ក្នុងវិទ្យាសាស្ត្រវាមានឈ្មោះជាផ្លូវការថា “euoplos dignitas” ពីងពាងពូជនេះទម្លាប់លាក់ខ្លួនក្រោមស្លឹកឈើនាពេលថ្ងៃ និងចេញចាប់សត្វល្អិតស៊ីនាពេលរាត្រី។ លើសពីនេះពីងពាងញីអាចរស់រានមានជីវិតរហូតដល់ ២០ ឆ្នាំឯណោះ ដោយឡែកពិសរបស់វាមិនអាចបង្កគ្រោះថ្នាក់ដល់ជីវិតមនុស្សទេ បានត្រឹមខាំឲ្យឈឺចាប់ធម្មតាប៉ុណ្ណោះ ។

សូមបញ្ជាក់ថា “ពីងពាងពូជទ្វារអន្ទាក់មាស” ត្រូវបានគេរកឃើញក្នុង Project Dig ដែលជាយុទ្ធនាការរុករក និងការពារធម្មជាតិប្រសើរជាងមុន ។ 

ចំណែកអ្នកដឹកនាំក្រុមស្រាវជ្រាវវេជ្ជបណ្ឌិត Michael Rix មានចំណាប់អារម្មណ៍ទៅលើពីងពាងពូជនេះថាវាមានទំហំធំជាងប្រភេទពីងពាងទ្វារអន្ទាក់ទូទៅ សូម្បីវេជ្ជបណ្ឌិត Jeremy Wilson ដែលចូលរួមស្រាវជ្រាវក៏ពេញចិត្តនឹងការរកឃើញលើកនេះដូចគ្នា ៕

ប្រែសម្រួល ៖ វារី

ចុចអាន ៖ អ្នកវិទ្យាសាស្ត្ររកឃើញច្រករបៀងថ្មី ក្នុងមហាពីរ៉ាមីតនៃជីហ្សា

The post អ្នកវិទ្យាសាស្ត្ររកឃើញ ពីងពាងកម្រ ដែលជិតផុតពូជ appeared first on Kampuchea Thmey Daily.

ស្បូននិម្មិតនេះតម្រូវឲ្យមនុស្សយកមេជីវិតញីរួមបញ្ចូលនឹងមេជីវិតឈ្មោលបង្កាត់ក្លាយជាអ៊ំប្រីយ៉ុង រួចបាញ់បញ្ចូនទៅរស់នៅក្នុងស្បូនសិប្បនិម្មិត។ រឿងនេះជាដំណឹងល្អបំផុតសម្រាប់អ្នកពិបាកយកកូន និងចង់បានកូនយូរឆ្នាំ ឬមានបញ្ហាសុខភាពមិនអាចយកកូនបានដូចជា៖ វិបត្តិស្បូន មិនលូតលាស់ គ្មានស្បូនពីកំណើត ជំងឺមហារីកត្រូវកាត់ស្បូន អាយុច្រើនស្បូនស្វិតជាដើម។ នេះគឺជាក្រុមបង្កើតស្បូនសប្បនិម្មិត៖

ពួកគាត់ធ្វើការនៅ CHOP (Children’s Hospital of Philadelphia) គោលបំណងនៃការបង្កើតស្បូននេះគឺ ពួកគេចង់បង្កើនឱកាសរស់រានជីវិតរបស់ទារក និងកាត់បន្ថយការស្លាប់អំឡុងពេលសម្រាល។ 

សូមបញ្ជាក់ដែរថា តម្លៃក្នុងការប្រើប្រាស់ស្បូនសិប្បនិម្មិតអាចនៅចន្លោះពី ១០ម៉ឺនទៅ២០ម៉ឺនដុល្លារ អាស្រ័យលើស្ថានភាពជាក់ស្ដែង ព្រោះវាមានច្រើនដំណាក់កាលទម្រាំអំប្រ៊ីយ៉ុងលូតលាស់ទៅជាទារក៕

ប្រែសម្រួលដោយ៖ វារី

ចុចអាន៖ មានគភ៌ហើយបែរជារលូតញឹកញាប់ អាចមកពីជំងឺស្អិតស្បូន

ចុចអាន៖ មូល​ហេតុ​មួយចំនួនដែល​ស្ដ្រី​វ័យចំណាស់ កើត​ជំងឺ​ស្រុត​ស្បូន​

The post មកស្គាល់ស្បូនសិប្បនិម្មិត ជួយសម្រួលស្ត្រីមិនឲ្យពិបាកសម្រាលកូន appeared first on Kampuchea Thmey Daily.

ការបែងចែកព្រៃឈើ ការពង្រីកកសិកម្មនិងផលិតកម្មបសុសត្វ កំពុងនាំមនុស្សឲ្យមានទំនាក់ទំនងកាន់តែជិតស្និទ្ធជាមួយសត្វប្រចៀវ ដែលត្រូវបានគេសង្ស័យថាជាសត្វចម្លងជំងឺមកមនុស្ស រួមទាំងមេរោគកូវីដ-១៩ផងដែរ។

មានភាពផុយស្រួយណាស់ សម្រាប់ជំងឺដែលចម្លងពីសត្វប្រចៀវទៅមនុស្ស ជាពិសេសនៅក្នុងប្រទេសចិន ដែលជាកន្លែង តម្រូវការកើនឡើងខ្លាំងចំពោះផលិតផលសាច់បានជំរុញឲ្យមានការពង្រីកកសិដ្ឋានចិញ្ចឹមសត្វខ្នាតធំ។

ក្រុមអ្នកស្រាវជ្រាវបាននិយាយថា ផលិតកម្មបសុសត្វបានក្លាយជាក្តីកង្វល់យ៉ាងសំខាន់ដោយសារតែវាជាបណ្តុំនៃសត្វក្នុងទ្រង់ទ្រាយធំ ហើយសត្វទាំងនោះមានហ្សែនស្រដៀងៗគ្នា ហើយងាយនឹងធ្វើឲ្យជំងឺឆ្លង ផ្ទុះឡើងជាទីបំផុត។

ចំណុចក្តៅពិភពលោកសំខាន់ៗផ្សេងទៀតនៅខាងក្រៅប្រទេសចិន បារាំងនិងអង់គ្លេស គឺត្រូវបានគេរកឃើញនៅកោះជ្វា, ប្រទេសប៊ូតង់, ភាគខាងកើតប្រទេសនេប៉ាល់, ភាគខាងជើងប្រទេសបង់ក្លាដែស, រដ្ឋ Kerala ប្រទេសឥណ្ឌា និងភាគឦសានប្រទេសឥណ្ឌា។

ទីតាំងទាំងនោះ គឺជាកន្លែងប្រមូលផ្តុំផលិតកម្មបសុសត្វ និងជាជម្រករបស់សត្វប្រចៀវ។

គួរបញ្ជាក់ថា ការសិក្សានេះ ត្រូវបានធ្វើឡើងដោយក្រុមអ្នកស្រាវជ្រាវនៅសកលវិទ្យាល័យ University of California, Berkeley, Polytechnic University of Milan និង Massey University of New Zealand៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្រ្តព្រមានច្បាស់ៗថា អាចនឹងកើតឡើង “កំពូលវីរុសកូវីដបំប្លែងខ្លួន”

The post អ្នកវិទ្យាសាស្រ្ត ប្រាប់ទីតាំង ៩កន្លែង ដែលនឹងផ្ទុះជំងឺកូវីដថ្មី ដ៏សាហាវ នាពេលអនាគត appeared first on Kampuchea Thmey Daily.

មានវីរុសកូវីដបំប្លែងខ្លួនប្រភេទថ្មីៗជាច្រើនរួចទៅហើយ ដែលបានវិវត្តទៅជាមេរោគរីករាលដាលយ៉ាងឆាប់រហ័ស និងមានសមត្ថភាពគេចផុតពីប្រព័ន្ធភាពស៊ាំ។

ប៉ុន្តែលោក Ravi Gupta សាស្រ្តាចារ្យផ្នែកមីក្រូជីវសាស្ត្រ នៅសកលវិទ្យាល័យ Cambridge ចក្រភពអង់គ្លេស បាននិយាយថា នាពេលអនាគត វីរុសនឹងធ្វើរឿងចម្លែកៗជាច្រើនទៀត។

វីរុសនឹងព្យាយាមធ្វើឲ្យខ្លួនកាន់តែមានប្រសិទ្ធភាពក្នុងការឆ្លងទៅមនុស្ស នៅពេលដែលប្រជាជនបង្កើនភាពស៊ាំ។

លោកសាស្ត្រាចារ្យ Gupta បានព្រមានថា វាតែងតែធ្វើឲ្យមនុស្ស ប្រឈមនឹងការស្លាប់ថ្វីបើមានវ៉ាក់សាំងក៏ដោយ។

ស្របពេលជាមួយគ្នានោះ សមាជិកក្រុមប្រឹក្សាវិទ្យាសាស្ត្ររដ្ឋាភិបាល Nervtag បាននិយាយថា វីរុសកូវីដ-១៩ មិនអាចទាយទុកជាមុនបានទេ ហើយយើងមិនគួរទុកចិត្ដជ្រុកពេកឡើយ។

លោកសាស្រ្តាចារ្យ Rupta បានប្រាប់សន្និសីទសារព័ត៌មានមួយថា “វីរុសនឹងធ្វើរឿងចម្លែកៗ។ ខ្ញុំចង់និយាយថា នេះគ្រាន់តែជាការចាប់ផ្តើមប៉ុណ្ណោះ។ ខ្ញុំគិតថា វានឹងបញ្ចូលគ្នា អ្នកនឹងទទួលបានកំពូលវីរុសបំប្លែងខ្លួន ខ្ញុំជឿដូច្នេះ”។

នៅពេល វីរុសបំប្លែងខ្លួន២ប្រភេទលាយបញ្ចូលគ្នា វាបង្កើតបានជា វីរុសកូនកាត់ ហើយបច្ចុប្បន្ន រឿងនេះបានកើតឡើងរួចទៅហើយ។ ការលាយបញ្ចូលនេះ គឺជាកត្តាសំខាន់សម្រាប់វីរុស ក្នុងការវិវឌ្ឍន៍ខ្លួន៕

ប្រែសម្រួល៖ Vann Vann

ប្រភព៖ The Sun

ចុចអាន៖ ផ្ទុះជំងឺប៉េស្តដ៏សាហាវមួយប្រភេទនៅអាហ្វ្រិក អ្នកឆ្លងហើយ ក្អួតឈាមដល់ស្លាប់

The post អ្នកវិទ្យាសាស្រ្តព្រមាន អំពីការលេចឡើង “កំពូលវីរុសកូវីដបំប្លែងខ្លួន” appeared first on Kampuchea Thmey Daily.

ដើម្បីបង្ហាត់សត្វឃ្មុំ ក្រុមអ្នកវិទ្យាសាស្ត្រនៅក្នុងមន្ទីរពិសោធន៍ស្រាវជ្រាវជីវសាស្ត្របសុពេទ្យនៅសកលវិទ្យាល័យ Wageningen បានផ្តល់ទឹកស្ករដល់សត្វទាំងនោះដើម្បីជារង្វាន់ បន្ទាប់ពីឲ្យសំណាកឆ្លងមេរោគកូវីដ-១៩ដល់ពួកគេ។ សត្វទាំងនោះ នឹងមិនទទួលបានរង្វាន់ឡើយបើគេផ្តល់សំណាក ដែលមិនមានឆ្លងរោគ។

លោក Wim van der Poel សាស្រ្តាចារ្យផ្នែកវីរុសដែលចូលរួមក្នុងគម្រោងនេះ បាននិយាយថា ដោយធ្លាប់ប្រើប្រព័ន្ធបែបនេះ សត្វឃ្មុំអាចលៀនអណ្តាតរបស់ពួកគេដោយឯកឯង ដើម្បីយករង្វាន់នៅពេលផ្តល់សំណាកមានមេរោគរួច។

កាលណាសត្វឃ្មុំលៀនអណ្តាតបន្ទាប់ពីទទួនបានសំណាក នោះមានន័យថា សំណាកនោះមានមេរោគកូវីដ-១៩។

លោកបាននិយាយថា “យើងបានប្រមូលឃ្មុំធម្មតាពីអ្នកចិញ្ចឹមឃ្មុំ ហើយយើងដាក់ឃ្មុំទាំងនោះនៅក្នុងទីតាំងសមរម្យ។ បន្ទាប់ពីបង្ហាញសំណាកវិជ្ជមាន យើងក៏បានឲ្យទឹកស្ករទៅពួកវា។ ហើយអ្វីដែលឃ្មុំធ្វើគឺពួកគេលៀនអណ្តាតដើម្បីបឺតទឹកស្ករ។

អ្នកស្រាវជ្រាវនិយាយថា ការលៀនអណ្តាតរបស់ឃ្មុំដើម្បីបឺតទឹកស្ករ គឺជាការបញ្ជាក់ពីលទ្ធផលតេស្តវិជ្ជមាននៃមេរោគកូរ៉ូណា។

សព្វថ្ងៃ អ្នកជំនាញអាចចំណាយពេលច្រើនម៉ោងឬច្រើនថ្ងៃដើម្បីទទួលបានលទ្ធផលតេស្តជំងឺកូវីដ-១៩ ប៉ុន្តែការឆ្លើយតបពីសត្វឃ្មុំគឺភ្លាមៗ។ វិធីសាស្រ្តបែបនេះក៏មានតម្លៃថោកផងដែរ ហើយធ្វើឲ្យវាមានប្រយោជន៍សម្រាប់បណ្តាប្រទេសដែលមានការធ្វើតេស្តខ្វះខាត៕

ប្រែសម្រួលដោយ៖ Vann Vann

ប្រភព៖ Asian One

ចុចអាន៖ ប្រយ័ត្នផង! អ្នកជំនាញថាច្រាសដុសធ្មេញអាចបង្កហានិភ័យចម្លងវីរុសកូវីដ-១៩

The post ថ្មីចែស! ក្រុមអ្នកវិទ្យាសាស្រ្ត បង្ហាត់សត្វឃ្មុំរកមើលសំណាកកូវីដ លទ្ធផលទទួលបានត្រឹមប៉ុន្មានវិនាទី appeared first on Kampuchea Thmey Daily.

អត្ថបទ​នេះ​នឹង​បង្ហាញ​ពី​មេរៀន​អស្ចារ្យ​ចំនួន ៥ យ៉ាង ​ដែល​យើង​អាច​រៀន​បាន​ពីអ្នកវិទ្យាសាស្ត្ក្រ Thomas Edison ដែលបង្កើតថាមពលអគ្គិសនីដំបូងគេ ៖

១. ភាព​មិន​អាច​ទៅ​រួច

បុរស​គ្រប់ស្ទើរគ្រប់រូប ដែលព្យាយាមធ្វើការ ​ធ្វើរហូត​ដល់​ចំណុច​ដែល​​​មិន​អាច​ទៅ​រួច​ ហើយ​បន្ទាប់មក​ពួកគេធ្លាក់​ទឹកចិត្ត ពេលមិនសមបំណង។ នេះមិនមែន​ជា​ពេលដែល​ត្រូវ​ធ្លាក់​ទឹកចិត្ត​នោះ​ទេ!

​ផ្លូវ​មួយបិទ វាជាសញ្ញា​ដែល​អនុញ្ញាត​ឱ្យ​អ្នក​រកឃើញពន្លឺនៅ​ជុំវិញ​ជ្រុង​ខ្លួនឯង។  កុំ​ធ្លាក់​ទឹកចិត្ត​ នៅ​ពេល​អ្វីៗ​ហាក់​ដូចជា​មិន​អាច​ទៅ​រួច។ ចងចាំ​ថា​ មុន​ពេល​មាន​ថ្ងៃ​រះ ​មេឃ​ងងឹត​ណាស់ ហើយមុនជោគជ័យ នោះក៏មានបរាជ័យ។

២. តំណក់ញើស

ទេពកោសល្យ​ជា​​គំនិតជំរុញ ១% ​រីឯ​ ៩៩% ទៀតជាតំណក់ញើសនៃការតស៊ូ។  Thomas Edison បាន​និយាយ​ថា “មូលហេតុ​ដែល​មនុស្ស​ជា​ច្រើន​មិន​ស្គាល់​ឱកាសជោគជ័យ​ នោះក៏​ដោយសារតែ​ពួកគេ​ខ្លាចហត់នឿយ”។

មិន​មាន​ជោគជ័យ​ទេ​ បើ​គ្មាន​ការ​ខិតខំពិតប្រាកដ​ ព្រោះ​ជា​អ្វី​ដែល​អ្នក​អាច​រកវា​បាន ​បន្ទាប់​ពី​បាន​បញ្ចេញកម្លាំង​ពលកម្ម​ច្រើន។ ​ការ​ខិតខំ​ប្រឹងប្រែង​ អាច​ឱ្យ​អ្នក​ក្លាយ​ជា​មនុស្ស​ដ៏​មាន​តម្លៃ​ និង​ទាក់ទាញ​ភាព​ជោគជ័យមកបាននៅជាមួយ។

៣. ច្នៃសមត្ថភាព

ប្រសិន​បើ​យើង​ធ្វើ​រឿង​ណាដែល​ខ្លួន​មាន​សមត្ថភាព​ យើង​ប្រាកដជាភ្ញាក់ផ្អើលនឹង​ខ្លួនឯង​។​​ មនុស្ស​គ្រប់រូបសុទ្ធតែ​មានសមត្ថភាព​របស់​ពួកគេម្នាក់ៗ សំខាន់ត្រូវស្គាល់ចំណុចខ្លាំងរបស់ខ្លួន។ ប៉ុន្តែបើមិនប្រើសមត្ថភាពខ្លួនឯងធ្វើការទេ ​កិច្ចការ​អ្វីក៏ដោយ មុខតែបានផលលំៗ មិនស្គាល់អ្វីជាដុំកំភួនឡើយ។

៤. រៀននៅ​តែ​ឯង

“ការ​គិត​ដ៏​ល្អ​បំផុត ​ត្រូវ​​រៀននៅតែ​ឯង! ខ្ញុំអាចផុស​គំនិត​ល្អ គឺពេលដែលខ្ញុំនៅ​ក្នុង​បន្ទប់​ស្ងាត់​ម្នាក់ឯង។ ចំណាយ​ពេល​រាល់ថ្ងៃ​​ប្រហែល​ប្រាំ​នាទី​ក៏បាន​ ដើម្បី​ឲ្យ​ខ្លួនលេចឡើងនូវគំនិតថ្មីៗ”។​

៥. ភាព​មិន​សប្បាយចិត្ត

មិន​សប្បាយ​ចិត្ត​ ជា​រឿង​ដំបូងដែលប្រឆាំង​ជាមួយ​ការ​រីកចម្រើនរបស់ខ្លួនឯង។ លោក Thomas Edison មានប្រសាសន៍ថា “បើសិនពេលណា ខ្ញុំបង្ហាញ​នូវ​រឿង​ដែលខ្លួនមិន​ពេញចិត្ត​ នោះ​ខ្ញុំ​នឹង​បង្ហាញ​អ្នក​នូវ​ការ​បរាជ័យរបស់ខ្ញុំដូចគ្នា” ។

មិនពេញចិត្ត ជាសត្រូវដែលរារាំងមិនឱ្យបង្កើតសមិទ្ធិផលល្អៗ ហើយធ្វើអ្វីក៏មិនទៅមុខដែរ។

ចាំ​ថា  “កាលណាមិនសប្បាយ​ចិត្ត ​វា​ជាប្រភព​នៃការអភិវឌ្ឍអន់ថយ”  ៕

ប្រែសម្រួល៖ សាង ស្រីល័ក្ខ

ចុចអាន៖ មេរៀន ៥ ​ពី​អ្នកស្រី Estée Lauder អានហើយប្តូរជីវិតអ្នក

ចុចអាន៖ អាថ៌កំបាំង​ពីរ ​ធ្វើ​ឲ្យ​មហាសេដ្ឋី Elon Musk ក្លាយ​ជា​មនុស្ស​ឈ្លាសវៃ​ក្នុងវិស័័យជំនួញ

The post មេរៀនជំរុញភាព​ជោគជ័យ ៥ យ៉ាង​ពី​លោក Thomas Edison appeared first on Kampuchea Thmey Daily.

ទោះបីជាយ៉ាងណាក៏ដោយ រហូតមកទល់ពេលនេះ វីរុសដែលគេឲ្យឈ្មោះជាបណ្តោះអាសន្នថា Fin-796H ទើបតែត្រូវបានគេរកឃើញមួយករណីប៉ុណ្ណោះ ប៉ុន្តែក្រុមអ្នកជំនាញទទួលស្គាល់ថា ពួកគេមិនដឹងច្បាស់ទេថាតើវារីករាលដាលយ៉ាងដូចម្តេច។

ហ្វាំងឡង់បាននិយាយថា វីរុសនេះ ទំនងជាមិនមែនលេចឡើងនៅទីនោះទេ ដោយសារតែអត្រាឆ្លងទាបរបស់ប្រទេស។

អ្នកស្រាវជ្រាវហ្វាំងឡង់ដែលរកឃើញវីរុសនេះ បាននិយាយថា វីរុសនេះមានកំឡាយដូចទៅនឹងអ្វីដែលគេឃើញនៅក្នុងអម្បូរបំប្លែងខ្លួន Kent និងអាហ្វ្រិកខាងត្បូង។

ពួកគេមិនបានបង្ហាញថាតើកំឡាយនោះជាអ្វីទេ ប៉ុន្តែពួកគេគិតថា វីរុសនេះប្រហែលជាមិនងាយឆ្លងឬធន់នឹងភាពស៊ាំឡើយ។

អ្នកវិទ្យាសាស្ត្រអង់គ្លេសបានទទូចថា ការលេចឡើងនៃវីរុសបំប្លែងខ្លួនថ្មីនេះ មិនមែនជាហេតុផលដើម្បីបង្កការភិតភ័យទេ។ វេជ្ជបណ្ឌិត Simon Clarke អ្នកស្រាវជ្រាវនៃជំងឺឆ្លងនៅសកលវិទ្យាល័យ Reading បានប្រាប់ MailOnline ថា “មិនទាន់មានភស្តុតាងណាមួយ ដែលត្រូវព្រួយបារម្ភឡើយ”៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ផ្ទុះវីរុសបំប្លែងខ្លួនថ្មីមួយទៀត ទោះវ៉ាក់សាំងក៏មិនខ្លាច

ចុចអាន៖ ក្រុមអ្នកវិទ្យាសាស្រ្ត WHO អះអាងថា ជំងឺកូវីដ១៩អាចមានប្រភពពីក្បាលជ្រូក

The post អ្នកវិទ្យាសាស្រ្តរកឃើញវីរុសបំប្លែងខ្លួនថ្មីមួយប្រភេទទៀតឈ្មោះ Fin-796H appeared first on Kampuchea Thmey Daily.

ទីក្រុងប៉េកាំងបានផ្អាកការនាំចូលផលិតផលអាហារក្លាសេបន្ទាប់ពីមានភ័ស្តុតាងបង្ហាញថា វីរុស Sars-CoV-2 ដើម ប្រហែលជាមកដល់ផ្សារលក់ដុំអាហារសមុទ្រ Huanan តាមវិធីនេះ។

ទោះបីជាយ៉ាងណាក៏ដោយ  គេនៅតែមិនទាន់កំណត់ប្រភពដើមពិតប្រាកដនៃវីរុសនេះនៅឡើយទេ។

អាជ្ញាធរសុខាភិបាលចិនបានរាយការណ៍ម្តងហើយម្តងទៀតថា បានរកឃើញវីរុសកូវីដ១៩លើអាហារក្លាសេរួមទាំងក្បាលជ្រូកនិងអាហារសមុទ្រផងដែរ ដែលផលិតផលទាំងពីរនេះទំនងជាត្រូវបានលក់នៅផ្សារ Huanan។

ទ្រឹស្តី “ការចម្លងរោគតាមខ្សែសង្វាក់ត្រជាក់” ត្រូវបានពិភាក្សាយ៉ាងក្តៅគគុកនៅក្នុងសន្និសីទសារព័ត៌មានមួយក្នុងទីក្រុង អ៊ូហាន កាលពីថ្ងៃអង្គារ ដែលនៅទីនោះ ក្រុមអ្នកវិទ្យាសាស្ត្រអន្តរជាតិមកពីអង្គការសុខភាពពិភពលោក (WHO) បានបង្ហាញលទ្ធផលនៃការស៊ើបអង្កេតរយៈពេលមួយខែរបស់ពួកគេ។

មន្ត្រីគណៈកម្មការសុខភាពជាតិលោក Liang Wannian បាននិយាយថា “វីរុស Sars-CoV-2 អាចស៊ូទ្រាំក្នុងលក្ខខណ្ឌដែលគេរកឃើញនៅក្នុងអាហារក្លាសេ ការវេចខ្ចប់និងផលិតផលខ្សែសង្វាក់ត្រជាក់”។

ប្រសិនវាបង្ហាញការពិតមែននោះ វានឹងគាំទ្រទ្រឹស្តីរបស់ចិនដែលថា ជំងឺកូវីដ១៩មានប្រភពនៅខាងក្រៅទីក្រុងអ៊ូហាន ហើយបានឆ្លងដល់មនុស្សរួចទៅហើយមុនការឆ្លងរាលដាលនៅខែធ្នូឆ្នាំ២០១៩ ដែលចាប់ផ្តើមក្លាយជាជំងឺរាតត្បាតពិភពលោក៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ អ្នកជំនាញធ្វើការទស្សន៍ទាយដ៏រន្ធត់ អំពីពេលវេលាដែលពិភពលោកអាចកម្ចាត់ជំងឺកូវីដ១៩បាន

The post ក្រុមអ្នកវិទ្យាសាស្រ្ត WHO អះអាងថា ជំងឺកូវីដ១៩អាចមានប្រភពពីក្បាលជ្រូក appeared first on Kampuchea Thmey Daily.