សុខភាព
ប្រយ័ត្នឈឺធ្ងន់! សម័យ Delta អុកឡុក កុំយកខ្លួនបៀតជាមួយអាហារ ៤មុខនេះ
ក្នុងពេលដែលសហគមន៍កំពុងវាយលុកដោយជំងឺកូវីដ-១៩ និងវីរុសបំប្លែងខ្លួន Delta គ្រប់គ្នាត្រូវមានស្មារតីរឹងប៉ឹង ព្យាយាមថែទាំសុខភាពឱ្យបានល្អ ទាំងអនាម័យ និងអាហារដែលទទួលទានរាល់ថ្ងៃ។ អាហារខ្លះបានតែឆ្ងាញ់មាត់ប៉ុណ្ណោះ វាមិនត្រឹមតែអត់ល្អចំពោះសុខភាព ថែមទាំងផ្ដល់ផលអាក្រក់ដល់ដល់ប្រព័ន្ធភាពស៊ាំទៀតផង។ ដូច្នេះដើម្បីរក្សាសុខភាពឱ្យមាំមួន មានអាហារមួយចំនួនមិនត្រូវហូបទាល់តែសោះក្នុងពេលនេះ ព្រោះអាចបង្កភាពធ្ងន់ធ្ងរដល់ប្រព័ន្ធការពាររាងកាយរបស់យើង។
១. អាហារផ្ទុកជាតិស្ករខ្ពស់
ស្ករមានផលប៉ះពាល់ដោយផ្ទាល់ទៅលើប្រព័ន្ធភាពស៊ាំ ដោយស្ករប្រជែងយកកន្លែងរបស់វីតាមីន C ដែលជាសារធាតុចិញ្ចឹមសំខាន់សម្រាប់ប្រព័ន្ធភាពស៊ាំក្នុងការដំណើរការ។ នៅពេលមានជាតិស្ករច្រើនក្នុងរាងកាយ ប្រព័ន្ធភាពស៊ាំកាន់តែមានការលំបាកក្នុងការទទួលវីតាមីន C ដែលនេះធ្វើឲ្យប្រព័ន្ធភាពស៊ាំបាត់បង់ប្រសិទ្ធភាពស្ទើរតែពាក់កណ្ដាល។
២. ស្រាឬជាតិអាល់កុល
អង្គការសុខភាពពិភពលោក បានឲ្យដឹងថា ការផឹកស្រាញឹកញាប់អាចប៉ះពាល់ដល់ដំណើរការធម្មតារបស់ប្រព័ន្ធភាពស៊ាំ។ លើសពីនេះ ការផឹកស្រាអាចប៉ះពាល់ដល់អ័រម៉ូនដែលរំខានដល់ចង្វាក់ Circadian ហើយវាក៏អាចរំខានដល់ដំណេកបានដែរ ព្រោះវាផ្សារភ្ជាប់យ៉ាងជិតស្និទ្ធទៅនឹងមុខងារប្រព័ន្ធភាពស៊ាំរបស់យើង។
៣. អាហារ Fast food
/146429447-56a3b9563df78cf7727ee48a.jpg)
ទម្លាប់ទទួលទានអាហារ Fast Food ញឹកញាប់ពេកដូចជា ភីហ្សា ប៊ឺហ្គ័រ មាន់ចៀន ឬដំឡូងបំពង។ល។ អាចធ្វើឲ្យប្រព័ន្ធភាពស៊ាំមានភាពចុះខ្សោយ។ ប្រភេទអាហារនេះសម្បូរខ្លាញ់ និងជាតិស្ករខ្លាំង ដែលនាំឱ្យប្រព័ន្ធភាពស៊ាំឆ្លើយតបយឺតទៅនឹងវីរុសដែលលុកលុយសរីរាង្គ ពោលគឺប្រព័ន្ធការពាររាងកាយអន់ថយសមត្ថភាពប្រឆាំងជំងឺ។
៤. អាហារឆៅ
អាហារឆៅឬមិនឆ្អិនល្អជាប្រភពនៃមេរោគ និងបណ្ដាលឱ្យសរីរាង្គចុះខ្សោយដោយមិនដឹងខ្លួន។ ជាពិសេសអ្នកចូលចិត្តហូបឆៅដូចជា អយស្ទ័រ ងាវ បង្គារ ឬអាហារសមុទ្រផ្សេងទៀត សុទ្ធតែកំពុងបំផ្លាញប្រព័ន្ធភាពស៊ាំខ្លួនឯងឱ្យកាន់តែអាក្រក់ទៅៗ។ អាហារទាំងនេះ មិនត្រឹមតែបង្កគ្រោះថ្នាក់ដល់រាងកាយ តែក៏អាចជាប្រភពចម្លងវីរុស ឬមេរោគជាយថាហេតុ៕
ប្រែសម្រួល៖ សន្យា
ចុចអាន៖ ប្រកាន់ឱ្យបាន ៥ចំណុចនេះ ចំណីអាហារនឹងមានសុវត្ថិភាព មិនព្រួយកូវីដឆ្លង
ចុចអាន៖ អាហារ ៣ មុខ មនុស្សវ័យ ៦០ ឆ្នាំឡើងទៅ គួរពិសារាល់ថ្ងៃកុំអាក់ខាន ដើម្បីជំនួយដល់សុខភាពរាងកាយ
-
សន្តិសុខសង្គម២ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៧ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៥ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៦ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៤ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានជាតិ២២ ម៉ោង agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី