KPT+

៧ មូលហេតុនេះហើយ ដែលធ្វើឲ្យក្ដាម Alaska ថ្លៃខ្លាំង ជាងអាហារសមុទ្រផ្សេងទៀត

បានផុស

៥ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

King Crabs ឬក្ដាម Alaska មានតាំងពីចុងទសវត្សរ៍ឆ្នាំ១៨០០ នៅពេលដែលការនេសាទដំបូង បានចាប់ផ្ដើមនៅឆ្នេរ Alaska នៃកោះ Aleutian ។ ក្ដាម Alaska ជាប្រភេទអាហារសមុទ្រ ដែលមានតម្លៃថ្លៃជាងគេបំផុត ទាំងទំហំ គុណភាព និងរូបរាងដែលមិនអាចមានក្ដាមណាប្រៀបផ្ទឹមបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្ដាម Alaska មាន ៣ ប្រភេទ ដែលប្រមូលផលជាលក្ខណៈពាណិជ្ជកម្ម នៅ Alaska ដែលមានដូចជា ពណ៌ត្នោត (អាកាមាស) ខៀវ និងក្រហម។ ក្ដាមក្រហម គឺជាក្ដាមដែលមានតម្លៃថ្លៃជាងគេបំផុតក្នុងពិភពលោក ជាមួយនឹងតម្រូវការយ៉ាងខ្លាំងពីអ្នកប្រើប្រាស់នៅក្នុងប្រទេសជប៉ុន សហរដ្ឋអាមេរិក និងអឺរ៉ុប។ ការប្រមូលផលរាប់លានផោន ពីក្តាមAlaska ពណ៌ក្រហមដ៏ធំបំផុត ត្រូវធ្វើឡើងនៅក្នុងទឹកនៃឆ្នេរសមុទ្រ Bristol និងប្រមូលផលក្នុងរយៈពេលពី ២ ទៅ ៣ ខែ។

ខាងក្រោមនេះ ជាមូលហេតុដែលក្ដាមសមុទ្រ Alaska មានតម្លៃថ្លៃកប់ពពកជាងដទៃទៀត៖

១ ការចិញ្ចឹមក្ដាម Alaska គឺមានគ្រោះថ្នាក់ ក្តាមត្រូវបានគេប្រមូលផលក្នុងអំឡុងពេលរដូវស្លឹកឈើជ្រុះ ក្នុងរយៈពេល ២-៣ ខែ នៅក្នុងទឹកត្រជាក់ នៃឆ្នេរ Alaska។

២ ក្ដាមនេះ ជាប្រភេទក្ដាមដែលកម្រ និងខ្វះធនធានច្រើន ការផ្គត់ផ្គង់ត្រូវបានគ្រប់គ្រងដោយសម្រង់មួយ ដើម្បីការពារនិរន្តរភាពនៃការនេសាទខុសច្បាប់ក្នុងប្រការផ្សេងៗ។

៣ ក្តាមនីមួយៗមានអាយុយ៉ាងតិច ៧-៩ ឆ្នាំ មុនពេលវាឈានដល់ទំហំស្របច្បាប់ សម្រាប់ការរក្សាទុកដាក់ឲ្យសត្រូវស្ដង់ដារ ។

៤ ជាពិសេសក្ដាម Alaska នីមួយៗ ត្រូវសម្រិតសម្រាំងយ៉ាងល្អ មុនពេលធ្វើជាអាហារឲ្យភ្ញៀវពិសា ឬនាំចេញទៅក្រៅប្រទេស។

៥ Alaska ទទួលបានរង្វាន់ដ៏ល្អឯក ទាំងផ្នែកនៃសាច់ណែនល្អ និងជើងពណ៌សដូចព្រិលរបស់វា រួមជាមួយនឹងរសជាតិផ្អែម ឆ្ងាញ់ ជាងសាច់ក្ដាមដទៃទៀត។

៦ ការនេសាទក្តាម Alaska គឺមានគ្រោះថ្នាក់ខ្លាំងណាស់ ហើយអត្រាស្លាប់ក្នុងចំណោមអ្នកនេសាទគឺប្រហែល ៨០ ដង នៃអត្រាស្លាប់របស់កម្មករជាមធ្យម។ វាត្រូវបានណែនាំថា ជាមធ្យម អ្នកនេសាទក្ដាមម្នាក់ បានស្លាប់រៀងរាល់សប្ដាហ៍ក្នុងមួយរដូវៗ។

៧ ចំណែកតម្លៃលក់វិញ មានចាប់ពី ៦០ដុល្លារ ដល់ ៧០ ដុល្លារក្នុងមួយផោន (កន្លះគីឡូ) សម្រាប់ក្ដាមមួយៗ (តម្លៃក្នុងស្រុក មិនទាន់យកចេញទៅក្រៅប្រទេស) ៕

ប្រែសម្រួល៖ សាង ស្រីល័ក្ខ

ចុចអាន៖អគារខ្ពស់ជាងគេទាំង ១០ នៅឌូប៉ៃ និងលេចធ្លោទូទាំងពិភពលោក

ចុចអាន៖កាបូបប្រេនលំដាប់អន្តរជាតិ បុគ្គលមានទ្រព្យវាល់លាន ទើបអាចទិញផ្ដាច់មុខបាន