Hailey Bieber ស្នើឱ្យអ្នកគាំទ្រឈប់រិះគន់ Selena Gomez

ក្រោយពីមានជម្លោះជាច្រើនលើកមកនិងដើម្បីដោះស្រាយពាក្យចចាមអារ៉ាមនៃការមិនចុះសម្រុងគ្នា Hailey Bieber បាននិយាយម្តងទៀតដើម្បីជម្រះមន្ទិលទាំងនេះ ហើយបានស្នើឱ្យអ្នកគាំទ្រកុំរិះគន់ Selena Gomez បន្ទាប់ពីតារាចម្រៀងរូបនោះទទួលនូវភាពចម្រូងចម្រាសនៅលើអ៊ីនធឺណិត។

ជាក់ស្តែង កាលពីពេលថ្មីៗនេះ Selena Gomez មានការរិះគន់នាង នៅពេលដែលនាងបង្ហោះរូបភាពថ្មីរបស់នាងជាមួយឈុតសំលៀកបំពាក់របស់ម៉ាកយីហោ Balenciaga ។ គួរបញ្ជាក់នៅពេលបច្ចុប្បន្ននេះម៉ាកយីហោ Balenciaga កំពុងតែទទួលបានពហិការបន្ទាប់ពីចាប់ផ្តើមយុទ្ធនាការផ្សាយពាណិជ្ជកម្មដោយប្រើប្រាស់កុមារផ្សាព្វផ្សាយផលិតផលដូចជាប្រដាប់ក្មេងលេងជាមួយឧប្បករណ៍ sex toys ទើបមានការចោទប្រកាន់ម៉ាកយីហោមានបំណងបៀតបៀនផ្លូវភេទដោយចេតនា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នោះអតីតតារា Disney បង្ហោះរូបថតក្នុងសម្លៀកបំពាក់របស់ម៉ាកយីហោ នេះគឺត្រូវបានទស្សនិកជនរិះគន់ភ្លាមៗ។ ក្នុងចំណោមការអ្នករិះគន់ជាច្រើនបានក៏មានអ្នកគាំទ្រ Hailey បន្តិចក្រោយមក Hailey បានសុំឱ្យទស្សនិកជនឈប់ធ្វើបាប Selena Gomez ។ Hailey បាននិយាយទៅអ្នកគាំទ្រថា”ប្រសិនបើអ្នកទុកមតិអាក្រក់ ឬការជេរប្រមាថលើការបង្ហោះរបស់នរណាម្នាក់ជំនួសខ្ញុំ សូមដឹងថា ខ្ញុំមិនដែលគាំទ្រ និងអត់ឱនចំពោះមតិដែលគួរឱ្យស្អប់ខ្ពើម និងអាក្រក់នោះទេ។ នេះមិនគាំទ្រខ្ញុំទេ។ សូមនិយាយពាក្យល្អ”។

យ៉ាងណាមិញកាលចុងខែមីនា ទាំង Selena និង Hailey បាននិយាយគ្នាអំពីទំនាក់ទំនងរបស់ពួកគេ។ ដូច្នោះហើយ តារាទាំងពីរបានបញ្ជាក់ពីបំណងចង់ឱ្យរឿងអាស្រូវទាំងអស់បញ្ឈប់ ហើយក្នុងពេលតែមួយអ្នកទាំងពីរបាន followed គណនី Instagram ទៅវិញទៅមកផងដែរ ៕

ប្រែសម្រួល៖នាងតូច

ចុចអាន៖អ្នកជំនាញសុខភាពព្រមានគ្រោះថ្នាក់នៃការត្រាំខ្លួនក្នុងទឹកកកដូចជា Hailey Bieber