្មាន​ភ្នែក​មាន​មាត់ មាន​រន្ធ​គូថ និង​សរីរាង្គ​ទាំងមូល​នៅ​ចន្លោះ​ដងខ្លួន។

សត្វប្រភេទ​នេះ​ត្រូវ​បាន​ផ្ដល់​រង្វាន់​ថា ​ជា​អាហារ​ឆ្ងាញ់​នៅ​អាស៊ី​អស់​ជាច្រើន​សតវត្ស​មក​ហើយ ដែល​ក្រុម​អ្នក​មាន​បំផុត​បាន​បរិភោគ​សត្វ​ទាំងនោះ​ជា​អាហារ​ ​មាន​ជីវជាតិនិង​ប្រូតេអ៊ីន​ខ្ពស់។ រហូតដល់​ទសវត្សរ៍ឆ្នាំ ១៩៨០ តម្រូវការ​ត្រសក់​សមុទ្រ​បាន​ផ្ទុះ​ឡើង​កាន់​តែ​ខ្លាំង និងជាការ​​ចាប់​អារម្មណ៍​ថ្មី​ ពី​ក្រុមហ៊ុន​ឱសថ​លោក​ខាង​លិច​ផងដែរ។

ការកើនឡើងនៃវណ្ណៈកណ្តាលនៅក្នុងប្រទេសចិន​ មានន័យថា មនុស្សកាន់តែច្រើន​អាចមាន​លទ្ធភាពទិញ​អាហារ​ប្រណីត​នេះបាន។ សព្វថ្ងៃនេះ ជាធម្មតា ពួកវាត្រូវបានសម្ងួត និងខ្ចប់​ក្នុង​ប្រអប់​ ហើយ​តុបតែង​យ៉ាងស្រស់ស្អាត បន្ទាប់មកផ្តល់ជា​អំណោយ និងបម្រើក្នុងឱកាស​ពិសេសៗ។ ដូច្នេះ រូបរាងកាន់តែស្អាត​នៃ​ការ​វេច​ខ្ចប់ និង​មិន​ធម្មតា ធ្វើឲ្យវា​កាន់​តែ​ថ្លៃខ្លាំង។

យ៉ាងណាមិញ​ តម្លៃរហូតដល់ ៣,៥០០ ដុល្លារក្នុងមួយគីឡូក្រាមនេះ ត្រូវបានចាត់ថ្នាក់ថា​ជា​ត្រសក់​សមុទ្រ​ថ្លៃបំផុត​នៅលើទីផ្សារ។ បើប្រៀបធៀបទៅនឹងពូជដទៃទៀត ដូចជា ត្រីខ្សាច់មាស ត្រីនាគ និងត្រី Curry។ ទោះបីជាអ្នកបញ្ជាទិញប្រភេទសត្វធម្មតានៅលើ Amazon ក៏ដោយ អ្នកនៅតែអាច​បង់ប្រាក់​លើសពី ១៧០ដុល្លារអាមេរិក សម្រាប់​មួយចាន។

ត្រសក់សមុទ្រមានផ្ទុកសារធាតុគីមីមួយ​ប្រភេទហៅថា fucosylated glycosaminoglycan ខ្ពស់ នៅ​ក្នុងស្បែក​របស់​ពួកវា ដែលប្រជាជននៅទូទាំង​អាស៊ីបាន​ប្រើប្រាស់ ដើម្បីព្យាបាល​បញ្ហា​សន្លាក់ ​ដូចជា​ ជំងឺរលាក​សន្លាក់ជាច្រើន​សតវត្សមកហើយ ហើយថ្មីៗនេះនៅអឺរ៉ុប​ មនុស្សប្រើប្រាស់​វា​ ដើម្បី​ព្យាបាល​ជំងឺមហារីកមួយចំនួន និងដើម្បី​កាត់បន្ថយការ​កកឈាម។

ជាការឆ្លើយតប ប្រជាជាតិនានា បានទាមទារដើម្បីប្រមូលផលពូជក្នុងស្រុករបស់ពួកគេ។ ពីប្រទេសម៉ារ៉ុក ទៅសហរដ្ឋអាមេរិក ដល់ Papua New Guinea មនុស្សគ្រប់គ្នាចង់ធ្វើពាណិជ្ជកម្ម​ត្រសក់សមុទ្រជាខ្លាំង។

ជាឧទាហរណ៍ ចាប់ពីឆ្នាំ ១៩៩៦ ដល់ឆ្នាំ ២០១១ ចំនួនប្រទេសដែលនាំចេញ​ត្រសក់សមុទ្រ​​ បានផ្ទុះឡើងពី ៣៥ ទៅ ៨៣ ក្បាល។ ប៉ុន្តែជាអកុសល ត្រសក់សមុទ្រ​មិនអាចទប់ទល់​នឹងអាកាសធាតុ​បានទេ។ ជាឧទាហរណ៍ នៅតំបន់ Yucatan ប្រទេសម៉ិកស៊ិក អ្នកមុជទឹក​បានឃើញការធ្លាក់ចុះ ៩៥ភាគរយ នៃការប្រមូលផលរបស់ពួកគេ នៅចន្លោះឆ្នាំ ២០១២ និង ២០១៤ ហើយនោះជាបញ្ហា​សម្រាប់មនុស្សគ្រប់គ្នា ដែលចង់បានវា។

ម៉្យាងវិញទៀត ដោយសារតែត្រសក់សមុទ្រ​កាន់តែច្រើន ត្រូវបានប្រមូលផល វាកាន់តែកម្រ និងមាន​តម្លៃថ្លៃជាង។ តម្លៃជាមធ្យមបានកើនឡើងជិត ១៧ភាគរយ នៅទូទាំងពិភពលោក​ចន្លោះឆ្នាំ ២០១១ និង ២០១៦។ ហើយ​សត្វទាំងនេះកាន់តែកម្រករកបាន អ្នកមុជទឹកកាន់​តែជ្រៅ កំពុងហែល​ទឹកដើម្បី​ស្វែងរកពួកគេ។ នោះហើយជាពេលដែលការនេសាទ​មានគ្រោះថ្នាក់ខ្លាំងបំផុត។

មកទល់ពេលនេះ អ្នកមុជទឹក យ៉ាងតិច៤០នាក់បានស្លាប់ ដោយ​ព្យាយាមប្រមូលផល​ត្រសក់​សមុទ្រ ហើយនៅពេលដែលតម្រូវការនៅតែបន្តកើនឡើង បញ្ហាកាន់តែអាក្រក់ទៅៗ។ ក្នុងចំណោម ៧០ ប្រភេទ ឬច្រើនជាងនេះនៃ​ត្រសក់​សមុទ្រ​ដែលត្រូវបានកេងប្រវ័ញ្ច​នោះ ៧ ត្រូវបាន​ចាត់ថ្នាក់​ថាជិតផុតពូជ តាមរយៈការកេងប្រវ័ញ្ច បង្ខំ​​ឲ្យ​ជលផល​ជាច្រើននៅទូទាំង​ពិភពលោក​ បិទ និង​បំផ្លាញ​សេដ្ឋកិច្ច​ក្នុង​ស្រុកនៅក្នុងដំណើរការនេះ។

ចាប់តាំងពីត្រសក់សមុទ្រជាច្រើនបានស្លាប់ មុនពេលឈានដល់ការពេញវ័យ ហើយសត្វដែល​នៅ​រស់​ត្រូវ​ចំណាយ​ពេល​ពី ២ ទៅ ៦ ឆ្នាំ ដើម្បីលូតលាស់​ ដល់ទំហំដែល​ទីផ្សារ​ចង់​បាន។ វារីវប្បកម្មសម្រាប់ពូជមួយចំនួន បានចាប់ផ្តើមធ្លាក់ចុះដូច្នេះ នេះជាមូលហេតុពិត នៃត្រសក់សមុទ្រក្នុងមួយគីឡូ មានតម្លៃថ្លៃខ្លាំង មិនអាចស្មានដឹង៕

ប្រែសម្រួល៖ សាង ស្រីល័ក្ខ

ចុចអាន៖៧ មូលហេតុនេះហើយ ដែលធ្វើឲ្យក្ដាម Alaska ថ្លៃខ្លាំង ជាងអាហារសមុទ្រផ្សេងទៀត

ចុចអាន៖មនុស្សស្រី​ស្រាតដាក់អាហារ​ Sushi​ លើរាងកាយ តាមពិតជាប្រពៃណីទំនៀមទម្លាប់របស់ ជប៉ុន

The post ត្រសក់សមុទ្រ ឬ ឈ្លើង មានតម្លៃថ្លៃកប់ពពក ជាងអាហារដទៃ ដោយសារមូលហេតុនេះហើយ appeared first on Kampuchea Thmey Daily.

ក្ដាម Alaska មាន ៣ ប្រភេទ ដែលប្រមូលផលជាលក្ខណៈពាណិជ្ជកម្ម នៅ Alaska ដែលមានដូចជា ពណ៌ត្នោត (អាកាមាស) ខៀវ និង​ក្រហម។ ក្ដាម​ក្រហម​ គឺជា​ក្ដាម​ដែល​មាន​តម្លៃ​ថ្លៃ​ជាង​គេ​បំផុត​ក្នុង​ពិភពលោក ជាមួយ​នឹង​តម្រូវការ​យ៉ាង​ខ្លាំង​ពី​អ្នកប្រើប្រាស់នៅក្នុងប្រទេសជប៉ុន សហរដ្ឋអាមេរិក និង​អឺរ៉ុប។ ការ​ប្រមូលផលរាប់លានផោន ពី​ក្តាម​Alaska ពណ៌​ក្រហម​ដ៏​ធំ​​បំផុត​ ត្រូវ​ធ្វើឡើង​នៅ​ក្នុង​ទឹក​នៃ​ឆ្នេរសមុទ្រ Bristol និង​ប្រមូលផល​​ក្នុងរយៈពេលពី ២ ទៅ ៣ ខែ។

ខាងក្រោម​នេះ ​ជា​មូលហេតុ​ដែល​ក្ដាម​សមុទ្រ​​ Alaska មាន​តម្លៃ​ថ្លៃ​កប់ពពក​ជាង​ដទៃ​ទៀត៖

១ ការ​ចិញ្ចឹម​ក្ដាម ​Alaska គឺ​មាន​គ្រោះថ្នាក់ ក្តាម​ត្រូវ​បាន​គេ​ប្រមូលផល​ក្នុង​អំឡុងពេល​រដូវ​ស្លឹក​ឈើ​ជ្រុះ ​ក្នុង​រយៈពេល ២-៣ ខែ នៅក្នុងទឹ​ក​ត្រជាក់​ នៃឆ្នេរ Alaska។

២ ក្ដាម​នេះ​ ជា​ប្រភេទ​ក្ដាម​ដែលកម្រ និង​ខ្វះធនធានច្រើន ការ​ផ្គត់ផ្គង់​ត្រូវ​បាន​គ្រប់គ្រង​ដោយ​សម្រង់​មួយ ​ដើម្បី​ការពារ​និរន្តរភាព​នៃ​ការ​នេសាទខុសច្បាប់ក្នុងប្រការ​ផ្សេងៗ។

៣ ក្តាម​នីមួយៗមានអាយុយ៉ាងតិច ៧-៩ ឆ្នាំ មុន​ពេល​វា​ឈាន​ដល់​ទំហំ​ស្របច្បាប់ ​សម្រាប់​ការ​រក្សា​ទុកដាក់ឲ្យសត្រូវស្ដង់ដារ ។

៤ ជាពិសេស​ក្ដាម Alaska ​នីមួយៗ​ ត្រូវ​សម្រិតសម្រាំង​យ៉ាង​ល្អ​ មុន​ពេល​ធ្វើ​ជា​អាហារ​ឲ្យ​ភ្ញៀវ​ពិសា ឬនាំចេញទៅក្រៅប្រទេស។

៥ Alaska ទទួល​បានរង្វាន់ដ៏​ល្អឯក​ ទាំងផ្នែកនៃ​សាច់ណែនល្អ និងជើង​ពណ៌​សដូចព្រិល​របស់វា រួមជាមួយនឹង​រសជាតិ​ផ្អែម ឆ្ងាញ់​ ជាង​សាច់​ក្ដាម​ដទៃ​ទៀត។

៦ ការនេសាទក្តាម Alaska គឺមានគ្រោះថ្នាក់ខ្លាំងណាស់ ហើយ​អត្រាស្លាប់ក្នុងចំណោម​អ្នកនេសាទគឺប្រហែល ៨០ ដង​ នៃ​អត្រាស្លាប់របស់កម្មករ​ជាមធ្យម។ វាត្រូវ​បាន​ណែនាំថា ជាមធ្យម អ្នក​នេសាទ​ក្ដាម​ម្នាក់​ បាន​ស្លាប់​រៀងរាល់​សប្ដាហ៍​ក្នុង​មួយ​រដូវៗ។

៧ ចំណែកតម្លៃលក់វិញ មានចាប់ពី ៦០ដុល្លារ ដល់ ៧០ ដុល្លារក្នុង​មួយ​ផោន (កន្លះគីឡូ) ​សម្រាប់​ក្ដាមមួយៗ (តម្លៃក្នុងស្រុក មិនទាន់យកចេញទៅក្រៅប្រទេស) ៕

ប្រែសម្រួល៖ សាង ស្រីល័ក្ខ

ចុចអាន៖អគារខ្ពស់ជាងគេទាំង ១០ នៅឌូប៉ៃ និងលេចធ្លោទូទាំងពិភពលោក

ចុចអាន​៖កាបូបប្រេនលំដាប់អន្តរជាតិ បុគ្គលមានទ្រព្យវាល់លាន ទើបអាចទិញផ្ដាច់មុខបាន

The post ៧ មូលហេតុនេះហើយ ដែលធ្វើឲ្យក្ដាម Alaska ថ្លៃខ្លាំង ជាងអាហារសមុទ្រផ្សេងទៀត appeared first on Kampuchea Thmey Daily.

១. អាហារ​ផ្ទុក​ជាតិ​ស្ករ​ខ្ពស់

ស្ករ​មាន​ផល​ប៉ះពាល់​ដោយ​ផ្ទាល់​ទៅ​លើ​ប្រព័ន្ធ​ភាពស៊ាំ ​ដោយ​ស្ករ​ប្រជែង​យក​កន្លែង​របស់​វីតាមីន C ដែលជា​សារធាតុ​ចិញ្ចឹម​សំខាន់​សម្រាប់​ប្រព័ន្ធ​ភាពស៊ាំ​ក្នុងការ​ដំណើរ​ការ។ នៅ​ពេល​មាន​ជាតិ​ស្ករ​ច្រើន​ក្នុង​រាងកាយ ប្រព័ន្ធ​ភាពស៊ាំ​កាន់​តែ​មាន​ការ​លំបាក​ក្នុង​ការ​ទទួល​វីតាមីន C ដែល​នេះ​ធ្វើ​ឲ្យ​ប្រព័ន្ធ​ភាពស៊ាំ​បាត់បង់​ប្រសិទ្ធ​ភាព​ស្ទើរតែពាក់កណ្ដាល។

២. ស្រាឬជាតិ​អាល់កុល

​អង្គការសុខភាពពិភពលោក បាន​ឲ្យ​ដឹង​ថា ការ​ផឹក​ស្រា​ញឹកញាប់​អាច​ប៉ះពាល់​ដល់​ដំណើរ​ការ​ធម្មតា​របស់​ប្រព័ន្ធ​ភាពស៊ាំ។ លើសពី​នេះ ការ​ផឹក​ស្រា​អាច​ប៉ះពាល់​ដល់​អ័រម៉ូន​ដែល​រំខាន​ដល់​ចង្វាក់​ Circadian ហើយ​វា​ក៏​អាចរំខានដល់ដំណេក​​បាន​ដែរ ព្រោះ​វា​ផ្សារ​ភ្ជាប់​យ៉ាង​ជិត​ស្និទ្ធទៅ​នឹង​មុខ​ងារ​ប្រព័ន្ធភាពស៊ាំ​របស់​យើង។

៣. អាហារ Fast food

ទម្លាប់ទទួលទាន​អាហារ ​Fast Food ញឹកញាប់ពេកដូចជា ភីហ្សា ប៊ឺហ្គ័រ មាន់ចៀន ឬដំឡូងបំពង។ល។ ​អាច​ធ្វើ​ឲ្យ​ប្រព័ន្ធ​ភាពស៊ាំ​មាន​ភាពចុះខ្សោយ។ ប្រភេទអាហារនេះសម្បូរខ្លាញ់ និងជាតិស្ករខ្លាំង​ ដែលនាំ​ឱ្យ​ប្រព័ន្ធ​ភាពស៊ាំឆ្លើយ​តប​យឺតទៅ​នឹងវីរុសដែលលុកលុយសរីរាង្គ ​​ពោលគឺប្រព័ន្ធការពាររាងកាយអន់ថយសមត្ថភាពប្រឆាំងជំងឺ។

៤. អាហារឆៅ

អាហារឆៅឬមិនឆ្អិនល្អ​ជាប្រភពនៃមេរោគ និងបណ្ដាលឱ្យសរីរាង្គចុះខ្សោយដោយមិនដឹងខ្លួន។ ជាពិសេសអ្នកចូលចិត្តហូបឆៅដូចជា អយស្ទ័រ ងាវ បង្គារ ឬអាហារសមុទ្រផ្សេងទៀត សុទ្ធតែកំពុងបំផ្លាញប្រព័ន្ធភាពស៊ាំខ្លួនឯងឱ្យកាន់តែអាក្រក់ទៅៗ។ អាហារទាំងនេះ មិនត្រឹមតែបង្កគ្រោះថ្នាក់ដល់រាងកាយ តែក៏អាចជាប្រភពចម្លងវីរុស ឬមេរោគជាយថាហេតុ៕

ប្រែសម្រួល៖ សន្យា

ចុចអាន៖ ប្រកាន់ឱ្យបាន ៥ចំណុចនេះ ចំណីអាហារនឹងមានសុវត្ថិភាព មិនព្រួយកូវីដឆ្លង

ចុចអាន៖ អាហារ ៣ មុខ មនុស្សវ័យ ៦០ ឆ្នាំឡើងទៅ គួរពិសារាល់ថ្ងៃកុំអាក់ខាន ដើម្បីជំនួយដល់សុខភាពរាងកាយ

The post ប្រយ័ត្នឈឺធ្ងន់! សម័យ Delta អុកឡុក កុំយកខ្លួនបៀតជាមួយអាហារ ៤មុខនេះ appeared first on Kampuchea Thmey Daily.

យោងតាមការលើកឡើងរបស់ក្រសួងសុខាភិបាលនាពេលកន្លងមក បានឱ្យដែរថា បន្ទាប់ពីចាក់វ៉ាក់សាំង ត្រូវបន្តតាមដានសុខភាពឲ្យបានដិតដល់ក្នុងរយៈពេល ៧២ ម៉ោង ដោយចៀសវាងសកម្មភាពប្រើកម្លាំងធ្ងន់ធ្ងរ និងសម្រាកឲ្យបានគ្រប់គ្រាន់។

ក្រៅពីនោះ ត្រូវបន្ថែមអាហារសម្បូរជីវជាតិផងដែរ។ ក្នុងរយៈពេលមួយសប្តាហ៍ ចៀសវាងបរិភោគអាហារមានជាតិហឹរ មិនត្រូវពិសារជាតិស្រវឹង ជាពិសេសអ្នកដែលមានប្រតិកម្មជាមួយជាតិ​អាល់កុល ដែលវាអា​ចនាំឲ្យវ៉ាក់សាំងបាត់បង់ប្រសិទ្ធភាព។ រីឯអាហារមួយចំនួនទៀតដូចជា ភេសជ្ជៈផ្អែមៗ អាហារ Fast Food អាហារកែច្នៃ អាហារកំប៉ុងឬកញ្ចប់។ល។ ក៏ត្រូវត្រណមសិន ដើម្បីឱ្យវ៉ាក់សាំងមានពេលធ្វើការរបស់វា។

ដោយឡែក បញ្ហាតមគ្រឿងសមុទ្រ ក៏ត្រូវបានវេជ្ជបណ្ឌិតហាមឃាត់ផងដែរ។

ចំពោះករណីនេះ លោកស្រី ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាល បានបញ្ជាក់ថា តាមពិតការតមគ្រឿងសមុទ្រ គឺហាមប្រាមចំពោះតែអ្នកដែលមានប្រតិកម្មអាឡ័កស៊ីជាមួយគ្រឿងសមុទ្រប៉ុណ្ណោះ។ លោកស្រីបន្តថា ដោយសារក្នុងពេលកន្លងមក អ្នកមានប្រវត្តិអាឡ័កស៊ី នៅពេលពួកគាត់ចាក់វ៉ាក់សាំងរួច គាត់ក៏ពិសារគ្រឿងសមុទ្រ អ៊ីចឹង! ធ្វើឱ្យគាត់មានប្រតិកម្មភ្លាមៗ ហើយក្រោយប្រតិកម្មគាត់ចោទថា មកពីវ៉ាក់សាំង មិនមែនមកពីគ្រឿងសមុទ្រទេ។ ដូច្នេះអ្នកដែលដឹងថា ខ្លួនមានអាឡ័កស៊ីជាមួយគ្រឿងសមុទ្រ ក្រោយពីចាក់វ៉ាក់សាំងស្រេចបាច់ ពួកគាត់ត្រូវតែតមប្រភេទអាហារសមុទ្រដាច់ខាត ពីព្រោះបើមិនតមទេ វាអាចមានការភ័ន្តច្រឡំអំពីប្រសិទ្ធភាពវ៉ាក់សាំង ហើយអាចប៉ះពាល់សុខភាពអ្នកចាក់វ៉ាក់សាំងផងដែរ។

លោកស្រីវេជ្ជបណ្ឌិតរូបនេះ បញ្ជាក់បន្ថែមថា ត្រណមគ្រឿងសមុទ្រក្រោយចាក់វ៉ាក់សាំងទាំងដូសទី១និងទីៗ គឺសម្រាប់តែអ្នកដែលប្រតិកម្មជាមួយគ្រឿងសមុទ្រទេ៕

អត្ថបទ៖ សន្យា

ចុចអាន៖ អ្នកជំនាញទូន្មានឱ្យតមភេសជ្ជៈផ្អែមៗ ក្រោយចាក់វ៉ាក់សាំងកូវីដ-១៩ ព្រោះ…

ចុចអាន៖ ត្រណមធំៗទាំង ៣ ក្រោយចាក់វ៉ាក់សាំង ស៊ីណូហ្វាម

The post ស្រាយមន្ទិលអំពីត្រណមគ្រឿងសមុទ្រក្រោយចាក់វ៉ាក់សាំងការពារកូវីដ-១៩ appeared first on Kampuchea Thmey Daily.