បច្ចុប្បន្ន តួឯកស្រីនៅក្នុងរឿង Aquaman តារាសម្ដែងស្រី Amber Heard បានផ្លាស់ទីលំនៅពីសហរដ្ឋអាមេរិក ទៅរស់នៅឯប្រទេសអេស្ប៉ាញដែលជាប្រទេសកំណើត ហើយនាងក៏បានប្ដូរឈ្មោះទៅជា Martha Jane Cannary ហើយនាងបានរស់នៅយ៉ាងសាមញ្ញនៅក្នុងទីក្រុងមួយ។

យ៉ាងណាមិញ នាងត្រូវបានគេសួរនាំអំពីការធ្វើដំណើរកម្សាន្តរបស់ Johnny Depp មកកាន់ ប្រទេសអេស្ប៉ាញ តើនាងមានអារម្មណ៍យ៉ាងណាដែរ Amber ឆ្លើយតបវិញថា ខ្ញុំរស់នៅ Madrid នេះ ខ្ញុំស្រឡាញ់អេស្ប៉ាញ។ នាងបានបន្ដដែរថា ខ្ញុំពិតជាសំណាងណាស់ដែលបានមកទីនេះ ហើយទាក់ទងនឹងអតីតកាលរបស់ខ្ញុំ ខ្ញុំមិនមានអារម្មណ៍ចង់គិត ឬនិយាយអំពីវាទេ ព្រោះខ្ញុំសប្បាយចិត្ត និងមានសន្តិភាព។

គួរបញ្ជាក់ដែរថា Johnny Depp បានធ្វើដំណើរទៅប្រទេសអេស្ប៉ាញ ដើម្បីធ្វើការផ្សព្វផ្សាយអំពីរឿងថ្មីរបស់លោក ដែលមានចំណងជើងថា Modi។ លើសពីនោះ តារាប្រុសវ័យ៦១ឆ្នាំរូបនេះ ក៏បានឈ្លៀតសម្ដែងធ្វើជាតួអង្គ Captain Jack Sporrow ដើម្បីទៅសួរសុខទុក្ខក្មេងៗ ដែលនៅមន្ទីពេទ្យកុមារផងដែរ។

គួររំលឹកដែរថា ក្រោយពីលែងលះគ្នា Amber Heard បានធ្វើការប្ដឹងអតីតស្វាមីខ្លួន ឡើងដល់តុលារ អំពីបទ ប្រើប្រាស់អំពើហឹង្សាទៅលើរូបនាង ប៉ុន្ដែនាងត្រូវបានចាញ់ក្ដី និងត្រូវបានបង់ថ្លៃខូចខាតទៅកាន់ Johnny Depp ចំនួន១៥លានដុល្លារ៕​

ប្រភព៖ Covered Geekly

The post Amber Heard ឆ្លើយយ៉ាងចិត្តត្រជាក់ សំណួរអំពី Johnny Depp ទៅលេងស្រុកកំណើតនាង appeared first on Kampuchea Thmey Daily.

Amber ដែលស្ទាត់ជំនាញភាសាអេស្ប៉ាញ សម្រេចចិត្តចាកចេញពីហូលីវូដ នៅ​ចំ​ពេល​មាន​ការ​រិះ​គន់​យ៉ាង​ខ្លាំង​បន្ទាប់​ពី​ការ​ប្តឹង​នេះ​ត្រូវ​បាន​បញ្ចប់ ខណៈ​ដែល​ជីវិត​របស់ Depp ពេល​នេះ​មាន​ភាព​រុងរឿង​​ ហើយហូលីវូដបានស្វាគមន៍ការត្រឡប់មកវិញដោយបើកចំហ។ ​ជាពិសេស នៅ​មហោស្រព​ភាពយន្ត Cannes នៅពេលដែលការពិតបានប្រែក្លាយថាមនុស្សអាក្រក់នៅក្នុងស្នេហានេះគឺជានាង មិនមែនអតីតស្វាមី។

ក្រោយមក គេលេចឮដំណឹងថា Amber Heard ព្យាបាលរបួសរបស់នាងដោយរស់នៅសាមញ្ញ ចិញ្ចឹមកូនស្រីនៅម៉ាឌ្រីដ រស់នៅក្នុងជីវិតស្ងប់ស្ងាត់នៅក្នុងភូមិតូចមួយលើកោះ Majorca ក្រោមឈ្មោះក្លែងក្លាយ មុនពេលអត្តសញ្ញាណរបស់គាត់ត្រូវបានបង្ហាញដោយប្រព័ន្ធផ្សព្វផ្សាយក្នុងស្រុក។ ការផ្លាស់ប្តូររបស់ Amber ទៅកាន់ប្រទេសអេស្បាញ កើតឡើងបន្ទាប់ពីនាងបានចាញ់បណ្តឹងបរិហារកេរ្តិ៍ប្រឆាំងនឹង Depp ដែលនាងបានចោទប្រកាន់គាត់ពីអំពើហិង្សាក្នុងគ្រួសារ។

ករណីនេះបានចាប់ផ្តើមនៅពេលដែល Amber បានសរសេរអត្ថបទមួយនៅក្នុងកាសែត Washington Post ក្នុងឆ្នាំ ២០១៨ ដោយអះអាងថា នាងជាជនរងគ្រោះនៃការរំលោភ និងការបៀតបៀនផ្លូវភេទ។ ទោះបីជាឈ្មោះរបស់ Depp មិនត្រូវបានលើកឡើងដោយផ្ទាល់ក៏ដោយ។ ប៉ុន្តែ Depp បានប្តឹងពីបទបរិហារកេរ្តិ៍។ Amber បានប្តឹងទាមទារសំណងចំនួន ១០០ លានដុល្លារ ហើយករណីនេះបានក្លាយជាព័ត៌មានធំជុំវិញពិភពលោក​ មានការផ្សាយបន្តផ្ទាល់ក្នុងអំឡុងពេលសវនាការថែមទៀតផង។

ការផ្លាស់ប្តូររបស់ Amber ទៅអេស្ប៉ាញគឺដូចជាការចាប់ផ្តើមថ្មីមួយ នេះបើតាមប្រភពជិតស្និទ្ធ​បញ្ចាក់ថា នាងលះបង់ពេលវេលាទាំងអស់របស់នាងដើម្បីចិញ្ចឹមកូនស្រី និងរីករាយក្នុងការរស់នៅសាមញ្ញដូចម្តាយ​ ហើយមើលទៅនាងហាក់ដូចជាមិនគិតចង់វិលចូលវិស័យសិល្បៈវិញក្នុងពេលឆាប់ៗនេះទេ។

ទោះបីចាយ៉ាងណា នៅដើមឆ្នាំ២០២៤ Amber បានបង្ហោះអំពីរឿង Aquaman 2 ដែលជាភាពយន្តចុងក្រោយដែលនាងបានបង្ហាញខ្លួនថា “បន្ទាប់ពីរង់ចាំអស់រយៈពេលជាយូរ Aquaman 2​ អរគុណអ្នកគាំទ្រទាំងអស់ដែលបានគាំទ្រ និងស្រលាញ់យ៉ាងខ្លាំងចំពោះការវិលត្រលប់របស់ Mera មកកាន់ AQ អរគុណច្រើន៕”

អត្ថបទ៖ សាង ស្រីល័ក្ខ

ចុចអាន៖រូបភាពដ៏កម្ររវាង Taylor Swift និង ព្រះអង្គម្ចាស់ William

The post ​តាំងពីចាញ់ក្ដីនិងគ្មានការងារ​ធ្វើ ​Amber Heard រត់នៅទៅ អេស្ប៉ាញ ចិញ្ចឹមកូនតែឯង appeared first on Kampuchea Thmey Daily.

តារាស្រី Amber Heard ដែលធ្លាប់ជាមិត្តស្រីរបស់ Elon Musk កំលុងឆ្នាំ២០២៧ បានសម្ដែងកំហឹងពាសពេញបណ្ដាញសង្គម បន្ទាប់ពីដឹងថាមហាសេដ្ឋីបច្ចេកវិទ្យារូបនេះ បានបង្ហោះរូបភាពរបស់នាងនៅបណ្ដាញ X ដើម្បីផ្សព្វផ្សាយសៀវភៅជីវប្រវត្តិរបស់លោក។

ប្រភពមួយបានប្រាប់គេហទំព័រ Page Six ថា តារាវ័យ ៣៧ឆ្នាំ មិនបានអនុញ្ញាតឱ្យ Elon ប្រើរូបភាពរបស់នាងនោះទេ ​ព្រោះនាងចង់រក្សាវាជាឯកជន។ ប៉ុន្តែក្រោយ CEO ក្រុមហ៊ុន Tesla រូបនេះ ស្នើទៅ Amber ជាច្រើនដង ដោយនាងតែងតែបដិសេធ លោកស្រាប់តែប្រើប្រាស់រូបភាពរបស់នាងដោយគ្មានការយល់ព្រមពីសាមីខ្លួន។

ជាមួយគ្នាគេបានដឹងថា នៅក្នុងសៀវភៅជីវប្រវត្តិរបស់ Elon Musk មិនមែនមានត្រឹមតែរូបភាពរបស់ Amber Heard ប៉ុណ្ណោះ ប៉ុន្តែរូបភាពរបស់អតីតមិត្តស្រីម្នាក់ទៀតគឺនាង Grimes ក៏ម្ចាស់សៀវភៅបានដាក់បញ្ចូលផងដែរ៕

ប្រែសម្រួល៖ សន្យា

ចុចអាន៖ ធ្លាប់តែឃើញរ៉េប និងស្លៀកពាក់សិចស៊ី តាមពិត Cardi B ជាមនុស្សអៀនប្រៀនខ្លាំង

The post អតីតមិត្តស្រី Elon Musk ក្ដៅឆួល ក្រោយពេលលោកយករូបនាងប្រើដោយគ្មានការយល់ព្រម appeared first on Kampuchea Thmey Daily.

បន្ទាប់ពីមួយឆ្នាំចាប់តាំងពីរឿងបណ្តឹងដ៏ល្បីក្នុងហូលីវូដរវាង Amber Heard និង Johnny Depp បានកើតឡើង។ តារាសម្តែងប្រុសរូបនេះបានទទួលសំណងចំនួន ១ លានដុល្លារពីអតីតភរិយារបស់លោកយោងតាមប្រភពពី People បានឲ្យដឹងថាលោក Johnny Depp បានសម្រេចចិត្តបរិច្ចាគប្រាក់ទាំងអស់នេះដល់អង្គការសប្បុរសធម៌ ។

ជាពិសេសលោក Johnny Depp បានបែងចែកប្រាក់ទូទាត់នេះ ក្នុងចំណោមអង្គការសប្បុរសធម៌ចំនួន ៥ ផ្សេងៗគ្នា។ អង្គការនីមួយៗនឹងទទួលបានជំនួយចំនួន ២០០,០០០ ដុល្លារអង្គការទាំងនេះ រួមមានមូលនិធិ Make-A-Film, The Painted Turtle, Red Feather, Tetiaroa Society និង Amazonia Fund Alliance ។

កន្លងមក តារាសម្តែងវ័យ ៦០ ឆ្នាំរូបនេះក៏បានប្រកាសថានឹងបរិច្ចាគប្រាក់ទាំងអស់ដែលទទួលបានពី Amber Heard ហើយមិនទុកមួយកាក់ទេ។ ការប្ដឹងតារាស្រីរូបនេះដើម្បីទទួលបានកិត្តិយសរបស់ខ្លួនឡើងវិញ បន្ទាប់ពីអតីតភរិយា Amber Heard បង្ខូចកិត្តិយសរបស់លោក ហើយវាក៏មិនមែនជាទង្វើជំរិតទារប្រាក់ពីអតីតភរិយានោះទេ ។

ដោយឡែក នៅពេលបច្ចុប្បន្ននេះ ១ ឆ្នាំបន្ទាប់ពីបណ្ដឹងបានបញ្ចប់ Johnny Depp និង Amber Heard អ្នកទាំងពីរបានចាប់ផ្ដើមជីវិតថ្មី។ ខណៈពេលដែល Johnny Depp កំពុងតែមមាញឹកជាមួយនឹងគម្រោងភាពយន្តថ្មីរបស់លោក និង Amber Heard បានសម្រេចចិត្តផ្លាស់ប្ដូរទៅរស់នៅក្នុងទីក្រុង Madrid ប្រទេសអេស្ប៉ាញ ៕

ប្រែសម្រួល៖នាងតូច

ចុចអាន៖Hailey Bieber ស្នើឱ្យអ្នកគាំទ្រឈប់រិះគន់ Selena Gomez

The post Johnny Depp បរិច្ចាគប្រាក់ដល់អង្គការសប្បុរសធម៌ ក្រោយទទួលលុយទូទាត់ពី Amber Heard appeared first on Kampuchea Thmey Daily.

បច្ចុប្បន្ននេះក្រោយពី Amber Heard ចាញ់បណ្តឹងរបស់ Johnny Depp នាងត្រូវបង់ប្រាក់ឱ្យអតីតស្វាមីចំនួន ១ លានដុល្លាររូចមក។ នាងបានចាកចេញពីសហរដ្ឋអាមេរិក ហើយទៅរស់នៅប្រទេសអេស្ប៉ាញជាមួយនឹងកូនស្រីរបស់នាង ក្រោមមូលហេតុនៃការផ្លាស់ប្តូរនេះគឺនាងចង់បានភាពឯកជន បន្ថែមទៀត និងចង់គេចមុខពីក្រុមលួចថតរូបក៏ដូចជាទស្សនិកជននៅសហរដ្ឋអាមេរិក។

ប្រភពបាននិយាយថា “ការកាត់ក្តីនេះបានធ្វើឲ្យ Amber ជួបភាពតានតឹងជាច្រើនសម្រាប់នាង ជាពិសេសការប្រាក់ សងការខូចខាតទៅឲ្យ Johnny Depp ដែលធ្វើឲ្យប៉ះពាល់ដល់សេដ្ឋកិច្ចរបស់នាង បូករួមនិងការចាប់ផ្តើមជីវិតថ្មីនៅបរទេសដែលជាសម្ពាធមួយសម្រាប់នាង ” ។

មិនដូច Amber Heard ទេ Johnny Depp មិនបានជួបប្រទះភាពតានតឹងបន្ទាប់ពីឈ្នះក្តី ដោយតារារូបនេះទទួលបានការគាំទ្រយ៉ាងសាទរពីទស្សនិកជន ហើយនេះក៏ជាពេលដែលលោកសម្រេចចិត្តវិលចូលសិល្បៈវិញផងដែរ។ បន្ទាប់មក Johnny Depp បានសម្តែងរឿង Jeanne Du Barry ភាពយន្តនេះត្រូវបានប្រកាសថានឹងបើកមហោស្រពភាពយន្ត Cannes នៅខែឧសភាខាងមុខ។

ជាមួយគ្នានេះ Johnny Depp បានចាប់ផ្តើមថតភាពយន្តជាបន្តបន្ទាប់ ដោយលោកមានអារម្មណ៍ពិតជារំភើបខ្លាំងណាស់ ដែលបានត្រលប់មកសម្តែងវិញ។ នៅពេលថ្មីនេះលោកបានធ្វើដំណើរកម្សាន្តនៅអឺរ៉ុបជាមួយក្រុមតន្រ្តីរ៉ុក Hollywood Vampires ថែមទៀតផង ។

យ៉ាងណាមិញ បច្ចុប្បន្ន Johnny Depp កំពុងតែមមាញឹកជាមួយនឹងគម្រោងថ្មីៗជាច្រើន ខណៈដែល Amber Heard រស់នៅតែម្នាក់ឯងជាមួយកូនស្រីរបស់នាងក្នុងប្រទេសអេស្ប៉ាញ ៕

ប្រែសម្រួល៖នាងតូច

ចុចអាន៖Lisa នឹងសហការផលិតបទចម្រៀងជាមួយ Taeyang ក្នុងអាល់ប៊ុមថ្មី

The post មួយឆ្នាំក្រោយបញ្ចប់ពាក្យបណ្ដឹង ជីវិតរបស់ Johnny Depp និង Amber Heard ទៅជាយ៉ាងណា? appeared first on Kampuchea Thmey Daily.

តារាស្រីរូបនេះប្រកាសកាលពីថ្ងៃចន្ទ ទី១៥ ខែសីហា ថា នាងសម្រេចជួលមេធាវីល្បីឈ្មោះពីររូបគឺ David L Axelrod និង Jay Ward Brown ពីក្រុមហ៊ុន Ballard Spahr ដើម្បីដឹកនាំបណ្តឹងឧទ្ធរណ៍របស់នាង ដែលក្នុងនោះនាងមានបំណងតវ៉ាមិនបង់ប្រាក់ ១៥លានដុល្លារជូនអតីតស្វាមី ដែលជាសេចក្តីសម្រេចរបស់តុលាការ កាលពីខែមិថុនាកន្លងទៅ។

ដោយឡែកអ្នកនាំពាក្យរបស់តារាសម្តែង Amber បានលើកឡើងពីការប្ដឹងទៅឧទ្ធរណ៍នេះថា ដោយសារខាងខ្លួនមានភស្តុតាងថ្មី ដែលជាហេតុផលនៅពីក្រោយការសើរើក្ដីម្ដងទៀត។

គួររំលឹកថា បន្ទាប់ពីការកាត់ក្តីរយៈពេល ៦ សប្តាហ៍ គណៈវិនិច្ឆ័យចំនួន ៧ រូបបានសម្រេចឱ្យ Amber Heard ជាអ្នកចាញ់បណ្ដឹង ដោយនាងជាប់ទោសពីបទបង្ខូចកេរ្តិ៍ឈ្មោះតារាសម្តែង Johnny Depp និងត្រូវផ្តល់សំណងដល់លោកចំនួន ១៥ លានដុល្លារ ប៉ុន្តែ Amber ទទូចថាខ្លួនគ្មានលទ្ធភាពបង់ប្រាក់ ហើយពេលនេះនាងកំពុងព្យាយាមប្ដឹងទៅឧទ្ធរណ៍៕

ប្រែសម្រួល៖ សន្យា

ចុចអាន៖ Amber បង្ខំចិត្តលក់ផ្ទះ យកប្រាក់សងជំងឺចិត្តអតីតស្វាមី

The post មិនព្រមបញ្ចប់ Amber ប្ដូរមេធាវី ដើម្បីប្ដឹង Johnny ទៅឧទ្ធរណ៍ appeared first on Kampuchea Thmey Daily.

តារាស្រី ៣៦ឆ្នាំរូបនេះ ត្រូវបានគេរាយការណ៍ថា មកទល់ពេលនេះនាងរកប្រាក់បានតែ ៥០ម៉ឺនដុល្លារប៉ុណ្ណោះ ហើយឥឡូវនាងកំពុងលក់ផ្ទះតម្លៃ ១.០៥លានដុល្លារ នៅទីក្រុង Yucca Valley រដ្ឋកាលីហ្វ័រញ៉ា ដើម្បីសងថ្លៃខូចខាតជូនអតីតស្វាមី។

គេហទំព័រ​ព័ត៌មាន Bang បានឱ្យដឹង​​ថា Amber Heard ​ពុំមាន​លទ្ធភាព​សង​ថ្លៃ​ខូចខាត​ដែល​ត្រូវ​ផ្តល់​ឱ្យ Johnny Depp នោះទេ ទើបពេលនេះនាងបង្ខំចិត្តលក់ទ្រព្យសម្បត្តិដែលមានទាំងប៉ុន្មាន ដើម្បីសងបំណុល៕

ប្រែសម្រួល៖ សន្យា

ប្រភព៖ Bang

ចុចអាន៖ ក្រុម BTS ទទួលបានឱកាសពិសេស ពេលកំពុងបំពេញកាតព្វកិច្ចយោធា

The post Amber បង្ខំចិត្តលក់ផ្ទះ យកប្រាក់សងជំងឺចិត្តអតីតស្វាមី appeared first on Kampuchea Thmey Daily.

ក្រុមអ្នកច្បាប់របស់ Amber បានដាក់ការជូនដំណឹងអំពីបណ្តឹងឧទ្ធរណ៍ទៅកាន់តុលាការឧទ្ធរណ៍រដ្ឋ Virginia ដោយស្វែងរកការលុបចោលសេចក្តីសម្រេចនៅថ្ងៃទី១ ខែមិថុនារបស់តុលាការ។

បន្ទាប់ពីការកាត់ក្តីតាមទូរទស្សន៍រយៈពេល ៦សប្តាហ៍ គណៈវិនិច្ឆ័យចំនួន ៧នាក់បានសម្រេចឱ្យ Amber ចាញ់ក្ដី ដោយចោទប្រកាន់នាងថាបានបង្ខូចកេរ្តិ៍ឈ្មោះ Johnny ហើយអតីតស្វាមីរូបនេះទទួលបានសំណងចំនួន ១៥លានដុល្លារ ខណៈ Amber ទទួលប្រាក់សំណងចំនួន ២លានដុល្លារ។

មេធាវីរបស់ Amber បានប្រកែកថា នាងបានប្រាប់ការពិត ហើយថាការអត្ថាធិប្បាយរបស់នាងត្រូវបានគ្របដណ្ដប់ដោយវិសោធនកម្មទីមួយនៃរដ្ឋធម្មនុញ្ញរបស់សហរដ្ឋអាមេរិក ទើបនាងមិនទាន់ទទួលបានយុត្តិធម៌ពេញលេញនោះទេ ហើយពេលនេះពួកគេកំពុង​ស្វែង​រក​ការ​ធានា​ឱ្យ​បាន​នូវ​យុត្តិធម៌ពិតប្រាកដ​តាម​រយៈ​ការ​ប្តឹង​ឧទ្ធរណ៍។

គួរបញ្ជាក់ថា បណ្ដឹងថ្មីនេះបានប្តឹងដល់ឧទ្ធរណ៍លើដីកាសម្រេចចុងក្រោយនៅថ្ងៃទី២៤ ខែមិថុនា និងដីកាចុះថ្ងៃទី១៣ ខែកក្កដា ប្រឆាំងនឹងចំណាត់ការក្រោយសវនាការលើ Amber៕

ប្រែសម្រួល៖ សន្យា

ចុចអាន៖ អតីតភរិយា Johnny ស្នើកាត់ក្ដីម្ដងទៀត តែចៅក្រមបដិសេធ

The post Amber នៅតែមិនសុខចិត្ត​លើសេចក្តី​សម្រេចរបស់តុលាការ​ ​ពេលនេះកំពុងបន្តប្ដឹងទៅឧទ្ធរណ៍ appeared first on Kampuchea Thmey Daily.