អ្នកវិទ្យាសាស្ត្ររកឃើញ ពីងពាងកម្រ ដែលជិតផុតពូជ

ពីងពាងពូជទ្វារអន្ទាក់មាសត្រូវគេរកឃើញក្នុងព្រៃនៃរដ្ឋឃ្វីនឡែន-ភាគឦសាននៃប្រទេសអូស្ត្រាលី ដែលជាពូជកម្រអាចលូតលាស់បានដល់ទៅ ៥ សង់ទីម៉ែត្រ ប៉ុន្តែកំពុងប្រឈមមុខនឹងការជិតផុតពូជ ព្រោះបាត់បង់ព្រៃឈើនៅតំបន់នោះ ។

ក្នុងវិទ្យាសាស្ត្រវាមានឈ្មោះជាផ្លូវការថា “euoplos dignitas” ពីងពាងពូជនេះទម្លាប់លាក់ខ្លួនក្រោមស្លឹកឈើនាពេលថ្ងៃ និងចេញចាប់សត្វល្អិតស៊ីនាពេលរាត្រី។ លើសពីនេះពីងពាងញីអាចរស់រានមានជីវិតរហូតដល់ ២០ ឆ្នាំឯណោះ ដោយឡែកពិសរបស់វាមិនអាចបង្កគ្រោះថ្នាក់ដល់ជីវិតមនុស្សទេ បានត្រឹមខាំឲ្យឈឺចាប់ធម្មតាប៉ុណ្ណោះ ។

សូមបញ្ជាក់ថា “ពីងពាងពូជទ្វារអន្ទាក់មាស” ត្រូវបានគេរកឃើញក្នុង Project Dig ដែលជាយុទ្ធនាការរុករក និងការពារធម្មជាតិប្រសើរជាងមុន ។ 

ចំណែកអ្នកដឹកនាំក្រុមស្រាវជ្រាវវេជ្ជបណ្ឌិត Michael Rix មានចំណាប់អារម្មណ៍ទៅលើពីងពាងពូជនេះថាវាមានទំហំធំជាងប្រភេទពីងពាងទ្វារអន្ទាក់ទូទៅ សូម្បីវេជ្ជបណ្ឌិត Jeremy Wilson ដែលចូលរួមស្រាវជ្រាវក៏ពេញចិត្តនឹងការរកឃើញលើកនេះដូចគ្នា ៕

ប្រែសម្រួល ៖ វារី

ចុចអាន ៖ អ្នកវិទ្យាសាស្ត្ររកឃើញច្រករបៀងថ្មី ក្នុងមហាពីរ៉ាមីតនៃជីហ្សា