អំពើហិង្សានៅភាគខាងត្បូងថៃ Archives - Kampuchea Thmey Daily

ការវាយប្រហារកើតឡើងនៅជិតផុតម៉ោងបោះឆ្នោតនៅយ៉ាឡា មន្ត្រីល្បាតម្នាក់របួស

Rann Reuy — Sun, 08 Feb 2026 11:18:25 +0000

ការបំផ្ទុះគ្រាប់បែក និងការបាញ់ប្រហារបានវាយប្រហារក្រុមល្បាតសន្តិសុខបោះឆ្នោតនៅខេត្តយ៉ាឡា បណ្តាលឲ្យមន្ត្រីម្នាក់រងរបួស នៅមុនម៉ោងបិទស្ថានីយបោះឆ្នោត។

រូបភាពនៃការវាយប្រហារដោយសារការបង្កៃគ្រាប់បែកនៅភាគខាងត្បូងថៃកន្លែងទៅថ្មីៗនេះ។

តាមសេចក្តីរាយការណ៍របស់សារព័ត៌មានថៃ ការផ្ទុះមួយបានកើតឡើងបន្ទាប់ពីការបាញ់ប្រហារគ្នាបានធ្វើឱ្យមន្ត្រីសន្តិសុខម្នាក់រងរបួសក្នុងអំឡុងពេលដើរល្បាត អំឡុងពេលបោះឆ្នោតនៅស្រុក Bannang Sata ខេត្តយ៉ាឡា នៅវេលាម៉ោងជិត៥ល្ងាច ជាពេលវេលាដែលត្រូវបិទការបោះឆ្នោតនៅថ្ងៃអាទិត្យ។

សារព័ត៌មានថៃ បានយោងតាមការបង្ហោះរបស់ NBT Yala នៃនាយកដ្ឋានទំនាក់ទំនងសាធារណៈ ហេតុការណ៍នេះបានកើតឡើងនៅម៉ោងប្រហែល ៤:៣៥ រសៀល នៅជិតស្ពាន Ban Wang Hin ក្នុងភូមិទី ៨ នៃBannang Sata។

របាយការណ៍បឋមបាននិយាយថា ការផ្ទុះ និងការបាញ់ប្រហារជាបន្តបន្ទាប់បានកំណត់គោលដៅលើការល្បាតយោធាមួយដែលត្រូវបានចាត់តាំងឱ្យធានាផ្លូវបោះឆ្នោតនៅក្នុងតំបន់នោះ។ ចាប់តាំងពីពេលនោះមក អាជ្ញាធរបានសម្របសម្រួលជាមួយអង្គភាពទាំងអស់ដើម្បីរឹតបន្តឹងវិធានការសន្តិសុខ និងបង្កើនការល្បាតតាមបណ្តោយផ្លូវសំខាន់ៗ។

មន្ត្រីម្នាក់ ដែលត្រូវបានគេស្គាល់ថាជាឧត្តមសេនីយ៍ Worawut បានរងរបួសនៅក្នុងហេតុការណ៍នេះ។ .

The post ការវាយប្រហារកើតឡើងនៅជិតផុតម៉ោងបោះឆ្នោតនៅយ៉ាឡា មន្ត្រីល្បាតម្នាក់របួស appeared first on Kampuchea Thmey Daily.

ក្រុមប្រឹក្សាសន្តិសុខថៃបញ្ជូនសារទៅម៉ាឡេស៊ី ឲ្យប្រាប់ក្រុមរណសិរ្យបដិវត្តន៍ជាតិ (BRN) រឿងបំផ្ទុះគ្រាប់បែក

Rann Reuy — Mon, 12 Jan 2026 04:53:56 +0000

ក្រុមប្រឹក្សាសន្តិសុខជាតិរបស់ប្រទេសថៃ បានបញ្ជូនសារទៅកាន់ម៉ាឡេស៊ីឲ្យប្រាប់ក្រុមទាមទារបំបែករដ្ឋនៅភាគខាងត្បូងប្រទេសថៃ ដោយអះអាងថា រដ្ឋាភិបាលថៃចង់បានសន្តិភាពតាមរយៈការចរចា បន្ទាប់ពីការបំផ្ទុះគ្រាប់បែកចំនួន១១កន្លែង នៅខេត្តចំនួន៣នៅភាគខាងត្បូងប្រទេសថៃកាលថ្ងៃទី១១ខែមករា។

សមាសភាពក្រុមប្រឹក្សាសន្ថិសុខជាតិថៃ ដឹកនាំដោយនាយករដ្ឋមន្ត្រី អានុទីន ធ្វើសន្និសីទពេលជម្លោះជាមួយកម្ពុជា។ FB

សារព័ត៌មានថៃ Thai Enquirer ផ្សព្វផ្សាយលិខិតរបស់ក្រុមប្រឹក្សាសន្តិសុខជាតិថៃ (NSC) ដោយក្រុមប្រឹក្សានេះ បានប្រាប់ទៅក្រុមចលនារណសិរ្យបដិវត្តន៍ជាតិដែលគេស្គាល់ថា«Barisan Revolusi Nasional (BRN)» ដែលត្រូវគេជឿថា បានធ្វើសកម្មភាពបំផ្ទុះគ្រាប់បែកនៅភាគខាងត្បូងប្រទេសថៃ ក្នុងខេត្តណារ៉ាធីវ៉ាត់ ខេត្តផាត់តានី និងខេត្តយ៉ាឡា។

តាមការចេញផ្សាយនោះ ក្រុមប្រឹក្សាសន្តិសុខជាតិថៃ បានផ្ញើសារទៅកាន់ក្រុមរណសិរ្យ BRN តាមរយៈអ្នកសម្របសម្រួលម៉ាឡេស៊ី ដោយបញ្ជាក់ពីការប្តេជ្ញាចិត្តរបស់ចំពោះដំណោះស្រាយសន្តិភាពតាមរយៈការចរចា ដោយក្រុមប្រឹក្សាសន្តិសុខថៃនោះ បានអះអាងថា ការបញ្ជូនសារទៅនោះជាផ្នែកនៃដំណើរការសន្តិភាព ដោយមានគោលបំណងស្ថាបនាសន្តិភាពជានិរន្តរ និង ផ្តោតលើមនុស្ស។

ក្រុមប្រឹក្សាសន្តិសុខជាតិថៃដែលដឹកនាំដោយ នាយករដ្ឋមន្ត្រីថៃ លោក អានុទីន ឆានវីរៈគុល បានលើកឡើងនៅក្នុងលិខិតដែលផ្សព្វផ្សាយដោយសារព័ត៌មានថៃនោះថា រដ្ឋាភិបាលថៃមិនទទួលយកនូវអំពើហិង្សា បន្ទាប់ពីការរៀបចំការវាយប្រហារដោយគ្រាប់បែកនៅតាមស្ថានីយប្រេងសាំងចំនួន១១កន្លែងស្ថិតនៅខេត្តតាមតំបន់ព្រំដែនភាគខាងត្បូងប្រទេសកាលថ្ងៃទី១១ខែមករា។

ក្រុមប្រឹក្សាសន្តិសុខជាតិ (NSC) បានថ្កោលទោសការវាយប្រហារទាំងនេះ ដោយនិយាយថា ពួកគេបានធ្វើឱ្យប៉ះពាល់ដល់សុវត្ថិភាពសាធារណៈ រំខានដល់ជីវិតប្រចាំថ្ងៃ និងធ្វើឱ្យប៉ះពាល់ដល់ការរួមរស់ដោយសន្តិភាពនៅក្នុងតំបន់។ សេចក្តីថ្លែងការណ៍នោះបានសង្កត់ធ្ងន់ថា អំពើហិង្សាបែបនេះមិនអាចប្រើដើម្បីធ្វើឱ្យការទាមទារ ឬទាមទារការតំណាងសហគមន៍ក្នុងតំបន់ស្របច្បាប់បានទេ។

ក្នុងការវាយប្រហារនោះ មានមនុស្សយ៉ាងហោចណាស់៤នាក់រងរបួស ហើយខេត្តណារ៉ាធីវ៉ាត់ បានប្រកាសដាក់ចេញបម្រាមគោចរក្នុងរាត្រីថ្ងៃទី១១ និងបានទម្លាក់ចោលបម្រាមគោចរនោះវិញនៅថ្ងៃបន្ទាប់ដោយអះអាងថា ស្ថានភាពបានវិលទៅរកស្ថិរភាពវិញ។

ទោះបីមានការចោទប្រកាន់យ៉ាងនេះក៏ដោយ រហូតមកដល់ពេលនេះនៅមិនទាន់មានឃើញការឆ្លើយតបពីក្រុមចលនាBRN នៅឡើយទេ៕

រ៉ាន់ រើយ

The post ក្រុមប្រឹក្សាសន្តិសុខថៃបញ្ជូនសារទៅម៉ាឡេស៊ី ឲ្យប្រាប់ក្រុមរណសិរ្យបដិវត្តន៍ជាតិ (BRN) រឿងបំផ្ទុះគ្រាប់បែក appeared first on Kampuchea Thmey Daily.

អាជ្ញាធរថៃខេត្តណារ៉ាធីវ៉ាត់ ប្រកាសដាក់បម្រាមគោចរចាប់ម៉ោង៩យប់ដល់៥ទៀបភ្លឺ

Rann Reuy — Sun, 11 Jan 2026 11:46:40 +0000

អាជ្ញាធរថៃនៅខេត្តណារ៉ាធីវ៉ាត ភាគខាងត្បូងប្រទេសថៃ បានដាក់ចេញបម្រាមគោចរចាប់ពីម៉ោង៩យប់ដល់ម៉ោង៥ទៀបភ្លឺចាប់ពីរាត្រីថ្ងៃទី១១ខែមករានេះ បន្ទាប់ពីការវាយប្រហារដោយគ្រាប់បែកដ៏កក្រើកនៅយប់ថ្ងៃទី១០ខែមករា ដែលបណ្តាលឲ្យមនុស្សមួយចំនួនរងរបួស និងស្ថានីយប្រេងសាំង PTT ១១កន្លែងឆេះនៅខេត្ត៣ផ្សេងគ្នា។

សារព័ត៌មានថៃ Khaosod បានរាយការណ៍ថា ក្រុមការងារនៃខេត្តណារ៉ាធីវ៉ាត់ បានប្រកាសនូវបម្រាមគោចរ ដោយហាមការធ្វើដំណើរចេញពីផ្ទះចន្លោះពីម៉ោង៩យប់ដល់ម៉ោង៥ទៀបភ្លឺ នៅគ្រប់ស្រុកទាំងអស់ចាប់ពីយប់នេះរហូតដល់មានការជូនដំណឹងថ្មី។

យោងសេចក្តីរាយការណ៍របស់ទីភ្នាក់ងារព័ត៌មានបារាំង AFP ដោយដកស្រង់ប្រភពពីមន្ត្រីយោធា ក្នុងការបំផ្ទុះគ្រាប់បែកទាំង១១ទីតាំងនៅខេត្ត៣ផ្សេងគ្នានោះ មានអ្នករងរបួសចំនួន៤នាក់។

ការវាយប្រហារដោយការបំផ្ទុះគ្រាប់បែកនៅតាមស្ថានីយប្រេងសាំង PTT នៅខេត្តចំនួន៣ស្ថិតនៅភាគខាងត្បូងប្រទេសថៃ មានខេត្តណារ៉ាធីវ៉ាត់់ ខេត្តផាតានី និងខេត្តយ៉ាឡា ជាទីដែលមានអំពើហិង្សាដោយសារការវាយប្រហារដោយគ្រាប់បែកនេះជាញឹកញាប់។ ប៉ូលិសដាក់ការសង្ស័យលើក្រុមបំបែកទាមទារបំបែករដ្ឋ។

ប៉ុន្តែ នាយករដ្ឋមន្ត្រីថៃលោក អានុទីន ឆានវីរៈគុល បានច្រានចោលការវាយប្រហារនោះជាប់ពាក់ព័ន្ធដល់ក្រុមទាមទារបំបែករដ្ឋ ប៉ុន្តែវាជាប់ពាក់ព័ន្ធដល់ការបោះឆ្នោតទៅវិញ។ នេះបើយោងតាមសារព័ត៌មានថៃ ដែលមិនបានផ្តល់សេចក្តីរាយការលម្អិតពីរបៀបដែលការវាយប្រហារនោះពាក់ព័ន្ធនឹងកិច្ចការបោះឆ្នោតនៅខែកុម្ភៈខាងមុខ។

ប៉ូលិស ដែលត្រូវបានដកស្រង់ពីអ្នកសារព័ត៌មានថៃ បាននិយាយថា ក្រុមវាយប្រហារ បានធ្វើដំណើរជាក្រុមប្រដាប់ដោយកាំភ្លើងវែង និងដាក់បង្កៃគ្រាប់ផ្ទុះ កំណត់ពេលឲ្យផ្ទុះ នៅស្ថានីយសាំងនិងហាងអាហារ ស៊ីតែនសាំង៕

រ៉ាន់ រើយ

The post អាជ្ញាធរថៃខេត្តណារ៉ាធីវ៉ាត់ ប្រកាសដាក់បម្រាមគោចរចាប់ម៉ោង៩យប់ដល់៥ទៀបភ្លឺ appeared first on Kampuchea Thmey Daily.

ប៉ូលិសម្នាក់រងរបួសពីការវាយប្រហារដ៏កក្រើកនៅភាគខាងត្បូងថៃ ខណៈសមត្ថកិច្ចសង្ស័យក្រុមបំបែកខ្លួន

Rann Reuy — Sun, 11 Jan 2026 04:18:19 +0000

យ៉ាងហោចណាស់មន្ត្រីប៉ូលិសម្នាក់បានរងរបួសពីការវាយប្រហារដោយការបំផ្ទុះគ្រាប់បែកនៅតាមស្ថានីយប្រេងសាំង PTT នៅខេត្តចំនួន៣ស្ថិតនៅភាគខាងត្បូងប្រទេសថៃ ជាទីដែលមានអំពើហិង្សាដោយសារការវាយប្រហារដោយគ្រាប់បែកនេះជាញឹកញាប់។ ប៉ូលិសដាក់ការសង្ស័យលើក្រុមបំបែកទាមទារបំបែករដ្ឋ។

យោងសេចក្តីរាយការណ៍របស់សារព័ត៌មាន Thai Enquirer នៅព្រឹកថ្ងៃអាទិត្យនេះ បានឲ្យដឹងថា ការវាយប្រហារដោយការបំផ្ទុះគ្រាប់បែកនោះបានធ្វើឡើងនៅក្នុងខេត្តចំនួន៣ គឺខេត្តណារ៉ាធីវ៉ាត់ ខេត្តផាត់តានី និងខេត្តយ៉ាឡា ដោយបណ្តាលឲ្យមន្រ្តីប៉ូលិសម្នាក់រងរបួស ប៉ុន្តែមានមានសេចក្តីរាយការណ៍អំពីគ្រោះថ្នាក់ដល់ជនស៊ីវិលនោះទេ។

ការវាយប្រហារនេះបានធ្វើឡើងដោយមានការរៀបចំសហការគ្នាយ៉ាងឡើង និងបានធ្វើសកម្មភាពនៅម៉ោង១រំលងអធ្រាត្រ ឈានចូលថ្ងៃទី១១ខែមករា ហើយការវាយប្រហារនេះបានកើតឡើងនៅម៉ោងស្ទើរតែដំណាលគ្នា។ នៅខេត្តណារ៉ាធីវ៉ាត រងការវាយប្រហារខ្លាំងជាងគេមានរហូតដល់៦កន្លែង។

សារព័ត៌មានថៃសំខាន់ៗ បានរាយការណ៍នៅព្រឹកថ្ងៃអាទិត្យនេះ បានផ្សព្វផ្សាយយ៉ាងទូលំទូលាយអំពីការបំផ្ទុះគ្រាប់បែកនៅស្ថានីយប្រេងឥន្ធនៈ PTT ចំនួន១១កន្លែងផ្សេងគ្នា ។

យោងតាមសារព័ត៌មាន Khaosod English អាជ្ញាធរជឿថា ក្រុមបះបោរបំបែករដ្ឋមូស្លីម ថៃ-ម៉ាឡេជាអ្នកនៅពីក្រោយការវាយប្រហារនេះ។ ស្នងការប៉ូលិសខេត្ត ផាតតានី ឧត្តមសេនីយ៍ទោ Santat Chueaphuttan បានកោះប្រជុំភ្នាក់ងារសន្តិសុខបន្ទាន់ដើម្បីពិនិត្យមើលភស្តុតាងជាក់ស្តែង និង ពិនិត្យកាមេរ៉ាសុវត្ថិភាពតាមទីតាំងកើតហេតុ។

រូបភាពបង្ហាញពីការបំផ្ទុះស្ថានីយប្រេង PTT នៅភាគខាងត្បូងថៃ។ Bangkok Post

តាមសេចក្តីរាយការណ៍របស់សារព័ត៌មាន Bangkok Post និង The Nations ដែលបានដកស្រង់ការបញ្ជាក់ពីបញ្ជាការប្រតិបត្តិការសន្តិសុខផ្ទៃក្នុង ផ្សាយថា ក្រុមមនុស្សដែលមានចេតនាអាក្រក់បានបំផ្ទុះគ្រាប់បែកនៅស្ថានីយប្រេងឥន្ធនៈជាច្រើននៅក្នុងតំបន់ជាប់ព្រំដែនប្រទេសម៉ាឡេស៊ី ហើយអាជ្ញាធរសន្តិសុខកំពុងព្យាយាមគ្រប់គ្រងស្ថានការណ៍។

នៅភាគខាងត្បូងថៃ ជាទូទៅមានក្រុមច្រើនបង្កចលនាហិង្សាដោយសារការទាមទារបំបែករដ្ឋ ប៉ុន្តែក្រុមដែលសកម្មបំផុត ត្រូវបានគេដឹងថា ឈ្មោះ «Barisan Revolusi Nasional (BRN)» ដែលជាក្រុមទាមទារបំបែករដ្ឋមូស្លីមម៉ាឡេ ហើយធ្វើសកម្មនៅតំបន់ខេត្តទាំង៣មានខេត្តណារ៉ាធីវ៉ាត ខេត្តផាត់តានី និងខេត្តយ៉ាឡា។

រ៉ាន់ រើយ

The post ប៉ូលិសម្នាក់រងរបួសពីការវាយប្រហារដ៏កក្រើកនៅភាគខាងត្បូងថៃ ខណៈសមត្ថកិច្ចសង្ស័យក្រុមបំបែកខ្លួន appeared first on Kampuchea Thmey Daily.

មានការបំផ្ទុះគ្រាប់បែកនៅស្ថានីយប្រេង PTT ចំនួន១១កន្លែងនៅភាគខាងត្បូងថៃ

Rann Reuy — Sun, 11 Jan 2026 02:45:52 +0000

សារព័ត៌មានថៃសំខាន់ៗ បានរាយការណ៍នៅព្រឹកថ្ងៃអាទិត្យនេះថា មានការបំផ្ទុះគ្រាប់បែកនៅស្ថានីយប្រេងឥន្ធនៈ PTT ចំនួន ១១ កន្លែងផ្សេងៗគ្នា នៅក្នុងខេត្តព្រំដែនភាគខាងត្បូងចំនួនបីរបស់ថៃកាលពីយប់ថ្ងៃសៅរ៍ ប៉ុន្តែមិនមានរបាយការណ៍អំពីអ្នកស្លាប់ និងរបួសក្នុងការវាយប្រហារនោះទេ។

រូបភាពបង្ហាញពីការបំផ្ទុះស្ថានីយប្រេង PTT នៅភាគខាងត្បូងថៃ។ Bangkok Post

យោង Bangkok Post ក្នុងចំណោមកន្លែងកើតហេតុបំផ្ទុះគ្រាប់បែកចំនួន ១១ កន្លែង រួមមាន ៥កន្លែងត្រូវបានរាយការណ៍នៅក្នុងខេត្តណារ៉ាធីវ៉ាត (Narathiwat)។ ស្ថានីយពីរកន្លែងដែលត្រូវបានបំផ្ទុះគ្រាប់បែកគឺនៅប៉ាតានី (Pattani) និងបួនកន្លែងផ្សេងទៀតស្ថិតនៅខេត្តយ៉ាឡា (Yala)។

តំបន់ខេត្តទាំង៣នេះស្ថិតក្នុងសន្តិសុខដ៏អាក្រក់បំផុតរបស់ប្រទេសថៃនៅភាគខាងត្បូង ដោយសារតែមានចលនាទាមទារបំបែករដ្ឋ ដោយធ្វើសកម្មភាពវាយប្រហារជាញឹកញាប់ និងមានរយៈពេលជាយូរមកហើយ។ អាជ្ញាធរថៃតែងតែបង្ក្រាបការងើបឡើងរបស់ប្រជាជននៅតំបន់ភាគខាងត្បូងនេះយ៉ាងចាស់ដៃក្នុងពេលកន្លងមក៕

រ៉ាន់ រើយ

The post មានការបំផ្ទុះគ្រាប់បែកនៅស្ថានីយប្រេង PTT ចំនួន១១កន្លែងនៅភាគខាងត្បូងថៃ appeared first on Kampuchea Thmey Daily.

ស្ថានការណ៍រឹតក្តៅ ក្រោយផ្ទុះគ្រាប់បែកថ្មីទៀតនៅភាគខាងត្បូងថៃ បណ្តាលឲ្យមនុស្សស្លាប់និងរបួស

Sok Sovann — Tue, 28 Oct 2025 01:20:39 +0000

ក្រោយធូរស្រាលបានប៉ុន្មានថ្ងៃ ពេលនេះស្ថានការណ៍នៅភាគខាងត្បូងប្រទេសថៃ បានឡើងកម្តៅសាជាថ្មី បន្ទាប់ពីការវាយប្រហារដោយបំផ្ទុះគ្រាប់បែកនៅខេត្ត Narathiwat បណ្តាលឲ្យមនុស្សស្លាប់ម្នាក់និងរបួស៣នាក់។

(រូបថត៖ Khaosod)

តាមសេចក្តីរាយការណ៍របស់ Khaosod, ការវាយប្រហារនេះកើតឡើងនាវេលាម៉ោង៣:៣៥នាទីរសៀលថ្ងៃចន្ទទី២៧ខែតុលាឆ្នាំ២០២៥នៅស្រុក Rueso ខណៈអ្នកស្លាប់គឺជាអនុប្រធានប្រជាការពារឃុំ Riang។

ទន្ទឹមនោះដែរ លទ្ធផលនៃការស៊ើបអង្កេតរបស់ប៉ូលិសបង្ហាញថា ការវាយប្រហារនេះគឺជាស្នាដៃរបស់ក្រុមផ្តាច់ខ្លួន ដោយពួកគេបានដាក់គ្រាប់បែកច្នៃក្នុងធុងហ្គាសទម្ងន់៥០គីឡូក្រាម រួចក៏បំផ្ទុះកម្ទេចរថយន្តរបស់កងស្ម័គ្រចិត្តការពារទឹកដី។

(រូបថត៖ Khaosod)

ភ្លាមៗមានមនុស្ស៤នាក់រងរបួសនៅនឹងកន្លែង ប៉ុន្តែក្រោយមកអនុប្រធានប្រជាការពារឃុំ Riang ត្រូវបានប្រកាសថាស្លាប់នៅឯមន្ទីរពេទ្យ Rueso។

ការវាយប្រហារចុងក្រោយនេះ បានរុញសភាពការណ៍ឲ្យឡើងកម្តៅសាជាថ្មី ក្រោយក្រុមផ្តាច់ខ្លួន ស្ងាត់សកម្មភាពមួយរយៈ។

(រូបថត៖ Amarin)

មុនការវាយប្រហារនេះមួយសប្តាហ៍ ប៉ូលិសថៃនៅខេត្ត Songkhla បានរកឃើញគ្រាប់បែកចំនួន៣៩គ្រាប់ ដែលលាក់ទុកនៅក្នុងឃ្លាំងមួយ ប៉ុន្តែគោលបំណងនិងផែនការពាក់ព័ន្ធគ្រាប់បែកនេះនៅមិនទាន់ដឹងទេ។

វាជាប្រភេទគ្រាប់បែក M79 ដែលផ្ញើចេញពីស្រុក Yi Ngor នៃខេត្ត Narathiwat ទៅកាន់ស្រុក Mae Sot ខេត្ត Tak ប៉ុន្តែត្រូវបានស្តុកទុកក្នុងស្រុក Bang Klam ខេត្ត Songkhla ដោយមិនដឹងមូលហេតុ។

មុននោះទៀត ខ្មាន់កាំភ្លើងមិនស្គាល់មុខបានបាញ់សម្លាប់លោក Muhammad Noor Awae ដែលជាអនុប្រធានរដ្ឋបាលឃុំ Khao Tum នៃខេត្ត Pattani ពេលគាត់បើករថយន្តវិលត្រឡប់ពីការអធិស្ឋានថ្ងៃសុក្រក្នុងស្រុក Yarang។

មុននោះផងដែរ ប៉ូលិសថៃនិងអ្នកភូមិ ១១នាក់ ត្រូវរងរបួស ក្នុងការផ្ទុះគ្រាប់បែកនៅខេត្ត Narathiwat ទៀត៕

អត្ថបទ៖ សុខ សុវណ្ណ

ចុចអាន៖ ថៃ រកឃើញគ្រាប់បែក៣៩គ្រាប់ លាក់ទុកក្នុងឃ្លាំងនៅខេត្ត ភាគខាងត្បូង

The post ស្ថានការណ៍រឹតក្តៅ ក្រោយផ្ទុះគ្រាប់បែកថ្មីទៀតនៅភាគខាងត្បូងថៃ បណ្តាលឲ្យមនុស្សស្លាប់និងរបួស appeared first on Kampuchea Thmey Daily.

ថៃ រកឃើញគ្រាប់បែក៣៩គ្រាប់ លាក់ទុកក្នុងឃ្លាំងនៅខេត្ត ភាគខាងត្បូង

Sok Sovann — Thu, 23 Oct 2025 09:13:11 +0000

ប៉ូលិសថៃនៅខេត្ត Songkhla ភាគខាងត្បូង បានរកឃើញគ្រាប់បែកចំនួន៣៩គ្រាប់ ដែលលាក់ទុកនៅក្នុងឃ្លាំងមួយ ខណៈគោលបំណងនិងផែនការពាក់ព័ន្ធគ្រាប់បែកនេះនៅមិនទាន់ដឹងទេ។

(រូបថត៖ The Nation)

តាមការផ្សាយរបស់ The Nation, តាមពិតទៅគ្រាប់បែកនេះត្រូវបានរកឃើញតាំងពីថ្ងៃទី២១មកម្ល៉េះ ប៉ុន្តែព័ត៌មានទើបបញ្ចេញកាលពីថ្ងៃទី២៣ប៉ុណ្ណោះ។

(រូបថត៖ The Nation)

យ៉ាងណាមន្ត្រីថៃ បានបើកការស៊ើបអង្កេតលើករណីនេះរួចហើយ ខណៈគេក៏នៅមិនទាន់បញ្ជាក់ដែរថា តើនរណានៅពីក្រោយរឿងនេះ៕

អត្ថបទ៖ សុខ សុវណ្ណ

ចុចអាន៖ មន្ត្រីថៃម្នាក់ទៀត ត្រូវគេធ្វើឃាតនៅខេត្តភាគខាងត្បូង

The post ថៃ រកឃើញគ្រាប់បែក៣៩គ្រាប់ លាក់ទុកក្នុងឃ្លាំងនៅខេត្ត ភាគខាងត្បូង appeared first on Kampuchea Thmey Daily.

មន្ត្រីថៃម្នាក់ទៀត ត្រូវគេធ្វើឃាតនៅខេត្តភាគខាងត្បូង

Sok Sovann — Fri, 17 Oct 2025 09:41:14 +0000

មន្ត្រីថៃម្នាក់ទៀតត្រូវបានគេធ្វើឃាតនៅខេត្ត Pattani ស្របពេលស្ថានការណ៍នៅភាគខាងត្បូងថៃ កំពុងវឹកវរខ្លាំង។

តាមការផ្សាយរបស់ Khaosod នៅថ្ងៃសុក្រទី១៧ខែតុលាឆ្នាំ២០២៥ ខ្មាន់កាំភ្លើងមិនស្គាល់មុខបានបាញ់សម្លាប់លោក Muhammad Noor Awae ដែលជាអនុប្រធានរដ្ឋបាលឃុំ Khao Tum។

(រូបថត៖ Khaosod)

ហេតុការណ៍នេះកើតឡើងក្បែរព្រះវិហារ Ban Koh Ba To ក្នុងស្រុក Yarang ពេលគាត់បើករថយន្តវិលត្រឡប់ពីការអធិស្ឋានថ្ងៃសុក្រ។

បច្ចុប្បន្ន សមត្ថកិច្ចថៃ កំពុងបើកការស៊ើបអង្កេតករណីនេះ និងតាមចាប់ជនល្មើស។

ការវាយប្រហារនេះកើតឡើងមួយថ្ងៃបន្ទាប់ពីប៉ូលិសថៃនិងអ្នកភូមិ ១១នាក់ រងរបួស ក្នុងការផ្ទុះគ្រាប់បែកនៅខេត្ត Narathiwat។

តាមការផ្សាយរបស់ Khaosod ដដែលនេះ, គ្រាប់បែកដែលលាក់ក្នុងធុងសំរាម ត្រូវបានបញ្ជាពីចម្ងាយឲ្យផ្ទុះនាវេលាម៉ោង៨:៥០នាទីព្រឹក ក្នុងហាងកាហ្វេមួយ ស្ថិតនៅចម្ងាយប្រហែល២០០ម៉ែត្រពីប៉ុស្តិ៍ប៉ូលិស Yi-ngo។

ក្នុងចំណោមអ្នកភូមិទាំង៨នាក់ដែលរបួស គឺមាន៤នាក់របួសធ្ងន់ត្រូវបញ្ជូនទៅមន្ទីរពេទ្យ Narathiwat Rajanagarindra ដើម្បីព្យាបាល ខណៈប៉ូលិស៣នាក់ មានរបួសទ្រូងនិងហ៊ឹងត្រចៀក ត្រូវបញ្ជូនទៅព្យាបាលនៅមន្ទីរពេទ្យ Yi-ngo៕

អត្ថបទ៖ សុខ សុវណ្ណ

ចុចអាន៖ ផ្ទុះគ្រាប់បែក មួយគ្រាប់ទៀតនៅភាគខាងត្បូងប្រទេសថៃ របួសប៉ូលិសនិងអ្នកភូមិ ១១នាក់

The post មន្ត្រីថៃម្នាក់ទៀត ត្រូវគេធ្វើឃាតនៅខេត្តភាគខាងត្បូង appeared first on Kampuchea Thmey Daily.

​អំពើហិង្សា​នៅ​ភាគខាងត្បូងថៃ Archives - Kampuchea Thmey Daily

​​​កា​រវាយប្រហារ​កើតឡើង​​នៅជិត​ផុតម៉ោងបោះឆ្នោតនៅយ៉ាឡា​ មន្ត្រីល្បាតម្នាក់របួស​​​

​អាជ្ញាធរថៃ​ខេត្តណារ៉ាធីវ៉ាត់ ប្រកាសដាក់​បម្រាមគោចរចាប់​ម៉ោង​៩យប់​ដល់៥ទៀបភ្លឺ​​​

មាន​កា​របំផ្ទុះ​គ្រាប់​បែក​នៅ​​ស្ថានីយ​ប្រេង PTT ​ចំនួន​១​១​កន្លែង​នៅភាគខាងត្បូងថៃ​​

ស្ថានការណ៍រឹតក្តៅ ក្រោយផ្ទុះគ្រាប់បែកថ្មីទៀតនៅភាគខាងត្បូងថៃ បណ្តាលឲ្យមនុស្សស្លាប់និងរបួស

ថៃ រកឃើញគ្រាប់បែក៣៩គ្រាប់ លាក់ទុកក្នុងឃ្លាំងនៅខេត្ត ភាគខាងត្បូង

មន្ត្រីថៃម្នាក់ទៀត ត្រូវគេធ្វើឃាតនៅខេត្តភាគខាងត្បូង

អំពើហិង្សានៅភាគខាងត្បូងថៃ Archives - Kampuchea Thmey Daily

ការវាយប្រហារកើតឡើងនៅជិតផុតម៉ោងបោះឆ្នោតនៅយ៉ាឡា មន្ត្រីល្បាតម្នាក់របួស

អាជ្ញាធរថៃខេត្តណារ៉ាធីវ៉ាត់ ប្រកាសដាក់បម្រាមគោចរចាប់ម៉ោង៩យប់ដល់៥ទៀបភ្លឺ

មានការបំផ្ទុះគ្រាប់បែកនៅស្ថានីយប្រេង PTT ចំនួន១១កន្លែងនៅភាគខាងត្បូងថៃ