កូវីដ-១៩

អ្នកជំនាញទូន្មានឱ្យតមភេសជ្ជៈផ្អែមៗ ក្រោយចាក់វ៉ាក់សាំងកូវីដ-១៩ ព្រោះ…

បានផុស

៣ years មុន

នៅ

ថ្ងៃពុធ ៥ ឧសភា ២០២១

ដោយ

អង្គការសុខភាពពិភពលោក (WHO) បញ្ជាក់ថា ការញ៉ាំទឹកក្រូច ឬទឹកផ្លែឈើកំប៉ុង ឬភេសជ្ជៈប៉ូវកម្លាំង អាចបង្កើនហានិភ័យសុខភាពច្រើនយ៉ាង ក្នុងនោះក៏មានឥទ្ធិពលអវិជ្ជមានដល់ប្រសិទ្ធភាពនៃវ៉ាក់សាំងផងដែរ។

Can the Covid Vaccine Protect Me Against Virus Variants? - The New York Times

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គការនេះក៏បានណែនាំឲ្យញ៉ាំជាតិស្ករតិច មិនឲ្យលើសពី ១២ ស្លាបព្រាកាហ្វេនោះទេក្នុង១ថ្ងៃ បើពុំនោះទេសុខភាពអ្នកចាក់វ៉ាក់សាំងនឹងចុះខ្សោយ ហើយនាំឱ្យប្រព័ន្ធភាពស៊ាំមិនសូវរឹងមាំ។

ដោយឡែកការលើកឡើងរបស់លោក Vasanti Malik អ្នកស្រាវជ្រាវផ្នែកអាហារបំប៉ន នៅឯសាលាសុខភាពសាធារណៈ Harvard TH Chan ក្នុងទីក្រុង Boston បានឱ្យដឹងថា ផឹកភេសជ្ជៈប៉ូវកម្លាំងនិងភេសជ្ជៈផ្អែមៗច្រើន អាចប្រឈមមុខនឹងការស្លាប់ដោយជំងឺផ្សេងៗដល់ទៅ ២៨% ជំងឺបេះដូង ៣១% និងជំងឺមហារីក ១៦%។

Sugary drinks can be a factor in cardiovascular disease

សាស្ត្រាចារ្យរូបនេះ បានបញ្ជាក់ថា នៅពេលយើង ផឹកភេសជ្ជៈមានជាតិស្ករខ្ពស់ វាអាចវិវត្តទៅរកកត្ដាប្រឈមជំងឺទឹកនោមផ្អែម ជំងឺថប់បារម្ភ និងបញ្ហាសុខភាពរ៉ាំរ៉ៃផ្សេងៗ។ រាងកាយក៏អាចទទួលយកចំនួនកាឡូរីសរុបច្រើនជាងរាងកាយត្រូវការដែលនាំឲ្យបង្កើនមហានិភ័យប្រឈម បញ្ហាសម្ពាធឈាមខ្ពស់ ជំងឺបេះដូង និងដាច់សរសៃឈាមខួរក្បាលថែមទៀតផង។

ស្របពេលគ្នាដែរ អ្នកវិទ្យាសាស្ត្រស្រាវជ្រាវនៅសាលាសុខភាព Harvard T.H. Chan លោក Vasanti S. Malik បានប្រាប់ ថា ការទទួលទានភេសជ្ជៈផ្អែមៗមិនមានអត្ថប្រយោជន៍ចំពោះសុខភាពទេ ជាពិសេសចំពោះអ្នកចាក់វ៉ាក់សាំងការពារកូវីដ-១៩ថ្មីៗ។ ក្រោយពីទទួលវ៉ាក់សាំងទាំងពីរលើក អ្នកចាក់វ៉ាក់សាំងគួរតមភេសជ្ជៈកំប៉ុងដែលសម្បូរជាតិស្កររយៈពេលពី ២ -៤ សប្ដាហ៍សិន ដោយសារពួកវាគ្មានផលល្អដល់ប្រព័ន្ធភាពស៊ាំឡើយ។

Fewer U.S. kids are consuming sweetened beverages | PhillyVoice

ម្យ៉ាងទៀត ភេសជ្ជៈទាំងនោះអាចធ្វើឲ្យឡើងទម្ងន់ ជំងឺទឹកនោមផ្អែម ពុកធ្មេញ លើសជាតិខ្លាញ់ ឈឺសន្លាក់ បញ្ហាតម្រងនោម កូលេស្តេរ៉ុលខ្ពស់ សុខភាពពោះវៀនខ្សោយ បញ្ហាអរម៉ូន ជាពិសេសអាចឈានទៅរកការបាត់បង់ជាតិទឹក ហើមពោះ និងបង្កើនហានិភ័យនៃការស្លាប់ផងដែរ។

ទោះយ៉ាងណា រហូតមកដល់បច្ចុប្បន្ន មិនទាន់មានភស្តុតាងពីការសិក្សាណាមួយប្រឆាំងការផឹកភេសជ្ជៈផ្អែមៗ ក្រោយចាក់វ៉ាក់សាំងនៅឡើយ ប៉ុន្តែផ្អែកតាមហេតុផលវេជ្ជសាស្ត្រអំពីផលប៉ះពាល់បន្ទាប់ពីទទួលទានភេជ្ជៈប៉ូវកម្លាំង អ្នកចាក់វ៉ាកសាំងគ្រប់គ្នាគួរចៀសវាងភេសជ្ជៈផ្អែមៗ ដើម្បីទុកឱកាសឱ្យសរីរាង្គមានសមត្ថភាពបង្កើតអង់ទីគ័រការពារវីរុស៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ញ៉ាំហឹរក្រោយចាក់វ៉ាក់សាំង សរីរាង្គមិនងាយបង្កើតអង់ទីគ័រប្រឆាំងនឹងវីរុសកូវីដ-១៩

ចុចអាន៖ WHO និងអាមេរិក ប្រាប់គន្លឹះសំខាន់ៗនៃរបបអាហារគួរទទួលទានជួយប្រព័ន្ធភាពស៊ាំប្រឆាំងកូវីដ