ប្រយ័ត្នផង! អ្នកជំនាញថា ច្រាសដុសធ្មេញអាចបង្កហានិភ័យចម្លងវីរុសកូវីដ-១៩
Connect with us
Helistar Cambodia - Helicopter Charter Services

កូវីដ-១៩

ប្រយ័ត្នផង! អ្នកជំនាញថាច្រាសដុសធ្មេញអាចបង្កហានិភ័យចម្លងវីរុសកូវីដ-១៩

បានផុស

នៅ

ក្រុមអ្នកជំនាញបានផ្តល់អនុសាសន៍ដល់អ្នកជំងឺ Covid-19 ដែលជាសះស្បើយពីជំងឺ គួរតែផ្លាស់ប្តូរច្រាសដុសធ្មេញនិងប្រដាប់សម្អាតអណ្តាតដើម្បីការពារការឆ្លងរាលដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
You might have been brushing your teeth wrong your whole life… but here's  how you should be doing it – The Sun

ថ្វីត្បិតវ៉ាក់សាំងបានបង្ហាញប្រសិទ្ធភាពខ្ពស់ក៏ដោយ តែអ្នកជំនាញមានទស្សនៈថាវាមិនអាចធានានូវការការពារ ១០០ ភាគរយ នៅក្នុងគ្រប់ស្ថានភាពទាំងអស់នោះទេ។ ដូច្នេះដើម្បីបង្ការបន្ថែម ការប្រុងប្រយ័ត្នជាមុនជារឿងសំខាន់ទាំងអ្នកដែលមិនទាន់ឆ្លង និងអ្នកដែលបានជាសះស្បើយពីជំងឺ។

ពេទ្យធ្មេញមានទស្សនៈថា អ្នកជំងឺដែលបានជាសះស្បើយពី Covid-19 គួរតែផ្លាស់ប្តូរច្រាសដុសធ្មេញរបស់ខ្លួនភ្លាមៗ ក្រោយចេញពីពេទ្យ។ ការប្ដូរបែបនេះមិនត្រឹមតែការពារឱកាសនៃការឆ្លងម្តងទៀតប៉ុណ្ណោះទេ ប៉ុន្តែវាក៏អាចសង្គ្រោះសមាជិកក្នុងផ្ទះផងដែរ។

1,797 Asian Woman Brushing Teeth Stock Photos, Pictures & Royalty-Free  Images - iStock

វេជ្ជបណ្ឌិតវះកាត់ធ្មេញ Pravesh Mehra មកពីមហាវិទ្យាល័យវេជ្ជសាស្ត្រ Lady Hardinge ទីក្រុងញូវដេលី ប្រទេសឥណ្ឌា មានប្រសាសន៍ថា “ប្រសិនបើអ្នកឬនរណាម្នាក់នៅក្នុងគ្រួសារបានឆ្លងកូវីដ-១៩ បន្ទាប់ពីជាសះស្បើយហើយ សូមផ្លាស់ប្តូរច្រាសដុសធ្មេញ និងឧបករណ៍សម្អាតអណ្តាត។”

ដោយយល់ស្របទៅនឹងរឿងនេះ វេជ្ជបណ្ឌិត Bhumika Madan អ្នកពិគ្រោះយោបល់សុខភាពមាត់ធ្មេញ នៅមន្ទីរពេទ្យឯកទេសថែទាំសុខភាពពិសេស Aakash និយាយថា “ប្រសិនបើអ្នកបានឆ្លង Covid-19 អ្នកគួរតែផ្លាស់ប្តូរច្រាសដុសធ្មេញ និងប្រដាប់សម្អាតអណ្តាត បន្ទាប់ពីរយៈពេល ២០ ថ្ងៃនៃរោគសញ្ញាដំបូង” ។

លោកស្រីបានពន្យល់ថា នេះក៏ដោយសារតែបាក់តេរី ឬវីរុសដែលជាប់នៅលើច្រាសដុសធ្មេញអាចបណ្តាលឱ្យឆ្លងមេរោគផ្លូវដង្ហើមផ្នែកខាងលើ។ ក្នុងនោះលោកស្រីទូន្មានបន្ថែមឱ្យខ្ពុរមាត់ជាមួយទឹកខ្ពុរមាត់ ព្រោះវាកាត់បន្ថយការបង្កើតមេរោគ ឬបាក់តេរីក្នុងមាត់។ ប្រសិនបើមិនមានទឹកខ្ពុរមាត់ទេ អាចប្រើទឹកអំបិលក្តៅឧណ្ហៗជំនួស ក៏មានប្រសិទ្ធភាពដែរ។

Mouthwash May Inactivate Human Coronaviruses, Help Reduce Spread of COVID-19

យោងតាមអង្គការសុខភាពពិភពលោកបានឱ្យដឹងថា វីរុសកូវីដ-១៩រាលដាលជាចម្បងតាមរយៈដំណក់ទឹកតូចៗដែលចេញពីមាត់របស់មនុស្ស នៅពេលពួកគេក្អក កណ្តាស់ ស្រែក និយាយ និងសើច។ល។ ដូច្នេះវាពិតជាមានសារៈសំខាន់ដែលត្រូវធ្វើអនាម័យមាត់ដោយផ្លាស់ប្តូរច្រាសដុសធ្មេញ ក្រោយជាសះស្បើយពី Covid-19 ព្រោះអាចទប់ស្កាត់ការចម្លងនៃវីរុស។

ប្រសិនបើមាននរណាម្នាក់នៅក្នុងគ្រួសារបានឆ្លង Covid-19 ជាការចាំបាច់ណាស់ដែលមិនត្រូវរក្សាទុករបស់របរនៅក្នុងបន្ទប់ទឹករួមគ្នា បូករួមទាំងច្រាសដុសធ្មេញដែរ ព្រោះវាបង្កើនឱកាសឆ្លង ទោះបីអ្នកជំងឺបានជាសះស្បើយហើយក៏ដោយ។

Should I Replace My Toothbrush After I've Been Sick?

ក្រុមអ្នកជំនាញក៏បានណែនាំដល់អ្នកជំងឺកូវីដ រក្សាអនាម័យច្រាសដោយទុកដាក់កន្លែងស្ងួត និងលាងសម្អាតកន្លែងខ្ជាក់ទឹកខ្ពុរមាត់ ដើម្បីសុវត្ថិភាពផ្ទាល់ខ្លួន៕

ប្រែសម្រួល៖ សន្យា

ប្រភព៖ India Today

ចុចអាន៖ ការទទួលទានអាហារ​ Fast Food ក្រោយចាក់វ៉ាក់សាំងកូវីដ អាចបង្អាក់សមត្ថភាពថ្នាំ

ចុចអាន៖ អស្ចារ្យណាស់! វ៉ាក់សាំង Moderna មានប្រសិទ្ធភាពការពារកូវីដលើមនុស្សអាយុពី ១២ ទៅ ១៧ ឆ្នាំរហូតដល់ ៩៦ ភាគរយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១ ម៉ោង មុន

AFF​ Cup៖​ បើក​ឆាក​ កម្ពុជា​ ចាញ់​​ ម៉ាឡេស៊ី​ ១-៣

ព័ត៌មានជាតិ១ ម៉ោង មុន

សំណង់​មន្ទីរពេទ្យ​ពហុ​ជំនាញ​ភ្នំពេញ​នឹង​ត្រូវ​សាងសង់​ឡើង​កម្ពស់​២៦​ជាន់ ដោយ​ប្រើប្រាស់​ពេល​នៃ​ការសាងសង់​ប្រមាណ​៤​ទៅ​៥​ឆ្នាំ​

ព័ត៌មានជាតិ១ ម៉ោង មុន

រង្វង់​មូល​ស្រអែម នៅ​ស្រុក​ជាំ​ក្សាន្ត បាន​សម្ពោធ​កាត់​ខ្សែបូ​ដាក់​ឲ្យ​ប្រើប្រាស់​ជា​ផ្លូវការ​

ជីវិតកម្សាន្ដ១ ម៉ោង មុន

ថ្នាក់ដឹកនាំកំពូលៗក្នុងជួរដ្ឋាភិបាល តារាចម្រៀងល្បីៗ ផ្តល់កិត្តិយសចូលរួមក្នុងពិធីមង្គលប្អូនស្រីពៅ អ្នកឧកញ៉ា ឡេង ណាវ៉ាត្រា

ព័ត៌មានជាតិ២ ម៉ោង មុន

ប្រមុខ​រាជរដ្ឋាភិបាល អំពាវនាវ​ឲ្យ​ពង្រឹង​សមត្ថភាព​វិស័យ​សុខាភិបាល និង​ប្រយុទ្ធប្រឆាំង​ជំងឺ​កូ​វីដ​១៩ ដើម្បី​កុំឱ្យ​បរទេស​មើលងាយ

Sokha Hotels

ព័ត៌មានពេញនិយម

Helistar Cambodia - Helicopter Charter Services